قصة عاندت اهلي واهلها

البارت الثالث والثلاثون

///بارت ثلاث وثلاثون ///
//
قصة #عاندت_اهلي_واهلها ///
///بقلم الكاتبة #بنت_الحجي ///

سيف   :-  انت مكانك مو هنا بصين
منير    :-  اي والله حضي الفكر جابني هنا ... هههه

سيف   :-  هههه ها انشوف غيرها لو عجبتج
زينب   :-  لا هاي حلوه

سيف   :-  يلا خوش ... رحت انطيت افلوسها  ،،،،
والعنوان ... اسبوع وتوصل .. على مااكمل صبغ الغرفه ...
طلعنا من المحل .. ساعه 12 له ربع ...
مريت على مطعم ... شتردون الفات ...
منير    :-  اني اي شي لان صبح بس جاي شربت ..

سيف   :-  وانتو ...
زينب   :-  بكيفك ...
سيف   :-  ههه خوش .. نزلت .. وصيت على الفات كص .. وببسيات ...
منير     :-  تبارك ارجعج اللبيت لو تروحين الابوج
تبارك    :-  لا اللبيت .. صادق وعمتي يمه ..

زينب   :-  خير شبي ابوج
تبارك   :-  كلياته تعبانه ...
زينب   :-  سلامته انشاءالله .. وامج .. طيبه مو
تبارك   :-  لا متوفيه من جان عمري 7 اسنين ..
زينب   :-  اوف الله يرحمها حبيبتي

منير     :-  اني امها وابوها .. مو توته 😉
تبارك   :-  طبعا ياكلبي شعندي غيرك .. 😍
زينب   :-  هههه الله يسعدكم ..

منير    :-  رحمله والديج .. والله اشكد كيفت من السيد وافق ينطي السيف
جنت اني مجلوط  .موسيف
زينب    :-  هههههه

تبارك    :-  صدك شافج بكربلاء سيف هههه
زينب    :-  هه اي صحيح ...

منير      :-  اي زحفلها ... وخلاها براسه .. عمي خوش زلمه سيف والله ..
زينب    :-  اي والله ...

تبارك    :-  وانت مازحفتلي .. على اساس 😞
منير      :-  لا مازحفت اني علقت على منشور وانتي تعليقج جان مو منطقي رديت عليج ...
زينب    :-  كاعده اسمع اسوالفهم ... واضحك ... اشلون عرفتي

تبارك    :-  احجي لو انت تحجيلها منير
منير     :-  ههههههه لا انتي احجي  ... خل اشوف منو زحف الثاني
تبارك    :- باعي  .. جان اكو منشور بالفيس .. واحد ناشره .. المنشور مكتوب بي ... اكثر صفه مكروها بشاب .. واكثر صفه مكروها بالبنات .. اني علقت اكثر ... شي مكروه ..  _____هوه ميوفي بكلمته .. من صفات الرجال  .هوه مصداقيت كلامه ...

زينب    :-  صح ..
تبارك    :-  اجه منير علق وراي .. /___ البنات مكروهات .. مابيهن شي ينحب ...
رديت عليه ... الازم وحده ضربتك بوري .وهيج تحجي
زينب   :-  هههههههه

تبارك   :-  جان ايرد عليه دشوفي تعليقج .. هم مضروبه بوري .. واحد يمكن ماطلع كد كلمته .. وتكافشنه واحد ايرد على ثاني .  اخر شي دخل صاحب المنشور .. كال رجاءا اتعاركو بالخاص مو هنا ... بس عوزكم بوري .. واحد ايهد على ثاني 😂😂😂😂

منير     :-  هههههههه
زينب   :-  هههههه
تبارك   :-  اني رحتله على خاص كتله .. مو كل اصابعك سوا حتى تحجي على البنات .. ومااسمحلك اتكول واحد ضاربج بوري ...
كام واحد ايدز الثاني وشقه صار .. وصرنه هيج
زينب   :-  هههه حلوه قصتكم ..

سيف    :-  هاكم ...
زينب    :-   طلعت الفه المنير .. وسيف وتبارك هم ..
فتحت الببسي السيف ..لان جاي ايسوق ..
هاك
سيف   :-  شكرا .

زينب   :-  ولو .. وصل منير وتبارك .. قريب على منطقتهم .. نزلت صعدت يم سيف ..
سيف   :-  بعدها ايدج توجعج ..
زينب   :-  اي والله .. وخرت العبايه شفتها زركه صايره
سيف   :-  يلا كم يوم ايروح الزراك ...

وصلتها اللبيت .. نزلت شربت مي وطلعت ..
جنان    :-  اشوكت يطلع تحليل
زينب    :- الثنين .يطلع .. . يمه العرس مبقاله غير 11 يوم ..
ام موسى   :-  اي رحت اللخياطه انطيتها القطع مالاتج كتلها اتخيطهن ..

جنان   :-  7 كافيات .. اشتري حاضر بعد
زينب   :-  ماادري والله .. اسراء من خابرتني البارحه .كالت امي جابتلج كلبيتين .. هم
ام موسى   :-  هاي هيه كلش كافيات .. ماكلج اشوكت تشترين نيشان ..
زينب    :-  لا مكال . بس شوفو غرفة العرس .. بس لا تحجن .. جنه كاعدين بالمطبخ كلهم طالعين بس امي وجنان ...

ام موسى   :-  اشوداكم اكو اتاخرتو ..
زينب    :-  اي اشترينه غرفه .. وصديق سيف هم اجه سوه تحليل هوا وخطيبته .. وراحو ويانه اللغرف ..

جنان    :-  الله اتخبل ..
ام موسى  :-  اي حلوه بالعافيه .. بس ميصر على كنتور نضده ..
زينب   :-  يو يمه اني مااحب النضده ..

اسبوع وتوصل .. الغرفه ..
جنان     :-  هوه صبغ الغرفه بعدها
زينب    :-  حلو صبغا .. بس ايريد ايسوي بيها ديكورات وبسكف هم جاي يشتغل بيها ..

سيف   :-   رجعت اللبيت غيرت ملابسي ...
ام حسن  :-  هاا يمه شكالولكم ..
سيف   :-  الثنين يمه يوصل اللمحكمه تحليل ... وروح نعقد ..
فاتن    :-  سيف ولد بالباب ايريدك ..
سيف   :-  منو ..

ام حسن  :-  دنزل يمه شوفه .. وتعال اتغده ويانه ..
سيف   :-  ماريد اكلت يمه .. نزلت .. طلعت ولد من المنطقه .. اجاني .. بشغله ..

سرى    :-  يمه . خل تجي زينب من سوق الميثاق تشتري نيشانها ..
فاتن   :-  نفس السوق الرحناله مو
سرى  :-  اي نفسه ..
ام حسن  :-  اخاف اهلها مايقبلون

همه ماشوفيهم اشلون مشددين ..
سرى    :-  شعلينه بيهم احنه  هيه راح تجي يمنه شنو ميخلوها ..

فاتن    :-  ليش هيج اهلها .  مشددين
ام حسن  :-  عالم ملتزمين ..همه ومايقبلون .. شنسوي

فاتن   :- ولو بس هوه عاقد عليها مبقه شي العرسهم .خطيه حتى مطالع وياها . 

ام حسن   :-  شنسوي الاهلها .. اخابر ام موسى اذا قبلو تجي منا نشتريلها ماقبلو انطيها افلوس هيه اجهز نفسها ..
سرى     :-  اممم شمدريني .. اكلج هيه تبقه تلبس عبايه من تجي هنا ..
ام حسن  :-  شبيها العبايه حلوه عليها
سرى     :-  ادري حلوه بس ملابسها اطول ماشفتيها بعرس حسن ...

ام حسن   :-  بكيفهم شعلينه احنه ..

جنان    :-  زينب
زينب    :-  ها
جنان    :-  عمه اتريدج جوه يمها ام ستار .
زينب    :-  خير انشاءالله شكو .. نزلت اشلونج خاله ..
ام ستار :-  هلا بيج حبيبتي اشلونج
زينب    :-  الحمدالله خاله ... كعدت يم امي ..

ام موسى  :-  ام ستار اجت اتكول اريد احجي وي زينب ..
زينب    :-  اتفضلي خاله كولي
ام ستار :-  والله خاله جنت اني بديوانيه . رحت البيت اخوي واني بدون متدرين اخذتلج صوره . بعرس اختج .
.وشوفتها الابني ..

زينب   :-  بقيت صافنه شنوو مصورتني بقيت اباوع على امي
ام موسى   :-  صدك جذب خيه اشلون ..اصوريها .
وبناتنا امفرعات
ام ستار   :-  لا والله خيه .مااقصد بيها وتعرفين اشكد اغز البنات رابيات على اديه هنا وردتها لوليدي .. بس شوفته الصوره مسحتها ..

ام موسى   :-  والله ياام ستار ماحبيتها منج ..
وزينب مخطوبه عرسها هل ايام .
ام ستار   :-  والله ماجنت اعرف بخطبتها كتلج جنت بديوانيه صارلي فوك الشهر هناك .. وابني حيل انعجب بيها ومن حجيتله على بناتكم .. كال محد شايفهن ..

زينب   :-  ياربي شحجي
ام موسى   :-  جان حاجيه مو اصورين . واذا اصوره بعدها امسحيها .. خيتي
ام ستار   :-  وداعت ستار مسحتها . خيه .. يعني هسه صدك مخطوبه . مابيها مجال

زينب   :-  صدك ضجت منها اشلون اصورني وجنت لابسه قصير والله ماتستحي . صح احبها  وعشرت عمر . بس مالها حق .. اذا ماصدكين خاله هاي حلقه بيدي سويتها بضحك . وكمت ومنها
ام موسى   :-  انشاءالله تلكون بنت الحلال له ..

ام ستار    :-  مشكوره واعتذر اخاف ضجتي والله زينب مثل بناتي .. مااقصد بيها شي ..
ام موسى   :-  ولايهمج بس تااكدي من صوره خيه .
ام ستار      :-  والله مسحتها بيدي .. لا تخليها بالج . والله يسعدها يلا اترخص اني

ام موسى   :-  الله وياج خيه

زينب    :-  شهل مره هاااي اشلون اصورني
ام موسى  :-  صوتج لايسمع موسى .. كالت مسحتها اني هم ماقبلتلها ..
زينب    :-  والله مااحترم هيج مره عيب عليها ..
ام موسى  :-  جانت اتريدج يمه يلا الله ايسامحها .. لا تتحسبين عليها ...

سيف    :-  كملت من الغرفه طلعت باليل اللقناة .. مو بس تعبان هلكان من تعب بطريق خابرت زينب .. اليوم ماكو اختفت من وصلتها .. __الووو 📱
زينب   :-  هلا حبيبي 📱  اشلونك
سيف   :-  الحمدالله وين اشو ماسئلتي ولا خابرتي بعد
زينب   :-  ردت اخابرك واجت جوارينه .. وصليت وسوينه عشه .. والله
سيف   :-  الله ايساعدج حبي

زينب    :-  ياروحي . انت وين صوت شارع
سيف    :-  رايح اللقناة عندي شغل اليوم مارحت الصبح . ومنير هم مرايح .  تعبان الله
زينب    :-  الله ايساعدك ياعمري كملت الغرفه  بعدك
سيف    :-  اي كملت .. كلش حلوه صارت .. اجه سعد صديقي كملها وياي ..
زينب   :-  ها ليش ماصورتها اشوفها  .

سيف    :-  والله نسيت .. من ارجع اصورها .
جنان    :-  زينب صدك جايج خطابه .___😂😂😂😂
زينب   :-  اشش😲
سيف   :-  ياااخطابه ... !!!!!!!!؟

جنان   :-  فلك اصابني ماادري اتخابرين
زينب   :-  خرررررب حضي   .. الووو حبيبي
سيف   :-  هاي ياخطابه ... ؟؟؟؟؟؟؟؟؟؟؟

زينب   :-  يمعود جوارينه .. اجت جانت بديوانيه متعرف انخطبت واجت اليوم ... 😐
سيف   :-  لا والله ...
زينب   :-  اي

سيف   :-  صدك ضجت ومنوو هذا المخلي عينه عليج بله
زينب   :-  منو مخلي عينه هيه اجت اتريدني الابنها .. حتى مااشايفته والله .
سيف   :-  لعد وين شافج هل كلب ..
زينب   :-  سيف هاي شبيك  . شمدريني يمكن هيه حجيتله عليه .. اصلا هوه مو هنا كالت بديوانيه . عايش يم خواله

سيف   :-  هااا والله وكعتي اسمعين الحجي .. انتي
زينب   :-  اوف سيف غير الموضوع . اني شعليه
سيف   :-  لا تخليني .. هسه اسب شنوووو طرطور اني متعرف مخطوبه . وجايه . لو مشايفج اشلون ايدز امه

زينب    :-  بقيت ساكته شحجي يعني اكله مصورتني غير ايروح يحركها هيه وابنها ..

سيف    :-  هاااا سكتي .
زينب    :-  سيف كتلك مشايفته .. شسالفه .
سيف    :-  منااا وهيج طلعه ماكو افتهمتي لحد ماااكمل غضب هل سوالف واخذج .. يلا روحي ..

زينب    :-  سيف .
سيف    :-  باي ... سديته بوجها فار دمي .. كلب ابن الكلب داز امه ..  العار .. مخلي عينه على وحده مخطوبه ا

ايغشم روحه هوه وامه .. شهر ونص خاطبين ..

وصلت اللقناة فاير دمي ...

زينب    :-  هذا شبي سده بوجهي .. مايثق بيه شنوو
جنان    :-  يااا شبي هذاا .. شلون سمع صوتي واني احجي وياج من يم المغسله .. 

زينب   :-  اووف شمدريني سمع بعد

مرتضى  :-  هلا بسيوفي
سيف     :-  هلا حبيبي اشلونك ..
مرتضى  :-  الحمدالله شبيك ضايج خير
سيف     :-  لا بس تعبان والله ..  منير مااجه شنو
مرتضى  :-  لا اجه جوا جاي ايشد بالستيج ..

سيف    :-  ها خوش  رحت هم اشتغل .  
زينب    :-  صدك ضجت هسه اني شعليه بله . انوب ايسده بوجهي الحمدالله وشكر اي والله ...

هديل   :-  شنووو هاي كلمن يخطب بعد منشوفه له بصدف
سيف    :-  هلا هديل اشلونج ..
هديل    :-  الحمدالله انت اشلونك .. شخبارك ..
سيف    :-  الحمدالله.. واكفه متخوصره وتحجي ماهتميت لها ...
هديل   :-  اشلونها المره ..
سيف    :-  الحمدالله بخير
هديل   :-  ههه دومها .. شايفتها بعيونك هنيالها

سيف    :-  شعندي غيرها 😒
هديل    :-  ايي الله يسعدكم ..
سيف    :-  اشكرج عفتها  . وطلعت من البراست بلش برنامجهم ..

زينب   :-  صارت ساعه بالوحده وسيف مادك . عليه .  اهو ياربي.. خل ادك اني ... 📱 اتصل .. هذا وين ليش مايرد بله ..
عفت تلفون بصفي اريد انام مااكدر .. مامتعوده انام بدون مااحجي وياه .. هسه رجع بعده بشغل ...

سيف    :-  رجعت اللبيت ساعه 1 له ثلث .. فتت سبحت سوتلي سرى عشه اتعشيت صعدت نمت جوا غرفتي بيها ريحت صبغ وفارغه .. الغرفه اخذتها سرى لها

شفت زينب اتصلت .. مارديت ..
زينب    :-   خل ادزله رساله ... 📱💭  ليش مجاوب والله بالي يمك اذا كاعد خابرني . مجاي يجيني نوم ترى

سيف    :-  باوعت كلبي مينطيني دكيت عليها .. الوو 📱
زينب    :-  فز كلبي من اتصل الوو ها كلبي ليش مرديت
سيف    :-  بكيفي  ليش منايمه
زينب    :-  شتعرفني انام بدون صوتك ...

سيف   :-  اممم . يلا نامي ..
زينب   :-   انت نام اكيد تعبان ياروحي ..
سيف   :-  اي والله ...
زينب   :-  احبك والله ..
سيف   :-  اموت عليج اني .. عفنا الخط مثل كل يوم ..

زينب   :-  مر يومين .. اجت خاله ام حسن على اساس اتريد اروح نشتري نيشان من يمهم ابوي ماقبل .. اروح هناك ...
انطتنه افلوس .. وراحت سيف كلش ضاج .. من تصرف اهلي احنه ماعدنه ابنيه اتروح الاهل خطيبها .  حتى اذا كرايب ...

اخذت امي وكوثر ورحنا السوك الكاظميه ...
كوثر    :-  اول شي ناخذ ملابس مال طلعه ..
زينب   :-  اي اخذت 2 بناطير واحد نيلي وثاني اسود .. وياهن قميص نيلي واحمر وثاني ابيض .. وبي بزون ذهبي كلش حلوو .. وفستان طويل .. ماروني .. وثاني .. وردي وبي ورد اسود .. هم حلو وشلات وجنط واحذيه..

ام موسى   :-  اخذي من هاي الكلبيات حلوات ..
كوثر   :-  اي كلش حلوات

زينب    :-  اخذت اربعه رياضيات ... اصفر وزيتوني .. وسمائي .. وجوزيه ... شفت وحده سوده الحد الركبه .. والباقي شراشب نازات اتخبل مال وحده تلبسها بالغرفه .. مو جوا ... اخذتها ....

كوثر     :-  من نرجع البسيها اريد اشوفها عليج .. مو بس سيف ايشوفها هههههههه
زينب    :-  تدللين .. ههههههه

فتنا محل ملابس نوم اوويلي 🙈 اخذت 8 سيتات ..
كل الاوان .. من كل واحد مديل ..  واحد قصير ابيض مال العرس . ____ 

اشتريت مكياج وعطورات .. واخذت حجل كلش حلو هندي ... وكرستال مال شعر وهيج شغلات .. رجعنا .. محملين بالكياس ...

جنان     :-  يا تااخرتن
ام موسى   :-  شنسوي وكعن رجليه والله انطيني مي بارد
زينب     :-  ركضت جوا المكيف ذبيت العبايه والحجاب مددت رجليه ... ههههههه

كوثر    :-  ههههه وكعت رجليه سجاااد وين اخوك
سجاد   :-  هذا بيده تلفون  يلعب

كوثر     :-  والك لا يعطله بعده جديد

سيف    :-  كملت الغرفه .. كلها ركض بركض .. الغرفه باجر توصل وباجر نكطع مهر بالمحكمه ..
حسن انت هناا باجر اخاف ايجيبون الغرفه

حسن    :-  اي اني هنا روحو.
سيف     :-  خوش .. لعد ...

زينب    :-  ارتاحيت ... كمت اقيس الملابس .. ماكو احد بس احنه البنات بالبيت ..
البست الدشداشه السوده والبست الحجل .. فتحت شعري .. يمي شال امي سويته مثل العصابه ونزلتلهن ... هااااا حلوه ههههههه

كوثر    :-  هههههههه اتخبل عليج ..
ام موسى  :-  هههه كلش حلوه
جنان    :-  شوفي طالع مهدي العبودي اخذيلج هزه خل انشوف دشداشه عدل ههههههههه😂

زينب    :-  ماكلت لا .. دخلت اللستقبال عليت الصوت واركص .. ايكمز حمودي وياي ... هههههه

ام موسى    :-  خبال ههه ولج نصي الصوت هسه يجي جعفر
زينب    :-  فرحانه بعرسي .. ولاجني اسمع اركص وي حمودي ...
سجاد    :-  خوش عروس مستهتره 📱😂

كوثر     :-  والك لاااا صور ادبسز
زينب    :-  سمعت الباب يندك طفيت التلفزيون صعدت اركض ... هههههههه

لكل      :-  😂😂😂

جعفر   :-  شنوووو هذالصوت
كوثر    :-  شبيك حمودي جان يركص ... 😐

زينب    :-  صعدت بدلت ونزلت صبينه غده ..
وكعدنه نتغده ....

جعفر    :-  ابوي اذا اليوم ميجي منوو ايروح وياكم اللمحكمه

ام موسى   :-  لا يجي اشلون ميجي ..
زينب    :-  كوثر اشو مجبتي المواد مال الكليجه مو كلتي تردين اكليجه

كوثر    :-  اهووو واكول اشناسيه هسه ياكل راسي قاسم
جنان   :-  ارتاحي وروحي الهذا السوك جيبيهن ..
كوثر    :-  اي حتى انسويها اني وياجن مااكدر وحدي هناك ...
زينب   :-  اي خوش .. جيبيهن ونسوي ... دك تلفوني سيف كمت من الاكل ..

الوو 📱هلا حبيبي
سيف   :-  هلا كلبي رجعتي بعدج
زينب   :-  اي رجعنا من 2ونص .. وجاي نتغده ..
سيف   :-  ها الف عافيه ... يلا كملي غداج
زينب   :-  انت اتغديت بعدك
سيف   :-  اي كلت خل اخابرج قبل ماانام ..
زينب   :-  نوم العافيه حبي يلا نام

سيف   :-  باي
زينب   :-  باي ... كملنا غده غسلت الماعين جنان اني مسحت البيت ..
كوثر     :-  سجاد جيبلي تلفون ..
سجاد   :-  هاج

كوثر    :-  زينب ختليلي حمودي خل اطلع لايشوفني
زينب   :-  جاي يلعب اطلعي ...

اجه ابوي .. .. اللعصر اجت فاطمه ... يمنا . اليوم اجازتهن يمنا ايباتن

فاطمه    :-  الله روب العرس ايخبل
زينب     :-  كدامج
فاطمه    :-  لا حبيبتي بالعافيه .. العندي لابسته بس مره وحده .. مالي واهس حتى ابدل من حبلت الهسه

جنان      :-   اي والله حتى اني
فاطمه    :-  هاج زينب اشتريتلج برمودات البسيهن بالغرفه 
زينب    :-  مشكوره حبي  امي هم جابتلي اثنين ذاك اليوم .. خليت جهازي بجنطه كبيره ... ..

ام موسى    :-  هااا كوثر اشبي وجهج اصفر
كوثر    :-  اوف يمه شحجي ...
ام موسى   :-  احجي ولج شكوو
كوثر    :-  واحد من رجعت جر جزداني مني صاعد بماطور

ام موسى   :-  الله لااايوفقه صدك تحجين ...
كوثر    :-  اي والله يمه شارع فارغ بقيت ادك والطم ..

جنان    :-  تعالن بنات .. اجت كوثر مبيوك جزدانها خطيه
زينب    :- ياااااا صدك نزلنا نركض  خطيه كاعده بالكاع وجها اصفر
ام موسى   :-  انعل ابو الفلوس همزين انتي مابيج شي واذا على تلفون فدوه ..
كوثر    :-  فدوه   يمه .. بس راح كلبي .. من الهبطه

فاطمه   :-  يامسكينه ماعندج حظ ذاك اليوم اشتريتي تلفون ..
كوثر      :-  شسوي خيه ...

ام موسى   :-  خوو مابي شي تلفونج
كوثر    :-  لايمه قبل اسبوع جابه قاسم بس صور جهال ..

زينب    :-  يلا فدوه يمعوده ...
موسى   :-  خير شكو شبيج
ام موسى  :-  واحد على دراجه جار جزدانها . منها .
موسى    :-  منوو هذا وين اخذه

كوثر     :-  بشارع مال الحديقه الكبيره جاي امشي وفات من يمي وجره ..
موسى  :-  صدك جذب غير تنتبهين شبي جزدانج
كوثر     :-  افلوس بي يمكن 35 وتلفوني
موسى  :-  تلفونج خومابي صور لو شي
كوثر     :-  لا جديد مابي بس صور جهال .. بس كل الارقام بي .. دكلي على قاسم لا يخابر ويضل باله .. 
موسى   :-  هسه اخابره ...

فاطمه   :-  هههههه وعلي هاي لو اني اكعد بشارع ادك ولطم
زينب    :-  هههههههه المهم سلامتها يمعوده
كوثر     :-  هوه همزين ماجر عباتي وسحلني ههههه

فاطمه   :-  ههه هلا بنت السيد تجي بطرك دشداشه ..حتى ابوي هم ايسحلج اشويه .. 😂

سيف     :-  صارت ساعه 12 رجعت من الكهوه خابرت زينب  📱
زينب    :-  اي يمي فاطمه وكوثر .. خطيبه باكو تلفونها اليوم

واحد على دراجه صاعد جره منها .

سيف   :-  خطيه .. ماتعرف هل ولد يعني
زينب   :-  لا ماشايفه وجه بسرعه فايت من يمها اجتنا وجها اصفر  .ههه
سيف    :-  لا يا مسكينه ام سجاد .. تلفونها عاد بي صور رمز شي
زينب   :-  لا اتكول مابي صور بس مال جهالها .. بس ماادري  كوثر تلفونج بي رمز

كوثر     :-  لا مابي هيج عايفته شلحكت احطله رمز مايتهنا بي انشاءالله ..

زينب    :-  لا ماحاطه .... .
سيف    :-  المهم مابي صور .. يلا اخذي راحتج .. اعرف متاخذين راحتج بالحجي باجر اكعدي من وكت جنت احجي وي ابوج المغرب
زينب    :-  اي كالتلي امي ..
سيف    :-  اي نلتقي بالمحكمه .. حبيبتي نامي هسه لا سهرين ..

زينب     :-  صار تصبح على خير
سيف     :-  لا حبيبي اليوم ولا شي ..
زينب     :-  هههههههه محضوره اليوم ... مشيها
فاطمه    :-  اليوم على كلبكم احنه .. نامو يلا ههههه

سيف     :-  ههههه كليلها زيتونه .. 
زينب    :-  اكولج زيتونه  هههه
فاطمه   :-  هههههههه هم يجي يوم مرتك اصير مثل زيتونه اذكرك
زينب   :-  ههههه ابقه اطول منج اني  ..
سيف   :-    يلا كلبي سهره سعيده .. باي
زينب   :-  باي ..

ويتبع ... قراءة ممتعه الجميع