الحلقه السادسه:-
___________
المتمرده ج2:-
___________
عماد كان اعد مع ابو هيام بيحددوا المكان و الفرح و كل حاجه
عماد:-انا مش بحب خطوبه و كده هيبقي فرح علطول
هيام:-معلش يا بابا لو سمحت بس انا مش موفقه
عماد:-مهو ايه لزمه الخطوبه و الكلام ده؟
هيام:-لا ليه لزمه طبعا
ابو هيام:-طب معلش عشان خاطر العروسه نعمل خطوبه
عماد بضيق:-الي تشوفه...انا مبعتش الشقه الي فوق و ممكن نفرشها جديد و تعيش جمب حضرتك
الفكره عجبت هيام جدا
ابو هيام:-رأيك ايه يا عروسه؟
هيام:-اه كده احسن يا بابا عشان ابقي جمبك
عماد:-طيب نخلي الخطوبه بعد اسبوعين
ابو هيام:-طب ليه كل المهله دي كفايه اسبوع واحد
عماد بحماس:-تمام ماشي
ابو هيام:-ع بركه الله
عماد بص لهيام و ابتسم:-ع بركه الله
لكن هيام كان نفسها روح تكون لسه جمبها لغايه دلوقتي..
_________________________________
فاتن:-بجد؟؟
ادهم:-انا مبهزرش بس مفيش صحاب و لا حاجه و مفيش شقه و لا الدور الرابع في اوضتي هتشرفي معايا في الاوضه ماشي
فاتن بفرح:-موافقه
و خرجت جري و كأنها خيفه لادهم يغير رأيه
شويه كده موبايل ادهم رن
دولت:-الو
ادهم:-الو يا ماما
دولت:-عين العقل و متخفش هيكون في السر و ان شاء الله فلوسك هتتثبت باسمك يا حبيبي اول ما ...
ادهم:-ماشي
دولت:-مبروك
ادهم:-متشكر...
فقل معاها و اترمي ع الكرسي
ادهم:-اسف.....اسف يا روح!
_________________________________
روح اعده بتسمع اغاني و و بتقرأ كتاب علي ضوء الابجورا و قفله كل الانوار و موطيه الاغاني زي ما ادهم قال
روح:-وحشتني اوي ا ادهم!
تليفونها رن جمبها
روح:-هيااااااااام!
وقفت الاغاني
روح:-الو
هيام:-رورو عامله ايه
روح:-تمام الحمد لله
هيام:-زغرطيلي زغرطيلي
روح:-مش هينفع اعلي صوتي بس ليه؟
هيام:-مش انا هتجوز
روح بفرحه:-والله؟الف الف مبروك مين؟
هيام:-عماد الواد امور اوي ههههههه
روح:-يخرب بيت عقلك
هيام:-مش زي ادهم ههههههه
روح:-بت احترمي نفسك و بعدين انتي شوفتيه فين؟
هيام:-في المجله لما......
روح:-مجله ايه؟
هيام:-ايوه زمان يعني
روح بعدم تصديق:-اااااه
هيام:-المهم...يوم الجمعه خطوبتي و هتيجي
روح:-طب مهو...
هيام:-روح متهزريش معايا لو سمحتي عشان متتجنش عليكي انتي هتيجي يعني هتيجي
روح:-حاضر يا ستي لما ادهم يجي الخميس...
هيام:-استني!...هو ادهم مش معاكي
روح:-هيجيلي مره في الاسبوع
هيام بضيق:-روح مش لازم تثقي اوي كده فيه ايش ضمنك هو بيعمل ايه في القاهره
روح بزعل:-هيام!لو سمحتي انا وثقه في ادهم مبيعملش حاجه ابدا
هيام:-ماشي انا هقفل بقه
روح:-ماشي سلام
هيام بصت للمجله الي ع الطربيزه الي قدمها
هيام:-لا بيعمل يا روح....انتي الي مش عرفه!
__________________________________
ادهم روح بليل و دخل اوضته بسرعه و دولت قررت تروحله بنفسها اعدت تخبط و هو مش بيرد قامت دخلت لقته واقف و ثابت
دولت:-بتعمل ايه؟
فجأه وطي و رقع
ادهم:-الله اكبر!
دولت اندهشت لان ادهم عمره ما فكر يصلي ابدا و فضلت تتفرج عليه و هيه مبسوطه اوي رغم انها كانت بتصلي بينها و بين نفسها و عمرها ما قلتله صلي الا انها كانت مبسوطه
ادهم:-السلام عليكم و رحمه الله...
دولت:-انت بتصلي يا ادهم؟
ادهم:-اه يا ماما و ياريت انتي كمان
دولت:-انا بصلي علفكره
ادهم:-ماشي
دولت:-انت ايه الي خلاك تقرر فجأه انك...
ادهم:-الفلوس!و بس!
دولت:-فاتن بنت طيبه و...
ادهم:-مش هنرجع تاني للكلام عن فات يا ماما يلا تصبحي ع خير..
دولت خرجت و هيه مضيقه عشان طريقه ادهم و انو مش نافع معاه انها تعامله بسلطه او تعامله كأم..
ادهم طلع تليفونه و قفل باب الاوضه
ادهم:-الو
روح:-الو يا ادهمتي عامل ايه؟
ادهم:-الحمد لله ع كل حال بس وحش اوي من غيرك
روح:-و انا خيفه اوي و الله و عماله اشغل اي حاجه و اعمل اصوات في ال....
ادهم:-روح؟الو؟
روح:-ادهم النور قطع
ادهم:-قطع؟دي عمرها ما حصلت ابدا
روح بعياط:-ممكن تفضل معايا ع التليفون لغايه ما اجيب شمعه
ادهم:-ايوه طبعا يا حببتي بس اهدي ان شاء الله افضل معاكي لغايه ما النور يجي
روح:-آه!
ادهم:-ايه؟
روح:-مفيش اتخبطت انا خيفه و مش عرفه اتحرك و لا اوصل للشمع
ادهم:-استغفر الله....روح اجي؟لان النور مش قاطع انو مش بيقطع اكيد في قفله او....
روح:-او ايه؟
ادهم بقلق:- يارب استر
روح بصريخ:-او ايه متوترنيش؟
ادهم:-او حد فصل الكهربا من برا
روح اتجمدت في مكانها و اعدت تعيط زي الاطفال
ادهم:-ممكن تهدي و تسمعي...قوليلي انتي قافله ع نفسك كويس؟
روح:-اه و البلكونه و الشبابيك
ادهم:-خلاص بقه نعد نتكلم مع بعض معايا رصيد كتير
روح بدأت تطمن:-في الضلمه؟
ادهم:-بصي و انا بتكلم معاكي اوعي الموبايل من ع ودنك و نوري بيه
روح:-لحظه!
شويه كده...
روح:-الو
كان صوتها مرتاح شويه
ادهم:-خلاص؟
روح:-اه
ادهم:-دي اكيد قافله
روح:-طب اطلع برا الشاليه و....
ادهم بعصبيه:-انتي بتستهبلي؟
روح بتبص حوليها بتوتر
ادهم:-اهدي بقه و بطلي تشهقي كده و تعيطي...اجي؟اجيلك؟
روح:-لا لا يا ادهم خلاص اقفل
ادهم:-ابدا
فضلوا ساكتين
ادهم:-انتي كنتي هتعملي ايه
روح:-كنت هشغل اغاني و انام
ادهم:-ممكن ثواني بصي انا مش عارف اغاني كتير لاني مبقاش فاضي ليها بس في اغنيه قديمه اوي بحب اسمعها ثواني هشغلهالك
روح بضحك:-ادهم؟بطل جنون
مردش عليها و جلها الرد حاجه تاني...
**حبيبي و انت بعيد...
محتاج للمسه ايد..
من غير و لا همسه!
غمض و مد اديك...اول ما افكر فيك هتحس باللمسه!
بتقول لوحدك اااه و بقول لوحدي ااااه و بتتسمع وحده!
تبكي عنيا عليك تبكي عليا عنيك هيا دموع وحده..
عارفك و حاسس بيك و بشوف عينيك بعنيك و كأني بين حضنك!
و سعات عيوني كتييييييير تبكي عليك من غيير حزني و لا حزنك!
حبيبي و انت بعيد.. محتاج للمسه ايد
من غير و لا همسه
غمض و مد اديك اول ما افكر فيك هتحس باللمسه!
_______________________________
الاغنيه خلصت
روح:-حلوه اوي يا ادهم
ادهم:-ههههههههه اعتبريها مني ليكي
روح:-طب ما تغنيها ب....النور جه!
ادهم:-هههههههههه اول ما انا اتكلمت
روح:-ههههههههه لا بالعكس اول ما سكت
ادهم:-طيب يا حببتي هقفل انا بقه
روح:-ماشي يا روحي سلام يا قلبي
ادهم:-خلي الشمعه و الكبريت جمبك
روح:-حاضر
ادهم:-خلي بالك من نفسك يا روح و كلميني لما تصحي
روح:-حاضر يا حبيبي لا اله الا الله...صليت العشا؟
ادهم:-هههههه اه صليت محمد رسوله الله سلام
روح:-سلام
قفل ادهم و رجعله تاني وجع قلبه انو بكره هيتجوز فاتن..
_____________________________________
فاتن لبست فستان ابيض كب من فوق و منفوش من تحت و مكنش طويل و رفعت شعرها لفوق و جابت بوكيه ورد لان ادهم اكيد مفكرش يجبلها
و خلصوا كتب الكتاب الي محدش عرف بيه غير ابوها و امها و دولت و وداد كانت فرحانه ع قد حبها لروح ع قد ما هيه فهمه ان دي الجوازه الصح...
فاتن دخلت ورا ادهم الي طلع لوحده الاوضه و قفت الباب
فاتن:-انا جبت بوكيه الورد انا لاني عرفت انك مش هتسأل هههه
ادهم:-ايوه انا فهمتك ان ده لغرض واحد
فاتن بحزن:-اه عرفه يا حب...يا ادهم
ادهم بصلها بضيق اوي كده قام خد مخده من ع السرير و حطها علي كنبه علي جمب و حتي مقلهاش انو هينام هنا
ادهم:-نامي انتي ع الكنبه
و قلع هدومه و أكنها مش موجوده و دخل تحت الغطا و اتاوب و نام
كل ده و فاتن وقفه دمعتها في عنيها و بصاله بصدمه و بعدين بلعت ريقها و فعلا نامت ع الكنبه لان مكنش في ايدها شيئ تعمله...
___________________________________
روح كانت رجعه الساعه 8 من المدينه و جابت لبس و اكل و حجات كتير حلوه عشان ادهم لما يجي دخلت و حطت الحاجه علي الارض و اديرت فتحت النور و اول ما اديرت
روح:-آاااااااااااااه
كان اعد علي الكرسي قدمها اخر حد ممكن تتوقع انو يكون موجود...
اخر حد
الحلقه السابعه:-
__________
المتمرده ج2:-
___________
روح كانت رجعه الساعه 8 من المدينه و جابت لبس و اكل و حجات كتير حلوه عشان ادهم لما يجي دخلت و حطت الحاجه علي الارض و اديرت فتحت النور و اول ما اديرت
روح:-آاااااااااااااه
كان اعد علي الكرسي قدمها اخر حد ممكن تتوقع انو يكون موجود...
اخر حد!
.....:-انا جيت بنفسي و اكيد انتي عارفاني و لو شكلا و متعرفيش اني انا عرفك
روح:-انا...اه بس...ازاي؟
احمد لطفي:-انا والد ادهم و اكيد لما جيتي السرايا شفتي صوري في كل مكان و في الجرائد مش كده؟
روح بخوف:-اه
موبيلها رن
احمد:-لو ادهم مترديش لو سمحتي
روح:-ادهم مين؟
احمد:-ابني!
روح:-بس انا معرفوش
احمد بضيق:-و الله امال مين الي بيرن؟
روح ورته الموبيل و كان مكتوب هيام
روح:-صدقت؟
احمد بابتسامه خبيثه:-ماشي
روح عملت موبيلها صامت عشان ادهم ميرنش بجد
روح:-هو حضرتك جي ليه انا سبت الشغل و...
احمد:-انا بكره الاستعباط!
روح اتلجمت و مش عرفه تعمل ايه
روح:-طيب...فهمني حضرتك
احمد قام و اعد يلف حوليها
احمد:-لا بس حلوه!...مع ان ادهم عمره ما وقع في احلي و اغني منك
روح:-ايه الي حضرتك بتقوله ده؟ادهم باشا...
احمد:-هههههه باشا ليه بقه؟مهو انتوا عيشين مع بعض مش فرقه
الي استفز روح فعلا انو فاهم غلط و ميعرفش انهم متجوزين
احمد:-و الشاليه ده بتعانا علفكره و كمان بقه انا بعت واحد ورا ادهم و شفتك بتسلمي عليه ع الباب
روح بحذر:-و بعدين؟
احمد:-بس!...مشي..
روح:-انا و الله بجد عوزه اضحك يا باشا انت فهمت غلط تماما...تفتكر ادهم باشا هيحب وحده زي؟؟وحده اضربت منه و اتهانت و هو الي طردها؟الموضوع كله ان ادهم باشا كان جي عشان العماره الي كانت دولت هانم شرياها و هتتهد ع راسي و راس ماما و انا اتوسلتله عشان ماما فاداني انا و ماما الشاليه ده و الكلام ده كان من كتير و ماما جت هنا و بعدين....ماتت بالقلب و انا فضلت عيشه لوحدي هنا و ادهم باشا اتفجأت بيه اول امباح تقريبا يعني عشان مش فكره و غالبا ده اليوم الي حضرتك شفته هنا و اداني فلوس اصلا كان ديما بيرسلها
روح مصدقتش الكدبه الي هيه قالتها هيه شخصيا اقتنعت و بانت ع احمد ملامح الحيره شويه و بعدين رجع تاني لاسلوبه الحاد
احمد:-انا اتعملت مع روسيين و امريكان و فرنسيين و برطانيين و فئات كتير بس تعرفي انك احسن وحده بتكدبي
روح:-انا مش...
احمد:-ايه الدبله الي في ايدك دي؟
احمد خاف ليكون ادهم اتجوزها مش مجرد حب او نزوه
روح:-انا مكتوب كتابي و هسافر المنفويه يوم الجمعه عشان هنعمل هيصه و خطوبه عشان الناس تعرف لاننا عملناها ع الجاهز و لما اتجوز كمان شهر هسيب الشاليه....و اعتقد انها حجات خاصه و عائليه ولو عايزني امشي همشي
احمد:-ماشي يا....انسه روح!...سواء انتي تعرفي ابني اول لا انا جيت عشان حاجه معينه
طلع من شنطه صغيره في ايدو مجله و طلع صفحه معينه
احمد:-لو في حاجه ده لو يعني فيه...اعرفي ان ادهم خلاص هيتشغل
و ورلها المجله الي فيها صوره فاتن و ادهم و فاتن نظرات الحب ماليه وشها و بينهم نص سنتي و ادهم مش مضايق
احمد:-ده قبل الجواز لكن ادهم اتكتب كتابه امبارح ع فاتن
روح مع كدبها حست بصدمه كبيره و مش عرفه ترد و احمد بيطلع موبيله و بيطلع رقم ادهم و فتح الاسبيكر
ادهم:-الو
روح انتبهت ع صوته و بصت لاحمد باهتمام
احمد بابتسامه شريره:-ازيك يا ادهم
ادهم:-كويس
احمد:-الف الف مبروك ليك انت و فاتن
ادهم:-متشكر الله يبارك فيك و الفلوس بقه يا بابا؟
احمد:-حاضر يا ابني بس طمني الاول كل شيئ تمام مع فاتن؟
ادهم:-الحمد لله ....انا هقفل دلوقتي يا بابا معلش ورايا شغل
احمد:-ماشي يا ادهم سلام
و ادهم قفل السكه و روح وقفه مصدومه
احمد:-احم!
روح بتسطر ع اعصابها:-همم يعني ايه علاقتي الف مبروك لادهم باشا طبعا بس انا ايه علاقتي
احمد:-عشان تعرفي بس
روح:-طب الي عوزه اعرفه امشي و لا لا
احمد:-لا خليكي و سواء كلامك صح او احساسي صح اديكي عرفتي و فهمتي
روح:-طيب مع السلامه عشان محدش يشوفك عندي بليل
احمد:-انا أد ابوكي متخفيش
روح:-معلش بردوا
احمد:-ماشي
خرج احمد و هو بدأ يقتنع بكلام روح و انو ظلم ادهم الا انه اول ما خرج روح قفلت الباب بالترباس و دخلت اترمت ع السرير و انهمرت عياط صحيح انها في لحه قالتلوا اتجوزها الا انها مكنتش متخيله ان ده يحصل و عرفت ان الفلوس عنده اغلي منها شخصيا
روح:-صح....يعني انا فكرت ايه
كانت عامله موبيلها صامت و لقته بيتهز و اسم ادهم ع الشاشه لكنها مردتش هيه في حاله هستريه صعبه متعرفش ليه مش عرفه تهدي لغايه ما نعست مكانها...
_____________________________________
تاني يوم الصبح ادهم اعد في المكتب و ماسك موبيله و متعصب ع الاخر و الباب خبط و دخل اسلام صديق ادهم
اسلام:-ايه يا ادهم؟مالك؟
ادهم:-فاكر الي انا حكتلك عليها...روح؟مراتي
اسلام:-اه مالها خير
ادهم:-مش عارف برن عليها من امبارح الساعه 8 و ادي الساعه 1 الظهر و هيه مش بترد
اسلام:-معلش يمكن الصوت مكتوم او مش وخده بالها و معمول صامت
ادهم:-حتي لو هيه متصلتش امبارح قبل ما تنام و لا اول ما صحيت و لا اتصلت لما رجعت من برا زي ما قلتلها انا هموت من القلق
في اللحظه دي روح صحيت و بصت للموبيل و قفلته و رمته جمبها و عنيها بدمع من اول و جديد....
ادهم:-يانهار اسود لا انا هقوم اروحلها
و قام وقف
اسلام:-ياعم اهدي بس في ايه
ادهم:-الموبايل اتقفل
اسلام:-مش يمكن اتسرق منها؟
ادهم:-كانت هتتصل من اي سنترال تطمني احنا اتفقنا ع قواعد معينه في الظروف دي
اسلام:-طيب بص نستني لاخر النهار لو منزلتش و كلمتك من سنترال او من موبايلها خلاص روحلها و انا همسك الشغل مكانك
ادهم:-لا مش هستني انا نازل دلوقتي انا مش ضامن
اسلام:-طيب يا ادهم انت اصلا دماغك نشفه بس سوق براحه
ادهم:-ماشي
قالها و هو بيلس الجاكت بتاع البدله بتاعته و بيقفل الباب...
____________________________________
روح لما هديت فتحت موبيلها و اتصلت بهيام
روح:-الو؟
هيام:-الو؟رورو؟عامله ايه
روح:-بحمد ربنا في اي حال
هيام:-ايه يا روح مال صوتك بس؟
روح بعياط:-اتجوز....اتجوز يا هيام عشان الفلوس....الفلوس اغلي عنده مني
هيام:-لا حول و لا قوه الا بالله....انا قلت الي في المجله اشعات و...
روح بحده:-المجله؟ايوه صح ما انتي شفتي وداد...ليه مقتليش؟ليه؟
هيام:-انا..
روح:-ايه يا هيام؟ليه مقلتليش
هيام:-و الله انا قلت الصحافه و كده و خفت ابوظ الدنيا
روح:-اسفه اني اتعصبت
هيام:-لا ولا يهمك و انتي ايش عرفك
روح:-((حكت كل شيئ بعياط))
هيام:-طب هتعملي ايه
روح:-مش عرفه انا مش برد من امبارح بليل
هيام:-طب اسمعي انتي مينفعش تشوفيه و انتي متوتره كده ينفع تفتحي موبيلك و تكلميه و تقوليلوه اي حجه و خلاص عشان كده ممكن يجي و مينفعش تشوفيه بحالتك
روح:-قال يعني قلقان
هيام:-اسمعي الكلام بس
روح:-ماشي يا هيام هقفل و ارجع اكلمك
هيام:-ماشي يا قلبي سلام مؤقت
روح قفلت علطول لانها مفيهاش دماغ لقت 103 اتصال من ادهم و اتصلت اخيرا بيه...
*ادهم اول ما ركب عربيته لقاها بتتصل قام رد بسرعه و لهفه
ادهم:-روح؟انتي كويسه مش بتردي ليه من امبارح فيكي حاجه تعبانه؟انا جي اهو
روح بصوت حاد:-لا متجيش انا كويسه اهو و اعده
ادهم:-الحمد لله طمنيني بس قوليلي ليه...
روح مقاطعه:-مكنتش فضيالك عادي يعني رجعت تعبانه من برا و اخدت دش و اكلت و نمت و لما صحيت كلمتك
ادهم:-اصلو كان بيرن و بعدين اتقفل و..
روح بنفس المقاطعه:-عادي فصل يا ادهم
ادهم:-ماشي يا رورو يا حببتي و انتي عامله ايه وحشتيني اوي و الله نفسي اخدك في حضني و مسبكيش وحشااااااااااااني
روح:-سلام يا ادهم في اكل ع النار
ادهم:-روح؟في ايه؟مال صو...
قفلت في وشه و فضل باصص للتلفيون بدهشه من اسلوبها و حس ان في حاجه مش طبيعيه و فضل متردد يروحلها ول ا لا و الافكار الوحشه عماله تهجمه و في الاخر قرر يطلع الشركه و يكمل يومه و بليل يكلمها يمكن دلوقتي هيه تعبانه...
اسلام:-اده انت جيت من اسكندريه؟
ادهم:-ههههه ايه الظرف ده لا طبعا دي كلمتني و قلتلي انها كانت نيمه و تعبانه
اسلام:-الحمد لله يا عمي انت الي بتقلق و خلاص
ادهم:-بص صوتها كان حاد اوي حاسس انها زعلانه او في حاجه
اسلام:-اي واحد لما يصحي من النوم بيبقي عامل زي جعفر
ادهم:-لا معادا روح دي صوتها و شكلها و وشها جميل في اي وقت...في حاجه
اسلام:-يا عم متقرفنيش و اعد بقه مش ردت...ادهم احنا صحاب صح؟
ادهم:-طبعا
اسلام:-ينفع اقول رأي في حاجه
ادهم:-اتفضل
اسلام:-انت حمار
ادهم:-اسلام انجز
اسلام:-انت ازاي تتجوز وحده مش مستوانا و تسيب فاتن كده في البيت مع انها مش وحشه و كمان بتحبك و المستقبل معاها اصدي انك يعني تطلق روح و...
وقفه نظره ادهم
ادهم:-اصلك حيوان و عمرك ما حبيت و مش عاوز افتح الموضوع ده انا بمووووت فيها و بحبها فاهمني؟
اسلام:-خلاص خلاص.....والدك ثبت الحاجه باسمك
ادهم بسعاده:-هينزل مخصوص الاسبوع الجاي
اسلام:-ماشي يا عم
ادهم:-تمام يلا بقه انا هكمل شغلي
اسلام:-تمام
___________________________________
ادهم رجع بليل تعبان و مرهق لانو كان يوم مليان شغل لقي فاتن اعده و بسه لبس حلو
فاتن:-مساء الخير
ادهم بقرف:-مساء الخير
فاتن:-ادهم...انا عاوزه....اتكلم في موضوع
ادهم:-انا تعبان يوم الجمعه اجازتي نتكلم لاني بكون تعبان
فاتن:-ماشي
ادهم:-قومي من هنا نامي ع الكنبه
فاتن كانت مستغربه لان ادهم حتي مش مكسوف انو ينيم وحده ع كنبه مش مريحه
فاتن:-مش عارفه انام عليها
ادهم بصلها بضيق:-خلاص اشبعي بالاوضه
و خرج اصلا و راح يبات مع اولاده
ادهم بيرن ع روح
روح:-ايوه؟
ادهم:-رورو اخيرا جه بليل عشان نتكلم و...
روح:-انا تعبانه و عوزه انام
ادهم بضيق:-تعبانه من ايه؟هو في ايه؟
روح:-عندي دور برد جامد من ساعه ما خرجت
ادهم:-لا في حاجه تاني يا روح انتي و لا بتقولي حبيبي و لا وحشتني و لا اي حاجه و صوتك غريب و حاد في ايه
روح:-يووووووه بقول تعبانه تعبانه!!
ادهم:-ماشي يا روح الف سلامه و سلام مش هتصل تاني لما تحبي تكلميني اتصلي انتي
فكر انها هترد و تقوله الله يسلمك او تعتذر او تقله هو انا اقدر زي العاده
روح:-مع السلامه !
و قفت السكه ادهم بص لموبيله بمنتهي القرف و العصبيه
ادهم:-ففففففف لا و الله في حاجه
ساندي:-بابي بابي انت هتبات هنا؟
ادهم:-اه
فادي:-تب ينفع يا بابي تحكلنا حكايه
ادهم ابتسملهم و شالهم و حطهم في سريرهم و اعد يحكلمهم حكيات قديمه و غريبه و هما يضحكوا لغايه ما نام و هو اعد علي الارض و راسه ع السرير...
___________________________________
ادهم كبريائه منعه يتصل طول الايام الي باقيه و استغرب ان روح متصلتش و روح كانت فكره انو مبسوط مع فاتن و نسي موضوعها و هي عادي الا انو اول ما خلص يوم الخميس شغله طلع ع اسكندريه و قالهم انو رايح لندن يومين و كان ملهوف اوي انو يشوفها....
فتح باب الشاليه و اول ما روح حست بيه قلبها دق بعنف و فضلت بصه للتفزيون اما ادهم توقع يلقيها مولعه شمع و عمله اكل زي المره الي فاتت او حتي تيجي تحضنه كالعاده الا انها قدام التلفزيون متحركتش قال لنفسه يمكن مش حاسه
ادهم:-رورو...حبيبه ادهم؟
روح اديرت و قالت من غير نفس:-حمد لله ع السلامه
و بصت للفيلم
ادهم اعد جمبها و قفل التلفزيون و هيه لسه بصه للشاشه المضلمه
ادهم:-ايه بقي؟في ايه؟ممكن افهم
روح:-هقوم احطلك تاكل
مسكها من اديها و اعدها بعصبيه و عنف و هيه بصتله بحده
ادهم بزعيق:-في ايه يا روح؟مهو انتي يا تتعملي عدل يا اما تقولي اسباب للي بتعمليه
روح:-صدقني مفيش حاجه
ادهم:-طب انا اكلت
قرب منها بابتسامه:-وحشتيني!
بعدت براسها:-و انت
ادهم طنش الي هيه عملته و قرب اكتر
ادهم بهمس:-بحبك خالث
روح قامت وقفت:-لو سمحت ممكن اتكلم معاك في موضوع
ادهم بضيق:-قولي
روح:-بكره خطوبه و كتب كتاب هيام عيزه اروح
ادهم:-لكن...لكن يا روح ده اليوم الوحيد الي هنقضيه مع بعض
روح:-و الله انا كنت مرزوعه طول الاسبوع هنا و عوزه اروح
ادهم:-هتروحي بس بشرط
روح:-اتفضل
ادهم قام وقف قدمها:-تتكلمي بمنتهي الصراحه
روح:-والله مفيش حاجه مفيييييييييييييييش بقه!
ادهم:-والله؟مسألتيش فيه طول الاسبوع و طريقه كلامك في التلفيون و طريقتك دلوقتي و كل ما اقرب تبعدي ده ايه؟
روح:-سميها زي ما تسميها حتي لو كانت خنقه منك!
قالت كده و هيه بتبعد و دخله الاوضه الا ان ادهم مسكها من درعها بقسوه
ادهم:-ايه خنقه منك؟في ايه؟متتكلمي.....انطقي بقه!
روح مقدرتش تستحمل و قالت بعياط:-عشان انت اتجوزت يا ادهم الف مبروك الف الف مبروك
و انهمرت عياط و هي بتجري علي اوضتها...
و لسه الدهشه ع وش ادهم و هو بيسأل ازاي عرفت؟
ازاي؟