Kabanata 42
Cheese
Dumating ako ng apartment na umiiyak. Hindi ko matingnan si Auntie Letty na nakatingin sa akin habang nililinisan ang isa sa mga lamesa doon.
"O, Sunny, uuwi ka pala-" Hindi ko na siya pinatapos.
Bukas ko na lang ako magpapaliwanag at hihingi ng tawad sa biglaan kong pag pasok. Ayoko lang muna talagang matanong ngayon.
"Sunny!" Narinig kong tawag ni Auntie Letty na hindi ko parin nilingon.
Nang nakalapit na ako sa pintuan ng kwarto namin ni Mia ay tumunog na agad ang cellphone ko. Tumatawag si Rage ngunit hindi ko sinagot. Pinatay ko ang cellphone ko at naisip na baka puntahan niya ako dito. Diretso ang tulak ko sa pintuang hindi naman naka lock at agad akong napamura nang nakita ko si Kid na nakapatong kay Mia sa kama. Nilingon nila akong dalawa at nanlaki ang mga mata nila.
"Shit!" Sabi ko at agad ng lumabas ulit.
"Sunny!" Sigaw ni Mia.
Hinihingal si Auntie Letty nang naabutan ako sa labas ng aming kwarto. Napakamot siya sa ulo at napangisi.
"Sasabihin ko sanang sa ibang kwarto ka na muna matulog." Aniya.
Tumango ako at hindi ko magawang makipag biruan. Kumalabog ang pintuan at bumukas ito. Si Mia na nagmamadaling magbihis ang tumambad doon.
"Sorry." Sabay kaming dalawang nagsalita.
Nanghihina ako. Alam kong nakakagulat na sila na pala ni Kid ngayon pero siguro ay masyado akong apektado sa amin ni Rage kaya hindi ko na magawang dagdagan pa ang emosyon na nararamdaman.
Agad naman niya akong sinuri dahil na rin siguro sa pamumugto ng aking mga mata.
"Anong nangyari sayo?" Tanong niya.
Nakita ko si Kid na lumabas ng kwarto, wala pang damit pang itaas. Naalala ko na naman na nakakaistorbo ako sa kanilang dalawa.
"Wala. Uhm... sa... labas mag hahanap ako ng Inn. Doon na lang ako matutulog." Sabi ko.
Tumunog ang cellphone ni Mia at agad niya itong kinuha. Napatingin siya sa akin. Hindi niya sinasagot ang cellphone niya. Nagkatinginan kami ni Kid. Kung normal na araw lang ito ay aasarin ko silang dalawa. Ngumuso si Kid sa akin na para bang nahihiya sa nangyari.
"Tumatawag si Rage, anong nangyari sa inyo?" Ani Mia at pinatay agad iyong tawag nang di sinasagot.
"Mia, nakakaistorbo ako. Maghahanap na lang ako ng Inn." Sabi ko at umambang aalis doon ngunit kasabay ng pag hawak ni Mia sa aking braso ay ang pag mura ni Kid.
"Holy hell, Sunny, dumating ba ang parents niya?" Ani Kid.
Nilingon ko silang dalawa at namumuo na ang luha sa aking mga mata. Nanginig ang boses ko at halos magmakaawa na ako.
"Mia, bitiwan mo ako. Ayoko na. Maghahanap ako ng Inn. Pag dumating siya-"
"Ano na naman ba ang nangyari?" Ani Mia.
"Mia... tulungan mo 'tong kaibigan mo. Sunny..." Ani Auntie Letty. Alam kong naguguluhan na siya pero dahil sa sitwasyon ay wala siyang nagawa kundi ang mag isip kung paano ako matutulungan.
Bumalik sa kwarto si Kid habang sinasabi ni Auntie Letty ang gusto niyang mangyari.
"Sa kabilang kwarto, walang tumutuloy. Doon ka na lang." Ani Auntie Letty sa akin.
"Kailangan ko pong umalis dito. Baka maghanap si Rage dito."
"Bakit? Shit! Edi sabihin namin na wala ka!" Ani Mia nag papanic na.
"Mia, Rage is here." Ani Kid na siguro ay namataan niya ang sasakyan ni Rage na nakapark.
"Shit! Bilis na!" Ani Mia at agad akong tinulak sa kabilang kwarto.
Madilim doon at hindi na ako nangahas na buksan ang mga ilaw dahil sa takot na malaman ni Rage na nandito ako. Narinig ko ang papawalang bulong bulungan ni Auntie Letty at Mia. Pagkatapos ay narinig ko ang yapak ni Auntie Letty sa hagdanan at ang pag sarado ng pintuan sa aming kwarto.
Humiga ako sa kama at naghintay. Gagana kaya ito? Rage won't stop. Siguro ay pinakawalan niya lang ako dahil alam niyang galit na galit ako. Hindi iyon makapag hintay na humupa ang galit ko kaya nandito siya.
"Mia! Open the damn door!" Boses ni Rage ang narinig ko sa labas.
Umupo ako galing sa pagkakahiga at hinagkan ko ang aking tuhod. Narinig kong binuksan ni Mia ang pintuan.
"O, Rage, bakit?" Sabi ni Mia sa isang normal na tono.
"Asan si Sunny?" MAriing tanong ni Rage.
"Rage?" Narinig kong singit ni Kid.
Tinulak ni Rage ang pintuan. Narinig ko ang kalabog nito sa dingding na hinihiligan ko at hindi ko na narinig ang pinag usapan nila nang pumasok na sa loob si Rage. Nang narinig ko ang yapak nila sa labas ay si Mia na ang sumisigaw.
"Sabing wala siya dito. Bakit ba? Nag away kayo? Anong nangyari? Anong ginawa mo sa kaibigan ko?"
"Just tell me where she is! Kid?" Sigaw pabalik ni Rage.
"Ewan ko, Rage. I've been with Mia whole day at wala kaming anino ni Sunny na nakita dito! Ano ba ang nangyari?"
"Fuck!" Sigaw ni Rage at narinig ko ang kalabog ng dingding.
"Ano ba ang nangyari? Nagalit ba siya sayo? Baka nagpunta sa isang Inn or something? Baka humupa din ang galit non bukas. Babalik din 'yon sa'yo." Ani Mia.
"Hindi... Fuck." Ani Rage at narinig ko ang pag alis niya.
Mabilis akong dumungaw sa bintana at hinintay ko ang pag labas niya sa buong apartment. Nakita kong kinuha niya ang kanyang cellphone bago pumasok sa kanyang sasakyan. Mabilis niya itong pinaandar. Umuwi ka na, Rage. Nag hihintay na ang pamilya mo don at si Ezra.
Umupo ako sa kama, tulala. Napakurap lang ako nang binuksan ni Mia ang ilaw. Kasama niya si Kid na pumasok sa kwarto. Pareho silang mukhang nag aalala. Pinilit kong maging maayos para hindi na sila mag alala.
"Anong nangyari?" Ani Mia at umupo sa tabi ko. Nilingon niya si Kid. "Ano ngayon kung dumating ang parents niya, Kid?"
Nagkibit balikat si Kid. "Hindi ko alam ang buong istorya. Nalaman ko lang 'to kay Logan nong lasing na lasing na siya. Sabi niya masaya daw si Rage at tumitira ka na sa bahay niya pero lagot siya pag bumalik na ang parents niya. Hindi ko alam ang sekreto ng mag pinsan na iyan. Masyado silang masekreto. That's all I know."
Tumikhim ako at natulala ulit. Logan knew... At paniguradong alam din ito ni Brandon. Gusto rin ba nilang mag higanti si Rage sa akin? Hindi ko alam. Naging mabait silang dalawa sa akin. At kung parte man ito ng plano nila ay nakakapang hinayang naman.
"Niloko lang ako ni Rage." Sabi ko.
Kumunot ang noo ni MIa. "Niloko ba 'yon? Halos mabaliw na naman siya sa kakahanap sayo! Aling parte don ang panloloko?"
"Mia, ang lalaking minahal ni mama maliban sa papa ko ay ang papa ni Rage. Nakilala ko sila kanina. Nakita ko 'yong mama ni Rage. Siya mismo 'yong babaeng sumulong sa bahay namin noon at pinag tatawag niya si mama na pokpok!" Ang sabihin ito ay mas nagpakurot sa aking dibdib.
Hindi nakapagsalita si Mia sa nalaman. Parang nangangapa siya ng salita.
"'Yong mama mo, Sunny, kabit ni tito Marco?" Tanong ni Kid.
"Hindi nga, Sunny. Ang liit naman ng mundo para-" Ani Mia na agad kong pinutol.
"Sinadya ni Rage lahat. Ang rason kung bakit napadpad ako sa Del Fierro building ay dahil pinlano niya iyon." Sabi ko.
"Bakit? Para saan?" Ani Mia.
"Dahil gusto niyang mag higanti. Gusto niyang makabawi." Nangilid ang luha ko sa aking mga mata.
"Imposible naman yata, Sunny. Paano siya mag hihiganti? Eh nag mahalan kayong dalawa." Sabi ni Mia.
Gusto kong isipin na tama siya. Na minahal nga ako ni Rage. Dahil naramdaman ko iyon galing kay Rage. Ngunit kahit na sabihin na nating minahal niya nga ako, paano na 'yan? Hinding hindi ko matatanggap na ang mama niya ang nanampal at umaway sa mama ko. Hindi ko rin matanggap na si Mr. Del Fierro, ang papa niya, ang lalaki ni mama. At isa pa, may Ezra na pala siyang fiancee. Kahit anong gawin ko, hindi ko na maaayos 'to.
"Mia, may fiancee na siya." Sabi ko.
"Fiancee?" Tanong ni Mia.
"Ezra?" Ani Kid. "Nandon si Ezra?"
Nagulat ako sa sinabi ni Kid. Alam niya din palang si Ezra ang fiancee ni Rage. Tama nga ako!
"Sinong Ezra?" Tanong ni Mia.
"She's Rage's ex girlfriend. First girlfriend, actually. Inaway ka ba niya, Sunny?" Tanong ni Kid, curious.
"Tinawag niya rin akong pokpok. Parang si mama lang ulit." Humikbi ako.
Ang isang bagay na pinakakainiwasan ko ay nangyayari mismo sa akin ngayon. Umilag ako dito. Umilag ako kaya ko iniwan si Rage noon pero nagpadala ako sa emosyon. Heart over mind kaya ngayon, eto ang napala ko. You really shouldn't trust your heart.
"Asan 'yong Ezra na yan? I bet mas pokpok pa 'yon!" Iritadong sinabi ni Mia. "Baka gawa gawa lang 'yong fiancee, Kid!"
"Hindi. Talagang pinag kasundo silang dalawa. Naging sila nong high school at nagkahiwalay lang pero pinag kasundo parin sila." Ani Kid.
Humagulhol ako. Hindi ko na alam kung ano ang gagawin ko ngayon. Aalis ba ako dito? Saan na naman ako pupulutin? Aalis ba ako sa trabaho ko? Paano ang pag aaral ko? Iyon lang ang tangi kong inaasahan pero heto at nasira na naman dahil lang sa kwentong puso. Kung sana ay pinagpatuloy ko ang pag iwas kay Rage ay sana hindi ito nangyari.
"I'm sorry, Sunny." Sabi ni Mia sabay yakap sa akin.
Nag usap silang dalawa ni Kid. Hindi ko na masundan dahil antok na antok na ako. Humiga na ako sa kama doon at agad na naidlip. Ilang sandali ang nakalipas ay nagising ako dahil sa ingay ng dalawa. Kinukuha nila 'yong gamit ko sa kabilang kwarto. Tiningnan ko ang orasan at nakita kong hating gabi na.
Kinusot ko ang mata ko at umayos sa pagkakaupo.
"Lilipat ba ako dito?" Tanong ko.
Nagulat si Mia sa pagkagising ko. Umiling siya at nakapamaywang akong hinarap.
"Sa condo ni Kid ka muna titira. Si Kid naman dito sa apartment. Paniguradong di magdududa si Rage na nandon ka." Sabi ni Mia na ikinagulat ko.
Nakita ko si Kid na nagbubuhat ng maleta ko. Ngumiti siya at nilapag iyong maleta. Inakbayan niya si Mia.
"Sorry sa paglilihim nito sayo, Sunny." ani Mia. "Nahihiya kasi akong malaman mo ang tungkol samin."
Umiling ako at nakita ko ang kamay ni Kid na bumaba sa kanyang baywang. "Ayos lang, Mia. Masaya ako at masaya kayong dalawa." Sabay tingin ko kay Kid.
"Sunny, gusto mo bang lumipat ng school. Kasi panigurado akong hahanapin ka rin ni Rage doon sa Lunes."
Hindi ko alam. Hindi ko pa pinaplano. Inisip kong lulubayan niya rin naman siguro ako. Hindi naman pwedeng araw araw ulit siya doon tulad noon. Kailangan niya ng asikasuhin ang trabaho niya kaya paniguradong hindi na iyon pupunta.
"Mahirap, Kid. Mura lang kasi don at maganda ang kalidad kaya nagustuhan ko." Sabi ko.
"Pwede kitang pahingan ng scholarship para hindi ka mahanap ni Rage doon." Sabi ni Kid na agad ko namang tinanggihan. Nakakaengganyo pero nakakahiya sa kanya.
Nagkamot ng ulo si Mia. "'Yong Marlboro Girls pa. Paano na 'yan, Kid? Baka hindi malubayan ang isang 'to. Kilala mo naman si Rage."
Tumikhim ako. Tama sila. Wala akong kawala kay Rage sa syudad na ito.
"Kung umuwi na lang kaya ako sa amin?" Nanginginig kong sinabi.
Ayoko nang bumalik pa doon sa amin. Naghihirap ako dito at mahirap din doon pero mas gugustuhin ko na lang na mag isa kesa doon kina Patricia na puro galit at pagkairita lang ang pinaparamdam sa akin.
"Mag absent ka na lang muna sa school ngayong Lunes. Mag usap kaya kayo ni Rage at tapusin niya na 'to? Surely, hindi ka naman niya pipilitin kung ayaw mo na talaga, Sunny." Ani Mia.
Tumango ako. Hindi ko alam kung sumasang ayon nga ba ako sa sinasabi ni Mia o talagang pagod na ako kaya sasang ayon na lang ako.
"Punta na tayo ngayon sa condo ni Kid. Kaya pa?" Tanong ni Mia.
Tumango ulit ako kahit na antok na antok na ako. Tumayo ako at medyo nahihilo. Lintik, magkakasakit pa yata ako.
"Sunny, okay ka lang? Namumutla ka. Teka nga... kumain ka ba ng hapunan?"
Pagkasabi ni Mia non ay narealize ko kaagad na hindi nga pala ako kumain ng hapunan. SIguro ay nalipasan nga ako ng gutom.
"Hindi. Pero di naman ako nagugutom." Sagot ko.
"Di ka nagugutom kasi nalipasan ka na." Ani Kid. "Dalhin ko 'tong mga gamit sa sasakyan ko tapos diretso na lang tayo sa drive thru bago sa condo ko." at umalis.
Uminit ang pisngi ko sa kahihiyan. Paulit ulit kong sinabi kay Mia na nahihiya ako kay Kid. Nahihiya akong tumira pansamantala sa condo niya pero hindi ko maipagkakailang magaling na plano iyon. Hindi nga malalaman ni Rage na nandon ako at makakatulong pa akong magkalapit si Mia at Kid. Hindi naman pinapayagan ang mga lalaki sa apartment pero dahil na rin siguro tiyahin ni Mia si Kid kaya pinayagan na lang rin silang dalawa. Mabuti rin ito para makalimutan na ni Mia si Eric.
"Mcdo, ayos na ba?" Tanong ni Kid. "Restaurant sana tayo kaso... mukhang inaantok ka na, Sunny."
"Naku, Kid, ayos lang kahit saan. Walang problema." Sabi ko.
Pinarada niya ang kanyang sasakyan sa gilid ng Drive Thru. Si Mia ang umorder para sa akin. Marami ang inorder niya, mas marami pa para sa aming tatlo. Hiyang hiya tuloy lalo ako.
Hinilig ko ang ulo ko sa upuan at pinikit ko ang aking mga mata sa pagod. Naghihintay na kami sa mga pagkain.
Nang inabot ng babae ang order nilang cheese burger at fries at kung anu ano pang sa fastfood galing ay napadilat ako sa amoy. Nang naamoy ko ang cheese ay agad bumaliktad ang sikmura ko. Hindi ko maintindihan pero pumilipit ang tiyan ko at naduwal ako. Mabilis kong binuksan ang pintuan ng sasakyan ni Kid at agad akong sumuka sa may damuhan ng Drive Thru.
"Shit!" Sabi ko habang sumusuka.