///بارت ثلاث وعشرون ///
///قصة #عاندت_اهلي_واهلها ///
///بقلم الكاتبة #بنت_الحجي ///
ام حسن :- ولج عيب ساعه 10 راح اصير
سرى :- عادي هوه منووو اينام ساعه 10 ..
سيف :- دخابري صدك يمه وشوفي مو عندج رقم امها ..
حسن :- خاف عيب هسه .
سرى :- دخابري يمه والله مو عيب ...
ام حسن :- لا عيب باجر اخابرهم .. ايجوز جاي ايفكرون .لان لو مقابلين جان خابرو وكالو ..
سيف :- يلا باجر الله كريم كوم يلا حسن ...
حسن :- سيف كلها اريدها لونها بنفسجي .. وذهبي الاطار .
سيف :- ماشي هسه بس خلي انجهزه . صعدنه حظرت الصبغ .. والفرش .. بقيت بشورت والفانيله ..
حسن :- سيف تلفونك ...
°•○●باوعت هديل .. اهووو عوفه ايدك يمعود ..
اشكد لزكه ..
حسن :- منو هاي
سيف :- مذيعه بالقناة ويانه بس تطلب .. عوفها ادك .
كمنا نصبغ .. خابر مرتضى ...
كتله تعال يمنااا ...
كال جايك ...
سرى :- يمه موو كتلج كولي لحسن وسيف ايجرون الفرشه ..
ام حسن :- ولج خفيفه جريها انتي.. لا اكوملج ..
سرى :- اوووف شوكت اخلص بله طلعت الطرمه الفرشه على الباب .. جريتها اندك الباب .. جان مردود . صحت منوووو
مرتضى :- اني ممكن اتكولين السيف مرتضى بالباب
سرى :- 😦احس كلبي فز ... اي ماشي .. اكو زرف بالباب باوعت .. شعره كالبه ليورا .. وعطره ريحته قويه حلووه .
دخلت بيدي الفرشه .. سسسسسيف .. سييييييف
سيف :- هاااااا
سرى :- مرتضى بالباااااب ايريدك
سيف :- انزل حسن دخله ...
حسن :- انتبه لا توكع وتتكسر انوب المره اترفضك ههههه
سيف :- غير احرك اهلها اذا ترفض ههههه امشي لولد برا
حسن :- هههه يلا نازل
... سرى فوتي جوا خل لولد ايفوت.
سرى :- اي دخلت بالغرفه باوعت من فتحت الباب.. ايخبل صعد مدنك راسه سلم على امي ... احس اسرعت من رفضته🙁
سيف :- هلاااااا
مرتضى:- هلا ابو حر ... اشلونك ...
سيف :- الحمدالله جاي نحظر بغرفة العريس.
مرتضى :- الف مبروك حسوني ..واني وياك نبقه انكول مبروك.. محد ايكولنا مبروك😅
حسن :- ههه الله ايبارك بيك حبيبي يوم الالك والسيف
سيف :- اي والله ...
نزل حسن عمر النركيله.. وببسي ونساتل ... صارت ساعه 2 راح مرتضى
.
بقيت اشتغل اني وحسن كملنه صبغ ...
صارت ساعه 3 نعسنا كلمن الغرفته بس غسلت اديه..
نمت ...
جنان :- زينب كومي يلا ساعه 10 صارت
زينب :- اي هسه ... بقيت متغطيه الغرفه بارده وضمله...
ماكمت
ام موسى :- ماكعتي زينب ..
جنان :- كعدتها ومتقبل اتكوم..عمه شنسوي غده موسى خابرني بالمطار واصل
ام موسى :- طلعي سمجه وتمن احمر سوي .. وياه
جنان :- ماشي عمه ..
ابو موسى :- زيييييينب
زينب :- كعدت على صوت ابوي نزلت ها بابا
ابو موسى :- بيش ساعه شنو هل نوم .. مرت اخوج وحدها بالمطبخ
زينب :- باوعت ساعه 11 ونص 😲 ماحسيت على الوقت بابا... رحت غسلت وجهي وفرشت اسناني ... صباااحو😑
ام موسى :- صباح الظهر ليش كعتي مابقيتي نايمه
جنان :- هههههه كعتج وماقبلتي اتكومين هيج احسلج
زينب :- حضنت امي ياااكلبي انتي جاي اعوض كعدات المدرسه هاي شبيج 😘
ام موسى :- هاااا يلا معذوره امشي اكلي شي راح ليصير الغده جعفر راح ايجيب موسى ...
زينب :- صدك ليش وصل
جنان :- اي
زينب :- أجه موسى سلمنه عليه ... سوينه الغده سمج وتمن احمر وزلاطه ولبن ... اتغدينه
ابو موسى :- اشلونها سفرتكم
موسى :- الحمدالله يابه بس جو بسعوديه حر موت
ام موسى: - ياااا
ابو موسى :- اي حاره عندهم
موسى :- الحمدالله..
زينب :- كملنه غده شلنه الماعين...
سيف :- كعدت ساعه 3 ... سبحت ... وتغديت
هااا يمه وين ابويه
ام حسن :- بالمحل ابوك وحسن راح ايجيب خطيبته اروح نشتري نيشان
سيف :- ها خوش ... طالع اني ..
ام حسن :- وين رايح ..
سيف :- ماادري يمه ضايج راح اروح اللكهوه اشويه يم الولد
°•○●
ام حسن :- روح يمه ..
موسى :- يابه شنو هل عالم حجالي جعفر عليهم
ابو موسى: - اي رحت سئلت عليهم خوش عالم لكل يحمد بيهم .. بس مانطيتهم كلمة
موسى :- زينب شتكول
ابو موسى: - ماعترضت أهم شي دراستها متعوفها اتكول
موسى :- بكيفك لعد يابه..
منير :- مرتضى سيف وين
مرتضى :- البارحه جنت يمه باليل يشتغل بغرفة حسن .. صبغناها وعفته ايكمل..
سيف :- السلام و عليكم شباب ...✋
لكل :- •○● عليكم السلام ...
منير :- حماتك اتكرهك هسه جنه نحجي بيك 😂
مرتضى :- ههههههههههه هاي جديده حماتك اتكرهك هلا سيوفي
سيف :- هههه هوه وراي ويصير الي اريده لا والله
مرتضى :- كملت غرفة حسن بعد
سيف :- كملت صبغ بس خل ينشف وابلش بنقش
شكو ماكو
منير :- تحت رحمته انت شكو ما كو.
سيف :- ماكو شي والله ..نزلت نركيله واغاني مشتغله
ابو موسى :- اني ما عندي رقم ابوه .. ام موسى عندج رقم امه
ام موسى :- اي انطتنياه. جنان انطيني تلفوني
ابو موسى :- خابريها وخل ادزلج رقم ابو حسن ..
ام موسى :- اي
زينب :- سمعت الحجي بس ممصدكه ابد
كمت اروح واجي بالمطبخ
هيج صدك واصير مرت سيف ... ههه
ام موسى :- الووو 📱سلام وعليكم ام حسن اي اني اشلونج
ام حسن :- هلا بيج اعيوني عليكم السلام ام موسى موو الحمدالله زينه انتو اشلونكم
.. ام موسى :- الحمدالله بس ابو موسى ايريد رقم ابو حسن ..
ام حسن :- اي صار هسه اخلي سرى ادزه لكم ..
ام موسى :- ماشي اعيوني مع السلامه
موسى :- يابه خل يجون وهنا نتفاهم وياهم ..
ابو موسى :- اي اي
ام حسن :- ولج سسسسرى تعاي دزي الرقم اللام موسى بسرعه
سرى :- منووو ام موسى يمه ورقم منو ادزه 😳
ام حسن :- ولج ام البنيه لي ايريدها سيف دزيلها رقم ابوج
سرى :- اي يمه ماشي
اخذت تلفون دزيت الرقم هاج يمه دزيته
زينب :- رحت كعدت يمهم ابوي اخذ رقم بتلفونه
خابر على ابو سيف ..
ابو موسى :- 📱 هلا بيكم خويه اتفضلو يمنه اشوكت اتحبون اريد نتعرف عليكم وتتعرفون علينه هم ...
انشاءالله هلا بيكم ... الله وياك خويه
زينب :- بقيت صافنه بالكاع حتى اندليت بيت النمله وكم نفر بيتها هههههه
ابو موسى :- يجون الخميس رجال عنده شغل هل يومين
ام موسى :- هلا بيهم
زينب :- كمت اخذت تلفون امي اريد احجي وي تقى دكيت عليها ...
الووو 📱 هلاااا تقاوي
تقى :- هلا بيج كلب شكو ماكو
زينب :- لج الخميس يجونه ابوي وموسى موافقين ... هههه
تقى :- عليييييج الله صدك هلاااااا هلاااااا
اني يمكم من الاربعاء .
زينب :- هههههه هلا بيج
تقى :- وسيف يدري لو لا بله
زينب :- مااعرف اكيد اهله كالوله هسه ...
سرى :- اوووف يمه دخابري سيف كوليله خابرو ابوي
ابو حسن :- شبيج انتي مستعجله اكثر من اخوج يجي ونكوله
سرى :- ماااا اخذت تلفون دكيت عليه
سيف :- صارت ساعه 7 تقريبا ... واني بالكهوه .. دك تلفوني . الوو 📱 ها خير ..
لا مااجي شكووو
سرى :- خابرت ام موسى واخذت رقم ابوي دكو على ابوي
علمود اروحلهم ..
ويتبع .. قراءة ممتعه
باليل اعوضكم ماانطيكم وقت محدد بس باليل انزل بارت اضافي