قصة عاندت اهلي واهلها

البارت الحادي عشر

///البارت الحادي عشر 11///
///قصة #عاندت_اهلي_واهلها ///
///بقلم الكاتبة #بنت_الحجي ///

زينب :-  اي
سيف :-  اي

زينب :-  بقيت ساكته مااعرف بعد احجي ..😐
سيف :-  راح تبقين ساكته ههه

زينب :-  احجي انت .
سيف :-  والله كل الي عندي حجيته بس اريد اسمع منج ..احجيلي عن حياتج  .وعن سبب رفضج هم

زينب  :-  حياتي دراسه وبيت ..اهم شي دراستي ..لان اهلي الي عدهم ترسب ايبطلوها من المدرسه واني مااحب اترك دراستي ...

سيف  :-  مبينين اهلج كلش صعبين ..ليش هيج
زينب  :-  همه هيج طبيعتهم يعني
سيف  :-  اشلون يعني هيج طبيعتهم ...
°•○●
زينب :-  يعني ميحبون الطلعه غير بس اللمقدسات ..ممنوع انباوع على مسلسلات مدبلجه غير بس العراقيات ...
سيف  :-  لا صدك والله ههه
زينب  :-  والله ههه

سيف  :-  وانتي يعني مضوجين هيج ..
زينب  :-  لا عادي احسن من رزاله بس مرات اذا طلع موسى اباوع بغرفته اني ومرته ..

سيف  :-  بلبوكه يعني ههههههههه
زينب  :-  ههه اي

سيف  :-  احجي وافكر صدك الي اسمعه معقوله اكو هيج عالم بعدهم مشددين بس عجبني هل شي لان لي راح اخذها مطالعه عينها

اييي
زينب  :-  اي افرج علينه من اروح البيت جدي او الخوالي
سيف  :-  هههه يعني امج هم حكمتكم لو بس ابوج واخوانج ...
زينب  :-  لا امي اترزل وتنصح بس مرات عادي نغلس ونباوع متحجي خطيه
بس ابوي لاا يختلف ...

سيف  :-  ههههههه يلا شسون ايريد مصلحتجن
زينب  :-  اي

سيف   :-  والله زينب كل ماتحجين شي عنج او عن اهلج اوعجب  بيج اكثر مجنت امفكر اكو هيج بنيه لان اني طالب جنت وهسه اشتغل بمكان منفتح وطلعات فالعراق صار منفتح هواي

زينب  :-  لا اكو هواي مثلي بس مثل مكلت انفتاح صار ازياده عن الزوم ..

سيف  :-  باعي هوه شي حلو الانفتاح بس مو بستهتار
.. مااجذب عليج يعني من انشوف بنات الشعر والبس منباوع بس انظارنه تنتقد هيج بنات

زينب  :-  ههه اشكد صريح انت
سيف  :-  ههههههه قابل اجذب عليج بس هسه وحده مثلج خلي تطلع اكو واحد يجرء يحجي عنها او عن تفاصيل جسمها لا والله مايجرء

زينب  :-  تسلم  ..
سيف  :-  عفوا عيوني

زينب  :-  شعوري خوف لا احد يدخل مدري شعور حلو ..مااعرف احساس صاير هوسه عندي ...

سيف  :-  شتكولين ادز اهلي ...
زينب  :-  لا عفيه سيف ...
سيف  :-  هههه شبيج خايفه ماتكليلي ..
زينب  :-  يمعود اذا اتقدمتلي شتكوللهم وين شفتني اهلك شتكوللهم ..
°•○● 
سيف  :-  اني مفكر بكل شي لا تخافين اكول اخاف محاسبتني رجال واحد طايش كدامج ..

زينب  :-  لا والعباس مو هيج
سيف  :-  ههههههههههه فدوه الك ربي لا تحلفين اشاقه
●○•°
زينب  :-  ههههه الي سويته مو طيش يعني ..
سيف  :-  لا هذا اسمه حب من اول نظره ... 📱

زينب  :-  ههه
سيف  :-  اي والله ياام الدولمه
زينب  :-  هههههههههه🙊 ضحكت صدك خليت ايدي على حلكي هسه ايكعدون
سيف  :-  ههههههه بووووويه مو ضحكه
زينب  :-  كافي خلي اروح هسه احد يكعد على صوتي

سيف  :-  بعد وكت ساعه 12 ونص ..
زينب  :-  سيف
سيف  :-   اعيونه كولي
زينب  :-  راح تتعب ترى
سيف  :-  ليش اتعب؟!!!!!!
زينب :- لان راح اتاني هواي اريد اكمل دراسه ومااعتقد ابوي يقبل ينطيني ..°•○●●○•°

سيف  :-  كتلج عوفيها عليه ومال اتكملين الدراسه .تعالي يمي وكمليها ...
زينب  :-  لا مترهم ..
سيف  :-  ليش مترهم هواي مزوجات ويكملن دراسه ...
بيت رجلهن

زينب  :-  مااعرف اشوفها صعبه بيت وزوج ودراسه ..
سيف  :-  مراح اتعبج واني اساعدج ادرسين ...
زينب  :-  ههه لا اكمل يلا ازوج ..عود

سيف  :-  لا تعانديني مااحب الي ايعاندني
زينب  :- مو شغلت اعناد بس هاي حياتي ..
سيف  :- خوش انشوف ...

زينب  :-   اوك يلا روح نام اكيد عندك شغل باجر واني عندي دوام ...
سيف  :-  ماشي ديري بالج على نفسج  ومن ايصير وقت عندج خابريني..
زينب  :-  احاول ...

سيف   :-  ماكو احاول يلا روحي نامي
زينب   :-  تصبح على خير ...
سيف   :-  وانتي بخير باي

سدته نزلت من سياره ..صعدت كبل ذبيت ملابسي ونمت ..

زينب  :-  سديته ونمت على جربايتي .
بقيت فكر ساعه اضحك ساعه اصفن معقوله هيج الحب
زين شكول الاهلي اذا اجه يخطبني ..
اوف دخت و نمت

،،،كعدت على صوت المنبه ...باوعت سبعه ونص ..
اووووف شلحك هسه اه راسي يوجعني ..
كمت بسرعه البست قميصيي وصدريه ...دخلت الاحمام غسلت وجهي اخذت العبايه نزلت اركض

سمعت صوت الباب اتفلش اكيد تقى هاي
صحت ايييييييي تقى جايه

طلعت اركض صباح الخير
تقى  :-  صباح النور اليوووم متكليلي شنووو
مو عوايدج ..

زينب  :-  دمشي امشي تااخرنه

تقى    :-   ولج على كيفج راح اوكع ..😡
زينب  :-  ايييي صرنه قريبين باوعت ساعه 8 له عشرة
تقى   :-  باااعي تانيني نطلع سوا ماشي لان اريد احجي وياج بموضوع اووكي

زينب :-  ماشي يلا ياهيه تطلع من عدنه تانيها يم
الحديقه ...
تقى   :-  ماشي

سيف :- كعدت ساعه 8 سبحت وبدلت
صباح الخير يمه

ام حسن  :-  صباح النور تعال اكعد اتريك وياي
سيف      :-  وين ابوي لعد

ام حسن  :-  قبل شويه طلع احجيلي منو هاي البارحه ماردت اسئلك اشلون عرفتها كدام ابوك ...

سيف  :-  البنيه الي شفتها بكربله الي جابتلنا دولمه تذكريها
ام حسن  :-  اي والك اشلون اتعرفت عليها ها
سيف  :-  اي دزيت اسراء بوكتها تعرفلي وين مكانهم ومن وين من اخذت اختها وياها اللحمام عرفت

ام حسن :-  ياااا والله ماتستحون وشكالت الاختها اريد عنوانكم
سيف  :-  لا يمه سائلتها منين انتو ومن هل حجي واختها حجيه لها

ام حسن  :-  والله ماتستحون وانت رحت البيتهم مووو
سيف  :-  مااجذب عليج رحت وشفت اختها من ..طلعت اللمدرسه عرفت هل بيت لهم ... ونوب شفت نفس البنيه من راحت المدرستها خوش بنيه وسئلت عليهم هم

ام حسن  :-  والك خوو ماحجيت وياها..😡
سيف  :-  يمه شبيج ضجتي اي حجيت وياها ورفضت البنيه وصديقتها حجت وياي وفهمتها وقنعتها تحجي وياي ...
ام حسن  :-  يمه عيب هل تصرف والك اعرف بيك وبمخابراتك وكلنا شاب ومامزوج بس مال تحط بنت. العالم براسك وتروح تلحكها ... هااااي مانقبلها افتهمت ..

سيف  :-  يمه ترى رايدها بالحلال ماتكليلي اشلون اخطبها اذا مااحجي وياها هيه ..

ام حسن  :-  انت ماااا تخاف كلي خل افتهم افرض شافوك اهلها والله ايذبحوك ... ونوب بت ساده شيفكك منهم ..

سيف  :-  اي والله يمه انوب الادب شنوو والاخلاق يماااااي يمه 😍
ام حسن  :-  انت اتريد تجلطني والك وين احجي وانت وين ..يمه خايفه عليك وعيب الي جاي اسوي

سيف  :-  ادري عيب ومصير بس يمه كليلي عندي غير حل اسوي ..
ام حسن  :-  اي اكوووو اروح ونخطبها مو تلحك بت الناس

سيف  :-  افرضي خطبناها وصارت القسمه والبنيه جابرينها تزوج ساعتهااا اشلوووون ..

ام حسن  :-  بله شحجي وياك ياجيل هل وكت ..
والك منين لكاها منك لو من اخوك ذاك .ايريد وحده ارمله وعدها طفل ..

سيف  :-  هلاا ههههههههه بعد شتردين راح تفرحين بينا اثنينه   ...
ام حسن  :-  دكوووم وراك شغل تالي اجلطوني اني وهل زلمه
سيف  :-  رايح يالغاليه 😘

يلا باي
ام حسن :-  الله وياك

زينب  :-  كملت امتحاني طلعت تقى بساحه
تقى    :-  ها خلصتي جاوبتي لا
زينب  :-  اي الحمدالله وانتي 😳
تقى    :-  اي  اكعدي هنا بعدين نطلع ..

زينب  :-  ولج حاره تعالي بالفي نكعد ..خير اليوم شبيج
تقى    :-  مااعرف شحجي يا زينب .

زينب  :-  كولي شبيج ..خوفتيني ترى
تقى    :-  مازن
زينب  :-  قصدج حبيبج اي شبي ..
تقى    :-   طلع خاطب ياتقى هل كلب البارحه دخلت على صفحته بالفيس شفت المنشور ابن عمه منزله ويباركله ... 😭

زينب  :-  لاااااا صدك تحجين لا تبجين ولج اشلون هيج ايسوي
تقى    :-  زينب سنتين وياه والله ولج حموت والله
زينب  :-  اصملىالله عليج هوه انشاءالله ولج هذااا نذل اشلون هيج ايسوي انتي مووو العبة

تقى   :-   شسوي زينب حتى اهلي حاسين عليه بس ابجي وبغرفتي كاعده  .... خابرته كتله ليش هيج ايكول مااخذ وحده حجيت وياها والله ايسعدج ..

زينب   :-  لااااا ياخسيس لا تبجين ولج ميستاهل اضفرج والله  حسبي الله ونعم الوكيل ...كومي غسلي وجهج كومي ..

تقى    :-  اي

زينب   :-  غسلت وجهه وطلعنا بس تشهك الله لا يوفقك تطلع حوبتها بيك انشاءالله استغفرالله حتى حرام الدعاوي ... ابقي يمي ماشي من اوصل اخابر امج

تقى   :-  لا ماريد اريد ابقه وحدي .. بيش قصرت اني والله حبيته وابد مباوعت على غيره ..

زينب  :-  ايروحلج فدوه والله ميستاهلج ..تنسينه اصلا ميستاهل تبجين على موده ...
تقى    :-  شنسه يازينب سنتين مووو يوم ويومين

زينب  :-  مردت كلبي شكول عليك بس حسبي الله ونعم الوكيل .. وصلتها اللبيت معفتها وحدها

ام تقى  :-  هلا ماما
زينب    :-  مرحبا خاله اشلونج
تقى     :-  هلا ماما

ام تقى  :- الحمدالله شبيج ليش باجيه
زينب    :-  اتخربطت بالمدرسه خاله مابيها شي ...
تقى     :-  اي ماما من شمس يمكن .. حدخل انام وارتاح

زينب   :-  اترخص اني خاله تقى اخابرج عود
تقى     :-  ماشي حبيبتي الله وياج

ام تقى  :-  مشكوره بنتي سلميلي على امج
زينب   :-  ولووو خاله تقى اختي يوصل انشاءالله

رجعت اللبيت ... فتت ميته من الحر
ام موسى  :-  وين اليوم تااخرتي يمه ..
زينب   :-  وين يمه بالمدرسه خلصت واجيت ... جوعانه ترى

فاطمه   :-  امي سوت مركة طرشانه اتخبل ...
زينب    :-  الله عليج صبيلي خل ابدل واجي صعدت اركض طلعتلي دشداشه وكبل جوا الدوش حتى مانشفت جسمي نزلت الافه شعري بالخاولي ...

جنان   :-  تعاي اكلي ...
زينب   :-  امممممم فدوووووه الامي والطبخها
جنان   :-  مااحبها اووووف باع ريحتها 😷لعبت نفسي

زينب  :-  هاي شبيها راحت تركض اللحمام
ام موسى  :-  يااااا شجاها صارلها يومين معاجبتني

فاطمه  :-  اخاف حامل يمه
ام موسى  :-  ماادري خل اصير ساعه 3 واخذها

زينب  :-  يمه اليوم تقى مريضه ..
اكدر اروح ادرس اني وياها لان اتخربطت اليوم
وصلتها البيتهم وامها اسلم عليج...

ام موسى  :-  ياخطيه شبيها .. لا ماترحين ..اريد اخذ مرت اخوج منو يبقه هنا يم اختج

زينب   :-  ماشي

سيف   :-  صارت ساعه 1 واني بشغل ...
تقريبا خلصنه كل شي ..

منير    :-  سيف رايدج بشغله خويه ..
سيف   :-  كول
منير    :-  امي عدها انسداد بشراين طلع  .وكالو الازم اسوي عمليه واني عندي بس 450 ضامهن

سيف   :-  سلامتها انشاءالله لا شيل هم محلوله
اشوكت ايسولها العملية ..

منير     :-  الثلاثاء الصبح
مرتضى :-  هاااا شتحجون ...
سيف    :-  عن شغل تقريبا خلص كل شي موو
منير     :-  اي بس الازم انجيب الاطارات الجام   ..

سيف    :-  خلي زياد ايخابر على المحل ايدزولنا
منير     :-  اي كتله باجر يوصلن لان ميلحكون هسه ..

مرتضى   :-  امشو نتغده لعد

سيف    :-  جاي وراكم بس اغسل
ويتبع ...قرأءة ممتعه الجميع