#شمس
مجد:أنا ....أنا مجد .
الأب:ويعني؟؟؟ ما بدي أعرفك بالأول حتى فسرلك؟
مجد:ممكن تفسرلي بدون أسئلة؟.
الأب:أولا أنا ما بعرفك ..تانيا إذا بدك تفسير استناني بكرا الساعة 6م عند شارع*** وبعد ما شوفك بقرر .
مجد:مـ ماشي.
وقفل الخط
خالتي كانت عم تبكي وأنا بحالة الصدمة لهلئ...
ومجد ....اااخ شو بدي قول ،مجد بحالة ما بتنوصف ونحنا التلاتة بجو السكوت.
وما قطع هالسكوت غير جرس الباب . قمت لأفتح الباب بس مجد قلي:عدي أنت أنا بفتح .
وراح فتح الباب واجا وكانت معه أمي..
أمي :خير شوفي؟...ليش مكتئبين؟
خالتي ما ردت عليها ..ولما أجيت أنا احكي سبقني مجد وقال:مافي شي خالتي ...بس هيك شوية تعب مو أكتر ...عن إذنكن أنا رايح عغرفتي.
وإجت أمي وقعدت جنبي.
حنان:خير يا أختي شو في؟
هناء:لا ولاشي.
حنان:عليي بدو يمرء هالكلام؟
هناء بعد ما ضحكت بخفة:لا والله عنجد ما في شي.
أمي ما كان بدها تكرك (تضغط)ع خالتي فقالتلي:يلا شمس خلينا نمشي.
شمس:حاضر بس لح ألبس جاكيتي استني دقيقة...
دورت ع جاكيتي وما عرفت وينو..
شمس:خالتي؟...وين علقتيلي جاكيتي؟
خالتي:بغرفة مجد ..
رحت ع غرفة مجد ووقفت قدام الباب..
الله يسامحك يا خالتي حدا قلك تعلقي بغرفته؟
وبعد تردد مني دقيت الباب
شمس:مجد؟...ممكن ادخل؟.....مجد؟؟
خفت لما ما اسمعت منه رد ..ولا شعوريا فتحت الباب
شمس باندفاع:مجد؟
وانصدمت!!!...لاقيته عــ عـ عم يبكي...
الصراحة اتفاجأت...لأني ما بظن إني شفته عم يبكي من قبل
وقف مجد وهو داير ضهرو وقلي:في شي؟
شمس:لـ...لا ...لا ما في شي بس بس.
دار وشه لعندي وقال:ما بقا فيني اتحمل يا شمس ليش هيك عم يصير فيني ...
وكمل بعد ما قعد ع التخت:شو ذنبي حتى يتركني ..شو دخلني أنا اذا هو ما بحب أمي...لك لييييييييش.
ودموعه في تزايد على خدوده.
احترت شو اعمل قرب منه وواسيه..ولا ضل مكاني ....من قبل كنت قرب منه عادي بس هلئ صار في حدود لكل واحد منا....
بالإخير قررت ضل مكاني
شمس:بدك تتحمل ...مافي شي بصير متل ما بدك..
مجد:بس.
شمس: مافي بس ولا غيرها بدك تتحمل ..بعدين عيب عليك عم تبكي وأنت صرت رجال ..وبشوارب كمان ههههههههه
ابتسم هو وأنا ضحكت على حكيي.
شمس وهي حاطة ايدها ع خصرها:أي هيك ها..ما بدا زعل الشغلة..بعدين مين بيستاهل حتى تبكي منشانه أاااااه؟
مجد بعد ما وقف ومسح دموعه ووقف ع المراية ويزبط حاله التفت لعندي وقلي:تاريكي كبرانه وكبران هالعقل اللي براسك وصايرة بتعرفي تواسي كمان.
والحركة المعتادة منه كانت إنه ضربني بأصبعته ع جبيني....هلئ هي ما بتتسمى ضرب...بس أنا هيك بحب قلها...أو قلكن الصراحة ؟؟ اي ما عرفت كيف بدي اشرحلكن ياهاااا.
المهم حملت حالي وأخدت جاكيتي وطلعت أنا ومجد لعند أمي وخالتي..
أمي:يلا لكان خلينا نمشي.
شمس:يلا.
مجد:خلوني وصلكن، وين بدكن تروحوا لحالكن هيك بنص الليل؟.
يا فرحتي انا يا فرحتي ههههه عفوا جنيت
وفعلا راح معنا مجد مشان يوصلنا.
وبالطريق
عينكن ما تشوووووف
طلعلنا كلب أصلا ما بيتسمى كلب وإنما بقرة من كتر ما كبييير.
وأنا طبيعتي بهرب مسافة ألف متر إذا شفت كلب ..
والمشكلة هلئ إنه نحنا بحارة ..
وووووو الكلب قدامنا
شمس:ييييييييييي خبوووووني مشان الله والله بموت رعبة منه...
وصرت أتكمش بجاكيت أمي وبقميص مجد لأني كنت بالنص تحسبا إذا مرء من هاد الطرف أو التاني.
رجليي؟ ما عاد يحملونييي.
شمس:م م مجد مشااان الله بعدو..بعدو. خلينا نعرف نكمل مشي.
مجد شو بدي قووول فارط من الضحك عليي
وكأنه عم ينتقم للأيام الماضية.
شمس:التوبة مجد ما بقا دايقك المهم بعدو لهل الكلب هلئ.
وفجأة ما لاقيت غير الكلب عم يتجه لعندنا وعم يقرب ويقرب ....أنا هون من خوفتي ما عاد عرفت شو عم ساوي
واتعربشت ع مجد ،
اي اتعربشت عليه من خوفي..
ويا له من منظر .
كنت حاطة أديي ع وشو ورجليي ع خصرو وأنا ع ضهرو
وعم عيط وقله:لك بعدوووووو.
صرت أبكي فعلا..يعني يلي بشوفني بفكر إني مجنونة
مجد:لك يا دبة بعدي ايدك من على وشيييي ما عم شوف.
أنا لما انتبهت ع حالي فلتت اديي ولما فلتتهن وقعت ع الأرض
وووو
شمس:اااااااااااا
والحمدلله من صوتي الكلب خاف وهرب.
ارتحت عنجد لما راح الكلب وفجأة كل شي من حوليي عتم (أظلم).
#مجد
خالتي عم تبكي وأنا ما عارف شو ساوي.
مجد:لك ليش قلتلها بعدي اديكِ عن وشي؟ لييييييش؟...شو كان جابرني حتى قلهاا
كله بسببي كله بسببي
خالتي وهي عم تبكي:لا بسببك ولا شي ..هاد المكتوب..هلئ ان شاء الله ما بكون فيها شي.
مجد:إن شاء الله ...لح اتصل بأمي أنا خليها تجي
خالتي:لا ما في داعي ..همومها طامرتها ويلي فيها بكفيها...لا تقلقها هلئ.
مجد:ماشي لكان حطمنها عني مشان ما تقلق عليي.
وفعلا دقيت لأمي وطمنتها عني وارجعت لعند خالتي وقعدت جنبها
وهي حطت ايدها ع ضهري و قالتلي بينما أنا كان راسي بين اديي:ما بيحصل إلا الخير إن شاء الله ..تفائل بالخير.
وبعد ساعة تقريبا طلعت الدكتورة لتقول:حضرتكن شو بتقربوها؟
مجد:ابن خالتها.
خالتي:أمها
الدكتورة:البنت حالتها مو خطيرة بس إيدها اليمين انرضت يعني ما انكسرت أما رجلها فانكسرت وجبرناها...
كلمات كالصاعقة نزلت عليي
بتعرفوا ليش؟؟؟
لأنه أنا يلي سببلها هالشي....
خالتي حست إني اتدايقت أكتر من الأول :اااا..فينا نفوت انشوفها؟
وفتنا لعندها بعد ما وافقت الدكتورة
......................
مجد:آسف خالتي بس هلئ لازم أمشي...
خالتي:ولا يهمك يا عمري...روح أنت وأنا ببقى معها لبين ما طالعها من هون.
وارجعت ع البيت وأمي كانت نايمة...
شي غريب ما بالعادة أمي تنام العصر
رحت ع غرفتي لبست وغيرت ملابسي
وطلعت بسرعة مشان ما أتأخر ع الموعد يلي عطاني ياه...أ..أبي
وصلت للمكان اللي اتفقنا عليه
وعرفته لأبي وما بعرف شلون
مجد:الساعة 6 طبق.
الأب:باين عليك إنك دقيق بالمواعيد
شعوري ما بحسن أوصفه لأني ما بعرف أصلا بشو حاسس..
انكسار؟..غضب؟..حزن؟؟شوق؟
عنجد ما بعرف
الأب:ما عرفتني عن حالك
مجد:مع إني قلتلك من قبل بس يبدو إنك انسيت....إسمي مجد فايت ع 19
الأب:مازن 45 سنة
مجد:بعرف
حسيت إنه استغرب
فقلت:منرجع لموضوعنا الأصلي واللي هو سبب هاد الموعد.
الأب:أولا ما بدي أعرف مين أنت حتى أحكيلك؟؟
مجد بارتباك واضح:وعدني إنك ما بتقرب عليي إذا قلتلك...وبتفهمني كل شي بالتفصيل...وبتتركني بحالي بعدها..
الاب:مع إني ما مقتنع بحكيك كتير...وأنا ما لح أكلك ،شو بتكنلي أصلا....بس يلا وعد مني إني نفذ يلي قلته
مجد بسرعة: لح عرف عن حالي منيح لتعرف مين أنا لحالك...أولا
مجد
الأب مازن
الأم هناء
ومتل ما قلت سابقا فايت ع 19 من عمري
ساكن مع أمي ....ومتل ما شايف قدامك عيوني بتشبه عيونك يعني خضر أو قلك ما في داع للمواصفات فأنت شايفها...
وبظن إني عطيتك تلميح لتفهم مين أنا..
الأب :الأم هناء والأب مازن؟؟؟؟
مجد:اي نعم
الأب وهو عم يتصنع الغباء:ما عرفت
مجد بهدوء غير الطبيعة والجو العاصف يلي حوليهم: إبنك وبكل بساطة....إبنك يلي تركته لسبب غير معروف...واعلم إني ما مسدق إنك تجوزت إمي بغير ارادتك..لأنه وحسب شخصيتك يلي عرفتها من قبل ومن ناحية أمي...إنك قاسي! بلا ضمير.. للعلم هدول وجهة نظري أنا...ما فيك ذرة من الحنية...واللي اعرفته عن شخصيتك من أمي هو إنك عنيد حتى لو كلف هالشي حياتك إذا بدك تنفذ يلي براسك...وبظن مافي داع للباقي...لأنك عنيد وإذا عنيد عنجد ما كنت لح تتزوج وحدة ما بدك ياها...واللي هي أمي وأخلاقها بتتعدى الخيال وجمالها كذلك..بقى قلي سببك يلي ما بظن حيقنعني.
الأب ببروووووود:صح أنا ما تجوزت إمك بالإجبار وكان بدي ياها...بس أنا من بعد ما إنت ولدت بسنة تركتكن لأني أولا ما كان بدي ياك بهداك الوقت تانيا كان الشغل عاميني وما فاضي لحدا ثالثا ما بحب الولاد الصغار لهيك قلت لأمك واتفقت معها ع إنه بعد ما تقطع 18 أخدك لتعيش معي.
مجد بانكسار واااضح:لأنك ما بتحب الولاد الصغار؟؟؟..خليني قول هالكلكة ومع احترامي إنك أبي أنت مختل عقليا......
هل فهمت ليش تركتني مع إنه سببك سخيف....بس شي واحد جاوبني عليه..وهو ليش طلقت أمي؟!!
الأب:لأنه ما بدي عيلة بعدا....ما بدي ارتبط بحدا يمكن اتهدد بسببه أو يصير نقطة لضعفي أمام الشركات الأخرى...وبعتذر هلئ أنا ما معي وقت ...سلام ....وححافظ ع وعدي واتركك مع إمك لأني بعد شوفتك ما عاد بدي ياك من الأصل...اعتبر هالشي متل ما بدك ....ما بهمني.
مجد بعصبية:احلم بس إني اعتبرك أبي بعد معرفتي لحقيقتك واعلم إني أنا ما بقبل إنك تكون أبي ....سلام يا أكتر شخص بلا ضمير شفته بحياتي....وخلي عيونك ع المصاري لأنه بنظرك هي بتفيدك أكتر من أي شي تاني، وهاد التوقع يلي عندك خاطئ تماما.
وحمل حاله ومشي ع البيت بكل غضب.