خطوات نحو الجحيم

الحلقه 36

#خطوات_نحو_الجحيم

//// بقلم الكاتبه زينب ماجد////

الحلقه_36

جياد:- طيب وجوزاها لو بدها تسافر..

-جوازها يبقى تحت لحظر لحد ما ينمسك ميشيل.. وندينو بالقضيه.. نبرئها.. ونحنا بنتكفل حمايتها....

- واذا كشفو ان ورايه شرطه يتبعوني ؟!

-مرح يكتشفو.. وبدك تكوني حذره.. جوزك عايش معك هلاء

-اي ويايه..

-بدك تاخذي حذرك منو كتير منيح  ولازم تعرضي حالك ع دكتور لحتى يعرف ويكتب فيكي تقرير انك بتتعاطي مخدرات.. وشو نوعها  

ويعطيكي علاج   لحتى تكوني منتبه للي بدو يصير .. ما لازم تخضعي وتتعاطي.. ولا بتنكشفي. 

-بس اني هسه مدا اخذ..

جياد:- استاز حسن.. انا حاسس ان هم عم يعطوها المخدرات بدون علمها.. بشي اكله او شرب ..

-بقرب وقت تروحي دكتور فورا لحتى بيكشف حالتك..

لجين:-ان شاءالله.. بقو يتصلون ويحققون ورادوني اروح المركز بس كالو ممكن تكون مراقبه..

فتدبرو امر المراقبات والحمايه منهم..صراحه خفت اكثر الشغله صارت بيها مافيات وشرطه واني بالوسط..

كملو تحقيق.. طلعنا اني وجياد.. كتله على خوفي وقلقي..

كال متخافي.. بالعكس بدك تتطمني.. كنتب بأيديهون .. ومحد بيقدر يحميكي منون.. هلاء الشرطه والاستخبارات بدها تحميكي وتمسكون..

-ما اعرف.. الله كريم.. لباب الفندق.. كتله يلا مع السلامه..

-ااا لجين لحظه..

-شنو

-رفيئي فؤاد بتعرفي.. بدي عرفك عليه وصديئتنا نور كمان.. بفضل تنظمي لألنا لحتى تملي فراغ بحياتك ومتكوني وحيده. 

-هههه ماكو اي مانع .. بس وين بالبار ؟!

-لا مش بالبار .. بشي كافيه انا بخبرك على المكان. 

-ان شاءالله يلا باااي.. عفته وطلعت للبيت.. فتحت الشقه.. كان مالك كاعد..

-وين جنتي

-طلعت اتسوك شوي .. شكو تحاسبني

-ممشتريه شي.. شنو تلعبين عليه

-شعليك انته   معجبني شي رحت تغديت..

-اتقرب ولزمني من حنجي.. تحجي لا افجر راسج.. وين جنتيييي

-دوووووخر وي صديق .. شرايد

-شسمه

-جياد.. ارتاحيت

-منو هذا جياد..

-صديق قديم تعرفت عليه من جنت بمجال الازياء وهسه التقينا من جديد وكاعد نلتقي.. انته شكو

-اني اعرف شلون اتصرف وياج كلبه..

-عفته ورحت اخذت علاج.  ومشيت لبنتي.. كعدت العب وياها .. لليل.. كمت بدلت وخابرت جياد..

كال احنه بكافيه ...... تعي

-كتله جايه.. اول ما دا اطلع من البيت.. اتصل يوسف الحاج.. رديت الوو

-الو يحلوي .. شو اخباريك..

-الحمدلله.. انت شلونك..

-انا يلي بسأل على لونك.. شو يلي صار ما قدرتي تاخدي معلومات من ميشيل..

-البارحه كنت بالفيلا وابد مكدرت اتوصل لمكتبه.. بعد باجر اكو حفله هم اروح وبلكت يااارب احصل. 

-بدك تاخذي حذرك..

-ان شاءالله..

-ما تجي لهون.  بدي شوفك..

-انت وين

-انا بالبار.. وبدي العب ورق مع ميشيل.. وبدي فوز..

-ههههه ماشي.. رح اجي.. قطعت الخط من يوسف.. اتصلت بجياد.. كتله هيج وهيج الموضوع..

كال اوك ع راحتك..

-طلعت للبار.. وصلت للقاعه مال القمار.. دخلت.. يوسف ديلعب مع شخص غير ميشيل..

وكفت يم ميشيل.. وصرت احجي وياه.. ويوسف كدامي.. احس روحي بدوامه بينهم ما اعرف شسوي..

شغلهم اكبر مني بهواي..  مرات استسلم.. واكول ابتعد.. بس وين اروح.. افكر بالشرطه ما عندي دليل وحياتي صايره عباره عن لعبه قذره..

شوي.. وشفت مالك دخل لقاعة القمار.. تقرب مني..

-هلووو

-لا هله. 

-ما كلتي رايحه للبار

-وانت شعليك..

-هممم .. بقى واكف يمي.. تضايقت منه.. رحت كعدت.  شوي وجابولي عصير.. ما اعرف جنت عطشانه .. وحلكي جاف من كثرة الجكاير..

اخذت العصير بسرعه وشربت.. بس ياريت ما اخذته.. احس صار عندي انفصام..

كمت من قاعة القمار رحت لقاعة الرقص.  جياد و فؤاد.. كانو موجودين.. ضحك من شافني واجه يسلم..

اتذكر سلمت.. بس ما اعرف شلون.. احجي وياهم واضحك هوايه... جياد اتعجب من طريقة ضحكي..

جانت طالعه اغنيه للشاب خالد راقصه.. اريد ارقص كووووم جياد نرقص كوووم.. كام فؤاد يرقص ويايه..

وارقص واضحك بصوت عالي على غير عادي وتصرفاتي مو بيدي اصلا كأني بحلم.. ومدا اسيطر على نفسي

اتذكر هذه الاحداث مثل الحلم.. اضحك بطريقه هستيريه كمت واركص بنص البار.. وجياد يحاول يكعدني..

ما اعرف الدنيا كلها تباوعلي واني بعالم اخر بجسمي طاقه تتحكم مو بكيفي.. وكفت يم ابو الدي جي..

واخذت السماعات منه.. وخليتهم وكمت اكمز على انغام الاغنيه... اتذكر سويت هيج اشياء بس كأنو حلم..

ابد ما واعيه لشنو سويت.. بيومها حاظنه جياد وابجي واضحك بنفس الوقت واكله لا تعوفني.. ومخليه راسي بركبته وحاظنته.  وهو مصدوم وماخذني بين اديه..

هذه الاحداث كلها ذكرني بيها او هو سولفلياها.. ما حسيت على نفسي غير الصبح.. واني بفراش ابيض..

ورجال كدامي .. لابس قميص وبنطرون ومكتف اديه وداير وجهه لاجام.. خليت ايدي على عين واحاول اركز بالعين الثانيه ..

هذا منو.. اندار عليه .. جياد..

كمت من مكاني.  جياد شجابك هنا. 

-لجين من كل عقلك. ؟!

-شنو الصاير

-مبتعرفي شو عملتي

-اني ليش هنا

-لجين جاوبيني.. شو يلي عملتي

-ما اعرف ما اتذكر انته بس كولي اني ليش هناا

-انتي اثبتي للشرطه ولكل يلي بدون يساعدوكي انك بنت ليل..

-كمزت من مكاني   ليش شسويت..

-لك حسن بيقول انك بنت ليل وكذابه وبدو يمسكك وانا ترجيتو لحتى نفهم منك شو صاير

-جياد والله ما اتذكر شسويت..

-انتي رقصتي ورميتي حالك عليي بطريقه مقرفه جدا.. لك خجلت من تصرفاتك والله شو عملتي..

انا كنت غلطان لما حاولت افهم شو قصتك.. انتي بنت بتسكر وبتتفق مع الرجال. 

-ما اتفقت وي احد والله .. كل العندي خبرتكياه  

-لك في حدن مبارح كان عم يتقاتل معي انا وفؤاد.. ويقول انا دافع حق ليلتها وبدياها.. انتي مقلتيلي انك بتطلعي مع الرجال..

-ما اطلع والله  و ما اتذكر كل اللي صار..

-انا بعتذر لجين.. كنت بتمنى ابني صداقه معك.. بس لهون وبيكفي.. ابدا ما بتشرف بصداقة بنت ليل 

-بس اني موووووووو هيج.. والله مو هيج وما اتفقت مع احد والله ولا سكرت ولا ابد.. شنو اللي ديصير

-جبتك لهون مبارح لحتى سكت الفضيحه يلي عملتيها .. ما كنتي قابله تمشي مع الزلمه يلي دفع حقك.. وكنت تقولي انا بدياك لالك..

اخذتك وجبتك لهون. وهلاء بدي انهي كل علاقه بتجمعني فيكي.. مفهوم.

تتواصلي مع الضابط حسن لتكملي بقية الاجراءات.. عسى بيكون كلامك صحيح.. ويقدرو ينقزوكي..

وهلاء فيكي تروحي..

-اني اسمع الكلام . وابجي.. اخذت جنتطي وحذائي ونزلت ابجي .. اخذت تكسي ورحت على الشقه..

اول ما دخلت ... تعاركت ويه مالك.. لان يبيعني لواحد. كال مو اني ميشيل هو اللي باعج البارحه لرجال طلبج منه لما كنتي واكفه وياه..

كمت اتعارك وياه واضرب بيه.. شالني ودفعني كومني بالكاع ويصيح ويغلط عليه.... احس خسرت كلشي ضليت ابجي حييييل..

بجي وسهر وتعب  لثاني يوم.. كلت لازم اروح لادكتور حتى اشوف شديصير ويايه..

رحت دكتور خاص سوالي فحوصات.. واكد اني يوميا اتعاطى مخدرات.. بس مو نوع واحد..

نوع يخليني اصحى وكل الم ما بيه.. نوع يخليني انفصم بشخصيه اخرى واتصرف بغير العاده ..

وكثير انواع مستخدميها ويايه.. لدرجة مضروب عندي الكبد.. متأذي حيل وبسبب المخدرات وقوتها ما جاي احس بشي..

كتبلي لازم اخضع لمصح حتى اتعالج.. مستحيل اكدر اتعالج برا.. بس توسلت بي كتله ما اكدر هلفتره. 

بس انطيني التقرير.. وانطي مهدئات وعلاج يخليني اقاوم وجع الادمان..

اخذت منه.. بس اكدلي لازم كل كم يوم ارجع اعيد الفحص.. وان اخذ حذري من الاكل والشرب بالبيت يمكن من خلالها دينطوني المخدرات. 

اخذت التقارير وطلعت.. وصلت للعماره.. ما بيه ادخل للشقه.. اخذتهم وصعدت لسطح العماره.. كعدت

صورت التقارير لجياد.. وبعثتهم واتساب.. رجعت اباوع للمنظر  العمارات كبيره وضخمه وشاوارع وبيوت بعيده..

معقوله الله يشوف كل هلعالم وميشوفني.  ليش دنيساعدني.. كمت ابجي حيل واصرخ يارب ساعدني تعبت.

  باوعلي وشوف حالي انقذني من اللي اني بيه ربي والله بعد ما اتحمل..

تعرف اني مو بنت ليل.. ولا هذا ثوبي.. يارب تعرف اني شنو.. الكل ممكن يكذبني بس انت تعرفني..

ليش مدا تساعدني تعبت.. راضي بعذابي ليييييش.. ليش اليقتل واليسرق واليدمر يعيش مرتاح واني لا. 

ما قتل ولا سرقت ولا دنرت بشر لييييييش ما ترحمني.. تعبتنييييييي ساعدني تعبتتتت ..

تاركني بالعذاب ليييييش.. يا تاذخذني الك.. يا تنقذني.  انت قادر على كلشي اعرف بس ليش ما دا تساعدني شنو ذنبي..

كمت اناجي واعاتب ربي بتعب.  اشوف اللي يتاجرون بالبشر مرتاحين واحنه لا.. مرات اكول هو عليك بامره ومرات افقد صبري واتعب وابقى اعاتبه  

بقيت ابجي واصرخ على سطح العماره.. وصلت لدرجة الانهيار اني تعبت ما اكدر بعد اواصل وارجع ادخل العماره وامارس الحياة وكأن شيء لم يكن. 

وكفت.  وقررت انهي حياتي افضل مما اعيش بهلدوامه.  بنتي الها رب يحميها   ما اكدر ابقى بهلقذاره. 

وكفت على حيلي.. ابجي حيل.. ما عندي القدره او الجرئه للانتحار.. بين عقلي وضياعي. 

ساعه اكول حرام واخسر ربي وساعه اكول لو ربي يريدني ويريد ينقذني جان خلصني من زمان هو غاضب عليه ما اعرف ليش خل خلص حياتي وانهي مأساتي تعبت. 

جياد:- لاء لجين..

-واني بين دموعي وضياعي بين الانتحار او لا.. سمعت صوت جياد.. صحت ابتعد..

-بتخسري كلشي   حرام انزلي .. مش هيك الحل

-اي خل هذا التحجي عنه   اني تعبت.. اني مو بنت ليل والله مو بنت ليل..

-لجيييين.. اتراجعي.. ما تكوني انانيه.  بنتك بحاجتك حرام بتفع ثمن غباءك..

-بقيت ابجي واستمع  

-لما تموتي بيكون الدور لألها تعاني ويمكن جوزك بيبيعا وتصير بنت ليل وبهداك الوقت بتتمنى لو كانت عندها ام بتخلصها من شر الناس يلي بيبيعو فيها

انتي ام متكوني انانيه وبتخلصي حالك.. الله يمهل ولا يهمل.  بيشوفنا ويختبرنا وبينتظر ان ندعي كتير لحتى يستجاب  

الشرطه معك.. وبدها تنقذك متكوني غبيه. 

-انداريت اله.. بس تعبت.. ويه ما انداريت اله.. سحبني بساع ووكعني للكاع.. وبقى يمسح بوجه. 

بقيت كاعده ابجي حيل.. بدون كلام... هو كعد يمي بدون حجي خله راسه بين رجليه وبقى ساكت. 

رجع باوعلي... اديشك غبيه

-تعبت جياد.ما بيه اتحمل اكثر والله..

-وبتقتلي حالك.. شو هلضعف هيدا. 

-وشنو اللي يخليني اعيش على موده.. ديسووني بنت ليل.. الموت افضل من هلعيشه..

-كنت متوقع انك اقوى من هيك..

-دنكت ابجي وما ارد عليه

-بدك تقومي معي.

-وين

-قومي لشوف

-جر ايدي.. ونزلنا اني وياه.. صعدني بالسياره.. ما اعرف وين ما خذنيني يمشي بلا ما يحجي .

وصلنا  لجامع محمد الامين.. كال انزلي ..  اشتريت حجاب ودخلنا اني وياه..

بقيت اباوع لفخامة المكان والاجواء اللي تحسسك بالايمان.. رحت توضيت واجيت صليت .. ما اعرف ليش طولت صلاتي 10 ركعات..

كنت طول الصلاة ابجي.. اخر سجده.. سجدت ما كمت بقيت ابجي لله بحركه.. واصيح خلصني يا الله انقذني..

كملت الصلاة.. وطلعنا.. ما حجه وياي اي شي يمشي ساكت.. صعدني بسيارته جانت ليل.. اول ما مشت السياره نمت..

ما حسيت على الدنيا.. تعبانه ومنايمه.. شمرت روحي فد مره.. حسيت عليه وهو ينزل الكرسي..

كعدت.. نزل الكرسي حيل وكال كملي نومك.. خدي راحتك..ما حاولت اصحى.. رجعت لنومي..

الجو بارد بره السياره.. بليل والصبح حيل تبرد.. الشهر 11.. بس جوه السياره كان الجو بين البروده والدفو..

اخذ سترته.. وغطاني بيها..  دخلت بسبات فضيع..

ما كعدت غير الفجر وهو موقف السياره على جنب.. ومكتف اديه ونايم. فتحت عيني.. البحر شوي عنا هناك..

صوت الطيرو فوك البحر يجنن.. وصوت البواخر تطلع   .. كمت من مكاني ونزلت من السياره وتمشيت للجسر..

بعدها الشمس مطالعه.. مجرد  زراك بالدنيا.. دا اباوع والنعاس بعيني.. تخلت ايد على ضهري.. درت وجهي.. جياد..

مسحت على كتفه وابتسمت.  شكرا..

-اندار اليه وهو منتجي على السياج ويكتف اديه..

-ع شو

-على كل اللي سويته. 

-تقرب اكثر.. صفن بوجهي.  شو يلي ساويتو..

-دعمتني معنويا..

-انتي بحاجه لهيدا الدعم.  ؟

-لولاك.. لكنت ميته هسه.  ومنتحره..

-بفهم انا يلي خلصتك من الموت.. وانتي مدينه لألي ما..

-استغربت كلامه.. بس ابتسمت..

-دار وجهه عني.. مرتي بدها تتطلق..

-عقدت حاجبي ليش

-خيها كان حاظر لما كنتي انتي بالبار .. وشاف كل يلي صار.. وصورني معك.. وباعثهون لمنى

-وشكلتلها. 

-سألتني مع مين كنت سهران ونايم برا البيت.. بكل غباء قلتلها مع فؤاد.. ضحكت وقالت.. كنت مفكرتك سهران مع بنت اسما لجين .. متوقعتك انت صادق لهدرجه..

-كللها صديقتي .. وكانت تعبانه.

-انتي صديقتي..؟!

-لعد شنو

-حاولت اشرحلا بس ما زبطت معي.. شو بيدي اشرح.. تركتا بلا جواب..

-ليش

-اتصلت فيني لما كنت جايي لعندك.. لحتى قلك اخر كلام عندي.. رديت عليها.. قالتلي بدي اطلق.. بنفس اللحظه يلي بعثتي فيها التقارير..

وكانت صورت التقارير.. فيها جانب من اعلى العماره.. البي حاسسني انك بدك تعملي شي.. اول شي ساويتو..

صعدت لسطح العماره.. ولهون وصلنا وما كلمتا ابدا..

-وليش.. لازم ترجع هسه تعتذر منها..

-مو حابب.. يلا بدنا ناكل شي.. عصافير بطني عم بيقرقرو..

-جياد... لازم ترجع لبيتك اسفه والله مكان قصدي اعكر جو عائلتك..

جياد اسمعني شبيك اوكف..

-بدي اكل شي جوعاااان..

-اكل بالبيت

-ما بدك ترافئيني ع راحتك..

- لك مو هيج .. اصلا لازم ارجع للبيت بنتي بسبب خللتي وادماني ما شفتها. .. ارجع لبيتك..

-تعييييييي بلا كلام..

-سحبني من ايدي وكعدنا بمطعم طلبنا فطاير جبن بالزعتر.. اكووول موبايلي وين لابد خابروني هوايه..

-اتصل جوزك امبارح.. وسكرتو للجهاز .. قلت خليها نايمه وهاديه.. ما حبيت يزعجك باتصالاتو..

-جياد.. لا صدك والله لازم ترجع لزوجتك وتبررلها لان فعلا ما بينا شي غير الصداقه..

-لجين انا مبيهمني لو طلقتها او لا .. لان علاقتي فيها مقطوعه من زمان. 

-شلون يعني..

-مرتي عندا هوس النظافه.. كل مشاكلنا بسبب النظافه.. بتقبل اغسل بالصابون تبعها

مبتقبل نام على السرير بدون ما اتحمم.. مبتقلل اوصل لعندا لانها بتقرف من العلاقه الزوجيه وتعتبرها وصاخه.  وهيدا الحال صارلو اشهر   حتى ........

-قاطعته.. عفوا ما احب تشكي زوجتك يمي.  كل انسان عنده اخطاء .. ماكو احد معصوم..

فهذه اعتبرها اسرار زوجيه ما احب اتكلم بيها..

-بس انتي يلي طلبتي بتعرفي شو سبب بروة مشاعري اتجاه طلبها للطلاق..

-كنت اعتقد ان اكو مشاكل اجتماعيه قابله للحل.  بس ارفض ان اطلع على اسرار زوجتك. 

بتالي لو اروح اسألها عنك يمكن هي هم تشكيك واطلع بيك غلط.. واجبك تتفهمها وتحاول تعالج هوسها بطريقه محببه. 

-انا مو قصدي اشكيها ابدا.. بس لجين انا ما عندي مانع بالطلاق ابدا.  انا وياها مش متفاهمين .. ليش بئا بدي ابقى معاها  

يمكن بدها يلي احسن مني.. او انا بدي احسن منها.  عادي ما اتفقتا نطلق..

-وابنك. 

-شبو

-ضحيه خطيه..

-يا ستي ابني شو دخلو.. نرتي ما عم تعطيني حقي كرجل.  بتقرف مني شو بعمل.. شهور وانا احاول اصلح علائتي فيا بس ما بدا تتخلص من هوس النظافه تبعا  

بدي اتحمم كل دئيئتين كرمالك تقبل فيني وما تقرف مني.  شو هيدا.  تصطفل منا لهوسها  

-ما اعرف انته اعرف بعائلتك.  صار لازم اروح..

-ع راحتك.. بوصلك..

-لا شكرا اني اروح ما اريد يشكون اكثر من هيج  

-تقاريرك تبع الادمان عندي  

-بقيهم عندك.. خاف يشوفهم مالك وابتلي  

-اوك.. لكان تعي معي

لاعطيكي نقالك..

-ماشي.. مشيت اخذت فوني ورحت للشقه مالتي.. اول شي رحت لغرفة بنتي.  كانت نايمه شلتها من فراشها وخليتها على كلبي

يمااااااي والله احبج يا عمري انتي.  اخذ نفس وهيه على كلبي.. خليتها بحظني.. ونمت..

كعدت وره شويه.. عليها وهي تضرب بوجهي..

اخذتها للمطبخ.. وكعدت اوكلها.. سويت ريوك.. واكلت.. ما خليت احد يسويلي..

قدمتلي ريتا شاي.. رفضت اخذه.. ورحت سويت قهوه لنفسي.. مالك انزعج.. صاح ليش متشربين.. كتله معليك انته. 

ما رد عليه.. بس كمل وراح للغرفه يستفقد اذا اكو علاج للادمان.. شكد كلب.. عرفت هو اللي دينطيني الحبوب..

ما رديت عليه... تركته يدور.. ما لكه شي.. ضاج بس ما سئلني.. خابرني ميشيل.. كال اليوم بدك تاخذي الملفات المزيفه ليوسف الحاج..

ع الساعه 2 .. بتكوني قدامي.. كتله ماشي.. طلعت من العماره.. واتصلت بحسن.. كال بدك تجي هلاء.. لحتى نحط سماعه ونسمع كلشي يصير بيناتكم..

كتله ماشي.. رحت لنفس الفندق من المطبخ صعدت للغرفه.. لبسوني سماعه خلوها بملابسي.. وانطوني التعليمات ومشيت..

خابر جياد.. كتله البوم راح اروح اليوسف الحاج.. كال اني راح كون قريب منك لحد ما تطلعي  

كتله ميحتاج.. رد مو عكيفك انا هيك بطمن اكتر  رحت لميشيل.. حجه ويايه على الاماكن مال الفيلا مال يوسف. 

وطلب مني اخلي سماعه لاقطه.. بمكتب يوسف.. كتله هيج صعب.. كال بدك تنفذي.. كتله اذا مكدرت اخليها بشي مكان قريب على المكتب..

كال لا بدياها بالمكتب.. فتح كدامي الابتوب.. دخل الملف.. نسخ وراح لملف ثاني.. زور الحقائق..

ونسخهم على شكل اوراق وانطانياهم.. خلصت الحفلا بفيلة ميشيل.. وتوجهت لفيلة يوسف الحاج..

واني على طول الطريق حلكي ما سكت من الذكر والاستغفار حيل خايفه.. طلبت الاذن بالدخول للفيلا..

دقايق وكالو ادخلي.. طبيت كان يوسف الحاج كاعد بالصاله.. بدون ما يسلم او حتى يحجي.. مد ايده..

انطيته النسخ..

-كيف قدرتي تاخديهن..

-اتسللت الحاسوب ميشيل.. ونسختهم

-ماكان في باسوورد بالحاسوب..

-امبلا في.. بس عرفته سابقا..

-شو هو .. انطيته الرمز العلمني عليه ميشيل..

-من وين عرفتي..

-كنت اراقب ميشيل صار فتره.. وعرفته.. وما عرفته من ميشيل.. مريانا تعرف وهي فتحت الحاسوب كدامي مره..

كل ضنها اني ممنتبهتلها.. بس اني كنت اباوعلها بالمرايا..

ما اعرف اذا اقتنع بالكلام.. بس هز راسه.. بقى يقره بالملف. كام وتركني..

بقيت وحدي بالصاله.. بس الخادمه واكفه.. كتلها الحمام لو سمحتي.. كالت من هون..

مشيت.. للحمام.. شفت الخدامه راحت.. ركضت على هدوء وفتت من باب المكتب الخاص بيه اللي دخل بيه.. سمعته يكول..

الملفات مش مهمه وبعتقد مش صحيحه ما بدي اعلء مع ميشيل اقتلها مبعتقد تنفعنا باكتر من هيك....... اني سمعت هيج لو جمدت اطرافي ....يتبع