.فايز كانت يمشي بسيارته مايدري وين يروح ، وكانه تذكر شي
ورفع جواله واتصل ب عمر شوي ورد
عمر:هلا
فايز:هلابك اخبارك
عمر:تمام الحمدلله انت شلونك وشلون اخوانك بعد العزاء
فايز:الحمدلله الكل بخير ، تذكرتك واتصلت عشان بس ماتقول اننا
نسينا موضوع جده والنقل
عمر اخذ نفس:فايز ماادري وش اقولك كنت بعلمك من زمان بس
ظروف العزاء تعرف
فايز استغرب:وش فيه؟
عمر:امك الله يرحمها جتني قبل اموتها
فايز:ايه
عمر:اعتذرت
فايز بصدمه:ايش؟
عمر:ايه والله اعتذرت ، الله يرحمها ، وعشان كذا براحتكم بتنقلون
او تبقون بالرياض بكيفكم مااجبركم
فايز:ماكنت اعرف انها جايتك تعتذر
عمر:صدمتني انا بعد ، ع العموم الله يسامحها ويحلها
فايز:جزاك الله خير
عمر:فكر عاد ، اللي اريح لكم سووه
فايز:ان شاءالله مع السلامه
وسكر وهو ماتوووقع اللي سمعهه ، ماتوقعها ابداً تعتذر
تجهزت ثريا ومن خلصت لبستن عبايتها واخذت شنطتها وجوالها
وطلعت من الشقه وهي بالدرج اتصلت بهاجر
ثريا:وينك؟
هاجر:شوي واوصل
ثريا:تمام خلك عند الباب نبي نطلع
هاجر:وين؟
ثريا:مو طايقه البيت بطلع معك
هاجر:تمام
وسكرت ثريا ومشت نزلت وطلعت من الباب الخلفي ماحد شافها
ومن شافت سياره السواق وقفت عند بيتهم مشت لها وركبت
هاجر:هلا هلا
سلمت عليها ثريا:هلابك ، وقفي
ورفعت جوالها وارسلت لفايز:)انا بطلع مع هاجر بغير جو ،
ساعتين بالكثير(
وارسلت وحطت جوالها ع وضع الطياران وناظرت لسواق
ثريا:يلا امش
ومشو وهاجر مستغربه وواضح ان ثريا فيها شي بس ماحبت تتكلم
لين يجلسون بمكان
فايز كان ساهي يفكر بالسياره وجاءه صوت الرساله ورفع جواله
ومن شافتها تافف واتصل فيها مقفل ضغط ع اسنانه وارسل لها
فايز:)شوي وجاي لاتطلعين(
ونزل جواله وهو متجه للبيت
،
هاجر:لاتقولين انك ماقلتي لفايز؟
ثريا لفت لها:الا قلت له
هاجر:متاكده؟
ثريا؛هاجر خلاص عاد لاتسوين علي المصلحه
هاجر:كنت بسكت لين نوصل مكان ونتكلم فيه بس دام كذا وضعك
قولي لي وش فيك؟
ثريا تنهدت وحطت يدها ع صدرها:كارهه البيت كاره شقتي وكاره
قرب فايز ، احس ماادري كيف ، احبه والله بسس من الصبح اذا
قرب لي احسس بضيق
هاجر بصدمه:افا كل هذا؟ ليشش طيب
ثريا حست بكتمه:خلاص هاجر غيري الموضوع طالعه معك ابي
اغير جو
هاجر:زين طيب طيب
ثريا اخذت نفس وكانها ماتبي تفكر بشي وناظرت لهاجر وبدت تتكلم
عن السوق..!
سلوى تكلم:من ماتت ماكلمني ولا حتى يرد ع اتصالتي
امل:انا كذا من ماتت خالتي حاولت اكلمه ماقدرت ، ياربي سلوى
متشفقه ع عيالي من متى ماشفتهم
سلوى تنهدت:انا وش اقول ، وحيدي حارمني منه حسسبي الله
عليك ياثريا بس
امل:امين ، الا وش بتسوين انتي
سلوى:مااقدر اسوي شي ، خربت عيشتي ثريا
امل:تبين الصدق ، اللي تستاهل التحسب عبير ، تخيلي كل ماكلمتها
اقولها كلمي صالح يكلم سعد وردي لي وكل مره تقول نسيت ولا
صالح مشغول
سلوى تنهدت:هذي هي عبير توك تعرفينها
امل:الله يقلعها والله انها حيه
سلوى:انا اشهد
،
وصل فايز للبيت ودخل لصاله شافهم موجودين كلهم
فايز:السلام عليكم
الكل:وعليكم السلام
ومشى لغرفه لمى ولمى تناظر له فتحها مافيها احد ورجع طلع لدرج
لين الشقه وفتح الباب ودخل ويتلفت
فايز:ثريا!
دخل للغرفه وللحمام وطلع للمطبخ مافيه احد عرف انها ططلعت
وعصصصب ورفع جواله شافها مااستلمت الرسسساله وتنرفززز
وصار يتصل عليها مقفل ، نزل بسسرعه لين الصاله ومشى من
بينهم وجلس وهو يهز رجله بتوتر ووليد استغرب
وليد:فايز فيك شي؟
فايز لف له ومارد ورجع صد
صالح ناظر له شوي ووقف:انا بروح لشغل
ومشى طلع وعبير قامت بدون ماتتكلم ومشت لشقتها
وقام سعد:وانا الظاهر اني تاخرت ، لمى لاتنسين تقولين للخدامه
تطلع تاكل العيال
لمى:ان شاءالله
وطلع سعد ، وقام بسام واشر لزينب وقامت معه وطلعو فوق
وليد ناظر للمى واشر لها بمعنى وش فيه فايز ولمى ناظرت لفايز
لمى:فايز
فايز بعصبيه:مافيني شششي ، ثريا وينها؟
لمى:بغرفتي كانت
فايز:مو بغرفتك ولا هي بالشقه
وليد:وين بتروح يعني ، اذا اذا طلعت راحت لدار وش فيك معصب
ناظر له فايز:معصب لانكم ماتنتبهون ، شششلون تطلع ولا تدرون
عنها
لمى:ثريا مو صغيره
فايز:بسسس انا مو موافق تطلع
لمى:البنت تعبت بعد اللي سمعته اليوم وشافته ، ترا مو هينه عليها
خلها تططلع تغير جو
فايز:تطلع ممممعي
وليد:منحاشه عنك البنت
فايز لف وناظر له بححححده
وليد:قالت لك لمى اللي سمعته مو هين عليها
لمى:صح وانت شفت من سمعت هالكلام قلبت عليها نفسها
وليد:انت مو واثق فيها؟
فايز بحده:واثق فيها وثريا اكبر من هالكلام بسس مو واثق بالعالم
حولها
وليد:تطمن ماعليها شر ان شاءالله
فايز بعصبيه صد عنهم وصار يهز رجله بقوهه ووليد تنهد ولمى
قامت تذكر الخدامه بااكل الصغار وهي عارفه عصبيه فايز..!
هاجر بصدمه؛شلون شلون شلون
ثريا شربت كوب الماء الثالج قدامها وناظرت لهاجر وحركت راسها
ب ايه
ثريا:شفتي لوين وصلت فيها الوقاحه؟
هاجر:عممممممى يعميها الكلبه سكتي لها؟
ثريا؛وش اسوي هاجر قسسم مللللليت كم مره سسوتها قدامي كم
مره بتسويها ، اول ماشششفتها ماادري تقرفت وكذا ماابي اقرب
لفايز تعبت
هاجر؛بس فايز ماله ذنب
ثريا:عارفه وهذا اللي ذابحني
هاجر:ياحياتي
ثريا:حطي نفسك مكاني هاجر ، ورب العباد صعبه جواهر كرهتني
عيشتي اعترف احس انها بدت تفوز
هاجر حطت يدها ع يد ثريا:لا تهبى وتخسى ، ههالبزر تفوز
ثريا:اوف
هاجر حاسه فيها حاسه باللي مضايقها بس وش تقدر تسوي
،
عبير تكلم بملل:ايه امل تكلمت مع صالح بموضوعكم وصالح تكلم
مع سعد وسعد رفض وش اسوي بعد؟
امل:كذابه ماتكلمتي
عبير:وجع قو عينك تكذبيني
امل:عبير لاتكذبيييييين ، وش يضضرك لو رجعت لسعد
عبير:ماتضريني حبيبتي وش تضريني فيه وانا اللحيين كبيره البيت
امل بضحكه:نعم نعم؟
عبير:مثل ماسمعتي
امل:ههههههههه ضحكيتي والله ياعبير ، استغليتي موت خالتي ع
طول
عبير:امل انقلعي الكلام معك ضايع ولاتخافين عيالك باايادي الخدم
وسكرت قبل تتكلم امل وتنررررفزت من كلامها وردها لها ، كذا
يعني ياعبير؟
،
بسام:اسبوعين باقي ويبدا الرمضان وسعد مو قادر يصفي قلبه
زينب:اذا قصدك ع امل احنا مالنا دخل ، سعد وزوجته يتصافون
بسام:بس عيالهم؟ سعد معلقها لاهو اللي مطلقها ولا مرجعها
زينب:وش تفكر فيه
بسام:افكر اتكلم معه ، يشوف له حل
زينب:زين تسوي
،
هاجر وهي تتمشى وجنبها ثريا بالسوق ، اخذت نفس
هاجر:مليت من الدار والجلسه فيها
ناظرت لها ثريا:ليش
هاجر:ماادري مليت ، من تخيلت اني برجع لها بعد هالمشوار احس
بضيق
ثريا:ياحياتي ، طيب صاير شي؟
هاجر:لا بس مليت من الروتين حتى البنات صارو مملين
ثريا:تعالي معي ، بكلم المشرفه اقول اني تعبانه وابي هاجر معي
واكيد توافق
هاجر بفرحه:تسسوينها عششاني؟
ثريا:اسويها افا عليك
هاجر:ياعممممري والله يلا اتصلي
ابتسمت ثريا ورفعت جوالها واتصلت بالمشرفه وصارت تتكلم معها
وهاجر بحماس تناظر لها
،
صالح كان يشتغل وهو باله مو معهه ، متضايق من كلام اخوانه له
لهدرجه نظرتهم له كذا؟ عبد الفلوس؟ نظرتهم له حطمته كان متوقع
انهم يحترمونه ويحترمون كبره بينهم بس كلامهم له لو مثل قدامهم
انه ماهمه بس من داخل جررررحه وضايقه!
بهاللحظه جته رساله ، رفع جواله وشافها )تم التحويل من حساب
٣٣٢٤ .... مبلغ ....(
عرف انها من فايز ورثه من عمه ونزل جواله بضيق وكمل يشتغل
وهو يفكر )جد هو عبد للفلوس؟(
،
فايز حاول يششغل نفسه بااي شي عن التفكير بثريا كان يحول من
جواله لحسابات اخوانه كلهم من صالح الى لمى، وخلص ونزل
جواله ورفع راسه ماشاف احد معه بالصاله اخذ مفتاح سيارته ع
دخله لمى معها جوالها
لمى:وش هذا؟
فايز ناظر لها:وش؟
لمى:انت محول لي؟
فايز:ايه ، نصيبك
لمى:بلا اسستهبال ماابي شي
فايز:انتي اللي بلا استهبال ، وجيبي لي كوب ماء عطششان بشرب
قبل اطلع
لمى:فايز اق.
ماكملت ع صوت الباب ولفو شافو ثريا داخله ومعها وحده ثانيه
وشهقت لمى بفرحه:هاجججر
ومشت لها
فايز رفع حاجب وهو يناظر لثريا وثريا ناظرت له شوي ورجعت
ناظرت لمى وهاجر
ناظر لهم ومشى من جنب ثريا وطلع من البيت
لمى بفرحه:زين ججيتي
هاجر باابتسامه:اشتقتي لي صح
لمى:اشتقت لسوالفك
ثريا وهي تناظر للباب اللي طلع منه فايز رجعت ناظرت للمى
ثريا:وش فيه فايز؟
لمى:اسكتي معصب يالله هديناه انا ووليد
ثريا:ليش؟
لمى:طالعه بدون مايوافق؟
ثريا:بس ارسلت له
هاجر:ثريا عنااد تعرفين زوجك ليش تعاندينه
ثريا:اسكتي عني بس ، تعالو تعبت بجلس
ومشت لصاله ولمى رجعت ناظرت لهاجر وهاجر اشرت لها تسكت
عنها ودخلو مع ثريا
،
سعد بكوفي بمكان الشغل ، اتصل عليه بسام وقايله
سعد:حول لك فايز؟
بسام:ايه ، تعرف فايز اذا قال شي من بيقنعه يغير رايه
سعد:صادق ، بالاصل الورث للحين ماتصرف فيه هذا من فلوسه هو
ع بال مايقدر ياخذ فلوس الورث يبي له وقت
بسام:ايهه شفت ، الرجال ماعنده وقت
ابتسم سعد وهمس:الله يوفقه
بسام سكت شوي وبعدها ناظر لسعد:سعد
سعد:هلا
بسام:متى بترجع ام محمد
سعد عقد حواجيه
بسام:سعد كل يوم امر من قدام شقتك اشوف عيالك وربي محتاجين
امهم ، الخدامه هي تدرسهم وتوكلهم
سعد:والله ياخوك الكلمه اللي قالتها كبيره ولو جينا لصدق مو قادر
اتقبل ارجعها
بسام:الشيطان يردك عن الخير ، باقي اسبوعين ع الرمضان من
بيراعي لك ولعيالك ، سعد انت محتاجها والله ، حاول تسامح عشان
عيالك
سعد:تشوف كذا
بسام ابتسم:ايه ، وانا معك لو تبي اليوم نروح لهم
سعد ابتسم:ع شورك
بسام بفرحه:وربي فرحتني
وابتسم له سعد ، صح امل اغلطت بس حال عياله من بعد امهم
صعبه ، ومو قادر ياخذ دورها ، حاول يخليهم مايفقدونها بس ماقدر
، وكل شي عشانهم يهون قدامه
،
هاجر:الله يرحمها ، ماحد دايم بهالدنيا
لمى:ايه والله
هاجر:حاولت اجي باايام العزاء بس كان عندنا ضغط بالدار وزين
شفتك هاللحين
لمى:لا الحين الحمدلله ،ماقصرت ثريا ولا اخواني كلهم
هاجر:الله يجزاهم خير ، الا ماقلتي لي اشتقتي لسواليفي بس؟
لمى:هههههه كل شي فيك
هاجر ضحكت وناظرت لثريا اللي تناظر لجوالها سهيانه ورجعت
ناظرت للمى
لمى بهمس:وش فيها؟
هاجر:ماادري شوفي بس وجهها اصفر
لمى رجعت تناظر لثريا وثريا تنهدت بتعب وناظرت لهم واستغربت
انهم يناظرون لها
ثريا:فيه شي
لمى بضحكه:وين وصلتي
ثريا ابتسمت:عندكم بس بطلع ابدل ملابسي واغسل وجهي وجايتكم
هاجر:خذي راحتك
وقامت ثريا ومشت من عندهم ولمى ناظرت لهاجر: مافيها شي بس
عشان فايز
هاجر:ايه صح يمكن
ابتسمت لمى وصارت تتكلم معها وهاجر دخلت معها جو وصارت
تسولف مندمجه ع صوت الخدامه نازله ومعها سامي يبكي
الخدامه: ماما لمى شوف سامي
لمى بخوف قامت واخذته منها:وش فيه؟
الخدامه:حراره حراره مافي ينزل
لمى: يمه قلبي ، سامي
وحطت يدها ع راسه حار وشهقت لمى: روحي جيبي ادويه له اي
شي روحي
الخدامه:مافي معلوم
هاجر تناظر لها شوي وقامت
هاجر : لا ليش ادويه ماتعرفينها ، وين امه ؟
لمى:مو موجوده
هاجر : اجل هاتيه روحي البسي عباتك وتعالي ع مااتصل بالسواق
لمى: دقيقه يمكن فيه احد من اخواني
الخدامه: مافي سياره كلو روح
لمى ناظرت لها شوي واخذته هاجر منها ولمى ماتدري وش تسوي
مشت بسرعه وهاجر اتصلت بالسواق ع ماخلصت لمى اخذت سامي
وطلعت مع هاجر لسياره
ثريا دخلت لشقه وهي متضايقه منها
نزلت عباتها وعلقتها ودخلت بهدوء اخذت دش تريح نفسها لو
شوي وطلعت لبست بجامه ووقفت قدام التسريحه وجففت شعرها
ونزلت الاستشوار وبتعب تثاوبت حست خلاص بتنام تبي السرير
بس ، مشت لسرير ورمت نفسها عليه ، وتناظر للجوال بعيد عنها
ودها تقوم تقول لهاجر انها مو نازله بس تعيجزت ونامت بتعب
وصلت هاجر ولمى للمستشفى
لمى: وين هاجر مااعرف لشي لااستقبال ولا اوراق ولا شي
هاجر : تعالي بس
وشالت منها سامي وهو يبكي ومشت هاجر ولمى وراها دخلو
للمستشفى ومشت هاجر بدون ماتتكلم مع احد دخلت لقسم الاطفال
وسامي معها يصيح ماسكت ولحسن حظها مافيه احد قدام غرفه
الدكتوره فتحت الباب بسرعه وخافت الدكتوره وناظرت لها
هاجر : دكتوره ولدي حراره من امس مانزلت الحقيني وش اسوي
الدكتوره قامت: تمام بس ليش هالدخله
هاجر تكلمت بسرعه : اقولك ولدي بيروح من بين ايديني
الدكتوره مشت لها:تمام تمام نزليه ع السرير
هاجر نزلته ولمى تناظر لها منصدمه منها
والدكتوره صارت تفحص سامي وهاجر تناظر لها
هاجر: فيه شي؟ ولدي ماعندي غيره
الدكتوره: لا ان شاء الله مافيه شي
لمى كاتمه الضحكه وبنفس الوقت خايفه ع سامي ، وشافت هاجر
كذا متحمسه طلعت لمى وطلعت جوالها واتصلت شوي ورد وليد
لمى:الو وينك؟
وليد: بسم الله ، طالع فيه شي؟
لمى: يامهمل ، سامي عليه حراره واخذناه للمستشفى تعال
وليد بصدمه:نعم؟ متى؟
لمى:تعال وتعرف ، مستشفى ال.
وسكرت ووليد بخوف عكس طريقه ورجع بسرعه..!
هاجر وهي تناظر لدكتوره:هاه فيه شي؟
الدكتوره ناظرت للمى:هذي وش تصير له طيب
هاجر لفت ناظرت للمى ورجعت ناظرت لدكتوره
هاجر:حبيبتي انتي وش عليك ، بتوزعين ورث والا بترسمين شجره
العايله ؟ وش فيه ولدي قولي
لمى كاتمه الضحكه ومشت لسامي وهو ع السرير نايم بعد مااعطته
الدكتوره ابره
الدكتوره: تمام لاتاكليني ، ولدك مافيه شي عادي يجي لكل الصغار ،
حراره ودلع ، بنعطيه خافض للحراره تعطينه بالكميه اللي بنكتبها
لك
هاجر:زين الحمدلله ، خفت عليه تعرفين اول ضنى الله يحفظه
وقامت:عطيني اسم الدواء
الدكتوره ابتسمت وكتبته وكتبت ورقه ثانيه
الدكتوره: هذا اسم الادويه ، وهذا فاتوه المستشفى ، تقدرين
تدفعينها تحت
هاجر اخذتهم وهي قامطه ولفت ومشت لسامي وشالته ولمى اخذت
الاوراق وفيها الضحكه وطلعو
لمى:مستشفى خاص ياقلبي ناسيه
هاجر بهمس: ماادري من الربكه نسيت
لمى بتخوفها: هههههههه لا فلوسي معي ولا شنطتك معك وش
بنسوي
هاجر اخذت نفس: ماادري ياربي ، بتصل ب ثريا
شوي وشهقت: اتصلت بالسواق ببيتكم ونزلت جوالي ع الكنب
لمى:ايوه كملت
هاجر:شلون برجع لدار
لمى: شلون بندفع الفلوس
هاجر:لا عاد ، كلها بسببك انتي وولد اخوك هالدلوع ، ام.
ماكملت ع صوت وليد جايهم وعرف لمى وسامي اللي شايلته هاجر
وليد:وش صار؟
لفت هاجر بصدمه وشافته ماشي لهم بسرعه عرفت وجهه بس كان
يمشي لها وقرب لها وهي عيونها عليه وهو يناظر لسامي ، اخذه
منها وناظر لملامحه
وليد بهمس:ياقلبي انت
ولف ناظر للمى:وش صار؟
لمى: لاتخاف ، اعطته الدكتوره ابره ، واعطتنا خافض للحراره ان
شاء الله مافيه الا العافيه
وليد رجع يناظر لسامي وابتسم بهدوء ورفع راسه وناظر لهاجر
وعقد حواجيه
وليد:ماعرفتك!
هاجر بربكه ناظرت للمى وبعدها نزلت راسها
لمى باابتسامه:هذي ام سامي الثانيه ماعرفتها ههههههههههههه
هاجر بقمطه ناظرت للمى ولمى تضحك ووليد مافهم شي
هاجر:كنت امثل لو ماقلت كذا كان نقعونا بالانتظار ساعه
لمى: ههههههههه اجمل ممثله
وليد:دقيقه مو فاهم شي وش تقولون انتم؟
لمى:اقولك بالسياره تعال ، يلا هاجر
وليد استغرب ومشى وهو شايل سامي ويناظر فيه وهاجر تمشي
وماسكه يد لمى وتقرصها ولمى كاتمه الضحكه
دخل فايز للبيت مل من التمشي بالشارع وماعنده شي يسويه ، فتح
باب البيت ماكان فيه احد بالصاله ، ومافيه صوت بالمجلس ،
استغرب
ومشى للمطبخ شاف الخدامه
فايز:وين ماما لمى؟
الخدامه : روح مع بنت هذا
فايز بعصبيه ع باله ثريا:طلعت بعد؟
الخدامه بخوف:ايه
فايز لف ومشى وهو متنرفز وجلس بالصاله وهو يحرك رجله
بعصبيه ، ثريا طولتها لاحسبت حساب لعصبيته وزعله وطلعت مره
ثانيه بدون ماتقول له ، هالشي اللي ينرفزه
وثريا مستهينه فيه صار يتوعد فيها ناظر لجواله شوي مافيه
لارساله ولا مكالمه نزل الجوال وصار يضغط ع راسه
ع كل اللي شافته من جواهر عصبت ومعها حق بس وش ذنبه هو؟
طرد جواهر وزعل خالته وثريا تزعل منه وش ذنبه ؟ وش اللي
سواه عشان كل هذا يصير
بالسياره
وليد بصدمه:ايوه؟
لمى: ههههههههه وتدخل وتعطيها ذيك النظره الجديه ، تقول هذا
ضناي مالي غيره بسرعه اكشفي عليه
وليد: هههههههه
هاجر تفشلت وماتكلمت صارت تضغط يديها ببعض وتتوعد ب لمى
وليد: وصدقت الدكتوره
لمى:اختبصت ، والا لما سألتها من هذي تقصدني ، قالت وش عليك
بتوزعين ورث والا بترسمين شجره العايله
وليد: هههههههه يالله
لمى:بس وربي لولا الله ثم هاجر ماكان تجرائت وجبته للمستشفى
هاجر بهمس ماحد سمعها: زين قلتي كلمه حلوه
وليد:مشكوره اخت هاجر ، والله ماقصرتي
هاجر:عادي
وليد بضحكه:وشو عادي
هاجر بربكه : يعني عادي ان شاء الله الجايات اكث.
ماكملت حست نفسها خلصت كلامها ووليد ضحك ولمى انفجرت
تضحك وهاجر تفشلت وصدت تناظر لدريشه
ع وقفه السياره وصلو للبيت ونزلت هاجر ع طول ونزلت لمى
ووليد فتح الباب الثاني وشال سامي ومشى للبيت ودخلو وهاجر
تناظر للمى وكانها تتوعدها ولمى كاتمه ضحكتها
فتحت لمى باب الصاله ودخلو ولف فايز ناظر لهم وشاف لمى ووليد
ودخلت هاجر ، عقد حواجبه
فايز: وين ثريا؟
لمى:ماادري ماكانت معنا
فايز بصدمه وقف: شلون يعني مو معكم وينها؟
لمى: مو بالبيت؟
وليد اشر للخدامه واخذت سامي وكيس ادويته ومشت لفوق
وليد: اتصلت فيها ؟
فايز ناظر له ومارد وكانه يفكر
لمى: كانت معنا انا وهاجر تعبانه وقالت بتطلع فوق واحنا اخذنا
سامي ووديناه للمستشفى ماكانت معنا
فايز ناظر لهاجر ورجع ناظر للمى ومشى بسرعه لدرج ولمى تناظر
له
لمى: وش فيه هذا
وليد: ماادري
ولف لهاجر وابتسم: اجل سامي ولدك
هاجر تفشلت ونزلت راسها وضحك وليد ولمى حست بفشيلتها
ومشت لها
لمى:خلاص عاد هههههههه تعالي هاجر
ومشت معها للمجلس ووليد يناظرهم مبتسم ومشى لدرج لعند
سامي
دخل فايز لشقه وتلفت ومشى للغرفه ودخل وشافها راميه نفسها ع
السرير ونايمه ، انصدم شوي وحس بقهر داخله من نفسه ، ظلمها
، مشى لها وجلس ع قدام السرير ويناظر لملامحها ، مسح يده ع
خدها وابعد الشعر اللي ع وجهها وتنهد وقرب لها باس خدها ووقف
ضغط ع راسه وهو يناظر لها ولف وطلع من الغرفه ومن الشقه
كلها ..!
الساعه صارت ٨:٤٤ م
سعد: شلونه سامي؟
وليد:لا الحمدلله نايم ، لمى اخذته جالسه بالمجلس مع صديقتها
بسام: ماشاءالله صديقتها من الظهر فيه
وليد ابتسم:زينها انها فيه هي اللي اخذت سامي للمستشفى
بسام:شلون
سعد:بعدين تعرف شلون يلا الحين تاخرنا ع الجماعه
وليد:اي جماعه؟
بسام غمز له: الرجال رايح يرجع المدام
وليد بفرحه: زين سويت الحمدلله فكرت بعيالك
سعد:ايه والله كاسرين خاطري
بسام:يلا
وليد:موفقين
وطلعو ووليد ابتسم وصار يطقطق بجواله ع دخله فايز ورفع راسه
ناظر له وليد
وليد:الوجه وجه واحد منكرف
فايز اخذ نفس وجلس:من الملل رحت لدوام ، بخلص بعض الشغلات
وقابلت المدير فهمته وضعي ، الحمدلله اقدر اشتغل وارسل له
مقالات من وقت لوقت بالايميل بدون ماارجع لرياض
وليد بضيق: يعني مقرر ع جده
فايز ناظر له : ايه
وليد رجع يطقطق بجواله مايبي يناظر له ويتكلم ع صوت اسامه
اسامه: الله حيهم تفضل
ناظروا وليد وفايز للباب ودخل اسامه ومعه يعقوب
ووقفوا سلمو عيله
فايز:ياهلا الله حيهم تفضل زارتنا البركه
يعقوب: زاد فضلك
وجلسو واسامه طلع يجيب القهوه
وليد:زين شفناك ، اشتقنا يارجال
يعقوب بضحكه:ودي اقول تشتاق لك العافيه بس معناه شين
وليد:فكني منها يارجال
يعقوب:هههههههههه فكيناك ، هاه وين باقي الشباب ، صالح وسعد
وبسام
فايز:صالح من الصبح ماشفناه مشغول الظاهر ، وسعد وبسام توهم
طلعو عندهم مشوار
يعقوب:خساره كنت ناوي اشوفهم
فايز:الجايات اكثر ان شاء الله
يعقوب:ان شاء الله
وليد:احس بفمك كلام
يعقوب ناظر له
وليد: قول امر
يعقوب:والله ماادري ماهو وقته ، خلصها مع الشباب كلهم
وليد:ماعليه ماترجع بدون ماتقوله وانا وفايز نسمعك
فايز:صادق
يعقوب ناظر لهم:والله فيكم الخير ، انا تعرفون اب.
ماكمل ع صوت اسامه يضحك
اسامه: هلا
لفو له شافو اسامه يسلم ع ضاري وبعدها دخل معه
اسامه: كل ماجيت بدخل بدخل معي واحد عزيز ، يعقوب والحين
ضاري
ضاري:كلك بركه
فايز قام باابتسامه وقام معه وليد ويعقوب وسلموا عليه
ضاري:اخيراً شفتكم يارجال ماصارت
وليد: شرفت يالغالي
جلسوا
ضاري: الشرف لي والله ، شلونكم وشلون الاهل كلهم
وليد:الحمدلله
ضاري:الله يرحم فقيدكم ويسكنه الجنه
فايز:اللهم امين
سكتو شوي
ويعقوب اخذ نفس:اجل انا استاذن
وليد مسك يده:لا والله ماتقوم ، كمل سالفتك قاطعناك
يعقوب ناظر لضاري وهو يناظره ورجع ناظر لوليد
يعقوب:ابد بس جاي بسلم عليكم وبطلع
فايز: يعقوب ، مافي غريب ضاري اخونا
ضاري: من طيب اصلك ، بالاصل انا بجيب جوالي من السياره ،
خذو راحتكم
وقام ويعقوب بهدوء تكلم:والله ماادري وش اقول ، بس والله شاري
نسبكم
تكلم وضاري عند الباب ووقف بصدمه ولف ناظر ليعقوب وفايز و وليد سكتو شوي يناظرون له
فايز:لنا الشرف بس تعرف الظروف
وليد انتبه لوجود ضاري عند الباب وهو يناظر ليعقوب ومصنم
وسكت
يعقوب:عارف والله
ضاري قدم بخطوات هاديه وناظر ليعقوب
ضاري:جاي هالبيت وتطلب اختهم وامهم توها ميته؟
يعقوب ناظر له وانصدم من وجوده وعقد حواجبه
فايز وقف:ماع.
ضاري بعصبيه:احترم جو الحزن اللي بهالبيت يارجُل
يعقوب:عفواً؟
ضاري:انت اللي عفواً؟ امهم صاير لها اسبوع من توفت اسبوع
بس وانت ج.
ماكمل ومسكه فايز بقوه وسحبه
فايز:خلاص ضاري
ضاري وهو يناظر ليعقوب بحده:وش اللي خلاص ، هذا مو محترم
حزن هالبيت
يعقوب وقف:وانت وش عليك ان.
ووليد وقف بسرعه ومسكه
وليد:استهدوا بالله ، خلاص
يعقوب وهو يناظر لضاري بحده:حاشر نفسه بشي مايعنيه
ضاري بعصبيه:لايعنيني
فايز عصب:خلاص انتم جالسين تزيدون هالبيت هم وضيق ، بدال
ماتوسعون صدورنا تضيقونها اكثر
ضاري ناظر لفايز:شفته!
يعقوب ناظر لضاري بااستحقار ورجع ناظر لفايز: العذر والسموحه
ياخوك
وليد:ضاري اجلس عاد تعوذ من ابليس
ضاري همس: اعوذ بالله منك ياابليس
يعقوب اخذ جواله:اعتذر مره ثانيه
وناظر لضاري بحده ومشى طلع وضاري مااهتم ومشى جلس وفايز
ناظر لوليد وبعدها ناظروا له وجلسوا
وليد: انت وش فيك صاير سريع الاشتعال كبريت ابد
ضاري صد بدون مايتكلم
فايز: عاد مالقيت الا نسيب بسام تتخانق معه؟ الحين يجيك ويكسر
راسك هنا
ضاري تنهد:نرفزني ياشيخ ، خير يخطب والناس عزاء
وليد بهدوء:يعقوب مو جاي يخطب
ناظر له ضاري
وليد: يعقوب خاطب ومنتهين
ضاري بصدمه صد بسرعه وصار يمسح ع عيونه يسوي نفسه مو
هامه
فايز ناظر لوليد ورجع ناظر لضاري:بس اندفاعك غريب
ضاري بدون مايناظر له:قلت لك نرفزني
فايز:ضاري
ناظر له ضاري
فايز حرك راسه بمعنى وش فيه
ضاري تنهد وناظر لوليد :من متى خاطبها؟
وليد:من قبل وفاه الوالده بفتره قصيره
ضاري:انا خاطبها من قبل شهور
فايز عرف ان هذا هو موضوعه واخذ نفس
وليد: الله يهداك خطبتك ماتمت ، بعد مانقدر نوقف نصيب البنت
ضاري بحده منقهر:انا خطبتها وبرجع اخطبها ، بنتكم ابيها ع سنه
الله ورسوله
وليد: شرف لنا بس مو احنا نقرر ، البنت لها القرار
ضاري بيرد بس مسك نفسه قبل يغلط وضغط ع راسه وصد يتجاهل
يناظر لهم بس مايبي يفضح نفسه ..!
هاجر:طولت الساعه بتصير ١٠ وللحين انا عندكم من الصبح
لمى: وش عليك ، اذا المشرفه سامحه لك وش بيضرك لو جلستي
يوم
هاجر : المشرفه تحسب ثريا تعبانه عشان كذا سمحت
لمى سكتت شوي: الا وين ثريا من رجعنا من المستشفى ماشفتها
هاجر:فقدتها بس توقعتها نايمه
لمى:نايمه هالوقت؟
هاجر استغربت ولمى قامت
لمى: بشوفها وارجع لك
هاجر: طيب جيبيها معك
لمى:تمام
ومشت لدرج وهاجر لفت اخذت جوالها وصارت تطقطق فيه ..
بالمجلس الجو هادي والنظرات الحاده بين الموجودين
سعد اخذ نفس:انا بتكلم معها
ابو امل )نايف(: بااي وجه تتكلم معها ، زوجتك لها اكثر من شهر
راميها عندنا ولا ترد ع اتصالاتها ولا تخليها تشوف عيالها
بسام:استهدي بالله ياخوك ، خلاف عائلي
نايف: خلاف يخليه يمنع الام من عيالها ويرميها
سعد:شي بيني وبين زوجتي بارك الله فيك
نايف:انا ابوها لو متذكر
سعد:ع عيني وعلى راسي بس اللي بيننا ماينذكر
نايف: اجل انسى ترجع لك
سعد رفع حاجب
بسام:يارجُل البنت مالها الا بيت زوجها ، وسعد جاي بنفسه
يراضيها ويرجعها لاتصير بينهم
نايف: انت لاتتدخل ، ودام هذي اخلاق اخوك اجل ماله شي عندنا ،
خذه وطسوا برا بيتي
سعد اخذ نفس ووقف:واذا هذي اخلاق بانت ياعم ، اجل ماتنلام
بنتك ع اللي قالته ولا انلام انا يوم عفتها ، ورقه بنتك بتجيها قريب
ومشى سعد وبسام ناظر لنايف بحده
بسام: وش استفدت الحين؟
نايف صد ولا رد ومشى بسام وطلع من مجلسه وركب السياره مع
سعد اللي واضح معصب
بسام:لاتستعجل ك.
سعد بعصبيه:اسكت عني بسام ، شفت وش قال ابوها قدامك ،
اخلاقها من اخلاقه اصلاً
وحرك السياره وبسام اخذ نفس مايدري وش يقول له ، ماينلام .
لمى تطق باب شقه ثريا
لمى:ثريا!!
ماحد رد وصارت تطق:ثريا افتحي ثريا!
ماردت واستغربت لمى طلعت جوالها من جيب بجامتها واتصلت ب
فايز
فايز كان بالمجلس مع ضاري ووليد ومن شاف رقمها رد بهدوء
فايز:هلا!
لمى:فايز وينك؟
فايز:بالبيت بالمجلس
لمى:ثريا اطق عليها ماتفتح الباب ، تعال افتحه بنفتاحك
فايز عقد حواجبه : من متى مانزلت ؟
لمى:ماشفتها اليوم الا الصبح
فايز وقف بسرعه وطلع من المجلس: دقيقه وجاي
وسكر
ضاري عقد حواجبه وهو يشوفه مستعجل استغرب وش فيه بس
ماتكلم ورجع ناظر لوليد اللي منشغل بجواله ..!