وهذا البارت وخلصته واذا بيجن حيل تانني بعد والنعسانه خل تنام وشوكت ماتكعد تلكه البارت بوجهه ة
#نهوة_الشيخ
بقلم #مولاتي يازينب
البارت#٣٠
فارس مجرد مادخل ابو حوريه اتحضرت للصعقه الي راح تصير
ابو حوريه السلام عليكم شيخنه
شيخ سلمان وعليكم السلام اتفضل حياك
ابو حوريه لا ياشيخ انه ماجاي اتفضل انه عندي وياكم اطلابه واريدك اتحلها الي هسه
فقار اتفضل حجي استريح وسولف الي عندك
ابو حوريه شيخ انتم اتعرفون ان بنتي اندعمت قبل شهرين تقريبا دعمها شيخ فارس
وسوينالها العمليه وكال ورا شهرين اكللكم اذا اتكدر تمشي طبيعي لوتعيب رجلها وهاي
تقاريرها شيخ شوفها انه بنتي اتعوقت رجلها وماتكدر تمشي طبيعي بعد ومحد راح ياخذ بنيه
معيوبه غير المعيوب وانه ما اضحي ببنيتي وعزيزت كلبي لواحد بي نقص اطالبكم تلكولي حل
واضن الحل الوحيد الي دعمها وعوقها هو الي ياخذها
فارس جنت مستعد كل الاستعداد الكلمة الموافق بس قبل لا احجي نطق شيخ سلمان اسمع يا
ابوووو
ابو حوريه ابو حوريه.
شيخ سلمان ابو حوريه احنه معروف عنه زلمنه ونسوانه البعض ناخذ وننطي عمام وخوال
وبس وبنتك انشاء الله ماراح اتضل التفتت ع بشير وكلت وليدي بشير
بشير سم طال عمرك
شيخ سلمان. انت مو ادور ع مره هاي المره وجتك وعلي كل تكاليف زواجك
وانت ياحجي الك مني تتوله اداره مزرعتي الي ابمنطقه ال،،،،، وشرايك رضيت
فارس. جنت مامستوعب الحجي الي حجا جدي بس الي عرفته حوريه راحت من ايدي هذا
الشي ماجنت خاله ع بالي كمت عفت الديوان وامشي بلا وعي اسمع اصوات اتصيح
بأسمي بس مامكترث منو و ليش يصيحولي اسودت الدنيه بعيني ضليت امشي ماعرف وين
والمن گاصد
شيخ سلمان التفتت ع فقار شبي اخوك
فقار من رخصتك شيخ طلعت من الديوان ادور ع فارس عرفت الي صار بي مو شويه وخاف يئذي نفسه
شيخ سلمان وشگلت يابوها
ابو حوريه والله ونعم الراي ياشيخ انتم مايطلع منكم عيب
شيخ سلمان يله بويه بشير انهض جيب النه الشيخ يعقد الك ع البنيه
بشار تم شيخ
شيخ سلمان من رخصتك يابوها روح جيب بنتك ولا اكلك من الاصول احنه انروح الها بس
روح بلغها وتعال رد لينه
فارس اخذني رجليه البيت حوريه دكيت الباب ابلا وعي فطنت ع نفس وانه ادك بالباب ليش
اجيت فارس تسئل روحك ليش اجيت اهنا حياتك ومماتك اهنا حلمك الما اضن يتحقق اهنا
ادفن روحي لو ماخذيتج حوريه فتحتلي الباب ميساء
ميساء. تفضل شيخ حياك جان شكله حزين كلش خفت ان صاير شي
فارس. ميساء. راحت حبيبتي مني بعد ما الها رده ميساء اريد اشوفها عليج بكل عزيز اريد اشوفها
ميساء فهمني فارس
فارس كتلج اريييييد اشوفهاااااا
مييساء. حوريه حوريه
حوريه اجيت ركض ع صوت اصراخ والحمد لله امي ماموجوده بالبيت
حوريه شبيك فارس وليش اتصرخ گصر حسك عيب
فارس. اشلون انصي ع صوتي حوريه وراح حبج بهلساعه لو ادري مامسوي هاي الخطه
انه ادري بجدي خبيث ومستحيل ايخليني اتهنه بحياتي
حوريه لاتوافقين وانه راجع الهم اكلهم لو انتي لو ما اخذ غيرج
حوريه ضليت ابجي كلي شراح يصير
فارس. راح يزوجونج الواحد يشتغل عند الشيخ سلمان
حوريه 😱صخام بوجهج حووووريه مااخذه والله فارس ما اخذه فارس لو انته لو اكتل روحي
فارس. وانه ما اخلي هذا الشي يصير لاتكتلين روحج ولا تصيرين الغيري لو اعرف ادفع
عمري ثمن
حوريه. خل نشرد يافارس ياله من اهنا ونشرد
فارس. طكيت الحايط بيدي ولج لا مو فارس الي يشرد انه ابن شيوخ وعيب هذا
الشي علي وعلى سمعتج اتحسرت ابقوه بس وغلات حبج ياحوريه والله اكتل لو اضطر الامر
حوريه طحت بالكاع وانه ابجي وفارس عافني وراح ليش ياربي هواي هو لاتحرمني هواي مو
البشر ايموت لو كطعو عنه الهوا انه اموت لو ما اصير الفارس
فارس رحت وانه عيوني تجدح نار وكابي ينزف حب لاكيت فقار بالطريق
فقار بخوف وين رحت يافارس
فارس. شيخ قسم والله لو كاتل لو مكتول انه اليوم حوريه الي مو الغيري
فقار وغلاتك يافارس وغلاتك ياعضيدي وحزام ضهري ماراح يصير اله لتريده انت بس انت
هدي شوي وزواجك من هاي الركبه ومديت ايدي ع ركبتي
فارس. احبها يافقار احبها
فقار ادري والله ادري انت هدي انه اعرف اشلون ادبرها
فارس. بس خليني احاجي الشيخ
فقار لاتحاجي مايفيد والله
فارس بس انه مصر
فقار كيفك بس راح اتخرب شغلي
فارس. رحت طبيت للديوان جان همي انقذ حبي بس
فارس. شيخ اكدر احجي وياك جلمة راس
شيخ سلمان بعدين ياجدك هسه خل انشوف زواج بشار
فارس. جدي من رخصتك مايتئجل كلش
شيخ سلمان. وشهل الشي المايتئجل
فارس. تعال جوه ونحجي
شيخ سلمان يا الله كمت من رخصتكم اضيوفنه كول ياوليدي
فارس. بويه. انه من وعيت ع الدنيه وانت ابوي وانت جدي وانت جبير العائله
شيخ سلمان كول كول لاتنطي مقدمات
فارس. جدي انه رايد هاي لبنيه عليك بروح ابوي وافق انه اريد لبنيه الي دعمتها مو من
العدل انه اغلط وغيري يتحمل مسئوليه
شيخ سلمان لاتخاف يابوك ترا بشار ماهو زعلان بالعكس راضي ومقتنع وفرحان بعد
فارس. جدي كتلك انه اريدها يعني احبه لاتحرمني من حبي عليك بروح ابوي
شيخ. سلمان😡 ولك هذا ياحب التحجي عنه انته تعرف اشجاي تحجي احنه ماعدنه واحد
ياخذله غريبه وبنات عمومتك شبيهن وبلاحب وسوالف الافلام مالتك
فارس. اكلك احبها تكلي شبيهن بنات عمومتك جدي فدوه اتفهمني
شيخ سلمان وانه اصفگ👏🏻 بيدي عفيه عليك عفيه وليدي انه كلت مستحيل اطلعون اثنينكم
ابراسكم خير مثل ما خيب ضني عليوي اليوم انت يافيرس اتخيب ضني شوف جلمه كلتها
كبل لعليوي واكلها الك هسه يا احنه ياهي
فارس. عفت جدي ورحت وانه مشتعل نار معقوله اتخير هيج خيار شل حل ياربي وان انطي وجهي
فقار لزمته وهو طالع مدرعم دفعته ع الحايط ليش يافارس مو كتلك انه اتصرف ليش اتهورت
فارس. فقاااار يكلي لو اهلك لو حبك شتريدني اختار كلي شتريدني اختار اتخله عنكم
اهلي وعزوتي عن اخوي وعضيدي وامي ريحة الجنه وعن هذا البيت الي تربيت بي طفل لو
اتخله عن راحتي عن سعادتي عن حبي وحلمي عن اول شي احسه صدك بي طعم الحياة
عفته ورحت انه اعرف المن اروح
فقار راح فارس والكسره الي من كسرها ما اتمناها حتى للعدو ف مابلكم بخوي وحزام
ضهري دخلت ع جدي
فقار. جدي لاتخسر حفيدك مثل ماخسرت ابنك لاشتت العائله ليحب مايجرم ولا يخطئ
انطي فارس فرصه
شيخ سلمان بسك ياشيخ. لاتحجي بعد. هسه وبهلحضه ازوج هلجلبه من بشار
فارس رحت البيت عمي علي ادك بالباب ومحد يطلعلي لحد ما اتصلت ع سرى اختي
وكلتلها انطيني سلاسل وحجيت وي سلاسل وسئلتها عن مكان عمي وكلتلي هو بمثل هيج
وكت يكون يم سراج ابن ابو سراج ونطتني عنوانه بيتهم ورحت ع بيت ابو سراج وهم
مالكيتهم اخذت رقم عمي من عدهم واتصلت عليه
فارس الو
علي الو منو
فارس انه ياعمي انه ابن اخوك تعال انقذني انت الوحيد الي راح تنطيني الحل
علي. فارس شبيك قلقتني انه جايك انت وين
فارس. انه رايح البيتكم
علي. بويه فارس خمس دقايق وانه يمك
فارس اجه عمي علي والخوف بعيونه الله استوني اله حسيت بضليمتك من انضلمت
علي تعال يابويه تعال من الي ضلمك وليش هذا الوجه ماعلي ضحكه ماتعودت اشوفك هيج
فارس. طاحت دمعه من عيني غصب مديت ايدي ع اشماغي امسحها بس لكيت ايد عمي
اتسابقني الوجنتي ومسح الدمعه
علي لا يافارس لا يابعد عمك ليش تبجي اكيد الشي جايد
فارس. ياعمي انه اانحطيت ابنفس الاختبار الي حطوك بي عمي انه حبيت وماذنبت
شنو.ذنبي اذا حبيت وحده غريبه وردت استقر وياها
علي. فهمتك اسمع يابويه. اكيد هسه ابوي خيرك ابين اهلك وبين حبك ولثنينهم فركاهم
صعب اذا رحت لحبيبتك مثل ماسويت انه راح تخسر اهلك وتحس روحك يتيم بهاي الدنيه
وانته عندك اهل ومو اي اهل شيوخ يهزون الكاع لو مشو ولو عفت حبيبتك واختاريت اهلك
ماراح ترتاح وي غيرها ابد وتضل الحسره امرافگتك كلما صفنت وتضلم البنيه الي راح
تاخذها وتعيش ويها حياتك بس شوف انه الي خذيتها صارتلي ام واب واخو واخت ومره
وحبيبه وصديقه صارتلي دنيه بكاملها وماحسيت بالوحده اله من فكدتها هسه انه ماراح اكلك
شنو راح تختار لان هاي تضل يم كلبك اذا شفت الي تحبها ممكن تصيرلك دنيه كامله
لاتتردد لحضه واخذها واذا شفت لا هي من بنات هلوكت وعندك شك لو واحد بالميه ان هي
تعوفك انساها واهلك احسلك
فارس. عمي. حوريه البساطه حوريه الراحه حوريه الفطره حوريه الضحكه حوريه من نسوان كبل ياعمي
علي. شوف هذا كلبك مقتنع ان هي تحبك وراح تسعدك اسمع الكلبك وحكم عقلك
فارس. مشكور ياعمي ريحتني هواي من حيرتي ولو بعدني متئذي
علي شي اكيد تتئذه هذول اهلك وعزوتك والزمن ضالم تحتاجهم ترا ومن تحتاجهم يمكن
ماراح تلاكيهم ويمكن ماراح يفزعولك شوف وليدي اي شي تحتاجه بس اتصل علي واذا
تريدني اروح وياك واحاول احجي وي ابوي
فارس لا ياعمي انت الي بيك كافيك ما اريد اعرضك لتعب اكثر انه اخوي وعدني يوكف وياي
ابو حوريه وانه اضرب بحوريه هسه تجين وياي غصبن عليج ولج اكلج. هو سلمان بنفسه
كلي راح اجرد فارس من كل املاكه اذا خذاها يعني مانستفاد شي اذا خذيتي
حوريه بس انه ما اريد اله هو
ابو حوريه لزمت الصونده وضليت اضرب عليها ولج اثاري نيتكم مو صافيه وجنتي تحبينه
وتعشكينه من وراي تاخذين بشار واغصبن عليج
حوريه ما اخذه شتريد اتموتني موتني
ابو حوريه لا ما اموتج اموت امج انتي اذا تموتين ترتاحين راح اموت امج
حوريه احجي واني ابجي امي ما الها دخل
ابو حوريه ولج ميسااااءجيبيلي العبايه مالتها
ميساء بويه فدوه الطولك خل نتفاهم
ابو حوريه دفرت ميساء ولزكتها بالحايط ورحت اجيب العبايه انه
حوريه استغليت الفرصه وطلعت من البيت اركض
ابو حوريه لا ياكلبه اطلعت اركض وراها
فقار اتلكيت لبنيه وضميتها ورا ضهري نزعت الغتره وغطيت راسها
ابو حوريه هههه ها شيخ انته هنا
فقار. حرام عليك ياحجي شمسوي بالبنيه تراها طفله
ابو حوريه. انته مالك علاقه ياشيخ اطلع من عدها
حوريه. لا شيخ فدوه دخيلتك هذا ترا ناوي يكتل امي لو يزوجني البشار وانه ما ارغب بهذا الزواج
فقار اطمئني ياخيتي مايصير شي غصبن عنج قابل هي فوضه
ابو حوريه كتلك مييل ياشيخ من رخصتك
فقار. اول شي انه شيخك والمفروض منك تسمعني وتحترمني ثاني شي عندي صفقه الك
ابو حوريه كول ياشيخ
فقار هسه تروح وتكللهم البنيه ماترضا تتزوج وتكول قابله اضل ع عيبي وانه متنازل عن القضيه
وبالمقابل انه راح ازوج حوريه الفارس
ابو حوريه. بس فارس يتجرد من كل املاكه اذا اخذ حوريه شيخ سلمان بنفسه كلي
فقار اول شي. شيخ فارس مو صفر يعني مو ع الحديده عنده املاك هواي اله وثاني شي
حتلو جدي اخذ كل املاكه فا انه موجوده املاكي حط المبلغ لتريده واعتبره هديه خطوبة فارس وحوريه
ابو حوريه اها خليني افكر
فقار مايحتاج الها تفكير انه عندي الك عرض شوف راح انطيك سياره شنو كلت (( جان كل
همي ماينكسر اخوي لان صرت اعرف معنى الحب كلش زين من دخلت جوريه الحياتي ))
ابو حوريه ههههه والله ياشيخ انه اشهد انك كريم بس هالله هالله بالسياره كون حديثه
فقار ولا يهمك واحدث من سيارتي بعد بس هسه روح الغي كل الي بديته واخذ منك وعد
ارجال حرمة اخوي لاتجيسها حرام اطكلك ابنيه اصغيره
ابو حوريه اوعدك انه ما طكيتها بس حتى ائدبها بس بعد ما اطكها رحت لديوان الشيخ
وتنازلت عن طلبي
شيخ سلمان هلشي سعدني ابو حوريه وكبرك بعيني وهاي اعتبرهن هديه يا ابو حوريه هاي
جم فلس كضي بيهن جم حاجه ولو انك كسرت بوليدي بشار بس ميخالف اتضل رغبة لبنيه هاي
ابو حوريه مشكور ياشيخ انه اشهد انكم اجاويد
شيخ سلمان وانت تستاهل
يوم ثاني
فقار اتصلت ع فارس لان هو ما اجه للبيت امس كتله تعال يافارس حوريه الك مثل ما وعدتك
فارس شنو حوريه الي يعني ماراح تزوج
فقار مرلي ع المعرض وجيبلي سياره مناك كون حديثه وتعال اعقدلك ع حوريه
فارس. فقار فهمني ترا خبصت عقلي خبص
فقار. هههه سوي مثل ما كتلك وتعال
فارس. اكيد جاي تضحك علي فقار
فقار. ولك انه يمته ضاحك وياك اصلاً حتى اضحك عليك ديلا فضها وما اجذب عليك ولا اضحك وتعالي ع بيت ابو حوريه
فارس ماجنت متخيل هذا الشي اتصورت دعابه او مقلب امسوي شيخ فقار ولو ادري بي
هاي مو سوالفه بس ماجنت مصدك ان هذا الشي حقيقه ورحت بسرعه اخذت السياره من
المعرض خليت واحد من العمال يجيبها وراي وانه اجيت بسارتي ورحت ع بيت ابو حوريه
فارس شفت فقار واكف يم سيارته وينتضرني ويمه ابو حوريه والسيد للحضه راد يوكف
كلبي من الفرح اتمنيت لو ما العيب جا هوست وركصت بالشارع
فقار اشرت للعامل بيدي ينطين السويج
فقار وهاي حلالك وعليك الف عافيه
ابو حوريه هههه مشكور ياشيخ ماتگصر ياطيب
فارس حجيت بنفسي اي ابو فليس تموت ع الفلس تبيع امك وابوك درت ع فقار مشكور
ياخويه ماعرف شلون راح اشكرك بسته ع راسه
فقار ضربت ع كتفه بيدي ع كيف
فارس. انت اخوي الصغير وهذا واجبي تجاهك وانشاء الله مابيناتنه شكر
ابو حوريه اتفضلو اتفضلو حياكم وانه ابوس بالسوج
فقار زاد فضلك حجي دخلنه وكعدنه سيدنه ياله بلش
فارس ما ان خلص فقار احجاياته وسمعنه صوت يصيح فقااااااار فااااااررس
يتبع،،،،،،