تدري 🤔
اني بغيابك متت
بس مايموت احساسي
كلي انته وينك بلضبط ؟
ليش من اذكرك بلعجل يوجعني كلبي وراسي
أّلَحٌجِأّمَيِّهِ شٍخَأّبِيّطّ
...
مهى وجهي مخطوف وخايفه ماعرف ليش
كعدت يمه وهو همين مرتبك
ادم مهى اني قررت شي وماعرف اذا صح لو غلط
مهى وهو شنو
ادم بس اريدج تعرفين قبل لااكلج انوو اني صدك ماعرف اخذ
قراري عدل وبنفس الوقت ماريد اخسرج وماريد
اخليج تخسرين نفسج بس اريد
راحتج وراحتي
مهى ادم احجي تره خفت شبيك داتحس بشي
ادم لا ...اني قررت افتح موضوع الطلاق مالتنه وقررت ارفع دعوة الج
مهى من حجه هيج نصدمت اني جنت ادري انو هذا الي راح يصير بس ماعرف ليش ضجت من حجاها
حسيت كلبي وكف ردت اكوم اكله ماموافقه بس لا
ملازم هيج اسوي لازم اباوع لمستقبلي هذا الي لازم يصير
ومن البدايه نعرف انوو هذا الي يصير
..
ادم ها مهى وين رحتي
مهى لا هيج اي وشوكت قررت
ادم يعني انتي موافقه
مهى اي ليش لا هذا الي جنه متفقين عليه ولازم يصير
ادم ..
مهى اليوم اروح لاهلي وهاي الايام الورقه توصلني اريد
ادم كثل ماتحبين بس..
مهى لابس ولا شي وكلشي ماريد منك اني تره لاتشيل ابالك
عفته وطبيت للغرفه ماعرف شخسرت حسيت بوقتها خسرت نفسي
ادم بقه كاعد بمكانه عبالك هو راد يحجي هيج بس حتى يكلي اني قررت بس ماريد نطلك اريد نمسح هل شي من عقلنه
حضرت ملابسي بالجنطه ارتب بيهن واحس بدموعي نزلت
خليت ايدي ع دموعي مسحتهن وصفنت ع شنو
دابجي وليش دابجي هو هو هذا
الي جنت رايدته فجاه كعدت ع ركبي وبجيت بجيت بصوت داخلي
ابجي واريد اصرخ
شايفين من تحبون شخصص ورا ماجنتو تموتون منه تحبونه وتتمنون تعيشون ويا بس فجاة وبلحضه ماتكدر تشوفه بعد شعور صعب
رتبت ملابسي وابجي وعرفت انوو اني صدك حبيته عرفت سبب دموعي وخوفي
بس عرفت بعد ماراح كلشي وماكدرت اكله اني احبك وماريد اعوفك
رتبت غرفتي واخذت لوحاتي وملابسي وطلعت باوعت ع الغرفه وطلعت لكيته كاعد بس ضايج
كلت يمكن لانو اتاخرت عليه ضاج
بدون حجي اجه وكف كدامي يباوعلي بعيونه بس ماعرف شنو يكول
مافهمت نضرته ماعرف يريد اروح
لو يريد ابقه مادري نضرته بوقتها مافهمتها
نزلت راسي بقهر اخذ الجنطه وطلع واني ورا
صعدنه السياره
وهو ساكت بس يمشي ع كيف احسه يريد الوقت يمشي ع كيف حتى نطول
سوة وحتى اني ردت الوقت مايمشي
ادم شنو مقررة تكوليلهم
مهى ماعرف
ادم تحبين ادخل وياج
مهى لا ملازم
ادم براحتج
مهى ماراح اكوللهم هسه شي اخاف يحاولون يقنعونه مانطلك من توصلني الورقه يله احجي وياهم
ادم براحتج
بدة يغني ادم واني ندمجت وي صوته
أّدِمَ
شيصير لو تطلع شمس
شيصير لو رديت ياطيف الامس
رديت واجدمي تخط
رديت وعيوني تصب
قبل القلم
رديت لحجايتنا العايزة بس جلمه
صدك
..
مهى من سمعت يغني بقيت احس بشي بكلبي غصه غصه كلش جبيرة
يمكن اني احبه ويمكن لا شنو لا اني احبه جنت بوقتها والشعور الي اني جنت بي مانحسد عليه ابد
يعني قصدي انوو شعور انو تحبين شخص وتطلكين منه شي صعب
بقيت طول الطريق احجي وي نفسي
اتمنيته يكلي لاتروحين لاتعوفيني خلينه نرجع نعيش حياتنه بس للاسف
وصلنه لبيتنه وكف السيارة وبقه كاعد واني ساكته ضرب السيارة ونزل بسرعه
نزل جنطي وفتح الي الباب
بقيت اباوعله يباوعلي بس بنفاذ صبر اشلون واحد ومنطينه عفو من حكم اعدام
نزلت وعيوني غوركت ماعرف ليش شافني رفعت راسي وابتسمت اله
ادم لحد هنا واني اروح
مهى..
ادم واسفه اخاف بيوم ضوجتج واسف ع كل لحضه مره عشتيها ويايه
وشكرا. ع كل الي سويتي
وتره صدك كل الي سويته بيج موقصدي وكلبي دايكلي انو اني ضلمتج
بس عقلي مايصدك اسف مهى ونزل راسه وراح
شخط السيارة وراح ماشفته بعد وراها درت وجهي شنو يعني ضلمني شنو عقله مايصدك شبي شنو سامع
رتبت نفسي ردت انزع الحجاب قبل لا افوت بس بقيته رحت اول مفتت
اجتي سعاد تركضض
سعاد يمه بنيتي يمه شمعتي والله كلبي يكلي انج راح تجين اليوم كاعده من الصبح كلبي يرف عليج وردت اجيج
مهى مشتاقتلج سعاد مشتاقتلج اهووواي
سعاد بعد بيتي وكل اهلي اني اكثر مهاوي تعاي اكعدي تعاي
مهى كعدنه اني وسعاد وهيه لازمتني من اثنين اديه عبالك راح اطير منها
سعاد اشلونج يمه اشلون احوالج شخبارج
مهى بخير انتي اشلونج بابا شلونه
سعاد بخير اذا انتي بخير ولج ابوج طاك كلبه عليج بس زعلان يكول اشلون ماتجي
واني حجيت ويا كتله عيال ومحد يقبل تجي وحتى راد يروح لعيالج بس اني مخليته هسه اخابرة اخلي يجي يجي طاير
مهى بعد روحي مشتاقتله مووت
سعاد هو البارحه باليل اجينه من عمامج كلهم يسلمون عليج وكالو بقرب فرصه نعزمها هيه ورجلها يمنه
مهى ماعتقد
سعاد ليش يمه شصار
مهى راح نطلك
سعاد شنوو صدك يعني قررتو بعد
مهى اي ليش متفاجئه مو هو هذا الي اتفقنه عليه
سعاد اي بس اني عبالي اتعودتي عليه وتعود عليج ومن سمعت صوتج وخوفج عليه من بالمشفى حسيتج شلتي هل فكرة من بالج
مهى ردت اشيلها بس اتفاجائت بي هو مشايلها هو الي فاتحني بالموضوع
سعاد شنوو ليش
مهى حجيتلها كلشي اشلون اتقربلي واشلون دفعته واشلون اجه شارب
سعاد ولج وداعتج يحبج بس اثنينكم اعنودين ومحد دايعترف للثاني
مهى لا سعاد يجوز اني حبيته بس القدر مايغير شي يبقه ادم الشخص الي اغتصبني الشخص الي دمر مستقبلي واخذ كرامتي
الله يخليج سعاد ساعديني ساعديني ارجع مهى القديمه ماريد ابقه مخليته ابالي
حضنت سعاد وبقيت ابجي
سعاد اهدي يمه اهدي الله يريح كلبج يبنيتي الي مشالتها بطني ويخفف الالام والاوجاع الي تحسين بيها هسه ويطمنج ويشيل كلشي يخصه من كلبي وتمسح ع شعري
مهى بقيت حاضنتها حاولت تغير جو
سعاد كومي كومي غسلي ونسوي ريوك نتريك واخابر ابوج انخلي يجي
مهى اي يله صاعده ابدل
سعاد اي يمه يله
مهى صعدت لغرفتي الخدامه جابت الجنط ورتبت الكنتور مالتي وملابسي طبيت سبحت ولبست تراك وطلعت مشطت شعري جنت مشتاقه مشتاقه لهل مكان لمكاني لاهلي
طبيت للمطبخ مالتي بعده مثل ماهوة
رتب نفسي ونزلت اول مانزلت الدرج
طب طب حبيبي وسندي الشخص الي اذا اتاذة اركض بحضنه
يمكن اتاذيت مرة ومجان عندي مجال احجي اله بس هسه لا اريد احضنه وماعوفه ابدد
اريد ابقه يمه بين ادي
ركضت عليه حضنته شالني من الكاع شيل
محمود بنيتي بنيتي شمعت بيتي ضوة عيوني
مهى مشتاقتلك يابه مشتاقتلك😧😥😥
محمود اني اكثر ولج ليش هيج من ازوجتي لحد هسه مجايه متسئلين على ابوج ليش ولج
مهى والله ضروف وسعاد مو كلتلك
سعاد عوفكم من المعاتب هسه
محمود اووف يابويه مشتاقلج ومشتاق لريحتج
مهى ..
كعدنه كلنه نسولف ونضحك والخدامه تحضر الريوك
محمود شعجب ادم جابج
مهى مو موو
سعاد شنو هل سوال قابل مايجيبها غير اهلها احنه
محمود مو صارلها اهواي من ازوجت لهسه شعجب هسه طك اباله
مهى مو ان كتله ولحيت عليه مشتاقتلهم واريد اشوفهم كال براحتج
محمود الله يحفضكم
سعاد وهاا تره اجازتها مفتوحه
مهى اشرت لسعاد انو تغير الموضوع
محمود اجازتها مفتوحه اشلون يعني
مهى لا يابه قصدها ابقه يمكم اليوم ابات
محمود اي بويه لازم اتباتين صار اشكد مشايفينج المهم سولفيلي ع ادم اشلونه وياج خو ماياذيج
مهى لا يابه ادم ماكو منه
محمود الله يسعدكم
يله استعجلو انريد انصير جدو وجده
سعاد عههههه بعد وقت بامحمود
محمود يابعد وقت اني وام مهى من اول سنه جبنه مهى
مهى اي مستعجلين ادري بيكم
محمود شيطانه😂😂😂😁
مهى كمنه اتريكنه ونسولف وبابا يسال ع ادم وع شغله وعليه اني ويا بالبيت
وتنب ائلف حجي مني وسعاد همين تساعدني 😁😂😂
خلص اليوم بس سوالف اني وياهم بابا بقه كاعد يمنه تغدينه ونضحك ونسولف للعصر وبابا كال اني اطب للغرفه هسه وكومي انتي ارتاحي وباليل نطلع نفتر
مهى اي انشاءالله
صعدت صدك نمت بس محسيت ع نفسي لل١٠ يله كعدت نزلت ممنتبه ع الوقت
لكيت بابا وسعاد يتفرجون تلفيزيون
سعاد ها مهاوي كعدتي
مهى نمت وماحسيت ع الوقت
محمود وراحت عليج الطلعه
مهى خيرها بغيرها حبيبي
محمود انشاءالله بنيتي
كعدت يمهم اتفرج تلفزيون بس بالاسم خلصناها سوالف جنت مشتاقتلهم وهمه همين
مر اليوم عادي بقيت كاعده للساعه ٣ الفجر مكدرت انام بقيت اتذكر ادم والشقه واشلون جنت انام واتذكرت من نمت بغرفته وبعطره
من حضني من باسني من نام فوكايه الشعور الي حسيته بوقتها ابطني فراشات وتمشي
بقيت بس افكر بي لحد مانمت
ثاني يوم كعدت مر عادي بابا بالشركه وسعاد واني دك سوالف ع ادم وع عمامي وع البيت
مر اليوم بس ادم مامنه خبر حتى ورقت الطلاك ماوصلت استغربت كلت يمكن اطول اكثر من يوم
بقيت يم اهلي ٣ ايام مشن عادي نطلع اني وبابا وسعاد ونفتر كل اشويه ونتغده ونتعشه برة اشويه اذكر ادم
واشويه لا لحد مابابا ذكرني بي
محمود شعجب ادم ممخابرج
مهى ها لا خابرني بس جنت نايمه مجاوبته
محمود خير انشاءالله
مهى لايضل ابالك
مهى رجعنه باليل نمت كبل اليوم الرابع العصر طب بابا
محمود السلام وعليكم
مهى وعليكم السلام هيه وسعاد
محمود مهى اليوم خابرت ادم
مهى...
.....
لهنا وخلص البارت باجر اخر بارت انشر اتنمى تنتضرن وهسه وقت سحور اكوم اسوي يله استمتعن بالقرايه وصوتن وعلقن شجعني يمكن انشر بارت وره السحور
غزل الحجاميه