🌸 #امتلكها_ف_احبته 🌸
🍃 الحلقة :- العاشرة 🍃
~ قراءة ممتعة ~
نورا .. 😳
اكرم .. عيونك بس رآهم يطلعوا من مكانهم
نورا .. 😡 معاش ادير هكي
اكرم .. و علاش 😂
نورا .. هكي لاني منحبش 😠
اكرم .. شن متحبيش
نورا .. انت تعرف
اكرم .. و انا نحب 😘
نورا .. ههههههه بارد
اكرم .. لا حول ولا قوه الا بالله ف وحدة تقول لحبيبها سوري قصدي راجلها ي بارد
نورا .. ايه انا 😁
اكرم .. باه ي نورا باه غر اطلعي من هني و تو نتفاهمو
نورا .. اي ايدييي
اكرم .. تتسهوكي انتي اصلا غدوة خروجك متعبيش روحك لا ايدك لا رجلك
نورا .. مش انت اللي تقرر الدكتور
اكرم .. ماه الدكتور هوا اللي قال 😁
نورا .. امبه تو نساله و نشوفوا 😜
اكرم .. معاش اطلعي لسانك 😂
نورا .. 😝😝😝 باهي هكي و الا نزيد
اكرم .. نورا نعضك رآه اهفتي
نورا .. ترا جرب نلم عليك المستشفى كلها
اكرم .. نورا متعاندينيش
نورا .. و من قالك نعاند فيك اني
اكرم .. بااااه ي نورا به اصبري باه
نورا .. ههههه
اكرم .. علاش تضحكي
نورا .. سلم المتعفلق ي ربي
اكرم .. 😒 من قال انا متعفلق
نورا . و من قال ندوى عليكانا عبد الواثق
اكرم .. ههههههههه
نورا .. 😒
الممرضة .. صباح الوردات ،، شن الضحكة اليوم صباحية
نورا .. امممم
الممرضة .. دوووم ي ربي ،، هي بنغيرلك ع الجرح
نورا.. تمام ،، اكرم و اشرت بعيونها اطلع اكرم .. با ،، تو نوريك منيش طالع
نورا ..😠 اطلع
اكرم .. انلا 😜
نورا .. اكرررم 😡
اكرم .. 😜😜😜
نورا .. ترد فيها انت باه ،، اطلع
الممرضة .. خليه و كان قعد يعني زوجك 😉
اكرم .. منورة سستر ههههه 😜😜😜😜😜😜
نورا .. باه اتفقتوا انتو باه
الممرضة .. هي نحي ايدك من الجاكت
نورا .. باه 😠
الممرضة .. شوي شوي ايوا تمام
نورا .. 😢 اي 😭
الممرضة .. شوي شوي هي نورا
نورا .. باه 😢
الممرضة .. هي خلاص كملنا الجاكت ،، هي بشوية بشوية
نورا .. باه شوية بس 😢
الممرضة .. باه ريحيها ايدك شوي نجيب شاش زيادة و نجيك باهي
نورا .. تمام
طلعت الممرضة
اكرم .. توجع فيك
نورا .. 😢 اها شوي
اكرم قدم جنبها .. انا جنبك ليتك خليتيها فيا
نورا .. لو كان جت فيك توا راك تحت التراب ،، ايدي توجع ي اكرم توووجع 😭😭
اكرم .. انا جنبك حبيبتي خلاص بس تغيرلك ع الجرح و ارتاحي باهي
نورا .. بس توجع تووجع
اكرم .. باه خلاص و خداها ف حضنه
.
.
.
.
اسراء .. ي مرواااااان نوض الله يهديك بنمشي لنورا
مروان .. باه باه باه شوية بس
اسراء .. تي نووووووض
مروان .. وااااااك نفاخة راك تنوضي زي الناس و قعمز
اسراء .. و كيف اينوضوا الناس و ناضت تلبس
مروان .. منعرفش انت ادرى
اسراء .. هذي حياة مش مسلسل تركي
مروان .. و لا باس بقليل من الدلع الصباحي حبيبتي
اسراء .. اووووو شاعر ما شاء الله
مروان .. ريتك هالقصايد اللي مستفات
اسراء .. باه نوض نوض مكتر دوتك
مروان .. حرت فيك انا الصراحه
اسراء .. باه هيا وقت
مروان .. تي باهي النهار ...
اسراء .. النهار الغسل هيا بيبي عطلنا
مروان .. لسان
اسراء .. و لو طالبتك 😂
مروان .. ههههههههه
و باسها ع رقبتها و مشي للحمام
.
.
.
.
.
.
.
.
ايمان .. عظم الله اجرك
منصور .. اجرنا و اجركم
ايمان .. ربي يسامحه
منصور .. أن شاء الله
ايمان .. كيف حالك انت
منصور .. الحمد لله كيف حالك انت
ايمان .. الحمد لله بسماع صوتك
منصور .. مرااايف عليك عرم
ايمان .. هههه امممم حق
منصور .. و الله العظيم
ايمان .. خلاص يوم الخميس تشوفني
منصور .. وين
ايمان .. تو تعرف خليها مفاجأة
منصور .. ربي يحفظك ليا
ايمان .. و ليا حبي 😘
منصور .. كلامك السمح هضا بطليه ما نقدر عليه نا و نا مرااايف وااااجد عليك
ايمان .. اممم باه حبيبي هههههه😂
منصور .. كنك انت تبيني نزقب من السور و الا شنوا
ايمان .. علاش انت وين
منصور .. حقي من الروشن
ايمان نطت تجري .. حي خيرك ضاعف هكي 😰
منصور .. خخخخ حقيتيني كيف صرت من حبك هضا
ايمان .. ديما نقولك انا الارياف مش باهي انت متبيش تسمع الكلام
منصور .. ي طشة كيف اطلعي ف الكلام هضا اااه كييف
ايمان .. تعلمت من حبيبي
منصور .. ااام باه سلميلي عليه
ايمان .. من هوا
منصور .. حبيبك
ايمان .. حااااضر
منصور .. ههههه حضرلك الخير
ايمان .. جديات خيرك ضاعف هكي
منصور .. و الله من الارياف و معندش نية ف الوكال
ايمان .. هييي بس هكي نزعل انا راع لازم تاكل ع الاقل ع خاطري
منصور .. أن شاء الله
ايمان .. باه حول توا امجد ينزل و يشوفك
منصور .. باه بس بنسالك علش تخافي من امجد مش اكرم
ايمان .. لان امجد هوا اللي ف الحوش توا اكرم عند مدامه 😂😂
منصور .. امتى تولي مدامتي
ايمان .. ااا ماما تنادي فيا سلام
.
.
.
.
.
.
.
.
.
.
سالم .. باه اسمع وين سيارتي
خالد .. عندي ف القراج تعالى خودها
سالم و باش بنجيك أن شاء الله
خالد .. ساالم متصكرهاش كعب لين توصل
سالم .. باه غر نبيها بس
خالد .. هههههه باه باه تعالى انت هي نراجي فيك
سالم .. حتى انا جاي
خالد .. باه صكر الزفت
سالم صكر عليه .. تي مش كان جبها و فكني
.
.
.
.
.
.
مروة .. كيف حالك اليوم
انس .. الحمد لله
مروة .. خلاص انوس عاد الله يرحمها معاش تعذب روحك و تعذبني معاك هكي
انس .. حارة ي مروة نااار راكبتني راهو
مروة .. الله غالب هذا يومها الله يرحمها ادعيلها توا بس
انس .. أن شاء الله ،، انت كيف حالك
مروة .. كيف بنطلع لنورا
انس .. اييييي نورا نسيتها مرة وحدة ،، كيف حالها بالله عليك
مروة .. الحمد لله
انس .. راجلها
مروة .. خيره
انس .. كيف حالها مع راجلها
مروة .. تصدق انه طلع يحبها المسحون
انس .. ههههههه ضحكتيني و انا مخاطريش ،، كيف كيف مفهمتش
مروة .. تتفكر مرة حكيتلك عليها لما عثرت فيه طلع يحبها من يومها المعفن
انس .. تي خلي الراجل ف حاله قطعتيه ،، ربي يعقد عسلهم
مروة .. اممم باه ان شاء الله
انس .. خيرك
مروة .. خيرني شي
انس .. لا بس حسيت صوتك تغير
مروة .. لا تغير لا سو هي سلام توا بنطلع
انس .. باه هي سلام
مروة .. سلام
و صكروا
نهلة .. خيرك
مروة .. تصدقي انه صكر من غير حتى ما يقولي ردي بالك من روحك
نهلة .. معليش سايريه ،، هوا محتاجلك توا
مروة .. اااه ي ربي انا بنمشي هذا خيره معاش بي يطلع ،، ي علي
علي .. تعرفي متسكتيش توا نحلفلك ما ماشيتها
مروة .. لالا هاه و حطت يدها ع فمها
علي .. ما تمشي كان بالعين الحمرا
مروة ف داخلها .. لا الزرقا
علي .. بنات اخر زمن
مروة ف داخلها .. لا اخر لا اول ع الاقل خير من المسحونة اللي تبيها
علي .. شنو مسمعتكش
مروة .. متكلمتش
علي .. شن قلتي بينك و بين نفسك
مروة .. انا مقلت شي
علي .. نحسابك هي اطلعي
مروة .. هي
سنية .. سلميلي عليه ي بنتي
مروة .. حاضر و طلعت
نهلة .. اي علي جيبلي التحليل انت ماشي ماشي
علي .. انا بنحطها و بنمشي عندي ما نصنع ،، البسي و هيا تعالي معاها
مروة .. معاش نمشو احنى
علي .. تي اسكتي لوك لوك لوك ما بعد انس
مروة .. هوا راضي بيا هكي انت شن حارقك
علي .. مررررروة
مروة .. هاه هاه سكتت
علي .. هيا ي نهلة
نهلة .. دقيقة بس
.
نهلة .. هي أطلعوا
مروة .. و اخيرا
علي .. هي أطلعوا
.
.
.
.
.
.
سفيان .. جهاد ي بابا لا
جهاد يلعب ب ورق زينب
زينب .. 😠 جهاااااد ،، قدامك ي سفيان قدامك
سفيان .. 😂 باه عييت وانا نحول فيه شن نديرله شويطين
زينب .. قعمز هني يلا 😠 نضربك رآه اهفت جهاااااد
جهاد .. 😢😢😭
زينب .. خلاص ماما لالا متعيطش حبيبي انت
سفيان .. الرحمة 😂
زينب .. تضحك 😂😂
سفيان .. ربي ما يحرمني منكم
زينب .. و لا منك ،، جهاد😠قعمز هنى
.
.
.
.
.
رتاج .. ها حبها ،، هههههههه تي منور انت الحب كله ،، اسمع فوت مدة توا باهي ،، لالا ف حاجة ف راسي ،، ايه مليح بكل ،، تمام منور ،،💋💋 حبيب قلبي
.
.
.
.
.
الممرضة .. كملنا هي ارتاحي
نورا .. غر نلبس بس
الممرضة .. ع راحتك ،، نعاونك
اكرم .. لا خليها تو نشوفها انا
الممرضة .. على راحتكم و طلعت
اكرم .. ارجعي و ارقدي توا ريحي ايدك قبل
نورا منحرجة .. ااا ب باه ☺
اكرم ..
مٓاً أَجْمَلَ 'وَجْهَگٍ ،، حِٓينً تًتَلَٰوَّنُ
وَجْنًتَآگٍ بِذَلٍكَ اللوْنٍ آلاَحْمَرٓ
نورا .. 😍 تهبل
اكرم .. 😍😍
نورا .. ☺
اكرم .. نحبك 😘
نورا .. احم احم
مروة .. نوني
نورا .. راجي شوية مروة
مروة .. تمام انا برا
اكرم .. خيرك
نورا .. ااا مش ب ... و غمضت عيونها .. مش قلت بتساعدني هيا صقعت
اكرم .. صدقتك احنى ف 8
نورا .. هيا و الا انادي على مروة
اكرم .. لالا تو نساعدك
و قعد يعاون فيها و هيا تتالم و دمهتها تنزل ع خدها و تمسحها بايدها التانية
اكرم مسك وجهها بين يديه .. خلاص كملنا ،، دموعك غاليات عليا ،، فكل دمعة تدمعينها تكون سيفا غرز ف قلبي فانتبهي كي لا اموت
رتاج .. الله الله ع الغزل الله
اكرم .. الصبر ،، ف حاجة اسمها استأذان قبل ما تهدي
رتاج .. حسستني انك كنت ادير ف حاجة معاها
اكرم .. رتاج اطلعي برا
رتاج .. تمام بيجيك يوم ي نورا و طلعت
نورا .. أن كانت دمعتي سيفا يغرز ف قلبك ،، فلن ابكي على الكلام الذي قالته الان ،، فنحن لا نجادل سفهائنا و نقتل احبتنا
اكرم .. كان الاجدر بك انت تقولي انا لا تجادل سفيهة فاقتل حبيبي
نورا .. لا يزال الوقت مبكرا ع اخر ما نطقت ،، لازلنا ف اول المشوار
اكرم .. انا بنطلع توا ،، اناديلك ع مروة
نورا .. تمام
اكرم وخر و قدم باسها ع خدها و طلع
نورا .. هههههه
مروة .. دووم الضحكه
نورا .. ااه تعرفي
مروة .. شنو
نورا .. ع قد ما انه عصبي و مزاجه ف دقيقة ينقلب ،، خلف شكله و العضلات و الحواجب اللي ديما مقرونة و العيون المفنصات ف شخص تاني حنوووون و قلبه طيب ...
مروة .. و يحبك
نورا .. 😳
مروة .. ايه ايه يحبك شن تشبحيلي يحبك الراجل مجنون فيك ممكن واصل حتى للعشق ،، نورا متكذبيش ع روحك باهي
نورا .. مفهمتش 😕
مروة .. لا فهمتي ،، قصدي انت تعرفي شن نقصد ،، نهلة برا تبي تشوفك
نورا .. هييي نهولتي😍😗 وينها
نهلة .. اهيا ،، عوينتي عليك ان شاء الله لا باس عليك ،، ي رووووووحي انتي ،، سمله عليك
نورا .. نونو ي روحي انت ،، شن صاير معاك
نهلة .. شن دخلك فيا انا توا المهم انت شن حالتك احكيلي كيف صار
نورا .. اااه شو رح احكيلك ل احكيلك😂
نهلة .. احكيلي كل شي من الاول 😂 لك تؤبري البي ي روحي انتي 😘😂😂
مروة .. الرحمة ارجوكم،، شن جاكم
نهلة .. انا وحبيبتي انت شن مدخلك
مروة .. احلفي حبيبتي اني مش حبيبتك
نهلة .. لا حبيبتي انا
مروة .. ملحي حبيبتي انا
نورا .. ع قولته حبيبته هوا 😚
مروة و نهلة .. هههههههههههههههههههههههههههههه
نورا .. عطشانة
مروة .. هيا بيبي تو نجيبلك
.
.
.
.
.
نورا .. عطشانه
مروة .. تفضلي
نهلة .. صحتين وعافيه
نورا .. شكرا
نهلة .. انا ماشية بنشوف التحليل كان طلع باهي
مروة .. تبيني نجي معاك
نهلة .. لالا خليك مع نورا
مروة .. تمام ع راحتك
و طلعت نهلة
نورا .. بالله عليك شن صاير فيها
مروة .. اهو ع حطت عينك من تحليل لتحليل
نورا .. باه شن صار ف سفرتها
مروة .. علي يجري عليها
نورا .. ربي يكون في عونها ،، شن اخبار انس
مروة .. تقول انا المريضة ،، شن دخلك بيا انا و انس ،، اشقي بحالتك
نورا .. غر هيا كيف حاله
مروة .. اهو تمام الحمد لله
نورا .. هوا محتاجك توا خليك ديما جنبه
مروة .. أن شاء الله
نورا .. ااااي ايدي توووجع 😭😭
مروة .. خيرك
نورا .. توووووجع 😭
مروة .. ي سستر تعالي شوفيها😢😵
الممرضة .. خيرك نورا
نورا .. ايدي توووجع
الممرضة .. باه غر ارخيها ايدك يا نورا
نورا .. توووووووووجع
الممرضة .. دكتور تعالا
الدكتور .. خيرك شن ف شن صااااااااير
الممرضة .. نورا
الدكتور .. خيرها
الممرضة .. تعيط أيدها توجع
الدكتور . وقفتولها المسكن
الممرضة .. ايه كيف ما قلتلي
الدكتور .. زوجها وين
الممرضة .. كيف طلع عنده حالات ف الاسنان
الدكتور .. من معاها
الممرضة .. صاحبتها بس
الدكتور .. ترا نورا خيرك
مروة .. تعيط و تقول ايدي
الدكتور .. ترا عفوا،، شوية خلي نشوفها
مروة .. تفضل
الدكتور .. ارخي ايدك يا نورا ارخيها متتشنجيش هكي عاد ارخي ايدك
نورا .. توجعععع
الدكتور .. باه غر افرديها بس ،، 😳😳😨
الممرضة .. 😳
مروة .. 😨
الدكتور .. غيريلها ع الجرح و الحقيني😠
الممرضة .. حاضر دكتور
.
.
.
.
.
.
.
. عاصم .. انا نازل بناخد قهوة
حسام.. تيك ون فور مي
عاصم .. " تيك ون فور مي" صار ،، اطلع بحقها
حسام .. مزال ممشتش للمصرف تو لما نمشي نعطيهولك الزوز جني باهي
عاصم .. مع الخمسطاش هدوكا
حسام .. وااااك ميفوت عليك شي
اكرم .. جيبلي وحدة من غير سكر
عاصم .. تكرم عيونك خااال
اكرم .. 😂😂
عاصم .. ايه هيك هاه خلينا نشوف سنانك ماشاء الله
اسامة .. وحدة نص نص هاك
مجدي .. هوا انت حتنزل ،، طب امسك عاوز وحدة نسكافية
محمد .. قهوة سادة هاك
عاصم .. شن قالولكم القهونجي متعكم و الا كيف ،، حد عاوز حاجة نفسو ف حاجة كده و الا كده ميتحشمش عادي رآه ميرده الا لسانه
حسام .. ايه بالله شيشة امية معاك هذي تمت
عاصم شد الكب اللي حاطين فيه البيروات و حذفه عليه و طلع
حسام .. احيييه النهارات شن هذا
اكرم .. اشربوها باهي
حسام .. مصارلها شي الماغموزيل رآه
اكرم .. راك تتحشم ي حسام
.
.
.
.
عايشة .. شن حطيتي
سحر .. فلفل اسود علاش
عايشة .. اختك ممنوع عليها الدباير باش تفهمي انتي
سحر .. هيا شوية شن بتاثر توا
عايشة .. ما قالو ممنوع معناها ممنوع فاهمة درقي وجهك توا من قدامي
سند .. خيرها الغالية متعفلقة ،، خيرها غاليتنا والعة
سكينة .. انجز من الاخر
سند .. واحد و امه انتي مالك
سكينة .. اااه ي وخيتي اه
عايشة .. خيركم
سكينة .. شوفي شوفي غاليك
سند .. خالتي متفتحيش الجبهه
سكينة .. ااه كان تعرفي بس
عايشة .. شن ف خيركم شن داسين عليا
سحر .. ولدك يبي مريم حمات نورا و يبيها و تبيه بري كان بتخطبيهاله قبل ما هوب سلامتك ف ولدك راهو ميت فيها ذايب ذوبان
سند .. انا من مرة قلتلك معاش تتصنتي كم مرة
عايشة .. غر لحظة لحظة بس فهميني حق اللي قالاته
سكينة . ايه حق
عايشة و تحطها زغروطة .. هالنهار المبارك اللي نراجي فيه وليدي بنزوجه خيرت و ست البنات ،، هالنهار اللي شمسه قوية ،، هالنهار الضاوي ضيه ،، عرسك.سبع ايام بلياليهم انديرهولك و عروستك السمحة نكسيهالك بالذهب و الحرير و حوشك ما تنقصه حاجة و عروستك السمحة تاج ع روسنا من فوق نحطوها حتى هيا مريم زينة البنات ،، غر تطلع اختك سالمة لا سو لا سوية نمشي انا بروحي ونخطبهالك من زيني وليدي بنزوجه
سكينة .. اضرب ياااا خودلك هي
سحر .. تقول راس ولد
عايشة .. بكرتي هذا فرحتي الاولة كان مفرحتش فيه ف منو بنفرح و كان مدرتلاش لمنو بندير ااه
سكينة .. وتوا انا اول وحدة نباركلك الف الف مبروك ي عريس
عايشة .. و أن شاء الله نزفك انت و سكينة ف ليله وحده
سحر .. بدل ما تدعيلي ليا انا ،، هيا خلاص فاتها القطار
عايشة .. لاقطار لا سكة حديد،، قاعدة ف عز شبابها
سند .. احترمي اللي اكبر منك اطلعي توا من وجهي
سحر .. حتى انا طالعة
سند .. متعدليش عليها فوتيها تعرفيها كلامها مش موزون
سكينة تحرك ف الطنجرة و😢.. لالا عادي اصلا عندها الحق و طلعت
سند .. امي بنتك تبي الرباية من جديد ،، علميها كيف تحترم خالتها و اللي اكبر منها و معاش تتصنت ،، اكثر من مرةنكلم فيها متبيش نتعامل و نتصرف معاها تصرف تاني
عايشة .. معليش طايشة
سند .. و خيرها نورا اصغر منها اعقل منها و قد مسؤولية و قد ثقة و همها ع صغرها و متحملة ما شاء الله
عايشة .. معليش تحمل اختك هذي
سند .. المهم كلميها باهي
عايشة .. حاضر يا ولدي
.
.
.
.
وفاء .. ايمان جيبي حوايج عمر من ع الحبل
ايمان .. ماما نبي نسالك سؤال كنك ما تنادي مريم او رتاج انا عيييت من الدبش راهو
وفاء .. كنك و الدبش و عيييت ،، اللهم احفظ منصور
ايمان .. مزال تبي حاجة اخرا من الحبل
وفاء .. لالا منبش
طلعت ايمان تجري
مريم .. لازم تحرجيها ي ماما
وفاء .. و كنك انت لخرا ههههه
مريم .. ناا كني مكني شي هههه
ايمان .. شن تحكوا و تشفطوا عليا
وفاء .. نحنا ما شفطنا عليك بلكل
ايمان .. نا خاشتلكم هاه
مريم .. هههههه
ايمان .. شن كنتوا تحكوا و تشفطوا عليا اه
مريم .. نحنا ما شفطنا عليك شي
ايمان .. سمعتكن بوذني هذي اللي بتاكلها الدودة
مريم .. احلفي بتاكلها الدودة 😂
وفاء فتحت يديها على وسعهم .. تعالو تعالو
مشولها يجروا و ضمتهم
رتاج .. الله الله ع اللحظات الرومانتك الحنان نزل توا
وفاء .. تعالي حتى انتي
رتاج .. منيش عيلة تاخديني ف حضنك وين الحليب
مريم .. اهوا
رتاج .. باه الباكو انا شارياته يعطيك كسره معاش تمسيه فاهمة 😠
مريم .. حاضر 😢
ايمان .. هاتي انا انديرهولك النسكافيه
رتاج .. تو نديره بروحي حولي من قدامي
وفاء .. هيا ي بنات خلي نوتوا روحنا و نمشوا لنورا
رتاج .. مافيها شي زي البغل
وفاء متجاهله كلامها .. هيا ،، رومة حطي الشربة متع نورا ف طنجرة الضغط باش ما متتبزعش منا ف الطريق
مريم .. حاضر ،، شوية رتاج ترا
رتاج .. تفضلي😏
.
.
.
مروان .. باه غر اصبري بس ندرس السيارة
اسراء .. بتنزل
مروان .. بنت طط اختي و الا شنو رايك
اسراء .. لا انزل عييب
مروان .. باه هي انزلي
اسراء .. اهو نازلة و نزلت
اسراء .. تي هيا انزل
مروان .. اهو نازل و بعتلها💋ف الهواء
اسراء .. ههههههه باه خلاص
.
.
.
.
.
.
عاصم .. غر عدل علينا بس
نهلة .. استغفر الله
عاصم .. انتي ي حلوة بس عدلي و تلفتيلنا
نهلة ماشية و مش معدله عليه
عاصم .. باه ي نهلة نتفاهمو فون
نهلة .. 😳😳 هوا انت خلعتني 😂
عاصم .. انت ي مرزرزة انتي
نهلة .. امالا شنو هههههه تحسابني خفيفونة
عاصم .. عارف ربايتي
نهلة .. لا انت ي عبد الواثق بالله عليك
عاصم .. ههههه ايه ،، شن اديري هني
نهلة .. ااا جاية نزور ف صاحبت اختي
عاصم .. و شن اديري هني ف التحاليل
نهلة .. ااا جاية نيال عندهم تحليل دم بي في سي
عاصم .. بي في سي قلتي اممم به
نهلة .. انا بنركب توا وقفتنا اخي
عاصم .. تمام ع راحتك
نهلة .. سلام
عاصم .. سلام
و مشت نهلة
.
.
.
.
.
.
.
.
سالم .. الحمد لله على سلامتك يا نورا
نورا .. 😳😳
مروة .. سالم اطلع برا
سالم .. انا جاي بنتحمدلها ع سلاو بنباركلها بس
نورا .. سالم ارجوك اطلع ،، زوجي دكتور هنى و شوية و يجيني
سالم .. عارف عارف ،، سعادتك تهمني ربي يهنيك
اكرم .. ان شاء الله ،، و سعادتها معاي
سالم .. اها ربي يهنيكم
اكرم بضحكة كلها غل .. تسلم ممكن تطلع توا
سالم .. تمام و طلع
مروة .. انا انا بنمشي نشوف نهلة
نورا شدلها يدها رختها مروة و طلعت
نورا .. جي بروحه و منعرفش كيف عرف و خش هكي بدون استأذان و انا و الله منغرف حاجة ،، اكرم متفهمش غلط ارجوك
اكرم .. هناك أشَياء خلقتَ لِـ تبقىَ لـــِي فقط .. گ أنتِ وصوتكِ وكل ما يتعلقَ بكِ
نورا .. كم اعشق كلماتك انها كضمادة لكل جروحي
و غمضت عيونها و كانها تنتظر منه أن يقبلها قبلة تنسيها ما قد سمعت و ما قد رأت من شخص قد جرحها و تركها و بعد أن اعطته كل ما تملك من احاسيس و مشاعر
اكرم .. لن ادع احدا يجرحك بعد اليوم ،، ف انت نبض قلبي
نورا .. اعلم كم تحبني و لكن قلبي غير صافٍ لاحبك ،، اخاف أن افعل ذلك فلا اعطيك حقك
اكرم .. لن اتذمر منك قط ،، ف انت نبض قلبي و لا يمكن لاحد أن يمل من نبض قلبه
نورا .. قلتها لك و ساعيدها على مسمعيك ،، لا يزال الوقت مبكرا ع اخر ما نطقت ،، ما زلنا ف اول المشوار
اكرم .. و ما هي الحياه التي اعيشها أن لم تحبيني
نورا .. لا تخف سيحدث ما تريد ،، و لكنني بحاجة الى الوقت
اكرم .. و كم تحتاجين من الوقت ،، انتظرك ،، و لكنني اخاف أن يطول الوقت و يختفي من قلبي النبض و قلبك لم ينبض بعد
نورا .. لا تقل هذا ،، و ما فائده الحياة ان ام تكن فيها انت
اكرم .. ما الذي تحبينه فيّ ؟؟
نورا .. احب لحيتك التي تخفي ملامح وجهك خلفها ،، و لكن عندما تضع يدك عليها يالا روعه ذلك الموقف
اكرم .. يعني هكي و حط ايده ع لحيته
نورا .. اكرررررم
اكرم .. عيونه
.
.
اسراء .. مروان برا جيبلي امية وتعالى
مروان .. تمام ،، و مشي
مروة .. قوية التوزيعة
اسراء .. اش بنسمع
مروة .. حتى انا بنسمع
اسراء .. باه اس
.
.
.
.
عاصم .. ي صباح الانوار ع احلى وجوه ف المستشفى هذي كلها
الممرضة .. من الاخير شنو تبي
عاصم .. الحق فيا جاي نسال عليكم
الممرضة .. عاصم بيرنا واحد ،، امرك
عاصم .. انا نبي تحليل دم ل نهلة ال .... الممرصة .. دقيقة بس نون نون نون نهلة ال . لانهلة ال ....
عاصم .. اها شنو طمنيني
الممرضة .. 😳 شن علاقتك بيها المريضة
عاصم .. تقدري تقولي خطيبتي
الممرضة .. عاصم انا نعرفك انت شخص راكز و مؤمن بالله و مؤمن بالقضاء و القدر ،، انا بنقولك اللي قدامي
عاصم .. باه باه شنو ف 😩
الممرضة .. المريضة واصله لمرحلة من السرطان و لازم تتعالج ،، الخلايا منتشرلها ف كتفها بشكل كبير و نازلتلها ع صدرها الايسر ،، و ممكن يضطروا انه يديرولها ازالة صدر للاسف
عاصم .. شكرا و طلع
حسام .. عااام ع قهوة عندي حالات انا و الاولاد فوق يراجوا فيك
عاصم .. حسام هاك برا خودلهم و هام برا خود ليك غر حول من قدامي بس
حسام .. باه خيرك انت
عاصم .. حسااااااااااااام حول
حسام .. باه باه و مشي
طلع عاصم ل حديقة المستشفى و قعمز ع اول كرسي قابله
.
.
.
.
.
اكرم .. و عيوني مش عاجبينك
نورا .. لا بس لحيتك اكثر
اكرم .. حسنا ،، الن تسالي ماذا يعجبني فيك ؟؟
نورا .. لا لن اسال اتعلم لماذا
اكرم .. و لماذا
نورا .. لانك أن بدات في كلامك ف لن تنتهي منه قط
اكرم .. انت مغرورة
نورا .. لست مغرورة ،، اليس كلامي صحيحاً
اكرم .. اجل كلامك صحيح فانا اعشقك
نورا .. حقا
اكرم .. اجل ،، ساقول لک شيئاً
نورا .. ماذا
اكرم .. سوف يستغربون ف طريقة كلامنا و سيتسألون لماذا يتكلمون هكذا
.
.
اسراء .. نفسي نعرف و الله
مروة .. حتى انا نبي نعرف
.
.
نورا .. لقد رايت في مكتبتك كمية الكتب و الروايات التي تقراها فهذا ليس غريبا
اكرم .. اما انا ف اقرا الروايات و انت
نورا .. انا مغرمة بهن
اكرم .. اي اننا نتفق ف هذا
نورا .. اجل اننا نتفق ف هذا
.
.
اسراء .. روايات 😍😍
مروة .. ي ربي مكتبه 😩
.
.
الممرضة .. نعم دكتور
الدكتور .. من اللي غير لنورا اليوم ع الجرح
الممرضة .. سليمه اليوم غيرتلها
الدكتور .. باه نورا غدوة خروجها باهي و بتقعد اداوم مرتين في اليوم لتغير ع الجرح ،، انتي المسؤولة ع نورا،، محدش يغيرلها غيرك فاااهمة
الممرضة .. حاضر دكتور
الدكتور .. انصرفي توا و ابعتيلي سليمة
الممرضة .. حاضر
.
.
عاصم .. علاش ي نهله علاش الكذب علاش
.
.
نهلة .. منقدرش نقولك منقدرش
.
.
عاصم .. و انا نحبك ونموت فيك و نبيك علاش ادسي عليا علاااااااش ي ربي علااااااش
.
.
نهلة .. انت ما شاءالله عليك ،، كامل و الكمال لله وحده ،، كيف ندفنك معاي انا مريضة و مطلقة كيييف ي عااصم
.
.
عاصم .. انا سالتك ي نهلة و انتي قاعدة تكذبي عليا ،، انا دكتور و نعرف و عارفة اني نقدر نعرف بروحي بس نسال فيك انتي لاني نبيك انت اللي تقوليلي
.
.
نهلة .. أن شاء الله ربي يبعتلك بنت الحلال اللي تنسيك انك حبيت وحدة اسمها نهلة ي عاصم يااارب
.
.
عاصم .. أنت عارفة اني من غيرك ما منجي شي عارفة الشي هذا ،، كان تصيرلك حاجة نموت انا ،، نموت و انا عايش علاش تبي تعذبيتي انتي علاااش
.
.
نهلة .. منقدرش ي عاصم ،، هكي نظلمك و الله الا نظلمك
.
.
عاصم .. تمام ي نهلة خليك ع رايك هذا تو نتفاهمو
.
.
و ناض تلفت لقي نهلة بحداه و شادة ورقة التحليل و تبكي
مسح دمعته .. نهولة
نهلة .. هاه عاصم ،، انت من امتى هني
عاصم .. من بكري شوية
نهلة .. اها
عاصم .. اممم وين مروة
نهلة .. خليتها فوق مع صاحبتها و نزلت نشم ف هوا انضغطت ف المستشفى
عاصم .. اها
نهلة .. انا بنمشي توا اكيدة مروة ادور فيا
عاصم .. تمام و قعمز
نهلة . .. سلام نتلاقو و ماشية
عاصم شدلها يدها.. تاكدي بس اني نحبك كيف ما كنتي
نهلة .. 😊 و مشت
.
.
.
.
.
.
.
رتاج .. صحتين و صحة هاهاهاهاهاها
.
.
.
.
عايشة .. هيا ي سند استعجل شوية
سحر .. يتجنتل عاد بيشوف الاميرة
سكينة .. لا حول ولا قوه الا بالله العلي العظيم
سحر .. شن كفرت قالولك
عايشة .. لا بس لسانك يبي القطع من جذوره
سند .. هي أطلعوا
سحر .. حضرتك اللي معطلنا للعلم
.
.
.
.
اروى .. بنوتات بتمشوا
ايمان .. ايه بنمشوا و انتي
اروى .. ايه
مريم .. مش تعب عليك
اروى .. راني مزال ف الشهر التالت راهو قاعدة مثقلتش
ايمان .. مزال مجربناش رآه
مريم .. هههههههه
اروى .. تو تجربي أن شاء الله
ايمان .. أن شاء الله
مريم .. مع منون ياارب
اروى .. ف حاجة بتحصل و انا مش عارفاها
مريم .. وااااجد حاجات مش حاجة وحدة بس
ايمان .. اييييه وااااجد 😏😏
مريم .. اشقي بحالك ايمان
ايمان .. حتى انت اشقي بحالك
اروى .. لحظة لحظة ،، ايمان رجعت لمنصور لان انا اللي ملقباته منون 😂،، فرخة مريم منو 😕
ايمان .. نقوووول 😏
مريم .. لالا تونقوللها انا
اروى .. شكون
ايمان .. المستقبل للانتاج والتوزيع الفني تقدم
اروى .. وااااك ميفوت عليك شي 😂
ايمان .. و لو نعجبك
اروى .. باااااه منو
مريم .. اسمعي راهو مصار شي غر قالي نبي نخطبك بس رآه
ايمان .. هاه هاااه دقيهالي هني كان معطاكش نمرة تلفونوا النهاردة
وفاء .. هيا و مشت
ايمان .. هي هي جينا ماما
مريم .. هي أطلعوا
اروى .. منو قبل
مريم .. سند
اروى .. من سند ؟! ،، سند سند ااا😳😳
ايمان .. ايوا هوا هداكا بالزبط المزبوط
مريم .. ماما تنادي هيا
.
.
.
.
.
اكرم .. عندك علم أن العيلتين برا
نورا.. منو ؟؟
اكرم .. عيلتي و عيلتك
نورا ..😱😱 حقا
اكرم .. اها😂😂
نورا .. افتح الباب
اكرم .. تكرم عيونك و ناض يفتح الباب و و اطيح مروة و اسراء
اكرم .. عندك ريا و سكينه قدام الباب
نورا .. 😳 منو
مروة .. لا احنى كنا بنخشوا و انت فتحت الباب نحسابك طلعت
اكرم .. لقيتيها نهلة 😉
مروة .. ااا ايه لقيتها
اكرم .. تمام تمام و طلع قدام الباب
مروة .. خشي حشم حالك 😂
نورا .. 😳😳هوا انتو الزوز 😂😂
اسراء .. هيهيهي ايه احنى الزوز
مروة .. حي ع الحشمة
نورا .. عاتي عاتي حبيبتي
اكرم .. سمعتك
نورا .. ههههههههه
اسراء .. عيني عينك
اكرم .. اااا خلينا اصحاب و حبايب ي اسراء
اسراء .. 😳 فضحتي بينا
اكرم .. لا خممت بورحي
نورا .. تعرفي لقيتلك خليقه رواية و كتاب
اسراء .. اما شن اسمها
نورا .. #انستا_حياه
اسراء ..😳 انستا حياه مرة وحدة نبيها بتجيبيهالي
نورا .. استاذني من اكرم
اسراء .. ااااا و فتحت فمها .. لالا حتى من البي دي اف يمشي حالها
نورا .. مش زي كتاب
اسراء .. لالا صدقيني يمشي حالها
نورا .. هههههه 😂😂
مروة .. ااا اكرم عندك ف قلبي انثى عبرية
اكرم .. اييه عندي تبيها
مروة .. تعطيهالي
اكرم .. لا طبعا 😂
مروة .. 😳
اكرم و نورا .. هههههههههههه
.
.
.
.
.
.
عايشة .. من غير هبال فاااهمة
سحر .. اقسم بدين الله الا فاهمة خلاص
عايشة .. أن شاء الله
سند . هي انزلوا
.
.
.
.
امجد .. هي الدور الرابع فووق طول
اروى .. باه خيرك
امجد .. كلمة هيا
اروى .. باه باه حاضر
و خشوا
امجد .. اااا سنود هني اهلا اهلا
اروى .. سنود حتى هوا راي
مريم .. اسكتى خير ما امجد يولي نودي توا
ايمان .. نودي هداكا اللي يجيبوا فيه التسعة الصبح ف سبيستون
مريم .. شي شي ما تفوت عليها حاجة لازم تلقح
اروى .. و لا يمكن ايمان
و ركبوا مع بعض بعد ما سلموا طبعا
و خشوا لنورا فرحت بيهم و اهلت و سهلت و تسال و تتحرك
سند .. تي اهفتي جرحك قاعد مجفش
نورا .. انا ؟؟ مافيا شي
اكرم بهمس .. اصلا غدوة بتطلعي تبي متبيش
نورا بهمس .. اي ايدي 😂😂
اكرم .. تتسوكي باه ي نورا
نورا .. ربي يستر 😂
و مريم و سند يشوفوا لبعض و مقاموش عيونهم بكل لدرجة اكرم حس بيهم
اكرم مع نورا بصوت هادى .. هنالك عشاق غيرنا هنا
نورا .. اجل ،، اتتكلم عن اسراء و مروان اكرم .. لا ،، بل اتكلم عن ...
.
.
.
.
.
#يتبع ...
__________________
حلقة اليوم مفيهاش هلبا احداث ،، أن شاء الله تعجبكم 😘😘
يلي يقول خيره الرواية كل حدث فيها فيه جيهه ومفروض تكملي االموضوع وماينقسم علي جزئين تكمله طول راهو هادمو حلقتين مدموجات في حلقة فهموتوني !
رواية صديقة البيج #الاء✨