#اهات_من_محطات_حياتي
#بارت...16
#غير_محلل_نشر_القصة_بدون_ذكر_اسمي
#بيج_قصص_عراقية_من_واقعنا
#حنين_حاتم
جنت متمدد اباوع تلفزيون دك تلفوني علي
فتحتة
الو
هانو ار اطلعلي برة اني بلساحة اني وفيان اريد احجي وياك
كمت بدلت لبست برمودة كابوي جان موديلهة وبدي نيلي ربع ردن وشحاطة وطلعت
اتمشة اول ماعبرت فرعنة صارو كبالي بلساحة تقربت يمهم تسالمنة ورحنة للكهوة شوية مسافة تبعد علينة
كعدنة وطلبنة جاي
ضلينة نسولف ونسيت موضوع علي لحد ما صاح
ابو النور اني اريد اروح اخطب فاتن
ف
هههه صدك ولك حطيت ايدي علة حلكي وضليت اهلهل علة صوتي كل الي بلمكان لولد شباب كامو يهلهلون وفيان يصيح زوجنا وخلصنة منة وبعد اخوتة لاكصر منة ويأشر علة روحة وعلية
وعلي يسكت بينة وخجلان
ههه اي علوكة وشوكت ناوي تخطبهة للرفش قصدي فاتن
مادري كل لامك خل تحاجي خالتك وتاخذلنة منهم موعد ونروح اني كلت لاهلي ورحبو بلفكرة كلش
فيان : خطية لويدرون بفاتن شنو جان حطو براسك طلقة على هلسالفة العوجة ههههههه
نوار: نجب ولك شو تحجي علة بت خالتي كدامي يعني واذا تاكل هواي
اشو حلوة ودارسة ومؤدبة
اي وهوة منو يمدح العروس غير خالتهة وام الصالون
طكيناهة ضحكة تلاثتنة وطلعنة كتلهم اروح اكل لامي ماكدرت اصبر بعد حييل فرحان علي خويي وهية هم اخيتي واحب قربهة يمنة
رحت لامي وكتلهة يمة علي يريد يخطب فاتن شايفهة يمنة من اجو اخر مرة وكلي عليهة
صدك يازين هلخبر هيج وتصير فتينة يمك وتكوم خالتك تجيهة وتمر بينة
ااااخ شكد مشتاقتلج ياخيتي يلحنينة
يمة مو وكت مشاعرج الفياضة دكي علة خالتي كليلهة
اي جيب تلفوني
شالت لتلفون وجاي تدك كتلهة اوكفي اوكفي
ها شبعد
مو تخرطيهن كلهن وتكليلهة علي شايفهة ومعجب وولهان
كليلهة صديق نوار وموصي علة مرة علة عرفنة واحنة رشحنالة فاتن
بعدني احجي امي كالت
هلة يبعد اخيتج بعد روحي مشتاقيتلج وكامن ينحبن
عفتهة ورحت للمطبخ صبيتلي كلاص جاي وواكف اشرب اجت امي من جوة تمسح بدموعهة ولابتسامة شاكة الوجه
ها ام دميعة بشري
يا خالتك كامت تهلهل واحمد اخذ التلفون يكلي خالى خل يجي هسة ياخذهة لثلاجة فارغة اليوم مامتسوكين خاف ترجع علينة تاكلنة اني وامي
هههههههه خرب يومة احمد مايتوب من سوالفة
كلولج يايوم يجون
خالتك تكول باي وقت حياهم بس خل يطونة خبر قبل بيوم
هوة هم هيج
طلعت برة رحت لعلي كلت خل انصب علي
عبست وجهي وكوة خافي الضحكة
وكفت يمة واحجي بغير موضوع وعاقج الخلقة وهوة كلسا يكلي ها شكالو
اخر شي دنكت وكتلة علي لاتضوج كلشي قسمة ونصيب
يعني شنو
انساهة علي متفيدك
شنو انساهة ولك سنين صارلي احبهة شلون انساهة شنو شصار احجيلي شكالو
يحجي وياي ودمارات وجهة طلعن
واني كوة ساكت
ماتحجي ولك لاتشلع كلبي
ابوهة يكول اابن عمهة رايدهة واني منطي كلمة
ابن عمهة منو هاذ الطلع فجئة وشنو ينطو كلمة هية بكيفهم والله اكلب الدنية والله اخطفهة
شنو تخطفهة هية تايهة
اي تايهة مالي شغل ولعباس الدنية اكلبهة فاتن الي ومتصير لغيري
خرب حضي وهوة يااغبر يكلبهة غيرك
كلتهة واني اطكطك نعالاتي واشوفلي ديرة اهج بيهة علي يركض وراي وفيان يريد يلزمة ميكدرلة
اني جسمي رياضي واركض بس هوة بساع يتعب وكف من بعيد وكلي تعال
رحت علي واني اضحك ادري بي اذا مااخذ حيفة مني يموت
وكفت يمة وكتلة لك احترمني ترة ماانطيك بت خالتي
والله من دنعل ابوك لابو حتة بت خالتك موزين نفكتهة شودتعال
جرني وطاحلي خبز واني ميت ضحك علي واردد بلعبارات الي كالهن من جان عصبي وموداري بروحة
والله اكلب لدنية والله اخطفهة واشرد
وخر عني وضل يضحك
رجع علية حضني
ولك لعار موزين نفكت بت خالتك وجبتلكم هيج نسبة تشرف
والله نسبتكم تعر بس شنسوي البنية مالكت زوج غيرك يرضة بيهة
تمشينة شوية ليكدام وكلسا نتداهر وفيان يضحك علينة
شوية ورجعت للبيت ربع ساعة ودك علية علي كلي كلت لاهلي ويكولون عكب باجر نروحلهم بس انتو تجون ويانة لازم
اكيد هسة اكل لامي حتة تبلغهم واشوف منو يجي من لاهل
سديتة منة ورحت لامي كتلهة كالت
نروح اني وياك وخالتك رضية وخالك محمد
ونسوان خوالك اذا يحبن يجن حياهن هنة جانن كبالهة بلصالة كلنلهة لا جهالنة يبهذلونة منروح
بقة بس خالي محمد من يجي نحاجي
دكيت علة علي كتلة وكالي فيان هم يجي ويانة
سديتة منة وطلعت برة يم امي وخالاتي مر لوكت خطف صار اليل صليت وتعشينة وطبيت لغرفتي اخابر سلوى
دكيت عليهة شالتة
ها سلوى شلونج
زينة لحمد لله انتة شخبارك
اني ماطول سمعت صوتج يعني زين
اكلج شي بس لتكلين لرنى
كول
علي راح يخطب
جذذذذب
منو
فاتن بت خالتي
لا يالله هاي بس تعرف تحقد عليك وحتة التلفون احتمال بعد متنطي الي
اي لعد ليش جاي اكلج لتكليلهة
ماشي
صدك ماكتلك بابا جابلنة جبب اني ورنى وكال لبسوهن
يا الله شغيرة
ماعرف بس يكول هنا الناس تنتقد اضاهر سامع حجي ولو هوة الحجي من زمان بس هوة هسة يلله تأثر
يلله نوار اني اترخص
الله وياج يبعد العمر سلمي على رنى
يوصل
واجة يوم الجمعة وكعدنة من الغجر اني وامي وخالتي نستعد بدلنة وكملنة
لبست فميص ابيض وفوكا سترة اسود ومطعمة برصاصي وبطرون جنز
دكيت علة علي كلي مكملين ومنتضريكم طلعنة رحنة عليهم لان خالي محمد كال مااكدر اخذكم صعدنة بسيارة ابو علي واني سقتهة لان هوة تاكرهة من زمان نضرة ميساعدة
وعدة انزلاق بركبتة فميكدر علة سياقتهة
طلعنة 4 سيارات علي واني وفيان واخو علي بسيارت ابو
وامة وامي وخالتي بسيارة ابن عمهم
وابو واختة متزوجة هية وجهالهة بسيارة نسيبهم رجل اخت علي
وعمامة 2 همة وعوائلهم بسيارتهم
لطريق جان طويل وكضينا نحشش علة علي وكلسا اندار علي اكلة ها خوما بطلت
علما وصلنة علي منتهي جان خجلان حييل واول ماطبينة لببيتهم وجهة حمر
هوة الي طول عمرة يعيب علينة وعلحب اليوم وكع بيهة وطلعنة حيفنة وكل القضة والمضة بي
طبينة بعد السلام والترحيب كعدن النسوان بلصالة واحنة بلأستقبال صبولنة غدة سمج وتمن احمر خبز حار ولبن مدخن مسحنة السفرة مسح هههه
اكلنة وشربنة جاي وراهة ضلو يحجون علخطبة وسوالفهة الروتينية رجل خالتي جان كلش متساهل وكلهم انتو فصلو واحنة نلبس
احنة مانطلب شي حاضرهة كتاب الله وسجادة وبس
همة حييل قدرو وكلولة ولنعم منك ومن اصلك احنة حاطين حاضر 7 اربع ملاين للبنية تشتري ذهب ولوازم العرس و3 ملاين غرفة ومستلزماتهة
ورة ماكملو حجيهم واتفقو ابو علي كللهم احنة نريد اليوم نعقد لان منكدر ييومية نجي تعرفون دوامات ولطريق بعيد خوما عدكم اشكال
كلولة لا عادي خير لبر عاجله
طلعنة اني واحمد وفيان جبنة شيخ واجينة عقدو وعتلكت الهلاهل وطب علي يمهة لبسهة حلقة جايبتهة امة هدية الهة
هوة طب جوة واني وفيان شتغلت خباثتنة لزمنة التلفون وحركنة اجهزتهم هوة يدك علية علي واني ادك على فاتن
شوية وطلع علي وجهة ضايج
تلكا فيان يكلة ها اغتصاب
كلة دوخر مني بسيطة هم تعرسون والة ارجعلكم الصاع صاعين
طبيت جوة سلمت علة خالتي وفاتن كفختهة علة راسهة ويمي مخاد بلغرفة توليتهة بيهن وهية بس تضحك حتة ماردت لكفخات علية لفرحة جانت ناطة من عيونهة باركتلهة وطلعت
ردنة نرجع نفس اليوم ماقبلو جلبو بينة فرشولنة بلأستقبال وعلي عود يحجي وياهة جوة لبطانية واني وفيان حاطين اذاناتنة واحد من اليمنة واحد من اليسرة خبلنا
وابو كلسا يصيح بينة
ولكم بوية عوفو خل يعيش الحضة هية بس هلايام خل يجذب عليهة ويثرم براسهة بصل شوية
اخر شي شمر التلفون وكام علينة تولانة جلاليق صار مطافرنة مالة والي ختلتة ورة ابو وهوة تناوشة بلسبحة يكلة عوفهم موتتهم
ضلينة نضحك وعمامة يصورون بينة وخربانين ضحك علة سوالفنة
يوم ثاني تريكنة و احمد اخذنة فرنة بسيارة ابو رحنة مولات وشترينة ملابس واخذت لعابة تخبل لسلوتي حييل عجبتني
جانت باربي هستوة نازل موديلهة وياهة بدلات تبدل بيهن بس اجت عيني عليهة اذكرت سلوى حسيت العابة تشبههة حييل
وعلي كلما يتدنة يم محل مال ملابس لوشغلات نسائي نخبلة اني وفيان ودور طبك ويانة احمد حشاش اكشر
طلعنة ثارات مال سنين نطلبهيا
رجعنة للبيت جان وكت غدة والنسوان هم جانن طالعات سواكة اخذتهن خالتي
عائلت خالتي وعائلى بيت علي حيييل نسجمو جبنة اكل جاهز ولتمينة علسفرة تغدينة وشربنة جاي ورة لغدة ستعدينة للرجعة بدلنة وطلعنة غراضنة وشغلات النسوان
وصعدنة سياراتنة ورجعنة لطريق جان حييل متعب طبينة لمطقتنة
طبيت الفرعنة القديم نزلنة من السيارة طلعت غراضنة وامي وخالتي نزلن سلمنة عليهمم وجاي نرجع للبيت نفتحت باب بيت اهل سلوى وطلع منهة ولد ماشايف شكلة قبل عدهم ابد
جان ابيض احمراني وعينة بيهة لون اصفر مايل للخضار ضخم يجي بضخامة علي وشواربة ثخان حييل شكلة ذكرني بلبعثية مال قبل
مشينة واني عيني علي مستغرب وجودة يمهم مااعرف ليش حسيت بغيرة موطبيعية علة سلوتي
وصلنة للبيت جنت تعبان حييل واذان المغرب هستوة مأذن شمرت روحي علجرباية غفيت بملابسي حسيت علة امي تكعدني اتعشة بس ماكعدت جنت حييل منهك
جريتهة نومة للصبح
كعدت لصبح تريكت وكعدت يم امي وخالتي سولفنة شوية ورحت لغرفتي
نتبهت علة ارنب سلوتي جان خانس حييل حاولت العبة احركة ماكو
دكيت عليهة ردت اسألهة ماردت
لبست وطلعت اريد اروح علة علي بلكي يعرف طبيب شي
اول ماطبيت للفرع صار بوجهي هاذ الضخم جان واكف يم سيارتة مدري شيطلع من الجنطة خزرتة ومشيت
دكيت لباب طلعلي علي طببني حجيتلة علارنب كلي امشي خل نروح لمرت ابن خالي دكتورة بيطرية
كتلة خليهة لعصر احسن كال ماشي
سلمت علي وطلعت بطلعتي شفت سلوى ورنى جانن لابسات جبب سود وصعدن وية هاذ البعثي هنة ماشافني بس اني شفتهن
حسيت بشعور كلش حقير من شفتهة صعدت ويا ومحد جان وياهن
رجعت للبيت ضايج واتحسر والي قهرني اكثر سلوى صعدت يمة بلصدر
ماريد اضلمهة بس ماانكر اني حييل ضجت وغيرتي عمت عيوني
للعصر رحنة للدكتورة شافتة كالت عدة خمول احتمال حزنان من شي
شنو النثية مالتة ميتة
لا
كالت هوة مبي شي بس هوة لارنب من يحزن هيج يسوي مثل الباندا ضربتة ابرة وحاسبتهة وجبنا ورجعنة
سألت علي على هاذ الي شفتة يم بيت سلوى كلت بلكي سامع شي من فيان من ايناس
كلي ماعرفة بس هوة جاي لوحدة
حجية زيد ناري وضوجتي
بليل دكيت على سلوى هم ماردت
عفتهة ونمت
مرن يومين سلوى مترد علية وهاذ كرايبهم بعدة يمهم ماكدرت اصبر رحت علة ...#يتبع
حييل اعتذر لان جاي اتاخر بلتنزيل بس والله لكهرباء تطفة قبل ال11 وترجع هيج وكت عذروني وصوتو لطفا منكم والله حيييل دااتأذة بسبب تفاعلكم القليل حتة اصحاب لقصة ضاجو كلولي خاف لقصة موحلوة وقفيهة 😕