مهى اباوع البنيه لبسها عبالك بنت ليل وادم اصلا مكادر
يوكف كبر انوب بالشقه الي اني عايشه بيها هيج يسوون
...
شفتهم يردون يطبون للغرفه رحتلهم بعصبيه
مهى هييي هييي وين اوكفي
.. اسم الله شبيج كمزتيني
مهى اوووي كمزتج اني الي لازم اكمز عيني اني عايشه هنا شسوين هنا
.. اووو انتي مهى هلوو
مهى هلوووات شسوين هنا
.. اني سجى حبيبته لادم شنو ممسولفلج عليه
مهى لا والله سجاوي مصارلي الشرف
سجى امم يله المهم هسه عرفتي
مهى وشسوين هنا هسه ١٠٠مرة عدت السوال
سجى يعني اني وحبيبي اجينه شنسوي
مهى ديله حبابه نزلي ادم ع القنفه واطلعي
سجى لا وين انزله بعدمه مبادين بعدنه ع الخفيف
مهى شو وخري لزمت ادم اني وكتلها يله اطلعي
سجى واذا ماطلع
مهى اهلا وسهلا ابقي بس دقايق اخابر حنان بيبيته وهيه تجي تتفاهم وياج
سجى ها لا لا ماله داعي رايحه
مهى يله وسدي الباب وراج
سجى...
مهى شفتها سدت الباب وهذا لازمته ميكدر يوكف
ادم امم يله سجوة طببيني للغرفه
مهى سججوة اضلوعك اي والله وانته بهل حال شتكدر تسوي اهمداك
طببته للغرفه شمر نفسه ع الجربايه بدون مايحس
بس ملابسه مبلله
والدنيا برد طلعت بس سمعته يون
رجعتله يرجف
ماكسر خاطري بالعكس طبه سم
نزعته قميصه ونشفته لجسمه ولبست قميص ثاني
بس شني جسمه شثكله واشوف الاثار ع ركبته وع صدرة
غميته يمكن ميت غمه وبكلبي احجي عليه
لزمت جسمه مصخن مهتميت عفته ورحت لغرفتي نمت
ماحسيت لانو جنت تعبانه
فزيت ساعه ١٠ ونص طبيت سحبت واتريكت بس الباب مالت ادم
مفتوم مثل ماعفته البارحه
طبيت لكيته نايم ع نومته
ماعرف ليش خفت واذكرت هو مريض
رحت يمه لزمته حار نار وشفته بيضه ونفسه بطئ
مهى ادم ادددم ماكو صوت
يمعود ادم شبيك اددم
مهى خفت بوقتها بس ماعرفت شسوي جريت التليفون وخابرت سعاد مجاوب
وبابا غالقه للتليفون
خابرت حنان
حنان ها ادم
مهى ابسرعه تعاي بسرعه
حنان شكووو خيرر
مهى ادم ميحجي
حنان شنو يعني مايحجي
مهى يعني مايحجييي تعاي بسرعه
مهى بقيت احاول اكعد بيه ابد ماكو صوت
اجتي حنان فتحتلها الباب جايبه دكتور وياها
فحصه كال لازم يروح مستشفى فورا
حنان ليش شنو بي
الدكتور اعتقد الكبد تعبان هو يتعاطه شي
حنان لا
مهى شنو لا اي يشرب اهواي
دكتور اي لهذا السبب لازم يروح للمشفى فورا
مهى لبست ملابس بسرعه وطلعت لزمته ونمشي وهو مايحس والدكتور ساعدني
اني ويا ورة بالسيارة واباوع ع شفته كلش بيضه صارت وصلنه بجيت ع حاله
اوووف شسويت بنفسك ياادم
دخلنه اجه الدكتور فحصه والممرضات يمه مغذيات وكل اشويه يفحصونه
اجه يوسف
لانو اهل ادم مسافرين ومحد بلغهم
من شفت يوسف ردت اكوم امووته بيدي
يوسف شنو هاي شصاير
درت وجهي منه
حنان ماتعرف بي من يشرب مثكل يمكن والكبد كلش تعبان
يوسف واشلون تجيبونه للمشفى سمعتنه مافكرتو بيها
مهى ضجت من هيج حجه درت وجهي عليه بعصبيه
هسه ديله اشلون سمعه عليكم انتوو اسكتو لاتخلونه نحجي هناا
يوسف هيي لج اسكتي محد وجهلج سوال
مهى هذا الي تحجي عليه رجلي وماسمحلك تحجي عليه يابو سمعه
هايالله سمعه شلونك انته بيش كيلوو سمعتك
حيوانات
اجه راد يضربني وحنان لزمته
حنان موقتها البنيه متعصبه
مهى بيدي التليفون مالت ادم خابرت سعاد
مهى الوو
سعاد هلو يمه اشلونج مهاوي
مهى سعاد اني بالمشفى
سعاد شنوو شكووو شصاير
مهى ادم بالمشفى
سعاد مهى احجي صايرلج شي
مهى لا وداعت ابويه مو اني ادم
سعاد اني وابوج هسه يم عمامج وماكدر اكوله راح احاول نرجع هل ايام ونجيج
مهى لا سعاد لا تجين الاوضاع متخربطه واني سقطت طفل وماريد بابا يدري
سعاد يمهه عزةة شنوو اشوكت سقطتي
مهى مو وقته سعاد بعدين اخابرج واطمنج سلميلي ع بابا وع عمامي
سعاد يوصل يمه
مهى مع سلامه
..
مهى بقيت يم ادم كاعده الدكتور كاله حالته كلش تعبناه والكبد نصه تالف
بقيت كاعده مقابيبله للعصر واهله ماكو بقيت صافنه عليه لزمت ايدة وكعدت ادعيله
لازمه ايده وحسيته اتحرك بقيت اباوعله فتح عينه ع كيف باوعلي
وابتسم بكسر مبين عليه مكسور
بقه يباوعلي ويحجي بعيونه واني هماتين من شفت اهله ميهمهم غير سمعتهم صدك ضجت عليه
نزلت دمعتي واني اباوعله دار وجه مني ميريد يشوفني ابجي
حنان ها كعدت شفت اخر الشرب شيسوي بيك
مهى مووقته هل حجي
حنان مو انتي الي تعلميني اشوكت احجي ست مهى
مهى تعصبت وطكت مرمارتي منها
مهى اكلج اتريدين اتكعدين هنا اكعدي بحترامج ماتريدين اطلعي ولا تجين
حنان وانتي منو حتى هيج تحجين ويايه
مهى ردت اجاوبها بس ادم لزم ايدي قوي وباوعلي بمعنى عوفيها وكعدي
كعدت بس ضايجه
مهى ادم تشرب مي
ادم 😑امم
مهى شربته مي وبقيت كاعده يمه اجه الدكتور
مهى ها دكتور بشر
الدكتور حالته متوسطه s3 بس الكبد تعبان لازم يمتنع عن الشرب لانو من شخصنه حالته عرفنه انوو السبب الرىيسي لصابته
بهذا المرض هو الشرب لا زم يمتنع عنه
واريدكم تخلونه تحت المراقبه وملازم يتحرك
وتراقبون تغيرات جسمه اذا لاحضتو اصفرار العين والجسم الغثيان
واذا بدة جسمه يضعف بسرعه غير عن قبل لازم يجي باسرع وقت واعتقد بوقتها يحتاج عمليه زراعه كبد
مهى شنوو بس دكتور هل عمليه فاشله بالعراق
دكتور صح بس مو بكل محافضات العراق فاشله هسه كدر البعض انوو يزرع كبد متوفي عن قريب بجسم الانسان والنجاح بهاذي العمليه بنسبه ٦٢ بالميه
مهى يعني بيها اضرار
دكتور شي اكيد بس هسه ماريدكم اتفكرون بهل شي ماعتقد بحالت ادم
يحتاج عمليه بس انتو ابقوو مراقبينه
٣ايام واريد اعيد الفحوصات
مهى انشاءالله دكتور زين اشوكت نكدر نطلعه
دكتور براحتج بنتي اذا تحبين طلعي هسه
مهى شكرا الك دكتور
دكتور واجبي يله اخذو راحتكم
..
مهى اباوع لحنان معاجبها الوضع ها حنينه ماعجابج الوضع جنج اهمداج
رجعت كعدت يم ادم
مهى ها ادم اشلون تحس نفسك هسه
ادم الحمدالله
مهى شنو رىيك نطلع هسه
ادم اي
مهى كمت عدلته ولزمته من ايده وضهره وكعد ع حيله لبسته الحذاء وعدلته وهو يباوعلي
مهى محتاج شي
ادم😊😐سلامتج
مهى ست حنان ناويه تباتين هنا
حنان لا وياكم عيني
مهى لازمه ايده وامشي شفت يوسف اجه
اوووف
يوسف ها ابن عمي شو طلعت
حنان الدكتور كال يكدر يطلع
يوسف اي خيير انشاءالله يله ع بيتنه حتى نكدر نعتني بيك
مهى لا ماكو عنده بيت وعنده مره تعتني بي مشكورين
حنان جان عتنيتي بي من قبل وماوصل لهل حاله
مهى والله اني اتزوجته وهو يشرب جان انتي من البدايه وكفتي من الشرب وهسه مو وقتها زوجي تعبان ومالي خلك احجي ابتعد انته مني
بقيت لازم ادم وامشي صعدته بالسيارة يمي خله راسه ع جتفي
يوسف يعني هسه اوصلكم بيتكم
ادم لا لبيت اهلي
مهى..
....
هنا وخلص البارت بنات هسه جايه من الزيارة وبالسيارة واكتب بي للبارت اي سحك طنشن عاتي 😂😂😂
واشويه وانشر بارت ثاني احتمال
شتكولن شنو ح يصير لمهى اذا راح لبيت اهل ادم
وراح تقبل تروح لو لا