صباح الخير
قصه للكاتبه ذكرى المندﻻوي
احبائي المتابعين لهذه القصه
هذا البارت هو الي راح يدخلنا بلمقصد الحقيقي القصتنا
والي اتقصدت ان اوضح بيها حياه كل ابطال قصتنا بلبارتات السابقه
وشلون جانوا يعيشون حياتهم
عروه
الشاب المتهور الي كلشي يريده يتلبه فورا وعلى طبق من ذهب وبدون وجع كلب
وحتى الفتاه الي يريد يحصل عليهة يجيبهة بعده طرق
اما جيهان فكانت
الفتاه الي الكل يخافون عليهة ومحوطيه من جميع الجوانب ويخافون عليه من ادنى شي ومخاليهة تفهم انوا اكو وحوش بلجانب اﻻخر تفترس وعدهة طرق شنيعه في اساليب اﻻصطياد
اﻻم الجدة الاخوه العم الكرايب حتى خطيبهة سيف مكدر يحافظ عليهة من وحوش الشارع
امثال عروه من قررت تتحرر وتنطلق الهذا العالم وهو عالم
الجامعه عالم جديد مختلف اختﻻط اﻻنثى مع الذكر
حياة جديده وكان ﻻبد من اﻻحتراس
ومثل ميكول المثل الحذر يمنع القدر
والبنت مثل الزجاجه اذا انكسرت مترجع مثل ماكانت ومثل ما صار ال
بطلتنا في القصه تعالوا نشوف شصار وياهة وشلون دخلت الشباك العنكبوت
قصه لذكرى المندﻻوي
***********************************
عروه
احﻻم اختي الجبيره ساكنه بلجادريه وهسه راح اخابرهة كتلتني تريد تشوفج ﻻن جنت مفهم البيت مااريد اتزوج معتكف عن الزواج وصار عدهة فضول منيه االي كدرت تغيرني وخلتني اتنازل عن قراري ومن ساعه الي سمعت وهي الحد هسه ثابرتني جيبهة ماجيبهة مو بس هيه حتى اﻻهل
جيهان
ﻻ عفيه عروه استحي
على شنو حبي هي حته ماعدهة جهال ورجلهة مسافر
وهسه تشوفيهة شكد تفرح من تشوفج هي تموت عليه
جيهان
بس من الباب
طبعا حبي هو اني هم فهمتهة هيجي
وحسب الخطه المرسومه وكف اباب العماره
حبي يالله نزلي
ظلت تفتر براسهة (المكان مو هلكد يعني مشبوه بس ثقتهة العميه خﻻهة متحس )
جيهان
هنا بيتهة شعجب
عروه
شعجب؟
يعني قبلتوا على اختكم تسكن بهيحي مكان
اهااا
شنسوي زوجهة ميرضه نساعدهة المهم لتخليهة تحس ترى تزعل حساسه كلش
ﻻﻻﻻ مراح احجي طبعا
وغمزالهة حبي تخبلين طالعه اليوم
عروه لما يريد ينفذ مخطط كل الي ابالهة يمحي يصير كلشي كدامه مجرد العاب لتنفيذ الي براسه ويثبت هو الساحر وﻻ احد غيره وكانما داخل مسابقه ويريد يطلع هو الفائز نسه
كلبه نسه احاسيسه ونسه اﻻنسانه اليمه انثى شرفها اعز من حياتهة وهي رقيقه برقه الزهره بس توكع ورقه تتساقط كل اﻻوراق فوك كل هذا خان اﻻمانه
اﻻمانه هي و كلبهة وسمعتهة وسمعه اهلهة
دك جرس الشقه
وفتحت الباب امرأه اب بدايه اﻻربعين ﻻبسه دشداشه بصليه قصيره ولزك ومكياجهة الطوخ وعطرهة القوي الي بسد الخشم يعني سيماههم على وجوههم
احﻻم
هلو عروه حبيبي شلونك وحضنته وباوسته
جيهان ظلت مبتسمه تنتظر يجيهة الدور وهي صافنه شلون هاي تصير اخته مجرد سؤال
احﻻم
طكت العلجايه الي بحلكه فززت جيهان وهي تباوعلهة من جوه اليفوك
دغه عروه وهمس دخليهة جوه
احﻻم
انتي جيهان ؟؟؟ولك منين عثرت عليهة هاي تهبل
لعد شعبالج عروه ميوكع الاه على شي ثمين
انزول عليك صدك هههه
المسكينه جيهان محست بلعبه اﻻ لما اظطرت تتدخل
احﻻم
سويتلكم غده شلون اخليكم اطلعون ترى ازعل
جيهان
مو مكايله اﻻهلي
هسه جيتي مااخليح تتاخرين هسه بس خلي اضيفج شربت وكيك من ايد حماتج متقبلين
واهنا رضخت
عروه يالله بسرعه احنه تاخرنه ويباوع اﻻحﻻم يعني جيبي العصير الي بي منوم
وكانت اكبر غلطه بحياتهة والي دمرت كلشي حلو بحياتهة برائتهة ضحكتهة فرحتهة ثقته بلحب و للمره الثانيه واﻻخيره وحبهة للحياه اصبحت حطام امراه
لكن مقابل هذا ياترى عروه يخسر وشنو الي راح يخصرهة
اخذ عروه صور الهة وياه ابطرق مختلفه وهو يقبلهة وهو حاضنه
لكن دون ان يمس شعرهة منهة هو الي يريدهة بس الصور
حتى ترضخلهة وتصير عبده طوع امرهة ويمتى مايريد تجيه تركض خوفا على سمعتهة ولتنفضح ومن هاي اﻻمور لكن ميعرف الي غلط وياهة مراح تسوي اي شي من الي يخلم بي راح يوهمهة انو كدر يحصل عليه ويفقدهة عذريته عن طريق الصور
احﻻم
ههههه والله انت داهيه خصاره بيك اللبنيه انطينياهة
فار دمه وصرخ اياج اتعيدن هذا الحجي
اوي عيني شكلنه عود من تخلص منه مو هسه
ولج بت الزمال هي مو مثل البنات الي تعرفيهن
كلهن اجن بهل الطريقه الي تخاف والي تحتاج فلوس وداعتك اسبوع اتصير محبس باصبعي
خرب اهلج اني شكول بصياح لمي مﻻبسه وكعديهة خلي تلبسهن تأخرنه هسه تشتغل التليفونات
وراح للمطبخ وهو بطرك البنطلون فتح الثﻻجه يشرب مي بارد يروي حراره جسمه الي كوه كدر يسيطر عليه لما جانوا سوه هي وياه احساس قوي منعه منهة ولو هو اﻻ شويه يغلط غلط جبير وياهة سمع صراخ غمض عينه وعرفهة هية كعدت وعرفت الي صار من احﻻم
وكع تلبطل من ايدهة وتكسر صار حطام دنك على الكاع اووو
حس على حجم الغلط الي غلطه وهو هاي اول مره يسويهة
كل الي جان يسويه من عﻻقات جانت برغبه منهن لكن هاي اول مره يدمر حياه فتاه بريئه مالهة كل ذنب كل الي سوته ثقت بي وسلمته كلبهة وسمعته
اجه يمه وشاف حالته حاله
الكحل سايل على وجناتهة الحمر من البجي ومختلط ويه بشرته البيضه مثل الثلح ابياض برائته وشرفه
جيهان
كول الي كالته كلمتين وتخربطت
احلفك بشرف امك و اختك وديني ﻻمي
عروه رجليهة مسيطر عليهن وكع يم الباب وانتجه عليهة ودمعت عينه وسد وجه
وبجه اي بجهة وشهك ﻻن حس وكل انسان شريف ﻻزم يحس
شرف اللبنيه مو لعبه نلعب بيهة ياناس هي انسانه رقيقه
تحب تنطي حته روحه للي تحبه
ومن تكره تاذي بس روحه
هي هاي اﻻنثى فرفقا ابنت حواء
شرفها امانه في عنق كل شاب اذا حبته بصدق
يحبه بصدق يتوكل ويخطب
ميحب خلي يكون صادق وياهة من اﻻول ويتركه تشوف حياته
وﻻ يلعب هل المﻻعيب
احﻻم
تحبه ؟؟؟
سكت
احﻻم
جنيت على روحك
وبعد هة لبستهة مﻻبسه وشالهة وصعدهة بلسياره
مسح كل الصور الي طكهن من الموبايل قبل ميحرك السياره
وبعد نص ساعه ويه اﻻزدحامات وصلهة الباب الكليه وهي طول الطريق متحجي كانما خرست صاح خابر على رويده تكعد يمهة
رويده
اشبيه ؟؟؟،باهتمام وخوف
عروه
بت عمه نسرين موجوده
رويده
اي هسه سألت عليهة وكتلهة طلعت اووو كلتلي بس شو ساكته انت اسويتلهة للبنيه ؟؟؟
عروه
مو وكت الحجي صيحيهة
ولما جتي نسرين كان عروه طالع بسيارته دون ان يعرف وجهته
اعزائي المتابعين راح تعبون بلقرائه شويه بس صدكوا النت عندي حشاكم زفت صاير وكوه كدرت اكتب وانشر حتى لتزعلون