#حنين_حاتم
#اهات_من_محطات_حياتي...#بارت8
#غير_محلل_نشر_القصة_بدون_ذكر_اسمي
رفعت خط جان تطلع رنى
الو الو نوار
اي نوار منو سلوى
لا اني رنى
نوار شوف اسمعني احنة سوينة حادث بلطريق
يااا شنو
اسمعني نوار خل اكمل
شوف تلفون امي وابوي تفلشن وبس تلفون سلوى يشتغل وهية ماحافضة بي غير رقمك
خابر علة واحد من خواني كلة خل يجينة احنة بمستشفى .......
ماحافضين ارقامهم
سلوى وينهة لعد شبيهة
سلوى بلعناية المركزة مغمة عليهة فاقدة الوعي
لا يا الله وانتي واهلج خوما احد بيكم متأذي
بابا نكسرت ايدة وامي عدهة رضوض واني مابية شي بس جروح بسيطة من الكزاز
راح اخابرلج علة سرمد بس اي شي يصير فدوة كليلي امانة عليج والله يضل بالي يمهة
ماشي هسة بس خابرلي واحد من الولد ويصير خير
سدتة
منهة ودكيت علة سرمد كتلة كلشي ونطيتة اسم المستشفى والعنوان
سديتة وضليت افتر بلغرفة
ربي فدواتك احميهة الي وكومهة بلسلامة
اموت اذا صارلهة شي والله اموت
اروح واجي بلغرفة وعيني علتلفون مابيدي شي اسوي وياريت لو بيدي
شوية واجو يمي علي علي وفيان
حجيتلهم علي نقهر حييل وضل يهدء بية هوة وفيان
علي:يلله ابو النور اتخاف شبيك سلوى صح مايعة بس قوية تكوم ان شاء الله وتطلع منهة
اريد اروحلهة علي ماتحمل اني مايطلع علية الصبح اموت والله اموت
علي:اسم الله ولك لاتكول هيج روحتك مابيهة كل فايدة بلعمس تضرهة وتأذيهة
وشلون تشوفهة كلي
وخوانهة لو شافوك شتكللهم
اكعد واسكت واذا صار شي رنى تكللنة
وانتة هيو السليت روح كل لأيناس خل تخابر رنى وتتواصل وياهة حتة اي شي يصير ندري بي
طلع فيان خابر ايناس واجة يكلي تكول زينة مابيهة شي ويباوع علة فيان عبالك ضام شي علية
جرينة كتلة فيان احجي سلوى شبيهة
مابيهة شي والله شبيك
ولك احجي برد كلبي راح اموت
عاط بي علي كلة احجي فضهة شوف وجهة شلون صار راح يوكع
جر نفس عميق ودنك
ايناس تكول صاير عدهة نزيف داخلي براسهة وحالتهة مامستقرة بس لأطباء طمنوهم
اخر شي سمعتة من كال عدهة نزيف داخلي
وراهة نضربت حييل بشي وماحسيت بعد علة روحي
فتحت عيوني راسي بحضن امي ودموعهة علة وجهي ينزلن بغزارة
وملابسي فايضة بلمي
ولك يمة نوير كوم لاتشلع كلبي فدوة اروح لهلوجه الحلو
فتحت عيوني زين وبدت اشكالهم توضح كدامي
علي لازم ايدي وفيام يفرك برجلية
علي: كوم ابو النور ولك زغيرون توكع هيج
امي تبوس بوجهي وتبجي
نداريت عليهة حضنتهة وراسي علة رجليهة
شبيك يمة ليش تبجي يبعد امك
يمة سلوى سلوى كلتهة واني اجر النفس بلمعجزة
كلبي احسة راح يطفر من صدري
شبيهة سلوى يمة كالتهة وهية
تعاين علة علي
هوة دنك لان عبالة من حجيت موبوعيي
مايدري بأمي تعرف كلشي
صاحت علي ولك علوان شبيهة سلوى ماتحجي نخرست
علي: سلوى مسوية حادث هية واهلهة وفاقدة الوعي ووضعهة موزين
لطمت علة وجهة رأسا
اسم الله دخيلك ربي منين اجتهم
وانتة ليش تبجي وليدي هسة تكوك مثل الورد
هوة النزيف الداخلي لا عبالك شي خطر يعني يومين وتصير زينة
اي يمة طفل كدامج اني وهيج تحجين
حطت راسهة علة راسي وكامت تبجي
دعيلهة يمة وليدي انتة يتيم وكلبك طيب وقريب لربك الله مايحب دموع اليتيم
دعيلهة هسة يستجابلك
ضليت ادعي بداخلي
ربي من عمري علة عمرهة
ربي ماردت شي بكد ماردتهة وانتة تدري بية شكد احبهة ونيتي وياهة صافية
كامت امي سوتلي عصير برتقال وشوربة
وعلي وفيان جبروني اكل
ثاني يوم غبت وعلي وفيان على واهسي هم غابو وكضو النهار يمي
يحاولون يطلعوني من وضعي بس اني موبيدي
احس كلبي موجر وروحي موجوعة
شكد يرحون للفلوجة بس هلمرة من طلعت غير
كلبي حييل نقبض وماردتهة تروح
مرن 3 ايام بين تفكير وخوف وقلق
مكابل الأرنب مالتهة واحجي ويا
اكلة شتكول سلوى تطيب وتكوم منهة هوة يباوعلي ويغمض عيونة
اتذكر وجهة الحلو وضحكتهة
صوتهة كلشي بيهة موراضي يفارك خيالي
واشتياقي الهة جاي يتعبني حييل
ها بلبل الحب الحزين
نداريت علي وفيان
علي: كوم كوم كافي حزن جايبلك اخبار الة بشدة
طفرت من اجرباية طحت بلكاع صدك علي صدك
اي والله شبيك
ضليت ابوس بيهم ومامصدك
شلون النسجون وكلولة افراج فرحتي ماتنوصف
وين التلفون اريد احاجيهة
فيان: اوكف اوكف
رنى كالت من يوخرون اهلهة عنهة هية تخابرني علة تلفون ايناس هاذة عدي جبتة
لان المبايل ماخذتة امهة ورنى ماسحة رقمك خايفة احد يشوفة وتصيرلهن سالفة
ماشي لعد جيب التلفون
نجب ولك بي خصوصيات انوستي عود من تدك اني انطيكياه
بعدة فيان يحجي واجتة الكفخة
دكل عسل انتة وانوستك هية هاي هم محسوبة علبنات وهدهة خصوصيات هية ورنى اخشن وارجل مني
اني طكيتهة بضحكة ماكدرت اصبر
ندار علية جان يكلي
وانتة عيني ابو الحب كوم كافي يلله افتح الشبابيك الغرفة عفنت صارلك يومين عايش بلضلام جنك قنفذ
طبت امي وبيدهة صينية الأكل كعدنة ناكل اني والولد وعيني علتلفون خالة فيان علشحن
لحد مادك طفرت علي وفيان وعلي فاتحين حلكهم يكلولي ولك شبسرعة طفرت هستوة ضوة بعدهة النغمة ماداكة
فتحت خط وكلت الو
الو منو
نوار اني
ها نوار همزين رديت انتة هاي سلوى صحت بس مصخنة وجاي تهذي وتصيح نوار مابحلكهة غيرك
همزين لسانهة ثكيل من تكول اسمك تكولة نور امي وابوي سألت كتلهم صديفتهة اسمهة نور
دنطينياهة شكد تحجين
رنى: هاي سلوى وياك موصوجكم
سلوى وج سلوى هاذ نوار احجي
حطت التلفون علة اذانهة اسمعهة تصيح نووور نوور صوتهة ميطلع والحجاية ثكيلة
ها يبعد عيون نوار احجي حبيبي شيوجعج كليلي
يمة بية ولا بيج يبعد العمر كلة انتي من عافيتي علة عافيتج
سلوتي حبيبي احجي كولي اي شي خل اسمع صوتج
ولج 5 ايام حارمتني من صوتج الله يرضالج
نواار احبك لتعوفني
يبعد العمر كلة يبعد نوار وعشيرتة ولج اموت بيج والله اموت بيج
بس كوميلي بلسلامة ولج هديتي حيلي والله دمعتي مانشفت عليج
ماحجت شي بس تصيح نوار احبك لتعوفني
شوية وسمعت صوت رنى
نوار راح اسدة اجو اهلي بعدين عود ادك عليك
سديتة ونداريت لكيت فيان وعلي فاتحين الحلك مترتين
ندار علي علة فيان جان يكلة
احجي حبيبي احجي خل اسمع صوتك الخايس مشتاقلة حييل لعب نفسي شوية ماطولني جاي اكل
ههههههه نجب ولك لتعيب
علي: نهجم بيتك يلرومانسي وامداني وامدة حضي شبية اني محد تكلبني
اريد احب حبوني ولكم محتاج حب
دولي انتة ياهو التحبك جنك ابو الهول
عدن 3 ايام الوضع تمام ورنى تخابرني تطمني علة سلوى
وتحجيلي اخبارهة بعدهة ماطالعة من المستشفى واهلهة وخوالهة كالبين المستشفى ناس رايحة وناس راجعة وهية مرات تتخربط وتصخن حاطيهة تحت المراقبة
جان يوم خميس حلينة من الدوام واحنة نمشي عترض طريقنة مهند وويا اصدقائة 5 بدون حجي بدون كلشي نهدو علينة بتواثي عددهم اكثر من عدنة بس علي يعادل 4 ههههه
فيان شبع كتل ندارو علي 2 وعلي يشيل بيهم ويلطخ بلكاع واني لزمت مهند شبعتة كتل
احنة تأذينة وهمة تأذو بس همة نضربو اكثر علي خوش بلش بيهم لتمو ولد
ركضو من عدنة شردو وهمة ير كضون مهند صاح علة علي
خاين انتة لو بيك خير ماتخون صاحب عمرك
راحو همة بس الحجاية ضلت تدك براسي
سألت علي يكلي خل يولي معليك بي
رجعنة للبيت نضحك علة فيان وجهة ورم من لضرب
خاب شوف وجهك فيان ايناس اليوم تاخذ حقك حبيبي بس روح اشتكيلهة
علي: اي والله تاخذلة حقة مربع
هههههههه وصلنة لفرعنة وفترقنة طبيت لبيتنة امشي مشيتي جانت متثاقلة ورتيبة
تعبان حييل وبالي يم سلوى وشكد مايطمنوتي عنهة ماجاي اكدر اصدك
ومشتاقلهة حيل صورتهة ماجاي تفارك خيالي
مك
عرس خالتهة تأجل علشهر لجاي وهاذ الي زيد ضوجتي وحزني كل ما تتاخر اكثر كل ما جاي اتعب اكثر
وبيوم ماكدرت اتحمل لبست ملابسي وقررت اروحلهة
طلعت الصبح بدون مااكل لأمي وبدون مااحد يدري
ركبت سيارة ورحت للمستشفى الي هية بي
خابرت رنى هواي احد ماردت كلتلهة تخبلت وكلتلي نوار ارجع بابا وخواني اذا شافوك راح يشكون لا تسويلهة مشاكل
ماخليهم يشوفوني والله راح اصل اتواصل وياج مسجات حتة ماسببلج احراج ومن تكون وحدهة كليلي اني راح ابقة بحديقة المستسفى برة
وصلت للمستشفى بدون حتة مااكل
رحت كبل دكيت علة رنى كلتلي من يأذن يطلعون للجامع البرة يصلون واني اخابرك ماما مو هنا بس بابا وسرمد
ماشي ماشي بس لتتاخرين علية فدوة
تقريب ثلث ساعة ودكت علية كلتلي تعال بساع ونطتني رقم الغرفة وصلت لكيت رنى بباب لغرفة كلتلي طب واني راح اراقب الوضع من يجي احد ادكلك لباب ...#يتبع
#حنين_حاتم
عذروني علتأخير والله عندي ضرف الله شاهد كوة كتبت لبارت لثاني بعد نص ساعة تفاعلو فدوة رحتلكم 😘