هذي حلقه اعتذار علي تأخير حلقه 21 تفاعلو انزل 23 غدوه القايله
حوش جدي**22**👴
اني مفهمتش ليش أماني غمزت مزال ماشوفت شي
ومندريش ع شي لين حاجة سوده فوق عيوني
اني:-فكها قمشه سوده يا يوسف خيرلك
ايوب:-كيف عرفتيه يوسف
اني:-ريحه هو حولها
رائف:-مشاءالله خشم يشم زين
يوسف ولدعمي:-هاتي يدك
اني دخلت يديا في بالطو:-منيش
اماني:-طلعي يدك عليك الأمان
اني:- إلا منبيش فوتني يا يوسف
يوسف ولدعمي:-تو طيحي ره
اني وخرت لين حسّيت حاجةخبطت فيا:-اي
عمر:-تي غير طلعي يدك
اني طلعت يدي لقيت يوسف شد يدي ويمشي فيا
يوسف ولدعمي:-شنو نحولها ولا مزال
اني:-شن عرفني أني
يوسف فك ربطه لقيته مطبس ركبه ونص
ومطلع خــ💍ــاتم الخطوبه
يوسف ولد عمي:-سمحيني يا حبي يا عيوني
اني قعدت نشوف في دنيا لقيت تحتي قلب من ورد وكلهم يشوف ليا بعد سمعت كلمت يوسف نزلن الدموع:-مش عارفه😔
كلهم نصدمو بي مش عارفه
يوسف ولدعمي:-سمحيني غلطت وماعش تعاود
اني:-متأكد
يوسف:-كان شوفت لي غيرك انـشاءالله نموت
اني:-اممم سمحتك
يوسف صبه ع رجليه وتعنقني طول:-واخير بعد معانه
اني:-اخر مره ره
يوسف:-ورأسك بعدك ماعد فيه
اماني:-مبروك يا مرت خويا
اني:-الله يبارك فيك
يوسف طول حط خاتم:-موضوع امس مافيش منه
اني:-لا من قال اصلاً اني نبيه يخطبني
ايوب:-شنوووو
يوسف:-بلاش كذب
اماني كرصتني
اني:-تمام تو نقولا يفوت موضوع
يوسف ولدعمي:-لا يفوت لا يخطه ينساك بكل
اني:-نفكر
يوسف ولدعمي:-تمام فكري وردي عليا مهم ليا
يوسف خويا:-عناق يا أخانا مسلم
يوسف تعنقني دار بيا
رائف:-برافو
ايوب:-عطيك صحه زيد بيها
اني:-راسي يا مجنون
ملاك:-متسبهاش لين تقول سمحتكم
يوسف ولدعمي:-شنو سمحتي ولا
اني:-سمحتك انتا بس
ايوب:-وقف ساد خلينا ناكلو كيكة
اني:-ايوه وقف راسي داخ
يوسف ولدعمي:-تمام وقفت حتي اني راسي داخ
هاله:-شنو سمحتينا ولا
اني:-سمحتكم لكن ثيقه مهزوز فيكم
قصو من كيكه
يوسف:-اني جنب حبي وعيوني
اني:-عيونك قاعده زعلانه
رائف:-تبيلك توا
اني:-مش عارفين ان نكره كذب بكل أنواعه كان فتح موضوع اول ماقلي نحبك راهو ماصار هذا كله
يوسف:-افتحي فمك نقصتي وووواجد افتحي
اني:-هااااا والله زعلانه الله
يوسف:-نوكلك قدمهم عادي
مهند:-تعالي ياسجي مافيش حد خير منه
اني:-كان عرق حشم نسل منك وكل
يوسف ولدعمي:-لا نسل وفكيته افتحي فمك نوكلك اني
اني:-هههه تمام
ايوب:-تي عزابه زفت
اني:-تحمل والله
رائف:-زعما نزوجو يا ايوب قبل هذيما
ايوب:-مفروض قبل
علي:-اني اكبر منكم ره
محمدولدعمي:-ياودي انتي اخر واحد تزوج يا ولد عمتي
علي:-وليييش اه عقلت حتي اني وثبتت ع وحده
عمر:-مبروك من توا
يوسف خويا:-انشاءالله مش أيات بس
علي:-ليش
رائف:-ايات اختك في رضاعه
سجي:-بلاش كذب مافيش حد منديد ايات
مهند:-كان مش ايات وحده من خوتها زمان رضعتها عمتي اني نتفكر في موضوع
علي:-اصلاً مش هيا
عمر:-مال منو
علي:-اخت صاحبي بنيه عاقله وكويسه قاتله نبيها ليا
محمد ولدعمتي:-تسحابها حلوه بيش تقول نبيها لياهههه😂
علي رمي عليه جهاز متع تلفزيون:-صامته
سجي:-صار عندنا اخت في رضاعه اشيه
مهند:-ايه كان مش غالط ايات ولا فطومه
يوسف:-مواليد كم شدا
شدا:- 2003
رائف:-فطومه اختكم لي انها جت في شهر 1في 2004 وشدا شهر 12
ملاك:-مشاءالله حافظ الدرس
رائف:-نعجبك
يوسف ولدعمي:-هيا نروحو
اني:-خلاص هيا
ايوب:-وكلتها البيبي ولا مزال
يوسف:-وكلتها وشبعت
محمد:-قرعها تو ترجع عليك
اني:-بلاش صامته
عمر:-هيا توحشت تلفوني
اني:-من قال سمحتكم انتم
ايوب:-شنوووو😵
اني:-زي ماسمعت مزال
مهند:-أخوكي اني
اني:-اخويا وينه لما سمع بي موضوع
رائف:-زوجتها انته واحني تعذبنا
يوسف:-المهم رضت حبي اني
اني:-نص نص
علي:-بتجيني جلطه اطلعو
هاله:-نبو تلفونات ليا سبوع ماعش فتحت فيس
اني:-زي ماصبر سبوع يصبر شهر
عمر شد وذن هاله:-منو يلي يصبر شهر
هاله:-ساره تضحك معايا موضوع بنات فك وذني
عمر:-اول مايطلع جدي تلفونات نفتش تلفونك تو نشوف شنو موضيع بنات يلي عندك
سجي:-قصدك هذكا
علي:-منو هذكا طلعتو مافيا👻 واحني منعرفوش
هاله:-شنو تخرط انتا
ايوب:-تييي حقا سمعت عزيز مطيح بنت ع فيس اول ماقوتله عطيني ايمليها طول حمق شكله طاح في حب
<هاله رعشت لما سمعت اسم عزيز لكن بعدين قالت في خطرها هو قال معرفش حد من عيلتي يعني مش هو>
رائف:-شوفت ايمليها بدرقه عليه لكن كبسني حفظت انه فيه نقط بي إنكليزي وجنبه ورده
هاله كانت تشرب طلعت إميه ع وجه رائف :-ابوووووف💦
رائف:-خير امك تقول شرشاره شن هذا وح
مهند:-شكله إيميل هاله
عمر:-تطلعي تهدرزي مع واحد اسمه عزيز نوريك فهمتي ولاه تو نشوفه اني عزيز
يوسف ولدعمي:-هيا بنطلعو قريب اذان العشي
اني:-من قدام اني
ولاء:-ياسعدي عندي فيه أقسام
الاء:-في جبه هو القدام😂
اسامه:-فاطمه حمصه اطلعي انتي ويها
ولاء:-بعيد سو من فاطمه حمصه اني اجمل
اماني:-اهم شي جمال قلب
سجي:-لما يجو يخطبوك ويقولو شينه قولي اهم شي جمال قلب
مهند:-مال شنو اهم شي اخلاق شن ندير بيها سمحة وأخلاقها كناسه
اماني:-هذا حبيبك وقف معايا
ايوب:-حتي اني مع مهند
رائف:-معاكم يا جماعه
يوسف خويا:-اني لا هنا اثنين ضروري مكملات لي بعضهن
عمر:-ياودي هيا قطنه في سياره
طلعنا طول طريق ضحك جو سمح لكن في قلب كل واحد حكايه يخمم عليها مستحيل يقعد قلبه متريح ولو موضوع صغير بكل
بنسبه لي سجي كانت تفكر في مهند ووواجد وهل حاتلبس فيـــلو ليه هو اولا
اما هاله تفكر في موضوع عزيز وبد قلبها مش متريح من موضوع بعد كان غارق في عسل
اما الاء فكانت تفكر في مستقبلها وووواجد
اما ولاء كانت تفكر في شاب خاش لي حياتها كيف تقبل حبه ولا تفوته💔
اما ملاك كانت تفكر في محمد هل تاب حقه ع تكليم بنات ولا غير يكذب عليها
اما اسامه ولدعمي فاكان يفكر ان يكمل دراسته براليبيالكن في عوراض في موضوع
اما علي كان يفكر في حبه جديد بنت برا عيله وبرا ليبيا بكل كيف حل وكيف يقنع عمتي
نجو لي عمر يلي كان يفكر في هاله اخته انها تكلم في شاب حقا او غير كذب
اما محمد ولدعمتي كان يفكر نفس تفكير اسامه يبي يسافر وينمي روحه برا ليبيا✨
اما رائف كان يفكر يدير حاجة رسميه ويمشي يخطب فطومه
وعمي ايوب كان كل تفكيره وقلبه عند ميسم يبي يشوفها ويدير حاجة رسميه خطبه بعدها زواج طوووول💗
أما يوسف خويا كان يفكر في رتيل يلي كان حمل ثقيل عليه بدات بعد ارتبط بي خوله💜
اما محمدولدعمي كان يبي يدير مفجاءة لي ملاك وهيا طلب الزواج كيف يديرها
اما اماني كانت تفكر كيف تكسب ود أولاد عيله وبنات
اما اني كنت خايفه من يوسف ان يكون مداير فالطه ثانيه وكيف ندير
اما يوسف ولدعمي كان يفكر في ساره وان يدير عرس قبل امتحاناتها 💙
كلهم كانو عندهم حاجات واخده جزاء من تفكير لكن مع هذا كله مبتسمين ونضحكو
وصلنا نزلنا
جدي:-شنو قمح ولا شعير
يوسف ولدعمي هو شاد يدي:-قمحة وصفره ياجدي
اني منزله راسي
جدي:-تعالو انتم زوز
اني:-منو
حنينه:-انتي ولد عمك
يوسف ولدعمي:- نعم يا جدي
جدي حط يده علينا :-انشاءلله ديما مع بعضكم متفارقو بكل لين موت مع بعضكم وماعد نشوف دمعه بنتي .....قعد يقول ويدعي واني منزله راسي يوسف ورا كل كلامه يقول امين
حنينه شدت وذن يوسف:-مزال تزعل بنت عمك نهار مايفوت ع راسك فهمت
يوسف ولدعمي:-فهمت اصلاً توبه
اني:-هههه زيدي عليه يا حنينه
يوسف ولدعمي:-يهون عليك حبيبك ورجلك دوها قدامهم كلهم ماما بابا جدي حنينه وعمي مرت عمي عماتي
اني وجهي اتقشر دورني معاش تلقني
حنينه:-ردي عليه والله ودارت لسان
يوسف ولدعمي:-ودني يا حنتي توبه قوليلها تسيبني يا ساره ولا غير خطيبي ع فاضي
حنينه:-منيش لعند بنت عمك تقول اطلقيه
يوسف ولدعمي:-قوليها يا ساره
اني:-شن بنقول؟؟!
حنينه:-متقوليش مزال
يوسف:-قولي اطلقي وذن يوسف
اني:-اطلقيه يا حنينه
حنينه:-امشي يا حنه بيش متنساهاش يا ولدي
يوسف:-نموت وماننساها
حنينه:-ربي يخليكم لي بعض
يوسف واني:-انشاءالله
رائف وايوب في نفس وقت:-نبو نخطبو
ناضو هما اثنين يضحكو
جدي:-قصدك معندكش علم يا ايوب خطبتلك اني
ايوب:-منوووو
حنينه:-بنيه
ايوب:-والله نساحبه ذكر اني
جدي:-مدما جوك رائق غدوه امشي دير نظره شرعيه اني منخش نرقد يا مرا متقوليش اسمها خليه
حنينه:-حاضر غدوه يمشي يشوفها
ايوب:-اني عندي وحده نبيها ره
جدي:-عطيت كلمه فيها اني بنت
خش جدي طلع تلفونات ونت ومفاتيح سيارات وخش اما ايوب قعد جنب حنينه يحلف فيها يبي يعرف منو ويكلم في ميسم متردش فا ولعت
فات يوم جمعه روحنا لي حوشنا بدو امتحانات نقل ياحنه ملاك محبوسه في دار لا خاشه لا طالعه بدن نهار ثلاثاء مهم جي يوم سبت بعد جمعه وعمك ايوب فتلك روحه ع اخر شي عادي بيشوف بنت في اول مش موافق لكن علي ورائف ومحمد وشباب دارو الوجب قالو ان انت عمرك ماشوفت بنت وانتي مش مواسي معقوله هذي بتمشي لتقول فقير وافق واطلع اطلع طوووول
عطها جدي نعثه متع حوش ورفعني اني معاه
اني:-مش عارفه طريق مألوفة عليا
ايوب:-شوارع كلهن زي بعضهن في مصراته
اني :-مممكن
بدا يقرب واني عرفت حوش منو
طقينا ع باب فتح خو عروس
ايوب:-اهلين هذا حوش عيت فلان
خو العروس:-ايه تفضل انته العريس
ايوب:-شن رائك كان مش عريس شنو
خوها:-ههههه دمك يا اخي بشويه عليك اتفضل
تفضلي يا ساره
ايوب:-من وين تعرفها
خوها:-خش خش اختي تو تجيك
اني:-اهلين
خش ايوب لي مربوعة واني لي دار ضيوف
اني:-كيف حالك رزان
رزان:-مفجأة سمحة اه
اني:-تي وين ناقصة نص
رزان:-ميرسي
اني:-عمي ميحبش نحيفه ره
رزان:-عمك ليه ميسم اختي
اني:-متقوليهاش هو معرفش ره
رزان:-حتي ميسم متعرفش بابا قاللها صاحبي يبيك لي ولده واني وفقت تو دارت العار بيش متطلعش لي نظره في اخير طلعت بي ضربه
اني:-مال ايوب هيييي يا بوي هيييي شنو عار شويه يلي داره في اول حلف يجي بي توته بعدين شباب وقفوله يلبسو فيه بي سيف هو يقول كيف نخطب واني منعلمش كان مش عقاب دنيا
رزان:-عليه جو نسيبناهههههه ميسم طلعت بي طريحة من خويا وماما عرفت ان الله واحد لا شريك له
''''''''''''''''''''''''''''''''''في مربوعه👇
ايوب مقعمز هو يتمتم ومره مره يهدرز مع خو ميسم
ايوب:-ايه شكلها مطوله حكايه
عبدسلام خوميسم:-شنو مستعجل ولا شنو يا ايوب
ايوب:-اشبح لكن نبي نشوف ذوق بويا😅
عبدسلام:-قصدك معندكش علم ان حتي فاتحه قروها بوك وبويا ع نيه توفيق
ايوب:-توفيق مش صاحبنا احني
عبد سلام طلع تلفونه وحط ع صوره ميسم وهي صغيره بكل:-هيا مش طالعه هذي صورتها وهي صغيره عجبتك باهي
ايوب:-لا والله مال هي مضحكة يا عبسي نبي نشوف بالك تعجبني
عبدسلام:-خشي بي قهوه يا ميمي
ايوب طبس راسه وميسم احرف منه
ميسم:-تفضل
عبدسلام:-خطيبك هو اول
ميسم:-تفضل
ايوب طول رفع راسه:-والله منور الحاج بيضها ع اخي
عبدسلام:-ع علمي تكلم حتي فيها اني
ايوب:-لا كلمتها بعد طلبت رسمي(يكذب)
عبدسلام:-عندي تلفون ونجيك
ايوب:- وينك امس نكلم فيك
ميسم:-منعرفش انك انتا العريس
ايوب:-نحبك يا مهبوله
ميسم:-وحتي اني
ايوب:-لاوالله
ميسم:-نموت فيك تمام
ايوب:-اوكي شنو ها جمال كله
ميسم:-تحشم
ايوب:-قمـــــر نزل ع ارض
ميسم:-ههه مشاءالله ع سنكت عشر
ايوب:-بفضل الله ثم بفضل الشباب قبل بنجي بدبش حوش
ميسم:-واني طلعت بي طريحة
ايوب:-وليش😳
ميسم:-منبيش نطلع مش عبسي خويا وماما ضربوني وقالي والله ماتتطلعي ندفنك بعد يروح راجل طووول
ايوب:-اتي باهي طلعتي وشوفتي راجلك مستقبلي.😉
ميسم:-اها اشبح اني مزال مرديتش بي ايه
ايوب:-كيف شنو؟؟!
خش عبسي خو ميسم
ميسم:-اني منطلع تو
طلعت وجتنا في دار ضيوف طول ضمتني ليها
اني كنت منزله يديا
اني:-لو عرفتك انتي عروس كان هذا ماجيتش ره
ميسم:-وليش مش صحبه احني
اني:-اني طول عمري معاكم ماعمري بعت واحده منكن تو بعتني عشان يوسف
ميسم:-سوووووووري بجد
اني:-لا مش سوري❌
ميسم:-مش سمحتي اولاد عيله ع علمي قالت هاله
اني:-سمحتهم بر من قلبي مش من صماصيم قلبي حتي حوش جد معاش نبي نمشي واجد حتي يوسف قريب كرهته
ميسم:-باهي فطومه صاحبتك من طفوله
اني:-هيا اكثر وحده زعلانه منها
ميسم:-باهي اقعدي نرضيك وايوب بعدين يروح بيك.
اني:-لا منروح خلاص ربي يهنيكم
طلعت واني خلاص😪
ركبت مع ايوب هو كان فرحان لكن اني كنت لا
ايوب:-خيرك من ركبتك وانتي ساكته نحطك في حوشنا بيتلقو اليوم
اني:-لا روح بيا لي حوشنا منبيش نشوف حد
ايوب:-به تمام نروح بيك طول
ايوب من كثرت الفرحة معدلش ع ساره بكل
روحت ليقت الحوش فاضي مافيشي حد كلهم في حوش جدي غيرت دبشي درت قهوه ومشيت لي دار فتحت كتاباتي وقعدت نقراء 📔📓📚
اتصل بيا يوسف ولدعمي سكرت عليه طول
بعده ايوب عمي سكرت عليه بعده هاله سكرت عليها لعند ما لقيت تلفون حنينه في حاجة تقولي ردي وفي حاجة تقولي لا هذيما هما
رديت😪
اني:-....
ايوب:-وينك مترديش ع تلفونك
اني طول سكرت وقفلت حتي تلفون خايفه يكذبو عليا مره ثانيه لما شوفت ميسم نوضت عليا كذبه يوسف
في حوش جدي👴
يوسف ولدعمي:-مقفل تالفونها
ايوب:-عليك حاله عطك يا اماني هذا يلي منبوشي احني
اماني:-لو سي يوسف قال من اول راهو حاله مش هكي مش تُمسح فيها فيا😏
هاله:-ميسم قالت مش مسمحة حد من قلبها قالت بر من قلبي
رائف:-متحبش كذب هيا معاها حق
يوسف خويا:-كيف حل
يوسف ولدعمي:-مش عارف الحق
ايوب:-تبي تو وقت بيش تولي زي قبل
مهند:-اني منروح تبو شي
مالك:-منروح معاك راجي
سجي:-اقعد يا مهند
مهند:-بالي عند ساره بالك تاخد حاجة ولا شي
يوسف ولدعمي:-نمشي معاك
مهند:-أطلع ياحنه
طلعو هما ثلاثه يوسف في سيارته ومهند ومالك في سياره وصلو نزل مهند فتح باب
وقعد يضبح عليا
اني كنت ندير في حمام
يوسف ولدعمي:-ساره سرو حبي وينك
اني كنت نسمع فيهم لكن مابيتش نرد عليهم سمع مالك صوت إميه في حمام
مالك:-دير في حمام شكلها
مهند:-اها بنمشي نبدل دبشي ونجي
يوسف ولدعمي:-اني لوطه في صاله
مالك:-بننزل معاك
نزلو واني خمس دقائق هكي وطلعت من حمام طبعاً منقولكمش ع قهوه فنجان ورا فنجان هيا وشاهي
نزلت نسحبهم روحو منزله معايا مق القهوة
ماشفت حد كنت نشوف في تلفون خشيت لي مطبخ غسلت المق وصبيت شاهي وحسيت بي حد يضم فيا من ورا
يوسف:-خيرك اه
اني نفك فيه:-مافيا شي
يوسف:-مش ع أساس موضوع واسكر
اني:-عندك انتا اسكر
يوسف:-باهي ليش
اني:-شن يضمنلي ان طلقتها. شن يضمنلي ان معندكش منها بنت ولا ولد شن يضمنلي ان متحباهش اها قول وغيرا وغيرا وغيرا
يوسف:-مش عارف
اني:-خلاص لما تعرف تعال قول
يوسف:-لكن نعرف ان نحبك انتي بس
اني:- اها وطلعت من مطبخ قعمزت في صاله
اني:-تصدق كرهت كل حد وقف معاك واكثر مجموعة صاحباتي
يوسف:-شن رائك تسافري معايا وتشوفيها وتقولك هيا بنفسها
اني:-من عقلك انتا
يوسف:-باه شن حل
اني:-مش عارفه لكن يلي نعرفه ان نبيك تروح
يوسف:-معقوله متبنيش
اني:-اني بنمشي امر ان مخطوبه لكن حدها شهر في نص رمضان لو قاعده زي تو هكي بنفسخ من تو بيش يقعد عندك علم
يوسف مصدوم:-تمام زي ماتبي
وطلع من حوش مهند ومالك سمعو الناقش طلعو طول لي حوش جدي اني خشيت تحت ورغان وقعدت شويه ورقدت طول هذا كله قبل مغرب
خش مهند لي حوش جدي هو لونه مهانكش
ملاك:-وين يوسف ماله
مهند:-يوسف مسكين قولوله بسلامه
ايوب:-كيف صار وخير وجهك هكي فيها شي ساره
مهند:-ساره قالت لي يوسف ....:)$€^• هذا كل شي طلع يوسف خط واحد
رائف:- ربك يستر وخلاص مافيش حد بعرضها
محمد ولدعمي:-عبدالله منك فرخه اماني كله منك انتي كان سكتي راهو حالنا مش هكي
ايوب:-لا رسمي اختك هبلت
مهند:-يعني قولو بسلامه ليهم هما اثنين
علي:-يالطيف معقوله له درجه
مالك:-واكثر هذي ساره متحبش حاجة اسمها كدب
اماني:-لكن هيا كادبه ع يوسف قالت اماني كلمه هذي وناضت
كلهم:-شنوووو
ايوب:-تعالي جاي حل مشكله عند اماني ندوها
محمد ولدعمي:-تعالي يا فرخه
اماني:-منيش
عمر:-غير هيا سلم موني يا ربي تعالي
اماني:-مافيش حد يعرف بي قصه حتي من ملاك متعرفش اني بس نعرف
رائف:-بنت زي جن تعرف كل شي
اماني:-حاجة زي هكي
مهند:-قولي
اماني:-ساره قاتلي متقوليش لي حد واني بنوقف مع ساره😉
ايوب كَراماني:- تعالي يا موني غير قولي كذبه هذي حل مشكله ولاه
اماني:-كان يوسف بعرف مهيش حل وكان يعرفش حل
رائف:-باهي قولي في شنو كذبت كدبتها كبيره ولا صغيره
اماني:-والله كلا انتم مساكين ساره مكذبتش ع حد لكن حل مشكله عندي
ملاك:-باهي شنووووه
اماني:-بكل سهوله جيبو اجنبيه يلي زوجها يوسف تهدرز مع ساره وتفهما تو تفهم
ايوب:-ايه احني ع بنك رومه ماله بيش نجيبوها وين بتقعد فوق راسك واحني حرام علينا حتي نشوفها وهيا صغيره في عمر بعدين ساره تحلف معاش تشوف وجهنا بكل مش تقولي😒
اماني:-مش قولتو كبيره هذي كذبه ثانيه رائف:-خير واقفه ضد خوك
اماني:-ليش مش واقف مع ساره اختك
مهند:-ليش وقفنا معاه يوسف احني
علي:-والله ندمت هي كان قولنا راهو ماصارش هذا كله
اماني:-ساره سمحة وبيضه وشعر طويل يعني شباب في الف واحد يتمناها وفوق هذا كله طيبه شوفو عاد كان بتشوف لي غير يوسف
هاله:-صح ديما هيا اكثر واحده عليها عيون
ايوب:-نبو حل
اماني:-مش عارفه وخشت داخل
اما في حوشنا 🏡
اني رقدت ونوضت مع اذان مغرب فتحت تلفون منشوف ساعه كم هووووب ضي طفي
اني:-اوووووف وقته تو هذا عليك حاله زفت حوش راح يخوف احسن حاجة نتصل بي واحد منهم نمشي لي حوش جدي وخلاص
بدلت دبشي ع ضي بيله اتصلت بي ايوب قال نص ساعه ويكون قدام باب شعري درته ضفيره
لبست عابيه وطلعت جي ايوب ركبت
ايوب:-كيف حالك تو
اني منسحابش ان عندهم علم بلي قولته لي يوسف وميسم:-تمام خير من بكري
ايوب دار روحه عبيط:-شن صار بكري بعد جاك يوسف
اني:-صار كل خير
ضرب تلفوني سكرت ع متصل طووول
ايوب:-ردي خيرك
اني:-تو بعد نقعد بروحي نعاود نتصل بيها
ايوب:-اها تمام شوفتي ميسم بكري
اني:-اممم شوفتها
ايوب:-انزلي يا حنه
نزلت طول مشيت ورا حوش واتصلت بي نهي
اني:-الوووو
نهي:-باهي مش طرشه اني كيف حالك اليوم
اني:-حمدالله كيف حالك انتي
نهي:-اني مش فاضيه في سوق قولت نطمن عليك
اني:-لا حمدالله
نهي:-خلاص ماله لما نروح نتصل بيك
اني:-تمام وسكرت طول
مشيت قعمزت حداهم منبيش حد يعرف ان نبي نفسخ
اماني:-وين الخاتم متع خطوبه يا ساره
اني:-قاعد في حوش
اماني:-أها
رائف:-علي كان عندك رصيد اتصل بي يوسف
يوسف خويا:-ايه طلع ماعش شوفنه
علي:-اهو يضرب الووو يا يوسف وينك
يوسف:-قاعد عند صاحبي شويه ونجي في حوش جدي
علي:-هاك تبيك ساره
اني:-من قال الووو
يوسف:-ها في خبر ثاني ننجلط بيه ولا خلاص
كان سبيكرو مفتوح
اني:-والله كان تبي عندي
رائف:-خبرشنو (استعباط)
يوسف:- هاتي ماعندك اني في سياره مسافه طريق ونكون جنب الحوش
اني:-نفكر نقول لي جدي
يوسف شد فريو:-شنووووو
اني:-زي ماسمعت
يوسف:-شن صار كل يوم بي رائ
اني:-تروح نتفاهمو بسلامه
مديت تلفون لي علي
اني:-حركات اجانب معاش ديرهن فهمت
علي رعش:-وليش مش تحبو بعضكم
اني:-حبي ليه كان مجرد كذبه
ايوب:-شنووووو
اني:-........😏<<<<<<<<<<<<<<<<<<<<<<<<<<<<<<<<
يبتع
"""
"""
"""
"""
👍 & 👎