حوش جدي**21**👴
يوسف ولدعمي:-تي كيف صار يا عمي
بابا:-نعرفهن اني مواضيع بنتي اطلعي
طلعت اني فرحنه لي اول مره بعد دموع وبكي
مشيت لي مستشفي وتلقيت مع صاحبتي كانت تقراء معايا في جامع
اني:-شن جك فرخه
نهي:-اني مش فرخه دكتوره😹
اني:-هههه وكان دكتوره
نهي:-كيف حالك انتي حبي
اني:-حمدالله وانتي
نهي:-عرسي قريب اني قاعده نوتي ليه
اني:-سؤال هو تقليدي ولا حب
نهي:-لا تقليدي مش ع حب
اني:-ربي يتمم عليك
نهي:-اميييين خيرا جوك شين
اني:-لاشئ غير مريضه كنت
نهي:-اكيده حتي انتي تؤتي لي عرسك
اني:-لالا مصارش منه
نهي:-تعالي نقعمزو في مكتب وهدرزلي
اني:-تمام
(((((((((((((((في حوش جدي 👴👇👇👇)))))))))))))))
يوسف ولدعمي:-اين مستشفي زعما
عمر:-عندها صاحبتها دكتوره هيا ره
مهند:-متشوفش ليا منعرفهاش
رائف:-بالك اخت ميسم
ايوب:-يابويا رهو فدينا نبي تلفونات ونت
جدي من دار:-والله لما بنت خوك ترضي نردهن غير هكي لا لالا
ايوب:-باهي كيف منروحو بيها
حنينه:-تو تكلم عندها تلفون
يوسف خويا:-اخخخخ وخلاص
يوسف ولدعمي:-جدي كيف يصير في عرس
جدي:-والله ماتحلم بيها لعند تموت كان وافقت هذكا كلام تاني
يوسف ولدعمي:-غير لا ياجدي قول كلام غير هذا
رائف:-يادنيا معايا صبي😪
ايوب:-جوك رائق تغني اسكت ماهو ناقص واضع
مهند:-نمشو لي بحر نهجيو
جدي:-لا مافيش
ايوب:-ليش لا احني زي بنات في حوش لا طالعه لا خاشه
جدي:-بيش تعلمو كيف ادسوووو زيييييين
محمدولدعمتي:-باهي جدي احني مش اولاد عيله عطينا تلفونات
عمر:-متقولش هكي يا حمار تو ينوض يهزب
جدي:-كان مش ولد عيله ليش قاعد هنا😒
محمد:-انتم حوش خوالي
يوسف ولدعمي:-نروح لي حوش اني
حنينه:-بتابتو هنا اليوم
محمدولدعمي:-اخخخخخ نبو نت نبووو تلفون نقولو الو نبي سياره نسطربو بيها
جدي ضربه بي عكوز:-والله فديت منكم اقنعو بنت عمكم وتلفونات نعطيهن ليكم
ايوب:-تو نشوفو كيف حل معاها تعالو ندور حل
))))))))))))))))في مستشفي👇🏥))))))))))))))))))))
اني:-هذا هو شن رائك
نهي:-تُحبيه انتي
اني:-ايه نحبه لكن في كرامه في موضوع فهمتي كيف
نهي:-في حب مفيش كرامه لا كبرياء فهمتي ولاه
اني:-منقدرش بعدين يقعد ديمه يكذب عليا
نهي:-باهي كان حب غيرك افرحي زين انتي كبريائك باهي بعدين تندمي طول عمر
اني:-مش عارفه
نهي:-شنو مش عارفه راهو قلبك تاعب انتي ره
اني:-مش عارفه
نهي:-ياعن جد مش عارفه اسمعي عندي ليك حل
اني:-قولي
نهي:-بيش تشوفيه يحبك وله نديرلك دخول ع حسابي في مسشفي ونقول لي اهلك أغمي عليك ونشوف شن يصير
اني:-تمام دير يلي تبيه
نهي هاتي تلفونك نكلمه واحد منهم
اني:-هاك كلمي ع رقم ماما
نهي:-يضرب هوا طووووووط طوووووطــ📞ــ
يوسف ولدعمي رد ع تلفون:-الو يا ساره
نهي:-صاحبه تلفون هذا أغمي عليها وهيا في مستشفي خبر هلها
يوسف ولدعمي:-اين مستشفي
نهي:-بصفتك من بيش تكلم فيا عطيني امها
يوسف ولدعمي:-خطيبها وين امها مستشفي
نهي:-...&£...تعال فيها
يوسف ولدعمي:-تمام نص ساعه نكون غادي
نهي:-شكله يحبك حقا خاف عليك وواجد هاتي يدك نديرلك أبره فتامين ومهدي
اني:-اووووف عيت من طز إباري
نهي:-كولي ماعش يهبزوك كلا هذي حلوه هاتي يدك
اني:-تمام
ضربت أبره هديت شويه
خش يوسف ولدعمي معاه ملاك وهاله ومهند
يوسف:-وينها
نهي:-تفضل هيا حجرتها
يوسف خش لقني شبه مغما عليا
يوسف:-ساره خيرك شن فيك ليش اغمه عليك ؟؟!
اني ابتسمت وجسمي خدي مفعول أبره ورقدت
ملاك:-دكتوره تعالي شوفيها
نهي:-والله لما تكون في انهيار عصبي عندها وتكون في ضغوطات عليها هكي بيصير😠
مهند:-ع من تفنصي انتي اه قولي
نهي:-وضع بنت يبكي الحجر وانتم عندكم عادي مفروض درتو حاجة تنسيها مشاكلها مش ع من تفنصي
يوسف فهم انها فهمه المشكله:-مشكله عائليه مليكش علاقه بيها
نهي:-تمام عالجها بروحك يا إستاد وطلعت
ملاك:-انتم تبو تقتلوها ولا شنو حرام عليكم ساره نوضي والله اني وماليه علاقه فيهم هما ضحكو عليا كان يهدد فيا محمد
مهند:-والله معاها حق الدكتوره شن درنا احني غير مشاكل ليها
يوسف:-تمام اني مروح باهي عندي حل وبالك يحل مشكله طلع يوسف
اني بعد ساعه ونص نوضت
اني:-وسعي من عليا
ملاك:-قولي اسمي حتي بالكذب
هاله:- كيف حالك تو
اني نزلت من ع سرير ومشيت لي نهي
مهند:-عليك حاله أزفت
هاله:-لا اله الاالله
اني:-نهي شن صار
نهي:-كالمة رجاله يحبك وتو يدير لقطه سمحة تو تشوفي
اني:-اشبح
نهي:-كان هذا نخطبك لي خويا
اني:-لا منبيش
نهي:-باهي خلاص اطلعي روحي مع اهلك
اني:-تمام سلامات حبي
طلعت مع مهند روحت
اول ماًوصلت خشيت طول لي دار ضيوف سكرت شباك وباب وضي وقعمزت ع صالون حطيت سماعات في وذني وقعدت نبكي نبكي وخلاص
نقول خيرني نبكي مش عارفه ليش نبي نبكي وخلاص معرفتش شن سبب
برا عندهم
جدي وحنينه وكلهم برا
مرت عمي:-يالطيف وكان تبطل دموع
عمتي وفاء:-حاره والله كلهم كذبو عليها حتي من اختها حتي من صاحبتها وقفو مع يوسف الأاماني
عمتي سناء:-والله اني معاقبه عمر بكل طرق لكن هذا هو
ماما:- هذا هو ربي يهديهم
جدي:-والله ماتسكت وتطلع برا عندي معاها حل ثاني ايوه نادوها
بابا:-خليها ع رحتها
حنينه:-تبكي تقول دافنه حد امشي سكتها مش خليها ع رحتها
ايوب:-نمشي نشوفها اني
ايوب خش لقي دنيا مظلمه ومفيش نسمه تخش ويسمع في شهقه وخلاص
ايوب سكر باب وجي قعمز جنبي. اني طول طحت عليه وزدت نبكي شاف تلفون لقي ع صور خطوبه وتسجيل اتصالات
ايوب:-باهي سمحيه خلاص ليش دموع
اني:-عييييت اني ماعش نبي نشوف حد نبي نموت مليت من دنيا
ايوب:-لالا الأكلام هذا انتي مسلمه
اني:-ليش كذبو عليا كلهم كذبو عليا حتي اختي يلي نرقد معاها في نفس دار بعتني لي صالح حبها لي محمد صاحباتي يلي عندي خط احمر دسن عليا لييييش
ايوب:-خايفين عليك من صدمه يلي انتي فيها
اني:-لو جي وقال ماصارش هكي لكن هو سكت سكت سكت
ايوب:-خلاص قطعتي قلبي نوضي امسحي دموعك معيتش من بكي
اني:-منبيش نطلع نبي نقعد في دار مخطريش نشوف حد شوفته فتحت جرح من اول وجديد
ايوب:-لا اله الاالله نقول لي بويا يصرف معاك
اني:-نبي حد مكذبش عليا عرفيني منحبش كذب ولاه ليش تكذبو اه
ايوب قعد يمشي في يده ع شعري:-خلاص رحتي شينه كنتي طرف راهو يوسف يفوتك معاش يدورك ره
اني:-خليه يفوتني
ايوب قاعد يصبي فيا وطلعني برا من دار وحطني في داره هو
ايوب جاب منديل:-خلاص امسحي دموعك من كان يقول اني متنزلش دمعه ع واحد كذاب لي ان مسكرتي غاليه اااااقولي وقعد يمسح في دموعي
اني:-ماعش درتها اصلاً مسكرا
ايوب مشي لي شنطه عمتي طلع منها مكياج وجاني
ايوب:-نديرلك ولا تديره بروحك
اني في نص دموع ضحكت:-متعرفش
ايوب:-ايوه هكي تمام ضحكتي نديرو خافي عيوب صح
اني:-حول منبيش
ايوب:-اني نتعلم فيك خيرك
وقعد يدير بعدين طلع مسكره
اني:-هات نديرها بروحي
ايوب:-تمام هك دير في روج ولا
اني:-لالا نديرش فيه
ايوب:-خلاص هاتي مسكرا تو تجي عمتك تايره
اني:-تمام هكي
ايوب:-امشطي شعرك
اني:-مخاطريش
ايوب:-فكيه واطلعي وقولي لي امي تمشطه ليك
اني:-تمام
ايوب :-درت إنجاز صراحة هاتي يدك
اني:-منيش مسمحتك زيهم ره
ايوب:-غيراضحكي بس
طلعت اني ايوب
جدي:-طيب فيك درت حاجة كويسه في عمرك يا فرخ
ايوب:-ههه مش تعرف شن عندك يا حاج
حنينه:-خيرا شعرك مفتوح تعالي نشدهلك
اني:-به تو نجيك
اني مشيت جنب حنينه قعدت تمشط فيه واني فتحت فيس
قعدت نشوف لعند لقيت بنت نعرفها مديره تاق ليا وكاتبه<<سلم حبيبي وخطيبي ربي مايغبه عليا دار ليا مفجاءة سمحة اليوم....من ها كلام))
اني قريت كلام وعيوني دمعن علقت ليها
ربي يخليه ليك يارب وتعشو في حب طول عمر
نكتب في كل حرف واني نتفكر في يوسف
حنينه:-خيرك بتبكي
اني:-شي😔
ماما:-يالطيف وخلاص
جدي:-ساد من دموع تقول مات الولد وانتي تبكي
مرت عمي:-بعيد سو ع ولدي
محمد ولدعمي:-باهي عطونا تلفونات
مرت عمي:-لالالالا لعند ساره ترضي
اسامه:-اني مدخليش في موضوع
ماما:-ابلتها كلمتني قالت نازل مستوها ووووواجد ماعش تجاوب في امتحانات كيف حل معاها
اني:-نبي نبطل منها ثانويه
(خبر هذا كان جلطه لي عيله كلها ع خشت يوسف)
بابا:-إلا هذي بتمشي غاصباً عليك
اني:-منيش منبيش مش كل شي بغصب
ماما:-اووووك عليا يا جلطتي جلطه كيف شنو تبي جريدة خضراء مش تسيبي قرايتك
جدي:-نسمع بيك بس نوريك بتطبل قالت
حنينه:-كملي قريتك. بنت ماليها الاشهادة
عمتي وفاء:-كل منكم يا فروخ مفيش حد وقف معاها الا اماني كان اماني قعدت ساكته راهو مانعلمو ع شي لين جاب ولد منها
اني:-مش صح ياعمتي كلهم واقفين معه حتي ماما وبابا😢
عمتي وفاء:-تعالي هنا صح اني معاك كان سكت راهو جابها يدرجح هو وياها
اني مشيت جنب عمتي وفاء
يوسف ولد عمي:-والله نحلف ع مصحف لا مسيتها ولا قربتها
عمتي وفاء:-عيني في عينك تره
يوسف:-ها شنو نكذب شي
عمتي:-ماندري يا ودي
اني:-عميمه نبي نبطل من قرايه ليهم علاقه بيا
عمتي سناء:-تعالي معايا غيري منها ثانويه انتي كرهتي ثانويه من يلي فيها وتشوف لي هاله
هاله:-ياماما ساد كل يوم نرقد وطريحة معلمه عليا
ماما:-ارفعها لي دكتور نفسي غدوه
اني:-منبيش نمشي حولي عميمه منخش داخل
ايوب:-ليش كنتي تبكي داخل....قصيت عليه اني:-اسكت خير مش ضروري تكمل
يوسف ولدعمي:-كمل متخافش شن بدير
ايوب:-تي ودي وانتي تكابرو ووووواجد
اني:-مليكش علاقه
جدي:-اني منخش نرقد نسمع صوت عالي نوريكم
خش جدي رقد لحقته حنينه خشت ماما ومرت عمي وعماتي رقدن اني خشيت ورا ماما رقدت طول
رائف:-حتي تقعميزه يلي كانت سمحة رحت هم ونكد وغم
ايوب:-ياراس ابكيوه انتا يلي تقراء طب مفيش فكره😑يا اخي طلع رومنسية يلي عندك البنت بكري تبكي تسمع في تسجيلات وتبكي حطه ع صوركم
يوسف ولدعمي:-عندي فكره لكن صعبه شويه
محمد ولدعمي:-ورحمت امك قول من وراك موتنا بي عرق
يوسف ولدعمي:-خشي فرخه اماني معاش فيك أمان خشي
اماني:-اسمك مش عليهاجنان لي جدي هوا
عمر:-كرهتك زفت كل شي تعوديه حطو غالط كل علينا احني
اماني:-ع من بيحطوه مال ع حمار يلي معاكم
ايوب:-ع منو حمار
اماني:-يلي في سله تنخصه
ايوب ناض من مكانه
اماني:-جـــديييي
ايوب:-اسكتي يا فرخه والله مانمسك اني حمار ونص يلي جيت عمك😤
اماني:-مشاء الله عارف روحك
علي:-اووووك عليا بطني
رائف:-اماني منوش نوضي موضيع كبار انتي طفله قاعده
اماني:-كيف عرفت ان صغيره بالعكس اني نعلمك أصول الحياه يا أستاذ رائف
مهند:-باه امشي احني منبوكش معانا
اماني:-رح وتندمو لي ان نعرف كيف نرضي ساره بكلمه سلام
محمدولدعمتي:-كذابه
اماني:-كان مش مصدق تو نمشي نقوللها كلمه وحده تزيد تحمق وكلمه واتيه
عمر:-بنت راحت زي قنبله موقوته
ايوب:-بلاش كذب
اماني:-تكذبو فيا ولا شنو تمام شوف شن يصير بعيونك رد بالك تضحك ع اصغر منك
يوسف ولدعمي عرف اخته انها بكلمه تصغر موضوع تقدر تكبره
يوسف ولدعمي:-راني خوك يا حصله
اماني:-في خو يقول لي اخته يا حصله حظ اوفر مع بنت جديده
خشت اماني داخل
يوسف ولدعمي:-شدوها والله دير مصيبه الفرخة هذي
ايوب:-يالطيف أستر يا ربي
اماني بمجرد ما خشت مسحت دمعتها ان كلهم ميبوهاش جت لي دار جنبي اني كنت شبه راقده نوضت طول
اني:- منوش خيرك
اماني طول بكت:-ميبونش
اني:-تعالي نطلعو بر في جنان خلفي وقولي خيرك تمام
اماني:-تمام
طلعت اني وياها من لم شباب وبنات
ايوب:-الله يرحمك يا يوسف مشيت فيها بدت تنفذ اختك
رائف:-احححح وخلاص بسلامه يا ابو نسيب معاش في بنت نعطوهلك
محمد ولدعمي:-ههههه خود وتلقي
اني وأماني مشينا ورا حوش قعمزنا
اني:-قولي خيرك يا حنه
اماني:-كلهم كرهوني لي ان دويت الحق ليك حتي من يوسف خويا كرهني رحت نقعمز بروحي مفيش حد نهدرز معاه
اني:-تعالي معايا اني
اماني:-فوتي موضوع وسمحيه
اني:-مش عارفه
اماني:-هو اكيده تو يدير حركه سمحة يبان فيها جنتل انتي دير روحك زعلانه وووواجد لعند يدير حركه هذي
اني:-امممم زعما
اماني سمعت صوت رجلين يمشن ويقربن عرفت ان فيه حد يبي يسمع كلام فاغيرت الموضوع طووول ونخستني
اماني:-ياساره معقوله تصدقي شاب زوج بي بنت اجنبيه وماصار شي هم شباب ليبيايتمنو في تمنا انهم يزوجو اجنبيه
اني فهمتها طول اماني:-لكن هو قال كبيره في عمر
اماني:-لا اكبر منه بسنتين بس مواليد89 وأكيدا تبان صغيره وعيون زرق وشقرا ومن جو هذا تصدقيه انتي
اني:-لكن كلهم صدقوه وحتي اني شبه صدقته وكنت قبل غدوه بنقول لي جدي يرد سيارات وتلفونات ليهم
ايوب وشباب يلي معاه فروحو بعد سمعو كلام هذا لكن
اماني:-ردي بالك الاهذي هما كذبو عليك كلهم من عمك يلي دروحه خايف عليك لعند اختك يلي من دمك ولحمك باعتك ع سبه محمد شن رايك تستحق المسمحة
اني:-زعما أقنعيني اكثر ترا
اماني:-نبدو بي يوسف خويا كذب عليك زوج عليك ومستحيل يقعد مادار معاها شي وحتي قرأن قال ولا يخلو اثنين دون ثلاث هو كان في حوشها وبروحه وإبليس ماماتيش😏 هذا العاقل
اني دموعي بدو ينزولو عرفه ان كلام اماني كدب لكن هذا هو:-معاك حق ومتسحيل نرد ليه
اماني:-تمام نمشو لي خوتي وعلي وعمر هذيما هددو بنات ان لو دو حرف ياوليهن بدات ملاك وهاله وملاك شدها محمد وقاللها كان تحبيني وتبيني نقعد معاك متدويش لي اختك
اني:-باه كملي
اماني:-بنسبه لي ملاك وهاله هذينا اتنين مفروض خبّروك بدات ملاك لكن ملاك فرطت فيك في اول مطاف فضلات حب محمد ليها عليك وهاله خبرت صاحباتك وقالت ردو بالكم تدوي لي ساره يعني شاركت في جريمه وهذي اكثر وحده دولها انها متخبركش ومفروض كا صاحبتك تخبرك لكن حتي هيا وصاحباتك باعتك في اول مطاف وفهمك كفايه
(((كلهم يسمعو منجلطين بي اماني كيف عرفت يلي صار عرفو انها بكلمه تجيب الموضوع وبكلمه تفسده من اخير يوسف شاده ايوب ميبيش يتلقه وتصير دوشه)))
اني:-صاحبات الهده وعازه كملي😭
اماني:-بنسبه لي عمي ايوب يلي يمثل في طيابه ومن اخير هو سبب الموضوع هو رائف ايوب مفروض كا ان هو عمك يوقف مع بنت خوه مش مع ولد خوه لكن ديمه يوقف مع الشباب ويخلي فيك بعدين في اخير يتفكر ان في بنت مظلومه يجي يراضيك بي كلمتين وانتي ترضي زي مهبوله مع احترمي ليك
اني:-حسبي الله ونعم وكيل كملي
اماني:-نجو لي خوتك يلي هما عزوتك في دنيا يلي مفروض يقفو مع أختهم لكن فضلو يوسف عليك رائف ويوسف خوك هذيما اثنين اكثر وحدين وقفو مع يوسف خويا ونسو ان عندهم حق ع أختهم يعني العيلة كلهم واقفه ضدك إلا اني
اني:-أصلًا اني مستحيل نمسحهم بعد كلام هذا ومستحيل نرد ليه يوسف كذب عليا ووواجد
<<<كلهم سمعو اماني وشن قالت كلهم في صدمه مابعدها صدمه معرفوش ان اماني تقدر تخلي الموضوع تمام وتقدر تنفيه كلهم في صدمه حتي من يوسف خوها في صدمه✨>>>
اماني مسحت دموعي:-عندي ليك حل اني
اني:-قولي شنو
اماني:-هو يوسف يحبك صح ومافيش اثنين يدو فيها لكن حرق قلبك صح
اني:-صح😓
اماني:-أحرقي قلبه حتي انتي وانخطبي من واحد ثاني بر عيله
اني:-معنديش حد اني كان كله مستقبلي مع يوسف لكن هو فسد كل شي
اماني:-كان فعل ماضي عندي خو صاحبتي جنتل مان وطرف من اخير حتي هو يحبك يراجي في حرف منك بس
اني:-اين وحده من صاحباتك
اماني:-خو نهي شن رائك هذي صورته هيا
اني:-لا طرف الحق لكن قلبي مع يوسف
اماني:-تو تنسيه مع ايام راهو ديمه يقولي سلميلي ع ساره قولي باهي ومايكون كل شي زي ماتبي
اني مسحت دموعي وضحكت:-خلاص تم عند إيميل ع فيس
اماني:-ايوه خليك هكي وريهم كيد النساء😉
هوا إيميله
اني:-تمام نوضي نخشو داخل نشوف نت ترا
اماني:-تمام
((يوسف دار فكره في راسه كيف يربح اخته لي صفه لي ان بيها بيتم الموضوع لي قدام وكان مجيتش في صفه يقول بسلامه لي ساره))
هما مشو لي جنان قدمي واني فوتت واني نشوف في تلفون،اما اماني دير في حركات متع مزال ماشوفت شي
ايوب:-اماني منوش تعالي هنا نبوك في موضوع
اني شدِّيت في يدها ودخلتها معايا
خشينا داخل
اني:-موضوع يلي برا كذب
اماني:-ردي بالك تصدقي حاجة هما كانو يسمعو فينا بس نبي نلعبهم ع أوتار الخوف شويه
اني:-كفك يا بنت
اماني:-متخفيش نمسح ع كبدك صح اني
اني:-اطلعي شوفيه خيره بعدين تعالي قوليلي
اماني:-تم تو نجيك
اني خشيت لي دار وحاسه في حاجة فرحنه وووواجد ع ندير فيه لي يوسف
اماني طلعت برا :-نعم شن تبو
يوسف خويا:- استحشناك يا قمر
اماني:-نظام تمسيح مزال ماشوفتو شي ساره اقتنعت بي عريس وقاعده تهدرز معه ع فيس
وانتم ديرو ما ديرو مستحيل تهدمو يلي صار
يوسف ولدعمي:-اتقي الله فينا راني خوك
اماني:-تو كيف عرفت ان عندك اخت قصدك اها ولا ضمير كان ميت
ايوب:-غير تعالي هنا اني سمعت يلي قولتيه لي ساره وقعدت خايف منك ومن لسانك
اماني:-مزااااااال خير لي قدااااام
ملاك:-معقول تهون عليك اختها دويتي شي صار وماصار
اماني:-وينك بعد محمد قالك كان تحبيني متقوليش لي ساره كان هذا انسي ان في حاجة اسمها محمد (قعدت تقلد في أصوات) طول قولتي
لا حبيبي حمادي اني معاك ديمه واشبح شنو
محمد ولدعمي:-قل اعوذ برب فلق كيف سمعتي مكالمه
اماني:-سر ثلاث شهور وتقعد ساره مزوجة من خو صاحبتي وتقعد انتا يا يوسف تمص في ليم بروحك وبعد سنه تجيب صغار يقعدو يقولولك يا عمي يوسف
يوسف ولدعمي:-باهي خلاص سمحينا وتعالي عطينا حل يا اماني
اماني:-بالواحد يعتذر نعطيك حل
ايوب:-كان نلقي عمر مختار طلع من قبره تو نجي نقولك أسف
رائف:-مستحيل
يوسف ولدعمي:-خلوها تزوج بي غيري بعدين نقعد نادم
رائف:-شن عرفني انها متكذبش
اماني:-تو غدوه تشوفها تضحك حالها تمام لي ان تو قاعده تهدرز معاه شوف غدوه البث مباشر
خشت اماني ويلّي هذا رقد وجي يوم جمعه نهار جديد
اماني:-نوضي يا فرخه ساره
اني:-اول مره نرقد متريحة بعد قصه هذيكه
اماني:-زي ما قوتلك اني غيرت إميلي وخليته اسم ولد بيش يقعد في دليل انك تهدرزي مع حد 😉
اني:-تمام نمشي نصلي ونمشط شعري
طلعت برا لقيتهم كلهم ع صفره ع فطور
اني:-صباح خير
حنينه:-لا يوم عصفورة رايقه صباح نور
اني:-ايه حمدالله
جدي:-سمحتيهم ولا
اني:-لالالالالالالالالا
اماني:-تعالي قعمزي هنا يا ساره
اني:-تمام تو نجيك
كلهم مستغربين كيف جوي في ليل ونهار تغير لكن شباب وبنات فهمو ان كلام اماني صح
تم فطور. نوضنا نظمو في حوش واني نضحك مع اماني وهما محروقين
قعمزنا مع ساعه 11 ونص كلهم في جنان
اماني:-شنو عجبك امس في ليل
يوسف رامي وذنه
اني:-ايه لسانه عسل مش زي بعض ناس
رائف:-من أمته بنت عاقله تهدرز مع شباب
اني:-من لما عاقل زوج وحده بسر
اماني:-طرف ولاه بيسافر برا
اني:-ايه قالي بنجيب اهلي وبندير حاجة رسميه
سبوع جاي قبل صيام
اماني:-اها باهي ربي يهني
يوسف ولدعمي:-اني منمشي ندير حمام نوتي روحي لي جمعه
ماما:-ساره تلفونك يضرب تعالي خوديه
اني:-توووو نجي دقيقه بس
فات وقت وكل شي تمام في خطه تغدينا وفاتت القايله وجت العشيه
عمر:-ساره مش بديتي مع واحد جديد خلاص سمحينيا وخلّينا ناخدو الهم يلي عند جدي
اني:-إلا لعند هذاكا نهار يلي نسمحكم فيه ربي يدير طريق
اماني:-زيد اقوا عليهم
ايوب:-والله اني نسيت حتي رمز متعه
اماني:-رمزك رقم ميسم
ايوب:-بِسْم الله رحمني رحيم كيف عرفتي
اماني:-سر
يوسف ولدعمي:-جدي نبو نمشو لي حوازه متعك قبل صيام
جدي:-اطلعو تو نمشو
ايوب:-بسيارات منو بنمشو
بابا:-تو نطلعو بسيارتكم انتم
يوسف خويا:-باهي بدت تفرج
جدي:-لا وين منطلع سيارتين ومندير قرعه
اني:-لا ليش قرعه طلع سيارة اسامه ومحمد ولد عمتي بس
اسامه:-صحيتي بنت العم
اني:-سلمك وعطي تلفون اسامه بس
حدي:-تمام هاك تلفونك يا اسامه وهذا مفتاح سياره
اسامه:-مش تعرفو لما نقول مش معاكم تصدقوني
طلعنا احني شباب بس ماما قالت مخاطريش ونفس شي عماتي ومرت عمي وحنينه قالت بنقعد هنا
بمجرد ماوصلنا لقينا متع جدي نظيفه وفيها بالونات وفيه حرفي وحرف يوسف بي إنجليزي
اماني غمزت ليا
أني..........🙊
••••••••••••••••••••••••••••••••••••••••••••••••••••••
يتبع