غزل ...
اكثر شي غالي ع الابنيه شرفها !!✋✋
راح تكولون اكو هواي بنات رخيصات وباعن
شرفهن وشرف اهلهن بدون مايفكرن 😒
راح اكوللكم صح 😯
بس انته/ي تعرف/ين شنو الضروف الي مرت بيها
وخلتها تستغني عن شرفها 😮
اكو بنات راحن ضحيه للمجتمع ولتفكيرنه
مجتمعنه ماكدر يفرق بين الدين والتخلف
وخله الاكثريه يكره الدين الاسلامي♡
بسبب تخلفهم
الدين :مجبر الابنيه تتحجب الدين كال حببو
بناتكم بالحجاب وهيه ح تقرر تلبسه😊😊
الدين : كال من تشوفون زاني وزانيه
اكو شروط قبل لا تعاقبوهن لازم تتوفر
مو شفتها وي واحد لازم اقتلهاالدين:واذا حكمتم بين الناس احكمو بالعدل '
هذا الدين هيج كال زين البنات الي
جاي ينحجي ع عرضهن بمجرد انو
ابتسمت بالشارع شنو حكم الدين عليهن
تره الدين مكال موتو وانتو عايشين#تخلف😈
صديقي كال هاي الابنيه نمت وياها يعني
خلص هاي الابنيه بنت ليل
وبكرت ابو الخمسه تمشي وياي .#تخلف😈
اني رجال صاحبت بنات بكد شعر راسي وكلهن
طلعت وياهن ونمت !زين شصار بالبنات هسه
!مايهمني المهم عرضي مستور !نصيحه
دير بالك ع عرضك لا حوبت البنات تطلع بيهن#تخلف😈
بنيه تمشي وي ولد وتبتسم واتوسلف بنص الشارع
!قليله الادب ومامتربايه اهانتو تدرون
واني ادري انو لو نحجي منا لباجر ع الناس
لا همه راح يتاذون ولا احنه ح نتاذه
بس الدنيا اخذ وعطاء
اليوم انته كلت اني بنت رخيصه وبكرت ابو الخمسه
امشي وياك
باجر واحد يطلع ويكول عرضك رخيص وبخمسه جبتها لبيتي 😱😱
اليوم انته كلت هاي رخيصه وطلعت وياها والله باجر اطب تلكي واحد يم اختك وبهل لحضه تذكر كل حجايه حجيتها ع بنيه حتى لو جانت موزينه
الله يحب الستر واذا الله الي اكبر منك
ومني امر بالستر تجي انته تفضح ليش منو حضرتك
وبهل شي تعاند منو نفسك لو تعاند الناس لو تعاند الله سبحانه وتعاله ..
المهم شكد ماتحجون ترة ينحسب دين عليكم ولازم بيوم يرجع عليكم
فاحجي الناس لا يقدم ولا ياخر
وادري طولت عليكم بس يله خلونه نبدي القصه واترك اليكبورد لبطله القصه
مهى : السلام وعليكم اني مهى 😊
حبيت اشارك
قصتي وياكم اني من العراق قبل اكثر من 15 سن
مريت بشي اعتقد غير كل حياتي اني من مواليد الثمانينات
امي وابويه اتزوجو عن حب😍
بس امي من سكنه كركوك مسيحيه
وابويه مسلم اهل امي ماقبلو انو يتزوجون
بس امي جانت تحبه لابويه كلش وماكدرت
انو تعيش بدونه فاشردت ويا ابويه واتزوجو
ومن يومها ماشافت اهلها ابد
ابويه جان كلش ايحب امي وجان يسميها فراشتي
لانو يكول احسها فراشه وتطير
بكلبي بيضه ونقيه وصافيه .
اني انولدت وره ماتزوجو اهلي
ب 11 شهر جانو اهلي مستعجلين اشويه😂😂😂😂
عشت وي امي وابويه احله حياه ابويه من اني ولدت
طور شغله وصار اكبر تاجر بالعراق
طبعا اني اهل ابويه اهواي ماينعدون عندي 12 عم😮😮
القدر حب يلعب لعبته وي ابويه
وطبعا الدنيا ماتنطي كلشي
من صار عمري 3 اسنين امي توفت بدون سبب
ابويه كلش ادهورت حالته وكام لا ياكل ولا يشرب
واستمر ع حالته 6 اشهر واني عايشه وي وحدي
واصغيره وابويه جان كلش ايخوف بهاي الفتره
فاني جنت ادخل للغرفه وحدي وضلمه
جنت امووت خوف فاصارت بيه حاله
انو تجيني اوقات اتخربط بدون سبب بس
اسمع شي يخوفني اتخربط وماحس ع نِفَِّّسيِّ
من صارت هاي الحاله بيه ابويه حس ع نفسه
وكام يهتم بيه بس ابويه ماكدر يبقه بنفس البيت الي جنه
عايشين بي فاقرر انوو ننتقل انتقلنه بغير منطقه
كبرت وصار عمري ٧ اسنين اني
شبيه امي
اني حنطيه وعيوني خضر وشفايفي توت جسمي
ضعيف مو كلش سمين بس عندي اماكن تغري
ابويه بقه وفي لامي
بس من دخلت للمدرسه
وهوة هماتين الشغل ماخذ كل وقته
عمامي لحو عليه وكدر يقنعونه
انو يتزوج عمودي
وافق اتزوج
وحده جيرانه عايشه مقابيلنه مطلقه لانو
ماتخلف جهال
ابويه شاف انو هيه اكثر وحده
مناسبه اله والي
مرت ابويه اسمها سعاد
اتزوجها ابويه وعشنه سوة
فتره زينه
سعاد حبابه كلش وابد ماحسستني
انو هيه مرت ابويه
جانت من تحجي ويايه كله ماما مهى ومهاوي حبيبتي
بس تبقه مرت ابويه مو امي
مرت الاسنين وكبرت وصرت اشبه امي اكثر واكثر
وصرت رسامه ماهره
كلش احب الرسم والطبخ واحب الترتيب
اني من كبرت بابا الطابق الفوك كله الي محبيت اصبغه
ردت ارتبه اني ع ذوقي نطاني
ضفت لمساتي ع كل حايط بي
رتبت غرفتي مطبخي حمامي
كلشي بي اني رتبته
اني بالطبخ محد يلحكني
واحب البهارات كككلش و
احب ريحتهن
هسه اني بعطله اخير السنه نجحت من الخامس
الاعداديه كلش صعبه بس اني شاطرة ماينخاف عليه
اليوم ح اروح للسوك وي صديقتي سارة ح نشتري ملابس المدرسه
..
مهى الوو
.. الوو هاا ولج
مهى وينج اتاخرتي
.. لج اني بالباب مالتكم
مهى اي واضح والدليل انو انتي جايبه التليفون الارضي وياج
.. وسم محد يقبل يجيبني
مهى اي احنه راح نجيج لعد
.. اي عفيه بسرعه
مهى بس اسمعي ساره مااوكف ع الباب دقيقه وحده تره انتي ابسرعه انزلس
سارة اي والله بس استعجلي
مهى يله باي
مهى ها سعاد كملتي
سعاد اي مهاوي يله نطلع
مهى اي بس ترة نمرع سارة ويانه
سعاد اي وشكو بيهه بس خلي اكول لابوج
سعاد محمود
محمود ها عيني
سعاد احنه رايحين للسوك نشتري ملابس المدرسه محتاج شي
محمد لا الله وياكم ديري بالج عليها وع نفسج
سعاد لاتوصيني ع بنتي يله مع سلامه
مهى طلعنه وي السايق توفيق
سعاد شمقرر تشترين
مهى والله مادري نوصل ونشوف
سعاد الله كريم
مهى وصلنه لكينه سارة واكفه بالباب
مهى عبالك دكتورة نجيها لباب البيت
سارة هسه قابل جايه مشي اشو بالسيارة
مهى دصعدي خاتون
سارة اشوو انجبي وادني يله
مهى هم نزل وهم يدبج ع السطح
سارة تره محترمتج
سعاد بس ولجن اشوكت اتبطلن شقاجن هذا
سارة هيه تتحارش بيه خاله
مهى انجبي
سارة راح اتجاهلج اشلونج خاله سعاد
سعاد هلو حبيبتي بخير وانتي
سارة الحمدالله اسفه ازعجتكم ويايه
مهى همزين تدرين بروحج مزعجه
سعاد لا حبيبتي لا تكولين هيج
..
مهى نزلنه بالسوك اشترينه ملابس المدرسه كلها واشتريت ادوات الرسم مالتي وبقيه السوالف
كملنه وصلنه سارة لبيتهم
ورجعنه ميتات
تعب من الفرة
صعدت كبل لغرقتي
بدلت وغسلت ورتبت اغراضي ونزلت يم بابا وسعاد
سعاد مهاوي انتي مبقه لدوامج شي اقل من اسبوع فاليوم اخر سوم انتي اتسوين العشه
حتى بعد تهتمين ابدراستج
سعاد ميخالف من عيوني
محمود اشلونج اليوم مهاوي
مهى بخير بابا
محمود داتاخذين علاجج
مهى اي
محمود الله يحفضج يابابا
مهى ويحفضك حياتي يله اكوم اسوي العشه
مهى احنه عدنه وحده بالبيت مرت توفيق السايق هيه الي تهتم بالبيت
بس سعاد ماتقبل احد يمد ايده ع الاكل غيري اني وياها وبابا همين يحب ياكل من ايدنه
سوينه عشه اتعشينه كلنه وسويت حلويات
كعدنه نسولف اشويه بعدين ضعدت فوك
صليت مالت المغرب والعشاء ولزمت الرسومات مالتي
بقيت ارسم الى ان نمت
مرت الايام واجه وقت المدرسه
كعدت الصبح سبحت وتوضيت وصليت اني صح اصلي بس مامحجبه
حضرت غراضي وجنطتي
ونزلت لكيت سعاد
مهى صباح الخير
سعاد صباح الخير مهاوي ها مستعده للسادس
مهى اي انشاءالله لعد بابا وين
سعاد تعبان اشويه وماطلع اليوم للشركه
مهى خير اشبي
سعاد مبي شي اشويه ارهاق
مهى دخلت اله لكيته نايم بسته من راسه وطلعت
وصلني توفيق للمدرسه
شفت صديقاتي كلهن بقينه نسولف ونضحك
اول يوم سربته بس ضحك
بقيت اسولف وي صديقاتي وي سارة
انتها الدوام اجه توفيق ورجعت للبيت
لكيت بابا كاعد ع القنفه
مهى ها بابا اشلون صرت كالت سعاد مريض
محمود لا بابا لاتخافين مبيه شي اشويه ارهاق
مهى الحمدالله
يله اني صاعده انام اشويه تعبانه
محمود براحتج بابا
مهى صعدت سبحت وصليت ونمت
،..
مر شهر ع الدراسه ونشكينه شك بالدراسه
سارة ادك وتلطم
سارة من راس امي اذا طلعنه من السادس
مهى الفكر اتفائلي بالخيير
سارة هو الي يشوف هيج دراسه يتفائل بالخير
مهى لج مصار شهر ونص من داومنه شبيج
سارة لج مو شهر عبالك قرن شيخلصنه
مهى تخلص مثل ماخلص غيره
سارة اكلج تجينه اليوم
مهى لا يمعودة ماكدر
سارة ليش تعاي نقرة
مهى مو اليوم غير مرة
سارة ع راحتج
مهى وين راح توفيق صاير يتاخر
سارة هسه يجي ماهر واحنه نوصلج
سارة اجه ماهر يله امشي ويانه
ماهر اخو سارة
ماهر ها مهى اشلونج
مهى هلو ماهر الحمدالله وانته
ماهر الحمدالله بخير
سارة السايق مجاي تره مالت مهى احنه نوصلها
مهى لا ماريد ازعجكم
ماهر ع شنو اتزعجينه يبه اصعدي
مهى صعدت ورة اني وسارة نسولف وجان اكو ولد صاعد كدام وي ماهر يسولف
اسمه يوسف سمعت ماهر يكله
مشال عينه مني طول الطريق يباوع عليه بس اني مهتميت
وصلنه نزلت
مهى شكرا ماهر تعبتك
سارة واني ماتكليلي شكرا
يوسف ع شنو تكلج شكرا ام حلك قابل انتي الي سقتي
سارة معليك انته اسكت
مهى يله مع سلامه
مهى دخلت للبيت وهذا يوسف يباوع ع جسمي من جوة لفوك اني مهتميت
دخلت للبيت
....
هنا خلص البارت
اتمنى عجبكم واعتقد القصه ح تعجبكم لانو عجبتني اني شخصين انتضرو البارت الجديد كل يوم بارت جديد وانشاءالله قبل مايخلص رمضان احنه مخلصينها
وها صدك رمضان كريم وينعاد عليكم بالصحه والسلامه يارب وصيامكم مقبول يارب