حوش جدي **15**👴
هشام:-تعالي قوليلي اني كل اذان صاغيه ره
خوله:-زعما
هشام:-غير تعالي هنا
خوله:-وسعيلي سرو منجي جنب هشام
اني:-من عيوني تعالي هي
هشام طلع من جيبه متع سورية حديده فضه مكتوب عليها(ابتسم)
خوله:-الله شنو هذا
هشام:-هذي هديه خاصه ليك انتي
خوله:-الله سمحة ورفعت رأسها ذوقك يا هشام
هشام:-ايه ذوقي هاتي يدك نلبسها ليك
خوله لبستها
اني:-خوله حبي وري حديده لي بنات
مالك:-حتي احني نبو نشوفو ذوق هشام
خوله:-حاضر وناضت توري فيها وتضرب في معاني لي يوسف لعند وصلت فيه
يوسف:-سمحة والله
خوله:-من يوم يومه هشام ذواق وتحرك في حواجبها
يوسف:-به ربي يجمع بينكم بي حلال (ادوها بصوت واطي سموعه شباب واحني)
خوله جتها زي غصه:-انشاءالله
اني:-خوخه تعالي ديري معايا عصير
خوله:-هيا وراك
اول ما خشينا لي مطبخ انفجرت دموع
خوله:-شوفتيه حقير تافه الله لا تسماحني لما حبيت واحد زيا
اني:- خلاص تعالي
خوله طول جت تعنقتيني وتبكي بي حره
خوله:-راني صغيره ساعدو قلبي لو شويه عيت فديت شخص بارد يجيب جلطه
اني:-امشي اغسلي وجهك وتعالي شوفتي حديده مكتوب عليها إبتسم فا إبتسمي
مشت غسلت وجها وجتني وخش علينا يوسف خويا وهشام
يوسف:-خيرها تبكي ماله
اني:-عندها اسم ع مااعتقد
هشام:-خوله خيرك تبكي
خوله:-طاسه انكسرت في يدي
هشام:- تعالي نعقملك جرح
خوله من كثرت ما انها طريتلها من يوسف ولما هشام يدوي قعدت شاده طاسة وتقشط في يدها لعند ما طاسه فعلاً انكسرت
هشام:-ليش درتي هكي بدال جرح راحن اثنين
يوسف ولا هزتلا شعره فتح ثلاجة يشرب في إميه ولا كإن يد انجرحت قدّامه
اني:-خوله يدك دم رِه واحد منكم يشوفها
يوسف:-مش شوري اني يشوفها هشام
هشام:-ترا يدك يا خوله
خوله بعد شد يدها هشام ناضت تبكي بصوت عالي
هشام:-يوسف اني منعرفش في شيش في يدها يا راجل نرفوعها لي مستشفي
اني:-دم ع سورية يا هشام
خوله طلعت تجري ليهم:-امي ماما يدي يدي
حنينه:-اوك عليا خيرها يدك تعالي ترا
جدي:-يوسف تعالي جاي انت وهشام
هشام طلع:-نعم يا جدي
جدي:- يلي فيكم يقراء طب يجي يدير حل
يوسف:-وكان نقرا طب معانها نجي ندوي جروح ولا شنو مش شوري موضوع وكان تموت قدامي
ماما:- يوسف اسمع كلام وشوف يدها
يوسف:-يا لطيف جيبي إسعافات باهي ندويها بي دمي ولا شنو
اني:-هاك😔
خوله:-يا ماما توجع فيا
يوسف يفتح في شنطه:-يا ماما توجع (ويقلد في صوت 😫)
خوله:-ناس دمها بارد حسبي الله ونعم وكيل كل من ضحك عليا يسحابها ساهلة
يوسف:-تعالي جاي نشوفها قعد يشوف فيها وطلع شيش يلي في يدها وعقم جرح وهي تبكي في حجر حنينه لفها وكامل كل شي
يوسف:-كاملت ان شاءالله ماعندك سو
خوله زادت درقت وجها وزاد شهاقتها
(كانو دموعها دموع قلب موجوع💔)
اني كريتها:-خوله تعالي نهدرزلك ورا حوش
خوله:-تعالي في حوشنا
اني:-هيا امشي
امشينا لي حوشهم كان في نفس الجنان
اني:-معقوله تبكي ع ولد وحتي كان خويا
خوله:-عجباتك معامله زي زفت يعامل فيا انجرحت قدّامه تعرفي كرهت روحي بعد شوفته يشرب في إميه واني يدي دم
اني:-مش احني يلي نبكو خليه يندم ع تصرفه
مش تبكي
خوله:-شكلا هشام حاط عينه عليا
اني:-ايه فوتي يوسف وأعطي اهتمامك لي هشام
خوله:-هذا يلي بيصير😔
اني:-امشي غير قميص تعبا دم
غيرته ونزلنا
خوله:-هشام أسفه سورية متعك تعبت دم
هشام:-لا عادي اهم شي يدك تو بخير
خوله:-احسن من قبل حمدالله
رائف:- والله يا خوله متستاهليها
خوله:-هذا هو عادي
هيثم:-هاك يا خوله حبت مهدي كان توجع فيك
خوله:-لا شكر منبيش
يوسف:- اسمعو اني منطلع برا عندي تلفون يدوي وهو يغير في شفره
جدي:-خيرك تغير فيهن يا ولدي
يوسف:-مال ياجدي منطلع نتصل
مهند:-هذي متع بنات يلي اتحط فيها ولاه
يوسف:-ايه بصوت واطي قالها
جدي:-انشاءالله عندك فيه وجيج البنات يا يوسف
يوسف:- لا بعيد سو وناض اتجه لي باب
جدي:-قوتلك اطلع اني اندفس هنا
يوسف:-باهي نص ساعه بس
جدي:-نص ساعه وتكون هنا اكيد
يوسف:- كلمه راجل عاد يا جدي
يوسف طلع وحط ع رقم محمد ولد عمي
يوسف:-الو يا محمد
محمد:- مش كنت معاك تبي شي
يوسف غير صوته:-توحشتك يا بيبي منقدرش ع فراقك انتا أكسجين ههه نبيك في موضوع كان هذا مكلمتش
محمد:-اعوذ بي الله منك شنو موضوع
يوسف:-محمد اسمع والله تضحك نوريك الله
محمد:-اشبح ع موضوع كان يضحك شن تبيني ندير
يوسف:- المهم اسمع اليوم بنت خالي انجرحت واني درت روحي بارد لكن قلبي يحرق فيا من داخل ولما عطها هشام حديدة كان قدرت نوضت وضربت هشام ولا لما جت توري في حديد قولتلها ربي يجمعكم بي حلال وضحكت لكن قلبي يوجع مش عارف كيف قولي شن معانها كلام هذا
محمد:-مبروك عليك انت أتحب في بنت خالك
يوسف:-تي بلاش ضحك يا مسخ قولي والله لعند تو واني قلبي يوجع لكن مشكله كل ما نشوفها ضروري انحرق دمها عندي هكي اجمل
محمد:-تي والله طلعت أتحب فيها خيرك هذينا علامات حب وانتا غاير من هشام
يوسف:-غير متقولهاش يا راجل معقوله
محمد:-اسمع بعدين انتلقو ونزيد انفهمك سلام جو جنبي شباب
يوسف:-منو ايوب جنبك
محمد:-ايه ايوب
يوسف:-خلاص اسمع ردبالك تقولا ااا بسلامه
سكر من محمد وخش
جدي:-يوسف امشي جيب شنطه فيه دبش نقسمه عليكم
خوله:-اكيده اني اكثر وحده حسابني صح
حنينه:-ايه يا بنيتي جبتلك انتي اكثر وحده حتي جدك حسبك
اني:-ولماذ فروق؟!!
يوسف:-تفضل يا جدي
جدي:-هشام حتي هو حسبكم لكن اشبح امتي يطّلع مدسوس
هشام:-لا هوا تو منوض نجيبها بعد تفتح شنطه
فتح جدي شنطه وكان فيها روائح وخواتم وقمصان وطواقم وسبيدروات
جدي:- هذي لي ساره ريحة وكندرا كعب وطاقم وقميص سمح
قعد يفرق لعند وصل في اخر اثنين هما خوله
ويوسف
جدي:-تفضلي يا بنيتي وكان عباره عن ريحة وقميص ابيض طويل وعليه في جنب حرف yوكان معاه سبيدرو اديداس وبومه وخاتم
جدي:-تفضل يا يوسف وكان عباره عن ريحة وقميص اسود نفس متع خوله لكن من جنب عليه Kحرف صغير مش كبير وسبيدرو اديداس وخاتم رجالي
يوسف:-تعيش وتجيب يا جدي
يلي هذا استغرب من حروف صدفه غريبه ونفس لون سبيدروات اما حنينه فا جبت لي خوله اكثر وحده دبش فساتين وقمصان واحذيه وتو دور هشام لما فتح شنطه
هشام:-جبت لي كل واحد فيكم يا شباب قميص وسروال ومعاه ريحة يلا مش خساره فيكم اما البنت فاجبتلكن سنسال كل وحده بحرفها فضه ومعاه حديده بحكم جدي شاري الخواتم وبس
اني:-عقبه مانشرو سبتات عرسك
هشام:-انشاءالله يا سرو قالو سبوع جاي خطوبتك
اني:-ايه ان شاءالله
خوله:-يا خساره سبوع جاي منمشي لي حوش خوالي
اني:-قرايه كيف بتمشي وهما في طرابلس اقعدي احضري بياني وبعدين امشي
خوله:-مال منأخد إذن من مدرسه منمشي وكلا خدوج بتقعد هنا
هشام:-اقعدي البنت شبه ترجا فيك
مرت خالي:-خلاص يا خوله بعد بيان امشي
خوله:-تمام
خشو جدي وحنينه ونساوين وقعدنا احني بنات دائرة و شباب دائرة ثانيه
ايات:-خوله شن بتلبسي في بيان سرو
خوله:-والله ماني عارفه الحق نخمم
اني:-تعالو يوم في سبوع جاي نطبقو مناديل
بنات:-تمام
شباب كانو يهدرزو كل مره في موضوع الا يوسف يلي يبدل في شفرات يفك في متع شباب وعيلة ويحط في متع البنات ويفكر
يوسف في خاطره(خيرني رحت ماعش نقدر نكلم بنت معقول ع قولت محمد قعدت نحب فيها المهبولة خوله ياودي مستحيل كيف تجي اني نحب خوله) ناض من تفكيره لما
رائف:-عندك وحده جديدة يا يوسف ولا
يوسف:-فيه تو منكلمها نشوفها لكن مش ليبيه
هيثم:-اوبه مال شنو
رائف:-بنت بلادك خير
يوسف:-ياودي كذب وحده جديده ليبية
رائف:-اه فوت موضوع خير
خوله كان رامية وذنها معاهم
يوسف:-والله ماني عارف الحق تي باهي تو نكلم. بنت اول وحده كالمتها
هشام:-ع علمي تفهم فيك قوتلي صح حفظاتك حفظ
يوسف:- ايه تعجب فيا انها تفهم ع طاير بمجرد مانكلمها نتريح طول تعرف ع ماكلمت مره اثنين ونفوتها البنت الاهذي
خوله دارت في راسها ان هذي يلي يحبها يوسف
هشام:-باهي شكلا جوك شين اتصل بيها قدمنا خلينا نشوف شن تقول ترا
يوسف:-تمام تعال اطلع برا هنا منكلمش اني
مالك:-نبو نسمعو احني
اني:-ايه اوسيفه نبي نعرف مرت خويا مستقبلية
يوسف:-اني قدام بنات منكلمش
ملاك:-خير تدوي في كلام عيب ملا(ملاك دوتها عفويه ومتندري ع شي لين لقت شبشب في وجها)
يوسف:-هذا كلام أمتعك تبي ولا نزيدك يا عيوني
ملاك:-ملا خلاص كلمها هنا
يوسف:-في اسرار منبيش بنات يسمعوها وأنتن احرف من اطفال الرضع
خوله:-اسرار مع بنت متعرفش اصلها وفصلها من وين ماندري يا ودي مكويست الواحد يقعد تائب لي ربي مش من فرخة لا فرخة زي هشام عاقل تخافي عليه من عين
يوسف:-مدما عجبك هشام مشبط ملبط عليك وثاني شي كل واحد وحريته بتخشي معايا نار شي ومني انتي اصلاً بيش تقارنيني امي ولا بويا اني حتي خواتي معندهنش كلمه معايا
خوله:- كلمه الحق وجاعه يلي يكلم فرخات يقعد فراخ زيهن يا شيخ
يوسف:-لا والله فرخ يلي تدوي عليه يقعد ولد عمتك يا متحضرا
خوله:-وكان ولد عمتي ولا خويا فرخ يقعد فرخ وزي ما لعبت بي بنات يجيك يوم وتلقي بناتك في نص ليل يكلمن دنيا دواره يوم ليك ويوم عليك
يوسف:-شن ليك علاقه بيا ربي يحطنّي في نار بروحي معايا شي انتي شن ليك علاقه رائك خليه ليك
خوله:-عليك دنيا في خواته وبَنَاتِه ميبيش يمسهن ولكن هو يلعب بي بنات عادي هذي فاتورة زي ما بتأخد تعطي ودنيا مفيش شي بي بلاش ومشت لي حوشهم وصرفقت الباب بقوه قوتها
يوسف:-والله حيوانه وماتحشمي باهي غير انك بنت كان هذا قاتلك من زمان وطلع من باب وصرفقة ومشي طول لي سياره
احني مصدومين وعلامات تعجب عند كل واحد شن صار شن في في دقيقه انقلبت حرب في سيارة
يوسف يخبط ع دومان ويسب وسرعة فوق الخيال
يوسف:-اني تقارني فرخة اني يلي بنات ميتات عليا تي والله الانشربك من كاس يلي شربت منه كل بنت وتو تشوفي يا خوله ودرس سياره وقعد ينادي
يوسف:-عمر عمر يا هم انزل نبيك
عمر من شباك:-في حاجة اسمها تالفون
يوسف:-انزل خير ما نركب نفش همومي فيك فهمت
عمر:-دقيقه بس
عمر:-ها نزلت يا يوسف خيرك قريب طير
يوسف:-نبي رقم يلي ماتسمي خوله
عمر:-والله قولت اني كيف اعصاب شيطات تعال قولي خيرك واني نعطيك حل مضمون
يوسف:-بالك تعاود لي حد
عمر:-لا سرك في أمان
يوسف:-،.،)!(£&)):.......وقال كل شي لي عمر..وهذا هو يا عمر ركبتلي سكر عقاب فرخة مواليد 2004 تعطي فيا نصائح
عمر:-من عقلك انتا هناك واحد يحب بنت يدير فيها يلي بديرة بيش تكره جنس ادم
يوسف:-يلي يسمعك يقول منقتلها عبارة عن مكالمه ومنخليها تحب شخصيه ثانيه وبعدين نفك بيها ونسيبها بس
عمر:-وبس درتها قبل في بنت انتا بيش اديرها في بنت خالك
يوسف:-لا منكسر قلب حد لكن خلتني زي عيل صغر قدام بنات وأولاد وتمجد في هشام
عمر:-احني صح انكلمو لكن ماعمرنا نكسرو قلب بنت عكسه عشيه ونفوتها في حالها كل بيش تعلق وحده وتعيشها حب وتفوتها لا رد بالك
يوسف:-باهي شن حل طحت فيها ماليقت ما نحب غير هيا
عمر:-اسمع اني نقولك دير&£@٧£!(£@ فهمت ولاه
يوسف:-افكارك يا كرفت وامي وأهلي وخوالي ولا تسحابها غير نمشي وخلاص
عمر:-احني ندير تأنيب ضمير ليها بس
يوسف:-لكن بحركه زي هذي بتاجل بيان ساره
عمر:-بعد بيان ديرها نقولو لي محمد وهيثم وعلي وايوب ورائف تي والله تطلع اطلع طول احتمل تجيك وتقولك سمحني
يوسف:-تم خلاصــ تم باهي هات رقمها
عمر:-اللهم اني برأت وجهي منك جيهه الرقم هاك
يوسف:-مرت تقعد مسجله رقمي خاليني نكلمها بشفرة ثانية
عمر:-نقعد جنبك ولا نمشي خطه منبدو فيها من تو
يوسف:-ايه تو اهو يضرب
طووووووط طووووووط طووووووط
خوله:-الو من معايا
يوسف غير صوته:-مش هذا رقم خوله
خوله:-اتفضل يا خويا تبي حاجة
يوسف:-ولد عمتك ولاه يوسف
خوله:-خيرا فيه شي ولا شنو(كان صوتها فيه خوف لعند يوسف استغراب)
يوسف:-هما أسبوعين وتلقوه مقتول خبري عيلته اه
خوله:-وخيرك ماتكلمهم انتا عليته واني شن داخلني فيه
يوسف:-مال رقمك هو يلي طاح في يدي بعد بيان اخته منقتولوه وسكر
عمر:-دير حظر لي راقمها وسكر تلفونك وتو امشي شوف خوالك ودير جو انك انتا الغالط واقعدو صحاب هكي اتجي خطه مضمونه
يوسف:-تمام تو بسلامه
طلع يوسف
في حوش خوالي وبعد تالفون يلي جي لي خوله
خوله:-بيقتلوه يا ماما لمن منقول يا ناري قويه تو اكيدة كان شافوه بروحه يقتلوه خليني ننزل ونقول لي سارة
نزلت خوله وجت لي ساره
خوله:-ساره تعالي اسمعي مكالمه جتني تو
اني:-ترا هاتي
ملاك:-حتي اني نبي نسمع
قعدنا نسمعو فتحنا عيونا من صدمه بعد سمع تسيجل المكالمة
اني:-اسمعو خاليني نجرب يوسف وبعدين قولو لي اولاد كان هذا
بنات:-تمام كلمية ترا
اني:-الرقم المطلوب مقفل اشبح وين طار
وخش علينا عمك يوسف
يوسف:-هيثم ومهند ورائف نبيكم في موضوع
هشام:-واني
يوسف:-بالك تفلت بيا يا خويا وتبيعني
خوله:-يوسف
يوسف كشخ عليها:- اني فرخ وانتي متهدرزيش مع فروخ وطلع
طلعو وره وقاللهم ع خطه وكلهم وافقو وخاشو اني:-رائف في رقم مكلم خوله تَر دير بي كاشف
رائف:-رقم شن
اني:-والله رقم سياره رقم تلفون رقم شنو يعني
ملاك:-اسمعو المكالمة ياماما حسني خوفت
مهند:-ترا افتحي
فتحنا طبعاً يوسف منزل راسه ومداير جو ان حامق ومنى يهدد فيه
مهند:-يوسف انحنطوك في حوش
يوسف:-اني يومين جايات عندي مشيه لي بحر تمشو يا ولاد
اني:-واحد يهدد وتمشي لي بحر
يوسف:-تعرفي تسكتي ولا انجي نغير معالم وجهك
اني:-ها🙊
رائف:-هيا قولي لي امي تتطلع منروحو ره
ملاك:-تو نمشي اني
اني:-خوخه ابعتيلي تسجيل نسمعه غدوه في حوش جدي
خوله كرتني:-ديري حل صح الإعمار بيد الله لكن والله خايفه عليه عادي ميحبنيش اهم شي يكون قدام عيوني
اني:-تموم يا حبي ان شاءالله متخافيش
مهند:-ساعه زفت الأحرف هيا
اني:-اطلعو ها وراكم احني
ماما:-رجيني يا مهند منروح معاك فكني منا فرخ الطائش يوسف هو يلي بيسوق سياره رائف ولاه
يوسف:-غير لا يا حويجة اني نبيك تركبي معايا بيش في دقيقه تكون في حوش
ماما:-هيا اطلعو حسني تعابه هيا
رائف:-بسلامه شباب
طلعنا روحنا ويوم سبت فات ملل في حوش ماما قالت مافيش ماشي لي حوش جدك اقرو
وفات سبت وفات الاحد واثنين عادي جدا من ثانويه لي حوش من حوش لا ثانوية
اني:-عليك هم كلا ها قرايه قالولك ديكارت وهم احرف عقاب كفار شن داخلي بيهم شن قالو😢
ملاك:-قالك يوسف وتي روحك منمشو لي سوق بيش تشري كفطان
اني من فرحة رميت كتاب جي ع ملاك:-الله اكبر هيا دقيقه
ملاك:-حماره راسي
اني:-ميمي شن رائك نشوفو خوله تمشي معانا لي سوق
ملاك:-وليش خوله بدات
اني:-قبل بتمشي لي خوالها واحني فسدنا عليها هذا بيش وثاني شي بنات عمك وخوالك يخافو من يوسف مفيش حد بيمشي معاه لي ان بيجري
ملاك:-تمام اتصلي بيها
اني:-اوكي
كلمت خوله وقالت باهي و وتينا روحنا ولبسنا
اني عباية واسعه ومعاه وشاح بودري وكندرا بودريه وشنطه وطلعت اما ملاك فا لبست بالطو ازرق طويل ومعاه كندرا كريمية وشنطه وشاح ليكر نفس لون تقريبا
يوسف:-يا فرخات مزال قالك ديرخير وطلعهن اخر مره
اني:-اوسيفه ارفعنا لي حوش خوالي بتمشي معانا خوله
يوسف:-شنووووو حفيلة هيا سيارة بالك ترفعي حتي بنات جيران وخلاص
ملاك:-كان سياره تحمل نقوللهم عادي ره
يوسف:-اطلعي اطلعي اطلعي
يوسف كان لابس سروال ازرق امريكاني جاكيت لونها سودة فيها خط ابيض ومعاها سبيدرو اديداس ابيض
مشينا جبنا خوله
اني:- ملاك شوفي خوخة (بصوت واطي)
ملاك:-😯........
______________________________________
يتبع