حوش جدي **13**👴
جدي:-سبوع جاي خطوبة ساره ويوسف
ايوب:-بويا نبي نخطب حتي اني
جدي:-من هيا طيحه سعد يلي بتاخدك
حنينه:-اني يلي بتأخدي ولدي ساعدها قوي
جدي:-شوق من هيا قول
ايوب:-ساره قاتلي ع بنت نبي نخطبها
اني:-اني لا إله الاالله
ايوب:-كان منكيش مصدقه شباب شاهدين عليك😒
رائف:-ايه جدي
اني:-جدي بنيه مخطوبه
ايوب:-طروح جدي ميمشنش عليا
اني:-يخطبها ولد عمها
ايوب:-اني نبيها
بابا:-زيد اقوا عليهم
عمي:-زمان بويا يقوللنا شنو اولاد تزوجو نتحشمو مش انتا نبيها
جدي:-بنت منو هذي
ايوب:-لاحياه في دين
حنينه:-ومن لاحياه له لا دين له
جدي:-نفكر وبعدين نقولك كان نبي نخطبلك او لا
اني:-مسحت ع كبدي يا جدو
ايوب:-باه بعد يتم سبوع رد عليا تمام
قاعدنا نهدرزو وفات الجو وروحنا وفات يوم سبت عادي في حوش وجي يوم احد
درنا تحليل اني وملاك وطلع فقر دم عندنا
اني دمي 6 وملاك 7
(كلام هذا كلا في شهر4 قبل امتحانات فتره ثانيه واني نقراء ثالثه ادبي اني وفطومة وميسم وهاله نفس ثانويه وسجي وملاك اولي ثانوي اما ولاء فا ثانيه علمي📒)
في صبح
بابا:-بناتي سمحات نوضن
اني:-نبي نرقد يا بابا
ملاك:-ايه بابا نبو نرقدو
بابا:-نوووووووضي انتي وياه
اني جيت واقفه:-والله نوضت الله
ملاك:-حتي اني
بابا:-تمام نمشي نشوف الباقي
اني:-نهارجديد نشوفو وجه الابلات
ملاك:-وندير مقالب في ثانويه
اني:-ههههه
بابا نوض خوتي ساعه 7:00 كنّا مقعمزين ع سفره فطرنا
رائف:-دور منو اليوم في توصيل😑
اني:-يا اما علي او عمر
رائف:-كلمهم
يوسف خويا:-تبو حفله وَيلا تحملكن
رائف:-كم واحده انتن
اني:-اني وملاك وهاله وسجي ،ولاءبس
كلمهم يوسف ولد عمي
يوسف:-هيا قولو لي بنات يطلعن اني برا ره
رائف:-غير قول صباح الخير
يوسف ولدعمي:-شكلها شمس فرحنه نسحبه دور واحد من اولاد طلع دوري عليك قصه
رائف:-تمام هي تو يطلعن
اني:-بسلامه
وطلعنا لقينهن كلهن قعداتات
ولاء:-صباحو
اني:-صباح سكر يا لولي صباح خير بنات
يوسف:-واني رجل كرسي ولا شنو
اني:-صباح حب ع حبيبي
بنات:-اوووو هههه
وصلنا ونزلنا حصلنا جو مش زي باقي الايام درنا مقالب في ابلات
اني:-ياأبلة بطني
هاله:-نرفعها لي مسعيفه يا ابله
ابله:-ساره شن يوجع فيك
اني:-مش عارفه بطني(طبعاً هذا مقلب)
ابله:-يا حواء امشي نادي مسعف
هاله:-ياابله مش كانت مرا
ابله:-حولوها جابو شاب
اني:-يا عار يا فضيحة ندوي فيها بصوت واطي لكن هاله وميسم وفطومة يسمعن فيا
اني:-بنات دبرو حل والله يوسف يحمق بعدين الله
هاله:-شكلها راحت تمام ابله شوفتيها سكتت
اني:-ايه ابله حمدالله خير من قبل
ميسم:-هييي في دبور في فصل يا ماما
اني:-اوك عليا وينه
ميسم:-غادي
نشوفه ونسكها عيطه كلنا طلعنا يا كبادي دبور عاد
وطلعنا كلنا وهاله لما جت بتطلع تخبط في شاب متع إسعافات.
هاله:-اعمي انتا
شاب:-باين منو الاعمي
هاله:-رزيل وقلبت عيونها
اني:-اوووو
ميسم:- شن صار فرخة هاله
فطومه:-معقولة تعاركي مع طرف
هاله:-هه طرف شنو
شاب:- عفواً وين مريضه وقالب عيونه
هاله:-مش احني يلي تقلب عيونك علينا فهمت
كان مش فاهم عادي عندي شباب يفهموك
اني:-فرخة هالة يلي تدوي عليهم يركوك طريحة لي انك تدوي لي شاب
هاله:-حقير
(من الاخير هاله طريتلها منه كيف شاب يقلب عيونه عليها)
شاب:-من المريضه؟؟!
اني:-اوووف وحده منكن تدوي حاجة
فطومه:-🌝مفيش حد
ابله:-خلاص امشي يا أستاذ
شاب دار حركة لي هاله كشخ عليها وحرك حاجبه بطريقه بانت هاله شينه وهز بي راسه ومشي
هاله:-اطلقوني عليه والله نقتله حقير تافه
خزي عليك يا خساره شوراب يلي فوق فمك
اني:-خلاص خودي أكسجين وطلع ثاني أكسيد كربون
ميسم:-ههههه
اني:-ماعش تضحكي يا مرت عمي
فطومه:-هه واحد ع ثمره وثاني ع جمره
فات الوقت وهاله تضحك عادي لكن مدايره موال في دمغها جانا اسامه مروح من كليه
هاله:-اسامه في ولد عكسني أمشي وريه
اسامه:-منو؟؟!
هاله اشرت:-شوفته هذاكا هو
اني وسجي ولاء:-ولعت
نزل اسامه متع كيف تعاكس في بنت
شاب كان عاطي بي قفه
اسامه:-انتا يا متعلم اقلب ع وراك
ويقلب ويطلع صاحب علي ويوسف ولدعمي ورائف
اسامه:-منو عزووووو معقوله تعاكس بنت متوقعتهاش منك
عزيز:-اين بنت يا اسامه وقعد يحك في شعره
اسامه:-نساحبك تمشي من حيط لا حيط وتقول ستره ياربي طلعت مانك ساهل علموك ولا شنو
عزيز:-شن تخرف
اسامه اشر ع هاله:-تعاكس في بنت عمتي
عزيز:-ههههههه والله ضحكتني وماخطري في ضحك بالك واحد ثاني مش اني غير هيا مشبه وغمز لي هاله
اسامه:-تمام انتلقو ع خير بسلامه
(في سياره...
اني:- حي عليك طلع يعرف اسامه
هاله:-غير متقوليهاش
سجي:-حيييي غمزلك
ولاء:-هيييي هذا صاحب يوسف شن يدير هنا
اسامه جانا في سياره وقعمز:-متأكده هو يلي عاكس يا هاله
هاله:-لا شكلي تلخبطت
اسامه:-طيب فيا طلع معرفه كان هذا ماصار طيب
اني:-كيف منو يعرف
اسامه:-يعرف يوسف وايوب وعلي ورائف صحاب ووواجد هما الاربعه كان تلقو
هاله:-ايه باهي ربي يدوم صحبه
اسامه:-شنو بتجو اليوم لي حوش جدي
اني:-كلا وكلا وكلا
اسامه:-ليش؟؟!
اني:-بنسبه ليا امتحانات مرات نمشي لي علي يفهمني في إنجليزي
هاله:-لا اليوم بنجو في حوش خوالي لكن بعد المغرب
اني:-تموم انتلقو
رواحنا تغدينا ورقدنا وإذن العصرصاليت وميشت نواتي في روحي حطيت في شنطه متع كتفين كتاب أنجليز وكتاب إحصاء ونحوومعها قلم وكراسه
وطلعت اني وملاك مع اذان المغرب وصلنا لقيناهم معكسين قدام حوش
اني:-سلام عليكم ورحمه الله وبركاته
الشباب:-وعليكم السلام من وين لاوين رحتي شيخة
اني:-هههه عوزاكو في خدمه
ايوب:-اضرب تبي مصلحة
اني:-ياااااس
اسامه:-قولي بنت عمي
اني:-تسلم نبي علي يفهمني في إنجليزي ونبي واحد احصاء واحد نحو
علي:-تم تو نجي بعد المغرب نفهمك
يوسف ولد عمي:-اني تو نجيك في احصاء
ايوب:-كان تبيني في نحو نشوف الكتاب هو اول
محمد ولد عمتي:-كتابكم متع نحو يدوخ
مش عارفه كيف مدايره معاه
اني:-ايه صعب شويه ومعايا هاله
شدا:-اسمعي سار حتي اني جبتلك كتاب علوم بيش تفهمني في حاجات
(صح 2003 لكن خاشه قبل عمرها)
اني:-تموم
ومشيت داخل حد عماتي
روحو بعد المغرب جاني علي
علي:-هيا
اني:-هي رواهو قاعدتين بس
علي:-تمام
بدا عمك علي يبرطم بي إنكليزي واني نقولا شنوعاود قاعدنا ساعة كامله واحني غير نترجمو ونفهم
بعدين جيت شدا
شدا:-اسمعي ساره خودي راحه وبدئ فيا غدوه عندي امتحان باهي بالله عليك
اني:-تمام امشي جيب الكتاب
هذا كلا قدام الأولاد
بعدين مشت جابت الكتاب وطلع متع سمستر الاول الباب الثاني نهايته وثالث
قعدت نفهم فيا في ثاني والأولاد يسمعو لعند وصلت في باب الثالث
اني:-شدا حبي خلينا نخشو داخل عيت برا باهي
ايوب:-اقعدي عادي مفيش حد دار دوشه واحني قعدين نصححو ليك
اني:-😒غير كلمه نصححو ليك جبتلي السكرهيا شدا نوضي
شدا:-ايه عادي خلينا هنا برا رواح لكن داخل حمو
اني:-والله وفتحت ع صفحة وسكرت الكتاب ومقصد نبيها تقول نخشو داخل
شدي:-ايه خلاص منخشو
ويوسف ولد عمي شاف الصفحات:-ايه خلوها تخش بالك منهج مش كويس عليك
اني:-ابتسامه روسمت من ضرس الاول لعند الاخير ونوضت اني وشدا
كلهم ناضو يضحكو
رائف:-الحشم بعتوه رسمي
يوسف ولد عمي:-سيوله يا برو
عمر:-وين الا عندا سيوله
علي:-حتي في حوش نمشوله
المهم ماعلينا فهمتها وكل شي وتم موضوع علوم طلعت برا
اني:-شدا كان تبي نديرلك امتحان جيب كراسة و تعالي
ايوب:-انشاءالله غير فهمت بس
اني:-فهمت وخيرها متفهمش
شدا:-هاك كراسه
اني:-ابلتك نظمها صح وخطأ ولا مقالي
شدي:-لا عادي شكلي زي ماتبي
يوسف ولد عمي:-يعني من كل بستان زهرة
شدا:-صح هذا نظمها
اني:-شن رائك دير انتا وخلاص
يوسف:-عادي وليش لا
فتحت الكتاب وعطيتهم هما بالقفه وقعدت ندير في اسئله
يوسف خويا:-تي لا هذي صح او خطاء تجي يا ساره
اني:-مشاءالله ع عيونك اني مدرقه الكتاب عليكم قصداً وانتا تشوف من غادي
ايوب:-ماله الغبي طول عمره غبي الكتاب عاكس ع شباك
اني:-شدا نوضي سكري شباك متع دار
سكرنها وكملنا بخير ونجاح
محمد ولدعمي:-بما انك تحبي العلوم عندي خو صاحبي مش فاهم حاجات عادي تشرحيله
اني:-بسلامه عقلك كان ثالثه اعدادي ولاه خاليه يقعد في حوشهم
ايوب:-وليش؟؟!
اني:-تي يقعد شنابات وصوت يرعش ولا يقعد أطوال مني مرات يا امي لالالا هذامش ليا كان في بنت عادي
يوسف ولدعمي:-شفتو حبيبتي عاقلة
رائف:-شوق عقل
خش عمر من باب
عمر:-سلام عليكم
اني:-وعليكم سلام هلا
عمر جي طول قعمز جنب شدا
كلهم يبركو في يبي بيصير
عمر:-وووواك كان تعيو من حاجة اسمها قرايه يا ساره ترا خانشوف الكتاب ترا
اني:-شنوووو😑
عمر كَر الكتاب وبد يتصفح عاد من اول
اسامه بينقد الوضع دروحه:-عمر تالفونك يضرب
عمر:-لالا مش هنا تلفوني طلعت ناسيه في حوش
ايوب:-تو انتا صغير شي يوزعو فيك ميبوكش تقراء امه الكتاب
عمر:-والله لكن مافيشي شي ليش
يوسف ولد عمي:-غير تعال يا عموره حتي من اسامه طلع فاهم اكثر منك في أمور هذينا
أسامه:-لارسمي شكلا مش فاهم شي
عمر:-شن تخرطو انتم😟
رائف:-اطلق الكتاب وتعال
عمر:-وليش؟؟؟!بنشوف ساره شن تقراء في ادبي عيب ولا حرام
يوسف ولد عمي:-تي بنت وجه تقشر قدامك وانتا شي غير جيب الهم هنا
عمر:-فهموني قولي ليش؟؟!
ايوب:-راسه معابي تبن كلا هذا
محمد ولد عمي:-شوف الباب الثلاث تو تفهم يا غبي (بي كحلها جي عمها)
ايوب:-اخرط
عمر:-غير راجو شويه بس
وقلب الكتاب
عمر:-متع ثالثه اعدادي شن يدير عندك يا ساره
اني:-متع شدا هذا
عمر:-اها باهي انشاءالله بتوفيق وناض مشي جنب ايوب
ايوب:-غبي
عمر:-تي باهي يا راجل انتم دوتكم فيها الغاز شن تبيني ندير اه
رائف:-والله مال كان فاهم دوتنا كان هذا طول جيت جنب واحد منا مش منطر غادي لتقول ميت
عمر:-به فوتو امه سيره هذي
مهند:-استحيت ابن عمي
رائف:-ههههه جبتها ع وتر الحساس يا مهند
عمر:-اوووف بنات قعدات تحشمو خير مانطلع فضائحكم ره
كلهم:-فضايح شنو
اني:-ايه قول عموره والله اني نفهمك اهم شي قول
عمر:-فهم شنو فاهم كل شي اني ره
ايوب:-اطلع حرف نوريك
عمر:-تمام معاش تضحكو عليا اني نفهكم كل شي مش انتم تضحكو خزي😏
يوسف ولدعمي:-تعالي سرو نفهمك في احصاء
اني:-هيا جيتك
فات الوقت وكل شي تمام وروحنا وجي ثاني يوم(الاثنين)
رفعنا رائف خويا
وصلنا نزلنا وكل شي تمام وجونا سمح لعند جانا مسعف(عزيز صاحب رائف وايوب....)
عزيز:-احمم ياابله نبي مجموعه من طالبات ينظفن الثانوية
ابله:-قالتلك الاداره ولا منك ليك
عزيز:-ايه الاداره هيا يلي قالت
ابله:-خلاص تمام صفه وسطيه اطلعن انتن
اني:-يا ابله عند حساسيه من غبره ودرت سمايل حزين
ابله:-لا عقاب ليك هذا اطلعي وثاني شي ماقلتش امك ان عندك حساسيه
هاله:-لما نقعدو بنقلا نجو نظفو
ابله:-وانتي اول وحده اطلعي
طلعنا كل وحده تقول في كلمه
هاله:-كل من وجه شؤم مسعف نبي بنات ينظفن الثانوية(وقعدت تقلد في صوته)
احني كلنا متجمدات لي ان كان وراها
هاله:-ياربي نشوف فيه يوم
عزيز طبس راسه:-انتي اخت علي ولا رائف ولا عمر ولا يوسف وخالك ولا عمك ايوب
هاله رعشت:-مليكش علاقه
عزيز:-لا كيف اني نعاكس في بنات الناس
ضروري نعرف
هاله:-منيش قايله واعلا مافي خيلك اركبه
عزيز:-غيرلا شكلك اخت رائف
اني كريت هاله ومشينا
ميسم:-ادخلي روحك في مشاكل
هاله:-زعما يقول لي شباب
فطومة:-ميقدرش
اني:-كيف؟!
هاله:- وكان دار اني نعرفش حد وجه برئ
من كل شي
مشينا خدينا مكنسه وقعدنا نمسحو بعدين فات وقت ورحنا وع أساس الشباب يجيو لي مربوعة متع حوشنا ضمينها وكل شي كان تمام
لعند هاله لما جت مش تسيق في حمام يلي برا
ويخشو ضني عمتي وعمي وصحاب رائف وشباب جيران واحد منهم(((عزيز))) وهاله كان منظرها نوعاً ما مضحك
هيا تسيق وفي ذنها سمعات حولت سمعات من هنا وتسمع في رائف
رائف:-خشو حوش حوشكم لي مربوعة مفيش حد
عزيز:-رائف نبي حمام ب الله عليك يدي تبزعت عليها قهوه
رائف:-مالك تعال وري حمام لي عزيز
هاله تسمع ومش مصدقه ومتسحباش هو نفسه متع إسعافات فا عقلت ورا باب
خش عزيز لي حمام يغسل في يديه ويسمع زي صوت في خاطره((زعما مسكون الحمام ولا شنو)
وهيا هاله كانت تقراء في معوذات
عزيز(صوت ورا باب تَر خاليني نشوف شن منخسرشي اني)
وامشي ورا باب هاله لما سمعت صوت يقرب طبست طول وطاح تلفون ع لوطا
كَر عزيز الباب وهاله تطلع تجري وحطه المنشف فوق رأسها ونست تالفونها
~~✨
(لما طاح تلفون هاله وحياتها بدت تنقلب✨
شوي مع شوي حا تغير بكل💜)
~~✨
عزيز:-قل اعوذ برب الفلق فريري البنت زعما منو؟!اوبه نست تلفونها رفعه وكان مفتوح ومزال مسكرش
عزيز خليني نشوف صور بالك تطلع نفس بنت وفتح لقي صورتها في وهيا بي محرمه متع ثانويه وطول طلع
عزيز:-والله طحتي بيدك ورجليك
حط ع ارقام سجل رقمها وسكر يلي خش عليهن وطلع من حمام
عزيز:-ايوب هذا تلفون منو لقيته في حمام ولا ناخده
محمد ولد عمتي:-هذا تلفون هاله بنت خالتي تعال بر خلينا نديرو مقلب فيها
عزيز:-غالي وطلب رخيص لكن اخت منو عمر معانها
محمد:-ايه اخت عمر
عزيز:-تمام هيا اطلع قدام مربوعة وندير مقلب
محمد دار رقمي وكلمني
اني:-هلا حمود
محمد:-تي وين تالفون فرخه هاله نجرب فيها وتسكر عليا
اني:-هاله وين تالفونك
هاله:-وينه حيييي عليا نسيته في حمام متع رجاله يلي برا
اني:-سمعتها ولاه
محمد:-تي اني في حمام تو مافيش شي
هاله:-تلفوني دبرو عطه كسر يلي مسّه انشاءالله ميتهنه
عزيز حط يديه ويقول انشاءالله لا
محمد:-خلاص سكري كلمي تلفون هاله تو نشوفه ديما واحني مشاكل من وراكم
اني:-تموم سلام
هاله خدت تلفوني بدت تجرب فأرد عليها عزيز مداير سبيكرو وغير صوته عزيز
هاله:-انشاءالله كسره قول امين يا سراق تفو عليك
محمد من ضحك لعند قعمز
عزيز:-والله عجبني تلفون قولت ناخده لكن ع فكره عجبوني صورك يوم وتلقيهن في فيس
هاله:-انشا الله موت والله كان درتها الا حقير تافه اصلاً نماذج الا زيك مش متربيه حسبي الله وقص عليها
عزيز:-لاه لاه معقوله تحسبي عليا
هاله:-اسمع كان راجل خليك ع خط تمام
عزيز:-راجل وليك شرف تحكي معايا
هاله نادت عمر وخده
عمر:-تفضل يا خوي
عزيز تخزرط:-انتا يلي تفضل
عمر:-تلفون اختي شن يدير عندك
عزيز:-والله متحشم نقولك الحق
محمد يهمسله:-متلعبش معاه والله يقتلها الله
عزيز:-تبي تلفون اختك انتا
عمر:-ايه نبيه مال شنو
عزيز:-خلاص انتلقو قدام حوش خالك
عمر:-تمام نشوفك ونتفاهمو
طلع عمر ماهو شايف شي
عمر:-عزو شفت فرخ فائت من هنا واخدين تلفون اختي
عزيز طلع تلفون:- هذا ولا
عمر:-كيف صار
عزيز كَر محمد:-قالي ندير مقلب
محمد:-تو معقوله تصدق تي هيا ماعقبت كلمه الادوتها عليه ماعقبت دعي الاوقالته مش بتمشي مع ولد لي حوش والله يختش مسكين
عزيز:-خلاص مش ضروري تقول لي اختك مقلب وخليها قرصة وذن ليها عشان ماعش تنسي تلفونها في حمام
عمر:-لا خلاص تمام
خش عمر
عمر:-انتفاهمو في حوش
وطلع
هاله:-اوك عليا شن دير يا ناري ناري الله ذنوبه عبدالٓله منه الله لاتسامحة
اني:-خلاص تمام باتي
سجي:-غدو ع مهند يرفعنا صح حتي اني منبات
ولاء:-ايه خلاص حتي اني نقعد هنا
فات العشي وغسلنا المواعين وتم كل شي بخير وسلام احني طلعنا بر.
رائف:-عطيكن الصحة قمتن القدر من الاخير
يوسف ولدعمي:-عطيك صحه يا حبي
اني:-سلمك
عمر:-هيا هاله
هاله:- منبات
علي:-هيا يا سجي
سجي:-متوحشه مهند منبات
ايوب فك شبشب:-احترمي ها شوراب فوق فمي راني خالك متوحشه مهند(وقعد يقلد فيها)توحشك العافيه انشاءالله
مهند:-اووووي كل شي الا كبيدتي ايويه خطوط حمر❌
ايوب:-يالطيف
محمدولدعمي :-هيا ولاء ولا انتي متوحشه حوشهم وبتابتي
ولاء:-قولنا غدوه دور مهند منباتو
يوسف ولد عمي:-خلاص حتي اني متوحش حبيبتي منسهر
ايوب:-اني حوش خويا منبات قعدلكم في نص حوش نشوف اثنين مع بعضهم مندير العار
اني:-سمعته يا حبي
اسامه:-اني بسلام هما يهدرزو مع بعضهم ويضحكو واني نمص في ليم نقعد
محمد ولد عمتي:-خودني معاك تعال
مالك:-غير باتو
محمد:-تعال انتا معانا
مالك:-زعما باهي راجو نجيب دبشي
روحو محمد ولدعمتي واسامه وعمر وعلي ومالك مشي مع محمد وقعدنا احني
💙في القلب كانت جذوره أعمق من أن تقتلع .. إلا إذا اقتلع القلب نفسه💙
{سجي:-تَر خلينا نشوف فونك حبي
مهند:-خودي يا عمري
سجي:- منو سمح يلي في صوره
مهند:-تَرا خانشوف هذا اني
سجي:-زعما نكملو مع بعض دون مشاكل
مهند:-اني مستحيلا نسيبك كانش موتت
سجي:-بعيد سو
مهند:- حبيبتي سمحة في شنو تفكر
سجي:-نفكر فيك.}
💛فماذا أقول ؟! وقد صرتِ بعضي ، أراكِ بقلبي .. جميعَ البشر💛
(اني:-حبيبي امتي تكمل طب
يوسف:-سنه جايه تخرج
اني:-يعني حبيبي ورجلي دكتور
يوسف:-واني حياتي شن بتطلع
اني:-علم نفس
يوسف:-حبيبتي بتقعد مهبولة)
💜هناك مصاص دماء لطيف نتغزل به جميعا وندين له بالولاء اسمه : الحب💜
<ملاك:-عيوني احميده قاعد تكلم في بنات
محمد:-لالا يلي عندا قمر يبدله هو يا روحي
ملاك:-نجيلي الطرف اني
محمد:-الطرف يبي بووسه من خَدَك
ملاك:-حبيبي صايع اني
محمد:-يا ربي خليها ليا)
ولاء وهاله ويوسف خويا وايوب ورائف كان يهدرزو كل مره في موضوع لعند ضرب تلفون هاله لكن رنه وسكر فامدورتش
💗الناس ثلاثة: فمنهم مثل الغذاء لابد منه على كل حال😍 .. ومنهم كالدواء يحتاج اليه في حال المرض😇 .. ومنهم كالداء مكروه على كل حال💗.......😣
______________________________________
يتبع🙊