الحلقة الاولى
تغريد ( نهضت المذكرات الاثنين بدون ماتتكلم ومشت)
معاذ : هيي وين ماشيه بمذكراتك
تغريد ( ماعبراته وكملت طريقها وطلعت برى من الحوش ومشت للحوازه ووقفت تحت شجرة يلي ضربها فيها فواز لما سمعها تكلم ف انس قعمزت وحفره حفرة وولعت نار بسيطه وشافتها لين ولعت بعدها حذفت مذكراتها الاثنين يلي فيهم كل ذكرياتها من 2006 الي اليوم كل شي كانت تكتبه كل حدث تمر بيه تكتبه ذكرايتها وطفولتها وكل شي هنا مكتوب انس رضا واشياء كثيره كانت تشوفها تحترق وهي تبتسم بالم خلاص الماضي مستحيل يرجع وهي للغد وللمستقبل لكن ماشي يكسرها نهائيا رضا وانس خاطبين وقريبا اعراسهم وهي تنتظر نصيبها يجي وتعيش معاه اخر مابقالها من عمرها
..
[[كن بخير لا يهمني البعد سنلتقي يوما فالحياة صدفه ..
والدنيا ..صغيرة]]
هذا ماكانت تردده دائما الا الان 🌹
..
هذه الحقيقه وماحدث عشقت شخص والنصيب فرق بينهم عشقها شخص والنصيب فرق بينهم
فلا يغرك شيء فالنصيب اعلى من اي شيء
وقضاء لله وقدره لا هروب منه
السعادة لا تكون #بالحب فقط...
السعادة أن تجد من يفهمك ب كل شي..
السعادة مثل #الفراشة إن لاحقتها هربت منك!!..
وإن جلست بهدوء نزلت على يدك..
السعادة توجد في مكانين..
#قلب قانع بالعطاء و #مطمئنة بالقضاء..
..
النـــــهايـة
مع تحياتي
الكـ✎ـاتبة وميـض اللـيــل💕
..
ابتسمت بألم ومسحت دمعه متمرده وعدت نفسها ماتبكي بس قراءتها لتفاصيل حياتها خلاها غصب تبكي اليوم كان اخر يوم ف رمضان واخر يوم ف روايتها يلي كتبتها صديقتها وميض
..
ﻟـذگـريــات ﻫـي ؛ أنـيـن طـفل ﻭَحـگـايـة مسـن ﻭمـاضـي ﻣـؤلـﻢ ﻭمسـتقبل ﻣـخيف ﻫـي ﺑـإخـتصـار #بعـثـرة_ﻣـشـاعــر💔
تغريد " ببتسامه دابله: انتهت الرواية وانتهى كل شيء معاها رح نبدأ من جديد ومش رح نخلي شي من الماضي عالق بذاكرتي ابداا "رن نقالها وكانت المتصله صديقتها [وميض ..او وئام كيف ماكانت شخصيتها ف الرواية] ردت : ماكنت متوقعه ان قصتي رح ثأثر ف الناس .. لما قررت اني نحكيهالك كنت بس حابه نفضفض عن مافي داخلي .. ولما انتي قررتي تنشريها انا قلت مستحيل رح تعجب اكثر من 5 اشخاص .. حتى تعليقات المتابعين تصدمني احيانا نحس كأنهم عايشين نفس احساسي .. حلوو لما تشعري ان كل الناس متعاطفه معاك .."بحزن: نحس ف غصه بعد انتهت كنت مستمتعه وانا نراجع ف ذكرياتي خطوة بخطوة معاك .. انتهت الرواية وانتهى كل شي كان حلو ومر ومؤلم
وميض: كانت الحلقه الاخيره متعبه مش جسديا بل نفسيا عشت معاك تفاصيل حياتك وكاني انا البطله او وكأني انا تغريد واريام وخلود وحتى الشباب كلما نكتب عليكم كاني نكتب ع نفسي .. نثاثر بثأثيركم نحزن لحزنكم ونفرح لفرحكم .. ان شاء لله ايامك كلها تكون سعاده وتنسي يلي فات
تغريد: امييين..... وميض "نزلوا دموعها : تعبانه ولله تعبانه وخاااايفه من المستقبل كيف بيكون خااأايفه من غدوة كيف بنقابل رضا .. خااايفه نكون ظلمته خااايفه انه الان يدعي عليا لاني تركته .. خاايفه من كل شيء ولله خاايفه "بدت تبكي وتحكي عن احساسها كانت حابه تفضفض عن مافي داخلها .. تركتها تحكي وتبكي وتقول ماتبي .. تركتها وماكنت نشاركها غير بدموع غصب عني تنزل وتنهدات حسره وألم ع مامضى من حياتها .. قعدنا لساعه 11 الصبح وهي تحكي وانا نبكي .. بعد ما ارتاحت تركتها ترقد لان اليوم اخر يوم ف رمضان ولازم تترك البكاء والحزن وتنسى يلي فات وتدعي لربي تكون ايامها كلها سعاده .. "
..
..
اليوم عيد الفطر
عيد السعاده وعيد الفرح .. اغلب الناس ف هذا اليوم ترتسم الابتسامه ع وجوههم .. يسامح بعضهم بعضا .. عيد فرحه لصغار والكبار
ولكن هناك قلوب بذكر هذا اليوم تحزن 💔 فمنهم المسافر المتغرب عن دياره واهله💔 ومنهم المريض الذي لا يستطيع ان يسعد ف هذا اليوم💔 ومنهم الفقير الذي لا يملك مايلبسه لاطفاله لاسعادهم💔 ومنهم من له شخص تحت الثراب دفن ولن يشاركهم هذا اليوم💔
معاذ " بعصبيه: بسررررررعه بسررررعه بتفوووتني صلاة العيييد وانت مقعمزه ع هالنقال تو نكسره ع راسك
تغريد" حطت النقال وهي تتأفف: مش قلتلك من امس هات نحددهالك [نكويها]
معاذ: نبيها وقتي تتحدد ونلبسها
تغريد "خدت منه سوريته وحددتها وعطتهاله .. بعدها ضمت الحوش ولبست وطلعت هي وامها لحوش جدها لان الكل بيجتمعوا غادي ويقضوا يوم العيد مع بعض .. "
بعد ماروحوا الرجال من صلاة العيد دخلوا كلهم يعيدو
البنات[تغريد وجنان وخلود واريام وراما و روان والامعه ] كانوا ف دار بروحهم
خلود: تو بالله ياغروده احنا شن قعمزنا مع هالمتزوجات كان قعمزنا مع جدتي وامهاتنا راه عيدنا ع الكل
تغريد: ع من تبي تعيدي بالزبط
خلود: ع عمامي
تغريد: ههه عمامك ولا واشين عمامك
اريام: هييي انت راك تنسى راك مخطوووبه بعدين اولاد عمامك متزوجيييين كلللللهم
خلود: يماااا الحزاره [غيورة] اصلا كان سلمت الا ع راااجلك مش مسلمه
السلام عليكم
تغريد: ههههه ابن الحلال عن ذكره بيباان
فواز: هههه بيبان ولا رواشن
الكل : ههههههه
تغريد: اوف ضروري تعلق وتخليهم يضحكو عليا
فواز" لف ع ثلاثه طلعوا من البنات طلعوا: من يلي هربوا
خلود: مرت مصعب ومرت صهيب ومرت خوك
اريام" بغيره: وانت شن تخش هكا مش عارف معانا نسون
فواز" غمزلها: مانشوفش ف غيرك
تغريد" بتبرد: تشوف فيا انا ولا تسمع بس ف صوتي
فواز: نسمع ونشوف كويس غير نساير فيها
اريام" بغيض: فوااااز
فواز: ههههه
تغريد" قربت منه: غير عيد علينا قبل "مدت ايدها: كل عام وانت بخير
فواز" مسك ايدها وضمها : وانت بخير بعدين هكا يلي بتعيد ع خوها
تغريد" بعدت عنه بخجل وضحكت: ههه سامحني
فواز" بحنان ف نبرته: مسامحه وانت سامحيني
تغريد" بدت حساسه من ابسط شيء تبكي دمعوا عيونهم بعدتهم عنه بصوت فيه عبره: مسامح
فواز" ماحب يضايقها وقرب من خلود وعيد عليها بعدها عيد ع جنان وقرب من اريام يلي باين مضايقه : كل عام وانت بخير يااااارب
اريام" شافتله : وانت بخير
فواز" شد ضحكته لانها عارفه لو مدت ايدها مش رح يصير خير ماحب يحرجها قدام البنات : بسررعه ميت جوووع جيبولي فطوري والشباب معايا
جنان : حاضر
فواز: حق جنان ربيع يبيك
خلود: هههه عشنا وشفنا ربيع يتحشم ومايخش
جنان" بغرور: انا مهدداته
اريام: قلتي راه وصيتك هددتي خوك
فواز" غمزلها بضحكه: الا ابو الفوووز مايتهدد هههههه "طلع"
تغريد: ههههه بالله ارومه خيركم انت واياه خاطري يوم نشوفكم ماتتناقرو
خلود: هذا زواج الصغااار
اريام" بعصبيه : انت ماحد خدا رايك "طلعت"
خلود" بصدمه: زعلت!!
تغريد: هههه ما ادوريهاش اريام كان تبدا معصبه طول تزعل
جنان: يمكن مأثر عليها الحمل
تغريد " بصدمه: حااامل؟
جنان: اي حامل شن ماتدريش
تغريد" ابتسمت بألم: لا "طلعت من الدار وغصه داخلها يمكن بسبب الاحداث يلي صارتلها معش تدري ع يلي حولها كانت انانية وتفكر ف نفسها فقط طلعت من حوش جدها لقاته كيف نازل من السيارة كانت تبي تتراجع بس ماقدرت لما شافها ماقدرت تتهرب منه .. لازم تستسلم من التجاهل والهروووب لازم تواجه الحقيقه ولوو كانت توجعها
قرب منها .. ونظرة غريييبه ف عيونه ماقدرت تفهمها او خافت انها تعرف هالنظرة ..
رضا " ببتسامه طفيفه لم تعهدها منه .. طول عمره يبتسم بفرح وحب وشووق .. لكن هالمرة كانت مجرد ابتسامه مد ايده "
تغريد "سلمت عليه وتحس بربكه وقلبها يرجف ومغص ف بطنها وحرارة ترتفع"
رضا : كل عام وانت بالف اللففف خير
تغريد " وقلبها ينبض :وانت بالف خير
رضا : من وين بيجي الخير من بعدك 💔
💔مشكلتي أنني لا أنسى.. أتذكر جميع التفاصيل وأتذكر تلك الكلمات والنظرات، حتى أني أتذكر شعوري حينها.💔
تغريد" بعدت ايدها عنه وشافتله بنظرة لوم ع حاله"
رضا " ببتسامه فيها الحزن الكثير: سامحيني
تغريد" بعبره تجاهد ماتطلع: مسامح انت سامحني
رضا: لله يسامح الجميع
تغريد" انصدمت من كلمته وشافتله وهي تبي تفهم معنى يلي قاله يعني وكانه مايبيش يسامحها ووكل امرها لله "
رضا " ماعاطها فرصه تفهم شيء لف ودخل للمربوعه"
تغريد " نزلت دموعها سمعت صوت خطوات طالعه بسرعه مشت ماتبي حد يلاحظ حزنها وضيقها لازم تتعود تكتم المها لازم تتعود ع وجع هي بنفسها زرعاته 💔"
انتهت الحلقه