Aking nararamdaman
Hindi ko lang binibigyan ng kahulugan
Dahil baka ako'y masaktan
At maiwan na luhaan
Simula 'nong una
Ramdam ko na
Na mukang may pag-asa
Pero takot akong umasa
Sa bawat salitang iyong binibitiwan
Na sa puso ko'y naiiwan
Ako'y nag-aalinlangan
Kung kaya't dinadaan nalang sa biruan
May mga panahon na ako'y umaasa
Ngunit sadyang matamis ang isyong salita
Maga salitang nagbibigay liwanag
Para damdamin mo'y maipahayag
Nadala na siguro ako sa nakaraan
Kaya sarili'y aking binabakuran
Para hindi na muling maranasan
Ang sakit ng na aking naranasan
Ramdam ko na ikaw'y nagpapahayag
Ngunit puso ko'y hindi pa handang maglayag
Sa mga salitang iyong bibitawan
Na ako'y walang kasiguraduhan
Wala kasing kasiguraduhan
Kung ito'y totohanan
O baka biruan na naman
Na sa huli ako'y masasaktan
Hindi ako manhid
Aking nababanaad
Ngunit sarili ko'y kailangang protektahan
Bago mabigyang kahulugan
Bigyang kahulugan
Ang iyong mga salitang binibitiwan
Pero s ahuli ay iiwan
At hahayaang ako'y maging luhaan
Hindi sapat ang mga salita
Para sa isang makata
Na minsan ng sumugal sa pag-ibig
Ngunit mga mata'y nagtubig
Kaya huwag ka sanang masasaktan
Kung ang iyong pahayag ay aking tinatawanan
At dinaraan lamang sa biruan
Pero iyong pagsinta'y aking nararamdaman