عم سليمان طلعو من المستشفي في نفس اليوم ورجع وياسر وعبدالله قعدو يومين معاهم اليومين وياسر كل م يشوف سليمان يحمر ليو نظام انا عارف كل حاجه وحسابك جاي قدام 😠😠😠😠 وكان ياسر ماسك تلفون سليمان علي امل فاطمه تتصل بس م اتصلت ولا مره وفي اليوم الراجعين فيو الخرطوم محاسن جات لي ياسر قالت ليو: ي ولدي الله يستر عليك دنيا واخره لو لقيت فاطمه خليها ترجع والله دي بتي لحمي ودمي والله م بحمل فراقا😔
ياسر: خلاص ي خاله محاسن انا اوعدك اول م الم فيها طووالي حجيبا ليك بس انتي توعديني انو سليمان م يقرب منها لانو لو حصل لي فاطمه حاجه تاني شراب دمو م حيكفيني فيو ومع احترامي الشديد ليك ي خاله محاسن بس استعوضي الله في راجلك دا وشوفو ليهو مصحه المره دي جات سليمه بس المره الجايه لو قتلتو انا بقيف معاها وبشهد ضدو كمان ومافي زول ساعتا حيلموها نهائي🙂✋
تاني حاجه ي خاله انا عايز الموضوع دا يبقي سر يعني م توري سليمان حاجه ولو سالك م تجيبي سيره اعملي نفسك م عارفه حاجه اتفقنا🙂
محاسن: اتفقنا✋
ياسر: يلا ي خاله في امان الله نتقابل في أقرب فرصه وان شاء الله فاطمه تكون معاي المره الجايه وارجعا ليك❤
محاسن: أن شاااااء الله ي ولدي م قصرت نهائي عمري كلو م بنسي فضلك ووقفت مع بتي فاطمه😔 الله يرسل ليها اولاد الحلال البت عمرها م اذت ليها زول في حاله وزوله بتاعت الله ساي😔
ياسر: م تشيلي هم ي خاله أن شاء كل حاجه بتتحلا وربك كريم م بضيع عبادو يلا اشوف وشك بخير 🚶🚶🚶🚶
نمشي لي فاطمه 🚶🚶
فاطمه كانت قاعده اليومين ديل مع هبه وكانت مرتاحه نفسيا وهبه قالت ليها ي فاطمه عشان م تقعدي ساي انا شغاله في عياده اسنان ومحتاجين وحده في الاستقبال لانو القديمه خلت الشغل🙂
فاطمه فرحت شديد لانها لقت شغل ونزلت وبدت تشتغل وبدوها مرتب كمان😍 . وكل مر ترجع البيت كانو هي وهبه بحضرو العشا ويتعشو معام طلال 🙂
هبه لاحظت انو طلال كل م تمر قدامو فاطمه ببتسم وعرفت انو طلال معجب بيها🙂 .
كدا نمشي لي ياسر🚶🚶🚶
ياسر وصل الخرطوم مع ابوهو ابوهو كان راجع تاني يوم طوالي السعوديه م كان عندو وقت ف قال لي ياسر: ي ولدي انت م خلاص كبرت عايزين نفرح بيك🙂
ياسر: ي ابوي انا كلمت امي اني م بفكر هسي في العرس عندي الف حاجه في راسي لازم اخلصا قبل للعرس 🙂
عبدالله: شوف ي ياسر د ي فرصتك نحنا صبرنا ليك كتير وخليناك بي راحتك انا م عاجبني حالك دا كلو كلو في اللحظه دي اتصلت منار لي عم عبد الله😠😠.
عبدالله: الو ازيك ي بتي وينك كدا م جيتي سلمتي علي ي عروسه ولدي🙂
ياسر بقي يعاين لي ابوهو شديد وعرف انو منار اتصلت ليهو😑😑.
منار: عمو عبدالله ازيك حمدالله على السلامه السودان نورت والله شديد كان نفسي اقابلك بس متشاكله مع ياسر😔
عبدالله: اوووف اووف لي متشاكله مع ياسر😠 وبقي يعاين لي ياسر ويحمر ليو😠😠
ومنار ماشاء الله م قصرت نهائي حكت ليو كلل حاجه وانو ياسر كان مقعد بت في شقتو وانها كانت بتبيت وما قصرت ودا كلو عبدالله يعاين لي ياسر وعيونو كلها شرر😠😠😠
قال ليها: م تشيلي هم ي بتي ياسر م حيعرسك الا وانت كلام منتهي✋
قفل من منار واتلفت علي ياسر وسمعو وسخ اضانو زي م بقولو😂😂😂😂💔
عبدالله: كانت عارف اني م سايب وراي راجل م لازم تفتح الشقه للبنات عدم العرس بعمل اكتر من كدا شوف انا عبدالله تاج السر علي سن ورمح م ولدي الحيغمس راسي في الطين وكلامي دا اعقلو ياهو كلمتك عرسك بعد شهر شئت ام ابيت ولو م عرستا لا انت ولدي لا انا بعرفك وتنسي خالص انك عندك ام واخوات عمرك كلو ادلعك وفي النهايه جابت ليها شقق وبنات ليل ياسر اسمع هنا لا اله الا الله دا يوم الليله شفت يوم بكرا دا تمشي بي دربك تعتذر لي بت الناس الاستحملت قرفك دا من كم سنه وانا بكلم امك تنزل السودان خلاص تعرس ليك انا من هنا مسافر ماليزيا احصل امك واخواتك فكر في كلامي دا وعايز قرارك بعد ٤ يوم اول م اصل السعوديه عايز قرارك يكون جاهز يلا تصبح علي خير وما داير تعقيب علي كلامي نهائئ✋
عبدالله دخل غرفتو وخلا ياسر واقف سرحان بفكر في كلام ابوهو وحسي انو منار ختتو في مكان ضييييق شال مفاتيح عربيتو ونزل 😠😠😠
اتصل علي منار وقال ليها انا تحت البيت انزلي😠
منار طبعا فرحت وهي مفتكره ياسر جاي يعتذر منها جات نازله بي كل انبساطه وركبت العربيه وهنا👋👋👋👋👋 باسل مسكا من شعرها وبقي يكورك فيها اسمعي هنا انا مافي زول بمسكني من يدي البتوجعني انتي م بتهميني علي فكره وعرس م بعرسك لو متي ي منار فاهمه وبس اسمع مجرد سمع انك اتصلتي لي ابوي م بحصل خير وبعد ٤ يوم تتصلي علي ابوي تقولي انك م دايراني واقسم بالله العظيم ي منار يحصل غير كدا الا بخسر فيك عمري م ناقصني الا لخبطه البنات وفتنهم يلا انزلي من هنا وما اشوف خلقتك دي تاتي فاهمه😠😠😠😠😠
منار نزلت من العربيه وهي بتبكي باعلي صوت وتكورك وتهدد والله ي ياسر م حتكون غير لي انا في وانت في 😭😭😭😠😭😠😭😠
بعد اربعه يوم منار اتصلت علي عم عبدالله وقالت انها م دايره ياسر بس طبعا عندها خطه تانيه نهائي م بتعمل حاجه لله .
وابوهو اتصل علي ياسر وقال ليهو : ياسر انت عملت شنو للبت دي غيرت رايها كدا وريني😠😠
ياسر: م عملتا ليها حاجه ي ابوي تكون اقتنعت من نفسها انو م بننفع لي بعض بس🙂✋
عبدالله: ياسر انت عايز شنو بالضبط انت بتكون قاصد انو كل حاجه اطلبا منك تعمل عكسها جاوبني؟!
ياسر: العفو ي ابوي انت تاج راسي وبرك ورضاك اهم حاجه عندي بس كمان ي ابوي انا كبرت وياريت تخليني اتخذ قراراتي بنفسي من غير ضغوطات🙂
عبدالله: انا م حصل ضغطت عليك في حاجه بل بالعكس طلباتك كانت مجابه م عارف القلب حالك كدا شنو في شنو جديد في حياتك خلاك استقلالي للدرجه دي؟! 😠😠😠😠
ياسر م ردا علي ابوهو وقفل الخط ومنها بقي يتكلم في الموضوع دا✋✋
ياسر بقي كل يوم يطلع يفتش في مكان علي فاطمه وما لامي فيها قرب يفقد الامل انو يلاقيها م خلي مستشفي م خلي فندق مع انو عارف انو فاطمه م عندها ولا قرش بس كان متامل انو يلقاها في مكان 😔
مرو شهرين وياسر كل يوم حبو لي فاطمه بزيد وما قادر ينساها وكل يوم يرجع الفجر من برا وهو بكون لافي يفتش فيها وكل يوم كان بتصل علي تلفون سليمان ومحاسن كانت حافظه رقمو كل مره ترد بلهفه قايله أنو لقها وهو يرد بلهفه علي امل انو فاطمه تكون رجعت كسلا بس وين لا حياه لمن تنادي😔😔😔💔
بهناك فاطمه وهبه بقو صحبات شديد وطلال قرر قرار حلو جدا وعزم فاطمه وهبه برا وقال ليهم عندي مفاجاه يارب تعجبكم🙂❤
مشو قعدو في مطعم عادي وطلبو العشا واتعشو وكل السهره طلال م شال عينو من فاطمه خصوصا بعد م هبه علمتها كيف تلبس كيف تحط مكياج وعلمتها الحجاب كان معجب بي فاطمه طائر بيها السما بس فاطمه كانت كتومه شديد وقلبها مع ياسر 😔💔 وكان نفسها تشوفو بس خافت انها تخرب حياتو زي كان بقول ليها😔💔
طلال فتح الموضوع وقال: هبه وفاطمه اسمعوني الاتنين اتلفتو عليو طلال بلع ريقو😂 وقال ليهم م تعاينو لي كدا😂😂😂💔 المهم طبعا ي فاطمه انتي ليكي معانا شهرين وانا من خلال كلامي معاك فهمت انو امك متوفيه وابو متزوج وحده تانيه في البلد وانتي جيتي هنا لانك حاسه انك عايز تستقلي بحياتك صح ولا لا🙂
فاطمه م فاهمه شي بس جاوبت : ايوا صح
طلال غلبو يتم الكلام كلو كلو لكن اتشجع وقال ليها : طيب ي بت الناس انتي قاعده معانا وم صح انتي بت اجنبيه بالنسبه لي والناس م بترحم ف انا عايز قعدتك في بيتي تكون بالحلال🙂
هبه اتخلعت وقال ليهو طلاااال😍😍😍😍😍😍😍 احلف انك جادي😍😍😍😍
فاطمه م فهمت مش قلت ليكم غبيه😂😂😂🙄
وقالت ليو م فهمتك🙄🙄🙄
طلال: ههههههههههههه طيب حفهمك ي بت الناس انا معجب بيكي جدا وعايز اتزوجك علي سنه الله ورسوله🙂
فاطمه صننننننن الدنيا وقفت بيها في اللحظه دي وبقت م عارفه تتكلم وبس عيونها اتملت بالدموع وطلال يعاين ليها وفهم انو في حاجه اما هبه افتكرت انو دي دموع فرح.
طلال كمل كلامو: انا م حضغط عليك اخدي راحتك فكري واي قرار حتاخديهو انا مستعد ليو اهم حاجه تكوني مرتاحه ي فاطمه🙂
فاطمه سرحت وقالت في نفسها اصلو حظك زي سف التراب تتمني حاجه والدنيا تديك عكسها الحمدالله يارب 😔
قالت ليو: اديني فرصه افكر طيب 🙂
هبه نطت: ي بت تفكري شنو انتي مستوعبه انك حتعيشي معانا طول العمر وتبقي صحبتي البحبها شديد ياخ والله دا احلا خبر انا مبسوووطه عليك الله وافقي😭😭😭😭
فاطمه ضحكت وهي ماسكه دموعا دي بالجلاله عشان م تنزل تاني😔💔
طلال وهبه وفاطمه رجعو البيت فاطمه طوالي دخلت الغرفه وما اتكلمت مع زول 😔
الليل كلو بتفكر ولما وصلت لقرار نامت بس هي م مبسوطه المهم الصباح حنعرف القرار الاخدتو فاطمه✋
طلع الصباح وطلال شايل الليل دا كلو سهر ونفسو فاطمه توافق لانو بجد شاف فيها صفات كتيره هو كان بتمناها ❤
فاطمه طلعت من غرفتها ومبتسمه وقالت لي طلال وهبه صباح الخير🙂
طلال بي فرح😍😍😍 : يسعد صباحك كيف نمتي❤
فاطمه بي ابتسامه غصب عنها: الحمدالله نمت مرتاحه🙂
هبه كيفك م ماشه الشغل الليله ولا شنو🙄🙄
هبه ماشه طبعا بس قلت استناك نطلع سوا🙂
هبه اتلفتت علي طلال وقالت ليو : وانت م ماشي الشغل🙂
طلال وهو مبسوط انو بقت تتكلم معاو م زي زمان قال فيها ماشي والليله بالخصوص عندي موعد مهم مع واحد صحبي
فاطمه: بالتوفيق ان شاء الله يلا ي هبه حنتاخر🙂
قبل م تطلع فاطمه قالت لي طلال : ي طلال انا اخدت قراري🙂
يتبع.....