( كيف أبوح بسري وانا اعشق الصمت)

البارت(١١)

رنا قعدت جنب امها رحمة: كيفي والله يا ابللللة جمانه وطالعت في جمانة وطلعت لسانها
علي : يمه الله يهديك مين قالك ترضعي ذي عشان كدا دحين كل بعد يومين ناشطة عندنا
رنا عفست وجهها: وجعع اشكر ربك انه عندك أخت مزيونة زيي وفرفوشة مو خواتك المعقدات وحده في عالم التدريس ووحده في عالم الدراسة
جمانة بسرع: قل اعوذ برب الفلق من شر ما خلق
فاطمة تستهبل: ومن شر غاسق اذا وقب
رنا اتخصرت: لا يا شيخة تنكتي انتي ووجهك
فاطمة باستهبال اكتر: اجل انكت مع وجهككك
رنا بإعجاب: لا اليوم حالتك مستعصية مرررره فانييييي
ام علي تهديهم: خلاص خلاص كل واحد اعقل من التاني خلاص ارتحتوا وانتي يا رنا تعالي اقعدي جنبي من زمان عنك وحشتيني
رنا تسبل عيونها: ههههه موتوا غيررررة يا العواذل
علي ياسر على خالد: انحرق كرتك يا كابتن هتههه يا دلوع ماما
ام علي تناظرهم : الله لا يحرمني منكم
(بيت ابو جسار وخاصة في غرفة جيهان)
جيهان تتكلم في الجوال: ايوه حبيبي دحين فضيت اخواني كلهم برى البيت وأبوي كمان وامي نائمة عشان كدا حين دقيت عليك
سالم بخبث : حبيبتي من اول كنت انتظر اسمع صوتك
جيهان بحب: حبيبي معليه مره تانيه اتصل بدري لا تزعل مني
سالم بضحكة خبيثة: حبيبتي انتي يلاااا العيال قربوا اكلمك بعدين
جيهان بدلع: اوكي حبي انتبه على نفسكككك
سالم: يلا أقفل قبل لا اتهورر
جيهان بضحكة: هههههه يلا باي باي وسكَّرت وهي تفكر بحبيبها اللي بدأت علاقتهم باتصال في جوالها بالغلط من سالم الى ان تطور العلاقه بينهم وصار علاقة حب طبعا بالنسبة لجيهان اما سالم يلعب عليها بس هي ما تدري
(بيت ام علي) ( غرفه جمانه وفاطمة)
رنا بطفششش: بنات ايش دا جايه عندكم في الإجازة أتونس وياكم وانتوا تبغوا تناموا بدري عشان تصحووووا بدري مالت عليكمممم
جمانه نعسانه حيل: يا ربي يا رنا من ساعه وانتي تقرقري نامي معانا والا روحي سوي اي شي
فاطمة بتأييد: ايه والله سوي اي شي بس اكرمينا بسكوتكك
رنا بتكشير: مالت عليكم الشرهة علي انا اللي جئتكم خليتي اروح عند امي أبرك لي وطلعت و قفلت الباب بقوه خلِّتهم يفزون من مكانهم ويسبون في رنا ورنا كانت رايحة عند امها رحمة الا وسمعت أصوات من غرفه العيال ودخلت غرفتهم بدون استئذان وقال بصوت جمهوري: حياااا الله يا ابو الشباب
خالد فز من مكانه: وجعععع ايشفيك ما عندك ذوق داخله غرفة الأولاد على الأقل دقي الباب
رنا رافعه حواجبها: مالت عليك بدل ما تقول اختي حياكي اتفضلي تقول لي كدا
علي: طيب يا اختي الغاليه ممكن تطلعين وتقفلين الباب وراكي لانه احنا ميتين تعب ونبغى نرتاح وننام فإذا ما عليك خلاف انقلعييييي
رنا توسعت عيونها: بل بل بل كليتوني بقشوري هناك اخوات معقدات وهنا الاخوان كمان كملت والله بس تدروا انخمدوا وانا اروح عند امي احسن لي وطلعت وسكَّرت الباب بقوةودخلت غرفه امها رحمة وشافتها نايمة
رنا بتأفف بصوت واطي: اوففف ايش هالقوانين في هالبيت فيه ناس يناموا الساعه ٨ في الليل بس ايش اسوي خليني انام وتسطحت جنب ام علي وحضنتها ونامت وصحيوا لصلاه الفجر ورنا دقت عند سامي عشان يجي ياخذها وهو جاء
رنا : يلا امي انا رايحة سامي ينتظرني برى
يتبعععععع
بقلم الكاتبة: نادية هاشم
رايكممم؟