صراع الليوث
البارت العشرون
طائر بلا تغريد
رائد دخلت وراهم واسمع طيبه تكل الفيصل خطيه رافد شلون يتحمل اني هنا دخت معقوله سحر تحبه زين شلون بيه اني متت قهر
درة وجهي ردة اطلع صاح فيصل
رافد
ها فيصل
وين رايح
طالع شويه
طيبه متريد تعرف شنو جواب سحر
ماكو داعي عرفته الله يهنيهه
هو شنو الله يهنيهه
غير راضيه الي خطبه
ههههههههههه مو كتلج هاذا بسرعه يصدك
اي والله صدك بسرعه
فيصل تعال اني اسولفلك
لا فيصل رجاء اني احجي
احجي عمي احجي
يلله ورق
شورق
اذا تريد تعرف التفاصيل ورقلي
ههههههههههه تحجيم صدك
اي والله اذا متورقلي ولا احجيلك شنو كالت وشتحس من ناحيتك وحته دزتلك رساله وياي
الله عليج
نعم يلله ورقلي واشر بايدي هههههه
زين شكد تردين
شكد تحب سحر ورقلي يلله راويني شكد تحبه
ههههههههههه اذا بكد ما احبه راح افلس
اوي لهل درجه تحبهه
اي والله واكثر
خلاص كسرة خاطري راح اسولفلك ابلاش
لا شنو بلاش هاج هاي كل الي بجيبي
فيصل ههههههههههه خوش قطع طيبه اني وياج عود
لا بلله ابد كلهن الي
هاج ذني ميت الف
هله والله
اسمع رافد البنيه تحبك وتموت عليك بس هيه فاقده الامل بيك بس من حاجيته وكتله انته تحبه كلش فرحت وكالت اذا يحبني خلي يتقدم
الله عليج
والله العظيم
واني كتلهه اليوم بليل نجيكم
الله عليج خيتي صدك ميجبه اله نسونهه ههههههههههه
بليل رحنه
البيت خالي وجانو متفاجاين بجيتنه
الله بلخير عمي
الله بلخير شيخ
شلونك جمال
الحمد لله بخير
شيخ فاضل شوف بويه جمال انته تعرف اني شكد احبكم وما افرقكم عن ويلادي
اي والله عمي ات حنه هم نحبك ونحترمك
خوش جا اني اليوم جاي اخطب سحر الرافد
بس عمي سحر انخطبت
اي بس لا ملجه ولا عقد
اي بس اطيتهم حجايه
بويه عادي تصير كلهم ابن عمته رايدهه والاقربون اولى بلمعروف مو صح
صح والله كلامك عل راسي
يعني هسه نقره الفاتحه
والله عمي البت بتكم ونتو كبعوه وخذوه
ههههههههههه عفيه عليك وليدي يلله بويه نقره الفاتحه وباجر نجيب السيد ونملج
صار عمي
سحر اني بت خال رافد
رافد جان حلمي من احنه صغار بس هو ولا امبينلي ايحبني جنت اروح يمهم حته بس اشوفه
وبيوم اجه اخوي جمال كلي اكو ناس تقدموا الي الناس خوش ناس والوالد هم خوش ولد وصديق جمال
اني ما كدرة اعترض لان جمال عصبي وما يتفاهم واني استحي اكله ما ريد
رحت الامي كتلهه كامت تصيح عليه تكلي شلون طلعين من شور اخوج حسيت روحي مخنوكه بس شسوي مابيدي شي
وره كم يوم اجه اخوي كلي باجر المشيه
اني نهاريت بجي طبيت الغرفتي وضليت ابجي
بعده اجت طيبه مرت الشيخ فيصل ضلت نسولف وياي عرفت رافد دازهه
كتلهه والله اذا يريدني خلي يتقدم
وفعلا بليل اجو وخطبوني وقرو الفاتحه
طبعا كلش فرحت
ثاني يوم جانت الملجه
اجاني طيبه من الصبح رحنه اني وياهه ومرت اخوي للسوك اشتريته فساتين للملجه
بعده رجعنه للبيت
مارحت للصالون بس طيبه سوتلي شعري ولا حفيت لان جانو مستعجلين كالت طيبه انشاء الله بلعرس نروح للصالون
طيبه رحنه اشترينه ثوب السحر كولش حلو واني هم اشتريت ورجعنه طلعت كولش حلوه هيه حنطيه وعيون صفر حيل تخبل والثوب جبته زيتوني طلعت فد شي من اجه السيد لبست جادر صلاه وملجو بعده سوينه حفله صغيره وبعده دخل رافد للبيت وهو مدنك ومستحي هههههه
رافد ماصدكت بهلسهوله سحر تصير اليه من خطبناهه ولا نمت ليلتهه بس اضحك وفرحان كعدنه تحت الشجره واني اوزع ابتسامات
فيصل ههههههههه رافد شبيك شو توزع ابتسامات
ههههههههههه اي والله ما مصدك
ثامر شني السالفه خويه تره الشغله سهله بس انته مصعبه لو من الاول حاجي بيهه فلا صار شي
رافد اي صح بس جنت خايف لتكون متحبين
رائد والله العظيم اني ادري بيهه تحبك من زمان
فيصل وشمدريك يفهيم
ههههههههههه ما كول
رافد ولك خاف محاجيه انته
ههههههههههه شبيكم صايره بينكم خوفه مني
لا بس انته ما تتامن
عفه عليكم اني ما اتامن لا والله بس شفتهه قبل كم سنه تذكرون من رافد سو عمليه الرجله
اي نتذكر
اني جنت بل مطبخ وهيه اجت طايره ومخبوصه وسالت عمتي عليك شفت الحب بعيونهه من تسلل عليك
ثامر اي والله اني هم ادري
رافد اها كلكم طلعتو تدرون بس اني ما ادري
ثامر شنسويلك اذا انته فاهي ههههههههههه
رافد
مرات الخجل ياخذني حيل وياك
اريد اطلب واحس الساني لازمني
واحس مرات اشوفك واكعد وياك
واحس مرات ترجع مني تاخذني
يمعود دخيلك اني هم انسان
والنار التحركك هيه تحركني
دليني عليك و روحي ليك تريد
واشبع شوف منك ليش حارمني
تسالني احبك لا اموت عليك
واجب حته العذاب وياك صدكني
الله الله شني عمي هلغزل هاذا هههههه
فيصل جا اسمع مني
سلاما عل حواجب والرمش والعين
وسلاما عل شفايف والشعر والخد
وسلاما علتمرد والغرور البيك
والشايل جمالك حقه يتمرد
احله من القصيده لو كتبت عليك
يجف حبر القلم واحساسي يتجمد
لبسو كلهم اسود ونته مو بانصاف
سبيت اعباد ربك من لبست اسود
ثامربويه يلوك الاسود هههه
ثامر جا اسمعو
عل ريحة صوركم تغفى الجروح
وتمرني طيوفكم لحضه وتغادر
بدمع يعكوب صرت اتعجب هواي
وكول شدعوه عاميهه الخواطر
تعااااال وشوف حال الفاكد احباب
صرت قصة نعي لهل المنابر
يا يعكوب عندك سلوى ترتاح
يوسف رد قميصه وبيه تكابر
انه الراحولي مارد منهم وشاح
ولا شفت العيون البيه تكابر
رائدالله يساعدك يخوي
رائد اني اكول
سمعني كلمة عشك خل روحي بيهه تذوب
بلجذب لو بلصدك شلتك اسم محبوب
ماجوز من عشرتك صدك ولك ماتوب
انته شمس دنيتي ماريد اشوف غروب
يلرمش عينك سهم بيه الكلب مصيوب
ههههههههههه
فيصل حلو رائد يوم الك ونخطبلك
بوجودكم يا رب
دك موبايل فيصلثامر ها يخوي
فيصل كمت اودعناكم شباب ههههههههههه
وراهه كم يوم حددنه يوم العرس
سحر طيبه ابد ماعافتني يوميه تروح وياي للسوك نتسوك وبعده نروح للخياطه فديته صدك اختي صارت
رافد رحنه اني وفيصل اختارينه غرفت النوم والصاله
وبعد كم يوم للعرس باجر راح نروح نعقد محكمه
سحر كعدو الصبح بدلت وحضرت روحي الساعه بلعشره اجه عليه رافد اخذني اني وامي للمحكمه
جان متوتر اكثر مني ههههه
بعدنه بلمحكمه وامي تخربطة
ها خاله خيرج
والله يمه امس ضغطي هبط من التعب
جا شلون اخذج للمستشفى
لا بعد مطولين انتو
اي والله للثنتين
جا وديني لهلي حته ارتاح
يمه جا اني اضل وحدي
اي ضلي هاذا رجلج بعد
يلله خاله كوني ارجعج للبيت
ونتي سحر تعالي وانا خو ما تضلين هنا
لا اروح وياكم
رحنه رجعنه خالتي ورجعنه للمحكمه الساعه بلثنتين يصيح النه القاضي
كاعدين بلسياره وحنه ساكتين
رافد خو ما محتره اعلي المكيف
ها لا زين الجو
اكلج بعد ساعتين عن موعدنه ويه القاضي شتكولين لو نروح نتغده ونرجع
بكيفك
خوش يلله اهنا اكو مطعم يسوي خوش كباب
لو تحبين تاكلين شي ثاني
لا طيب الكباب
طبينه للمطعم جان ساعة ضهريه والجو حار بعده ومليان المطعم
صعدنه بلطابق الثاني جناح العوائل
طلبت اكل وكعدنه ننتضر
سحر
نعم
تدرين صارلي شكد اتمنه هلكعده هاي
من جنتي صغيره واني اتمناج
جا ليش ماحجيت
سحر انتي بت خالي يعني عرضي مستحيل أأذيج او اجيبلج حجايه اخاف عليج من كلام الناس
واني جنت مقرر بس اخلص كليه اخطبج
وحته كلت لبوي وعل اساس جم ي يوم ونخطبح بس من سمعت بهاذا خاطبج تخيلت
رحت لبوي وكتله اليوم نروح نخطبهه
بس جنت خايف لتكونين ماتحبيني
اني لا والله
شنو لا والله
ها احجي واني مدنكه وفرك باديه من الخجل من كلي انتي ماتحبيني حجيت بدون وعي كتله لا والله ا
اي احجي سحر انتي شنو
اني هم
تحبيني
اي
زين من شوكت
من زمان
مديت ايدي لزمت ايدهه سحر تدرين شكد احبج
خلق ربنه المحبه وحطه بس بيك
وشفت يمك بلابل صافنه عليك
اغار من الغطى لو مرك بليل
لان ودي بحنان كليبي اغطيك
اريدن من تداوم كون اجي وياك
ولحلامك لو نمت رايد اوديك
اخاف من الحلم لا تتعب ويا
الحلم الما يعجبك لا يمر بيك
يلكلك دفو يمتعب الشوك
اذا بردان ادفه بصوت طاريك
عمر خلصته يمك جنه يومين
ولو ودي اشيلن عمري ونطيك
سحر من كلي قصيده حبيت اجاوبه بقصيده كتله
الورد لو عاش طول العمر بحضانك
ماجف غصنه ولا ذبلت مراهيفه
شلون يذبل وهو ياخذ من الوانك
وشلون يموت ونفاسك سواليف
الله عليج رديتي روحي ليه
هههههه
بعده اجه الغده وتغدينه ورجعنه للمحكمه
عقدنه ورجعنه للبيت
وره يومين جان العرس
.
قبله رحنه اني وطيبه اشترينه بدلت العرس
كلش حلوه البدله مسوينه حنه جانت هيه حنه هيه زفه رحت للصالون صبغت شعري كستنائي واني شعري طويل طلع يخبل مسويت تسريحه عفته محلول ولبست عليه تاج صغير
بعده صار الركص هههه كومتني طيبه ركصنه بعده اجه الزفه جانت سيارات هواي اكثر من ١٥،سياره
رافد سايق سيارته دخل للبيت كصينه الكيكه وشربنه العصير بعده طلعت الزفه صعدنه بسيارة رافد بس اني ويا اخذنه للعشار فترينه شويه عل شط العرب بعده رجعنه للبيت اشتغل الرمي هههههه
ذبحو جو رجليه بقره وراهه صعدوني للشقه
باجر نكمل وياكم شصار بعرس رافد ههههههههههه