Kabanata 33
Obsessed
"Rage, ibaba mo na ako." Paulit ulit ko 'tong sinabi habang nag dadrive siya sa highway.
"Saan ka tumitira? Don kita ibababa." Aniya.
"Dito lang ako." Wala sa sarili kong sinabi.
"Pag di mo sasabihin sa akin, sa bahay kita dadalhin."
Napatingin ako sa kanya. Lumingon din siya sa akin. Suminghap ako at sinabi ko sa kanya ang address. Pagod na pagod na ako.
Niliko niya ang kanyang sasakyan patungo doon sa address na sinabi ko at mabagal niya itong pinatakbo.
"Sunny, come on. Alam kong marami kang insecurities. Alam ko kung ano ang iniisip mo tungkol sa akin and I understand that. I'm a jackass for using girls like that at hindi ko alam kung paano kita papaniwalain, just give me my chance." Marahan niyang sinabi.
Hindi ko alam kung paano ko sasabihin sa kanya. Hindi niya alam kung ano ang pakiramdam na mabuhay kasama si mama noong iniwan siya ng lalaking iyon. Unang subok niyang suicide ay ang pag inom ng maraming pills, pangalawa ay ang pag lalaslas. Hindi ko na maalala ang sinabi ng mga doktor pero tingin ko ay malaking factor iyon kaya siya nagkasakit. She's broken. At hindi ko maintindihan kung bakit ganon. Ang tanging sinabi ni Auntie ay dahil na inlove lang talaga siya don sa lalaking iyon. Inisip kong mali ang mag mahal. Nakakapanghina iyon. And I detest the day I met Rage... because he made me fall. Ito ang dahilan kung bakit ayaw ko na. Gusto ko siya ngunit ayokong mabaliw.
Hindi ako sumagot sa kanya. Narinig ko ang pabalik balik niyang pag singhap.
"Sunny... Please, talk to me. Sabihin mo sa akin kung-"
"Gusto ko lang talagang umuwi, Rage." Sambit ko.
"Hindi kita masisisi kung masyado kang judgemental sa akin pero can't your feelings handle a little risk? Ang sabi mo sa akin, gusto mo ako..." Tumigil siya.
Sumulyap ako sa kanya at nakita ko ang kanyang mga matang umaasa.
"Bakit hindi mo magawang sumugal kahit konti?"
Pumikit ako ng mariin. Ayaw ko sanang sabihin sa kanya 'to pero ito lang ang tanging paraan para mapaintindi ko siya. "Rage... na inlove ang mama ko sa isang kasadong lalaki." Sabi ko.
Hindi siya umimik. Nanatili ang kanyang mga mata sa kalsada at nakita ko kung paano niya hinawakan ng mahigpit ang manibela ng kanyang sasakyan.
"He's rich and powerful, just like you. Ginawa siyang kabit nong lalaki at mahal na mahal niya kaya hindi niya maiwan-iwan. Nong iniwan na siya nong lalaki dahil nakahanap na siya ng ibang babae ay nag suicide attempt siya, nagkasakit, dahilan kung bakit kinailangan naming ibenta ang bahay namin at kung bakit naghirap ako."
Suminghap ulit siya nang di ako tinitingnan.
"Nakita ko kung paano nahusgahan si mama at tinawag siyang kabit, pokpok at kung anu-ano pang masasakit na salita galing sa wife nong lalaking 'yon. Alam kong may kasalanan si mama pero, shit, mama ko siya at nagmahal lang siya." Pumiyok ang boses ko.
Tumigil ang sasakyan sa tapat ng apartment ni Auntie Letty. Payapa na dahil malalim na naman ang gabi.
Humilig siya sa kanyang upuan. Hindi ko alam kung ano ang iniisip niya sa mga sinasabi kong ito. Siguro ay narealize niyang suko na talaga ako sa aming dalawa. Sana ay sumuko na siya.
Hindi siya sumagot. Marahan kong kinapa ang aking seatbelt. Pumikit lang siya doon at hinayaan akong gawin iyon. He's finally setting me free.
"Sunny, I'm in love with you." Aniya nang nakapikit parin.
Natigilan ako ng ilang sandali. Binitiwan ko ang aking seatbelt at binuksan ko ang pintuan. This is goodbye.
"I don't like you enough to take the risk." Walang awa kong sambit kahit na pinipiga na ang puso ko.
Lumabas ako ng kanyang sasakyan at dumiretso na ako sa loob ng apartment. Sobrang sikip ng dibdib ko dahil sa nangyari ngunit hindi ko mailabas ang aking luha.
Dumungaw ako sa labas at nakita kong naroon parin ang sasakyan ni Rage. Aalis din siguro siya. Siguro ay nag iisip 'yon na wala na talaga. Humiga na lang ako sa kama at sinubukan kong matulog.
Ilang oras lang ang tulog ko. Pagkagising ko kinaumagahan ay agad ko nang inayos ang aking bag para sa unang araw ng pasukan bukas. Magkukulong lang ako sa kwarto ngayon at magtitext kay Mia para magpaumanhin kay Ma'am sa nangyaring pagkawala ko kagabi.
Kumalam ang sikmura ko nang nag alas diyes. Ang alam ko ay nagluluto si Auntie Letty ng ulam at kanin tapos ay ibinibenta sa bedspacers. Siguro ay doon na lang ako bibili sa kanya ngayon. May maliit na tanggapan na mukhang canteen sa unang palapag ng bahay, doon siya madalas nag bibenta kaya bumaba na ako.
Inayos ko ang aking malaking puting t-shirt at ang maiksing tattered shorts na suot ko para sa tamad na araw na 'to. Nasa hagdan pa lang ako pababa ay kita ko na ang nakasandal na si Rage sa isang upuan. Naka kulay grey na t-shirt siya at may dogtag na nakasabit sa kanyang leeg. Anong ginagawa niya dito? Umayos siya sa pag upo nang nakita akong pababa.
Nilingon agad ako ng mga kumakain sa mga upuan, kadalasan ay mga estudyante. Panay ang tingin nila sa akin at nag bubulung-bulungan. Tapos ay kay Rage naman at pasikretong naghahagikhikan.
Yumuko ako at bumaling kay Auntie Letty na ngayon ay ngiting asong nag aayos ng mga pagkain.
"A-Anong pagkain, Auntie?" Tanong ko habang binubuksan ang mga inihanda niya sa mesa.
"Hindi mo na kailangang bumili. Bukod sa bumili siya sa labas ay bumili din siya ng pagkain dito para daw sa'yo. Hindi pwede 'yong boyfriend mo sa taas, a?" Nagtaas ng kilay si Auntie.
Gusto kong mag tanga tangahan pero alam ko kung sino ang tinutukoy niya.
"Hindi ko po siya boyfriend." Sabi ko.
Napatingin si Auntie sa likod ko. Ayoko sanang lumingon doon ngunit narinig ko ang mga yapak niya.
"Uh, may... pagkain ako dito. Kakain ka na? I...iwan ko ba diyan o... dadalhin mo sa taas?"
Nilingon ko siya at halos hindi siya makatingin sa akin. Napansin kong bloodshot ang kanyang mga mata.
"Kaya ko namang bumili ng pagkain ko, Rage. Akala ko ba napag usapan na natin 'to?" Tanong ko.
"Uhm, binilhan kita. Baka sakaling... gutom ka na." Napakamot siya sa kanyang ulo. "Walang kakain niyan pag di mo kakainin. Sayang naman."
"Ibigay mo na lang 'yan sa mga streetkids na madadaanan mo mamaya." Sabi ko.
Kinagat niya ang kanyang labi at tumango.
"Asus, Sunny!" Biglang sigaw ni Auntie Letty. "Diyos ko naman, dai! Kunin mo na 'yong binibigay nong tao!" Aniya.
"Kaya ko pong bumili-"
"Alam ko pero nagmamagandang loob na nga! Asus 'tong batang 'to. Ganyan ka pala?" Napangiwi si Auntie Letty.
Nilingon ko si Rage at nadatnan ko ang ngiti niya kay Auntie Letty. Agad iyong napawi nang nalamang nakatingin na ako sa kanya.
"Sige, dito na lang muna ako." Aniya.
Kumunot ang noo ko nang nakitang bumalik siya sa pagkakaupo doon sa mesa. "Anong gagawin mo dito?"
"Wala akong trabaho, e." Aniya.
Tumikhim ako at pumikit. Okay. Nilingon ko ulit si Auntie Letty at pinilit kong bumili ng pagkain galing sa kanya ngunit hindi niya ako pinabili kaya napilitan akong umakyat na lang at kainin ang natitira kong sardinas sa bag.
Nagulat ako nang may nag text sa akin na isang hindi ko kilalang number. Si Auntie Letty at Mia pa lang ang nabibigyan ko nitong number ko. Sino naman 'to?
Unknown Number:
Anong kakainin mo dyan? At least wear pajamas when you go out.
Mariin akong pumikit. Si Rage 'to. At siguradong si Auntie Letty ang nag bigay ng numero ko. Hindi ko na nireplyan. Ayokong patulan.
Nagkulong ako sa kwarto maghapon. Ayoko nang lumabas dahil paniguradong nandoon na naman si Rage. Hindi na rin naman siya nag text ulit. Siguro ay naintindihan niya ang ibig sabihin ng hindi ko pagrereply.
Napatalon ako nang tumunog ang cellphone ko dahil sa alarm umaga ng Lunes. Ito ang unang araw ng pasukan at paniguradong magiging abala na ako sa wakas. Bumangon ako ng madaling araw at wala sa sarili kong dinungaw ang bintana para i-check kung nandoon pa ba ang kanyang sasakyan. Wala na.
Natulala ako ng ilang sandali bago tumayo para maligo. Kailangan ko nang tigilan ang pag iisip non. Marami akong dapat gawin sa school at iyon ang dapat na inaatupag ko.
Dahan dahan akong bumaba sa hagdan at halos makita ko na si Rage na nakaupo ulit sa inuupuan niyang mesa doon. Pinilig ko ang ulo ko at dumiretso kay Auntie Letty para kumuha ng kanin at ulam.
Napangiwi agad siya nang nakita ako. Inabot ko ang bayad ko sa kanya at hindi niya agad binigay ang sukli.
"Hmmp, Sunny, 'yong masugid mong manliligaw nagtagal dito kagabi! Ang yaman pala non. Anyare sa inyo?" Usisa niya.
"Hindi ko po manliligaw 'yon." Pagtatama ko.
"Deny ka pa e inamin nong lalaking nanliligaw siya sa'yo!"
Huminga ako ng malalim at kinuha ko na lang ang sukli ko kay Auntie Letty. Kumain ako ng tahimik sa iisang mesa at maaga akong pumanhik sa eskwelahan. Siksikan sa jeep kahit maaga pa dahil sa pasukan.
Pagkarating ko ng school ay bumaha agad ng mga estudyante. Kadalasan ay kasing edad ko pero marami din sa kanila ang mas bata. Dumiretso na ako sa classroom ko para sa araw na iyon at halos nanginig ang tuhod ko nang sa dagat ng mga tao ay nakita ko si Rage na nakasandal sa railings ng unang classroom ko para sa araw na iyon.
Bagong gupit ang kanyang buhok. Mas malinis iyon ngayon. Naka dark blue na pantalon siya at puting v-neck t-shirt. Nang nagkatagpo ang aming mga mata ay agad syang umayos sa pagkakatayo.
Iniwasan ko siya at dumiretso na lang agad ako sa loob ng classroom.
"May gwapo sa labas." Sabi nong isang babaeng maganda at mas bata sa akin.
"Oo nga, e." Dagdag naman nong chinita.
Umupo ako sa huling arm chair at naghintay na lang ng professor habang naririnig ang talak ng mga kaklase ko tungkol sa "gwapo" sa labas. May mga ngayon lang nagkakilala at agad talagang pinag usapan 'yong "gwapo".
Hindi dumating ang aming professor. Nanghinayang ako kasi excited pa naman akong mag aral. Pagkalabas ko don ay narinig ko kaagad ang hagikhikan ng mga babae. Hindi ko na nilingon si Rage, agad na akong tumulak patungo sa susunod kong classroom. Ang sabi sa schedule ko ay sa isang AVR daw ako pupunta. Dumiretso ako doon at nagulat ako dahil marami nang tao sa loob. Dalawang oras ang klase na 'to at malaki ang ngisi ko nang napagtantong mukhang dadating ang professor.
"Sino 'yang gwapo?" May narinig na naman ako sa nakasalubong ko.
Pinilig ko ang ulo ko at hinayaan na iyong sitwasyon. Dumiretso ako sa loob. at naghanap ng upuan.
Panay parin ang usapan nila tungkol sa gwapo. Ayaw ko sanang makinig ngunit narinig ko ang sinabi nong isang babae na kumausap di umano sa gwapong iyon.
"Tinanong ko siya kung nag aaral ba siya pero sinagot niya ako sa matigas na ingles: 'No, I'm here for someone.'" Sinamahan niya iyon ng tili.
"'Yong braso niya, kita mo? Grabe, he's so hot! Parang foreign actor o model na nag materialize sa buong school! Grabe!"
I know right.
Umiling ako at binuksan iyong notebook ko para mag scribble.
"Andyan na si Prof." Sabi ng isang bading at may makulay na buhok na estudyante. Nag madali siya sa pag upo.
Pumasok sa loob ang medyo bata at may pulang pulang pisngi na professor namin sa isang major subject ng accounting. Nakangiti pa siyang nilingon ang pintuan at agad kong nahinuha na si Rage ang tinitingnan niya sa labas.
Napa facepalm na lang ako at hinintay siyang magsalita.
Binigyan niya lang kami ng mga assignments pagkatapos naming mag introduce sa isa't-isa. Excited na lumabas ang mga kaklase ko.
"'Yong gwapo nasa labas pa!" Sabi nung isa.
Naisip kong manatili na lang muna sa loob ng AVR. Sa dami namin ay maiisip na ni Rage na nawala niya na ako. 'Yon nga! Tapos tuluyan niya na akong lulubayan.
Hinintay kong maubos ang tao sa AVR. Maging ang prof namin ay umalis na. Hanggang sa wala na akong narinig na ingay sa labas, ibig sabihin ay nakaalis na ang mga estudyante.
Tumunog ang cellphone ko at nakita ko ang text ni Rage.
Rage:
I lost you :( Asan ka na? Lunch?
Napahawak ako sa dibdib ko. Shit! Bakit ganito?
Ako:
Wa'g mo na akong sundan.
Hindi na siya nag reply. Tulala ako sa kinauupuan ko hanggang sa ilang sandali ay napag desisyunan ko nang umalis doon. Siguro naman ay nawala na siya sa labas.
Unti unti akong lumabas sa AVR at unang pag apak ko pa lang sa labas ay narinig ko ang buntong hininga ng nag iisang lalaki sa gilid ng pintuan. Naka sabit ang kanyang daliri sa bulsa na para bang nag mo-model para sa isang clothing line. Tinagilid niya ang kanyang ulo at lumalim ang kanyang mata.
Ngumisi siya. "I'll stay where you left me." at kumindat.
Pumikit ako at tinalikuran siya. Hinigit niya ulit ako kaya nagkatinginan kami. "Tigil-"
"I'll buy your lunch or I'll cook for you. I'll be fetch you everyday. I'll be with you twenty four seven. I'll wear your favorite shirt all the damn time. I'm obsessed with you, Sunny. Fucking obsessed."