السلام عليكم ورحمة الله وبركاته
--------______________----------¯
بعد شهر
ريتال ورحاب تأقلمو مع الوضع و تقربو من بعضهم كثاار رجعو مكيتفرقوش كثااار من قبل كينعسو مع بعضهم كيدوشو مع بعضهم كيكلو مع بعضهم المهم كولشي مع بعضهم وكيهدرو مع الأمهات واخا ماشي بحال قبل مي باقي الإحترام
ريتاج
مشات نطنجة وسكنات فواحد الدار ديال باها(ليمربيها) ورثها معند مو الله يرحمها ويغفر لها ودابا بدات تقلب على عائلتها كيما قاليها انهم كيعمرو بزاف فطنجة و تطوان وفضلت طنجة على تطوان حيت قريبة نلمضيق وعتستسلم دغيا وترجع قررات تخدم واخا عندها الباك مي بغات تخدم غير فشي كافي حتا تلقا لافامي ديالها
رسال
رسال يا رسال هادي حالة خاصة سي رفعت دار كسيدة دخل فغيبوبة + تشلل واخا باقي مافاق باش يتأكدو و رسال دخلت فحالة اكتئاب
الدراري ب4
جاو نلمغريب وبداو فواحد المخطط حيت هما فمهمة فهاد شهار عملو مراقبة كاملة على الهدف ديالهم والصدمة بالنسبة ليهم هي......
تسمعات اغنية shape of you هاز تلفون حيت هادا سوني ديالو
زهير وهو باقي فيه نعاس : الووووو امممم
عمران بالغوات :وااافيييق اصاحبي
زهير وهو كيتفواه : اااأاه اممم مالنا منخافوش شهاد الغوات على الصباح
عمران : والق**** توكظ معنا راه كاين واحد بروبليم
بعد ماتوكظ : اوكي اوك هانا جاي
في احد الشركات او لنقل مثل شركة لأنها ليست شركة وانما المبنى السري للمخابرات
في قاعة الاجتماعات المتوسطة الحجم لكن جمالها مذهل والكراسي الجلدية مزينة القاعة
يجلس رجلين كبيرين في السن لكن لايضهر عليهم
و الشباب الثلاث يتناقشان وفجأة يدخل زهير
زهير : كنعتذر على التأخير كنت ناعس 😴 اا.. اكنقصد كنت كنفكر فهادشي ههه (ضحكة صفرا)
كاملين كيشوفو فيه حتى نطق واحد من شيوخ 👳اسمو كريم سي كريم
سي كريم بجدية مصطنعة : شنو دابا اسي زهير معتبدلش عتبقا ديما حمق خدم بجدية شوية على الأقل
زهير وهو كيحك فراسو : اشنو درت تاني احم احم (دار شاف فعمران) صاحبي هيداك كيفيقو الناس وشني هاد الحاجة المهم
سي امين : امم كنضن هادشي غيصدمكم حيت كنا قلنا لكم اننا كنقلبو على 3 ديال البنات مي كتشفنا انهم 4
زهير و نزار و عمران و .. رئبال بصدمة: شنوووووووووو
نزار بعصبية :واش كضحكو علينا اشهاد القل*** حنا ثلاتة يلاه جبرناهم
رئبال باستهزاء: شي يتلف شي ي يقلب هادي 18 عام دابا عاد تفكرتوهم همم
والله كن مانتوما لي طلبتو مننا نقلبو منفتش
عمران بغضب : واااش عنا محققين فالمخبارات FBI ولا مختفون ديال دوزيم افففف
سي كريم: انا.... حنا عارفين وراه كان كيدي لخبار ديالهوم ولكن بغا يعرف فين ساكنين ورابعة كان كيضن بلي ماتت عاد كتاشف ان شي واحد داها باش يربيها.. عارف فاش كتفكرو مي هاد الشخص راه كثار من صاحبنا راه خونا كيفما الصداقة ديالكم دابا هايدا كنا
سي امين : وايييه دابا كن كان واحد فيكم وقعلو هادشي معتونوهش همم😕لا بيان سوغ عتعاونوه سو معندكم متقولو وهادوك بناتو يعني بحال بناتنا
رئبال :اوك اوك مايكون غير خاطركم يلاه شباب نوضو تكعدو
ناضو الدراري خرجو وتوجهو نالوجهة ديالوم
عند ريتال ورحاب جالسين فالبيت دريتال
ناعسين فالكاما (السرير " " )
وكيشوفو فسقف
رحاب بهمس :اممم ريتال واش كتضني ان هاد الشخص لي كيقولو الأب ديالنا يكون كيقلب علينا
ريتال بعصبية : رحاااب شحال من مرة كنقولك متجبدشي الاسم ديال الاب على دوقمك اوك واصلا حنا عائلتنا هي لربتنا اما اخر غير ولدنا ومنعرف واش نكونو ولاد الحلال (بتاسمت بسخرية) ولا ولاد الحرام حيت مامنا زاعما كانت gاورية
وهما تما قلييييل ليكيتزوج
رحاب ودموع بداو كيهبطو:علاش حنا كيوقع لما هايدا امم (شوية وهي تنوض جالسة على الكاما) اجي ودوك خوتنا 2 آخرين التوأم ديالنا ههههه فشيشكل هاد الكلمة المهم خسنا نقلبو عليهم
ريتال وهي كتجلس بحالها : ههههههه 😕 واش من نيتك فاين عنقلبو بحال ليكنقلبو على يبرة فوسط البحر
رحاب ناضت ومشات نلماريو و ريتال ناضت وقفت حداها تشوفها شني كتعمل وهما الحوايج كلهم يعنقوهم ههه طاحو عليهم بدات تجمع وتسب بكلمات غير مفهومة
جبدات رحاب لحوايج نراسها ونريتال
ريتال وهي رافعة احد حواجبها : شكتصنع
رحاب : وغير تباعني وتشوف يلاه
خرجو ومشاو نكاسا براكة (كنضن هايدا اسما...... ادا كاينا شي طنجاوية تقولي منها معلومة ومنها نصححها) "
ريتال بنفد الصبر : اوووووف قولي شني عنعملو
رحاب وهي كتجبد تيليفون ديالها : وستنا الخرية دابا ادا كانو توأم ديالنا يعني كيشبهونا بحالنا انا وياك وقف نصور وجهك باش نوريهلوم
ريتال باستغراب : وعلاااش عتصوري ادا وجهك معااك
رحاب بغباء : اااه اوكي يلاه نسولو الناااس
ريتال بغباء : اوكي يلاه
(بعض المرات كيجيهم شي غبااء لا حول و لا قوة إلا بالله و صافي 😂😂)
ريتال مشات عند واحد مول الحوت : اخاي واخا نسولك
الولد : نعام الجارة هانا سردين شطون بجوق كيلو ولا جوج
(ملاحظة : شماليين ليكيكونو فسوق كيبقاو يعيطولوم الجارة كإحترام واخا ميكونوشي كيعرفوهم)
ريتال : احم احم لا لا لا غير بغيت نسولك واش مشوفتيشي وجهي فشي بلاصة( 😂😂)
الولد : نعام اختي واش مسطية هاهوا وجهك
ريتال:لالالالا مفهمتيشي زاعما واش شوفتي شي وحدة كتشباهلي
الولد :............
نخليو ريتال الحمقة ونمشيو عند رحاب لحتا هيا بدات البحت عند واحد العطار
رحاب : السلام وعليكن اعمي بغيت نسولك الا جات على خاطرك
الرجل الشارف : ااا شني تسوكلي لالالا ابنتي انا مكنعملشي سواك (سواك هو داك ليعامل بحال العود فشكل كيتعدل نلفم كيولي تشيني)
رحاب بصوت عالي شوية. :ولا اعمي غير نسولك واش مشوفتينيشي فشي بلاصة
الشاوف وهو عامل يدو ورا ودنو باش يسمعها : اااه شوفتك
رحاب بحماس: وفييين اعمي فففففيييين
الشارف وهو كيضحك وكيبانو واحد جوج ديال سنان ليباقين لو فلفم : هانا كنشوفك حدايا هاهاهاهاهاها 😂😂
خلاتو ومشات نعند ناس اخرين تسولهم ولي سولاتو كيضحك عليها
مشات عند ريتال جبراتا كفس منها
ريتال : شهاد الحماق واش طلعت مكلخة حتا نهاد الدرجة
رحاب : ويييه كنمشيو بحال الحماق ونسولو على ريوسنا
شوية وهما يشوفو شي واحدا كيتحرشو بيها شي دراري ومع هما الروح الرياضية والمناضلة قررو يعاونوها😂
مشاو وكانت البنت مدورة عند الحيط وكتبكي ودراري خصهوم يتعداو عليها
البنت: بعدو مني الله يرحم لكم الوالدين اهئ اهئ ماما اهئ با (بصوت كيقطع فالقلب وكتزيد دغوت ملي كيقربو منها ويتلمسو فيها)
ريتال ورحاب حرقهوم قلبهم على هاد الطريقة دلبكي و بقات فيهم ومعا هنا مدربين مزيان يعني يقدرو عليهم
ريتال شبرت واحد ورحاب واحد وبداو كيضربو بلا ميحسو كيضربو ويعاودو ومع دوك دراري كانو سكرانين جاوهم ساهلين
تاق تاق تاق صوت تصفيق 👏 دارو جبرو شي درجال كيصفقو ومعاهم ليكارد دارت ريتال و رحاب بزربة مداوهاشي فيهم باش يشوفو البنت يلاه دارت البنت وهما يحسو بثلاثة بهم بشي حاجة خانقة ترش عليهم المنوم
في فيلا فخمة فطنجة بحال القصر
فبيت كبيير دخلو الدراري بأربعة وهما معاهم ثلاثة ديال البنات ريتال و رحاب و..........
حطوهم وكانو بداو يفيقو
رحاب وهي كتحل عينها ودور تشوف فين هيا وكتفكر شنو وقع : اح حاسة بدوخة فاين انا ريتال اه ريتال كانت معايا هي والبنت فاينهوما اااه راسي
ريتال سمعاتا حيت كانت بدات تفيق، :هانا حداك احح منعرف فين حنا واقيلا تخطفنا بحال داكشي ديال الافلام
رحاب نقزات : واااااااو تخطفنا يس يس اا اا بلحق فين هي البنت
دارو بجوج جيهتها دوراتها ريتال حيت البنت كانت مدورة راسها وباقا مافاقت
وملي شافو وجها ترارارتراترااااا كانت كتشبهلهوم بعني وحدة من توأم
البنات بقاو مبلوكيين ولكن الصدمة هي ملي سمعو صوت ديال شي بنت معاهم فالبيت من غيرهم هما والبنت ثالتة....
كانت البنت اخرة حتا هيا منومة وملي دارو باش يشوفوها حيت كانت فجهة اخرا حيت البيت ماشاءالله كان كبيير بزاااف
جبرو وحدة اخرة كتشبهلهوم يعني التوأم ديالهوم الرابعة (وصدمة كبيرة ترارا صدمة كبيرة😂)
ريتال مصدومة : لالا ميمكنش كيفاش جاو نهنا 😱😱
رحاب كفس منها حتى هي مصدومة : no way 😨
_______________________________===========_____=========
هاهوا البارت 😊 😊 ونتلقاو مرة اخرة وعطيوني الآراء ديالكم
البنات غنبدل الاسم دلقصة ادا كان شي اعتراض منبدلوش المهم قولولي شني نعمل نبدلو ولا لا