صراع الليوث
البارت الثامن
دك التلفون
الو ها ثامر خيرك
فيصل تعال للمستشفى صحه رائد
الف الحمد والشكر هسه جاي
ها شيخ خيرك
اخويه صحه
ليش هو جان مخبل
خرب شلون راح افلشج
هههههههههههه اتشاقه وياك شبيك الحمد لله عل سلامته
ههههههههههه الله ىيسلمج
يلله اني اترخص
الله وياك
رحت مسافه ورجعت
اكلج باجر الكاج هنا
هزت راسهه باي
ههههههههههه يلله لعد اشوفج باجر
انشالله
رحت كبل للمستشفى
دخلت للغرفه لكيت رائد يون من الالم من شافني بجه
ههههههههههه ليش ولك تبجي حضنته وهدي بيه حبيبي سبع انته ماكو شي خطت انشالله
اكلك ثامر ابوي يدري
اي كتله هسه يجيبه رافد
لا رافد لا ليجيبه خابره كله انته لتجي وخلي السايق يجيبه سمعت
اي اي هسه اخابره
رائد شكو فيصل
ماكو شي بعدين اسولفلك
هسه لزمت جتفه وضليت اباوعله وعيوني تدمع حبيبي هسه انته شد حيلك وطيب بسرعه ورانه سفره للهند تخبل
صدك اني وياك
انشالله وشبع من الهنود الخابصني بيهم
اي اي اروح
طبعا تروح ههههههههههه
طب الدكتور
السلام عليكم شلونه البطل
الحمد لله زين
ممكن شويه خلي افحص المريض
اي اخذ راحتك
طلعنه بره
ثامر اكلك فيصل شكو شعنده رافد
بعدين اسولفلك مو وكتهه هسه
ماشي
لشويه طلع الدكتور كال حالته مستقره بس ما اريد انفعالاتى
ماشي دكتور
اجه الوالد واصدقائه وصارت هوسه المستشفى
تقريبا الساعه بلوحده الضهر خابرني الملازم
السلام عليكم شيخ
وعليكم السلام
شيخ طبعا اول شي تخابر جلال تخليه يوقع اوراق البضاعه لازم اليوم تطلع من الكمارك
ماشي
وثاني شي رافد اريده يروح ياخذ الاوراق ويضمهن عنده وراح ادزلك شخص ينطيك هتفونات تنطيهن الرافد يخليهن باذانه وحنه راح نسجل كولشي بعدين يروح الخالد وصالح يحاول يجرهم بلحجي اريد اعرف منو وراهم لان ذوله عصابه جبيره واذا لزمنه بس صالح وخالد مراح يعترفون عليهم
بس اريد اعرف اخوك رافد كده يكدر يسوي هلشغله لو لا ميدبرهه
لا خيي اكيد يدبرهه
تمام لعد تروح تفهمه علي اتفقنه عليه
ماشي
الله وياك
الله وياك
نتضرت شويه اجاني ولد
السلام عليكم شيخ
وعليكم السلام
شيخ اني دزني الملازم محمد ودز وياي هاي الكارتونه
الف شكر حبيبي
الشكر لله
اخذت الهتفونات ورحت للبيت
ها رفودي شلونك
والله زين رائد شلونه
لا رحمه كلش زين الطبيب طمنه عليه
الحمد لله
شوف رافد انته زلمه شيخ ابن شيخ وذوله سفله يردون يخربون العراق فاحنه لازم نواجههم ونذبهم بلسجن ولو همه اعدام قليل بحقهم
اي والله خيي
خوش لعد الملازم محمد وجهلك مهمه لازم تقوم بيهه بشجاعه
دلل خويه
شوف شرحتله كل القضيه
ها وهسه شكلت
تمام اني مستعد
كلش زين هسه تاخذ الهتفونات وتروح عل جلال وتاخذ منه الاوراق وتضمهن مو تاخذهن وياك زين
زين
وبعدين تروح عل صالح اعتقد صالح هو الي يحجي وياك لانه صديقك ويحبك
ماشي رايح
الله وياك حبيبي صير سبع ورفع راسنه
تدلل خيي
طلع رافد خابرة عل ملازم محمد خبرته بلي صار ورحت للمضيف ضليت كاعد ويه الناس جايين يتحمدولنه عل سلامت رائد للمغرب رجعت للبيت
رافد جنت كلش خايف ومقهور من الي صار بس من سولفت الفيصل ارتاحيت بس بعد ما انطاني الهتفونات خفت كلت خاف ما اكدر اسوي شي توكلت عل الله وطلعت رحت الجلال اخذت منه الاوراق ورحت عل بنك عندي صندوق بيه فخليت الاوراق وطلعت رحت الشقت صالح دكيت الباب
منو
اني رافد
هله برافد
صالح اني خلصت المعامله
صدك
ا والله
تعال جوه
دخلت للشقه
تفضل اكعد
ها هسه اتفضل مو
والله رافد اني كلش مستحي منك اصلا ماردتك تعرف شي
ليش صالح ليش ذبيت روحك بهيجي شي
رائد انته مراح تفهم اسبابي
صالح اني رافد اعرفك من اول يوم بلكليه تذكر شلون جنه ولك خمس سنوات اني وياك حته بلعطله متروح لهلك تضل يمي
رافد اني ابويه توفه وخلالي كومه بنات وامي مريضه وبيتنه ايجار واني طالب هندسه يعني فلوس صرف رافد صدكني اني مختاريت هلشغله بس اني محتاج فلوس
صالح نص العراق محتاج بس مو كلهم اكلو حرام بس الي عدهم نفس ضعيفه راحو علحرام
هسه بس اريد افهم شي هاذا خالد منو عرفك بيه
ذوله سلسلهه جبيره وهاذا خالد اصغر واحد بيهم
يعني مو هوه الرايس
لا يابه شني رايس هاذا كله واحد ينضف وره الروس الكبار
زين منو ذوله متعرفهم
لا طبعا اني حدي يم خالد بس خالد يعرف الاكبر منه بس
بس شنو
مره اني وكعت باديه اوراق الرجل جبير بلدوله وجانت موقعه منهه واعتقد هو واحد من هلسلسله
ومنو هوه
تعرف ،،،،،،،،،،،،،،،،،
اي طبعا اعرفه
هو هذا
لا بربك
اي والله
وشنو الي يثبت
عندي نسخه من الاوراق ضميتهه للزمن اخاف يلعبون عليه
ها والله صالح اني بعد ما اثق باي شخص اذا خويي طلع مهرب بعد شتوقع
حقك يابه انته عايش بعز ودلال شمدريك بلي يباتون بلا عشه
بس هاذا مو مبرر الك
لا مبرر ليش اني وحد عنك وعن فرزدق وغيره الي ياكلون وميحسبون حساب للفلوس
لو جاي كايلي والله جان شغلتك ويه اخوي بلشركه ومتحتاج هلشي
وشيطيني راتب 500بلشهر مليون لا ميكفيني
كول انته تحب الحرام بس جاي تخلي تبريرات النفسك
المهم الاوراق عندي باجر خابرني واني انطيكياهن بس لازم خالد يكون موجود
ليش
حته اخذ تعهد منه بعد ميتعرضلي
ماشي
طلعت من بيت صالح واني مخنوك من خويي الي عشت ويا احله ايام حياتي
مع الاسف اكو ناس متعرفهم غير بوكت الشده يطلع معدنهم رحت للبيت تلكاني فيصل
ها خيي شسويت
الحمد لله كلشي تمام
الحمد لله يلله خيي بدل وخلي نروح للمستشفى
ثاني يوم خابرني الملازم محمد
الو شلونك شيخ
هله بيك خيي شلونك
الحمد لله شوف شيخ فيصل اليوم نريدكم ترحون للمستشفى العصر ومطلعون منهه زين
حاضر بس شلون راح تلزمونهم
شوف راح تخلي رافد يخابر صالح ويواعده بمكان احنه نكله عليه زين وبعد ميخصكم
تمام الف شكر الك
بلعكس احنه نشكركم لان لو مو انتو مكدرنه نعرف شي عن هاي العصابه
تسلم خيي هاذا واجبنه
احسنت شيخ الله يكثر من امثالك
سديت المبايل من الملازم ورحت عل رافد بلغته بلخطه وطلعت رحت للسده
لكيت طيبه كاعده تاكل موطه وتغني
حبك يدك بلراس
ماليني حب وحساس
غير انته تاج الراس
وهاذا مكانك
حبك سوالف ليل
وشفافه طعم الهيل
بكلبي عادي تعيل
هاذا مكانك
ضليت اسمع الصوتهه حلو وناعم حيل حبيته كملت الاغنيه
اريدك يغالي يلي منور الليالي
وريدك حبيبي غيرك ولا يحلالي
يا أولي وأخيري بس انته شاغل بالي
كتلهه منو شاغل بالج
هههههه خرب يومك فززتني
ههههههههههه حيل وياج مندمجه ويه الاغنيه
هههههههههههه اموت عليه
حلوه الاغنيه بعد شتحبين
احب محمد السالم
ونته شنو تحب
اني احب كاضم الساهر
يو يو اموت عليه
ههههههههههه بعد شنو تحب
احب اسمع شيرين واصاله واحب تامر حسني
حلو ذوقك
شعبالج ههههه
يلله لعد سمعني غنيه الكاضم
اني
اي انته يلله حباب
احم احم
يلله
اوكفي خلي اتذكر
يلله تذكر بسرعه
اي اسمعي
قولي احبك كي تزيد وسامتي
فبغير حبك لا اكون جميلا
قولي احبك كي تصير اصابعي
ذهبا وتصبح جبهتي قنديلا
لا لا لا لا لالا
لا لا لا لا لا
ههههههههههه يخبل صوتك
عجبج كلش حلو
بعد اغنيه
ها ههههه جاي احس نفسي ب ذا فويس
ههههه واني شيرين
احله من شيرين
حسيته خجلت
هههه فديته اليخجل
اسمعي هاي
نزلت للبحر تتشمس الحلوه
رفقا بلبشر اه يا بنت حوا
نزلت للبحر مدري النزل كلبي
احميهه من الخطر وحرسهه ياربي
عل الموج الحذر ياحلوتي نسحبي
داعبهه بلطف ماتحمل القسوه
الله الله روعه
كامت تصفك
وج اش اش فضحتينه
ههههههههههه حلوه الكعده وياك
انتي احله
يلله عيني تاخرتي انتي جايه وحدج
لا عيني شيخ كاضم اني جايه وياهه
ههههههههههه هاي منو
هاي زنوبه العوبه
وليج اني اعلمج بعد كولي تعاي وياي
طيبه شحجينه مو كلنه عيب هلحجي
وك ذالتني ذل والله العضيم
ميخالف ميصير ازعل وياج
اوكي بعد ما اعيدهه
عفيه بلحبابه
اسف خيتي معليج بيهه هاي احسبيه عليه
شنو كلت
اسف
يمه يمه
شبيج خيتي
لا مابيه بس اول مره واحد هيج يعتذر مني
شنو قصدج واحد هيج
يعني شيخ وهيبه ويخبل
ها ههههه لا عادي
يلله طيبه رجعو للبيت
ااي باجر هم تعال
انشالله
يلله باي
هههه باي
راحت وضليت اني كاعد علسده وره نص ساعه دك مبايلي
الو
الو شيخ فيصل
هله ملازم محمد
شوف شيخ كل الرافد يتصل ب صالح ويكله يلاكيه بمطعم
ال،،،،،،،،،
زين رافد يروح للمطعم
لا ليروح بس لازم يشدد عليه لازم خالد موجود
تمام هسه اكله بس بيش الساعه
الساعه بلخمسه العصر
ماشي الله وياك
خابرة رافد فهمته عل كولشي بعدين رجعت للمستشفى
بعده اجه رافد للمستشفى
ها رافد شصار
خابرتهم وتفقت وياهم
خو محسو بشي
لا بلعكس كلش فرحو
هاي هيه الله كريم
شلونه رائد
لا زين
الحمد لله
ضلينه بلمستشفى لحد الساعه بلسته
الساعه بلسبعه خابرني ملازم محمد
الو
الو ها بشر خيي
باجر نعرف شصار
لتنسون التصويت حبايبي فديتكم