لو اننا لم نفترق

part 16

#لو_اننا_لم_نفترق
16
شهد- بعد الصار بينا بيوم اجه غسان لبيتنا كال ارجعي للبيت وكعد وي عمي عمي ضل يخاجي واخذ رايي وكتله اريد ابقى.
محمود- حسه مطلع بس رجله. يهزها ومنصي يباوعلي ويباوع لغسان راح غسان بعد ماشاورني وطمني انه مراح يتركني اي شي يغثني اجي لبيتنا طمنته وكتله ميخالف  راح وصعدت بهاء نزل يركض صار بوجهي كتله شكو كال
وخري وخري خل الحك عالطوبه
هههه والله خلك عدك صعدت لكيت محمود كاعد عالجربايه ديتفرج معلي الصوت عالطوبه باوعتله هاي  شنو
لعبتنا
ههه هسه يخسرون
مبعينج ولدنا  دباعيهم شكو الكاع
ايباخ كعدت بصفه اتفرج وهو كاعد يهز برجله باله ابد مو يم الطوبه وكف باوعلي راح للبلازما طفاها واندار كتف ايده
شبيك  تقرب افتر وكعد بصفي باوع عالباب راح قفلها بلعت ريك--- ها محمود شكو
ماكو شي بس  هاي جريتها لحضني باوعت بعينها رفعت حاجبي-- اشوفج شون بست فاطمه
لا ماريد همست مااعرف وين ادير وجهي
لا خل اشوفج شلون
دفعته جرني بقوه ايده خزرني متدفعين عيب فهمتي جريت وجهه بايدي بستها  برقه تخربطت بيدي  ابتعدت اوكف بيها متوكف جريتها للفراش بقت مغمضه تقربت  عليها افتح سحاب تراكها لزمته تتوسل بيه اعوفها تركت التيشرت  وطفيت الضوه بالريموت اخر نضره لعينها باوعتلي   جانت مستسلمه بس لازمه تيشرتها مجلبه بي تركتها براحتها  تقربت منها  واخيرا وابتعدت بستها من راسها كامت والدنيا ضلمه ميت طخه انطخت فاتت للحمام  شوي وطلعت تلبس دااسمعها  تتحرك بهدوء حسيت بيها نزلت نامت عالمندر --- تعاي نامي هنا نترت
لا عفيه همست
اجي انام يمج  اني وخرت الغطا كالت --- لالا جيت
شهد- تقربت نمت يمه جسمي كله يون عليه  حاوطني بايده حضنني وباس ركبتي همس مبروك --- بقيت ساكته لحد مغفيت وهو محاوطني بيده
محمود- نامت وجريت ضهرها لحضني احساسي هي بحضني وصارت الي خلاني انولد من جديد  غفيت وهي بحضني حسيت الصبح بعدها بحضني مبين الحرك ابتعدت اباوعه زين فكيت السحاب على كيفي من وره نزلته كله المنضر كلش يخوف جان هاي شصار بيها من الم شتحملت  تلمست بايد والايد اللخ لازم ايدها فزت رادت تدفعني
شششش
ضليت ارفس بي وخر عوفني لتباوع الله يخليك
خل اشوف عوفيني
ماه عفيه لا موحلو
انتي شعليج اني اشوفه عادي تلمست كامت تبعد ضهرها عن اطراف اصابعي جريت نفس  هديتها وكفت وتجر بهدومها لزمت ايدها قوي بس داكولج باعي بس خل احاجيج
ماه عوفني وخر وخر
منو سوه بيج هيج
هاه
منو--- سوه --- بيج --- هيج قربت وجهه بين ايدي واحجي كلمه كلمه واباوع بعينها بقت حايره تباوعلي كالت
هو وكع عليه المي من عالصوبه
هزين راسي---ججج
شنو باوعت بعينه دمعت عيني كال
مو هو وكع
لعد شنو
بلعت ريك جريت راسها شاورتها اني الحركتج  بعدت وجهه اريد اشوف ملامحها  فكت عينها كلها وسدت حلكها تتنفس سريع   --- تكرهيني بقيت اباوع بعينها هزيتها تكرهيني صحتت  احجي
لا لالالا كمت اصيح وابجي دفعته قوي ابتعدت عنه ركض ورايه لباب الحمام جرني حضني من وره وباس ضهري من ركبتي لحد اخر مكان حرك صعد دارني وحضني باوع بعيني كال
لج اني من اول احبج وانتي تكرهيني احس بيج واموت من الغيض لهذا اصيحج سلحفاه  بلعت ريك جريتها حضنتها  اني احبج والله وكل حركه تحركتها حتى تحسين بس جنت اخلي الامور تسوء اكثر شفتها جامده متحركت نزلت ايدي شفت دموعها تنزل على خدها ابتعدت طيتها مجال اشوف وين تروح مثل ابو الطيور اللي يهد طيره ويشوفه يرجعله لو يحط على غير بيت اخ ربييي شفتها لبست صايتها ونزلت كلشي محجيت ولا كلت باوعت من البلكونه طلعت من البيت  وراحت بيت اهلها بقيت صافن اتذكر قبل يوم شون جنت وياها وشون  سلمتني روحها  معقوله بعد متوصل  لبيتنا كعدت  عالجربايه. ابويه صاح يله يابه وين صرت
اي اي يابه جيت بدلت ونزلت  طلعت لشغلي للضهر رجعنا لكيناها مركبه   ومحضره الاكل بس نصب
-
حسين- ها وينها شهوده
محمود- راحت لاهلها   يابه همست خليها ترتاح
شهد- سمعته عرفت عباله بعد مرجعت  --- ها عمي الله يساعدك
هله عمي ها عبالنا بيت ابوج
لا رجعت يله اصبلكم باوعت لمحمود بالباب واكف وايده بجيبه  ابتسم بخبث ودار وجهه نزع حذاءه فات من يمي كال همس وراح
-لازم حبيتيني
نصيت راسي صعد فوك صبيت الاكل ونزلو اكلو وبعدها نضفت ورحت لاهلي كلما اتذكر كلامه اختتتنك  مصعدت فوك  بعد رجعت رحت لاهلي  صعدت لغرفتي القديمه نمت كلشي تذكرت طفولتي والعانيته من الحرك تقليد الجهال عليه  ونضره امي المشفقه  كلهن دكت براسي شلت الغطا  ونمت بفراشي القديم  لاول مره اتندم على الزواج  منه  تاذيت من عرفت وجان يعرف هو الحركني ويكولي سلحفاه  فوكاها هو هذا حبه يتذي اللي يحبه غفيت وحسيت باليل  ماما تكعدني
ماما شبيج نايمه ليش مرحتي لبيت رجلج شنو عمتج جتي
لا ماما باجر تجي تمعصرت
لعد شبيج
مو محمود طالع فكلت اجي هنا انام
براحتج
تركتني امي ونزلت كمت باوعت  من الشباك  عالحديقه مالتهم شفته كاعد بالحديقه  رفع اراسه  شافني بقيت اباوعله  ميل راسه يباوع بتوسل  بقيت اباوعله والله مااعرف انقهر عليه انقهر على روحي  شفته شال تلفونه اشرله خابريني مدرتله بال عفته وكعدت عالجربايه لزمت راسي تعبت دك تلفوني باوعت محمود يتصل بك لزمته باوعت بالشباك رديت واباوع عليه
الو
متجين همست
جريت نفس برطمت اشرلي اصبع على حلكه اششش  لتبجين بلعت ريك تنهدت اشرلي نزلي صوت نفسه باذني
خليني اليوم هنا
لعد اجي ابات يمكم ؟
لا حباب
تطرديني؟
لا بس خل اليوم ارتاح
رفعت راسي باوعتلها  كلشي مااحجي اضل ساكت
جريت نفس هزيت راسي هسه اجي
عفيه  يله انتضرج افتح الباب
اي همست ابتسمت ضحكلي بينت سنونه نزلت لبست وطلعت لكيته واكفلي بالباب وايده بجيبه ابتسم من طلعت طبيت للبيت وسد الباب ورايه صعدت  وصعد ورايه قفل الباب شلت هم
- تمددت بدلت باوعتلي اشرتلها تعاي نامي هنا مااحجي شي
- اوك نمت يمه حضنني  وبس صوت نفسه من يكزكز  ويرجف تركته حسيت بتعب رغم نايمه  هواي  بس دااحس تعبانه  جان حنين بحضنه يختلف عن اللي جان ياذيني بكلامه ----
غسان- مرت ايام  والشغل طاير بي والعماله على راسهم واكف وبيوم بليل لزمت رقم ايلاف دكيت عليه ردت وره كم دكه وتواعدت وياها  بعد كلام وسوالف ليل صارت بيننا علاقه صرت بيها اني البطل هالمره مو هي طلعت ايام السجن بيها  جنت استمتع وامتعها بس مجرد جسد مو احساس ومشاعر  واخاف خيالي يجيب نرجسه بداخلي واتخيلها ونرجسه ورده بيضه مو مثل وصاخه ايلاف  شخخخت حيل على اهلي وصرت واثق من روحي الفلوس علتني    امي بدت تلح عليه تريد تزوجني واني اتحجج رممت بيتنا وصبغته وبلشت بناء شقه جديده فوك وبيها حمام ومطبخ وهول ودرج ينزل عالجوه بالحديقه من السطح خاجلينه للزمن الي لبهاء منعرف شمكتوب  ايام وايام مرت مرت عمي رجعت وبدت المشاكل ومعاناه شهد تجي تشكي لاني وتنهيها بس عمي يحبني ومحمود هم خليها تتعلم. تعتمد على روحها بس ابقى اني موجود بضهرها ايمن قدم وهي هم رجعت داومت سادس جنت فرحان بيهم وفرحان بروحي قدمت لوالدي على حجه  وطلعت بعد سنتين وفجاه واني ببيت ايلاف دكتلي امي كالت انت وين
موجود بالمنطقه
وين بالمنطقه احجي
شبيج يوم شكو شصاير
هسه تجي للبيت لا والله اطلع وبعد متلكوني
كمزت من مكاني لبست وطلعت تركت بيت ايلاف ورجعت للبيت وصلت من الباب مال مطبخ  صاحت وين جنتت
هنا يوم يم جماعتي
كذذاب اليوم جتني جيرانه وكالت ابنج يطب ويطلع ببيت وحده موشي اني تالي عمري هيج اسمع هاي تربايتي من امده بطني الجابتك
يوم شبيج ماعدي شي
ياماعدك شي
ضربتني على ركبتي البارحه اكولك هاي شنو تكولي بكه امشي ولي منا خزيتني حرامات التعب التعبته. لو شايفتك ميت وي اخوتك ولا يجي هاليوم لو باقي بالسجن هم احسن
بقيت جامد السمعته اذاني بقيت ساكت بلعت ريك نهتها وغمت روحها ردت اموت ركضت وراها ابوس بيدها يمه على بختج لتزعلين بستها من راسها تخبلت من كامت تبجي يمه هاهي شتردين سوي
اخطبلك وكافي لعبان نفس بس
اي هاهي شوفي التعجبج وموافق عليها بس لتزعلين فدوه
خل اشوف هسه وخر من يمي  مطايقه اشوفك
باعت ريك ماشي صعدت فوك انام واني كلبي معصور  عصر حجيها اذاني كلش

-