Mga alas-diyes na kami nagising pareho. Nauna ata siya nagising dahil pag dilat ko, nakatitig na siya sa 'kin.
"Good . . . morning," bati niya.
Ngumiti ako. "Good morning, Kabi."
Nagulat ako nang hinalikan niya ako sa labi.
"Kinikilig ako," sabi niya. Lalo akong napangiti.
Naligo muna kami parehas. Hindi namin maiwasan ulitin bahagya 'yong nangyari kagabi dahil . . . ewan. Siguro mga isang oras kami sa banyo bago kami lumabas habang tumatawa.
Nagluto kami parehas ng agahan, 'yong mga canned goods lang na nakaimbak sa cabinet sa may kitchen niya. Masaya kaming nagluto ng corned beef at Maling.
"Shit." Tumayo siya bigla.
"Bakit?" nagugulintang kong tanong.
Nakita ko na hinahanap niya 'yong phone niya. Nalungkot ako dahil alam ko namang na "technically," sila pa rin ni Luke. Tapos narinig ko siyang tumawa, medyo may pagka-sarcastic.
"Bakit?" tanong ko.
"Capslock na text ni Mama at Papa. Di kasi ako nagsabi na sa condo ako uuwi."
Nakahinga ako noong 'yon 'yong sinabi niya. Pero di ko na rin maiwasang magtanong, "Si . . . Luke?"
"Walang missed call."
"Gago talaga 'yon." Hindi ko alam kung matutuwa ako o magagalit ako. Tingin ko, mas nagalit ako dahil sa kahuli-hulihang saglit, wala pa rin siyang pake kay Kabi.
"Huling text niya ata noong umaga pa noong isang araw. Sabi niya may field work daw sila sa Bicol ata. Tapos baka walang signal. Limang araw siya doon. Simula Huwebes, di na kami nag-usap. Martes ata balik niya. Kakausapin ko na lang pagbalik."
"O—"
"P-pero . . . pwede mo ba akong samahan? Parang hindi ko kaya mag-isa. Bago 'tong lahat sa 'kin."
"Andito lang naman ako."
Nagbuntong hininga siya.
"Bakit? Kabi, ayokong madaliin ka, okay? Alam ko naman na wild and fresh mga feelings natin. Medyo aminado ako na mabilis 'yong kagabi pero . . . totoo naman 'tong feelings ko."
"Alam ko naman," sagot niya tapos niyakap niya ako. Nilagay niya 'yong ulo niya sa ibabaw ng dibdib ko. "Pero natatakot ako. Ang dami kong tanong. Tapos lahat ng sagot, hindi sigurado."
"Hindi naman lahat sigurado."
"Paano kung . . . nabibigla pala ako dahil bago sa 'kin lahat ng 'to? Paano ko sasabihin kina Mama at Papa?"
"Teka, Kabi, isa-isa lang." Hinawakan ko siya sa mga balikat niya. "Di mo naman kailangan sagutin lahat ng tanong nang sabay-sabay. Hinga."
"Natatakot ako . . ."
Niyakap ko si Kabi. Hindi ko alam kung anong mga pinagdaanan niya para matakot siya nang ganito, na sa likod ng pagka-"spontaneous" niya, marami pa rin siyang takot na hindi kayang harapin—tulad ng bigyan ang ibang tao na mahalin siya nang naaayon sa narararapat na matanggap niya.
"Umuwi ka muna sa inyo. Hindi mo kailangan madaliin lahat. Kaya kong maghintay," sabi ko.
"Ako . . . hindi ko kayang maghintay." Kinuha niya 'yong mga pisngi ko at hinatak papunta sa mga labi niya. "Gusto ko na malaman ng buong mundo na mahal kita."
Napangiti ako. "Naalala mo ba noong sinabi mo sa 'kin na masarap siguro ako magmahal?"
"Nagpapahiwatig na kaya ako noon," sabi niya habang natatawa. "Well, ang swerte ko."
***
Magkatext at magkachat kami buong araw at noong susunod na araw. Nagkita rin kami ulit sa condo niya noong Linggo para naman daw "may pa-miss effect." Ganoon pa rin: nanood kami ng Netflix series, nagtawanan, natulog, kumain sa labas, nagkwenta ng ginastos at pinagsisihan at nangakong magtitipid, at tatawa dahil alam naming hindi na naman naming matutupad 'yon. Ang kaibahan lang, sa pagkakataong 'to, nahahalikan at nayayakap at nasasabihan ko na siya ng "Mahal kita."
Pagbalik ko sa bahay, nagkwekwentuhan kami kung paano kami nahantong sa ganito, kung paano kami unang nagkita kahit alam naman namin kung paano, kung ano talaga 'yong mga tunay naming nararamdaman noong mga panahon na hindi pa amin alam 'yong totoo na may gusto pala kami sa isa't isa.
Magkachat kami ng alas-diyes ng gabi ng Linggo, halos kababalik ko lang sa bahay, nang biglang sinabi niya na online si Luke.
Kabi
Kayi, wait lang ha?
Online kasi siya.
Sasabihin ko na mag-usap kami ng Martes.
Kayi
Sure.
Take your time po.
Kabi
Sabi niya nag-online siya para sa akin pero ako unang nag-chat.
Kayi
Once an asshole, always an asshole.
Pero joke. Sana magbago siya.
Hay.
Nag-aalala ako, alam mo 'yon?
Kabi
Na?
Kayi
Magbago desisyon mo.
Kabi
Alin? 'Yong mahalin ka?
Kayi
Hindi.
Kabi
Eh ano?
Kayi
'Yong piliin mo ako.
Kabi
Pokekon kita.
At pokemon mo ako.
Pero ang sagwa. Haha!
Ang gusto ko sabihin is . . .
Di ko na 'yon babawiin.
Pinipili kita.
Kaya sana . . . piliin mo rin ako.
Kayi
Ako pa ba?
Matagal na kitang pinili.
Kabi
Sana piliin mo ako araw-araw.
Wait, baka selfish masyado 'yon.
Piliin mo kung saan ka masaya.
At nandoon ako sa bawat pipiliin mo.
Kayi
Huhu.
Kabi
Bakit?
Kayi
Natunaw 'yong pusong bato ko.
Talino mo eh no?
Paano mo naiisip 'yong mga ganon?
Kabi
Natural na lang ata ang mga banat kapag mahal mo 'yong tao.
O sige na.
Wait for me, okay?
Kayi
Okay.
I love you.
Kabi
Mahal din kita, Kayi.
Naghintay ako na may kaba at lungkot, nagdadasal na sana totoo 'yong mga sinabi niya. Paulit-ulit ko atang tiningnan 'yong cell phone ko kung online at active pa siya.
Mga ala-una ng umaga, nakatanggap ako ng screenshot ng chat nila ni Luke.
You cleared the nickname for Luke Hernandez.
Kalmia Bie
Luke?
Are you online?
Luke Hernandez
?
natural online ako
nag ol ako para sayo tas iniba mo nick
Kalmia Bie
Nag-online ka pero sa 'kin hindi mo ako chinachat?
Haha. Benta 'yong ikaw lang 'yong kailangan ko palitan ng nickname.
Luke Hernandez
pakahanap na nga ng signal eh
pero saglit lang ako
may ginagawa pa kami
Kalmia Bie
Ng 10?
Luke Hernandez
iba kasi trabaho ko
hindi katulad ng sayo petix lang
naranasan mo naman ng isang buwan dito diba
Kalmia Bie
Pero hindi naman umaabot ng field work ang 10.
Grabe naman si boss.
Luke Hernandez
pls lang wag ka magsusumbong
nakahanap na nga ako ng way para makachat ka
ano magaaway lang tayo
balik na nga ako doon
Kalmia Bie
Wala namang nang-aaway.
Ikaw lang.
Luke Hernandez
may mens ka ba
inom ka na lang ng gamot
Kalmia Bie
No.
Let's talk.
Can I call?
Luke Hernandez
nasa field work pa nga ako
tsaka walang signal masyado
about what
Kalmia Bie
Pero nakapagdata ka?
Us.
Luke Hernandez
o pero mahina
what about
Kalmia Bie
Personal ko sana sasabihin.
Luke Hernandez
kayi pls naman wala na nga akong oras eh
ano ba yon
anong diff pag dito mo sinabi
Kalmia Bie
Mas . . . personal?
Luke Hernandez
just fcking tell me
im busy
di mo ba ako naiintindihan
uy
?
?
???
puta di wag ka magreply
?
seen amputa
KABI
ANO
Kalmia Bie
Akala ko ba busy ka? Bakit parang hindi naman?
Nakakapaghintay ka nga ng ilang minuto eh.
Luke Hernandez
wtf
binibigyan na nga kita ng time tas tatanungin mo bakit?
Kalmia Bie
Bakit parang utang na loob ko pa sa 'yo na nag-online ka?
Luke Hernandez
galit ka?
ano ba kasi yon
Kalmia Bie
Gusto mo ba talaga na dito ko sabihin?
Luke Hernandez
yes for goddamns sake
tinatawag na kami
ano na
Kalmia Bie
Pagod na ako.
Luke Hernandez
d magpahinga ka
text ka pagising mo
Kalmia Bie
No.
I want to breakup with you.
Luke Hernandez
?
why
fck u
meron ka ng iba
eh di sige magsama kayo
gago
uy
uy
?
tangina ka
ano meron na iba
tangina kabi totoo ba
hey
?
puta
ano puro seen
wtf is happening w u
heart
?
hay
if i did something wrong im sorry
im sorry kung namura kita
im sorry kung busy ako these days
kabi
hay
pls talk to me
im sorry
i love you
KALMIA BIE MAHAL NA MAHAL KITA
kung ikasasaya mo yan
sana maging maligaya ka
MAHAL NA MAHAL KITA KALMIA BIE
Kalmia Bie
Can I call?
Luke Hernandez
balik na ako
Kalmia Bie
Akala ko ba "Please talk to me"?
Luke Hernandez
pwede naman kasing chat
oy yan na
offline na ako
Kalmia Bie
I'm sorry.
I loved you.
Loved. Wala na.
Pero kailangan ko na ata malaman ang kaibahan ng nananatili dahil mahal mo pa rin ako o nananatili dahil nanghihinayang ako sa mga oras at alaala natin.
I just wanted to be treated right . . .
And maybe know my worth.
I know naman na nag fall out ka na rin.
You're not the same as before.
Kayi showed me what I'm worth.
Luke Hernandez
bad influence talaga yang si kayi
do u know shes flirting w me
i deleted the texts dahil ayokong mawala friendship niyo
I love you kabi
Pls dont
i'll talk to you when i get back home
tuesday ng gabi balik
wednesday can we talk
babawi ako if you rly feel that way
Kalmia Bie
Sinabi mo rin yan noong isang buwan, noong isang taon, at noong isa pang taon.
Luke . . . please stop lying.
Luke Hernandez
im not
sht 3% na lang phone ko
malolobat n
fck naiwan ko pa charger ko
ge n
lets talk abt it nxt time
if u want
Kalmia Bie
No.
Look for a charger.
Meron naman siguro.
Android naman 'yan.
Please we have to talk.
Luke Hernandez
go somewhere else
think muna
wag padalos dalos ng decision
Kalmia Bie
Tama na.
Ayoko na.
Please mag-usap tayo ng matino.
O sige wag na.
Basta nililinaw ko lang na wala na tayo.
Luke Hernandez
tangina ano bang meron sayo ha
first day mo ba
punta ka muna sa ibang lugar
pagsisisihan mo yang decision mo kabi
kumalma k
puta bad trp
Kalmia Bie
Hindi ko 'to pagsisisihan.
Kaya please . . .
Kahit mag-usap na lang.
Kung ayaw mo makipag-usap, sige na.
Basta, pinapalaya na kita.
Luke Hernandez
bat ang lakas ng loob mong makipagbreak ano
dahil alam mong hahabulin kita
Kalmia Bie
WTF? You never ran after me!
It was always me who was running after you!
Luke Hernandez
bat ang tapang mo ha
nakainom ka ba
Kalmia Bie
Ano kung matapang ako? Hindi ba dapat matapang talaga dapat?
O siguro sanay ka na sobrang hina ko pag dating sa 'yo kaya naninibago ka.
Siguro dahil . . . hindi na ako takot kung ako na lang mag-isa.
O kung iwan mo ako.
O kung mawala na tayo.
Dahil dati, kulob ako sa "Gusto ko mag-work tayo."
Pero wala eh.
Kayi taught me how I must be loved.
And she showed me self-less love.
So I'm giving us the chance to love each other.
You had yours.
And you wasted it.
Luke Hernandez
ano?
naguluhan ako
anong chance to love tayo?
mahal naman natin ang isa't isa
Kalmia Bie
Kami ni Kayi 'yong "us" na tinutukoy ko.
Luke Hernandez
huh
di ko maintindihan
lumayo ka na nga kay kayi puta
bad influence yon
at kung sino man yung nirereto niya sayo
wag ka naman magpaniwala agad
Kalmia Bie
Thank you for the four years, Luke.
Or was it just "one and a half of love" and "two and a half of just staying"?
Luke Hernandez
no
kung ano man yan
nabibigla k lang
parang yung dati
sanay na ako sa paggagaganyan mo
take a rest
go somewhere
mahal kita kabi
love
i love you
from the moon and back
ge n 2%
lumayo k na kay kayi a
bad influence amputa
1%
Kalmia Bie
You don't understand, Luke.
Kayi loves me.
And I love her.
I'm sorry.
Anyway, makikita mo rin naman to kinaumagahan.
So iyon. Gusto ko sana ng matinong closure pero parang wala akong mapapala sa 'yo.
Sa kahuli-hulihang saglit na "sila" ni Luke, naiinis pa rin ako sa kanya. Una, mumurahin, tapos biglang "mahal kita"? Saan ka nakakita ng ganoon? Mula "'tang ina ka" papuntang "mahal kita" nang wala pang labing limang minuto?
Pangalawa, bakit ba niya laging sinisisi 'yong buwanang dalaw namin? Problema niya? Kapag galit kaagad si Kabi, may mens agad? Ganoon ba siya? Gusto ko sana sabihin kay kay Kabi na sina sinabi niya: "Eh bakit parang iiyak ka na? Tutuliin ka ba ulit?" kaso ayokong lumebel sa pagiging mababaw ni Luke.
Pangatlo, gusto kong magwala sa sinabi niyang nag-fli-flirt ako sa kanya. Gago ba siya? Nanggigigil ako. Kailan nangyari 'yon? Kung nang-fli-flirt man ako, kay Kabi 'yon. At ano 'yong mga text na ipapakita niya? 'Yong sinabi kong pahalagahan niya si Kabi?
Kayi
SORRY PERO GAGO SIYA.
HINDI "FUCK HIM" EH.
HE DOESN'T DESERVE TO BE FUCKED.
MAS FITTING ANG "GAGO KA."
Kabi
I'm sorry.
Kayi
Uy, wag ka namang mag-sorry.
Kabi
"Take a rest" daw.
Iyon huling bilin niya sa 'kin.
Makakapagpahinga ba ako nang ganito?
Kayi
Gusto mo pumuntang dagat?
Hindi ko alam kung bakit ako nag-aya ng ganito. Pero natawa ako dahil pag-aya ko ng ganon, una kong tiningnan 'yong bank account ko at kung kaya ko ba panindigan 'yong sinasabi ko.
Kayi
Kaya pa naman ng bulsa ko. Haha.
Pero kailangan na ulit kumayod pagkatapos.
Kabi
Woah. Bakit biglaan?
Kayi
Mas natutuloy ang biglaan.
Kabi
Kilig.
Kayi
Bakit?
Kabi
Alam ko naman kasi na sobrang spontaneous ko.
Minsan calculated. Hehe.
Pero ikaw, alam kong pati mga gagawin mo this week, scheduled na.
So kinilig ako na siningit mo ako.
Kayi
Tss.
Hindi naman ako planadong tao lagi.
Minsan nag-iiba schedule ko kapag nag-yayaya ka bigla dati.
Kabi
Sorry. :(
Sorry kung nasisira ko pala sched mo dati.
Kayi
Bakit ka ba sorry nang sorry?
Thank you na lang, pwede?
At saka, kung sa 'yo, hindi nasisira schedule ko.
Naiiba lang.
We'll learn from each other habang tumatagal.
Kabi
In Ogie's voice, "Bakit ngayon ka lang dumating sa buhay ko?"
Kayi
Cute mo.
Kabi
Cute natin.
Kayi
Ano? G? Magliligpit na ako.
Kabi
Grabe walang tulog tulog. Haha!
Sabagay hindi pa ako antok.
Saan tayo?
Kayi
Batangas?
Kabi
Saan?
Search ako.
Laiya?
Kayi
G.
I love you.
Alarm ka na lang ulit ng 7:00 a.m.
Tulog na muna tayo.
Kabi
Sige! Excited na ako!
I love you . . .
Tumitibok puso ko nang sobrang lakas.
Naninibago ako.
Kayi
Ikaw lang pala 'yong K na hinihintay ko para sa sarili ko.
Kabi
Ha?
Di ko gets.
Bakit gusto mo ba na K simula ng girlfriend mo?
Kayi
Ano ba ko?
Kabi
Mahal ko?
Kayi
Haha. Pwede.
I mean . . . gender.
Kabi
Lesbian?
Kayi
Tagalog?
Kabi
Lesbyana?
Kayi
HAHA. SHET. KAYA MAHAL KITA EH.
Kabi
Hala.
Ano ba?
Hindi ako makakatulog.
Kayi
Synonym ng lesbyana?
Haha. Natatawa ako sa 'yo.
Cute mo.
Panira ng punchline. Haha.
Kabi
Tibo?
Aaaaah.
Kayi
Minsan, cute ka pag slow ka.
Minsan, nakakairita. Haha.
Kabi
Wow. Dati naiirita ka sa 'kin pag slow ako sa jokes mo.
Ngayon cute na ako.
Perks na alam mo na mahal kita na nasasabi mo na cute na ako? Haha.
Kayi
Haha.
Oo nga. Haha.
Kabi
At ikaw 'yong kumumpleto sa pangalan ko.
Tadhana talaga.
Hay. Kinikilig ako sa mga ganito.
I'm a sucker sa mga ganito.
Naiiyak ako.
Kayi
Ha?
Ah.
Lagi mong pinopoint out 'yon ano.
Kabi
Kabiyak.
Astig kaya.
Yin ka sa yang ko.
Kayi
Shet may naisip pa ako.
Kabi
Alin?
Kayi
'Yong letra na nagdudugtong sa mga pangalan natin para maging "kabiyak."
"I" di ba?
Kabi
Hala.
:")
Kayi
Oo, ikaw ang kabiyak ko.
:)
Pero bago man tayo napagdugtong.
Meron tayong mga sarili natin.
Ayoko lang siguro na masyado tayong concentrated sa isa't isa.
Parang ganoon ba.
Na ayokong kumpletuhin ka.
Na sana kumpleto ka na.
Tapos sabay nating i-a-angat, i-improve ang isa't isa.
Parang ganon ba?
Kabi
'Yang wisdom mo ano.
Hawaan mo nga ako niyan.
Ilalagay ko sa susunod kong nobela. Haha.
Sige na. Aayos na ako ng gamit then tulog na.
Good night and sweet dreams, Kayi.
I love you.
Kayi
Mahal kita, Kabi.
Good night.
***
Mga alas-siyete nang umaga, magkasama na kami. Natatawa na lang kami sa mga sarili namin kung gaano kami kakaladkarin sa isa't isa.
Sumakay kami ng bus papuntang Batangas. Ang sarap sa pakiramdam na maghahawak kami ng kamay at nakapahinga iyong mga ulo namin sa isa't isa. Natatawa pa ako noong nag-CR kami pareho.
"Hala," bigla niyang sinabi. "Perks pala na pareho tayong babae tapos pwede tayong pumasok sa isang cubicle sa banyo o dressing room no?"
"Oo. Tapos biyahe tayong langit? Meryenda, ganon?" tukso ko na may kindat.
"Sige ba." Tapos nilagay niya 'yong mga kamay niya sa baywang ko. "Asahan ko 'yon ah?"
Hinalikan namin ang isa't isa na ikinangiti ng janitress na andoon.
Nakatulog ulit kami. Umasa na lang kami sa walk-in na mga resort, pero kampante kami na makakakita kami ng kwarto dahil weekday naman at kaunti lang panigurado ang mga tao. Buti na lang, may isang kwarto 'yong isang resort. May kamahalan, pero dahil sobrang init ng araw at tinamad na lang kami maghanap, doon na kami namalagi.
Nilapag niya lahat ng gamit niya. Tinitigan ko siya habang naghahanap ng damit sa bag niya.
"O, may problema?" tanong ko.
"Wala naman. Bat mo natanong?" sagot niya.
"Kinakalat mo kasi 'yong mga gamit mo sa harap ko dati. Ngayon nahihirapan ka na. Ano bang hinahanap mo?"
"Bathing suit," sagot niya. "Ewan ko. Parang nahihiya ako bigla na . . . alam mo 'yon?"
"Please, Kabi. Nagustuhan kita sa kung ano ka. Hindi mo kailangan mahiya. Gusto ko 'yong nagwawala ka sa harap ko, 'yong tutulo 'yong laway mo habang natutulog ka—"
"Nakita mong tumutulo 'yong laway ko?" Binato niya ako ng unan.
"Oo. And see? Gusto pa rin kita. Simula noong nakita kita sa MRT, nagustuhan na kita. Na kahit nalaman kong meron kang iba, ginusto pa rin kita nang pasikreto, tinago na lang dahil gusto ko manatili sa buhay mo. Kaya, please?"
Hinawakan ko 'yong baywang niya at nilapit sa 'kin. Di ko maiwasan ilapat ulit 'yong labi ko sa labi niya. Nakakaadik kasi.
Nilagay naman niya 'yong naligaw na hibla ng buhok ko sa likod ng tainga ko. "Minsan ba, sinabi mo na sa sarili mong lumayo sa 'kin?"
"Oo naman," sagot ko. "Isipin mo na madalas tayong dalawa lang. Madalas pinapahiga mo ako sa kama mo noon. Madalas mong hawakan 'yong kamay ko. Madalas, pakiramdam ko, mahal mo rin ako. Pero laging may haharang sa utak ko na . . . sadyang mabait ka lang. Sadyang gusto mo ako kasama dahil sabi mo nga, noon mo pa gustong makakita ng isa pang tulad mo, parang babaeng best friend, at nakita mo 'yon sa 'kin. Not to mention 'yong gagong si Luke. Paanong di ko maiiwasang isipin na lumayo sa 'yo?"
"Fuck." Ngumiti siya at pinahigpitan niya 'yong yakap ko sa kanya. "Buti na lang, hindi ka sumuko sa 'kin."
"Sinabi ko naman di ba? Noong isang araw, naisip ko na talaga. Pero alam mo 'yong tadhana na 'yong mismong pinagkita tayo."
"Bakit kaya ganoon ano?"
"Ewan."
Hinalikan ulit namin ang isa't isa. Tumindi na naman nang tumindi hanggang sa napaatras kami nang kaunti at napasandal siya sa may pader, pareho na namang nakadikit ang dibdib namin sa isa't isa at, mamaya, hawak-hawak na namin na parang nagmamasa. Pareho naming halik ang leeg ng isa't isa, tumindi nang tumindi, at dahil doon, hindi ko napigilang bumaba para kainin siya—oo, iyon ang termino namin doon. Muli, narinig ko na naman 'yong sigaw niya ng pangalan ko.
Gusto kong sinisigaw niya 'yong pangalan ko nang ganoon.
***
Nagising kami ng alas-tres imedya ng hapon at nagdesisyon na pumunta na ng dagat . Ako pa nga ang gumising sa kanya dahil sabi ko, tamang oras na para maligo kami kung hindi, bale wala rin 'yong pagpunta naming ng Batangas para makita ang dagat.
Pumunta kami sa beach. Hindi siya ganoon kaputi katulad ng sa mga litrato, pero okay na rin. Nakita ko siyang nakatingin sa dagat kahit pa naka shades pa siya. Tugmang tugma 'yong puti niyang damit at maong niyang shorts sa kulay ng langit na para bang ulap rin siya.
Ang ganda niya tingnan. Para bang pinanganak ako para lang makitang tinitingnan niya ang dagat habang tinatangay ng hangin ang buhok niya at sinisinagan ang mukha niya ng araw. Tumutugma ang ganda ng tanawin sa ganda niya.
"Ang sarap dito," sabi niya. "Tapos may kasama pa akong sobrang gandang babae. Nako, baka pagtinginan tayo ng tao niyan."
"Eh ano naman kung pagtitinginan tayo? Di naman ako nahihiya ipakita na mahal kita eh."
"Hindi naman 'yon ibig ko sabihin."
"Eh ano?"
"Na baka pagtinginan tayo kasi may kasama akong chicks. Sabihin nila, 'Shet, ang swerte non o.'"
Natawa ako sa sinabi niya. "Nako, tumigil ka nga. Wala akong pake sa sasabihin nila. Kahit halikan pa kita sa harap ng maraming tao, masabi lang na 'Hoy, taken na kaming dalawa . . . ng isa't isa. Wag kayong ano.'"
Nagtawanan kami.
Nagtampisaw kami saglit sa beach pero hindi kami roon nagbabad. Sa may swimming pool kami sa resort naligo. Mga bandang alas-kwatro imedya, umahon kami at nagdesisyon na maglakad-lakad ulit. Nagtapis lang kami para kung sakaling gusto naming maligo pagkatapos, makakaligo kami.
Umupo kami sa may buhangin habang hawak ang kamay ng isa't isa. Rinig lang namin ang alon at ang tawanan ng iba't ibang grupo. Narinig ko siyang magbuntong hininga.
"Bakit? Anong problema?" tanong ko.
"Minsan, ganito lang talaga ako. Nalulungkot nang walang dahilan," sagot niya habang gumuguhit ng bahaghari sa may buhangin.
"Nararanasan ko rin 'yan minsan. Tipong mapapatulala ka na lang at hindi mo na lang alam 'yong dahilan."
"Melancholy . . . sa Filipino, panglaw."
"Galing ah. Alam mo pati Filipino."
"Ang galing nga eh. Kung anong ikinaganda ng salita, siya namang kabaligtaran ng ibig sabihin. Parang ako."
"Anong parang ikaw?"
"May façade ba? Tipong mukha lang akong masaya, pero sa loob-loob, may tinatagong lungkot."
"Malungkot ka ba ngayon kasama ko?"
"Masaya akong kasama mo, Kayi. Hindi ko lang maalis ang dami ng iisipin. Ayoko na lang mag-isip."
Inakbayan ko siya. Alam ko naman na bawat isa sa 'tin, merong tayong makatatagpong tao na sobrang lalim mag-isip na parang puno ng karunungan. Sa akin, si Kabi 'yon. Ang lalim ng iniisip niya. Ang lalim ng pagkatao niya. Minsan, kapag mga ganito ang pag-uusapan naming, pakiramdam ko lumalangoy ako, at nang akala ko ay naabot ko na ang dulo, biglang may mas lalalim pa pala.
Pero mas gugustuhin ko pang tubuan ng hasang para languyin nang languyin 'yong malawak niyang dagat ng iniisip. Kahit pa abutin ako ng otsientang taong gulang, hindi ako magsasawang kilalanin siya.
"Langoy tayo?" aya ko.
"Natatakot akong lumangoy sa dagat."
"Bakit? Ang sarap kaya."
"Maalat, mahapdi sa mata, may mga alon. Baka tangayin ako hanggang sa gitna . . . tapos may pating. Baka malunod ako."
Natawa ako sa mga sinabi niya. "Parang buhay ko 'yon dati 'yon ah."
"Anong parang buhay mo?"
"Maalat, mahapdi sa mata, maalon. Pero may sirenang inakit ako at natangay na nga ako sa gitna at nalunod na ako—o siguro hindi. Hindi pala ako nalunod. Ako pala kusang lumangoy tapos pinakita ng sirenang 'yon 'yong maganda niyang mundo at nagdesisyon akong di na bumalik."
"Ano ba, ako ba 'yong sirenang 'yon?"
Tumango ako.
"Nako. Cheesy mo. Kadiri," tukso niya. Nagtawanan kaming dalawa. Binato pa nga niya ako ng buhangin. At saka niya dinagdag, "Eh paano pala? Eh di hindi ka na babalik sa mundo ng mga tao?" tukso niya sa 'kin habang nakahingang kumekembot na parang mga sirena sa pelikula. Natawa ako.
"Hinding hindi na. Masaya ako sa sirena ko."
"Alam mo," sabi niya. "Magandang kwento 'yan."
"Nako siya. Lahat na lang ginawan na ng kwento."
"Ipapa-edit ko sa misis kong editor," sabi niya na may kindat.
Hawak ang kamay ng isa't isa, lumangoy kami sa dagat. Nahalikan ko na siya sa ibabaw ng lupa, at ngayon naman, hinahalikan ko siya sa ilalim ng tubig.
Umahon kami at huminga. Tumingala sa langit habang ramdam ng mga katawan namin ang dagat. At sa lahat ng araw na ibinuhay ko, ngayon lang ako nakaramdam ng kapayapaan sa loob ko.
Ngunit tulad ng ibang araw, nag-iba ang kulay ng langit upang magbigay daan sa gabi.