قلب قابل للكسر

Part 27

#قلب_قابل_للكسر

//////بقلم الكاتبه زينب ماجد//////

البارت_27

اسمي يسار هيثم ال عيدان.. عقد حاجبه  ... المطيحه... جاخور... الطمر الصحي..

ارتبك... دارله ابن عمي تعرفه.. اااا مم ما ما اعرفه منو انته وش ششنو تقصد..

يسار.... اني نفسه ذاك الطفيت جكارتك بجسمه.. اني نفسه ذاك اللي قلعت اضافير اديه ورجليه حتى تحصل على معلومات عن شركة ابوه..

اني نفسه ذاك الطفل اليصرخ بالم ويگلك عمو ارحمني هوه نفسه اللي ضربته رصاصة الرحمه بضلعه ورميته بالطمر الصحي..

حجيت والدموع وحدهن جرن من گد الالم اللي تذكرته... نكر كال ما اعرف شتقصد..

حجه ابن عمي وكاله بالمركز نكلك شنو القصد امشي ويانه... كام يصيح مو من حقك تلزمني.. ما عندك امر باعتقالي وما عليه تهمه اتركوووووني..

اخذوه الحرس وصعدوه بالسياره مالتهم وانه وبشار بسيارتنه لحكناهم للمركز... شكلو مجلس تحقيقي فورا..

وكعدو اخذو اقوالي.. كتلهم بسنة 2004 اكو قضيه تسجلة ضد مجهول بأسم هيثم عيدان بخطف ابنه

ومن بعدها تبين ان الشاب لكاه عامل نضافه ونقله للمستشفى  لكن الشاب كان مميت عدل باخر الانفاس تم انقاذه بمستشفى العسكري

طلبو القضيه اللي جان رافعها الحجي.. ورجعو فتحوها.. حققو ويه الرجال ما اعترف..

كال يبقى عدنه.. غصبا عليه يعترف ونشوف سجله بالدوله شنو كان.. تركناهم ورجعنه للبيت

دخلت مهدود حيلي كأن البارحه انخطفت.. صعدت فوك بغرفتي وكمت اصرخ بعلو صوتي

تعبتتتتتتتتتتت اريد انسى خلصونيييييييي ارييييييييييييد ارتاح متت والله متتتتتتتتتتت

طبت حوراء.. كعدت على السرير وخليت اديه على راسي وصحت اطلعي..

-شنو الموضوع شصاير

-كلت اطلعييييييي تركوني وحدي ميصير ارتاح لوحدي فد يووووووووم.. طلعت وسدت الباب بوراها..

دنكت بتعب كمت ابجي.. احس جروحي كلها انفتحت.. صوت الباب وبرودة الكاع الجنت احسها بضلوعي كلها رجعت..

حتى رجليه تأذيني وكأن رجعت لنفس المكان والدود يلتم على الدم مال اضافري ومااكدر اوخر الدود عني من السلاسل..

رفعت راسي فوك اصرخ فدوه ربي تعبت والله تعبت ارحمني.. خليت اديه على اذاناتي وكمت اسمع مو كأن اتذكر واتعذب كأنه اليوم  

نمت على السرير وخليت المخده فوك راسي ما اريد اسمع.. صوت الطقات ترن بأذني موتنيييي...

كمت من السرير اخذت 3 حبات فاليوم.. ورجعت احاول انام لزمني صداع فضيع.. كمت اتألم لحد ما نمت..

ما كعدت غير على ايد الحجي يغطي بيه.. فتحت ها حجي..

الحجي... نايم بلايه غطا والسبلت مشتغل ليش هيج

-كعدت على حيلي.. كالك بشار

-اي كال لكينه الخاطف ورحت للمركز وتأكدت بنفسي..

-اعترف لو بعده

-بعدهم جاي يحققون بالقضيه.. لا تهتم وليدي انته طيب وقلبك مؤمن وتعذبت والله مستحيل ينسى عذابك.. لابد يطلع حوبتك ولو بعد حين..

وحوبتك بطت بس ما خطت.. وهلوكع الجايف ما ارضى الا باعدامه والله واذا ما عدموه انه اهربه من السجن واعدمه وعلي..

هلكلب لساعه نار خطفك ما طفت بگلبي كل ما اتذكر صوتك لما حاجيتني وانته يمهم ينهد حيلي والله يابويه

الله وحده يعلم بحالنه ذيج الايام عساها لا رجعت ان شاءالله ايام سوده..

-ما جاي انسى يابه..

-حقك وليدي.. كوم صلي اقره قران وارتاح وليدي لا تخلي ابليس يقهرك بذكرياته اكتله بأيمانك بالله اللي رجعلك حقك بعد كل هلسنين...

-ان شاءالله يابه..

-عفيه وليدي .. تصبح على خير..

-اجمعين.. دنكت راسي يوجعني.. كمت على حيلي رحت توضيت وصليت قريت سورة الحمد وصلت للاية اهدينا السراط المستقيم سراط الذين انعمت عليهم

كمت اردد سراط الذين انعمت عليهم ثلاث مرات وابجي بدون ماحس .. خلصت وكعدت اقره قران..

اندمجت واني اقراه.. كملت جزء.. طبكته بسته وخليته على گصتي..

لميت السجاده.. وكمت نزلت جوه.. محد كاعد.. جوعان.. فتحت الثلاجه.. طلعت جبن وسويت لفه..

وخليت جاي على النار.. واللفه خليتها بالمايمكرو.. صفنت افكر بهذا الكلب شلون اذا ما اعترف..

اتمنى ما يعارف وانطي للشرطه.. علمو. اني اخذ حقي منه.. اذا سنان سامحته لجل العشره.. هذا اشرب من دمه وما اروى على العذاب الشفته منه..

فزيت من تفكيري على صوت المايكرو وهو يصفر.. طلعت اللفه وسويت جاي وكعدت اكل..

طبت حوراء.. صدت عيني برگبتها بيضه وهي شامره الحجاب شمر على راسها..

-اكعد؟

-ابتسمت.. ههه اكعدي منو لازمج

-اخاف هم تطردني

-اخذت نفس ... اعتذر جنت بوضع ما اتحمل احد يشوفني بيه..

-بس شفتك..

-دنكت منها وشربت جاي ما رديت..

-ليش هيج جنت تصرخ

-اتمنى تسدين الموضوع والافضل تنسيه لان تخجليني بيه..

-براحتك.. صح لگيتو اللي خطفك گبل...  الحجي كال..

-جريت نفس... اي..

-اذا جاي اضايقك بأسئلتي عليك عادي اكوم والله اسفه بس لان خايفه عليك

-ابدا  . بس حوراء نفسيتي تعبانه.. لهيج اتمنى من تشوفيني بهلوضع لا تكومين بس لا تحجين..

- هههه يعني شلون اكعد خرساوي

-حسسيني بوجودج بجانبي .. بس لا اطلبين مني اشكيلج ضعفي ما احب..

-هههه ماشي..

-كمت اكل واشرب جاي وهي صافنه بوجهي.. نزلت الكوب شكو ..

-شنو

-ليش هيج صافنه بوجهي..

-جا شسوي .. تكلي لا تكومين ولا تحجين وهسه لا تباوعين.. فهمني  شتريد بالضبط دوختني

-ههههههه احب تثرثرين هلثرثره وتنسيني..

-اذا على الثرثره.. جا اسمع... اليوم من شحتتني من غرفتك وانقهرت عليك.. ضجت حيل وانه اذا اضوج اكل ..

ف كلت عليمن اسوي اكل جديد واتعب هوه منو موجود.. وطلعت شكو اكل بايت بالبيت حميته واكلت جني ما شايفه

-هههههههه هم زين ما مبين عليج.. ضعيفه

-دسمع.. كملت اكل وبعدني ضيجانه.. افتر بالبيت محد اكو بس الحرس بره واخاف اطلع.. سويت كيكه شو هاي طلعت ثريد مو كيكه.. وعفتها بالفرن ما طلعتها ذيج هيه..

- ههههه طلعيها خل اضوك.. طلعتها واجت.. كصتلي وانطتني.. معجنه.. كمت اكل بيها بس من فوك..

كملت.. سديت الضوه وكتلها روحي نامي.. وصعدت.. للصبح كعدت رحت جبت جواز حوراء ..

خلصت خابرني بشار.. كال اعترف لتخاف وانشمر بالسجن والتحقيق جاري.. كتله الحمدلله

طلعت لامي بالمستشفى اخذتلهم اكل وفواكه.. ورحت.. بست راسها وخبرتها بسالفة لزمت الخاطف. 

خطيه فرحت وكالت ياخذ حوبة وكعتي هاي منه.. بسببه صار بيه سكر اخذك مني وخلى روحي بار عليك لحد ما هد حيلي..

-ان شاءالله الله ميضيع حق احد وربج.. وشوفي شراح يسوي بيه..

مرت اسبوع كملت كل اجراءات السفر..خابرني بشار كال خل نروح للمركز نشوف القضيه شصار بيها..

اتفقنه ورحنا الصبح.. طبينه.. كال المحقق طلعت عليه قضايا اجرام كثيره واهمها قتل بنته وابنه وهم شامرهم بالطمر..

بشار... يسافل حتى ابنه وبنته ما خلصو من شره

المحقق... لاگي ابنه وي بته وما متحمل وكاتلهم ثنينهم وشامرهم بالطمر ومهدد مرته اذا تحجي يذبحها ويشمرها وره ولدها

وكاتل شريكه بالعماره وبايعها وماخذ الفلوس وهسه جاي يمشي بمعاملة سفر يريد يطلع لسوريا..

والحمدلله ربك يسار تعرف عليه وكمشناه.. ومو بس هوه اعترف على كل جماعته اللي وياه..

ثنين ميتين.. وواحد مفقود او بالاحرى هم بسوريا بس جاري البحث عنه..

-حكمه اعدام مو

-تبقى يم القاضي .. بس بالتأكيد اعدام لا محاله..

-دارلي بشار كال باع ابو كلب الطيب حوبتك شسوت.. ولك شكبره بختك يم الله

جاوبته.. الحمدلله الله يباوعلي وما ناسيني.. رجعنه من المركز وحظرنا غراض السفر..

وبشار انتقل ابيت ابوي لان الحجي راح يبقى وحده.. لما تجي الحجيه وياي.. وبيت بشار مو بعيد علينه بعد فرعين من عدنه..

ف بس جاب اهله واجه كعد... انه اخذت امي وحوراء  وسافرت بيهم البنان.. خطيه  امي تعبت بالطياره وحوراء تخاف

ابتليت بالاثنين لحد ما وصلنه بخير وسلامه.. نزلت.. وغيرت العماره الكاعد بيها... استقليت شقه تحتوي على 3 غرف وصاله وملحقات.. بفندق قريب على المستشفى الامريكي..

ودفعت ايجار شهر..  ودخلنه.. حوراء تباوع للفندق... جانت الشقه بطابق 23 .. والمصعد جان شفاف زجاج

من تصعد بيه البحر كله كبالك يصير.. باوعت امي وتكلي يمه بس هذا المنضر عافيه طبت...  ضحكت..

الحجيه.... لبنان احلى من دبي..

يسار... ما اعرف بس لبنان جو اطيب من دبي وطبيعتها اجمل بكثير ..

حوراء... هسه عرفت انته شكد متعافي.. كل هاي الجنه وانته تبجي على اهلك هناك..

-ههههههه والله يا حوراء كل هاي الدنيا ما تسوه عدي صبحيه وحده اكضيها علريوك ويه اهلي بوجود الحجي وامي..

الحجيه.... حبيبي وليدي الله يحفظك.. انفتح المصعد.. درنه وجهنه وطلعنه.. اخذت الشقه .. فتحتها وكتلهم تفضلو..

حوراء.... يبوووو باع الجنه ..جنت بالافلام اشوف هيج شقق وفخامه هسه بالحقيقه كبالي شلون روعه..

تحجي وادور براسها على اركان البيت.. صحت يمه هاي غرفتج.. وحوراء.. هاي وانه هنا..

وحوراء ياريت تساعدين امي بتسفيط ملابسه واخذي راحتج..  انه راح انزل للشركه ارجع ارتب الشغل..

رحت للشركه... عينت وكيل جديد وبديت الشغل من جديد ورسمت العمل بقى التنفيذ عن قريب..

رجعت للبيت.. فتحت الشقه حوراء بالصاله كاعده.. مساء الخير

-هلا مساء النور..

-شو وحدج الحجيه وين..

-بغرفتها اخذت علاجها ونامت..

-هااا.. ردت امشي.. صاحت حوراء..

-يسار اذا تريد تسبح حظرتلك ملابسك بالحمام..

-عقدت حاجبي مو بالعاده تحظرلي حمام .. مهتميت .. كملت مشي للغرفه.. لكيتها مصفطه هدومي كلهم.. والجنطه ضامتها  

غيرت ملابسي.. لبست تراك وصليت .. وطلعت للصاله شنو تردين اكل..

-بكيفك..

-كعدت امي.. وراي كالت انه اريد شوربه يمه.. جاوبتها اعرف اكلج خاص.. وانتي درت على حوراء..

-شتاكل جيبلي وياك..

-اوك راح اطلب بيتزا.. رفعت السماعه وطلبت اكل.. نص ساعه ودكو جرس الشقه جابوه..

اكلنه.. كتلها يمه اطلعين.. افرفركم شويه.. كالت ماشي ابدل واجي... بدلت هي وحوراء لبسن جبه اسلاميه لان شي عريب زي العباءه بلبنان يلفت نضر

اخذتهم ورحت افتر بيهم على الاسواق والمولات .. امي اخذت لحوراء تراكات وبنطرونات وقمصان حلوه

كالتلها لا تبقين بالجبه.. هنا حتى لو لبستي محد يكول لبست لو ينتبه كلها نفس اللبس..

انه اشتريت لامي شريحه لبنانيه.. كالت يمه اشتري موبايل لحوراء تحتاجه.. اخذت الها والي ايفون  غيرت البلاك بيري

انطيته لحوراء.. كالت ما اعرفله هاذ.. 

-انه اعلمج عليه امشو...اشترو وكملو كعدتهم بكافيه..

طلبو عصاير وانه طلبت اركيله.. كعدتامي وحور يسولفون.. انه كعدت افتح الايفون اتفقده واشوف كيف تنصيبه..

فتحت وايفي دخلته عليها شبكه مفتوحه بدون باسورد.. كنكت على طول وكعدت اشوف مقاطع برشلونه وكذا..

لشوي كالت حوراء.. يسار علمني عليه شو ما ينفهم.. صحت تعاي كعدي يمي.. جان الطاوله عباره عن قنفه ام النفرين مقابل قنفه..

افترت وكعدت يمي.. كمت اشرحلها منا تخابرين منا نت .. واعلمها شلت راسي افتهمتي.. لكيتها صافنه بوجهي..

شو بوجهي صافنه.. جاي اعلمج على الفون افتهمتي لو لا..

- ااا اي اي ان شاءالله..

-فتحتلها نت ووشغلت تطبيق يوتيوب.. وانطيته الها.. راحت يم الحجيه يباوعن بيه فديوهات ويضحكن..

3 ساعات بقينه كاعدين.. وما كتلهم كومو لان شفتهم مرتاحات.. انتضرت امي تكولها.. لحد ما نطقتها ها يمه نروح تعبت رجليه..

كتلها يلا... اخذتهم ورجعنه للشقه.. دخلو.. لزمت حوراء.. .. اكولج حور تره مو حرام تنزعين حجابج گبالي بيني وبينج عقد يعني حلال..

وشغله ثانيه.. اتعلمي لفي شال.. اتركي حجاب الاميره.. جاوبتني ان شاءالله..

عفتها ورحت للغرفه.. كعدت شوي علموبايل فرفرت بيه.. نسيت نفسي وانه اباوع.. لهناك.. انتبهت..

كمت نزعت قميصي.. ردت البس.. كلت لا خل اسبح وانام.. توجهت للحمام جاي ادكه انفتح.. طلعت حوراء..

باوعت بوجه وضحت.. الشعر صاير خصله خصله من المي والركبه ثلج ومبلله ولابسه وردي والخدود من الحمام صايره بلون القميص..

خرب وعلي تيهت.. كمت اتعلثم.. هي ابتسمت بوجهي ومشت بخجل مدري رقه شمدريني كل الافهمه اوضاعي اتخربطت..

هاي عود حوراء لو حوريه.. من تعايشت وياها شفت جمالها عادي صار بس من طلعت كبالي من الحمام وبدون حجاب لا غير وجه تكتل..

طبيت اسبح وانه كل بالي وياها.. خرب بيها دوختني.. سبحت وكملت ورجعت للغرفه نمت گبل..

نايم.. واشم ريحه طيبه.. جاي.. كمت لكيت الحجيه وحوراء كاعدات.. صباح الخير.. ردو صباح النور..

خير شو من الصبح كاعظات ساعه 7 الا ربع..

الحجيه... مو نمت من وكت البارحه اول ما رجعنه وكعدت خطيه حور حست علي وكعدت وياي..

-طلبتو ريوك..

الحجيه... اي طلبت.. ان شاءالله اليوم انه وحور ننزل للماركت ونتسوك

-وصحتج يمه.. اريد اخذج للمستشفى..

-والله يمه جاي اخذ علاجي وزينه..

-مو حجي هذا اخذج للمستشفى وبعدها روحو تسوگو.. دنحجي دك الجرس فتحت اخذت الريوك.. وطبيت تريكت

ورحت لبست تراك.. وكتلها يمه كومي نزلي وياي للبحر.. كعدي ترتاحين والله..

كامت ما كالت شي.. درت على حوراء.. اذا حابه تركضين وياي لبسي وتعاي ..

طبت... بدلو انه رجعت.. اخذت الفون مالتي.. وكعدت انتضرهم.. كملو نزلو وياي.. كتلهم اول شي امر اخذ هوفن..

الحجيه... هذا  چلبك مو

-اي چلبي .. مريت نزلت للمدرسه .. طلبت هوفن.. هوه شافني لو اجه بكل سرعته يعوي ويركض..

التف عليه مشتاقلي وانه العب بشعره واحظن بيه..

الحجيه... سبحان الله شلون عرفه يشمشم بيه..

لفيت الحزم حول رقبته واخذته.. ردت اصعده وره بالسياره كامت تكمز حوراء من الخوف منه. 

عاد صعدته بالصندوك وما قفلتها عليه بس رديتها.. ورحنه للبحر.. كعدت امي على مصطبه..

وكلت لحوراء يله.. كمت اركض انه وياها وهوفن كدامنه..  ركضنا ساعه الا ربع تعبت كامت تشحط..

رجعنه لامي.. لكيتها مصاحبتلها عجوز لبنانيه وكاعده تحجي وياها.. عفتها براحتها ما ضايقتها ونزلت للمي..

اتمشى والعب بيه.. وحوراء وياي.. ابتسمتلها.. حلوه هنا..

-كلش حلوه اجواء تجنن..

-ابتسمت ودنكت اشمر المي برجلي..

- ااا صدك يسار

-رفعتلها راسي ها

-اعتذر عن منضر البارحه ما جنت اعرف انت علباب

-ماكو داعي تعتذري اصلا ما صار شي..

-هااا

-حسيتها ما عجبها جوابي.. اخذت نفس ودارت ورجعت يم امي.. كمت العب وي هوفن بالرمل..

لهناك اخذتهم ورجعت.. للشقه.. ودخلت سبحت واخذتهم للمستشفى ما يحتاج عمليه بس مراجعه عليهم بالاسبوع يومين..

علاج للكلى وللعين وولسكر.. وبقينه على هيج.. اخذها بالاسبوع يومين

بعد ايام.. صار يوم الجامعه .. لبست ورحت.. دخلت لادارة الجامعه.. سلمت الرسوم  للمرحله الاخيره شده و35 ورقه..

اتذكرت سنان من جنت ادفع اجر جامعته الكلب ما غزر وياه.. كملت حسابات الجامعه.. وطلعت للسنتر..

لكيت اصدقائي اللبناني جون و سامي.. ضربت على كتافهم.. صرخو اهليييييين يا زلمه كيفك..

-هههههه الحمدلله شلونكم شخباركم

-مناح يحبيبي انته كيفك.. شو ارفيئك وينو

-بعد ماكو رفيئي .. مات..

-لا والله جد وينو سنان..

-ما اعرف.. تخاربنه..

-لاء مش معئول ليش..

-طلع طماع وسرق الشركه

-لا عم تحكي جد والله..

-اي والله.. جاي احجي وكفت مهى بكل صلافه.. كتلهم اترخص شباب.. صاح وراي سامي

لك يا زلمه تعال لهون كرمال الله بدنه نعرف شو صاير..

صحت تفهمك الاخت يااااا سامي.. رحت للكافيه.  دا اطلب قهوه.. وكفت سهاد.. هلا يسار.. ما رديت..

استلمت الكوفي ورحت كعدت.. كعدت كبالي.. رجاءا كومي منا وبلا اساليب اللعب هاي بعد متعبر

سهاد.. يسار بس افهمك والله اني معليه بيهم..

-وانه معليه بيج لو سمحتي گومي من وجهي.. ما اريد اشوفج.. ولتخلين اعصابي تطلع عليج كدام الزملاء وعيب احنه عراقيين نتعارك گبالهم..

-يسار بس.....

-شكلللللللللت... ضربت على الطاوله.. انتبهو الكاعدين. 

-اوك براحتك..

-شربت الكوفي مالتي وطلعت افتر بالكليه.. مهى وحدها سنان ماكو الضاهر الكلب ما عنده يدفع رسوم جامعته.. ويضربه وجع شكو افكر بيه انه..

رحت لاصدقائي وكعدت احجي واضحك ولا كأن مهى كبالي.. ثنينهن واكفات.. ما جان اكو محاظرات اول يوم فقط تعارف واستقبال وهيج شي ..

كملت رجعت للشقه.. دخلت حوراء بالمطبخ.. طابخه تمن وفاصوليه ولابسه تراك ورافع الشعر وحتى مكياج مخليه..

ما اعرف حسيتها دتأدي دور الزوجه وياي... مهتميت.. كتلها ادخل ابدل.. صاحت الحمام محظرته الك ..

رجعت الها.. باعي حوراء.. حمامي الصبح  وقبل النوم.. خلال اليوم انه ما اسبح واشكر اهتمامج لهذا الموضوع..

ابتستمتلي .. درت وجهي رحت بدلت.. طلعت امي تغدينه سوا.. نمت الضهر والعصر كعدت انه وامي وحوراء على الشرفه الجو برد صار يجنن..

كعدنه انسولف.. صار المغرب.. دخلت فتحت التلفزيون قران وانتضرت الصلا تصير حتى اصلي واطلع..

ويه ما اذن اندك الجرس فتحت... سهاد.. اخذت نفس.. شرايده سهاد..

-اعرف ابن شيوخ ما تطرد ضيفك..

-اتفضلي... صحت يمه عدي ضيوف بالصاله ياريت عصير 2 ..

سهاد.. امك وياك اجت..

-امممم مريضه وجبتها وياي تتعالج.. سهاد اشربي عصيرك وامشي..

-ما امشي قبل ما احجيلك .. انه مو وياهم والله.. وما اعرف زوجها سنان الله يشهد عليه بكبره.. بيوم الحنه يله عرفت

ومنعتني اكولك مهى وكالتلي متدخلين بيناتنه ... اصلا اني وياها حاليا خربنه وما يربطني بيها شي جبر اجت سافرت وياي

لان زوجها التحفه اتبرئ من مسؤلية جامعتها هاي السنه وكاللها بطلي بس ابويه لخاطر خالتي هوه تكفل دراستها وياي..

وانه ما جان عندي حتى رقمك بالعراق واتواصل وياك الله شاهد..

-المطلوب سهاد شنو.. همه ثنين قذرين لايكين لبعض ورهمو انه ما خصني بيهم..

-يسار ارد اسئلك سؤال

-تفضلي.. صح انته بيوم وفاة والد مهى كنت بالديسكو تضحك وتشرب ورجعت وياك بنت وكانت كويتيه واتقربتلها..

-جاي ارد... وكفت حوراء صافنه.. رفعت راسي.. اشرتلها قدمي العصير..

حطت العصير .. سألت سهاد منو البنت الحلوه.. جاي اجاوب جاوبت عني حوراء ببتسامه زوجته..

سهاد... معقوله اتزوجت..

-هزيت راسي بايجابيه.. وكتلها شكرا حور.. شوفي امي يمكن دتصيحلج..

التفت السهاد.. اشربي.. وخليني اجاوبج على سؤالج.. لا..

-شنو يعني لا

-بيومها صح رحنه للنادي بضغط من سنان .. بس ما سويت اللي كلتي

-بس الصور تشهد

-يا صور..

-صةرك وانته بالديسكو وتهمس باذن بنيه لابسه قصير وكاعده رجل على رجل وانته المشروب بيدك..

-اولا اني ما جنت اشرب والبيدي كان تايكر.. ثانية البنت كانت صديقة سنان ولطشت يمي وتحجي ولان كان الصوت عالي فجنت اتقرب من راسها واجاوب على اسئلتها السخيفه لا اكثر..

-زين والصور وانته شايلها وهي نايمه على سريرك وانته عريان

-عريان بالسرير وياها مستحيل ماكو هيج شي..

-لا واكف انته وهي نايمه..

-اخذت نفس.. باعي ابيومها سنان جبرني اجيب الساقطات اللي يسميهم صديقاته للشقه.. وجنت رافض بس كال عيب ..

فقبلت.. الثور اللي اسمها نوف صديقته جانت سكرانه وما نزلت من السياره اضطريت اشيلها واصعدها من وصلت للشقه..

كال سنان حلالك اتمتع بيها.. كتله انه ابن اشيوخ الضيف ما ادنسه.. ووديتها بغرفتي نومتها وجريت ملابسي بدلت وطلعت نمت بالصاله. 

-بس بالصور انته عريان..

-شلون يعني عريان.. اكولج بدلت وطلعت يعني الصوره تبيني انه عريان كلش

-لا من بطنك وفوك..

-اي طبعا لان انه بدلت بالشورت.. والكلب صورني وقصها ووضحلكم هاي الصوره

-زين وهيه..

-هي شبيها..

-كانت مجرده من ملابسها بسريرك..

-ماكو هيج حجي انه من خليتها وطلعت هي جانت بملابس السهره..

-اوك عوفنه من هذا ليش من خابرتك مهى كتلها انه نايم مكتلها سهران .

-استحيت اكولها انه سهران .. فكذبت حتى لا تزعل..

-يعني بذيج الليله كلشي ما سويت..

-لا طبعا.. شفتيني فد يوم شارب لو عدي هسوالف .. مو ثوبي هذا بعمري الشرب ما حطيته بحلكي. 

-تدري سنان جان يتحرش بمهى من جانت وياك.. ويكلها احبج ويسار ميحبج..

وهي الله شاهد جانت ما تقبل ودوم ترزل بي .. وحتى ثنينه كرهنه سنان .. وردنه نكلك.. وكال انه اثبتلكم ان هوه فد انسان فاشل وكل ثكله هذا مجرد تمثيل..

وبيوم الجانت مهى بالعراق بوفاة ابوها..  دزلها رساله مصوره وانته كاعد يم هاي البينه وكامت تفور بيومها  

وتصيح مو هذا اليحبني مو هذا اليكول اموت عليج بيوم وفاة ابويه يخوني ليش شسويتله. 

وخابرت عليك بيومها رادت تتأكد منك لان ما تثق بسنان.. وجامت الصدمه انته تكلها انه نايم وفزيت على صوت الدكه مالتج..

بقت تبجي الليل كله وسنان يصورلها انته شلون حاظنها بالمصعد.. وشلون دخلتها شقتك   ونومتها. 

وانته عريان وهيه .. خلاها تتخبل بيومها والله تخربطت وشالوها للمستشفى..

ورجع سنان كاللها شكتلج مو يمثل عليج   ... وانقطعت منك حتى ما صار الها خلك تخابرك من جذبك عليها..

والفاجئها اكثر مقطع صوتي وانته تتوسل بسنان حتى تروح لشقة نوف......يتبع

☆☆☆☆☆☆☆

اوووف من سنان ومن امثاله.. متابعه ممتعه..💕

#زينب _ماجد