فى يوم ريم وهى نايمه حلمت بكابوووس قامت مفزوعه بصت لاقت نفسها لوحدها فى الاوضه
وهى ع السرير سمعت صوت خناق مامتها
وباباها حست بخوف وبسرعه دورت علي
سماعات الام بى ثرى وحطتها فى ودانها
وعلت الصوت وشغلته وحاولت ترجع تنام تانى
تانى يوم الصبح دخلت مامتها عليها الاوضه
تصحيها
مامتها:ريم
ريم مفيش رد
مامتها قربت منها : اها علشان كده مش سامعانى لما خبطت ونديت ع الباب من السماعات ال فى ودنك دى .. روما يلا يا
حبيببتى علشان تروحى المدرسه ومتتاخريش
ريم بصوت كسلان : مامى مش قادره اروح
وبعدين امتحانات الترم قربت و ....
مامتها قاطعتها : بلاش دلع انتى فى اولى
ثانوى مش فى ابتدائى ولا حضانه يلا علشان
تفطرى وتنزلى يا حبيببتى
قامت مامة ريم من جنبها مسكت ايديها :
مامى
مامتها: ها
ريم بصت ع مامتها شافت فى علامه ع وشها
من خبطه هى كانت مش موجوده لغايه ما
دخلت ريم تنام كانت عاوزه تتكلم وتسألها علي
فى وشها لكن شكل مامتها المتغير خلاها
ترجع فى كلامها : مفيش دقايق وهحصلك
مامتها: اوكيه يا حبيببتى متتاخريش
ابو ريم بصوت زعيق : انتى يا مدام فين
الشربات مش لاقى زفت شراب نضيف
ريم اتخضت واتمالكت نفسها ومامتها بصتلها
: يلا يا ريم وهشوف باباكى انا عاوز ايه
خرجت مامة ريم ووشها متغير وريم حاولت
تهدى نفسها لان دا الوضع ال هى عايشه فيه
زعيق ع طول ....
خرجت مامة ريم وراحت ع اوضتها : ايوه ايوه
ابو ريم بصوت عالى : فين الزفت مش لاقيه
مامة ريم بتحاول تهدى : الناس بتقول صباح
الخير مش زفت
ابو ريم بعصبيه : ماهو انتى لو بتحطى الحاجه
مكانها مش هتعصب انا
مامة ريم بسرعه فتحت درج ودورت ع شراب
واتدهوله : اتفضل
ابو ريم : ياترى الفطار جاهز ولا هستنى واتاخر
مامة ريم: 10 دقايق ويكون جاهز
خرجت ريم من اوضتها وباباها كان قاعد ع السفره ومامتها بتحضر الفطار
ريم بصوت متوتر : صباح الخير
باباها بصوت خشن ماسك الجرنال ومش باصصلها : صباح الخير
قعدت ريم ومامتها قعدت : يلا يا حبيببتى افطرى علشان الباص قرب معاده
باباها ساب الجرنال وبص لريم و بصوت اجش: عامله ايه ف المذاكره
ريم بصوت خوف ومش بتبصله : الحمد الله
باباها: طيب كويس والتانيه عامله ايه بتذاكر ولا
مامت ريم : اه كويسه .. وجايه اخر الاسبوع مع وفاء
ابو ريم: طيب كويس علشان هى راحت قعدت عند وفاء علشان تذاكر
وتجتهد لكن لو اكتشفت انها درجاتها مش كويسه هتيجى هنا ومع اختها ..
اختها قاعده وبتذاكر ودرجاتها كويسه جدااا معرفش انا ايه دلع البنات دا
ام ريم حاولت تسكت وبصت لريم شايفها ماسكه شوكه ومش بتكل: يلا يا روما افطرى
شويا وسكتوا
وريم بتحاول تتعامل عادى باباها
وجه كلامه لمامتها: اعملى حسابك يا حنان ..صفيه هتيجى تتغدى اخر الاسبوع
مامة ريم وشها اتغير : ودا بمناسبه ايه
باباها رزع فنجان الشاى وبعصبيه: وهو لما اعزم بنت عمتى فى بيتى لما ترجع من السفر لازم يبقى في سبب ومناسبه .. دا بيتى انا اعزم فيه ال انا عاوزه
مامة ريم مقدرتش تسكت وبصوت عالى : يعنى انت تعزم براحتك وانا لما طلبت اعزم عاصم ابن خالتى لما جم اسكندريه ف الصيف وانت رفضت وبشده وكمان هو عداها وعزمنا وانت رفضت عزومته لينا واحرجتنى فى وسط العيله
ابو ريم بعصبيه: ياادى العيله ال طلعالى بيها ف السما دى .. وبعدين عاوزانى اعزم وادخل بيتى واحد كنتى هتتجوزيه
ام ريم بصوت عالى : كنت كنت انا دلواقتى متجوزاك انت وكذا مره اقولك مفيش حاجه من ال ف دماغك وبعدين هترجع لاسطوانه دى تانى انت عاوز تتخانق ع الصبح مكفاكش خناق بليل
ابو ريم قام متعصب : بيت نكد بجد انا قايم وسايبهولك اهو وصفيه هتتغدى معانا اخر الاسبوع يا حنان ودا اخر كلام مفهوم
ولسه هتتكلم مامة ريم اخد ابو ريم مفاتيحه ونزل خرج ورزع باب الشقه
وكانت مامة ريم ماخدتش بالها من ريم وبصت لاقتها مخضوضه وحاطه سماعات ف ودانها وبترتعش
مامتها راحت ناحيتها وحضنتها : انا اسفه ياريم معلش
ريم بعدت نفسها عن مامتها : انا نازله سلام
حاولت ريم تتمالك نفسها لان دا الطبيعى ال هى عايشه فيه خناق باباها ومامتها ع طول وزعيق طول الوقت سواء وهما بياكلوا او قاعدين ...
نزلت ريم وقفت شويا الباص جه ركبت وهى حاطه سماعات الام بى ثرى فى ودانها ومش بتتكلم مع حد .. وصلت المدرسه دخلت الفصل اخدت الدروس
وجه وقت المكتبه وهو وقت مخصص فى الاسبوع يومين يروحوا المكتبه يقروا والي بيدور ع بحث وهكذا ... وصلت ريم لمكتبه واخدت كتاب كانت وقعدت فى اخر المكتبه ع الارض المكان دا عزيز ع قلبها لانه المكان
دايما كانت بتقعد فيه مع صاحبتها رانيا قعدت ريم وحاطه الهاند فرى وغمضت عنيها وافتكرت اول حوار ليها مع رانيا وهى ماسكه الكتاب ......
"" فلاش باك من سنتين ""
ريم كانت فى تانيه اعدادى فى يوم ريم ف الفصل لاقت زميلتها بتديها ورقه بتقولها حسام بعتلك دى بصت ريم ع حسام لاقته مكسوف وقاعد مش بيتكلم
ولسه هتفتح الورقه كانت المدرسه دخلت فحطت الورقه ف الكتاب الي قدامها ونسيت تفتحها لغايه ما روحت البيت
وهى قاعده بتعمل HOME WORK
فتحت الكتاب ولاقت الورقه افتكرت وفتحتها لاقت مكتوب جواها " بحبك يا ريم تتجوزينى لما نكبر " ريم باصه لورقه متنحه من المفاجاءه والكلام
دخلت مامتها عليها تجبلها العصير ارتبكت ريم
مامتها: ايه يا روما لسه بتعملى Home work
ريم بتهته: ها ..انا ..
مامتها شافتها ماسكه ورقه ف ايديها قربت منها ومسكتها: ايه الورقه دى وريهالى كده
ريم تنحت : ها
مامتها : ورينى هو حد من المدرسين كتب ملاحظه ولا حاجه
مسكت الورقه ولسه بتكمل كلامها قرت ال ف الورقه وضحكت : ايه دا يا روما مين دا
ريم ودموع نازله من عنيها وملامح خوف ع وشها : والله يا مامى معرفش
ااقصد دا حسام معايا ف الكلاس ادهولى وانا معرفش فيها ايه غير دلواقتى
مامتها راحت حضنتها وبتضحك: مالك مخضوضه كده ليه دا شغل اطفال
انتى لسه صغيره وهو كمان لو كلمك قوليله ميكتبش كده تانى لانكم لسه صغيرين انتم ف اولى اعدادى لسه بدرى ع الكلام دا مذاكرتكم اهم ومستقبلكم ماشى
ريم : حاضر يامامى
مامتها: يلا كملى مذاكرتك الساعه قربت ع 9 علشان تنامى
ريم: حاضر
خرجت مامت ريم ومعاها الورقه وبتضحك من الموقف ..كان ابو ريم قاعد في الصالون بيشرب فنجان القهوه
شافها بتضحك : ضحكينى معاكى
ام ريم بتتكلم تلقائى : مش هتصدق ال حصل بجد
ابو ريم: خير ايه حصل
مامت ريم بتلقائيه اداته الورقه: بص مكتوب ايه
ابو ريم اخد الورقه وملامح وشه كانت عادى واول ما قرا الكلام ملامح وشه اتغيرت وبصوت عصبى : هو دا ال بيضحككك
مامت ريم وشها اتغير : اه ..شغل اطفال وكده يعنى
ابو ريم بصوت عالى: اطفال مين ياهانم
ده بيقولها بحبك وتتجوزينى .. انتى فاهمه الكلام دا معناه ايه
مامت ريم حست انها غلطت ومفكرتش كويس قبل ما تديله الورقه : عادى يا محمد اطفال بقولك و...
قام وقف : اطفال.... ادى ال اخدته من خلفه البنات
راح بعصبيه فتح باب اوضه ريم هى اتخضت واتجمدت مكانها وهو بصوت عالى وماسك الورقه :: ايه دا يا ريم
ريم بتهتهت: ا.. ص..ل ان..ا والل..ه يا باب..ا
باباها بصوت عصبى: اصل ايه وفصل ايه هو انا بوديكى المدرسه علشان تتعلمى ولا تصاحبى ويجرء ولد يكتبلك كده انتى بتنيلى ايه ف المدرسه الهبابه دى
ريم بترتعش : والل,,ه يا ب,,ا با انا مع..معملتش ..حاجه
باباها قرب منها وشدها من دراعها : انا هعرفك ازاى تاخدى ورقه زى ديه وتكلمى ولاد كويس
ريم بتعيط وبتزق نفسها ومش قادره: انا معملتش حاجه يا بابا ..اخر مره
يا بابا ومش هيتكرر تانى مش هكررها تانى
مامة ريم قامت تحوش: محمد فى ايه البنت معملتش حاجه غلط
ابو ريم وماسك دراع ريم وبيشدها: ممكن تخرسى خالص انتى جيبالى بنات ومش عارفه تربيهم ومودياهم مدارس بتدفعلها بالالااف علشان يتعلموا كويس وهما بيروحوا علشان يكلموا ولاد ويعملوا علاقات .. الكبيره بقى ياترى بتنيل ايه هى كمان
مامة ريم: محمد بناتك متربين وبعدين دول اطفال اطفاااااال مينفعش تتعامل كده
ابو ريم شد ريم ومسمعش كلام امها ودخلها اوضه ضلمه مش فيها نور وقفل عليها : هتفضلى هنا لصبح ومفيش مدرسه لغايه ما انيلك وانقلك مدرسه تانيه
مامة ريم بصوت عالى: حرام عليك هى عملت ايه حرام عليكى دى بنتك
ابو ريم: علشان بنتى انا هربيها بطريقتى مش بدلعك
سابها ابو ريم وقفل ع ريم بالمفتاح وراح مكتبه ومامة ريم مش عارفه تعمل ايه غير انها كلمت ريم من ورا الباب : ريم يا حبيببتى متخافيش اطلعى ع السرير ونامى عندك لصبح
ريم بتعيط ورا الباب: مامى انا معملتش حاجه علشان اتعاقب كده والله ما عملت حاجه
مامة ريم حاسه بانها مكتوفة مش عارفه تتصرف: متخافيش يا حبيببتى اطلعى ع السرير نامى بس
ريم بتعيط : يامامى انا بخاف من الضلمه يا مامى انا معلمتش حاجه
مامة ريم راحت بعصبيه اوضه المكتب: محمد مينفعش كده كل ما تكون مضايق تطلع ضيقتك ع ريم البنت ملهاش ذنب تعاقبها تحبسها في الاوضه ضلمه لوحدها دى صغيره خلى في قلبك رحمه
ابو ريم باصصلها: مقولتلكيش انا هاتيهم بنات لو كان معاهم اخ كان هيفرق انما اسيبهم ع حل شعرهم كده وتعليم بفلوس وتقوليلى اطفال شويا وهىقيه متجوزه ولا غلطت مع واحد معاها ف المدرسه
مامة ريم بعصبيه: ايه ال بتقوله دا بنتى متربيه كويس وعارفه الصح من الغلط انت مفيش ف قلبك رحمه ياشيخ اتقى الله دى طفله
ابو ريم ماسك ملف فى ايده ومتجاهلها: اخرجى بره المكتب عندى شغل والاوضه مش هتفتح غير الصبح وانا نازل خليها تتعلم ازاى تعرف تتصرف مش اى حد يقولها حاجه توافقه كده وانتى تعرفى تربى بناتك كويس والصبح هبعت احمد السكرتير يحولها من المدرسه دى الي اى مدرسه بنااات بس
ام ريم مش عارفه تعمل ايه : حسبى الله ونعم الوكيل
خرجت ام ريم متعصبه ومش عارفه تعمل حاجه غير انها قاعدت قرب الاوضه وفضلت صاحيه منمتش لتانى يوم وريم فضلت قاعده ف الضلمه بتعيط ومش عارفه تنام من الخوف اوضه متقفله شباك وباب وعتمه
وباباها كان عاملها لضيوف بما ان مفيش ضيوف فبقت حبس او اوضه عقاب لريم ورنا بما ان رنا مش موجوده ..فاى غلطه ريم تعملها مقصوده او غيره فعقابها انها تنام ف الاوضه الضلمه دى لوحدها لتانى يوم مقفول عليها
ووجهه نظر ابوها ان كده بيعاقبها علشان تخاف ومتكررش الغلط ...!!
تانى يوم الصبح مامة ريم فضلت صاحيه لغايه ما صحى ابو ريم وحضرتله الفطار
ام ريم: المفتاح
ابو ريم رماه ع السفره: مفيش نزول انهارده لغايه ما اعرفكم بالمدرسه الجديده
ام ريم بنظره اشمئزاز: اقول ايه انا يارب
مشيت بسرعه وفتحت الباب لاقت ريم ضامه نفسها ف ركن الاوضة نايمه وبترتعش راحت حضنتها بسرعه مامتها
مامتها: معلش يا حبيببتى معلش انا معاكى اهو معاكى
ريم دخلت نفسها ف حضن مامتها اوى : انا معملتش حاجه انا معلمتش حاجه
مامتها : متخفيش انا معاكى اهو
راحت شالت ريم ودخلتها اوضتها ونايمتها براحه ع السرير وريم ضامه نفسها وماسكه ف مامتها اوى : مامى متسبنيش قولى ل لبابا انى معملتش حاجه ..
ضمت ام ريم ريم وطبطبت عليها وراحت ف النوم قامت براحه وطفت النور
اتفزعت ريم : مامى
راحت فتحت النور تانى : متخافيش يا حبيببتى انا معاكى متخافيش
فضلت ام ريم معاها لغايه ما نامت وسابت النور مفتوح وخرجت كان ابو ريم خرج ملحتقهوش كانت عاوزه تتكلم معاه ...!!!!
ع العصر اتصل عليها ابو ريم وعرفها انه سحب اوراق ريم ولاقى مدرسه تانيه هيقدملها تانى يوم وفعلا تانى بواسطه والفلوس تانى يوم اتنقلت ريم مدرسه تانيه وبعد ما بقت كويسه بااسبوع راحت المدرسه ....
ريم كانت في تانيه اعدادى لما اتنقلت لمدرسه وكانت مش بتختلط مع حد خالص
وكانت دايما شايفه البنات ال قدها فرحانين بااهلهم لما بيجيوا ياخدوهم من المدرسه بنفسهم الا هى دايما تروح البيت وتروح المدرسه بالباص ولوحدها ... ففيوم لاحظتها بنوته انها قاعده لوحدها فى المكتبه
وقربت منها وع وشها ابتسامه : ازيك
ريم مخضوضه: الحمد الله
رانيا: ممكن اقعد معاكى
ريم: اتفضلى
رانيا قعدت وكان معاها علبتين عصير : اتفضلى
ريم: لا شكرا مش عاوزه
رانيا: انا لاحظت انتى بتفتحى الكتاب ع صفحه مش بتقلبيها
ريم: انا
رانيا : اشربى معايا العصير تحبى البرتقال ولا الفراوله شكلك بتحبى
الفراوله صح
ريم بصت اوى ل رانيا : ها
رانيا قعدت جنب ريم وطلعت ورقتين : الوراقتين دول مكتوب فيهم نوع العصير انا لعبتها من شويا بدالك وطلعت فراوله فااختارتلك ع ذوقي بتحبى الفراوله
ريم: ايوه
رانيا باابتسامه: ايوه صح عمر لعبتى ما تفشل اتفضلي
اسمى رانيا عاطف فى تانيه اعدادى قاعده ف الدسك ال جنبك طبعا مش هتفتكرى لانك مش بتبصى حواليكى من وقت ما جيتى ولا بتكلمى حد انا لاحظت كده
ريم مستغربه من كلام رانيا : بجد فعلا مش فاكره
رانيا باابتسامه: طيب امسكى العصير ويلا نشربه بسرعه علشان وقت المكتبه هيخلص
ريم تلقائى مسكت العصير وفتحته وبتشرب
رانيا: جميل القاعده هنا تعرفى ان دا مكانى وانتى اخدتيه
ريم قامت وقفت متوتره: انا اسفه جدا اسفه
رانيا بتضحك: انا بهزر بهزر اقعدى
مسكت رانيا ايد ريم وقعدتها : ممكن نبقى اصحاب ..انا ملاحظه ان ملكيش اصحاب بتقعدى ولا بتتكلمى معاهم وانا كمان مليش اصحاب او معنى اصح مش مناسبين ليا فممكن نكون اصحاب
ريم ساكته .. رانيا : اتفقنا نبقى اصحاب واى حاجه مضايقاكى انا هسمعلك واحكيلى
طلعت رانيا من شنطتها ام بى ثرى : هسمعك ميوزك حلوه اوى هتفصلك ع الدنيا وهتعمل معاك دنيا تانيه مع القرايه عن تجربه بس تعالى نقعد فى مكانى المفضل ...
مشيت رانيا وريم وقعدوا فى اخر المكتبه ع الارض وادت ريم سماعه وهى حط سماعه ف ودانها وشغلت ميوزك بصوت عالى ريم اتاخدت بس بعدكده عجبتها وابتسمت وفضلوا قاعدين ماسكين الكتب فى ايديهم
خلص وقت المكتبه .. رانيا مسكت ايد ريم: يلا بينا علشان الوقت خلص
مشيت ريم مع رانيا ورانيا بخفه دمها ع رغم صغر سنها طول الطريق للفصل قعدت تتكلم وتحكى وتهزر وريم ضحكت ودا مكنش بيحصل ف العادى من وقت ما دخلت المدرسه .. !!
مع الوقت والايام اتصاحبت ريم ع رانيا اوى وبقوا شبه يوميا مع بعض مش بيفارقوا بعض خالص ف المدرسه ووقت المكتبه او الوقت الفاضى يروحوا يقعدوا ف مكانهم ويقعدوا يتكلموا ويسمعوا ميوزك وف الباص
يقعدوا جنب بعض ....ريم لاحظت وجه التشابه بينها وبين رانيا حتى في ظروفها فى مره وهما قاعدين بيتكلموا
رانيا: انتى قولتيلى ليكى اخت اسمها رنا فى سنه كام هى
ريم : فى ثانويه عامه
رانيا: مش بشوفها معاكى هنا يعنى ولا هى
ريم قاطعتها بتنهيده:: رنا داخله مدرسه تانيه فى القاهره لانها مش ساكنه هنا
رانيا : ليه
ريم بتضحك بسخريه: هربانه
رانيا بتضحك: لا بجد
ريم : هربانه مش مشاكل البيت وزعيق بابا وماما وراحت تعيش مع خالتو فتره الدراسه داخله ثانويه بقى وعاوزه تركيز ..بقالها 3 سنين فى القاهره واوقات بتيجى ف الاجازه واوقات كتير لا واحنا بنروحلها
رانيا: وانتى مروحتيش ليه معاها
ريم : ماما .. مقدرتش اسيبها لوحدها
رانيا : ملكيش اخوات تانين
ريم هزت راسها: رنا وبس وانتى
رانيا: كان هيبقى ليا اخت او اخ بس محصلش نصيب
ريم : انتى كده احسن متزعليش
رانيا بتضحك: واضح ان اخواتنا هربوا من المشاكل والزعيق وسابونا نتصدر ليها احنا
ريم بتضحك: اه المراه الخارقه بقى وكده
رانيا مسكت الام بى ثرى: انتى عارفه انا لما بيبتدوا الخناق والصوت العالى في البيت علشان مسمعهمش الام بى ثرى بينقذنى بحطه فودنى بنعزل عنهم
الميوزك بتغيرى المود وبتلحقنى ..مش الميوزك حلوه
ريم هزت راسها: جدااا
رانيا غمزت ل ريم: يلا عرفتك طريقه لهروب اهو علشان تهربى انتى كمان
ريم ضحكت وكانوا بيضحكوا الاتنين وهما قاعدين بصوا لاقوا واحده معاهم ف الكلاس باباها ومامتها جم ياخدوها من المدرسه ودخلولها المكتبه
ريم ورانيا اول ما ابو البنت دى حضنها ريم ورانيا حسوا بحرمان فظيع بسبب انهم مجربوش حضن ابوهم ولا حنيته عليهم بسبب قسوتهم عليهم ..
ف رانيا لاحظت كده ولاحظت ريم هتدمع راحت علت الصوت الميوزك :
روما ركزى مع الميوزك وانسى اى حاجه ف الدنيا
بصت ريم باابتسامه وف عينها دموع وهزت راسها وفتحوا العصير وقعدوا يهزوا راسهم واكنهم ف دنيا لوحدهم ... وخلص وقت المكتبه وقعدوا يضحكوا ويهزووا وقاموا راحوا الفصل مع بعض ... واتوطد العلاقه بين ريم ورانيا او معنى اصح ريم ما صدقت انها لاقت رانيا لاقت حد حاسس بيها بمعاناتها من غير ما تتكلم وعايش نفس ظروفها وبيخفف عنها ..ريم
ورانيا وكل واحده حكت لتانيه ظروفها المتشابه ال هى عدم الاستقرار الاسرى ال ف البيت والمشاكل الدايمه بين الام والاب وعدم مراعاه وجود ولا نفسيه بناتهم ولا اولادهم ....واستمرت علاقتهم سنه وهما مع بعض
ونجحوا بنفس التقدير والدراجات لدرجه انهم ف الكلاس مسيمينهم التؤام ......
فى يوم فى الفصل رانيا كانت قاعد زعلانه وباين ع ملامح وشها ريم
لاحظت كده جه وقت البريك سبقت رانيا ع المكتبه راحت ريم ل رانيا لاقتها بتعيط ريم مخضوضه اول مره تشوف رانيا بتعيط ال كانت دايما بتضحك :
مالك يا رانيا ف ايه
رانيا بصت ل ريم ودموعها نازله : انا تعبانه يا ريم حاسه انى مخنوقه اوى وهموت
ريم مسكت ايديها : مالك بس ايه حصل
رانيا: قولى ايه مبيحصلش كل يوم زعيق وصوت عالى وانا نازله بسمع همس الجيران وطريقه كلامهم ع ماما وبابا ..وخناق بابا وضربه لماما
انا مش موجوده بينهم انا عاوزه اموت يا ريم الموت هيريحنى
ريم استغربت من الجمله الموت ومن واحده فى سنها صغيره تتمنى الموت
ريم: رانيا بلاش ونبى الكلام دا
رانيا وبتعيط: مش عارفه
وهما قاعدين سمعت صوت بينادى ع رانيا وكانت مامتها : يلا يا رانيا
رانيا وقفت وكانت ريم ماسكه ايديها وبصت ل ريم : هتوحشينى يا ريم
ريم دموع نازله من عنيها: انتى مش هتيجى تانى المدرسه
رانيا باابتسامه ودموع نازله من عنيها: مش عارفه احنا رايحين عند جدو ومعرفش ايه هيحصل
ريم: طيب هاتى رقم جدو اكلمك
رانيا حضنت ريم: انا هكلمك بس هطلب منك طلب
ريم: اوكيه
سابت رانيا ايد ريم ودموعهم نازله وباصيين ع بعض .. ريم واقفه فى مكانهم فى المكتبه ورانيا ماسكه مامتها ايدها وباصه ع ريم وهى ماشيه
احساس ريم ان رانيا بتودعها زى الوداع الاخير ورانيا زى ال مش هتشوف ريم تانى ...!!!
ودا كان اخر مشهد يجمع بين ريم ورانيا .. !!
مر اسبوع ع غياب رانيا من المدرسه وريم كانت مضايقه ومش فاهمه ايه
حصل وتوقعت ان رانيا اتنقلت مدرسه تانيه ومتصلتش بيها زى ما وعدتها
فى يوم ريم ف المدرسه ووشها عليه ملامح الحزن علشان مفتقده صاحبتها
بتبص ع الديسك جنبها : والله لما اشوفك يا رانيا كل دا ومش تكلمينى
وهى قاعده ف الكلاس دخلت عليهم مديره المدرسه وع وشها ملامح حزن
ريم مش فاهمه فى ايه ....
مديره المدرسه: انا عاوزه اقولكم خبر زعلنا كلنا صديقتكم وصاحبتكم رانيا توفاها الله فى حادثه سير من يومين ادعولها بالرحمه
ريم مش استوعبت ال سمعته ووقفت: بتقولى حضرتك مين رانيا عاطف مين اكيد ..
المديره بتمسح دموعها: ايوه يا ريم هى رانيا الله يرحمها
ريم قعدت مكانها ومش مستوعبه وبتبص ع الديسك جنبها وافتكرت رانيا بتضحك وبتبتسم وتصرفاتها
راحت فتحت ف الصريخ والعياط والمدرسات راحوا يهدواها اغمى عليها
اخدوها العياده واتصلوا ب مامتها مش كان ف حد ف البيت ومفيش حد
بيرد ع الموبيل غير سكرتير بابااها وقال هيبعت السواق ياخدها من المدرسه
وهى نايمه وبتعيط ع السرير ف العياده سمعت مدرستها مع واحده تانيه
بيتكلموا :
المدرسه :جد رانيا جه يسحب اوراقها وحاجتها من المدرسه وهو ال قالنا انها نزلت وبتعدى الطريق عربيه خبطتها وعقبال ما وصلوا المستشفى كانت خلاص ..الله يرحمها كانت تلميده مجتهده ومرحه
بصت ع ريم: ريم هتتاثر اوى بغيابها لانها صاحبتها الوحيده
الدكتوره: الاخصائيه الاجتماعيه بقى متسبهاش
المدرسه: البيت كمان عامل مهم انا كلمت سكرتير باباها وجى لان مامتها مش ف البيت
ريم مش قادره تستوعب الخبر لغايه ما وصل سكرتير باباها الاستاذ احمد واخد ريم شالها علشان يوصلها البيت ...
شغلت الميوزك بعد ماراجعت كل ال حصل ف سنتين فاتوا وعلاقتها مع رانيا وحطت سماعات الهاند فرى وفتحت الكتاب وع وشها ابتسامه
وقالت:
وحشتينى يا رانيا
رن جرس انتهاء وقت المكتبه وطلعت ريم الفصل حضرت الدروس ونزلت
ركبت الباص وروحت ع البيت وصلت البيت وكانت مامتها قاعده مع بنت خالتها قريبتها
مامت ريم فتحت الباب : حمد الله ع السلامه يا حبيببتى
ريم: الله يسلمك يا مامى
مامت ريم: روحى سلمى ع طنط هاجر
راحت ريم تسلم ع طنط هاجر ..
هاجر: ماشاء الله ايه القمر دا يا حنان
ريم رسمت ابتسامه ..
حنان : بنوتى زى القمر
هاجر: طبعا طالعه لمامتها مش باباها طبعا استحاله
حنان : يلا يا ريم يا حبيببتى ادخلى غيرى هدومك وخدى شاور الغدا هيكون جاهز
ريم: حاضر يا مامى
مشيت ريم ع اوضتها وهى خارجه رايحه الحمام سمعت حوار بين مامتها وطنط هاجر
هاجر : مش عارفه والله اقولك ايه ..ليه عملتى ف نفسك كده
حنان بصوت حزين: نصيب بقى
هاجر: نصيب .. تسيبى عاصم ال بيحبك وكان هيعمل المستحيل علشانك وترفضيه وتروحى ترتبطى بمحمد .. مشفتيش انتى عاصم كان معيش مراته المرحومه ازاى كانت ملكه والله العيله كلها كانت بتحسدها عليه
حنان: الحب بقى صدقته بكلامه ليا ووعوده معايا وان مهما حصل مش هيحصل في بينا اى فروقات واحنا الاتنين ولاد تسعه وفرق الاجتماعى مش هياثر وحبه مش هيتغير وانا صدقته ومشيت وراه وانا مغمضه عينى
معرفش انا ايه حصلله كده
هاجر: حب ما عاصم كان بيحبك ويتمنالك الرضا وكان مستعد بعد ما
تخلصى جامعتك يبعتلك وتسافريله بره وتعيشى معاه مش زى ال اتجوزتيه
ضحكك عليكى بكلمتين وصدقتيه وخلااكى مش تكملى دراستك وتخرجى قبل امتحانات سنه تانيه علشان تتجوزوا وبعدين حب ايه ال فيه اهانه وزعيق وضرب ليكى وقله احترام منه دا مفيش حد من العيله بيحبه
يا بنتى ايه ال عملتيه ف نفسك دا ... دا ربنا اداله فلوس من غير احساس قرب منك وارتبط بيكى علشان عيلتك واسم عيلتك ..كان عاوز يرفع من مستواه الاجتماعى بيكى اتاريه اخدك ونزلتى ...ممكن تعرفينى فين الخدامه يعنى ايه تعملى كل حاجه بنفسك فى الشقه الكبيره ديه هو متجوز شغاله
حنان: ماهو انا قلتلك الخدامات مش مضمومنين وهو نفسه مبيرعيش سواء غريب او قريب موجود وكرامتى متسمحش انه يزعقلى ويعمل الي يعمله قدام خدامه عندى والاقى كل اسرار البيت جيران المنطقه عارفينها داانا ببقى مكسوفه لما الاقى حد من الجيران بيبصلى بطريقه غريبه لما بيبقوا سامعين خناقنا ..وكفايه عليا واحده بتيجى تنضف الشقه مرتين ف الاسبوع وع الاكل اهو بسلى نفسى وبطلع غلبى فيه
هاجر: لا حول ولا قوه الا بالله.. انا كل ما اشوف عاصم والمستوى ال وصله وولاده وعلاقته معاهم بعد وفات مراته ومتجوزش تانى رغم انه متجوزهاش ع حب اقول مش لو حنان كانت متجوزاك يا عاصم كنتى هتعيشى كده وهترتاحى
حنان: النصيب بقى يا هاجر ..
هاجر بتغمز ل حنان: بناتك بقى قمرات نصيبهم مع ولاد عاصم فريد وامير
انا لما كنت عند وفاء كان فريد هناك بيذاكر ل رنا وشكلهم لايقيين علي بعض اوى وامير وريم كمان ... بجد مش هيلاقوا زيهم بناتك
حنان: الكلام دا لسه بدرى
هاجر: ولا بدرى ولا حاجه انا ووفاء متوقعين نسمع خبر حلو قريب من ناحيه فريد وهتشوفى ... وامير دايما يسئل ع ريم
حنان: نسيتى ابوهم
هاجر: يوووه لا متظلميش بناتك مش هتلاقى زى امير وفريد
حنان بتتنهد: ال ربنا عاوزه هيكون ..المشكله انه طالعلى ف المقدر وعاوز خلفه
هاجر: ايه
حنان: عاوز ولد .. من بعد رنا وهو متغير ولما حملت ف ريم كان متعشم انه ولد او شبه متاكد دايما يقولى انا اخلف ولاد العيب عندك .. بحس انه خساره فيه التعليم والجامعه وبكالوريوس التجاره جهل فظيع وندمت انى سبت كليتى علشانه والله
هاجر: وهتعملى ايه
حنان : مش هعمل انا عملت ... روحت لدكتوره وربنا يسهل
هاجر: انتى هتهوديه ..حرام عليكى انتوا بتجيبوا عيال تعذبوهم
وبعدين ايه ضمنك انك هتحملى ف ولد ومش هتيجى بنت .. لو بنت هترجعيها يعنى
حنان : هاجر انا معرفش انا تعبت من الخناق بجد وحاسه ان نفسيه ريم مش مظبوطه فعمله ال هو عاوزه علشان اخلص
هاجر: بس لازم توضعى حد ليه مينفعش ال حكتهولى دا عن رجوعه المتاخر شارب وخناقه معاكى دايما ..البنات ايه ذنبهم يعيشوا ف الجو دا
حنان : والله البنات ال مصبرينى ع العيشه دى ..واهى رنا عند وفاء بعد ما حالتها النفسيه تعبت وريم معايا وبحاول ع قد مااقدر مأثرش عليها وماشاء الله ماشيه ف المذاكره كويس جداااا وبتجيب الدرجات النهائيه
هاجر : وهتفضلى كده
حنان بتتنهد : مفيش مفر ,,, سيبك منى هتتغدى معانا تمام
هاجر: مدام العو مش هنا اتغدى معاكو
حنان : طيب تعالى معايا نحضر الغدا مع بعض
وهما رايحين اتجاه المطبخ شافوا ريم خارجه من الحمام
هاجر بتهزر مع ريم وبتشاورلها ع الاوضه : اخر مره روحتى السجن اليلى امتى يا روما
ريم بصت ل هاجر حست انها بتتريق عليها مردتش راحت مامت ريم ردت :
لا الحمد الله مبقتش خلاص تروحها الحمد الله روما حبيببتى شاطره وبتسمع الكلام وملهاش ف المشاكل
هاجر بتضحك: ايه دا بجد يبقى العقاب جاب نتيجه بقى وخلااها متغلطش محمد طلع عنده حق
ريم لما هاجر فكرتها بالاوضه والضلمه وشها اتغير :مامى انا ف اوضتى هجيب حاجه
هاجر لاحظت وش ريم اتغير : هى مالها اتحولت كده ليه انا بهزر
مامت ريم: الاوضه دى عاملاالها عقده وخوفها من الضلمه واى حد يفكرها بيه بتتضايق دى بتنام والنور مش مطفى ولو انا طفيته بتقوم مخضوضه بليل وبتصرخ من الكوابيس .. النور لو قطع بتصرخ ع طول مبتقدرش تستحمل القاعده ف الضلمه دقايق ... خفى ياهاجر
هاجر حست انها كانت اوفر : سورى يا حنون مش قصدى بجد انا كنت بهزر
مامة ريم: ريم طيبه وهتنسى يلا نحضر الاكل
هاجر: بس هى ليه مش بتتكلم انا فاكره انها كنت بتهزر وبتتكلم
مامة ريم: موت صاحبتها اثر ف نفسيتها دى كانت مش ببتتكلم خالص كويس انها بقت كده دى احسن من الاول
هاجر: متعرضيها ع دكتور نفسانى لتكون عندها مشكله
مامت ريم مخضوضه : دكتور نفسانى ايه هى بنتى مجنونه ولا ايه ياهاجر
هى زى انا وانتى بنمر بفترات كده وبنرجع لطبيعتها ..دكتور نفسانى قال
هاجر حست انها كانت اوفر: سورى سحبتها
تعالى نكمل الاكل اتغدوا وحاولت ريم متظهرش حاجه انها اضايقت واكلت بسرعه وقامت دخلت أوضتها وهى قاعده ع المكتب وبتذاكر بصت ع صوره المكتب كانت صوره ليها مع رنا اختها مسكت الصوره اتنهدت وحطت سماعات الام بى ثرى فى ودنها وابتدت تذاكر ..!!!
شويا ودخلت مامتها عليها الاوضه وهى بتذاكر ومحستش بيها لانها صوت الميوزك عالى
قربت منها : روما ..روما
ريم لمحتها : ايوه يا مامى ف حاجه
مامتها: متزعليش من طنط هاجر دى بتهزر معاكى
ريم : عادى يا مامى مفيش حاجه
مامتها : بصى شوفى انا جبت ايه لعيد ميلاد رنا بااسمى وااسمك
فتحت مامتها علبه فيها سلسله وريم بصالها: جميله
مامتها: بكره عيد ميلاد رنا واحنا مش معاها ووفاء هتعملها عيد ميلادصغير
قلت اشتريلها الهديه علشان لما تيجى تديهولها
ريم: وبابا موافق ع العيد الميلاد دا
مامتها: ماهو مش هنا وبعدين احسن
ريم: طيب كويس كل سنه وهى طيبه
مامتها: مش هتكلميها
ريم : ان شاء الله بكره لما ارجع من المدرسه تكون رجعت ومنها اسلم علي خالتو
مامتها حضنتها: متزعليش يا حبيببتى عيد ميلادك ال انتى عاوزاه هجبهولك انتى عارفه ان باباكى رافض الحفلات بس قالى ال انتى عاوزاه هيجبهولك اختارى واطلبى وهيتنفذ
ريم رسمت ابتسامه: ميرسى
مامتها: انا هسيبك تكملى مذاكره ومتسهريش ونامى علشان المدرسه والباص
ريم هزت راسها باابتسامه: حاضر
خرجت مامت ريم وريم بصت ع السلسله و افتكرت زمان كانت بتزعل ان رنا بيتعملها عيد ميلاد عند خالتها ف القاهره وهى ال قاعده مع مامتها
وباباها مش بيتعملها بس بيتعوضلها بهديه كبيره واى حاجه تطلبها لان باباها مش بيحب الحفلات ولا الخروج غير لضروره وحست انه مبقاش يفرق معاها عيد ميلادها لانها مش بتفتكره اصلا من بعد رانيا ما ماتت واحتفال بيه مرفوض والهدايا ال بتجيلها غاليه ومن اختيار مامتها
كتعويض عن اى حاجه تحصل وهى موجوده بينها وبين باباها ...!!
شويا والبيت كان هادى خلصت مذاكره ريم وطلعت ع سريرها هتنام
والطبيعى مش كانت طفت النور والام بى ثرى كان بيشحن فغفلت ونامت ...
لكن الساعه 2 بعد نص اليل صحيت مفزوعه ع صوت خناق بصت من ورا الباب لاقت باباها راجع مسطول شارب ومامتها بتتخانق معاه ودا الطبيعى الي بيحصل راحت شغلت الام بى ثرى وعلت الصوت وحطت السماعات في ودانها ورجعت تانى تنام وتفصل نفسها عنهم او معنى اصح تهرب .....!!!
مر يومين وجه عزومه قريبه ابو ريم صفيه...!!!