قلب قابل للكسر

24

#قلب_قابل_للكسر💔

//////بقلم الكاتبه زينب ماجد//////

البارت_24

-كام يبجي ودموعي تجري... بس جاوبني سنان ليش خنت......مارد.... احجي وياك بس كول شقصرت... شسويتلك تكسر ضهري ليش..

بقى مدنك ويبجي... ضربته راشدي... احجي ويااااااااااك.. كلي ليش... ضربته لا تسكت سنان جاوبني لييييييش......

جريته للكاع وكعدت على صدره بوكسيات واصرخ لييييييش احجيييييييي ليييش نذذذذذذل حقيييييير..

ضربته لحد ما دميته وفقد الوعي... كمت من فوكاه.. اباوعله وابجي.. ضربته برجلي وطلعت..

بشار واكف... صحتله ها بشر... شلون جبتوه وشسويتو..

بشار... كتلته ؟

بسار.... بعدني ما شفى غليلي منه.. فقد الوعي .. اريد افتهم منه ليش هيج سوه بيه..  بس فهمني شنو اللي صار..

بشار... هوه شيخ نزار من خابرني وكال اتفقتلك ويه الجماعه... ورحتله وجمعني بجماعه بالكتائب انطيتهم صورة واسم سنان..

-هاي شوكت رحت شو ما كتلي

-كلت اضبط الامر واتأكد منه يله اگلك.. ما ردت اشغل بالك... خابروني گالو لزموه... طلب منهم الرجال اللي بالكتائب يحضروه للبصره..

وصدك جابوه بر من لبنان على سوريا للعراق وجابوه.. للبصره... وكلت اصدمك بيه ما اكلك..

-زين الفلوس سلمهن لو بعد

-تحول المبلغ بحساب الشركه اليوم..

-الحمدلله رب العالمين.. رجع حكنه... والله ما خاب ضني العباس نخيته وجابه يم رجليه..

جاي احجي اجه الحجي صاح هااااا ابو اليسر ارتاح گلبك.. ضحكتله وبست راسه... والله يا يابه لسه اريد اشرب من دمه..

الحجي....  كتله وخيولي النگس ... هوه مهدور دمه عشائريا.. محد يحاسبك عليه..

-ما اريد اكتله هيج بساع واريحه.. استلذ بتعذيبه اول يله..

جاي احجي... دك موبايلي.. مهى.. رديت.. الوووو

-الو يسار

-شرايده..

-اسمعني يسار اني والله معلياا بالسواه سنان...

-همممم والمطلوب

-اترجاك لا توصل الخبر لاهلي ولا لاخوتي لان والله معلياا هوه بس خله الفلوس بحسابي وبمجرد ما مسكوه اني تنازلت وحولت للفلوس

-اذا ما لاعبتلج ملعوب محد يلزمج

-لا والله ممسويه شي وروح بابا صح تزوجت سنان بس معليه بشغلة السرقه هاي كلها تفكيره اني بس سوه حساب باسمي وخله الفلوس بيه

يسار فدوه اذا اشتكيتو عليه بالشرطه طلعني منها فدوه اخوتي وولد عمي ما يرحمون يذبحوني..

-جان فكرتي قبل لا تتزوجين ساقط مثله.. سكتت ما جاوبت.. اطمني اخذيها مني اسمج ما ينجاب بالقضيه..

-شكرا..

-اخذت نفس عالي .. وسديته منها.. وصعدت لغرفتي النوم ما شاف عيني..

ضليت اروح منا واجي هنا... اخر شي ما تحملت نزلت.. رحت للسرداب.. فتحت وكعدت كباله وهوه فاقد.. دنكت راسي بين رجليه

للحظه اتذكرت كل ايامنه.. لعب الطوبه الابتدائيه كن جان يدك الجرس ونصيح ونصعد فوك الرحلات سوه..

شلون جنه اني وياه نلعب طوبه.. طلعاتنه روحاتنه.. اتذكر من سافرت شلون جان يبجي من كل گلبه. 

ليش هيج غدرني.. مرت كبالي نضرته لما لازم ايد مهى وطلع يصعدها بسيارتي ازفهم  .. كامت دموعي تنزل وحده. 

اتقربت منه.. ودرت وجهي على ميمون كان واكف يمي.. خنجرك ميمون..

-اي عمي..

-انطانياه.   .. جداحه..  اخذتها... شغل الجداحه علخنجر لحد ما صار الحديد نار...

طفيتها.. وخليتها على ايده اللي لزم مهى بيها.. كمز وكام يصرخ من كل گلبه.. شلت الخنجر ثبتتها بيدهه..

كام يرفس.. اباوعله بس دموعي تجري علساكت.. ما اتركك الا تگلي ليش غدرت..

-يسار الله يخليك سامحني..

-لك شساااااااااامحك.. ولكم انتو خليتو گلب عدي واسامح بيه... لك ما اريد شي بس كلي ليش خنت..

احجييييييي... خليت الخنجر على رگبته .. صاح اني نذل وكلب جنت اتضايق من اشوف واحد يمدح بيك..

استصغر نفسي من اني بالشركه وانته المدير مالتي.. جنت اكول يسار مو احسن مني بشي بس بفلوسه..

وليش مهى تتزوجها...

-والله حبيتها وكمت اغار منك عليها..

-يحجي والدم يجري من ايده... احجي من شوكت عندك علاقه بيها..

-من زمان..

-شلون هيه طاوعتك.. 

-هي طاوعتني بساع وكالتلي انه دوم اشوفك احسن من يسار متشوف ما قبلت عل  الخطوبه مالته..

-ما كتلها صديقي ما كلتلها اخوي.. ما كلتلها احزام ضهري..  نسيت كل الصار..

-سامحني يسار..

-لك شسامح... ذبحتنيييييي دمرتنييييي ... وكعت عليه ضرب بلا وعي شوهت وجهه..

وكمت منه... وسحبت اقسام... وكتله تشاهد... بقى يبجي حيل ويكول لا يسار بداعت ابوك بداعة امك عليك العباس..

-انته تعرف العباس انته... ضربت طلقه يم راسه اتهستر كام يصرخ لاااااااا تكتلني فدوه شتريد اسويلك يسار .. بس لا تكتلني..

اريد اباوع الدموع تحركني بعيني... اريد اضغط زناد واموته واخلص ما اكدر... ما تهون عليه ايام الجنت عايش وياه..

خليت اديه على راسي وكمت عااااااااااااا ضربته دفر..  وكتله حتى ما تستاهل اموتك..

عفته وطلعت.. كعدت بالحديقه والسلاح بيدي.. بقيت كاع. ساعه اكول الحمدلله وساعه اكله عونك ربي تعبت..

بقيت افكر لحد الليل كلش..  صعدت نمت..  ثاني يوم كعدت بدلت ونزلت عمامي كلها بالديوان.. رحت لابوي بالديوان..

كالو عمامي تكتله لو تسلمه للشرطه..

-سلموه للشرطه ما اريد اتنگس بدمه... عندي الله ياخذلي حقي.. جاي نحجي ما نسمع الا صوت مره بره تصرخ شييييييييييييييخ هيييييييثم دخيلتك انه. 

صاح ابوي.. منهي هاي الحرمه التصرخ.. صاح ميمون عمي هاي ام سنان تريد تحجي وياك..

جاي يحجي طبت ام سنان بعبايتها للديوان.. اكتض الديوان ... ما عدنه مره اطب بديوان ابد..

راد ميمون يجرها... صاحت دخيلتك شيخنه دخيله عدك انه.. اشر ابوي بسبحته وكال خلها نسمع منها..

احجي يا ام سنان... شرايده

-شيخ اقسم عليك بالجوره وعشرة العمر البينه وبينكم وانه دخيله عدك.. وجايه اشمر ستري عليك واريد ابني منك  ..

وجرت ربطتها وشمرتها كدام ابوي وغطت راسها بالعبايه

وكف ابوي على حيله  .. وكفنا كلنه وياه.. صاح اخذي سترج يا مره... ابنج اعوج وانتم اتبريتو منه   واحنه ولد اجاويد وما راح نچتله شيلي سترج وروحي

نسلمه الشرطه والقانون هوه ياخذ  الحگ ان جان النه وان جان علينه يحكمها القانون... كامت تصيح ام سنان دخيلك حجي فدوه.. ونزلت يم رجلين ابوي..

وتتوسل وتگله وليدي طايش وانته خير وانه طامعه بجودك و كرمك... فدوه لا تكتلون ابني ونزلت على رجله رادت تبوسها

وخر منها بساع... وكالها كومي يا ام سنان كامت وجرت ايده دخيلك حجي فدوه لا تكتلون ابني اذا مو لخاطره... لخاطر ابنه ابطن مرته

يسار.... انه بقيت صافن مهى حامل شلون ما صارلهم شهر..  شنو يعني .. بقت امه تبجي حيل بوسط الديوان وتبوس بيد ابوي صاح الحجي

الحجي... صاح ميمون

-نعم عمي..

-جيبلها ابنها..

-راح جابه واجه.. وشمر سنان بالديوان.. وگاللها هذا ابنج اخذيه وامشي عفيت عنه بكرمنه... ومو لجله .. لجل الطفل البطن امه ..

بس قسم عظما لو تعرض ليسار لو اذاه ... ما نرحمه بعد والعباس بيناتنا .. اخذي وامشي عنا وكفو بلاك منا 

اخذت سنان تسحل بيه سحل.. كوه يمشي.. وطلعت.. تقرب مني وخله ايده على جتفه تضايقت..

هزيت راسي لا.. افتخر بيك يابه.. طبطب على جتفي الله يحفظك باباتي ويحميك من كل شر..

شكرته... وطلعت بره... اخذت سيارتي ورحت للكورنيش.. وكفت على الشط... اخذت نفس عالي وزفرت.

معقوله مهى على علاقه بسنان من همه وياي.. شنو اكو حمل باقل من شهر  بقيت دايخ وعقلي مفتر 

الجانت حامل والجانت لا... شتفرق اول وتالي هم خونه  وغدارين.. اخذت نفس الحمدلله رجعلي حقي..

وفوخت گلبي بسان... صح طلع وصار حر.. بس الذله الشافها جوه رجلي  كفايه.. والله ياخذ حقي ويشوفه الامر ان شاءالله

بقيت افتر لليل رجعت  الساعه عشره... دخلت سمعت صوت وحده تبجي.. مشيت لكيت حوراء تغسل بالمطبخ وتبجي. 

صحت شبيج.. 

- ماكو شي..

-ليش تبجين

-دنكت وكامت تبجي بالزايد.. اتقربت منها يابه يا الله شسالفه يمعوده شبيج..

رفعت ردنها... وباوعت ايدها زرگه فد مره..

-شنهاي.. رادت تحجي وسكتت.. ودارت تمشي جريت ايدها..  احجي شكو..

-انه لو عندي اب ميصير بيه هيج

-ولج احجي شبيج.. اليرشج بماي ارشه بنار والعباس بس احجي..

-ما اريد اسوي مشاكل يسار

-هسه غير تحجي راح اصفگج والله

-بس ذمه ما تحجي

-ما تأمنبن بيه

-لا مو هيج بس انه وامي نسوان ما النه ضهر اخاف تجينه حچايه ونبتلي

-دگولي مو مطيتي لگلبي والله..

-علي

-يا علي

-ابن عمو بشار

-اي شبيه..

-كل مره من يمر ويمشي يغازلني يذبلي حجي سخيف وما اهتم.. واليوم..

-اليوم شنو اليوم احجيييي شبيج

-حاول يتعرضلي ولزمني يگلي اذا ما اطاوعيني وتجين اطردج من بيت جدي

-هوه بكيفه.. الا انعل يومه.. ردت امشي كالت عليك الزهره لا تحجي يسار فدوه..

-ولج انتي منه وعايشه عدنه يتعرضلج ابيتنه شلووون.. غير نگص راسه..

-يسار تفضحني اءا حجبت واول وتالي هذا ابنكم حتى لو انته حجيت الحق البقيه مراح ينطوني لان اني مره غريبه ويطردونه واحنه ما عدنه معيل

-لج اتي تحجين صدگ.. خليها وراي ومعليج   ووعد مني والله حتى  الاهل ما اگلهم..

-شتسوي.. ؟

-معليج بس اطمني انه اتصرف..

-رحت صعدت للغرفه بقيت افتر منا واجي هنا .. اني اعلمه باجر لهسگط.. لفيت راسي اريد انام ماكو تعبت ارق مو طبيعي..

كمت توضيت واخءت قران وگعدت اقره سورة المُلك... كملت تلاوه..  صليت ركعتين.. باوعت بعد ساعه على أذان الفجر ما تسوه انام..

بقيت كاعد.. فتحت الحاسبه وكعدت اشتغل عليها.. كمت اغفي.. اسمع الجامع يمجد.. عيوني اريد اسيطر..

كوه واصلت لحد ما صليت ونمت فورا.. ما معدت الا ثاني يوم الضهر.. على بت فيحاء وهي تضرب على وجهي

جريتها و نومتها وياي.. كمت العب وياها وابوس بيها..  لشوي كامت تبجي.. شلتها ونزلت..

صبتلي حمديه اكل صليت وطلعت بره.  الضهر جان.. صفيت اباب بيت بشار ونزلت..

دكيت الباب فتحلي ابنه حسن.. تسالمنه.. ابوك وين..

-ابوي جوه... طبيت صاح بشار هلا... هلا بالغالي تفضل..

-دام فضلك ابو علاوي.. اجت ام علي سلمت والبنات..   گعدت تاره يمي درتلها وحجيت بصوت ناصي علي وين

-فوك ليش

-اريد اشوفه.. كمت يا اسم الله..

بشار... وين..

-اصعد فوك لعلاوي عندي  شغله وياه

-خير ان شاءالله

-لا هيج والله شغلة شباب ورايد استفسر منه

-هااا فوك هوه بغرفته اصعد..

-عفتهم..وصعدت.. دكيت الباب.. صاح تفضل.. كتله هلا علي..

-هذا انته .. هلا يسار تفضل شرايد

-رايد احجي وياك بموضوع..

-اي تعال ... اسمعك..

-كعدت..  علي شعدك وي حوراء..

-شي ميخصك..

-لا يخصني وحوراء كلها تخصني

-خلگ خدامه شتخصك

-ماكو خادم عدنه المره وبتها منه وبينه   ... والبنيه بنيتنه.. شغلة تدخل بيت جدك وتسمعها كلامك السخيف لو تضايقها والعباس علي ما ارحمك فاهم..

-اگلك انته جاي تتشرط عليه بيت اشو اطلع من غرفتي. 

-حجه هيج انطيته بوكس بخشمه.  نزف دم كام يصيح   اجت امه شكو شصاير.. صعد بشار..

دارلي عاي شكو يستر شصاير.. حجه علي هذا صاير شريف براسي وهوه مخلصها احظان ابيروت..

بعده ممكمل.. اجاه راشدي من بشار .. ورزاله... اكل خ.... لك.. تربيه سز.. راسك اكصه وعلي اذا حجيت..

دارلي بشار.. شنو صاير يسار..

-اسمعني ابو علي.. عذا ابنك گدامك وعلمه.. بنات الناس مو رخاص وان جانن فقره واحنه اغنياء مو يعني احنه مالكيهن..

لو اجتني عنه شكو وكالو ابن اخوك.. احجيها كدامه راسه اكصه باوع لعلي وصحت فااااهم. 

بشار... لك لاعب وي منو انته .. احجييي

علي.... يابه ما لاعب عليها هي حوراء تجي وتحجي وياي وتشمر بروحها عليه وبعدين تتهمني انه متعرضلها..

يسار...  بس انه ما گلت انته تعرضتلها.. خوف اعترفت بالسانك..

بشار... ولكم لحظه. شصاير بت حمديه شبيها..

يسار... بت حمديه تبجي من ابنك يتعرضلها بنص بيتنه..

علي..... جذابه يابه والله ما متعرضلها

يسار.... من الله شالك ورگعك انشاءالله .. ادين البنيه زرگ

بشار... وهيه شوفتك اديها  

-اي زندها اورك

بشار...  يسار اللي تشيل ردنها وتشوفك زندها هاي ينخاف منها  

يسار... بشار شتحجي.. حوراء فقيره وعلى نياتها

بشار.... ماكو فقيره بهلزمن بشار.. وكلشي وارد.. هي مالها احد وعلي ابني ابن خير  كلشي يفكرن النسوان

مو جنت تثق بهاي صاحبتك شسوت بيك

يسار... او علي تجيب مهى على حوراء.. هاي فطيره ولا طالعه ولا شايفه

بشار.... كلهن نفس الشي وداعتك ما يختلفن وقت اليردن شي يطلعن الكيد العظيم

-بقيت صافن.. هزيت ايدي ومشيت.. ورجعت درت وجهي عليه.. يا علي والعباس لو تعرضتلها اكتلك خلاص..

حجيت وطلعت... رحت للبيت افكر شسوي.. هذا كلب ما ينگدر... واخاف يلعبه لعبه ويشمرها براسها وهاي مبينه فقيره ويتيمه ما الها احد..

بقيت افكر لحد ما وصلت للبيت.. قررت قرار.. كلت اي احسن هيج.

طبيت للبيت.. ولكيت الحجي كاعد وامي وحمديه.. السلام عليكم

وعليكم السلام..

-يابه جايك بشغله واريد اكلك بيها

-شنهيه يابه كول

-اريد اتزوج

الحجي.... سلامات بويه... شني السالفه

الحجيه... يمه صواب اختك اخضر ولحد هسه ما طالعه الاربعين شتتزوج..

-يمه لا خطبه ولا ابد بس عقد شيخ.. وكلشي ما اريد 

الحجي... بويه فهمني شالفتك شني ومنهو الرايدها

-اريد اتزوج حوراء......يتبع

✴✴✴✴

بارت قصير اعرف... بس والله تعبانه..  و اعذروني ع تصحيح نعسانه.. متابعه ممتعه..

#زينب_ماجد