البارت التاسع
قصة ( ثأر العشائر )
🎀اللكاتبة (بنت _الحجي )🎀
رافد : ماريد اعتذاره اني بس اريد اثبات مطرود
من العشيره والبيت مالتكم مالكم رجعه عليه
ابو همام : صار لي تردو انسوي شيخ
باجر بيدي اجيب ورقته من العشيرة نترخص منكم
الشيخ جواد : الله وياكم مرخوصين
حمزة : كمت وراهم بقينا بس احنه خير رافد شنو الي بالك
رافد : هسه هيثم عدنه موو
حمزة : اي موجود
رافد ؛ هاي هيه خلي عيونكم عليه
عم خلدون : صدك تحجي ابني تتنازل منه اشلون
الشيخ جواد : رافد عفيه على تفكيرك واليدي
اعرف الي اتفكر بي
رافد : يصير خير يابه بس اكوم على حيلي
حمزة : كوم اخذك هناك تتمدد ميصير تكعد
الشيخ جواد : روح ابني
ام رافد : يمه ليش ماتكعد ماتكلي
رافد : مليت يمه تكسرت وين البنات
ام رافد : اخواتك راحن بس سمر وبنت عمك جوا بالمطبخ
حمزة : هااا تبقه واكف
رافد : لا كعدني وانت هم تكعد اريد افتهم الموضوع مال مخابرت المستشفى بنص اليل 😐
حمزة : هاااا يااتصال شبيك خويه
خل اكعدك
رافد : 😉تعال تعال ماكو مهرب منين هاي بله
حمزة : ياهيه هيه 😑
رافد : احجي ترى اكول اللحجي هااا له يخليك مثل البلبل تغرد هههه
حمزة : لا فدوه لاتخليني بحلك ابوي هسه يكلي ازوجها لا تلعب على شرف العالم يطلعني من الكلجيه
رافد : لعد شتريد تلعب عيني
حمزة : ماالعب بس مو وكتها خل اعتمد على نفسي وتخرج ايصير خير وكتها
رافد : اهم شي عراقيه هيه موو
حمزة : اي بس مقيمين بقطر
رافد : خير انشاءالله الله يسعدكم
حمزة : تسلم خويه وانت شنو ماكو تطورات
رافد : عوفها سكته خويه ماشوف نتوالم
حمزة : الازم اكو وحده مو
رافد : اشلون ماكو بس صعبه اخذها
حمزة : ليش صعبه خويه
رافد : طلعت مخطوبه وماحجت له من مر سنه يلا صارحتني
حمزة : صدك تحجي وهيه اشلون تحجي وياك
رافد : اول شي زملاء عمل ونوب طورت العلاقه طلعت حاجي عليها ابن خالها وبس يتخرج يخطب ويزوج
حمزة : ايييي وانت شنو وضعك بنسبه لها
رافد : اتكول اني حبيتك ومااعرفك ومااقبل والله
ومن هل حجي واني احب سوالفها
حمزة : يعني ناوي زواج وياها جنت
رافد : طبعا بس بعد هل حجي ومن ضمت عليه
وبالاصل مخطوبه بس متحجي عرفت
حمزة : الله يعوضك خويه الف وحده تتمناك منال عدها اخت اخطبها الك شتكول 😉
رافد : خل اكوم على حيلي كل شي مااريد
حمزة : اتكوم انشاءالله
سمر ؛ خيه تهاني راح اروح انام اشويه تعالي نامي انتي هم كعدنه من الفجر
تهاني : يلا امشي دخلنه للغرفه لي بصف غرفة رافد
حطيت مخده ونمت بالكاع رسن غفيت
حمزة : دك تلفوني يلا خويه اترخص الشباب متانيني
رافد : اخذ راحتك باليل جيبهم خل نكعد بالديوانيه
حمزة : تدلل
رافد : البيت صار هدوء غفيت شويه
بس من الوجع اغفى واكعد بيه مابيه كمت اتمشى بالبيت
شفت تهاني نايمه والسعر منثور وارجلين طالعه ايوا هاي كالبتها جقلمبه سديت الباب وطلعت
الشيخ جواد : ها بويه شكومك
رافد : مااكدر انام يابه ظهري يأذيني
الشيخ جواد : تعال اكعد الهوا طيب برا ام رافد جيبي كرسي
ام رافد : اكعد يمه ومدد رجليك ع ثاني
رافد : شكوو ماكوو بعد يابه
الشيخ جواد : ماكو شي وليدي خل تفض اروح انحج شنو رئيكم
ام رافد : علوا والله
رافد : انشاءالله ليش لا
تهاني : كعدت على صوت جهال سمر كعدو عدلت نفسي وطلعت اللحديقه برا شفتهم كاعدين وسمر هم طلعت برا
سمر: تعاي تهاني خوش كعدا كاعدين برا
رافد : سمعت صوت البنات اجن
سمر : الله بالخير خوش كاعدين
الشيخ جواد : الله بالخير عليج اكعدن ليش واكفات
تهاني : السلام وعليكم
لكل : عليكم السلام
الشيخ جواد ؛ هلا بنت الغاليه اشلونج بويه
تهاني : الحمدالله عمو
رافد : اباوع عليها شبعانه نوم والشال هيج مذبوب
الشمس كامت تغورب
سمر : راح اسوي جاي وعدنه كليجه
ام رافد : اي يمه سوي
رافد : اي والله جوعان سموره
تهاني : عمو ممكن احجي وي امي
الشيخ جواد : اي عمي احجي وياها ليش لا
بس ماعندي رقمها
رافد : حافظه ارقم انتي
تهاني : اي حافظته
رافد ؛ هاج هذا تلفوني خابري
تهاني : تسلم اخذت تلفون وكمت منهم دخلت جوا دكيت على امي مترد عليه اوف وين راحت مجاي ترد
دكيت مره ثاني هم ماكو لا له لالله رجعت هاك رافد
رافد : شنهي خلصتي
تهاني : لا ماترد يمكن ماتسمعه كعدت طافره دنيا من عيوني يسوالفون ويضحكون اجت سلمى وزوجها كعدو هم يمنا
سمر : هذاا الجاي والكليجه
لكل : عاشت ايدج
سلمى : والله بوكتها سموره
سمر : هه بالعافيه ولكم ولد .. اااخ يلسااني تعالو اكلو كافي العب
رافد : عوفيهم خويه خل يلعبون
سلمى : يابه احجيلنه على قبل تهاني مسامعه سوالفك
تهاني : عدلت كعتي اريد اتعرف عليهم اكثر
الشيخ جواد : اي ليش لا بويه ايام قبل احلى ايام
مو ايامكم هسه جيل التلفونات والنت
رافد : هههههههههه
رافد : ههههههه اشبي نت يابه
الشيخ جواد : اشلون شبي ذاك اليوم بفصل ابو ضياء جبيرهم كامش تلفون ويبحوش بي
رافد : ههههه اي يابه هاي الدنيا هيج صارت
الشيخ جواد : والله لياكل تلفونه بيده اليكوم تلفونه بيده اخر شي نعاط بيهم
رافد : يابه منا وهيج سولكم كروب وضيفو الشيوخ كلها وحلو المشكله بالكروب ههههههههه
سمر : 😂😂والله خوش
تهاني : ههههههه
الشيخ جواد : هههههه خوش حل هذا وضيفهم رمز الشبكه مو جاي وكهوه
ام رافد : ياااا جا خوش والله خايب شجاكم
حمزة : هلا والله خوش كعده
رافد : هلا بيك اكعد تعال شوف افصول هسه اشلون راح اصير
لكل : هههههه
رياض : تعال حمزة شوف اقتراح الشيخ ورافد
حمزة : خير انشاءالله
تهاني : سويت مكان كعد حمزة يمي
رافد : حمزاوي راح نسوي كروب وندخل الشيوخ كلهم وتنحل الطلابه بي مو احسن لان ابوي ضايج من فصل ابو ضياء ايكول الكل بيده تلفونه
حمزة : ههههههههههههه والله خوش سالفه
اتخيل رافد عمي اسماعيل نت يمه ضعيف ويكوللهم رحمه الوالديكم نت ضعيف البصمه ماتفتح لاتحجون هههههه
رافد : 😂😂😂😂😂والله اصير جلاليق
تهاني : ههههه والله سوالفهم اضحك
الشيخ جواد ؛ بسك انت وياه لا فلحنه بشيوخ هل وكت جا مو بعيده ايسوها اعرفهم
حمزة : سلمنياها وشوف يابه 😨
رافد : هههههه كثر خيرك حمزة متقصر خويه
سلمى : تلفون منو ايدك
رافد : هذا تلفوني هذا رقم
تهاني : اخاف امي شكد نهايته
رافد : 22
تهاني : اي اني اخذت تلفون وكمت
الووو... هلا يمه اني تهاني
ام تهاني : هلا بيج بنتي اشلونج
تهاني : زينه انتو اشلونكم
ام تهاني : من ورا بيت جدج اشلونه الله لايوفقهم
هججونه من بيتنا وخالج مدري وين
تهاني : يستاهل يمه اكو هيج واحد يسوي توصل وياه درجه للقتل
ام تهاني : اي غلط بس مو مال هل حقير يطلب ينذب من العشيرة لو ماهوا جان اني وانتي بشارع هسه هوا صالحني وي ابوي ورجعني
اذا ميطلع خالج عدهم اكص ايدي هل كلاب
تهاني : هذا مو موضوعي يمه وتاليتهاا يعني
ام تهاني : ديري بالج اصدكين بيهم ذول حيايه ترى يمه لاتنسين تبرو من ابوج لان ازوجني ميحبونه
وانتي اخذوج مني لان احبج يردون يحركون كلبي لان اخذت ابوج منهم ولان حبني
تهاني : هذا الشي لي اريد افهمه يمه ليش ماحاولتي صالحين بينهم ليش شجعتي ابوي كل هل سنين
ام تهاني : انجبي شنو و اصالحه وياهم تردين ابوج بوكتها يطلكني متقبلوني لان سنيه
تهاني : لا مو شغلت سنيه يمه بس انتي ماصبرتي ليش استعجلتو وزوجتو هاااا
ام تهاني : همه حجولج موو تهاني اذا سمعين حجيهم والله اخلي خولج يذبحوج
تهاني : والمهر الجبير يمه شنو سالفته
ام تهاني : طبعاااا مهر جبير اخذ ابن شيوخ ومااطلب مهر جبير ايجوز يعوفني ع اقل حقي ضامنته وهذا شرط خالج
تهاني : شرط خالي مووو يمه انتي حبيتي ابوي لو فلوسه
ام تهاني : راح اكص السانج شنو هل حجي هااا
منين اصرف عليج اشو مخليتج تحتاجين احد كبرتج ودرستج وكسرت ظهري عليج حتى ماازوجت
الحب مو كل شي ترى بنتي ابوج من مات لو ما لمهر جان خالج مسوه هل شغل ويصرف عليج وعليه
افتهمتي وانتي متحاسبيني وانتي متبقين عدهم اخذج منهم بس خل نلكي خالج هوه ايساعدج
تهاني : اصعب شي تعيش بكذبه جبيره وجانو يحجولك شي يطلع العكس اتمنيت يطلعون يجذبون وامي صح حجيها يعني امي اخذت ابوي على مصلحه سديت التلفون وكعدت ابجي ليش شنو ذنبي ومو بعيده ابوي انقتل علمود الفلوس الجانن وياه
رافد : سمر كوميني اريد افوت
سمر : اي خويه كوم
رافد : دخلت جوا فتت هاي ماكو هيه وتلفون
اباوع سمعت صوت واحد يشهك
تهاني وينج
تهاني : سمعت صوت رافد كمت مسحت وجهي
هاا رافد
رافد : طلعت هاي الوجه احمر شنو ليش تبجين
تهاني : هاا لا مابيه شي هاك تلفونك تسلم
رافد : احجي اشبيج عطت بوجها
تهاني : احس دموعي نزلن وحدهم مابيه شي رافد
رافد : سحبتها من ايدها شوفي بالكوه واكف تحجين لو شلووون
تهاني : حطين اديه على وجهي وبجيت بحركه
اسودت ادنيا بعيوني ليش هيج رافد
رافد : باوع عليها بس تشهك ياربي هاي شجاها
جريتها عليه صارت بحظني ولج احجي والله راح اكفخج امج بيهاا شي
تهاني : لا مابيها شي صحت على نفسي اديه محاوطتني رفعت راسي
رافد : لاتبجين مسحت وجها وخرت شعرها
محد يسوه ترى تبجي عليه صدكي
تهاني : لا يسوى رافد هذا ابوي لي ابجي عليه
رافد : حقج صدك يسوى الله يرحمه مشتاقتله مو
تهاني : شهكت احس بالكوه اشتم الهوى
رافد : امشي اغسلي وجهج
تهاني : رافد اريد اعرف كل شي عن ابوي
رافد : روحي غسلي اني احجي وي ابوي اخلي يحجيلج كل شي لان اني بوكتها جنت يم خوالي من صار هل شي افتهمي من ابوي احسن
تهاني : ماشي رحت غسلت
ويتبع ......
البارت العاشر 🔞
قصة ( ثأر العشائر
🎀اللكاتبة (بنت _ الحجي)🎀
رافد : غسلي وتعالي تهاني
تهاني : ماشي
امداني اشلون حضنته ولج انتي مو ضعيفه اشلون هيج اوف ياربي
رافد :: يابه بس تخلص صلاة المغرب اريدك بموضوع
الشيخ جواد : الله واكبر يعني جاي ايصلي ..
ام رافد :: يمه رافد تلفونك ايدك
رافد :: انطينياه يمه
ام رافد :: هاك واليدي
رافد : الووو... هلا بيك خويه الحمدالله الله يسلمك
يااهلا وسهلا بيكم مكالنا حمزه توصلون بسلامه
بس توصلون خابرني ادز الشباب يجيبوكم خوش الله وياك
سمر :: هاااا خويه منو جاينه
رافد :: بيت خالي محمد جاين من قطر يوصلون باجر الظهر اصبح طيارتهم باليل
ام رافد :: كل الهلا بيهم
سلمى :: اوف والله لو تعرف سماح كون مايجي احمد
سمر ::: لا خيه بعد ازوجة وهوه لو طالبها من ابوي مايكول
وين تهاني راحت
سلمى :: جوا كاعده
الشيخ جواد : هااا ابني خير شرايد كول
رافد :: خلصت يابه
الشيخ جواد : اي ابني خلصت
رافد :: سمر وينج
سمر : هاا خويه
رافد :: صيحيلي تهاني تجي
سمر : اي هسه اصيحهاا وووينج تهاني
تهاني : هااا
سمر :: تعالي رافد بديوانيه يريدج
تهاني : رحت الديوانيه دخلت بس عمي ورافد
هاا كالت سمر تردوني
رافد :: اي اكعد هنا سدي الباب وياج
ام رافد : تعالي يمه اكعدي هنا
تهاني :: كعدت يم مرت عمي راح كلبي شكو
الشيخ جواد :: خير ابني شكو صاير
رافد :: يابه احجي كل شي التهاني يخص عمي
الشيخ جواد :: ليش هيه ماتعرف
رافد :: هيه سمعت من بيت جدها وامها خل تسمع من عدنه هم تتوضح الصورة اكثر
الشيخ جواد :: شنو الي تردين تعرفي بنتي
تهاني :: عمي اريد الصراحه صدك عمي اصير مره لكم اذا اعرف حقيقة موت ابوي وسبب بموته
الشيخ جواد :: بنتي اول شي لي تعمد قتل ابوج مانعرفه الهسه هاي اول شغله ثاني شي اكد الج ابوج مان بحادث مودبر يعني اكو الي تعمد
تهاني : حس كلبي ينعصر عصر من اسمع الحجي اي عمي اشلون جدي تبرا من ابوي
الشيخ جواد : ابوج عله صوته على ابوي من اجه وكله اريد ازوج ابوي رفض لان جان ابوج طالب وشغل ماعنده اشلون يصرف على مره وبذاك الوكت ابوج صديق خالج جان
وابوي كله اذا ازوجتها هسه بدون موافقتي تطلع من البيت اتخرج وشوفلك شغل اروح اخطبها الك بس ابوج عاند ورفض كله له هل شهر ازوج ولليل اجه ابوج يريد ورثه وابوي بعده عايش
تهاني : اسمع ودموعي تصب
اي عمي
الشيخ جواد : ابوي مكال لا انطاه مبلغ بذاك الوكت كله منا وجاي اني متبري منك علمود مره هيج اسوي روح
ومن ساعتها ابوج منعرف شي عناا بعد سنه التقيت بي جان ابوج راسب بجامعته وتاركها ويشتغل بشغل استراد الاقمشه الي خالج هسه يشتغل بي
حجيت وياه عرفت منه هوه مااجر بيت وامج حامل
ومرتين رحتله للبيت بعد ماشفته هوه ميقبل يجي يصالح ابوي
واني جنت اصغر من ابوج بسنتين عداديه جنت ورا ست اسنين عرفنا ابوج مسوي حادث بس من اجه التخطيط كالو حادث متعمد اجه خالج كال طلع هوه من شغل واخذ وياه افلوسه كلهن لان بطلنه وي الي نشتغل وياه
وتحقيق وي الولد طلع برائه واكو شهود من جان الرجال موجود بشغل يعني مو هوه الي قتله اكو شخص ثاني
تهاني : انت شاك بخالي موو
الشيخ جواد :: عوفي هل امور بنتي انشاءالله نلكه قاتل ابوج
تهاني :: يعني كله بسبب بابا مو بسببكم ولا بسببك نطرد بابا بس اشهك
الشيخ جواد :: اشتغفرالله بنتي شنو هل حجي منو هيج كلج هااا هذا اخوي اشلون اتعمد بطرده ماكالتلج امج مرتين اروحله واقنعه يجي ومجان يقبل لا هوا ولا امج
تهاني :: بقيت ساكته شحجي ابوي مات مقتول وامي حجتلي حجي خلتني اكره عمامي كلهم
رافد :: شفتي تهاني هذااا الي صار مصار لي حجولج عليه يعني اعرف الحجي لي نكال وخلو بعقلج
ام رافد :: انتي مالج ذنب بنتي كومي غسلي ورتاحي
الشيخ جواد :: كافي يابعد عمج ميسوا البجي احنه والد اليوم مو البارحه الي مات الله يرحمه والطيب الله ينجي من البشر الي متخاف من الله الله خلق المرة صبورا وتتحمل لي ميتحمله الرجال بس انطاجن كلب جبير ويسع الدنيااا ... الله يحب الصابرين ونصبر احنه الحد مالله يبينها ويعدل بينا وبين البشر الي اذونا كل الي ماتو خلو اثر بكلبنه وقصه وسالفه نتعلم منهاا .. خلي ابوج مثل مشى ورا كلبه ماطاع الاكبر منه وغدروة الي ميخافون الله ... يمكن هذا درس النا كلنا علمو مناامن بااحد بسرعه وناخذ كلمة الاكبر من عدنه اتعلمي منه بنتي ...
تهاني ::؛ احس حجيه ريحني شويه وعاني على هواي شغلات احسه عادل وصريح
تسلم عموو الله يطول بعمرك ويخليك البناتك
الشيخ جواد : اشو بس بناتك ماتردين ابقه لج هم
تهاني : ههههه كمت بست راسه الله يخليك لنا كلنا عمو
رافد : والله طلعت تضحك هل بومه😐
عبالي متعرف تضحك
تهاني : اترخص منكم
الشيخ جواد : مرخوصه بنتي
رافد : كوليلهم يحضرون العشه
تهاني : اي ماشي
طلعت من عدهم اكو غضب واكو حقد على امي
ضجت منها ليش هيج حجت عليهم
بس تبقى امي له مااكو سبب واعرفه الازم
خاله ام حسين
ام حسين : هاااا يابعد خالتج
تهاني : ايكولون حظري العشه
ام حسين : اي بنتي حاظر بس بقت الزلاطه
تهاني : انطيني اني اسويها
ام حسين : هاج بنتي بس لفي شالج عدل لايوكع شعر بيها غير الشيخ يحركنه ههههه
تهاني ؛ : ههههه صار اتعصبت بشال بس كذلتي طالعه
وكفت ع كاونتر اثرم الزلاطه جهال سمر يركضون ويعيطون هه فدوه شحلاتهم وسمر تكوللهم تعالو احجو وي بابا
حمزة : هلا هلا ريحة واصله الباب الشارع ماخلصتن
تهاني : ههه هلا بيك خويه هسه راح انصب
حمزة : الله زلاطه ناعمه حطي اليمون ومندوزي عليها
تهاني : حطيت شوفها هيج زينه
رافد : كمت افتر بالبيت شفت حمزة بالمطبخ والجهال هاااا شسون
حمزة :: اووويلي عاشت ايدج
تهاني : دكافي خلصتهاا هاي عود بس شوفها
رافد :: وخرر بله خل اضوكها
سمر : جااا خلصت مابقه منها
تهاني : كمشت السجينه اكلكم اطلعووون لو اشلون😡
حمزة : اي اي طالعين شبيجن هيه زلاطه
رافد : انوب معصبه بنت الاوادم ادنيت يمها اكول ذبي سجينه بس حواجبج من طبكيهن يخوفن 😉
تهاني : 😳😳اكول اطلع احسلك ههه
وينج سلمى تعاليلهم
رافد : طالعين طالعين جعناا بسرعه صبن
سعد : السلام وعليكم
لكل : عليكم السلام
حمزة : هلا سعود اشلونك اكول شجابك وكت العشه
رافد : هلا الله جابك
سعد : والله شميت ريحة سمج من برا بعدين جاي على رافد مو عليك
رافد : هلا بيك خويه تعال نعكد يم الحجي
سعد : على كيفك خويه اشلون صرت
رافد : والله الطفل نازل ماشوف امشي على كيفك
لكل: ههههههههههه
تهاني : ههه صدك ضحكت عبالي غثيث طلع ينكت
سمر : روحو هناك يلا خل نصب العشه
عم خلدون : هلا خويه اشلونك ابو رافد
الشيخ جواد : هلا خويه الحمدالله اكعد
ام رافد : اتفضل خويه
عم خلدون : جاا وين ذول بس صوت ضحكم
ام رافد : كلهم بالمطبخ
عم خلدون : هااا خل اشوفهم
هلا بربع شعدكم بالمطبخ
لكل : هلا عمي
رافد : هلا بالغالي
عم خلدون : شعدكم هنااا ولكم والله ريحة طيبه شنهي ماصبون عشه
سمر: هههههههه هسه انصب عمو
حمزة : هااا عمي اشوفك هم وكفت بالمطبخ 😨
عم خلدون : ههههههههه صرت من ضمن عتاوي المطبخ فوتو امشو اهناك يلا
رافد : يلا امشو كعدنه بديوانه سوالف وضحك البنات جابن العشه الجهال كلهم كعدو قبل شوي كها تكمز اااخ يل اكل شيسوي بالعالم ههههه
تهاني : كعدنا كلنا ناكل وسوالف وضحك
عم خلدون :: اليوم سعد وين جنت هااا
سعد :: هااا عمي بشغل جاا وين
عم خلدون ::: لا مو بشغل خابرت عليك ع مصنع كالو طلع اعترف وين جنت
رافد :: 😐هااا سعد وين جنت اعترف
سعد :: شجاكم عليه شبيكم من شغل رحت اسوكت الجهال واجيت اللبيت
رافد ؛:: هنا الحجي اي سعوده شسوكتي
اليوم الغده وتنظيف عليج مووو 😂😂
عم خلدون :: اييي صح رافد غير فتت من يمهم لكيته يغسل بالحوش المغرب هههه كول جذب
سعد :: لا صح طلعت رشيت الباب والحوش جا اطلع المرة برا
لكل : ههههههه
الشيخ جواد : المساعده حلوه ترى هذا هوا ازواج
سعد :: مو صحيح عمي هسه دزوجو وخل انشوفكم اشلون صيرون
تهاني : شبعت ضحك مو عشه خطيه نصبو على سعد ابن عمي محمود
حمزة : اناااا خوك سعد بس متوصل اغسللها الحوش المرة معدله تكمل شغلها قبل ميجي زوجهاا
سمر :؛ هنيالها والله سعد مرتك
سعد :: هااا جاغير مريتي وام جهالي اشلون لعد
تهاني : هههههه
رافد :: اباوع هل فطيرة بس تضحك ومدنكه
الشيخ جواد :: والله عجبتني سعد تذكرين ام رافد من جنت اساعدج
ام رافد :: هههه اشلون مااذكر ونعم منك والله
سمر : احجيلنه بابا اشلون بله اساعدها
سعد ؛: اسمع انت وياه شوفو ازلم
الشيخ جواد :: جانت حامل برافد تكعد تغسل هدوم
اكعد يمها جنت من تخلص اشيلها الطشت احطه الها اكعد يمها لان جانت اشر الملابس برا بالحديقه الحد ماتخلص وافوت
ومن سوي العشه اني اشيل الصينيه تذكر عمتج فوزيه وسهاد عائله جبيره جنه قبل عماتج مامزوجات جانن
عم خلدون ::: ههههههههه واني جنت شابع دياحه من وراهن ياهيه التطلع الازم تاخذني وياها خوب هاي الجده من شوفني كالت خير ياهيه رايدتني
لكل : هههههههههههه والله خوش
رافد :: جنت ساعي البريد مالتهن
ام رافد :: ههههه اي والله شنسوي جانت بس انت شاب بهل بيت بس كاعد يقرء مايطلع عاد ياهيه تريد تسير تروح السوك كالو اخذن خلدون
رافد :: والله عمي الله يساعدك
عم خلدون :: لا جنت اكيف ياهيه اطلع وياها اخذ فلوس منها طبعا بدون مايدري ابوي جانت كل سفراتي وي ربع من فلوسهن وابوك ينطيني 😂
حمزة :: ياهيه منجن تريد تطلع هسه😨
لكل :: هههههههههه
رافد :: عجبتك الشغله موو
حمزة :: اي والله طلعت مربحه طبعا اخذجن بسيارة موديلها هسه والمكان الي تردنه واكمش
الجهال الجن شتردن بعد
سلمى : والله خوش اذا هيج
حمزة :: ولووو خويه تدللن وعليه الحلال اذا تجن وتلكن طفل موجود
سمر: هاااا وين توديهم 😲
حمزة :: بااقرب مشروع اذبهم هههههه
رافد :: ههههههههه بعد شتردن يطلع الطلعه من خشمجن
سعد :: خل اضحكم اشصار البارحه اخذت علاوي الدكتور يم صيداليه خابرني سجاد
كالي وين انت كتله ع شارع طالع
كال بربك جيبلي وياك اسلاك انظف مسجل سيارة
كتله تدلل
حمزة :: اي
سعد :: اي اخذت الدوه علاوي له اشيل الدوه انطيته له رحت جبت اسلاك هم اخذهن من ايدي وصلت العلاكه الي بيها السلاك انطيتهم السجاد باب لكيته ورحت للبيت
بس وصلت خابرني كال اكلك جايبلي وياك
عم خلدون : ههههه اي
سعد :: جبتلك اسلاك غير
سجاد ::: والك بالعلاكه تحاميل مو اسلاك
لكل : ههههههههههه
رافد :: خرب يومك على هل دكه كله حط تحاميل للمسجل واسكت
تهاني : اووويلي اريد اسكت ماكو كمت من الاكل بسرعه
الشيخ جواد :: الله يطيح حظك غير تتااكد
سعد :: شمدريني عمي علاوي مطلع السلاك وحاط التحاميل هههههههههه
وعلي شبعنا ضحك والهسه تحاميل يمه 😂
ام رافد ::: يلا كومن شيلن الماعين
سمر :: وينج تهاني ههههههههه
تهاني : غسلت ورجعت يمهم شلنه الماعين
ويتبع .....