#احلام_يتيمتين
#بقلمي_مولاتي_يازينب
#البارت١٩
وسام بعد ماردتلي اميمه الخبر رجعنه البيتنه وضليت نتخابر اني وياها وبطريقتي خليتها
وبسرعه تتعلق بيه
وسام. اميمه. اني حبيتج فوك ماتصورين جنت دائمن اخاف من الحب بس لمن جربته وياج
تمنيت لو عارفج من زمان
اميمه. حتا اني عمري ماجربت الحب بس لمن شفتك لاول مره صار عندي شعور غريب عرفت
منه ان كلبي نبض بالحب
وسام. وفارق الماده مافكرتي بي
اميمه اخر همي لفلوس
وسام. هذا حجيج بس مو حجي اهلج
اميمه لا ابد اني اتعلمت منهم ان لفلوس ماتسوي البشر البشر هم الي يجيبوها وانت ماتعرف
مايضل الشخص ع هاي حالته للابد يمكن الله كاتبلك بالمستقبل ام يخسر او يصعد لفوگ
فخلينه انعيش اليومنه وبس
وسام. ااه
اميمه. شبيك ليش الاه
وسام. ماعرف يمته الله يفرجها تدرين قبل اشوي اتصل علي واحد يطلبني ٦ ملاين وانطاني
مهله ٣ ايام واني محتار بس الله كريم تفرج
اميمه. شوف وسام انت تحبني
وسام. اكيدين
اميمه شنو اني بنسبه الك
وسام الفرح الحب كلشي حلو بدنيتي ( ديله كوليها )
تميمه اذا هيج اني بنسبه الك معناتها لازم انكون شخص واحد واذا صرنه شخص واحد
معناتها افلوسي هي فلوسك واني راح انطيك المبلغ الي تريده
وسام. مستحيل اشبيج انتي اني اخذ منج اله تخبلت
اميمه ليش تحسسني اني وحده غريبه وماعنيلك شي
وسام. شوفي اني ابد ماماخذ شي من شخص وصارت مرهوغلط ومديت ايدي ع فلوس
اخوج لان ما احب اطلب ولا انذل ولا احب الناس تشوف تعابير الذل ابوجهي وانتي تعرفين
لوله مرض امي ماجان صارالي صار وهسه انتي تكوليلي انطيك لا والف لا
اميمه اوك. اعتبرهن دين وشوكت مايصير عندك رجعهن حبيبي لاتردني
وسام. الخاطر كلمة حبيبي ماراح اردج بس دين اوك ونكتب ورقه تثبت هذا الشي
اميمه اوك بس هاي مالت الورقه بلاها لان اني اثق بيك
وسام. فديتج وفديت الثقه اويلي شكد احبج لج احبج شنو مجنون بيج
اميمه. ☺️ اوك باجر راح اسحبهن من البنك وتعال علي وكت الدوام انطيك اياهم اوك
وسام. اوك
اميمه هسه باي
وسام. باي حب سديت التلفون اف لج شنو انتي ٦ ملاين ولا شي عندج خرب حضي اذا ما.
افلسج ع الاخير كال حبيبي كال
شمس. واخيراً بحر رد ع اتصالات امه وجده وكال هو راح للامارات عنده شغل اهناك
ومايعرف اشوكت يرجع ومر الشهر وشهرين و٦ اشهر وبحر مارجع معقوله كل هذا غضب مني
لو صدك شغل اهله يتواصلون ويا دائن بس كلما اجيت احجي ويا ينهي المكالمه ابعندي شغل
ومشغول وابد ماحاجاني
ضي. بعد مرور ٦ اشهر صرت بشهر ٨ وبطني بده يكبر وسامر زاد اهتمامه بيه وضل يتغير
حسيته بده يحبني وينسه دعاء بس ابد ماضهر هذا الشي بس افعاه تكول بس اني متئكده
هلشي ما فرح ام سامر والله يستر من الي جاي
وسام. علقت اميمه بسه وضلت اتموت ع انفاسي وهذا الش خلاني استغلها ازياده وصرت
ساحب منها ١٠ ملاين دينار عراقي
ماهر. بعد ماعترفتلي زهور بشعورها اتجاهي فكرت بالموضوع ولكيت نفسي هم احبه وقبل ٣
اشهور من اليوم خطبتها واول وشهر جنت طاير بيها بس بعدين حسيت بالمملل اتجاها
وماعدت انجذب الها
ام. سامر. زعجني كلش اهتمام سامر ابضي واني جنت اعرف هذا اليوم راح يجي بس
مستحيل واني مخططه الكلشي قبل ٦ اشهور جنت اريد اعزم اهل دعاء الله يرحمها طبعا
ماعرفتو شنو السبب دعاء عدها اخت تؤم اسمها دنيا صحيح ابيناتهم قليل اختلاف لاكن اني
متئكده راح ترجع حب دعاء بكلب سامر بس باسم دنيا وبالتالي هاي الخدامه ضي راح تصفه
بشارع هي وبتها
شمس. اميمه معقوله يكون هذا كله شغل لو عنده شي بحر ماعرفه
اميمه شوفي ياشمس هاي صارت مره وي بحر مستحيل يكون شغل بحر لمن كان عمره ٢٠
سنه حب وحده وعلق بيها وبيوم وليله سمع بيها انخطبت وسافر البنان وضل اهناك سنه
وهذه ثاني مره جاي تصير ويا يمكن ايكون بسبب خلاف انتي ويا شمس شوفي ترا بحر
نفسيته كلش كلش عزيزه ومايتقبل احد ايذاه ولو بحرف او يكسره مستعد ايدوس ع كلبه
ومشاعره في سبيل يحافض ع كبريائه وكرامته بحر كلش صعب ياشمس هذا المخلوق عنده
قساوه ولمن يزعل من شخص ايعاقب الكل
شمس. اي هو زعل ابسببي صحيح بس اشلون اخلي يرجع اريد اعتذر منه وهو مايرضه
يحاجيني حتا
اميمه. شوفي. بحر. ماراح يرضه بهذا الاعتذار مال اني اسفه لازم اتقنعينه انتي صدك اسفه
شمس والله كلشي اسوي بس خل يرجع
اميمه. اعرف منو راح ايفيدج بهذا الموضوع الانسه المدام المحترمه المبجله الحجيه نوره تعالي
وراي
شمس. رحت وراها
اميمه. احتراماتي حضرت الدوقه ام بحر
حجيه نوره تفضلي ايتها اليهوديه ماذا في جعبتكي
شمس. 😂
اميمه والله الصراحه ياحجيه الشغله موتخصنه تخص هاي الملحده اتريد اترجع زوجها الزنديق
وماتعرف اشلون
ام بحر هذا فقط ماتريدينه لايصعب شئ على الدوقه ام بحر بس المقابل تعاي كوليلي شنو
سبب الخلاف حتا اعرف ارجعه
شمس. ها عادي يعني خلافات زوجيه بس
حجيه نوره ها ها وصلتلي جيبيلي التلفون هذا بحر مايكعد ويسكت ع هيج خلاف سافر ٦ اشهر
اميمه. تستاهلين شمس. هذا خوش عقاب ايعاقبج بي
شمس. جبت التلفون لحجيه نوره
حجيه. نوره. اتصلت واني اسويلهم اشش ولا وحده اطلع صوت
شمس للحضه انكلبت معاني وجها الى وحده تعبانه بشكل واني واميمه استغربنه ع براعة التمثيل
بحر. الو.
حجيه. نوره. اي يايمه نايم وامك ابين الحياة والموت حجيتها بصوت كله تعب
بحر كمت مفزوع يمه شبيج
حجيه نوره. يمه ارجعلي فدوه بس اشوفك اخاف اموت وانت مو يمي
بحر. شنو هلحجي حجيه كوليلي شبيج
حجيه. نوره. يمه اني تعبانه وامس اخذوني للمستشفى ودكتور كلي حالتج تعبانه وحتا
استئجرتلي ممرضه
بحر. سلامتج يايمه سلامتج راح ارجع على اقرب طياره ولايهمج حبيبتي وماعندج اله العايه
حجيه نوره اي يايمه ارجع لان بس شوفتك اتشافيني
اميمه واحنه فزاعات مزارع عشتوو حجيتها بصوت هامس
حجيه. نوره. سديت التلفون باوعتلهن تمت الخطه بنجاح بس اكيد راح يذبحني اذا عرف هاي
جذبه
شمس. خلي انجيب النه.ممرضه وانتي نامي عساس مريضه
حجيه نوره. هم صحيح
ام سامر اتصلت ع دنيا واخذت وياها موعد نتقابل كلتلها شي ضروري
دنيا. نعم خاله شنو الموضوع الي ردتيني بي
ام سامر شوفي دنيا ابني غلط وي وحده خدامه وحبلت منه جاي احجيلج عن سامر خطيب
اختج الله يرحمها وهاي الخدامه جايه تستغله اكثر واكثر واني خايفه ايطيح بحبها
دنيا والمطلوب مني
ام. سامر. المطلوب منج اترجعين ذكريات دعاء ابكلبه بس بشخصيتج انتي لان اعرف سامر
يعشق دعاء.
دنيا وشنو راح استفاد اني
ام سامر. شوفي اذا اتزوجتي ابني وخليتي ايحبج وطلع هاي الخدامه من كلبه الج مني
كلشي تتمنينه عرفت انتي تردين ادرسين دراسات عليا بامريكا بس امكانيتكم ماتسمح سفرتج
ودراستج وكل مصروفج علي وكتلج كل امنياتج مجابه بعد ضلت يمج فكري زين
دنيا. بدون تفكير اموافقه
ام سامر بس لازمج اشوي تعديلات حتا اتصيرين اتشبهين دعاء بضبط يعني شوي نفخ
شفايف وغيري حواجبج سويهم مثل دعاء وگصي شعرج مثلها واريدج اتصيرين مثل استايلها
ولبسها حاولي بقدر الامكان اوكي
دنيا. صار
دنيا🔔
مرحبا اني دنيا تؤم دعاء ونتشابه لحد كبير كلش اني عمري ٢٧ سنه امنية حياتي
الي جنت احلم بيها اكمل دراسات عليا مثل باقي صديقاتي بامريكا تهمني كلش المضاهر
الساعه ب ١٢ بالليل
بحر. دخلت البيتنه جان هدؤ صحت ع الخدامه تاخذ جنطتي اخذتها ورادت اتروح
بحر. اااا سوما امي وينها
سوما. ماما مريض كتير هو بغرفه مال هو
بحر . شمس. وين
سوما. اني مايعرف يمكن بالجناح مال هو
بحر. اوك روحي
ريم. هلا بحور شهلغيبه حبيبي
بحر بستها هلا بيج امي شلونها
ريم مابيها اله العافيه
بحر. يعني صحتها زينه
ريم. الحمد الله
اميمه. شفت بحر بس هو ماشافني يبووو ركضت الامي بلغتها
حجيه نوره. التفتت ع الممرضه يله يله اخذي دورج ابسرعه واني نمت وتغطيت
بحر. دكيت الباب ع امي
اميمه طلعت ااف. بحر يروحي شبكته مشتاقتلك ليش هيج اتسوي بينه
بحر ابتسمت وبستها شسوي كل هذا شغل امي شلونها
اميمه. اليوم الحمد الله اتفضل شوفها وصعدت ركض الشمس بالغتها
شمس ارتبكت يبووو شسوي يربييي شهلارتباك
اميمه كلش لاتسوين اتصرفي ع طبيعتج واعتذري من عده ترا هو مو وحش ملا داعي الخوف
بحر. رحت على امي شبكتها وشتميتها وبست راسها وايديها اشلونج يايمه اشلونج ياه اي انتي
حجيه. نوره. ضليت ابجي واني ابوس بي ابراسه ليش يايمه انت هلواحد وتحرمني منك
بحر. اسف يمه ابشغلي اشئسوي
حجيه. نرره. يعني شغلك اهم من امك
بحر. ايخسي شغلي وكل الدنيه كدام ام بحر
حجيه نوره. خطيه مرتك مايمر يوم اذا ماتبجي مكسور كلبها وحيل مشتاگتلك
بحر. عوفيني منها وكوليلي شلونها صحتج اخذج للدكتور
ام بحر. كتلك شوفتك اتصحيني ولا شلون اشلون شايفني
الممرضه 😉 والله صراحه صدك فرق شوفي وجهج ورد انصحك ماتتبعد من امك بعد اضنها
عايشه بيك
بحر. تسلميلي ياتاج راسي بستها وبست راسه
ام بحر يله روح الغرفتك
بحر. شبسرعه ضجتي مني
ام بحر. ابد اني امل من روحي وما امل منك بس نعسانه واريد انام وروح شوف مرتك خطيه
بحر. يله عن اذنج