رنا...صحيت فتحت عيوني كلشي اسود كولشي ماشوف معقوله معقوله اني متت اخر شي اتذكره اكو 3 اشخاص نزلو وحطو شي ع انفي ومحسيت بنفسي الا طايحه وهسه كولشي مااشوف غير السواد صرخت باعلئ صوتي
انيييييي ويييييين انييييييييي وييييييييين يااااااانااااااس اني وين
هئ هئ يربي هئ هئ
....هييي انتي مااسمع صوتچ
رنا..منو انت اني وين
نشال شي عن عيوني شفت يربي اني دااشوف انيي وين انت منوو
...سكتي مااسمع صوتچ فهمتي لااگصه للسانچ
رنا...اننت منوو ليش اخذتوني هئ هئ شتردون مني
...انتي احسن شي اسوي الچ اسد حلگج
رنا...اممممم امممم اممممم
السـاعه 3/30 الضهر
في بيت رنا
انتصار ...مينا دگي ع اختچ تاخرت كولش
مينا...اوك ماما
الرقم المطلوب مغلق اوخارج منطقه التغطيه يرجى المحاوله في ما بعد
مينا...ماما مغلق
انتصار...يمه رجعي دگي
مينا...ماما مغلق دااگولچ
انتصار...يمه بنتي محممد محممد
محمد..شكوو
انتصار...بنتك رنا لهسه مرجعت
محمد..شنووو
لينا...يي عادي يمكن محاضرات زياده او عند وحده من صديقاته
انتصار...رقمه مغلق وبعدين ليش مدگت وگالت اتاخر
لينا...ماما يجوز اكو محاضرات هوايه وطفه موبايله تره كل تاخيره نص ساعه
محمد..اني رايح اشوفه
انتصار...يي ابو رنا احسن وطمني وياك
محمد...اوكـ اوكـ
محمد..وصلت للكليه مالت رنا دخلت رحت للمسؤل وطلبت يصيحها
بس رد المسؤل چان انوو رنا مااجتي اليوم للمعهـد
محمد..بس اتاكد لوسمحت شلون يعني مااجتي بنتي طلعت الصبح وچانت متوجه الكم شلون مااجتي
المدير..هاذ الي عندي استاذ بنتك محضرت اليوم
محمد...طلعت واني تفكيري ملخبط يجيب ويودي وين راحت بنتي
وين ياربي دگيت عليه الموبايل مغلق توجهت فورا لمركز الشرطه وبلغت
بس چان لازم يمر 24 ساعـه يلا يبدون يدورون ويمشي التبليغ
عقلي وگف من التفكير رحت للبيت عسا ولعل تطلع راجعه
محمد...رناا رجعت
انتصار..لاا شصاير ابو رنا وين بنتي
محمد..يگول المدير مراحت اليوم للمعهد
انتصار...يمه صخام صخمني وين راحت لعد
محمد...رحمه لاهلچ سكتي
انتصار...بنتي وين راحت
مينا...ماما اهدي انشاالله شوي وتجي
اني حدگ عليه
لينا..دگيت ماكو مغلق
محمد..اني رايح بيت اختي ابلغه بلكي رايحا بلكي احد شايفه
لينا..بابا لحظه اجي وياك
محمد..طق طق طق
وليد..هلااا ابو رنا تفضل
محمد..هلا بيك خويه مشفتو رنا
علي...هلو خالي شلونك
محمد...هلا بيك ابني رنا مشفتوها
علي...لاا ليش خالي اكو شي
محمد...يي طلعت الصبح ع اساس تروح للمعهد وليهسه ماكو
علي...خالي صدوگ تحچي الساعه هسه 5 وهي بعده ماكو
محمد..ي موبايله مغلق خايف تكون مخطوفه تدري سوالف هل ايام اني
رحت بلغت بمركز الشرطه 24 ساعه يلا يدورون هسه اني خايف عليه الدنيا مابيه امان
وليد..تفضل خويه ادخل نكمل جوه
محمد..لا مااگدر رايح ادور عليه
علي...اوگف خالي جاي وياك بس اجيب جاكيتي
لينا...بابا اجي وياكم
محمد..لاا انتي ضلي هناا
لينا...بابا اني اعرف صديقاته والناس الي تعرفهم نروح ندورها هناك
محمد..يلا خوش
علي..يلا خالي تعال بسيارتي نروح
محمد لينا...يلاااا
وليد...طمنوني هااا
علي
بعد ماسمعت من خالي رنا من الصبح مختفيه
گلبي اذاني وخفت عليه كولش خاصه الدنيا مو امان هل ايام دگيت عليه موبايله مغلق وليهسه منفتح ياربي احميه وكون وياه
رحنه دلتنه لينا ع بيت صديقته سجى
لينا...ي هنا البيت اوگف علي
علي...يلا خلي ننزل
لينا..وين نازل انت اني هسه نازله اشوفه
علي..يلا استعجلي
لينا...دق دق دق
ام احمد...منوو
لينا..اني خاله صديقه سجى
ام احمد...هلا هلا خاله تفضلي
لينا...خاله بس ردت احچي وي سجى منا
ام احمد...اكيد خاله سجى سجى تعالي يوم صديقتچ اجتي
سجى...منووو هلاا لينا حبي تفضلي تفضلي
لينا...لاا حبي بس ردت اسالچ مشفتي رناا اليوم
سجى...لاا والله مشفته اليوم مااجتي حته حاولت ادگ عليه بس موبايله مغلق اصلا چنت حاجيكم هسه لان نشغل بالي عليه ليش خير شصاير خوفتيني
لينا...والله مدري شگولچ رنا مختفيه صار من الصبح رحنه للمعهد يگولون مرايحه اليوم
سجى..عزه وين راحت لينا قلقتيني
لينا..لوندري مااجيت سالتج يلا اني اترخص اشوف باقي صديقاته
سجى..لااا رنا ماعده صديقه تروح البيته غير باقي زميلاتنه معدنه بيهم اختلاط
لينا...والعمل
سجى...والله مادري قلقتيني حيل هسه انتي
لينا..يلا اني اترخص
سجى..لينا عليچ الله طمنيني
لينا..انشاالله يلا باي
سجى...باي ياربي وين راحت
علي..هاا لينا بشري
لينا...شبشر
محمد..بنتيي وين راحت ياربي
علي..ماكو غير هل صديقه
لينا..لا اكو بس هي متجي غير لبيت سجى
محمد...والحل
لينا...مدري
علي...رجعي دگي بلا موبايلي خلص شحنه
لينا..ماكو بعده مغلق
محمد..حرك للبيت ننتضر امرنا لله
علي...خالي شتگول
محمد..عندك حل ثاني علي
.................................
في مكان اخر...
رنا....سدو حلگي واني حاولت اقاوم افتح حلگي ماكو مربطيني بكرسي وبعامود مااكدر اتحرك وحلگي سادي بقطعه وفوگاه صمغ مااعرف شنوو استسلمت وضلت بس عيوني تجري واني اباوع مكان مظلم بي ضوه خافت وواحد من هذول الحراس گاعد يراقب واثنين بره ...ياالله خفت حيل من الي ديصير بيه ضليت افكر باهلي اكيد خاييفين عليه وبامي اكيد ميته هسه
وعلي اكيد خايف عليه وديدورني يااربي ساعدني وانقذني من ذولـي المجرمين...
شوي ودخلو 2 ووياهم بنيه ثانيه مغمي عليه وربطوه وسدو حلگه البنيه مربطيه بالعامود الي گبالي وهي مغمي عليه عرفت انو ذولي عصابه ديخطفون البنات خفت يربي شيردون يسوون بينه يربي سترك كون معانه لتتركنه
سمعت واحد من ذولي المجرمين ديخابر وسمعت يگول هيچ
الو سيدي صار ويانه اثنين بنات شتحب نسوي بيهن
ماشي الفجر حيكون تحركنه للمكان المقصود
احترامي سيدي انشالله...
گلت بگلبي گبر هم يعرفون الله ويگولون انشالله 😒
واحد منهم گل للي چان يخابر
...هاشگالك
....باچر الفجر ناخذهم للشقه الي بالـ.... وهناك يعلموهن شغلهن
واحنه ينتهي شغلنه
...امممم اوك
يمه كولش خفت شنو يقصد يعلموهن شغلهن😱
يربي ساعدني يالله ضليت اقره ايات المده طويله
يمكن اصلا ختمته للقران وادعي الله وانخي ال البيت ينقذونه من هل مصيبه حيل خايفه مادري شلون اوصفلكم خوفي الله ليحطكم بهل موقف وليوصلكم للخطف ابچي ودموعي موگفو مخايفه ع نفسي گد مخايفه ع اهلي وبابا عنده سكر خايفه عليي ليصير بي شي
شوي وفتحت عيونه هاي الي جابوها وياي اول مفتحته باوعت داير ماحوليه وهي مستغربه وخايف ودموعه يجرن وتصرخ بس طبعا مينفهم شتحچي سادين حلگه لان ...باوعتلي وضلت تبچي وزاد صراخه وذولي ولايمهم
طبعا اني لگيتلي حجه اصرخ ضليت ابچي واصرخ وياه
شو واحد گام وخله المسدسد براس البنيه ويباوعلي ويگول احط طلقه براس كل وحده بيچن وارتاح منچن ...هنا اني خفت مضلت نقطه دم بجسمي اباوع للبنيه والبنيه تباوعلي
وهاذ المجرم الحقير سحب قسام ووو....يتبع ...
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ارائكم يحلوين بخصوص البارت وشتتوقعون حيصير بالبنات وليش خاطفيهن
ومنو خاطفهن ... كل هاذ حنعرفه بالبارت الجاي ...اتمنه يعجبكم هل بارت
قراءه ممتعـه ...
1070 كلمه