#جيلان #على_قيد_المووت
بارت 1
معرفه مالديك ---- نقطه
معرفه ماتحتاجه ---- نقطه اخرى
معرفه ما يمكنك الاستغناء عنه ----- شارطه
قائمه الجرد من اولويات حياتك البائده
ومن شروط بناء حياه جديده ان تبدا بها -----لكل منا هم يسكن قلوبنا -----
منا من يستطيع كتمانه
ومنا من يترجمه بنضره تسكنها دمعتا مستقره بين مقله الرمش والجفن
بينما اخر ترجمه بلغه القهقهه العاليه الخاليه من اي سبب من اسباب الضحك المفرط
واخر لم يستطع التعبير الا بسكوته الغريب ------
الم القلب من الفقدان من النقص من عدم القدره على السيطره على سياق الامور ومن الضعف ومن امور اخرى كلا حسب شدته وكميه الاحاسيس البنيان الشخصي اللذي يحمله كل شخص
لايحمل الله نفسا الا وسعها
ايه قد ترجمت شتى اشكال التحمل والعذاب الدنيوي لكن السوال هنا
هل صحيح ان يغير الفقدان بشخصيه الانسان ??
وما مدى صحه عباره ان النسيان نعمه ؟؟------
عن لسان حال اياد---
تعبان واختنك ولوحدي اكضي الليل
ولاظلت دموع تواسي بالصفنه
يبست كل ثنايا الجسم والروح
ولا واحد يكول تعدي هالمحنه
هي شهرين مرت ومانسيت بيوم
تضل طول العمر ببالي هاللعنه
ايام انكضن بالوجع والويل
حتى اخواني مللو والوكت فلنه -----------
حسيت لكيت روحي نايم زياد بصفي عاليمنى مخلي راسه على ايده ونص جسمه عالكرسي اباوع المغذي معلك بايدي اتلفتت اريد اتذكر شنو الصار شوي شوي بدت الذاكره ترجع ---
كلام الدكتور وين زوجها وامها خلي يفوتون يودعوها فتحت عيني بلعت ريك ناشف ريكي--
هزيته. زياد زيادد كوه تطلع الكلمه ريكي نااشف مكدرت بعد لابت روحي حاولت اشلع المغذي منشاع عتيته من ايدي طفر الدم من الوريد مهتميت اريد الحك الدم بالكع ينزف كمز زياد
زياد- وين وين اياد وين رايح بكد فرحتي بكعدته بكد خوفي من الراح يشعر بيه يمشي دايخ ولك اياد حتوكع
وخخخر زياد ووخر
وين رايح
عوفني ايناس احجي واحس خشونه بصوتي والم من انطق
زياد- اياد وين لزمته من زنده
بس اسندتي اريد اشوفها اريد اودعها الله يخليك تضل حسره بكلبي كمت ااشر على كلبي التراك اللابسه انتر س دم من ايدي
زياد-وللك اياد
اياد- التفتت باوعتله بالم----
ايناس مو هنا دمعت عيني
وين لعد وييين الدكتور مو مال كمت اكح وايدي موكفت نزف الدكتور كال ودعوها اني مودعتها مكدرت اوكف كعدت عالسديه ركض حاب كنينس يحاول يوكف النزيف واني انك ودديني وماانسى فضلك الله يخليك بس اشوفها ماصيح والله اني مودعتها كوه احجي وابلع ريك
زياد- زين زين بس تعال ارتاح
مااااريد ارتاح اخ ضهري لك عوفنيييي صحت وكفت رجعت دخت وكعدت مثل اللي يريد يشوف حبيبه اخر مره ومبي العافيه تدمرت
زيااد- صحت فاررروق فارروق يمعووود
اياد-التفتت عالباب دوخه بيه طب فاروق وجهه اصفر ولحيته طولانه حضني يباوع بعيني وعال م اللي بالغرفه ارتبك جبلنا ارتبك خايف يباوع بوجهي وبوجهي زياد يباوع على ايدي والدم كال
حبيبي شونك شدتحس
نااار بكلبي ودوني عليها الله يخليكم
وين باوعت لزياد غمضت عيني ودرت وجهي
هاي شبيكم اريد اشوف مرتي فاروق باوعني بس هالمره طب الدكتور اني جسمي خدر مااعرف منين تمددت كوه مددوني جبر
فاروق- اخويه ضل لا حول ولا قوه هذا حزامي الجنت اتحزم بيه صار مثل الطفل التوه يمشي خطواته الاولى لاحول ولا قوه الا بالله شون حتعدي هالايام الله يستر بقيت اباوع بعينه الدكتور يفحص والممرضه تعالج الوريد والمنضف يمسح الدم تقربت بس فكت عينه كافيه خليت ايدي على كتفه الدكتور يفحص عينه والبياض راضي يباوعلي دخلت امي ركض لابسه اسود جننا متوقعين حاس على اخر كلمه من مال الدكتور سلمتها ايناس بس طلع لا محاس باوع لامي ورجع راسها رجع باوعها من فوك ليجوه امي تباوع بتغب وعيونها تجري
اياد- يوم لابسه اسود ليييش كمت اهز راسي بالم روحي احتركت يوووم احجيييي
فاروق- دكتور فدوه لعينك مهدا شي
منكدر ننطي اي شي الله يصبره ساعتين وتجي الدكتوره تفحصه واذا ماكو شي تكدرون تطلعوه
اياد- افرك بوجهي هذا كابوس اريد. اصحى كمت اصيح راحت عافتني يوووم لج يوم راحت اباوع زياد غطه وجهه بايده فاروف تخوصر بتعب يباوعلي مايس اباوعلهم بتوسل ردت واحد يكولي لا مميته تقرب فاروق قرب بطل المي من شفتي شربت شوي ودفعته فاروق لزم ايدي قوي باوعتله بتعب فتح ايدي خله بيها شي حسيت بروده فتحت ايدي اشوف حلقتها شميتها ابجي واشهك واسمع بجيهم ويايه غمضت عيني دفنت راسي بالمخده
فاروق- اياد قوي روحك حبيبي ابوك حيموت من وراك تعال شوفه حالته ضغطه معلك مدينزل صار خمس ايام
مسحت دموعي جريت وفس اباوع لامي واياد راح يم الشباك باوعت عليهم صار شكد من ماتت
فاروق- تصيت راسي خمس ايام
اياد- خليت ايدي على وكهي يعني هسه دفنوها مو?
فاروق- هزيت راسي منصي كام يضرب براسه بالسديه ركضنا عليه اني واياد
اياد- لك شوووون هي تخاف من الضلمه شلووون تختنك وحدها لو دافنيني وياها اضرب على صدري واصيح
فاروق- خويه حضنت راسه صارلك خمس ايام فاقد خبلتنا انفتحت الباب طبت بنيه هالبنيه شايفها قبل مااعرف باوعت زين هاي سهاد اختي هاي سهاد مو احجي وابجي طبت ركض حضنتني كمت اشهك هسه لو كلهم يطلعون اطلع قهر كلبي زياد لازمني ومنا وفاروق منا
عمت عيني عليك خويه
سهاد حموت قهر والله العضيم
اذكر الله حبيبي لخاطر ابويه
باوعت بعينها اني مااكدر اعيش بعد باوعت لفاروق غمض عينه ودموعه على خده باوعت لزياد زياد شوون. انت تعرف شكد جنت احبها اباوعلهم يبجون لك اذا انت تبجي اني شسوووووي صحت
زياد- هديت ايده وطلعت بره مكدرت بعد غمضت عيني كون البي يصير بيه ولا يحترك كلبه يارب دخيلك انطي الصبر ذلع فاروق يمسح بوجها يركض
وين
حروح اصيح الطبيب هذا حيتخبل ينطي ابره شيي صخام
زياد- اجه الدكتور نطاه ابره من لاجاره نام لليل الصبح افاق اخذنا وطلعنا اعصابه تلف وكل منباوعله منصي ويبجي بهدوء رجعنا للبيت رجع لغرفته القديمه ريناد تلكته تركض باست ايده تبجي حضنها يبجي بقهر باوعت بعينه باوعلها ومسح دموعها -----
اياد- طبيت للبيت استند بخوتي واحد على صفحتي اليمنى ىالثاني عاليسره ساعدوني اتمدد على فراشي القديم ---
فاروق- حرك كلبي من كال --- رجعت لنقطه الصفر يضحك ودموعه على خده باوع لامي رجعت ولد يوم هههه صفك ايد بايد رجعت لامره ولا عائله ولا طفل منتضريه كلشي ماكو
يبجي ويضحك نفس الوكت بجينا لبجيه تاليها شون مااعرف ربي منك الصبر يارب مرت ايام واياد ميطلع من غرفته الاكل يوصله للغرفه وكوه ياكل كمت اخاف اعوفه لزمنا شفتات اني وزياد بس وصل لحاله بس ساكت نحجي ويا نسولف بس ساكت صافن نوبات يبتسم وحده ويرجع يبجي
زياد- اياد نطلع حبيبي
اياد- باوعت بعينه ابتسمت زياد تدري شنو االقاهرني
كعدت يمه شنو حبيبي
القاهرني. شي واحد بس احس روحي مشبعت منها ولا شبعتها حنان والاقوى من هالشي من ورايه ماتت
لا اياد لتكول هيج مرتك من اول جانت مريضه يعني لو انت ممسوي هيج لاسامح الله باقل انفجار يصير يعلك السكر واحنا تره بالعراق ارض المفاجات هز راسه اي
لا زيد متحملت غيرها تشاركها بيه
هي الله يرحمها حانت تستعجل هواي
اني شسفت منها راحت من وكت حييل
هاي قسمه ربك لهنا خبزتها بعد استغفر ربك باوعتله ميرد تركته براحته اكله قليل بس ياكل بالكوه وامي دائما تنطي حبوب فيتامينات عفنه كلشي وحرنا بي المدمرنا ميقبل يطلع من غرفته ولا يقبل يداوم صار شهر على هالحال بهذل احوالنا تقاسمنا اني وفاروق مينعاف وحده بليل اني ابات يمه رجعت لشغلي القديم بالتحقيق الحمد لله بعد كم طلب للوزاره وكمت مابات الحمد لله ----- ايان تعبنا كلنا وهو متعب من حزنا وصلنا لحد بس صافنين عليه منعرف شنسوي ايسنا اني وفاروق قصرنا بعملنا لان مينترك والدي يطب ويطلع يمه يحاجي وهو فاصل ------
اياد- اباوع عالغرفه ضلمه وصنطه زياد نايم بالگع اباوع لمكانها الفارغ صافن هيج تعوفيني نطاج گلبج هيج ارنوبه كمت احس خلص دمعي كدما بچيت ماريد اطلع واشوف اي احد تعبان لدرجه حتى النوم يتعبني تانيب الضمير ووجع كلبي ديزيد ميقل مر شهرين واخوتي تعبو كطعت الاكل مااعرف ليش كمت ماطيق الحياه يوم يومين والثالث طلعت امي من يمي تبچي. لان مااكدر اكل ضعفت كلش صار شكلي يخوف ----طب فاروق من طلعت امي صاح
انت تالللي وياااك كوووووم جريت الفراش من فوكاه المتغطي بيه --- كوووم خرب غيرتك متعبت مملت روحك صير رجال عيييب عليك. كوووم
وين اولي
روح داوم صخم اصبغ حفصلوك من الوضيفه
جاوبته ببرود متمدد والتلفون بيدي اكلب بالصور مالتها --- خل يفصلوني ليش اني هم اكدر اداوم بعد
اياااااااااااد كافي عاد زهكتنا شنو بس انت مرتك ماتت حتموت روحك وراها كوم عاددد جريتها بعصبيه كوم زين لحيتك تاريه وجهك جان خفيف لدرجه بس جريته انشال من الفراش كوم طب ازينلك
المن بعد اتزين واترتب المن جاوبت ببرود
بسسس عااد تره طيحت حظنا تعبتنا---طبت امي تركض شكو يمه شكو شبيه
مبي شي شبيهمعترض على حكم الله
گوم داكولك جريته من كافه باوعلي مايس
شتريد مني فاروق طبت دره على صوت الصياح باوعتها ابد مشفتها من يوم الحادثه ليهسه بقيت اباوع بعينها ادور ملامح ايناس ابتسمت نصيت راسي دمعت عين جرني فاروق للحمام وامي ورانا تتوسل بي يمه عوفه ماله خلك
اطلعي يووم اطلعي خل اشوف چاره وياه باوعتله بغضب چان مستسلم كلش دفعته جوه المي مال بوره غمض عينه
البارحه غسلت والله كوه حجيت احس روحي حوكع. دايخ وجسمي منهك
ميخالف دازينلك جريت تيشرته نزعته اله اباوع عضام جسمه مبينه جريت نفس هذا ابو بطن هيج يصير ربي منك الصبر زينت لحيته صارت عيني بعينه واكف ومنتچي عالحايط وممهتم انسان داخله محطم مو هامه شي انتبهت بشك جوه حنكه مبين مصارله هواي ردت احاجي شوي يحجي ---- لك هاي ويامن متعارك وكاتليك شاكين حنجك هههه --- چان مغمض اباوع نزلت دمعته من عينه
ياخويه مو كافي همست والله تعبتنا ---
هاي ارنوبه شكته مره دتزينلي وانشك كامت تلطم ههههه اضحك ودموعي تنزل
هاي شنوجانت تزينلك اباوعله ابتسم ردت يحجي شوي يخفف --- خويه حاول توگف من جديد
لك المن بعد باوعت بعينه
والله حقك بس حرام والله العضيم الحياه لازم تستمر
عساها مااستمرت اخ ربي غمضت عيني والله فاروق حاير بشغله وحده
شنو همست اباوع بعينه كون اقتلع الالم منه
اني چانت نيتي اساعد بنيه معقوله الله ميدري بداخلي شنو
استغفر الله نصيت راسي لك كافي
سكتت نصيت
اطلع بدل خلصني زياد جاي نطلع نتزقنب بره
بقيت ساكت عرفت ماكو مجال للرفض ومراح يتركوني براحتي بدلت دااطلع شفت حلقتها عالميز رجعت اخذتها صرت مااكدر اتحرك اذا مو حلقتها بيدي طلعت من الغرفه ابويه ريناد وامي واكفين صافنين عليه نصيت راسي زياد بره ابتسمت
زياد- منين طلعت الشمس نور الشارع والله
اياد- نصيت راسي. لو بيدي اتركهم واعيش هالفتره وحدي تعبت من نضرات الشفقه صعدت السياره طلع فاروق واني ادور بالوجوه بالشوارع على اي بنيه تفوت هاي نفس مشيتها هاي نفس جنطتها نفس حجابها وضحكتهاهاي عدها شامه يم حاجبها نزل فاروق كال نتمشى وراها نكعد ناكل نزلت واني منصاع لامرهم دنتمشى العالم تروش بس اني بغير عالم وكفت بنيه. بصفي عمو طيني مساعده باوعت لفاروق وزياد فاروق طاها خرده مشت خطوتين فززني صوت
انوسه يله التفتت كلبي انخمط ردت اوگع كالت اي ماما جيت باوعت الطفله الوكفت يمنا اسمها انوسه معقوله هاي من يمها اشاره مشيت بله مااحس باتجاهها وصلت جريتها من هدومها التفتت تبتسم
ها عمو
اباوع بعينها ارجف شسمج عمو
نسرين
ها ابتسمت كرصت خدها برقه دمعت عيني
عمو شنو يوجعك شي ليش حتبجي رفعت راسي امها تكولها امشي
لا حبيبتي ماكو شي انداريت فاروق وزياد صافنين عليه
عمو اني اصلي هسه ارجع واندعيلك تطيب
شكرا همست دموعي نزلت مسحتها جرتها امها جانت مبينه كلش فقيره الام بيدها جرك تبيع وهي علج مشت كم خطوه اني صافن عليها خليت ايدي بجيبي تلمست الحلقه صحت بله وعي اينااس التفتت وجتني راسن تبتسم بس هي مو اسمها ايناس ليش جتي تقربت منها هاج هاي هديه الج خليت الحلقه بيدها راحت تركض لامها التفتت الولد مكتفين صافنين عليه مشينا وكلسا التفت راحت الطفله ونوعا ما گلبي ارتاح غمضت عيني وي الحلقه من راحت ربي هاي صدقه لروحها اقبلها وكولها اياد يتعذر منج ومشتاقلج كلش طبينا لمطعم وكعدو الولد يسولفون ويضحكون يحاولون يلطفون الجوه واني كوه جاملتهم اكلنا ورجعنا للبيت ونمت راسن لان صار هواي مطالع عبالك رايح سفره لحد هسه مزاير گبرها ولا متقبل واقع انها توفت غمضت وغفيت بالنوم شفت نفسي بمكان ----اياد- ايناس اوكفي وين وين دتركضين
ارجع يودي ارجع بابا يريدني لتلحكني
لج تعاي واني
روح هناك باوع
التفتت عالمكان الدتاشر عليه جبال رجعت التفتت شفتها بعيده كلش صحت ارنوووووبه اختنك صوتي لج لتوكعين ارنووبه منوهاي واكف يمها وصلت لرجل عثرت لزمها وحضنها هالرجال شايفه بالصور هذا ابوها شنو رجع مو ميت اينااااس احس صوتي مديطلع لج ارنوبتي يا الله مو انتي حامل ليش تركض التفتت ابتسمت اشرتلي روووح واختفت اختفت ايناس فرفحت روحي تصيحها ومتسمع بعد حسيت وكعت وانضربت بشي فزيت اني بغرفتي نفس المكان الكل يوم انام بي واحلم بيها نفس الحيطان نفس الالم والعصره اللي بالكلب نفس الفراش البارد التفتت زيتد نايم بصفي فركت وجهي اباوع عالشباك --- مر شهرين واني كاضيها بالغرفه لا اشوف احد ولا احد يشوفني. امي وابويه ريناد فاروق وازياد بس الاشوفهم شهرين متتاليه اني بغرفتي القديمه مااطلع منها ابد لا شغل لا زيان لا ترتيب حتى الاكل بغرفتي فاصل من الدنيا بس صوتها باذني حبيبي انت احلى شي صار بحياتي. تعبان واريدها عذاب الضمير كرهني بروحي بمجرد احد يفتح موضوع ويايه اصيح فاقد عوفونييي فاروق حاول هواي ارجع لشغلي بس مكدرت ------
فزيت من الحلم صافن زياد ديبدل
شبيك تقربت منه هيج جريت حسره وكفت فتت للحمام غسلت وجهي
ارجع نام يودي بعد الشمس مطالعه
تعبت من النوم
يا الللله رفعت ايدي ليفوك
شرايد نني صحت بي
بلعت ريك لحينا هواي باوعت بعينه شون الهي شون--- اكولك ليش متكنس الحديقه ترتاح والله
طلعت من الغرفه ركعت الباب ابويه صار بوجهي ابتسم من شافني طلعت نصيت راسي طلعت للحديقه شويه وريناد جابتلي عصير برتقال باوعتلها مبدله بلبس محتشم يخبل --- حتداومين
اي ابتسمت
جريت نفس الله وياج طلعو زياد وريناد واني بلشت بالحديقه جسمي يشتغل بس بالي وخيالي كله مسافر وياها كل كلمه وكل نضره وضحكه ودمعه اشتغل وبالي مو براسي كملت لميت الزبل التفتت اباوع الحديقه عبالك اول مره اشوفها ولا كانما اني النضفتها تخبل جريت نفس باوعت للسمايعني هسه هي فوك بعالم البرزخ قاطعني صوت فتروق
اللللله عاشت ايدك تعاي دره طلعي الريوك وسوي بيضتين سلك نص ستاو لايودي باوعتله ابتسم صباح العافيه. يا ضهر اخوك
ايا د- باوعتله صباح النور بيده الكهوه ريحتها ضربت بخشمي
تشرب تره فد شي اشرد
حريت نفس هزيت راسيلا
متداوم لعد اوكف داحاجيك وين مهزوم
ماريد اروح للدوام جريت نفس بملل مطايق الشغل
جريت نفستجي ويايه خليت ايدي على كتفه محتاجك بالخان والله
فاروق بغدادكلها مطايقها
ليش يابويه مو كافي علد
غمضت عيني بلعت ريك والله مااكدر اريدها شون فهمني شون انسى وارجع لحياتي كانما هي مجانت بيها
اووف ربي تدري انت شمحتاج محتاااج هدوءء ومكان اخضر احجي وهو مغمض ايدي على كتفه
تذكرت الحلم من ديحجي نصيت راسي وفتت للغرفه رجعت نمت بلكن اشوفها مره لخ مكدرت انام سمعت صارت صنطه يمكن كلمن راح لشغله طلعت من الغرفه سويج السياره معلك على غفله هاج بيه الشوق لدرجه دقيقه مدااتحمل لازم اشوفها اخذت السويج طبيت الغرفه بدلت اخذت الهويات واخذت فلوس وطلعت للطرمه شغلت السياره دااطلع من الطرمه صاحت امي اياد يمه وين رايح
مرديت عليها راسن طلعت امشي بالسياره احس حتى السياقه نسيتها شرد بالي وين اروح لبيتنا القديم لا مااكدر امها هناك وين اروح اريد اشوفها حتخبببل ماالكه روحي الا عابر طوگبغدادغمضت عيني جايج ارنوبه مشتاقتلي بكد ممشتاقلج مسحت دموعي دك تلفوني فاروق مرديت راح يمنعني واريد ابقى وحدي وياها وصلت النجف. مااعرف وين مدفونه بس طبيت وادي السلام انفتح كلبي عجيبه جنت اطبله قبل ينقبض كلبي كمت احس ريحتها هنا امشي وجسمي يرحف نفس اول لقاء النا بس وين راح الكاها تذكرت كم مره رحنا للنجف زرنا ابوها ومرينا لمكتب الدفان مالتهم دلانه عالمقبره اندليت المكتب طبيت سلمت وسالت كتله ايناس عزيز بت عزيز الطحان
باوعلي ونصه راسه
هاي البنيه البعدها صغيره
نزلت دموعي ضرب على كتفيكم ضربه وكال امشي يابه امشي الله يصبركم وصلني للكبر وكفت بس شفت اسمها كلبي انعصر نصبت راسي كعدت اباوع على اسمها قريته كم مره مواليدها رجعت قريتها تاريخ وفاتها انهد حيلي كعدت احاجيها تتركيني مو هو اني ششفت منج تدرين بيه وراج اتاذه ---- كال
عمي اقرالها قران ترتاح انت ماتريدلها الراحه
طاني الكتابلزمته ايدي ترجف فتحت القران جانت على. صره يس ب س قريت اول كلمه نزلت دموعياتذكر كلامها حبيبي بعد كل يوم اقره وجهه من القران وي فرض صلاتك
وكت ماعدي انوس
لا عمري عدك تره العمر يخلص والشغل ميخلص القران يزعل عليك صدى صوتها براسي ضميت الكتاب بصدري ابچي بحركه ضميت وجهي بكبرها
لچ كومي تعبببت مدااكدر انسه تعبت كومي لتعوفيني ارجع وحدي شون اعييييش شون فهميني بقيت گاعد يمها محسيت بالوكت تذكرت كل مرقف خليت راسي عالكبر كمت اغفي نمت حسيت غطتني مثل قبل وبست ايدها نفس قبل فزيت على صوت الدفان فزيت اباوع كلت معقوله كل هذا چان كابوس وهي بعدها عايشه رفعت راسي الدفان
عمي الشمس غابت ميجوز قابل تبات هنايل،نصيت راسي عوفني عمي الله يخليك
لا عني مايصير الرسول ماقبل عالنومه بنص الكبور وكفت كوه ارتجيت بكبرها ابتسمت بعدج تسنديني باعي باوعت لاسنها مراح اغيب هواي واشمرج على كل لحضه حلوه وموحلوه ولو مامو يوم موحلو حتى عركاتج تخبل عفت المقبره وطلعت بس روحي ضلت بيهاصعدت بالسياره التلفون ديدك رديت صاح فاروق
انتتت وييين هيج مننك
بالنجف رديت سمعته جر نفس وصوته اختنك ---- خويه موتتنا كافي عاد
اي فاروق ليضل بالك
ماشي شوكت ترجع
باجر الصبح جريت نفس بعدني مشبعت منها
ماشي دير بالك عروحك تره امي وابويه يرحون اذا صار بيك شي فمر بيهم
ماشي خويه ماشي
شايل فلوس
شايل وهوياتي هم شايلها ليضل بالكم
الله وياك ادعيلي
ماشي في امان الله سديته وتوجهت للامام بمجرد شفت القبه ذكرت الصار كله احجي وي الامام بداخلي بعيوني بحركه كلبي انت تعرف بداخلي ليش هيج صار ليش بقيت كاعد باحد اللواوين لحد ما حسيت شي داخلي يتفتت راحه غريبه وكفت زرت وقريت الزياره وصليت بقيت افتر داير مداير الضريح من بره وكفت سمعت طفل يدعي اتلفتت منسن هالصوت
ياربي دخل بابا للجنه وسلملي عليه كوله ماسوي وكاحه بعد واني صرت رجال البيت وادير بالي على امي واختي
هذا وين الصوت وينه هذا الطفل وخر كم رجال صار بوجي طفل لابس تراك اسود رافع ايده يندعي ودنعته على خده وكفت بصفه مبتسم خليت ايدي على راسه رفع راسه باوعلي مبتسم
انت ياصف
انت صف ثالث عمو
ماشاء الله رجال شتشتغل
اشتغل وي عمي بالنجاره واكنس المحل
عفيه بالسبع
انت تعرف ابويه
االا ابوك بطل
اي بابا دافع عن الوطن
شهيد
اي شهيد
لعد دتشوف السما اشرتله جانت دنيا ليل وكمريه والنجوم واضحه رفع راسه باوع بتمعن
ابوك هناك دايباوعلك دتسوي ودائما يندعيلك وهو اكيد بالجنه لان شهيد
نصه راسه يضحك بسته وراح ركض طلع من الحضره ضليت انتضر طلعه الفجر بدو الناس يلتمون لصلاه الفجر وبده السيد ياذن وكفت وصليت صلاه الجماعه منضر الهدوء رغم بالاف زاير يصلون ومنضر الطيور من تنزل علينا وكت السجود منضر يقشعر البدن تكولك هالدنيا مدايمه غير لوجه الجليل ارتاحت نفسيتي كلش والهوا احسه تغير ماكو خنكه كملت صلاه وطلعت صار بوجهي جاي ولفات حسيت بجوعه مصايره يومين مماكل شي بس مي وجسمي يرجف اكلت وشربت جاي ورجعت لكراج المقبره اخذ سيارتي وازور نوسه اودعها قريت الفاتحه هالمره مرتاح اكثر بقيت ساعتين اسولف واضحك وياها اتذكر المواقف التضحك لزمت زنجيلها حبيبي مراح انزعه بست القبر رايح اني بس مراح اغيب واذا تاخرت عليج الكاج بصلاتي عفت المقبره اتلفت عليها رجعت للبيت اول مطبيت امي حضنتني تبچي وتتوسل ارجع مثل قبل يمه
اي يوم سكتت وداخلي يحجي شون ارجع شون --------
هالبارت كله يشرح معاناه اياد بعد ايناس
اشكر تواصلكم