(بعد مرور ثلاث ساعات)
.
.
. كانو جالسين العيال بصاله الي تحت وطفشانين
يوسف:اقول يعيال مين يتبرع وجيب لنا اكل
رعد:ياخي ولله خست من اكل المطاعم
عبد الرحمن:ترا بأي لحظه ممكن اموت من الجوع
طلال:فكه
نزلت ميهاف لتحت لأنها كانت جوعانه وتبي اكل سمعت اصواتهم وتقدمت لهم
ميهاف:تؤ تؤ شعدنكم مع بعض
يوسف:نتغزل ببعض عندك مانع
ميهاف:اي عندي
طلال:شعدنك نازله
ميهاف:اف ياخي ادور لي اكل جعتت
رعد:مو اكثر مننا ولله
عبدالرحمن:طيب شرايك تسوين لنا اكل من تحت يدك الحلوه
رعد:وراه ماتاكل تبن
طلال:ناس فاضيه قسم
ميهاف:اقول تراني جوعانه مين يتبرع ويجيب لي
عبدالرحمن: خلاص ابشري وش تبين
رعد:ماتبي شي اترك البنت
ميهاف :انا عندي فكره خطيره
رعد:وش
ميهاف:نروح نتعشى برا
طلال:اطلق فكره ياشيخه
عبدالرحمن:في مشكله
رعد:وش بعد
عبدالرحمن:مايصير تطلع معنا واحنا مو محرم
رعد:صادق مشكله
ميهاف:عندي حل
طلال:وش
ميهاف:رغد قايمه ناخذها معنا
نزلت عليهم غدير من ورا ميهاف
غدير:وغدير بعد قايمه
طلال:خلاص اجل يلا امشو
ميهاف:دقيقه بنادي رغد
رعد:تمام
لبسو عبياتهم وركبو السياره
يوسف:يعني الحين اجلس انا ورا🙂
رعد:يليل البلشه
يوسف:لو فيك خير انت انقلعت ورا
رعد:عادي اروح ورا مافي شي
يوسف:يلا انقلع
رعد:الله يقلعك
ركب رعد ورا وصدف انه يجلس بجنب ميهاف
ميهاف:بسم الله
رعد:شايفه جني
ميهاف:مو قصة كذا ليه جالس ورا
رعد:وين اجلس يعني بحضن يوسف
ميهاف:ههههههههههههههه هفف خلاص اسكت شكلك يضحك
رعد:اقول اسكتي بس
يوسف:يلا حبيبي رعد لا تسوي مشاكل
رعد:ترا قسم اتركم واروح
رغد:لا خلاص اجلس مكانك
عبد الرحمن:وين تبون تروحون
ميهاف:مدري بكيفك بس نبي ناكل بموت من الجوع
طلال:اقول انزل انا بسوق
عبد الرحمن:سلامات شفيك
طلال: لك خمس سنين ماجيت الرياض ناسي شوارعها وتقول بسوق
عبد الرحمن:لا معليك
يوسف:بتمشون ولا كيف
رعد:انطم حاشرني ورا وهو قدام
يوسف:انت اخترت
رعد:احس شكلي غلط
ميهاف:ههههههههههه اه ياربي منجدد
[بعد مرور عشر دقايق]
طلع رعد دخان وقام يدخن
ميهاف:ترا قسم اختنقت
رعد نفث الدخان في وجهها: هههههههههههههههه
ميهاف:يامريض
طفى رعد الدخان وجلس يطقطق بجواله
ميهاف طلعت جوالها وتصور سناب وتصور يدها نفس بصوره
رعد:ولله انتم البنات مشكله كل شي تصورنه
ميهاف ردت عليه ب الفرنسي بكتب لكم عربي🌞:اتوقع ان هذا ليس جزء من عملك
عبدالرحمن:اشطح حركات تعرفين فرنسي
ميهاف:هههه امي فرنسيه وتبيني معرف فرنسي
ميهاف كانت تحسب ان رعد مايفهم فرنسي
رعد رد عليها ب الفرنسي عشان يشوف ردة فعلها:اللهم احفظ عقلي ههه
ميهاف:بسم الله شلون تعرف
.
.انتهى🥀