Kabanata 17
Kiss
Kinabahan agad ako nang nakita ko ang titig ni Rage sa akin. Nag iwas ako ng tingin kay Kid at hindi niya namalayan na hindi ko nagustuhan ang ginawa niya. Binati niya lang si Rage. Sa kaba ko ay nagmadali na ako sa elevator.
"Done for today, Rage? Uuwi ka na?" Narinig kong maligayang tanong ni Kid nang nakapasok na ako sa elevator.
Pareho silang dalawang nakatingin sa akin. Si Kid ay nakangiti habang si Rage naman ay nakabusangot. Bago pa nakasagot si Rage kay Kid ay sumarado na ang pintuan ng elevator.
Hindi ako makapag concentrate sa kahit ano. Marami akong iniisip. Tulad na lang ng kiss ni Kid, titig ni Rage, at ang hagulhol ni Mia. Ngunit nang nakapasok ako sa Lounge at narinig ko kaagad ang pag tangis ni Mia ay napalitan na agad ang mga iniisip ko sa problema niya.
Nagmamascara si Mia kahit na nag lilinis kami ng building kaya kitang kita ko kung paano nalusaw iyon sa baba ng mga mata niya. Itim ang luha niya dahil don at namumugto ang mga mata niya.
Mabilis ko siyang dinaluhan. Kandong niya ang unan na binili ko noon para dito. Pinunasan niya ang kanyang pisngi at mas lalo lang kumalat ng kanyang mascara.
"Anong nangyari?" Tanong ko kahit na alam ko na.
Tumayo ako para kumuha ng tissue sa locker at mabilis ko agad siyang dinaluhan. Pinunasan ko ang pisngi niya para mawala ang luha at mascara ngunit mas lalo lang yata siyang nahabag.
"Tinalikuran ko lahat, Sunny!" Panimula niya. "Kasi mahal niya ako at mahal ko rin siya. Sumama ako sa kanya!" Humagulhol ulit siya.
Nakakatakot palang ipaikot ang mundo mo sa isang lalaki. May posibilidad na sa isang iglap lang ay guguho ang mundo mo sa mga kamay nila.
Inayos ko ang takas na buhok niya. Hinayaan ko siyang magsalita.
"Dapat naniwala agad ako sa'yo, e! May duda na ako pero hindi ako naniniwala kasi mahal ko siya..." Lumiit ang boses niya sa kanyang rason. "Sunny." Napatingin siya sa akin. "Kumulo ang dugo ko nong nakita ko 'yong babae kaya agad ko siyang sinugod! Nagalit si Eric sa akin at nagbanta pa siyang iiwan niya ako! Tangina niya!" Humagulhol ulit siya.
Hindi ko mapigilan ang galit at tabang na akong naramdaman para sa kaibigan ko. Wala akong magawa para sa kanya.
"Tangina niya talaga." Ani Mia habang pinupunasan ng tissue ang kanyang pisngi. "Kinaya kong umiwas sa mga ganon pero siya? Kung mahal niya ako bakit may mahal siyang iba? Tangina!"
Tinanggap ko lahat ng mura na sinabi ni Mia. Dininig ko ang lahat ng iyon ng walang imik. Humiga siya at tumigil na sa pagluha pero madalas paring nagmumura. Ngumuso ako at hinaplos ang buhok niya.
Ilang sandali kaming nanatiling ganon. Nagsalita lang ako nang naisip kong hindi pa siya kumakain ng hapunan. Siguro ay lalabas muna ako para makabili ng haponan niya. Nakita kong pumipikit ang kanyang mga mata. Gusto kong magtanong kung dito ba siya matutulog pero tingin ko ay nasagot niya na 'yon. Paano siya matutulog sa kanila kung nandon si Eric?
"Mia..." Sambit ko ngunit narinig ko ang muntik daing niya at alam kong tulog na siya.
Tumayo ako at nagdesisyong lalabas na lang muna para bumili ng pagkain para kay Mia. Busog ako dahil sa date namin ni Kid pero alam kong di pa kumakain si Mia kaya uunahin ko siya.
Nilagyan ko muna siya ng kumot bago ako lumabas. Kinuha ko na lang ang cardigan ko. Hindi pa pala ako nakakapag bihis. Bumaba ako ng building at inisip agad kung saan ang pinaka malapit na fastfood para mabilhan ko si Mia ng pagkain.
Pagkalabas ko ng building ay niyakap ko kaagad ang sarili ko dahil sa sobrang lamig. Nagulat ako nang nakita ko ang malaking sasakyan ni Rage sa tapat na nakapark. Kahit wala naman talaga akong nakikitang tao sa loob ay nahihiya akong lumabas. Nahihiya ako dahil pakiramdam ko ay nasa loob siya.
"Where are you going?" Narinig ko ang boses ni Rage sa gilid.
Napalingon ako sa pinanggalingan ng boses at nakita ko siyang kausap ng security guard. Naka puting v-neck t shirt siya at ragged pants. Nakalukot ng kaonti ang puting tshirt niya at nakita ko ang kanyang itim na belt. Shit! Why is he so hot?
"Uhm, bibili ng pagkain." Medyo malamig kong sagot. Hindi ko nga alam kung bakit ko pa siya sinasagot.
"Dressed like that?" Tanong niya at tinaas ang kilay.
Natigilan ako sa paglalakad. Matalim ko siyang tinitigan. Ano ang ibig niyang sabihin? Ano ang problema niya sa suot ko? Bakit ba galit sila sa mga gamit ko? Masyado ba itong cheap para sa kanila na ang makitang sinusoot ito ng isang tao ay masakit sa mata?
Suminghap siya at agad na lumapit sa akin. Sinenyasan niya lang ang security guard na aalis na siya at pumunta na agad siya sa akin.
"Come on." Aniya at nilagpasan niya ako.
Tumunog ang kanyang sasakyan. Binuksan niya ang pintuan at hinintay niya ang paglapit ko. Tiningnan ko lang siya.
"Kaya kong mag lakad." Galit kong sinabi. Medyo nainsulto sa tanong niya.
"Alam ko. Pero may sasakyan ako kaya di mo na kailangang mag lakad." Maarte niyang sinabi.
"Kaya kong mag isa." Palusot ko.
"Alam ko rin. Pero di mo kailangang mag isa kasi nandito ako." Nakita ko kung paano niya kinagat ang kanyang labi pagkatapos sabihin iyon.
Hindi ko talaga siya maintindihan. Ayoko siyang intindihin pero hindi ko mapigilan ang sarili ko. Humalukipkip siya at hinintay akong lumapit.
"Do I need to drag you, woman?" Nagtaas siya ng kilay.
Umirap ako at nagmartsa patungo sa kanyang sasakyan. Hindi ko alam kung bakit ang saya ko pero gusto kong ipakita sa kanya na naiirita ako.
Sinarado niya agad ang pintuan. Bakit pa kasi nandito pa siya? Bakit di pa siya umuwi sa kanila?
Tumunog ang kanyang sasakyan. Tumitig siya sa akin habang nilalagay ni la-lock niya ang kanyang seatbelt.
"Fasten your seatbelts." Malamig niyang sinabi.
"Hindi mo naman ako kailangang ihatid. Nandyan lang naman sa kanto-"
"Just fasten your seatbelts, Sunny." Aniya.
Padabog kong kinuha ang seatbelt ng kanyang sasakyan at sinunod ko ang gusto niya. Kung gusto mo ikaw na ang mag fasten? Kairita 'to!
Pinaandar niya ang sasakyan. Kita ko na agad ang malaking logo ng Jollibee sa itaas. Hindi niya naman ako kailangang ihatid.
"Hindi ba kayo nag dinner ni Kid?" Tanong niya.
"Nag dinner na ako. Si Mia ang bibilhan ko ng pagkain. Nasa taas pa ng building." Mahinahon kong sagot.
Sumulyap lang siya ng isang beses bago niya diniretso ang sasakyan sa fastfood.
Tumigil ang sasakyan para sa linya sa drive thru. Medyo mahaba iyon kaya natagalan kami sa linya. Habang naghihintay ay tahimik kaming dalawa. Marami akong tanong sa kanya pero walang kayang lumabas sa bibig ko.
"Do you like Kid?" Tanong niyang bumasag sa katahimikan namin.
Nilingon ko siya at nakita kong tamad niyang pinaandar ng konti ang sasakyan para makalinya ng maayos. "Mabuting kaibigan si Kid." Sagot ko.
"Tsss. You sound like a very experienced heartbreaker. Do you like him? Yes or No, Sunny. No flowery words."
Nanlaki ang mga mata ko. Hindi ko alam kung ano ang isasagot ko.
"Siguro. Nagpahalik ka, diba?" Narinig ko ang galit sa kanyang boses.
"Hindi ko naman 'yon sinadya. Nagulat lang ako kasi hinila niya ako. That's all. At bakit? Ano 'yon sayo?" Medyo matabang kong tanong.
"I just wanna ask." Nag iwas siya ng tingin sa akin at tamad ulit na pinaandar ang sasakyan para umusad sa linya. "And you didn't answer my question."
"Oh, e, syempre, okay siya sakin. Mabait siya." Sagot ko.
"He's an asshole." Maliit ang boses niya nang sinabi niya ito.
"And you're not?" Medyo nagpalpitate ang kilay ko sa irita sa kanya.
"Well, I am. At least I'm not pretending to be a prince charming. What you see is what you get, Sunshine." Napatingin siya sa akin.
Nagkatinginan kaming dalawa. Malalim ang kanyang mga mata at hindi ko talaga alam kung bakit kahit simpleng titig niya lang ay may nararamdaman akong kakaiba. Oo at inamin ko na noon pa na gusto ko siya. Attracted ako sa kanya. Pero hindi ko mapigilan ang magtanong sa aking sarili kung bakit? Bakit ako naaattract sa taong dapat kong iwasan?
At kung tama ako ay naghuhugas kamay na siya ngayon pa lang. Naghuhugas kamay siya sa akin. Sinasabi niya sa akin na pag nahulog ako sa kanya ay masasaktan lang ako. Para pag totoong nahulog nga ako sa kanya at manunumbat ako ay may isusumbat din siya sa akin. Na alam ko na noon kung anong klaseng tao siya, at wala akong karapatang manumbat dahil alam ko na 'yon pero sumubok parin ako. I know this game too well. My mother played it and she lost. Now she's lost forever. I can't be just another loser.
Kumatok sa kanyang sasakyan ang babae sa drive thru. Nang binaba niya ang kanyang salamin ay nakita ko kaagad kung paano kumislap ang mga mata ng babae habang kinukuha ang order niya.
"Fried chicken meal." Sabi ko habang kinukuha ang wallet ko para sa pera.
Bago ko pa nabuksan ay binigay na ni Rage ang card niya sa babae. Kumunot ang noo ko.
"Bayad ko." Sabi ko sabay bigay sa kanya ng pera.
"Keep that." Aniya.
"Kaya kong mag bayad." Sabi ko ulit nang pinaandar niya ang sasakyan at iniwan sa ere ang nagpapantasyang babae.
"Alam ko. Kaya ko rin. Just keep it." Iritado niyang sinabi.
Bullshit! Bakit lagi niyang sinasagot ang mga ganito? Hindi ko siya maintindihan. Tinigil niya ang kanyang sasakyan sa tapat ng drive thru habang naghihintay kami sa order. Humilig siya sa kanyang upuan at pumikit. Hindi ko mawari kung inaantok ba siya o tulog na talaga.
Nakita kong gumalaw ang kanyang Adam's apple. Tinitigan ko rin ang kanyang jawline na masyadong naka depina. Kumalabog ang dibdib ko. Shit... Napatalon na lang ako nang nakita kong winagayway ng lalaki ang order namin.
Hindi gumalaw si Rage kaya tinanggal ko ang seat belt ko para abutin ang supot na may lamang pagkain.
"Thank you!" Sabi ko sabay ngiti sa lalaki.
Narinig ko ang hininga ni Rage sa tainga ko. Napalingon ako sa kanya at nanlaki ang mga mata ko nang isang pulgada na lang ang layo ng mga ilong naming dalawa. Sobrang lapit namin na naghuramentado na ng husto ang puso ko.
Napaawang ang kanyang bibig ngunit agad niya rin itong sinarado. Nag iwas siya ng tingin sa akin at tinagilid niya ang kanyang ulo.
Uminit ang pisngi ko. Nahiya ako dahil pakiramdam ko ay ayaw na ayaw niya sa akin kaya kahit na nakalahad na ako sa mukha niya, hindi parin niya ako magawang halikan.
"Sit properly. You kissed Kid. I can't kiss you." Nag iwas ulit siya ng tingin.