Kabanata 16
Hindi Nakokontento
Binawi ko ang kamay ko sa pagkakahawak ni Rage. Hindi ko alam kung saan ko nahugot ang lakas para gawin iyon kahit na kinakabahan ako at nanghihina sa harap niya. Wala siyang karapatang gawin iyon! Dahil hinding hindi ko siya kailanman maiintindihan. Hindi ko alam kung ano ang pumipigil sa kanya patungo sa akin. Ayokong isipin na dahil iyon sa estado ng aking buhay pero iyon lang ang tangi kong nahihinuha.
Hindi niya na ako sinundan nang umalis ako. Siguro ay nalaman niya rin ang pagkakamali ng mga sinabi niya sa akin.
Nang datnan ako ni Mia ay nagmadali na kaming umalis doon.
Lumipas ang ilang araw at nagpasalamat ako dahil madalas akong itext ni Kid. Nakakalimutan ko ang pangyayaring iyon. Mas naiirita lang ako sa kanya dahil sa opisina ay madalas halos hindi niya ako tingnan.
"Good morning, Rage!" Umalingawngaw ang boses ni Kid sa loob ng opisina habang nag lilinis ako.
Nasa loob rin ang ibang head ng mga offices at kanina pa sila nag uusap tungkol sa isang inverstor na ayaw papasukin ni Rage pero di umano'y makakatulong sa kompanya.
Nag angat ako ng tingin kay Kid at nakita kong may dala siyang flowers. Napatingin siya sa akin at ngumisi na agad siya. Uminit ang pisngi ko ngunit binisita ng mga mata ko si Rage na ngayon ay pumangalumbaba at inaayos ang papel na binabasa niya.
"Anong kailangan mo, Kid?" Malamig niyang sambit.
"Ah! You know why I'm here. Pahiram kay Sunny saglit?" Nagtaas ng kilay si Kid.
Napatingin ang iilang mga malalaking empleyado ng kompanya sa akin. May nakita akong nag bulung bulungan. Agad akong nahiya. Ano kaya ang iniisip nila? Ang isang tulad kong makikipag date sa isang mayamang taong tulad ni Kid ay halatang hindi maari para sa isang tulad ko.
"My employee is working, Kid." Ani Rage.
"Para naman tayong di magkaibigan." Ani Kid sabay ismid kay Rage.
Hindi na nagsalita si Rage. Umiling na lang siya at hindi na ulit pinigilan si KId. Sinalubong ako ni Kid sa pamamagitan ng pag hawak sa aking siko.
"Flowers for you." Aniya sabay pasada ng ngiti.
Napangiti rin ako. Maganda ang mga bulaklak na napili niya pero hindi ko mapigilan ang aking sarili. "Kid, nasa trabaho ako. Baka magalit si Sir Rage."
Umiling agad si Kid. "Sinabi ko sayo kahapon na pupuntahan kita diba?"
"Akala ko after work." Sabi ko.
Ngumisi siya. "It's okay, Sunny. Magkaibigan kami ni Rage. At kung magagalit siya sayo, I can always offer you another job. Mas maganda pa dito at mas malaki ang sweldo. Ang nagpipigil lang sa akin na gawin iyon ay ang pagkakaibigan namin ni Rage. I don't want him to lose an employee, but you see, I can do that. Kakausapin ko lang siya in time."
Nagulat ako sa seryosong tono ng boses ni Kid. Seryoso ba siya don sa sinabi niya? Hindi ko matatanggap ang trabahong inaalok niya sa akin, kung ano man iyon, dahil aalis na rin naman ako dito para sa pag aaral ko.
Sumulyap ako kay Rage ngunit nakatingin lang siya sa kanyang papel na parang wala siyang pakealam kung sumama man ako o hindi.
Nilingon ko ang cart ko at inisip kong kailangan ko muna 'tong ibalik sa lounge. Pinigilan ako ni Kid sa pagtulak non.
"Tatawagan ko ang Maintenance, ipapakuha ko 'yan." Ani Kid.
"P-Pero..."
"Walang pero-pero, Sunny. Come on, please?" Nag puppy eyes si Kid.
Hindi ko maiwasang ngumiti. Sumulyap ulit ako kay Rage ngunit nakikipag usap na siya ngayon sa isa pang Head of Office kaya dumiretso na ako sa labas.
Nagmadali ako sa pagbibihis. Wala si Mia sa Lounge kaya itetext ko na lang siya na sumama muna ako saglit kay Kid. Tumunog ang cellphone ko habang nasa elevator ako at nabasa ko ang message ni Kid para sa akin.
Kid:
Nasa parking lot ako. Kita tayo dito.
Nilapag ko ang mga bulaklak na binigay niya doon sa table ng Lounge bago ako umalis. Nahirapan ako sa pagpili ng maisosoot. Ang ending ay nag suot ako ng isang itim na dress na hiniram ko noong isang araw kay Mia. Hindi na daw kasya kay Mia kaya binigay niya sa akin pero gusto kong isipin na hiniram ko lang ito.
Nakita ko kaagad ang Vios ni Kid. Nakahilig siya sa pintuan at laglag pangang nakatingin sa akin. Pakiramdam ko ay pinamulahan ako ng mukha sa kanyang sindak na ekspresyon.
"Sorry, wala akong ibang damit." Panimula ko.
"Are you kidding me? You look so hot!" Aniya.
Mas lalong nag init ang mukha ko. Hindi matanggal ang mata niya sa akin nang pinapasok niya ako sa kanyang sasakyan. Kahit nong nag drive siya patungo sa isang restaurant ay hindi parin niya maiwasan ang pagsulyap.
"You look nervous. Don't be." Aniya.
"Hindi. Uh, kinakabahan lang ako kasi tingin ko galit si Sir Rage." Sabi ko.
"Nah, di galit 'yon. Ganon talaga siya." Aniya nang niliko ang kanyang sasakyan papasok sa parking lot ng isang mukhang mamahaling restaurant.
Pakiramdam ko ay sobrang out of place ko na agad. Nahihiya tuloy akong bumaba at pumasok don.
"Ganon siya?" Tanong ko.
"Yup. He's kinda moody at times. Kahit nong college kami ganon na siya."
Tumango ako at hindi na nagsalita. Ayokong isipin niya na interesado ako kay Rage.
"Let's go." Bumaba siya at inabangan niya akong lumabas sa kanyang sasakyan.
Pagkalabas ko ay naramdaman ko kaagad ang kanyang kamay sa aking baywang. Marahang haplos ang kanyang ginawa habang naglalakad kami papasok.
"I like your hair like that." Aniya.
Tinali ko ang buhok ko sa gilid at mas nadepina ang kulot nitong tips. "Thank you." Sagot ko.
Pagkapasok namin sa restaurant ay may nakita na agad akong nakatingin sa amin. Naghihintay sila na tingnan sila pabalik ni Kid. Nang nakita sila ni Kid ay tumango lang si Kid sa kanila. Nakita ko ang mga mata nilang nanunuri sa akin. Siguro ay may mali na naman sa suot ko.
Halos glass ang buong restaurant na ito. Malaking hotel at casino ang nasa taas non at alam kong mayayaman lang ang madalas na napapadpad doon. Medyo hindi ako komportable sa red carpet na nakabalot sa sahig ng buong restaurant at sa naglalakihang chandelier sa taas. Masyadong mamahalin ang lugar na ito at natatakot akong may mabasag o madumihan ako.
"What do you wanna eat?" Tanong ni Kid nang naupo na kami sa aming table.
Binigyan agad kami ng menu ng waiter. Umorder agad siya ng para sa kanya ngunit hinintay niya ang order ko. Nagtaas siya ng kilay. Binaba ko ang menu nang nakita ko kung gaano kamahal ang mga pagkain don.
"Kid, uhm... Hindi ko alam kasi kung anong ioorder ko." Sabi ko.
"Make it two, okay?" Ani Kid sa waiter.
Nakita ko kung magkano ang order niya at mas lalo lang akong nagsisi. Dapat ay umorder ako ng kahit anong medyo affordable naman. Ang hayaan siyang umorder para sa akin ay mali.
"Nahihiya ka ba? It's okay, Sunny." Ani Kid.
"Masyado kasing mahal. Uh, hindi ako sanay."
"Masanay ka na! This is just our first date. Dadami pa 'to." Wika ni Kid pagkatapos ay hinawakan niya ang kamay kong nasa table.
Napatingin ako sa kamay niyang nakahawak sa akin. Kasabay non ang paglalagay ng waiter nong wine sa wine glass ko at sa wine glass niya. Kinuha niya iyong sa kanya at iminuwestra din ang wine glass ko. Kinuha ko rin ito at nagpatianod sa gusto niyang mangyari.
"Cheers." Kindat niya.
Ngumiti ako at ginaya ang madalas kong napapanood sa TV saka uminom.
"You are so pretty, Sunny." Ani Kid, nakatitig.
"Uh, thank you." Sagot ko at nilapag ang wine glass.
"Napag isipan mo na ba ang sinabi ko? Why don't you resign? Hindi talaga bagay sayo ang trabaho mo." Panimula niya.
"Mag reresign din naman ako. Mag aaral ako."
Tumango siya. "At saan ka titira?"
"Uh, maghahanap ako."
"You know, I have a condo, Sunny. Marami. Pwede kitang patirahin sa isa-"
Umiling ako at pinutol ko na agad siya. "Kid, kaya kong maghanap ng matitirhan. A-Ayoko ng ganon."
Tumango siya. "I know you won't accept. Halos di mo nga tanggapin ang cellphone na bigay ko. I just want to offer. Kung di ka matahimik ay pwede mo akong bayaran ng rent." Aniya.
"Mahal masyado pag condo."
"The rent will be for two thousand pesos. What do you think?"
Umiling ako kahit na alam kong magandang offer iyon. Ayokong magkaroon ng utang na loob pa ulit sa kanya. "Nakakahiya sayo."
Tumawa siya. "Come on, Sunny. Huwag ka ng mahiya."
Nagtalo kami tungkol don hanggang sa dumating ang pagkain. Hindi ko mapigilan ang tawa ko dahil masyado na siyang makulit kahit na halatang hindi talaga ako bibigay.
"Sasabihin ko kay Rage. Magpapatulong ako sa kanya na kumbinsihin kang lumipat don." Humalukipkip siya.
Natigilan ako sa pagtawa. Not Rage, please.
Nalukot ang kanyang noo nang nakita ang aking ekspresyon. "Talagang natatakot ka kay Rage, huh?"
Huminga ako ng malalim. "Uh, hindi naman sa ganon."
"Hmm. Don't worry about him. Sa oras na umalis ka sa company niya, wala na siyang pinanghahawakan sayo." Ani Kid. "Teka, malupit ba siya sayo?"
Umiling agad ako. "Hindi."
"Talaga? He's moody. Malupit siya minsan. Though his a big playboy, he's also harsh."
"Alam ko." Sagot ko nang naalala ko kung paano niya pinaalis si Kara sa kanyang opisina.
"May pinagmanahan." Tumawa si Kid at tumingin sa pagkain niya.
Napatitig ako sa kanya. May pinagmanahan? Sa parents ba ni Rage? Malupit din ba ang parents ni Rage? Buhay pa ba sila? At asan sila?
Habang kumakain kami ay naisipan kong magtanong tungkol don.
"Buhay pa ba ang parents ni Rage?" Kunwari hindi ako masyadong interesado.
"Yeah. Si tito at tita. Madalas nga lang sa ibang bansa. That's why Rage handles the company. Pag nandito si tito, madalas si Rage naman ang nag ta-travel para makatakas sa responsibilidad."
Tumango ako. "Hindi niya ba sinasama ang girlfriend niya?"
Halos mailuwa ni Kid ang kanyang kinakain sa tanong ko. "Girlfriend? Sino o alin don?" Humagalpak siya sa tawa.
Tama ako. Papalit palit nga ng babae si Rage. At ang mangarap na sana ay ako na lang ay mali dahil ang lalaking tulad niya ay hindi nakokontento sa isa.
"Hindi pa ba siya nagkakagirlfriend kahit kailan?"
Kumunot ang noo ni Kid at bahagyang nag isip. Parang tatango na iiling pero sa huli ay umiling siya. "Hindi pa. I've never seen him go crazy over a girl."
Hindi na ulit ako nagtanong tungkol kay Rage lalo na nang nagkwento na siya tungkol sa kompanya ng kanyang pamilya at sa maaari kong maging trabaho pag lumipat ako don.
"Pero kung gusto mong mag aral, mas maayos din. Mas malaki ang magiging posisyon mo sa kompanya. Anong kurso ang gusto mong kunin?" Tanong ni Kid.
"Accounting sana." Sagot ko.
Tumango siya. "That's good. Really good. You should continue-"
Natigil siya nang tumunog ang aking cellphone. Kinuha ko iyon sa maliit kong bag at agad akong nag apologize sa pang iistorbo ng tumatawag na si Mia.
Ano kayang problema ng babaeng ito?
"Hello, Mia?" Panimula ko.
Parang piniga ang puso ko nang narinig ko ang hagulhol ni Mia sa kabilang linya. Nanlaki ang mga mata ko at parang alam ko na kaagad kung ano ang problema niya.
"Sunny, nakita ko si Eric! May kasamang ibang babae..." Humikbi siya nang humikbi at wala akong ginawa kundi ang makinig.
"Asan ka?" Tanong ko at sumulyap sa labas, papalubog pa lang ang araw.
"Nasa Lounge." Aniya. "Sorry... Hindi ko gustong mang istorbo." At pinutol niya agad ang linya.
Nanlamig ang mukha ko. Kumunot ang noo ni Kid sa nakitang ekspresyon sa akin. Lumunok ako at hindi ko mahanap ang tamang salita. Ayokong umalis dahil masyadong bastos iyon para kay Kid pero kailangan ako ni Mia.
"You okay?"
"Uhm... Kid... Kailangan kong bumalik ng building. May problema ang kaibigan kong si Mia."
"Oh?" Napatingin siya sa mga pagkain namin. "Can you finish a meal for me first, Sunny? Anong nangyari kay Mia?"
Ayaw kong sabihin kay Kid. Kaya sinabi ko na lang na may problema lang kaya kailangan kong umalis. Tinext ko rin si Mia na diyan lang siya sa Lounge at babalik na ako ngayon din.
Masyado na akong na bagabag sa nangyari kay Mia. Marami akong inisip na gagawin niya. In love na in love siya kay Eric. Paano kaya niya nakita si Eric na may kasamang iba? At ano ang ginawa niya? Walang ibang laman ang isip ko kundi si Mia kaya kinailangan ko nang umuwi.
Naintidindihan ako ni Kid kaya hinatid niya rin ako sa building pagkatapos naming kumain. Mabilis akong umalis ng sasakyan niya at hinarap ko kaagad siya.
"I'm sorry, Kid. Babawi ako next time." Sabi ko.
"It's okay. Kung ano man ang problema ni Mia, it must be very important. She needs you and I understand, Sunny."
Pinaglaruan niya ang susi sa kanyang sasakyan at umambang sasama pa sa akin pataas. Ayaw kong makita niyang namomroblema si Mia at alam kong ayaw din ng kaibigan kong makita siya nito kaya tinanggihan ko ang alok niyang ihatid pa ako.
"Thank you so much, Kid. Itetext na lang kita mamaya. Sorry talaga." Sabi ko at napatingin na sa elevator na papabukas sa harap ko.
"It's okay, Sunny." Ngumiti si Kid at mabilisang hinalikan ang aking labi.
Nanlaki ang mga mata ko nang naramdaman kong lumapat ang kanyang malambot na labi sa aking labi at ang kanyang kamay ay humaplos sa baywang ko. Lalo na nang nakita ko ang madilim na mukha ni Rage sa kakabukas lang na elevator. SHIT!