Deri ako hi Bonifacio na kaya makig-away hin madugo
Deri ako hi Lapu-lapu na kaya ipaglaban it Mactan ha Cebu
Deri ako hi Dagohoy nga mailob hin 85 katuig nga rebulusyon
Ngan deri ako hi Macario Sakay na igdidig-on maging lider hinin nasyon
Pero kaya ko maging tinuod ngan tumindog hit akon inaabat para't akon ambisyon
Deri ako hi Antonio Luna na nagtindog han La Independencia
Deri ako hi Jose Rizal na nagtindog han La Liga Filipina
Ngan deri ako hi Graciano Lopez-Jaena nga nagtindog han La Solidaridad
Pero kaya ko tumindog nga ikaw gud LA kay ikaw it nakaguhit ha akon palad
Deri ako hi Gabriela Silang nga naniguro han katungod han kababayin-an
Deri ako hi Gregoria de Jesus na upod han pamamahala han Katipunan
Deri ako hi Prinsesa Urduja na umilob makig-away ha kalalakin-an
Ngan deri ako hi Meriam Santiago nga tumindog han prinsipyo na iya tinutuuran
Pero kaya ko ikaw ipaglaban ha pinaagi na akon maaram
Inin mga katawhan na akon pinanhigadayan
Mayda mga nahatag na kontribusyon ha aton lipunan
Kulang pa ngani kun susumahon ha at kasaysayan
Pero mag-aano man kay amo la an nahinumduman
Inin hira kinahanglan dumdumon tungod han ira mga nabulig ha aton
Han ira mga nabuhat hadto nga mga panahon
Nga dako gud nga gamit yana nga mga panahon
Asya ayaw gud pagruhaduha nga hira respituhon
Han mga nabuhat hini nga mga katawhan, mayda ko nahinumduman
Baga-baga hit akon gugma ha imo na ako la it maaram
Pero bisan sugad man maaram it Ginoo kun gaano ko ikaw kamahal
Insakto na ito para ha akon na ikaw panindigan
Kay amo ito it gugma ha akon pina-agi na maaram
Kakayanon maging bayani para ha imo mahal.