مروة الحامد
رسيل. من طلعت شفت اخوج واكف
نور .هااا شعجب لحد الان مطالع
رسيل. والله مادري شكد عيب شافني هيج
نور .يلا لعد انتي قابل تدرين بي المهم كملتي
رسيل. اي كملت بس ردت اروح اجيب الكلادة من ماما
نور .لعد طلعي هسه اكيد راح
رسيل. يلا باي راح اروح
طلعت رحت لماما علمود اخذ منها الكلادة اخذتها منها رحت للبنات وانوب طلعنا سوة خلص المولود على خير اتونسنا والله ثاني يوم كعدنا كولنه من الصبح تحضرنه لان لازم نرجع وكرار ضال وحدة كوة قبل خالي نرجع توسل ينا ضلو بعد كم يوم بس ماقبلت ماما وعماتي هم جان موجود هو معتز من طلعنه كلما اباوعله الكا يباوع عليه ضلينه نسولف شويه وبعدين كلمن راح لبيته واشغاله
احنه هم كرار صار زين الحمدلله كدر يمشي ورجع لشغله مشت حياتنا عادي بابا بشغله اني وماما بالبيت
فديوم كاعدين اني وماما فكلتلي
الام .رسوله اريد اخذ رائيج بشي
رسيل. شنو ماما
الام .اريد ازوج كرار شتكولين
رسيل. ها بكيفج بس خاف ميريد يتزوج هسه
الام .لا لا البارحه سئلته ماكال شي بس كلي بكيفج
رسيل. ها خوش لعد بيها الخير ان شاء الله
الام .ان شاء الله
رسيل .زين اكو وحدة أبالج لو لا
الام .لا هو اني اريد اسئلج ماتعرفين وحدة منا منا
رسيل لا والله منين اعرف .بس
الأم. بس شنوو احجي
رسيل .ماما شنو رائيج ب نادين
الام .يانادين بت خالج
رسيل .اي هي شتكولين
الام .والله اني هم فكرت بيها ماالكه احسن منها
رسيل .هاي هي لعد بس كلي لكرار وشوفي
الام .هو هيج بس يجي احجي ويا
رسيل. اجه كرار وبابا الضهر كعدنه تغدينه وكملنه جبت الجاي وكعدت وياهم
الام . كرار اريد احجي وياك بموضوعنا
كرار .على شنو نحجي
الام .على العروس غير 😒
الاب .موضوع وعروس هاي شو ماادري اني
الام .لا نفس الموضوع البارحه الكتلك عليه
الاب .هااا اي بيها الخير منو العروس الكلتو عليها
الام ... نادين بت اخوي
الاب .هااا ونعم والله بكيف كرار بعد
رسيل .وين نلكه احسن من نادين .
كرار .ها نادين بت خالي شكد عمرها تشتغل لا خلوة لا أخلاقها شنو ودارسه لا وا---قاطعتني رسيل
رسيل .اوكف شويه شويه شبيك
رسيل .. اسمها نادين عمرها 23سنه لا مخلصه تربيه اسلاميه ومنتظره التعيين حلوة تخبل بعد امها سوريه أخلاقها وردة تعرف بعد تربيه خالك هواي خطبوها بس هي متوافق ترفض هاي سيرة حياتها 😁
كرار .اممم زين ماعندج صورتها
الاب .هاي شنو كرار عيب شلون تشوف صورتها
كرار .لا بابا موقصدي لا تفهمني غلط
رسيل .اي عدي صورتها بس لابسه حجاب
كرار. خوش جيبها لعد
كرار. راحت رسيل تجيب الصورة وتجي جابتها اطتنياها حلوة مرتبه ملامحها حواجبها بيهن لون اصفر حلوة
الام .هاشكلت كرار
كرار .هاي هي توكلوا على الله بت خالي وين الكا احسن منها
الام .هاي هي هسه اخابر ه واشوف شيكول
رسيل . ان شاء الله يوافق 😍
الام .اطمئني يوافق هسه تشوفين
رسيل .خابرت ماما خالو وكلتنه هيج وهيج السالفه شتكول راد عليها خالو يفكر كم يوم
بس ماما كالت وافق بس يشوف إخوانها وامها
وهي هم شتكول ويرجع خبر
والله يومين وخابر خالوو موافق وينتظر جيتنا
رسيل .الله يعني خالو موافق بعد شيريد كرار .
الأم .ولج رسيل لعد شبي اخوج الف وحده تتمنى
رسيل .لا ماما موقصدي بس نادين حلوة وهو محظوظ بيها
الام . الله يهنيهم ويوفقهم إذا صار بيناتهم نصيب
رسيل .ماما هو كرار ابد مشايفها موو
الام اي ابد مشايفها وهي شايفته
رسيل .اي شايفته لان من جنه يمهم شوفتها صورنا وهو جان موجود من ضمن الصور
الام .خوش لعد يعني شايفته
رسيل. ايي زين ماما شوكت نروح نخطبها
الام .غير انشوف ابوج شوكت علمود انروح اول شي احنا وانوب المشيه
رسيل .اشو مستعجله ماما
الام .لعد شعدنه اشو هو اخوج كامله غرفته من كولشي وهو موضف وعنده سلفه واحنا هم ويا نكمل خلال شهر يتزوج يعني
رسيل. شنو هاي ماما اني ادري يكولون فترة الخطوبه احلى شي وانتي تريدين بس شهر الخطوبه شوكت يلحك يتعرف عليها هاي
الام. لا هاي هي شهر كافي شعدنه خلينا نفرح شويه
رسيل .زين وإذا هي ماقبلت
الام .لا أن شا الله توافق
رسيل .أن شاء الله
الام. اجويي كرار وابوه كتلهم على الحجي الي حجيته ويا رسيل.
لكرار. موجنج مستعجله
الام. ادري شعدنه متأخرين الناس تسوي فترة الخطوبه طويله علمود الولد يكون نفسه يعني وانت ماعندك شي بس الذهب والجهاز ماكو شي بعد وغرفتك بعدها جديدة صارلها شهر
كرار .هاي هي يوم انتي شتردين اني اسوي بدون مااعترض لان اني حالف يمين اي شي يفرحج اسويي
الام .الله يوفقك ويرضى عليك دنيا آخرة
كرار. تسلمين يااحلى ام بالدنيا
الام .خبيبي انت اني موداغصبك على شي بس اريد اشوفك عريس وافرح بيك خلي يطب الفرح لبيتنه شويه
الاب .هاي هي أم كرار براحتج اني اثق بيج وبقراراتج
الام . بعد كلبي ابو كرار
رسيل الله يديم فرحتنه ولمتنه سوة بحق محمد وال محمد
الكل آمين يارب
الام .بس قبل لا انروح نخطب لازم نروح ل__
يتبع
شتتوقعون المن تريد الام يرحون اول شي ؟؟