Kabanata 14
Billiard
Hindi ko siya maintindihan. Gusto niyang lumayo ako sa kanya pero siya na mismo ang nagbibigay sa akin ng motibo para lumapit. Ang hirap hirap niyang basahin dahil sobrang misteryoso ng kanyang mga kilos.
Hindi ko alam kung saan siya nakakuha ng ideya na nahuhulog na ako sa kanya. Nakikita ba iyon sa mukha ko? Sa kilos ko? Hindi ko alam. Ang gusto ko na lang ngayon ay ang iwasan siya dahil naiirita ako sa pagiging misteryoso niya.
"Oh? Namumutla ka?" Nag taas ng kilay si Mia nang nakababa na ako.
"Ah, wala 'to." Sambit ko at umupo na sa tabi niya doon sa sofa.
"Asan si Sir Rage, nahanap mo?" Tanong niya.
Tumango ako at lumunok. Napagtanto kong dalawang linggo na lang ay aalis na rin naman ako sa Del Fierro kaya di ko na siya makikita. Magiging maayos din ako!
"Saan? Ba't di bumababa?" Tanong ni Mia.
"Ayon, nag ji-gym." Sagot ko naman habang kinukuha sa bulsa ko ang cellphone na binigay ni Kid.
Binuksan ko iyon at nagreklamo agad dahil walang sim. Kailangan ko palang bumili ng sim. May cellphone ako noon pero sa sobrang galit ni Patricia sa akin ay hinulog niya iyon sa kanal. Hindi na ulit ako naka afford ng cellphone at hindi ko na rin nakita ang dahilan para gamitin iyon.
"Di siya bababa?" Nagtaas ng kilay si Mia sa akin.
Nagkibit balikat ako pagkat di ko naman alam. Pinanood niya ako habang tinitingnan ang laman ng cellphone ni Kid. May mga games na naka install doon kaya nilibang ko ang sarili ko sa paglalaro. Si Mia naman ay nagkibit balikat at 'yong cellphone niya na rin ang kanyang hinarap.
"Hi!" Nagulantang ako nang biglang sumulpot si Kid sa aking likod ilang minuto ang nakalipas.
"Oh, tapos na?" Pinilit kong ngumisi.
Kumindat siya sa akin. "Yup? Punta na tayo sa garden? Sinet up ko don ang table."
"How sweet naman." Hagikhik ni Mia habang tumatayo.
Sumabay din ako sa pagtayo. Lalo na nang narinig ko na si Logan at ang dalawang babaeng kasama na nagsalita.
"Thank God! Gutom na ako!" Ani Logan sabay ngisi.
"I did not cook for you, dude." Tawa ni Kid.
"So you mean to say I can't eat your food?" Ani Logan. "Ideya ko 'to. Back off, Kid."
Tumawa si Kid. "Kidding Logan. Where the hell is Rage?" Sabay kaming nag angat ng tingin sa hagdanan at nakita naming nagmamadaling bumaba si Rage doon. Ngayon ay naka grey tight t-shirt siya at itim na shorts. Nag iwas agad ako ng tingin. Shit! Ang gwapo niya kahit nasa bahay lang.
"Akala namin di ka na bababa." Ani Kid sabay high five kay Rage.
"Nalibang ako sa taas." Ani Rage sabay pasada ng palad sa buhok niyang basa pa. Siguro ay naligo muna siya bago bumaba.
Dumaan siya sa tabi ko at nakumpirma ko kaagad ang pag ligo niya dahil sa naamoy kong mamahaling bodywash. Ngumuso ako at tumingin sa aking mga paa.
"Good evening, Rage!" Maligayang bati ni Jackie sabay beso kay Rage.
Nakita ko ang kamay niyang dumausdos sa baywang ng humahagikhik na si Jackie. Naabutan niya akong nakatitig doon at may ngising nag laro sa kanyang labi.
Shit!
"Kain na tayo?" anyaya ni Kid sabay hawak din sa baywang ko.
Hindi ako kumportable pero hinayaan ko siya. Nilingon ko si Kid at ngumiti ako sabay tango. Narinig ko ang ubo ni Mia sa likod ko.
"Tara na! Gutom na rin ako!" Ani Mia at naglakad na kami patungong garden.
Kaharap namin ang isang billiard table at ang swimming pool sa na set up na dining table sa labas. Hindi tulad nong una kong pagpunta dito ay walang tao doon. Hindi ko maimagine na si Rage lang ang nakatira dito. Malaki ang kanilang bahay at ang alam ko ay mag isa siya. Sabihin na nating may katulong siya pero hindi ba nakakaumay ang mag isa? Well, siguro may mga babaeng palagi rin dito. Inisip ko tuloy kung ilang beses na siyang nagdala ng babae dito.
Hinila ni Kid ang upuan ko at pinaupo niya ako sa tabi niya.
Umupo si Rage sa harap ko. Si Mia ay nasa gitna, excited sa pagkain. Katabi ni Rage si Jackie. Si Logan ay kaharap naman si Katerina.
Maingay ang mga babae sa pagpupuri kay Kid sa kanyang luto.
"It looks delicious, Kid. Saan mo natutunang gumawa ng lasagna?" Ani Katerina.
"Hobby." Ani Kid sabay sulyap sa akin.
"How about you, Rage? Nagluluto ka ba?" Tanong ni Katerina kay Rage.
"Are you kidding me, Kat? Of course! He's damn pretty good in the kitchen." Makahulugang ngumisi si Jackie kay Rage.
Nag iwas ng tingin si Rage at alam ko kaagad kung ano ang ibig sabihin ni Jackie sa sinabi niya. Gumapang ang galit sa sistema ko.
"Let's eat?" Anyaya ni Logan.
Nagsimula na kaming kumain. Inentertain ako ni Kid sa paglalagay ng pagkain sa aking pinggan. Hilaw ang mga ngisi ko, hindi pa napapawi ang galit sa sistema.
"Marunong ka bang mag luto, Sunny?" Tanong ni Logan sa akin.
Ngumunguya ako ng menudo kaya tumango ako sa tanong niya.
Tumango rin siya sa akin. "That's good. Gusto ko ng mga babaeng marunong mag luto." Ngiti niya sa akin.
"What do you mean by that, Logan?" Lingon ni Kid sa kanya.
Ngumisi pa lalo si Logan. "Easy, sinabi ko lang iyon."
Uminit ang pisngi ko sa pag angal ni Kid. Nagpatuloy na lang ako sa pagkain ngunit tingin ko ay hindi kaya ni Mia na manahimik sa isang tabi.
"Pag mag be-bedspace ka na, pwede ka ng magluto ng sarili mong ulam." Ani Mia sa akin.
"Bed space?" Kumunot ang noo ni Logan. "May plano kang mag rent ng place?"
"Bed space lang." Nahihiya kong sinabi.
"Actually, may plano siyang umalis sa Del Fierro." Ani Mia.
Nilingon ko kaagad si Mia at sinenyasan ko siyang tumahimik. Nag pout na lang siya at hindi man lang nagsisi sa kanyang ginawa.
"And you'll allow it, Rage?" Tanong ni Logan.
"Bakit ka aalis don?" Ani Kid sa akin.
"It's her decision." Kibit balikat ni Rage.
"Rage, how's your business?" Biglaang tanong ni Jackie kay Rage. Nagpasalamat din ako sa pakikisali niya dahil naalis ang usapan doon.
Gayunpaman ay hindi ako tinigilan ni Kid. Habang nag uusap silang lahat sa hapag ay nilapit niya ang ulo niya sa akin para bumulong.
"What are your plans? Saan ka magtatrabaho?"
Uminom ako ng juice bago siya sinagot. "Marlboro girls. May plano kasi akong mag aral."
"Oh, that's good! A good plan." Namangha si Kid sa akin kaya napangiti ako sa kanya.
"Kid..." Mariing sinabi ni Rage habang nilalapag ang iniinom na tubig.
Napatingin ako sa kanya. Diretso ang tingin niya kay Kid.
"Pagkatapos nating kumain, let's play pool?" Hamon ni Rage.
Tumawa si Kid. "Pwedeng kayo na lang ni Logan, Rage. I want to spend quality time with Sunny here." sabay angat niya sa mukha ko at ngisi.
Hindi ako sanay sa mga paghaplos niya sa akin ngunit di ako umangal.
"Are you scared, Kid?" Nagtaas ng kilay si Rage at tumindig ang balahibo ko sa tanong niya.
Nilingon agad siya ni Kid nang nakakunot ang noo. Kitang kita ko ang tangos ng ilong ni Kid sa kinauupuan ko. At alam ko kung ano ang ginagawa ni Rage. Gusto niyang mawala ang atensyon ko kay Kid. Gusto niyang mang istorbo sa amin.
Humalakhak si Mia. Napatingin ako sa kanya at may bingkas siyang palihim. 'May plano ako' sabay kindat niya. Umiling agad ako sa kanya.
"You know I'm not, Rage." Mariing sinabi ni Kid.
"Sige na, Kid. Hindi marunong mag billiard si Sunny. Turuan mo naman siya, oh."
Holy shit! Diyan nagkakamali si Mia! Marunong akong mag billiard! Kailangan ko bang mag panggap na hindi? Malamang!
Lumiwanag ang mukha ni Kid nang narealize ang sinabi ni Mia. Agad siyang pumayag kay Rage. Nakita kong napatingin si Rage kay Mia at medyo galit siya. Hindi man lang siya tiningnan ni Mia pabalik.
Umiling ako sa iniisip na plano ni Mia. Kung ano man iyon ay dapat tigilan niya na iyon! Nagtatakot ako sa plano niya! Ang plano ko ay ang hindi pansinin si Rage sa ngayon. Ayaw kong dagdagan ang pag iisip niyang may gusto nga ako sa kanya.
Pagkatapos naming kumain ay agad na nilatag ni Rage ang mga bola sa billiard table. Naka upo parin si Logan, Mia, at Katerina sa dining table habang pinapanood kami.
Si Jackie ay nasa tabi ni Rage. Kinakausap niya si Rage kung may pagkakataon. Sumasagot din si Rage ngunit mas pinagkaabalahan niya ang mga bola.
Nasa nasa gilid ako ni Kid dahil kinakausap niya naman ako tungkol sa kahulugan ng iba't-ibang bola ng billiard. Ipinakita niya rin sa akin kung paano mag pose para makatira sa isang billiard table.
"Mamaya, tuturuan kita kung paano 'to." Ani Kid.
Tumango ako at nagkunwaring masaya sa plano niya. Kita ko sa gilid ng aking mga mata ang titig ni Rage sa akin.
"Go Kid and Sunny! Talunin niyo sila!" Cheer ni Mia sa likod.
Nilingon ko siya at wala siyang ginawa kundi ngumiti na lang doon.
"Let's start." Ani Rage sabay lapit kay Kid.
Mabilis na nagsimula ang laban. Si Kid ang unang tumira at walang pawis niyang naipasok ang unang dalawang bola. Nang nasa ikatlo na siya ay na-scratch kaya si Rage ang pumalit. Ngumisi si Rage at tumingin sa akin. Tinaas ko ang kilay ko. Tingnan natin kung hanggang saan ang abilidad mong ipinagmamalaki.
Hindi siya napahiya. Nangulelat ng husto si Kid dahil nang pagkakataon na ni Rage ay hindi niya na ulit pinatira si Kid. Nanalo siya!
"What the fuck?" Ani Kid nang nakapasok ang huling bola.
Maangas na nag taas ng kilay si Rage habang tinutuko ang taco, ang isang kamay ay nakapamaywang. Kumapit si Jackie sa kanyang braso. "Ang galing mo, Rage!" Malambing niyang sinabi.
"Okay lang yan, Kid." Sabi ko sabay haplos sa likod ni Kid.
Medyo nakakunot ang noo ni Kid nang tumingin siya sa akin. "You're not impressed." Iling niya.
Uminit ang pisngi ko sa sinabi niya.
"Let's try again, Rage!" Ani Kid at agad na ibinalik ang mga bola sa table.
"As you wish." Sarkastikong sinabi ni Rage at kumalas sa kapit ni Jackie sa kanyang braso.
Walang duda, isa nga si Jackie sa kanyang mga babae. Nakita ko ang matalim na tingin ni Jackie sa akin habang naglalaro sila sa pangalawang beses. Humalukipkip na lang ako at tumutok sa laban.
Mas naging mainit ang laban. Dalawang beses tumira si Kid bago siya nagkamali. Si Rage din ay ganon. Mas lumabas ang techniques nila at mas naging seryoso. Ngunit sa huli ay si Rage parin ang nanalo. Tumatawa si Rage nang nakitang na frustrate si Kid sa pagkatalo niya, pangalawang beses.
Tumawa si Logan. "You can't bet a beast."
"I can beat Rage, Logan! I'm just distracted." Ani KId sabay sulyap sa akin.
"Oh? Mas distracted ako." Nagtaas ng kilay si Rage kay Kid.
Napatingin ako sa kanya at nakita kong sumulyap siya sa akin.
"We both have distractions, Rage pero mas distracted lang talaga ako. I'm not like you." Ngumisi si Kid sa akin.
"Okay lang 'yan, Kid. I'm sure magaling ka. Maswerte lang siguro siya ngayon." Ngisi ko kay Kid.
Umiling si Kid. "I don't think so. Maswerte ako ngayon, I'm sure. Can I teach you how to play this instead?"
Nagulat ako sa gusto niya.
"You don't want a game three, Kid?" Hamon ni Rage.
"Nah, Rage. Pansinin mo na lang si Jackie. I'll teach Sunny this time." Sabay bigay ni Kid sa akin ng taco.
"Sir Rage, beer?" Singit ni Mia sa table.
"No thanks." Ani Rage habang hinihila na siya ni Jackie.
"Don na tayo sa table, Rage. Let's talk." Malambing niyang sinabi.
Kinalas ni Rage ang kamay ni Jackie na nakapulupot sa kanya at nagulat ako nang hindi siya sumunod. "No, Jackie. I'm gonna watch here." Aniya sabay tingin sa akin.
Hinayaan siya ni Kid. Syempre dahil wala namang alam si Kid sa kanyang binabalak. Pero habang hawak ko ang taco ay kumakalabog ang puso ko. Nanonood siya sa akin. Bawat galaw ay sinisigurado niyang nakikita niya ng husto. Nakaismid si Jackie sa kanyang tabi habang siya ay nakahalukipkip naman doon.
"Bend." Utos ni Kid.
Tumango ako at tumugon sa kanyang utos. Nasa likod ko siya at nasa harap naman ng table si Rage, nanonood habang yumuyuko ako sa table para asintahin ang puting bola.
"That's wrong. I'll teach you." Ani Kid sabay yuko din sa likod ko.
Naramdaman ko ang dibdib niya sa likod ko at ang hita niya sa hita ko sa likod. Uminit ang pisngi ko lalo na nang hinawakan niya na ang kamay ko at tinutok niya ang daliri ko para maayos ang pag asinta sa puting bola.
"Good job." Aniya sa tainga ko.
Kinagat ko ang labi ko at nag angat ng tingin sa kay Rage na nag igting ang panga sa kinatatayuan niya.
"You're doing it wrong, Kid." Sambit ni Rage.
Napatayo ako ng maayos dahil lumapit siya sa amin. Umatras din si Kid ng bahagya.
"Kaya ka pala laging natatalo." Ani Rage.
"Hindi kaya ako laging natatalo." Hilaw na sinabi ni Kid.
Pareho na silang nasa likod ko. Hindi ako makatingin ng diretso kay Rage kaya sa mukha ako ni Kid tumitig.
"Let me teach her." Ani Rage. "Tabi."
Shit! Anong ginagawa niya? Kitang kita ko ang pag kaka offend ni Kid sa sinabi niya! Magkaibigan silang dalawa at hindi ko lubos maisip kung bakit ginagawa ito ni Rage kay Kid! Ang sama niya! Sobrang sama!
"Bend over, Sunny." Utos ni Rage.
Naghuramentado ang buong sistema ko nang naramdaman kong tumayo siya sa likod ko. Nanginig ang kamay ko habang hinahawakan ang taco. Agad niyang tinabunan ang daliri ko ng kanya para hindi yon manginig.
"You're shaking." Bulong niya na halos hindi ko marinig.
Kumalabog ang sistema ko. Gusto ko na lang tumakbo ngunit ayaw kong may mahalata sila sa kinikilos ko.
"A lot." Bulong ulit niya nang humaplos ang kanyang likod sa aking likod.
"Turuan mo na lang ako." Halos manginig ang boses ko.
Narinig ko ang kaonting halakhak niya sa tainga ko. Tumatama ang hininga niya doon dahilan kung bakit mas lalo akong kinikilabutan. "Shoot. I know you know how to do this, Sunny. You know the stance."
Ano? Mas lalo lang akong nawawala sa aking sarili. Hindi ko alam kung paano niya nalaman ngunit wala na akong pakealam sa ngayon.
Kinagat ko ang labi ko. "Alam mo naman pala, bakit mo ako tinuturuan?" Mas mahina kong binulong.
"I don't like watching someone else hold your hand." Mariin niyang sinabi dahilan kung bakit tinutok ko ng mabuti ang taco sa puting bola at agad kong tinamaan iyon. Tatlo ang pumasok. Mabilis akong tumayo.
Pumalakpak si Kid ngunit hindi maalis sa kanyang mukha ang galit sa ginawa ni Rage. Lumayo agad ako kay Rage at nagkatitigan kami. Nagtaas siya ng kilay sa akin.
He's so unfair.