الفصل الثالث والاخير
#حب_لا_يموت
( و في شقة بيتر وبتول )
بتول : شقتي حبيبتي
بيتر : نورتي بيتك يا شابه ، اه يا ضهري يابا
بتول : مالك يا حبيبي
بيتر : ضهري واقف عليا 10 قمصان و 10 بناطيل و 10 شرابات ابوكي المفتري خلاني اكويهم دا غير هدوم البيت 4 جلاليب و بجامتين
بتول : معلش ما هي دي مكوت الاسبوع
بيتر : الاسبوع ؟ هو كل اسبوع بيكوي العدد دا ؟
بتول : اه وانا قبل الجواز كنت بكوي
بيتر : امممم طيب
بتول : بيتر حبيبي زعلان ؟
بيتر : وهزعل ليه ؟ عادي انا عارف ان ابوكي بينتقم مني عشان خاتك منه ، بس عادي استحمل عشان عيونك
بتول : ربنا يخليك ليه يا حبي
بيتر : ويخليكي ليه يا قلبي
**** ( بقلم : هند محمد ) ****
( والصبح بدري )
بيتر : ايه دا عملالي فطار اوبن بوفيه ؟
بتول : مش اول فطار في شقتنا لازم يكون مميز
بيتر : لالا وكمان رصه الجبنه ومزوقها بالبقدونس والزيتون لا فطار تستهلي عليه نجمه
بتول : انا بقول ناخد سلفي الفطار الاول عشان اللحظه دي لازم تتأرخ
بيتر : يا سلام تصدقي انتي تفكيرك صح الصح ، ( واخد صوره سيلفي هو و بتول مع الفطار ) هنزلها على الانستا
بتول : ابقى اعملي تاج
بيتر : حاضر ، اقعدي نفطر بقى عشان نروح الشغل ( وقعده يكله هما الاتنين )
بتول : دانا عندي شغل اد كدا ادعيلي النهارده
بيتر : ربنا معاكي و يقويكي ويعينك
بتول : بقولك ايه يا حبيبي
بيتر : نعم ؟
بتول : عاوزه اشتري عربيه
بيتر : ابوكي رافض وخايف عليكي
بتول : انا اتجوزتك وانت جوزي دلوقتي يعني الكلمه كلمتك مش كلمت بابا
بيتر : اه صح ، طب عاوزه عربيه نوعها ايه ؟
بتول : حاجه حلوه كدا على ذوقك
بيتر : عيوني هجبلك حتت عربيه بقى واو
**** ( بقلم : هند محمد ) ****
( وبعد كام يوم بعد ما بيتر اشتري لبتول العربيه )
ابو بتول : انتي بتتحديني ؟
بتول : يا بابا دا مش تحدي ، انا متمرمطه في الموصلات ، من المستشفى للعياده للبيت ، طب لما كنت سكنه معاكم كنت بستخدم المترو لاكن انا دلوقتي في مدينة بدر هاجي ازاي بقى من بدر للعباسيه كل يوم ؟
أبو بتول : هتمشي الطريق دا كلو لوحدك لا انا اخاف عليكي
ام بتول : من ايه بس ماهي بتعرف تسوق
أبو بتول : الطريق مش امان ومليان مجرمين
بتول : فين دا يا بابا ما الدنيا زي الفل اهو وبعدين لو ربنا كتبلي حاجه هشوفها هشوفها ربنا كاتب كل حاجه
ابو بتول : انا قولت مفيش عربيات
بتول : طب وبيتر اللي اشتري العربيه دا اعمل فيه ايه اخليه يرجعها ؟
**** ( بقلم : هند محمد ) ****
أم بيتر : طبعا ما اصل فلوس امه كتير
أبو بيتر : الله مش مراته و عادي يشتري لها عربيه
أم بيتر : وأبوها ميجبلهاش ليه هو عندو غيرها ؟
هيفضل يحوش و يكنز لحد امتى هو عندو غير بنت واحده ؟
ابو بيتر : ملناش داعوه بالكلام دا خلينا في نفسنا
سالي : يعني يا ماما انا لما اتجوز وجوزي يجبلي عربيه هتقولي نفس الكلام ؟
أم بيتر : "
"
،
أبو بيتر : ما تردي ساكته ليه ولا انتي لما نقول الحق تسكوتي ؟
أم بيتر : انا هقوم من وشكم عشان انا مهما عملت مبيتمرش ( وقامت وسابتهم )
سالي : ماما دي ما بتصدق تلاقي مشكله وتمسك فيها
أبو بيتر : نصيحه مني يا بنتي تتجوزي واحد امه وابوه ميتين وكمان ميكنش له اخوات
**** ( بقلم : هند محمد ) ****
( ويوم ورا يوم بيعدي وكل يوم بتول تكلم بابها تطمنه انها وصلت البيت او وصلت الشغل وكل اسبوع بتول و بيتر يروح يكوي لابو بتول هدومه وفي يوم )
بتول : بيتر حبيبي
بيتر : نعم يا روحي ؟
بتول : متفقناش يعني هنسميه ايه ؟
بيتر : مين دا اللي هنسميه ايه ؟
بتول : الله ما تسيب الموبايل وتركز معايا شويه
بيتر : الموبايل بيخرف الارقام بتتمسح لوحدها
بتول : جبلك واحد جديد احسن سيبك من دا ، ولا اقولك انا كان نفسي اجيب موبايل كبير شويه انت خد بتاعي وانا هشتري واحد تاني
بيتر : هو بتاعك حلو بس انا واخد ان الموبايل يكون صغير و a7 كبير
بتول : لا دا حلو والله هتحبه انا هجيب ايباد منه موبايل ومنه ادخل على النت و أنزل لعب برحتي
بيتر : ماشي اللي تشوفيه
بتول : طيب مانت ما قولتش هتسميه ايه ؟
بيتر : مين دا اللي هسميه دا ؟
بتول : ( باصت على بطنها ) النونو يا بيتر
بيتر : نونو ؟ هو انتي حامل ؟
بتول : في الشهر التاني
بيتر : ( قرب منها ومسك اديها ) لا بتهزري ؟
بتول : وحياتك عندي انا حامل
بيتر : ياااااه أخيرا هكون اب اخيرا
بصي بقى انا هسميه على اسم حبيبي وروح قلبي
بتول : مين بابا ؟
بيتر : بابا مين ابوكي لا طبعا ، انا هسميه رينالدو
بتول : رينالدو ؟ لالا نسميه على اسم بابا او باباك
بيتر : لا هو رينالدو عشان يطلع لعيب زيه ولو مش عجبك رينالدو يبقى نسميه ميسي
بتول : طب لو بنت ؟
بيتر : لو بنت هسنيها سلنديون او فرجنيا
بتول : او جوليا
بيتر : لا جوليا بيئه
**** ( بقلم : هند محمد ) ****
أم بيتر : ايه اللي معاك دا انت جبت موبايل شبه بتاع بتول ؟
بيتر : اصل موبايلي القديم كان بيخرف فا بتول ادتني بتاعها بدل ما اشتري واحد جديد
ام بيتر : طب وهي خادت بتاعك القديم ؟
بيتر : لا اشترت لها ايباد جديد
ام بيتر : ايباد زي اللي عند اختك الكبير دا ؟
بيتر : اه بس احدث حاجه بقى
ام بيتر : وطبعا انت اللي دافع فلوسه
بيتر : هيفرق معاكي مين اللي دافع ؟
**** ( بقلم : هند محمد ) ****
أبو بتول : اه طبعا لما اشتريلك موبايل اول ما نزل ب 3500 جنيه وهو دلوقتي يضحك عليكي ويخدو منك ويشتريلك ايباد ب 1200 جنيه دا يبقى ايه
بتول : يا بابا انا اللي قولتلو خد بتاعي وانا هشتري ايباد هو تاني يوم نزل واشتري يعني هو مش مستخسر فيه حاجه وكمان العربيه اشتراهالي ومخدش مني حاجه
ام بتول : يعيش ويجبلك
أبو بتول : يعيش ويجبلها بس مايخودش منها حاجه
بتول : يا بابا حضرتك بتفكر بطريقه غريبه
ابو بتول : انا مجنون يا ستي انا مريض عاوزه حاجه تاني ؟
بتول : "
"
"
أبو بتول : مش بتردي طبعا ، مانتي غلطانه
بتول : بابا انا ماشيه
ام بتول : راحه فين ؟
بتول : مروحه ( وقامت ومشيت )
ام بتول : عجبك كدا ؟
**** ( بقلم : هند محمد ) ****
بيتر : ( بيكلم بتول في الفون وهي لسه في العربيه في طريقها للبيت ) طب ليه بس روحتي ؟
بتول : عادي حسيت اني تعبانه فا روحت
بيتر : طيب انا هقوم اهو
بتول : لالا خليك اتغدي وقضي اليوم وانا هروح و هنام
بيتر : طيب انا هتغدا واجيلك
بتول : ماشي حبيبي هتوحشني
بيتر : وانتي كمان هتوحشيني اوي
بتول : باي باي
بيتر : باي باي ( وقفل )
سالي : ( كانت وقفه وراه ) دا ايه الرومانسيه دي، هتوحشيني ، باي باي ، جوز عصافير يا خواتي ؟
بيتر : ياساتر من القر امسكي الخشب
**** ( بقلم : هند محمد ) ****
( وبعد الغدا بيتر قعد شويه وروح اول ما دخل الشقه ) بتول ، بتول ( دور عليها في الشقه كلها ملقهاش ) الله راحت فين دي ( طلع موبايله وحاول يكلمها جرس و محدش بيرد ، فا نزل تاني يشوف عربيتها مركونه في الجراش ولا لا ، نزل بيتر لقى العربيه مركونه من بعيد ) الله ما العربيه اها اومال هي فين ( طلع التليفون واتصل تاني فا سمع صوت الموبايل ) الله هو الموبايل في العربيه ولا ايه ؟
( بيتر قرب من العربيه وبيبص فيها لقى بتول نايمه على الكنبه اللي ورا اتخض عليها فقرب من الباب جه يفتحه من الاكره فا لقه مفتوح ، بعد ما فتح الباب بيبص على بتول اللي نيمه على الكنب لقها كلها دم وشنطتها مرميه جنبها ) بتول بتول حبيبتي
( قرب منها وحاول يفوقها ) بتول ردي عليا بتول بتول
( نيمها تاني وقفل الباب وحاول يسوق العربيه بس ملقاش المفتاح فا رجع و فتح الباب بسرعه واخد بتول وجري بيها على العربيه بتعته وجري بيها على اقرب مستشفى )
**** ( بقلم : هند محمد ) ****
ابو بتول : بنتي مالها يا بيتر انطق عملت في بنتي ايه ؟
بيتر : ( بمنتهى الانفعال والغضب والصوت العالي ) انا مش عاوز اسمع صوت ، هي دلوقتي في اوضة العمليات مش عاوز اسمع صوت لحد ما تخرج
ام بيتر : طمنى طيب هي مالها ؟
بيتر : كل اللي اعرفه ان في حد ضربها بسلاح ابيض في بطنها طعنتين غير كدا معرفش ، انا اصلا مش عارف جيت بيها هنا ازاي ؟
أبو بيتر : خير ان شاء الله ادعولها وصلولها
ام بتول : يا رب قومها بالسلامه يا رب دانا معنديش غيره
ابو بتول : اكيد انت عشان ظابط حد متغاظ منك فا حاول ينتقم في بنتي ؟ بس انا مش هسكت انا مش هرجعهالك تاني انت مقدرتش تحميها
ام بيتر : وهو هيعمل لها ايه ؟
بيتر : ( بغضب ) قولت مش عاوز اسمع صوت ( وخبط بأيدو على الحيطه )
سالي : طب اهدي وأدعيلها وصليلها يا بيتر
بيتر : يا رب متحرمنيش منها يا رب
( خرج الدكتور من غرفت العمليات )
بيتر : طمني يا دكتور ؟
الدكتور : انا اااا اسف البقاء لله
بيتر : ( جه يتكلم صوته مش طالع ) يعني ايه البقاء لله ؟
ماتت ؟
حبيبتي ماتت ؟
( و فضل يلف حولين نفسه ) ام ابني اللي لسه مشفتوش ماتت ؟
طب ابني ؟ ولا بنتي ؟ دانا حتى معرفتش نوع الجنين ايه ؟
ابو بتول : ( وقع على الارض من غير مايقول و لا كلمه )
ام بتول : هاااااااااا الحقني يا دكتور
الدكتور : انت رايح فين ممنوع الدخول
بيتر : ( زق الدكتور الدكتور اتنطر على الحيطه ودخل غرفت العمليات اللي اول ما دخل لقها نايمه ومتغطيه كلها حتى وشها )
كدا سبتيني لوحدي ؟
بيتر : طب انا ههزر مع مين دلوقتي ؟
هفضفض و واحكي كل اللي في قلبي لمين دلوقتي يا حبيبي ؟
انا عمري ما تخيلت انك ممكن تسبيني بسرعه كدا ؟
انا مش معترض على حكم ربنا بس انتي هتوحشيني اوي يا حبيبتي يا ريتني كنت انا اللي مت وانتي لا ، بحبك اوي اوي مش هنساكي عمري و لا هسيب تارك ، هجيب الكلب اللي عمل كدا و هقتله هخنقه بايدي
**** ( بقلم : هند محمد ) ****
( وبعد دفن بتول بعد التحقيقات والكلام دا )
بيتر : الحمد لله يا عمي مسكنا اللي عمل كدا
أبو بتول : ( وهو على السرير ) بجد مين دا و ليه عمل كدا ؟
بيتر : ابن البواب الصغير ، الكلب حاول يسرقها وهي نزله من العربيه ولما لقى الجراش فاضي حاول يعتدي عليها بس هي ضربته ولما حولت تصوت وتستنجد بالناس طلع مطوي وضربها مرتين اول طعنه في بطنها وتاني طعنه كانت في الرحم والطعنه دي هي اللي عملت النزيف واللي كانت السبب في موت حبيبتي ( دموعه نزلت )
ام بتول : انت عرفت الكلام دا ازاي ؟
بيتر : من كميرات المرقبه اللي في الجراش النيابه فضت الكميرات والولد اتجاب واعترف
أبو بتول : الواد دا لازم يتعدم يا بيتر لازم يموت
بيتر : ( بقلت حيله ) ياريت يا ريت لو بايدا كنت قطعته حتت بس للاسف مش هيتعدم ولا هيتسجن اكتر من 15 سنه ويمكن اقل كمان
أم بتول : ازاي ؟
بيتر : الواد عندو 16 سنه يعني في نظر القانون طفل
أبو بتول : يموت بنتي وتقولي طفل ،؟ يعتدي عليها ويسرقها ويقتلها وتقولي طفل ؟
بيتر : هو حاول يعتدي عليها بس مقدرش ، بس ارجع واقولك هي دي القونين من سن يوم لحد 18 سنه بيتعامل أمام القانون على انه طفل
**** ( بقلم : هند محمد ) ****
ام بيتر : التحقيق خلص و الواد اتسجن وخد 7 سنين و بقالنا سناتين على الحال دا ، تقدر تقولي هتفضل قاعد كدا لوحدك لحد امتي ؟
بيتر : لحد اخر يوم في عمري ، انا مش هسيب شقتي
ام بيتر : طب روح يوم ولا اتنين بلاش كل يوم كدا ؟
بيتر : ماما انا مرتاح كدا
ام بيتر : بس انا مش مرتاحه ، يا حبيبي العمر بيجري وانا بصراحه كدا جيبالك عروسه
بيتر : وانا مينفعش اتجوز
ام بيتر : ليه بقى نقصك ايه ؟
بيتر : مينفعش عشان انا متجوز ، هو انا ينفع اتجوز اتنين ؟
ام بيتر : اتنين ؟
بيتر : انا متجوز بتول وهي دي مراتي اللي هتفضل على زمتي وبس ومش هتجوز غيرها ،وسلام بقى عشان الوقت اتاخر ( وسبها و مشي )
ام بيتر : بيتر بيتر اسمعني بس
مشي ولا عبرني ، ماشي يا بيتر انا وراك والزمن طويل
**** ( بقلم : هند محمد ) ****
( وصل بيتر شقته ووقف قصاد صورة الزفاف بتعته هو وبتول )
بيتر : شفتي يا حبي ماما عاوزني اتجوز عليكي
افتكرتني نسيتك ، طب انساكي أزاي وانتي كل حاجه عندي في دنيتي
اطمني يا قلبي وطمني ابننا انا عمري ما هتجوز ولا هحب غيرك
عارفه ليه ؟
عشان حبنا مش هقدر انساه
حب بيتر وبتول حب لا يموت
النهاية
بقلم : هند محمد ( isis )