الخذلان

البارت السابع

البارت السابع…
#الخذلان… .
#بقلمي_شمس…

باعي لج ميار اتقي شري .. ترى ماارحمج ..
ميار .. شنو تهديديني ايدج وماتنطي متخوفيني ..
قابل شتسويلي ..

هاله .. ميار اتركيهن ذني صنف زباله هي واختها ..
الي تنهزم وي حبيبها وتبيع نفسها الولد ..
شتتوقعين منهن يمكن حتى نهله قشمرت امير بهاي السوالف ..شمس

خطيه هاله بعدهي ممكمله ودارن عليها الاخوات اثنينهن ..
شبعنها ضرب واني وعلياء نسحب بيهن ومانگدر ..
وعلياء بس تضحك وفرحانه ..
تگول وربي فلم اكشن هنا كل يوم ضرب ..

دور باوعت الهاله .. گالتلها انتي ماتوبين كل يوم مبسوطه ..

اجو خواني دخلت مالي خلگ مشاكلهم .. ودخلت امي بس ماقبلت ..
گالت خاف يتكاتلون ..
وفعلا .. محمد من شاف اخت نهله تخبل وسحلها راد يطردها ..
وامير ضربه وگاله طفله وغلطت . 
ومدام اختها هنا تدخل وتطلع براحتها والي ميعجبه يطلع ..
محمد .. هاله لمي ملابسج وامشينا نطلع ..
وعود اريد حصتي تجي وراي بعد مااتحمل البيت. .
انت ومرتك مسيطرين بي ..

امي تبوس بمحمد وتتوسل يبقى وهو مايسمع .. اخذ مرته وملابسهم وطلعوا ..

والحيه تضحك هي واختها ..

اووووف الله ينتقم منجن ..
سمعتني نهله .. همست بأذني .

لتخافين يجيج الدور ان شاء الله ..

هزيت ايدي واخذت امي ودخلنا للغرفه ..شمس

گعدت ع السرير تبجي ..
اولادي راح يتشردون ويتفككون من ورى هاي العاگر شلون بيها ماترتاح اذا ماتشرنا كلنا بالشارع ..

يمه شبيج هي بكيفها تشمرنا النا حصه بالبيت والمحلات مو بكيفها ..

امي .. ماتشوفين شلون مخليه امير خاتم بأصبعها وكل يوم معارك اخوانه عمودها ..
نسيتي شلون تحرضه عليج ..
وانتي بعد معليج بيها لاتتلاشين وياها ..
اذا حطتج ببالها تخليهم يبطلوج ..
لو تذب تهيمه عليج ..

يمه صدگ تحجين هي بكيفها تتهمني ..
امي .. اي يمه تقرا براس اخوج ويصدگ

لاتخافين يمه ماتسوي شي خليها تحجي بكيفها ..

اني اواسي بأمي بس بداخلي كلشي اتوقع منها نهله

امي هدأت ونامت .. واني گعدت ع سريري .. اجاني مسج ..شمس

مشغوله لو لا

هههههه كنت بفلم اكشن هسا خلص

ماادري بيج تحبين افلام الاكشن

وداعتك مااحبها بس صارت ببيتنا .. وكنت مجبوره احضرها ..

ههههه گولي هيج

ميمو شنو سبب حزنج .. اهلج لو شخص ثاني

شتقصد بشخص ثاني

مااعرف الي يقرأ منشوراتج يتوقع احد عزيز عليج خذلج

يعني مايخذلني الا الشخص الي تفكر بي..

اني الي خذلوني اهلي او اخواني ..
بجبروتهم وطغيانهم .. تدري اني طلعلي طب اسنان ورفضوا اداوم خاف اصير دكتوره واتكبر عليهم ..

معقوله اكو هيج ناس تفكر ..

واكثر لو تشوف الي اشوفه كل يوم كان متت قهر مو بس حزن ..

لعد حالي ارحم منج ..

بس انت ماعندك احد يضوجك ..

صحيح ماعندي. احد .. بس البارحه اخوي وزوجته تعاركوا بسببي. لان تغسل ملابسي وتنضف غرفتي ..
تگوله خلي يتزوج اني مو خدامه ..
لو يشوفله مكان ويطلع اريد ا تاح واخذ راحتي ..

هههههه معقوله .. قابل انت شمأثر عليها اشو من الصبح لليل طالع ..شمس

ماادري وهسا داافكر اعزل الطابق الفوگ الي واطلع درج وحدي وارتاح ويرتاحون ..
وعود اخواتي يجن ينضفن ويغسلن ملابسي ..

والله مااعرف شنو اگلك .. طلعنا اثنينا نفس الوضع

ههههه يعني اكو شي بينا مشترك .

امممم شنو قصدك

انتي كلشي تفهمين وتلگفيها وهي طايره بس تحبين تشلعين گلبي ..

هههههه

دوووم هالضحكه ..

تسلم…

استمرينا اني واسمر ع هذا الوضع اثنينا ..
وحتى بالگروب هو يدز شعر
واني ارد عليه
ويرجع يرد ع شعري ..

حتى الي بالگروب كولها عبالها حبيبين .

اني تعلقت بي وهو تعلق بيه ..

علاقتنا تطورت وگمت احس بمشاعر اتجاهه وبيوم الي مااراسله احس نقص بحياتي ..

وسام ايضا ماتركني بين فتره وفتره يمر ..
وحتى يتصل بس مااطول وياه ولاانطي فرصه
خفت يتعود ويتأمل .. واني مشاعري اتجهت الشخص ثاني ..

وبيوم من الايام طلب مني اسمر .. انه يتصل ويسمع صوتي ..

بالاول ترددت وتالي گتله خليها ع الليل لان هسا خفت احد يسمعنا ..
بالليل ماما تنام ومتحس ع نفسها ..

مااعرف ليش بيومها العصريه صارت شطولها ..

اريد بس الليل يجي .. شمس

وحتى لفتت الانتباه. .. نهله تگولي شعندج كل ساعه تباعين ع الساعه لازم عندج موعد ..
اعرفج صرتي بالجامعه وطلعت عينج ..
وخاف عبالج اخوانج مموجودين وبكيفج تلعبين ..

ترى عيني عليج ..

هههههه هزيت ايدي ودخلن للغرفه ..

لازم احسب حساب التصرفاتي ..
واجه الليل واخيرا ..
سويتلهم مخلمه ع السريع ودخلت ..

بحجة عندي امتحان .. اقرأ وعيني ع الساعه

شيجيب الساعه 11 الكل صاعدة الغرفهم والي نايمين
باوعت الماما نامت خطيه ..
غطيتها مااتحركت ..

رجعت المكاني خليت الهتفونات ..
وراسلته .

گال راح اتصل ..

گتله اوك

واول مگتله الو

صاح آخ يابه ..شمس

صوت لو كناري

اسمممر واجر بالكلمه لتخجلني ترا اغلقه

ههههه يروحلج فدوه اسمر واهله .. متگليلي شنو من صوت ..

ههههههه خجلت

اموت ع الي يخجل ..

ملاحظ انت جريئ بكلامك ..

خلص ميمو بعد مااتحمل ومااگدر اخفي مشاعري
لازم نتقابل بأقرب وقت ..
صارلنه شهرين گاضيها مراسلات ..

اوك بعدين نتفق هسا راح اغلقه ليسمعنا احد

اوك مااريد اسويلج مشاكل .. سمعت صوتج يكفيني

غلقته ..
اجاني مقطع صوت
فتحته .. دز اول مرة تحب يقلبي واول يوم اتهنى
اغنيه عبد الحليم حافظ ..

ههههه شنو شفت مني وحبيتني جايز محلوه .. تروح تنهبط من تشوفني ..
#يقلمي_شمس
يتبع…

…