برلومه

2

دخلو معاي جوه قطعو لي التذاكر وركبوني البص ودعتهم وأنا ببكي وتاني مشو 😭😣😭😭قعدت جنب الشبااااااااك وبعاين ليهم ببكي 😭😭😭😭جا ولد سمح سماحه تقول من سلالة سيدنا يوسف عليه السلام 😍قعد جنبي ما إشتغلت بيه وأنا لسه ببكي لحدي ما البص إتحرك الساعه 7و30 لمن الولد إتحير فيني 😞😞مد لي منديل 😊قلت ليه شكراً ما دايره 😑قال لي براحتك وختاه قدامي بعد شويه شلتو ومسحت دموعي 😂😢تاني فتحت تلفوني دخلت فيس تلجرام.والبقيه لقيت الرسايل تتطاير تخيت التلفون لحدي ما إنتهو شلتو لقيتها كل وداع وتصلي بالسلامه ووووو لمن لقيتهم كتار خليتهم ابيت ارد اقر وامرق 😂😂😂لحدي ما زهجت ركبت سماعاتي وفتحت قرآن بصوت قارئي المفضل هزاع البلوشي ونمت وأنا متكله براسي في قزاز الشباك 😂بعد 3 ساعات اخدنا كونكشن في حته كده إسمها فداسي 😍قعدنا زي نص ساعه وتاني إتحركنا ما قدرت أنوم والتلفون ما فيه موضوع 😩😥😫😖ما عرفت أعمل شنو بقيت أعاين بالشباك للناس تاني زهجت بقيت أتململ زي القاعده في شوك ما عارفه اعمل شنو 😢😖والصنم الجنبي ده بس شغال في تلفونو يتبسم سااااااي 😂😂الشمار حارقني بقيت بتاوق وبعاين بطرف عيني لقيتو بتكلم مع زول اسمو P6 من الكلام فهمت إنها بت وشكلها حبيبتو 😂تاني دخل لزول وكاتب ليه (اها وقعتها ولا لسه 😏)رد ليه (اصبر بس قررربت 👺👹)أنا بقيت منططه عيوني 😨😨😨وقلت فسري الولد بلعب بي البت غايتو اولاد الزمن ديل اصلهم ما نافعين غايتو الله يحفظني 😍بلعبو ببنات الناس وناسيين أخواتهم 😔واصلا البت ما تخت ثقتها في اي ولد 😁ما تثق إلا البجيها بالباب 😍. لكن الزمن ده الحمدلله الناس ما شغاله بده حلال ولا حرام 😔,المهم بطني طمت من الولد ونفسي قفلت ودايره اقوم منو باي طريقه المهم عدة 4 ساعات تانيه عشان وصلنا 😍زي الساعه 2و30 نزلت وبقيت واقفه في الشارع ومعاي شنطي ومنتظره عمي 😘أثناء ما أنا واقفه اشوف ضل زول جايي علي افتكرتو عمي 😍طوالي اتلفت القاه الزفت الكان قاعد جنبي 😒قال لي منتظره زول 😊قلت ليه وبلوي في خشمي اااايوة منتظره زول 😏لمن شفتك متحيره قلت امكن ما بتعرفي زول شكلك جديده على البلد 😊😄 قلت ليه أنا من القضارف 😑😑قال لي ما ظاهر عليك 😂قلت ما لازم 😒قال لي ما ليك بتردي من طرف نخرتك 😂قلت ليه لاني ما طايقاك وجااااييني تخافف وتتظارف 😒قال لي صريحه يا بت لكن أنا أسف ومشى, قلت ليه تسف التراب 😂عمي جا لقاني بتكلم براي قال لي مالك جنيتي ولا شنو 😂سكت ساي. سلم علي وقال لي أبوي الأمانه وصلت ما تخاف بنختها في عيونا 😍ركبت العربيه وصلني الداخليه الساعه4 دخل لي شنطي وقال لي لو محتاجه لحاجه اتصلي لي قلت حاضر ومشى 😀😊.
دخلت الغرفه ولقيت 3 بنات وحده فلسطينه إسمها زينه ووحده شهادة عربية الإمارات إسمها براءه ووحدة جايه من مدني إسمها لجين 😍سلمت عليهم واخدت حمام ونومت صحيت زي الساعه 8 رتبت ملابسي في الدولاب وبقيت قاعده متحيره ما عارفه اسوي شنو وجعااااانه 😣😣😣وديلك يتونسن حسو بي متحيره جوني لجين قالت لي مالك 😊قلت ليها جعانه 😄براءه قالت لي ليه إتكلمتي نحنا زي اخواتك ما تخجلي مننا 😍زينه قالت أعتبري نفسك في بيتك ومترحك نحنا موجودين للخدمه 😍إتصلو لمطعم وجاب الأكل ديلفري 😍مشينا تحت جبنا الأكل ومشينا السطوح فرشنا ملايه وقعدنا ناكل ونتونس ولسه ما سألتهم من إسمهم 😂😂😂طبعا طلعو برلومات زي قلت الحمدلله لقيت جماعه معاي سألوني من إسمي قلت ليهم غزلان 😍وقالو لي نحنا براءه وزينه ولجين إتشرفنا 😍😙نزلنا لغرفتنا أنا نومته لانو كنت تعبانه.
صحيت يوم الجمعه الساعه 1 مشيت استحميت وصليت الضهر وقعدت مع البنات طلعو مشاء الله ظريفات 😍😘لحدي العصر قالو نطلع جهزنا كلنا لبسنا محترم إلا براءه لابسه فستان اكمامو نص والشعر بره غايتو اليوم داك سمعتي في الواطه كانت 😂وديني حتات كده اول مره اشوفها 😂قلت التقول ما من القضارف 😂قالو لي الحاله انت من القضارف نحنا بنعرفها اكتر منك 😂قلت ليهم الحتات دي ما بجيها بس نمش ناس كدو ولعماتي وكده رجعنا الساعه 6و30,والسبت ما كان في شي بس نحنوم في الداخليه ونقعد في النجيله ونقطعها 😂😂😂😂لحدي المساء جا وصلينا العشاء ونمنا 😍.
يتبع....