*باك فلاش*
طارق و منابع في كافتيريا الجامعه ..
طارق : حاسي الذنب من الكلام القلتو لي ايسن
منابع: هههههههه ليه الحقيقه دايما بتوجع
طارق: انا ما عارف طاوعتك ليه
منابع : انت طاوعتني عشان هدفنا واحد
انت بتغير من موتمن و انا عايزة موتمن 😉
طارق: عايزة موتمن وانا بحبك و انتي عارفه و بعدين كلامك دا ما قلتيهو لي ليه قبل اتواصل مع ايسن ؟
منابع : لو قلتو ما كان عملتا الانا بسعي ليهو
طارق : دخل ليهو اتصال من صاحبو مؤعيد قال ليها تعال لي براا
منابع : شغلت طارق و خلتو نسي تلفونو
طارق طلع بعد منابع اتاكدت انه مشي بعيد
شالت التلفون ، و دخلت علي المحادثات والرسايل الكانت بين طارق و ايسن و عملت ليها اسكرين و رسلتهم في تلفونها ..
ماسكة تلفون طارق في يدها ، طارق جا
وعمل نفسو ما شافا ،، و كملو كلامهم .
منابع : زي ما وريتك انت ما اذيت ايسن بحاجه يعني ريح ضميرك 😒
طارق : الحصل دا يتقفل مافي زول يعرفو
منابع : اكيد يا طروقي 😘
*نرجع للواقع
موتمن مصدوووووم
طلع من الدردشة و خلي منابع الدنيا لافه بيهووو مسك راسو وبقت الصدمة صدمتين ، في طارق و في ايسن ..
طلع الشارع و خش علي رقم آيسن بأتصال
م ردت جرس و مافي رد ..
ركب عربيتو و ساق بي غضب عامي عيونو
و يسب و يلعن و يخبط في العربيه بي يدو😢
جا ماري بي شارع مدرسه ثانويه
و ما حس الا بي نفسو ضارب واحد بالعربيه
مخلوع و مذهول قاعد في العربيه
ما نزل الا لمن الناس اتلمت ، جوطه و كوراح و موتمن في موقف لا يحسد عليه ،،
تقريبا ما حاسي بالحاصل حولينو ، فجاه لقي نفسو في القسم
و اهل البت اخوانها الاتنين ينبذو ما خلو ليهو حاجه و موتمن ساكت ، مافي غير ماهر صاحبو شريكو في الشركة الجا عليهو ، فجاه
موتمن بسال ماهر : البت كيف يا ماهر 😢
قاليهو انا قتلتها والله ما بقصد والله ما بقصد ياماهر 😢😢😢
ماهر: موتمن اهدا البت اهلها مخلوعين كل الفيها كسور و ردوخ
موتمن : طيب انا هنا ليه 😥
ماهر : اهل البت طالبين تعويض و متعصبين شديد
موتمن : طلعني من هنا الدايرنو ياخدوو
(في جانب اخر )
تلفون مؤتمن بيرن ، اتصال من ايسن ّو التلفون مع الحادث وقع ، تحت كرسي العربيه 😥😥
_ ماهر مع اهل البنت
انتو طلباتكم كلها حننفذا ليكم مافي داعي لوجودنا هنا
المحقق : الزول دا سايق بسرعه في طريق مدرسه دي براها عقوبه
ماهر : والله دا ما العادي بتاعو بس الليله هو عيان وماري بي ظروف وانحنا بنعتذر و بالنسبه لاهل البنت ، الدايرنو نحن بننفذو ليهم
المحقق : انحنا من جانبنا بندفعو غرامة
اما الباقي تتمو مع اهل المريضه
ماهر : تمام يا افندم 👮
فات اليوم دا بي مرارتو كلهاا مافيهو حاجه حلوة بالنسبه لمؤتمن ، ماهر حل الامور كلها و رجع موتمن البيت ..
_فاتو يومين موتمن فقد تلفونو
و اتذكر آيسن
قام زي المجنون بفتش في التلفون قلب غرفتو فوق تحت ، جات اسماء تطمن عليهو شافتو اتخلعت 😳
اسماء: موتمن قول بسم الله يا اخوي مالك
موتمن : ..... مافي رد
اسماء: موتمن رد علي طيب بتفتش شنو ، اساعدك
موتمن : داير تلفوني
اسماء : كنت خاتيهو وين
موتمن : بي صوت عالي ، يعني انا لو عارف محلو بفتشو ليه 😡😡😡😡
اسماء بقت تفتش معاهووو ما لقو
_بعد نص ساعه
جا ماهر يتطمن علي موتمن ّ
و معاهو تلفون موتمن ،
موتمن : قاليهو شفت تلفوني ؟
ماهر: اي اصلا جيت هشان اجيبو ليك ، كان واقع نحت كرسي العربيه
موتمن : شال التلفون و بقي بينهق كدا وملامح وشو مقلوبه جا يفتحو لقاهو مقفول طافي شحن ،،
ماهر : خطف من يدو التلفون و شالو ختا ف الشاحن و جر الكرسي و قعد قدام موتمن 😑
ماهر : ممكن اعرف فيك شنو ؟
موتمن : ماغيني حاجه
ماهر : بس حالك بيقول عكس كدا
موتمن : مالو حالي ؟
ماهر : موتمن احكي لي انحنا اسرارنا مع بعض و حاليا انا الحقيف معاك ،
موتمن: ... سكت مسافه و ابتدا يحكي ليهوووو ... الخ
(في جانب تاني )
احمد ، متزكرين احمد ؟ احمد ود خاله فاطمة ود خاله ايسن ،،
راقد و بيسمع في صوت آيسن مع معزة
و نبرة صوتا البقي مدمن عليهااا ، ما عارف الحاصل عليهو شنو بس كل البعرفو انو لو ايسن رجعت الخرطوم حيضيع بي وراها 😓
و قرر انو يصارحا بي مشاعرووو ..
نرجع لي ماهر و موتمن ..
ماهر : اكيييد في حاجة غلط
انت ما فكرتا منابع دي حتستفيد شنو ؟
موتمن: ماعندي مخ افكر ، انا كل البعرفو اني بحب آيسن و لو فعلا عندها علاقه بي طارق ولد خالتي ، يبقي انا ما عندي اي مجال ،
و طارق من زمن الدوحه كنته بحكي ليهو عن ايسن و عارف ايسن بتعني لي شنو ..
ماهر : انا اتاكدت انو في حاجه غلط
انا برجع ليك في السهرة اسي امي عندها مواعيد مع الدكتور لازم امشي اوديها ،،
موتمن : لالا امشي انت انا موجود و اعفي لي شيلتك حمل الشغل بس والله ما قادر اداوم
ماهر: يا مان معقول دا كلامك ، اطمن الشغل ماشي تمام ..
_موتمن مشا علي التلفون فتحو :
لقا 2 مكالمة فائته : من ايسن ، اتخلع
_في نفس اللحظة
احمد انفرد بي ايسن و قرر انو يفاتحا
ايسن : مالك يا احمد جبتني مقعدني و ساكت ، قول عندك شنو عشان ماشه مواعيد الرياضه 😂 وانت عارررر...
قاطعه احمد : انا بحبك يا ايسن
ايسن : 😳😳😳😳😳😳😳😳😳
تحب شنو ؟
احمد : بحبك انتي والله 😢
ايسن : سرحت و اتزكرن كلام طارق .....
يتبع ....