الساعه الخامسة مساء
بيت اسرة ميسورة الحال ، بيت مرتب و رغم بساطته لكن بارزة فيهو اناقه و هدوء غريب
نتعرف علي الاسرة ..
الاب : عمر احمد الهادي (زول واعي و راقي شديد )
الام : رجاء(طيبه و بتحب اولادها و مهتمة بيهم)
اكبر الاولاد : محمد عمرو 26 سنة
آيسن :21 متفوقة في دراستا دخلت طب عام و انطوائيه لدرجة خلت الجامعه من اول سنه
اسلام : 18 سنة (مفتريه وصعبه)
طه :12 رغم صغر سنه لكن هادي وعاقل
فجأة / باب الغرفه بيخبط
الام : رجاء
يا بنات انا مش كلمتكم تجهزو من بدري ليكم تلاته ساعات قاعدات تلبسوو انا عايزة اعرف بتعملو شنو كل دا ، و يستمر التخبيط ع الباب ..الخ
فتحت الباب/ اسلام بنت جميله شديد ، طويله و رقيقه و سمراء البشرة شعرها طويل و عيونها وساع بأختصار جميلة ..
اسلام: يا امي براحه لكن ما ممكن كدا و بعدين انا لابسه وجاهزة لي نص ساعه بصحي في بتك دي ما دايرة تقوم تعالي اتفاهمي معاها
الام: والله انا اختك دي تعبتني شديد لمن بقيت ما عارفه اتعامل معاها كيف ،
مشت علي السرير و جرت اللحاف ، آيسن يا بتي قومي ايسن حبيبه امها قومي يا يمة
آيسن: بصوت مرهق
يا امي عليكي الله خليني انا كلمتك اكتر من مرة انا ما مشه معاكم اي عرس و انتي عارفه السبب بس خليني نايمة ( آيسن) متوسطه الطول #سمينة ملامحها جميله شديد احلا من اسلام، لونا قمحي و شعرا طويل شديد و عيونا وساع بس السمن ما بارز ملامحا الجماليه و لابسه نضاره نظر قدر البرواز مشنياها و تقويم زايد الطين بله..
نرجع للحوار
الام : يا بتي حلفتك تقومي تلبسي غيري جو لمتين انتي حتفضلي كدا نايمة 24 ساعه و دافنه روحك في الغرفه دي
آيسن : يا امي انا ما عندي حاجه حلوة اللبسا و ما مجهزة نفسي 😓
الام : يا اسلام ادي اختك حاجه من هدومك تمشي بيها انتي دولابك دا كلو هدووم
اسلام : يا امي 😡والله ما بديها بتوسعهم لي يا امي و انا مقاسي ما زي مقاسها ، اي حاجه بديها ليها تاني ما بتبقي قدري
آيسن : يا امي انا زاتي ما دايرة منها ولا دايرة امشي بس خلوني امشو انتو و بعدين انا اسماء قالت جايبه كيك😫 و جايه تقعد معاي .. (اسرة اسماء) اسماء بنت عمهم
ساكنين جيرانهم بالحيطه قدر آيسن عمرها21 بتقرا في جامعه هندسه معدات طبيه ..
ابوها ، صلاح الدين ( راجل ميسور الحال ملتزم )
امها ، عائشه زوله فارضه شخصيتا و قادرة زي ما بقولو 😑
اكبر اولادها (بطلنا) مُؤتمن 27 سنة مغترب قرا الجامعه برا السودان و حالياً بيشتغل في الدوحه مهندس طول ما جا السودان
اصغرهم مُيسر 19سنة
(نرجع للحوار )
اسلام : انا بس نفسي اعرف يا آيسن انتي بتجيبي النفس دي من وين لمن كمان دايرة تاكلي كيكة😑 ، انا لو مكانك حبة رز ما باكلا و من بيتنا دا ما بطلع خطوة ..
الام: اسلام عيب احترمي دي اختك الكبيرة ما صح تتكلمي معاها بالاسلوب دا
آيسن : يا امي خليها انا اصلا اتعودتا 😓
اطلعو يا امي ما تتاخرو بي سببي
اسلام : يا امي ارح عليكي الله خليكي منها
يتبع.....