في صباح يوم جميل يصحى اهل الريف باكرا
على اصوات زقزقة العصافير
واصوات حفيف الأشجار
كما لاتخلوو اشجارهم من الطيور العاشقه
ليتغازل البلابل بينهم
سهام ..
أصبحنا وأصبح الملك لله
ياالله يارزاق يارحيم يافتاح ياعليم
ربي استر علينه وعلى امة محمد احفظلي ابو بيتي واحفظ وليداتي هاني وجعفر وبلغني بيهم عراريس
..صباح الخير يمه
..هلا يبعد امك هلا بعزيز الروح جعفور يمه شلونك بالدراسه
..والله يايمه دامني اتصابح بوجهج انه زين وفوگ الزين الا ماگلتي هاني وأبوي وين
..أبوك بمضيفه وأخوك راح للولايه عنده شكم غرض يشريهن گبل لايروح الدوامه عمت عيني
..ألله يسهل يمه عينج سالمه
..يمه لاتعبين اني اجيبلج نرجس تجي تساعدج امي ام علاوي ماتگول
..يبعد امك گول امي وبس ليش دومك تسميها ام علاوي جنها غريبه عليك يمه تره هي امك اوله بيك مني
..يمه الأم الربت وهيه غاليه والله واغلى من العين لكت ماتوصل غلاتج يبعد العافيه
دنگ عليها باسها براسها ومن سمعته بجت من فرحتها
..ها هم بدينه يمه ولاتملين ولادموعج يبطلن
تضحك وتمتزج ضحكه بدموع
..هههه يمه موش بيدي
يله يمه انه طالع اروح للدوام ومناك امر اعله اهلي ذولاك واجيب نرجس وأجي خوش
..خوش يمه خوش الله وياك محروس من عين البشر
قدم هاني على الكليه العسكريه وانقبل بعد محاولات هواي من اهله يدخل غير كليه الى ان قنعهم ودخل الكليه المتمنيها
الجد حالته الصحيه تدهورت الأمور العشائريه تحولت كلها بأيد مسلم
جعفر..
طلعت وانه اتمشه بالسلف ورافع ايدي واسلم اعله اهلنه اهل السلف
..السلام عليكم شلونك عمي صيهود
..هلا بأبن الشيخ هلا بوليدي
..تريدلك عونه انه بالخدمه
..خادم ربك وليدي الف رحمه للرباك كلك شهامه
..الله يسلمك عمي .ماادري حمود موجود طالع
..وليدي هسه طلع
..جاخوش عمي انه اترخص
..الله وياك وليدي
صاح ام حمود ام حمود خايبه وين وليتي
..هاوو هنا أنه هنا شنهو التريده
..رايدلي قوري جاي اعدل بي راسي
..تامر امر شويه واجيبلك
حجت بصوت ناصي ..ادري دوم هوه الجاي موش زلمه عندي كلساع وندهني شلون بالله ماكضيش شغلي اليوم
صاحت خايبه هنا يمدلوله گعدي الدنيا ضهاري سليمه التطمج وتطم امج ولج الوين نايمه
..گاعده گاعده الناس تصبح على حجايه حلوه
انه اصبح اعله دعاوات امي يمه شمالج فدوه رحتلج شعندج علي
..خايبه كومي بعدج بفراشج ولج كومي نكمل شغلنه تگابليني ..صار يمه عود اصباح الخير
..اصباح الخير والعافيه
انه ريم بنت صيهود وامي اسمها نبعه احنه فلح بگيعان الشيخ ابوي يموت ع الشيخ وامي تگضيها النهار كله تدردم جا حض الشيخه سهام وحضي سوه مره مريضه گالوله ماتخلف واخذها ويتنوع الحلگها نسوان الله منطيها خو ماضيمي الذبني اعله صيهود
..يايمه شنهي شجاج جاشبي أبوي
..خابه ماتنلصمين ابووج والشيخ سوه خايبه فوگ الكباره الدلال
..يمه جا مايكفيجن المره مريضه
..شمالها مريضه جاماماتت كله دلال وتفسگن ماتعرفين حييل النسوان
..استغفري ربج يمه هذا كله حجي فهيمه ام مالك
اووف يالسلايف نار الشرج تبرد ونار نسوان الحمه ماتخمد
..خايبه الصمي وگومي شوفي شغلج ريت هالشوفه الغسل
..يا انعم الله عليج يمه گايمه هل گايمه
امي وابوي ماعدهم بس حمود وانه .حمود عمره ١٨
وانه عمري ١٥
انه ادرس السنه عندي بكلوريا ثالث متوسط
واخوي هم يمتحن سادس
احنه نقره وشطار نمتحن بالولايه
اشوف البنات يباوعلي صفح عودين هنه بنات الولايه وانه بنت الريف مايدرن انه كل نضره منهن تزيدني فخر من اشوفهن هيج اضل اذب حيلي بالقرايه اكثر
ارد اشوفهن بنت الريف الماعاجبتهن شلون تكسرن عينهن واكو بنات حبابات هنه يشجعني اكثر
احنه يجينه باص.. الشيخ ابو هاني يدفع تكاليفه
يوصلنه من الريف للولايه مدرسه بس ابتدائيه بالريف اعداديه ومتوسطه ندرسهن بلولايه
وياي سته من بنات اخوو الشيخ
مريم وبتول وحوراء خوات
دلال وزهراء ويقين بنات عمهن
بيهن اعداديه وبيهن متوسطه
نلبس عبي راس ومرتبين ولا يوم جبنه العيبه
المدرسات يحبنه كلش واكثريتنه شطار وبينه مستواهن عادي انه وحوراء نفس الصف
ماگتلكم الي يوصلنه وياه واهلنه مأمنينه بيدهم جعفر واخوي حمود و كاظم ابن اخو الشيخ
شاهد الله مايرفعون روسهم
نوبات من نضل نگرك وننسه ارواحنه
اشوفن جعفر يأشر الحوراء يخزرها واحنه ننخرس
جعفر بنات عمه يموتن علي ويردن خاطره
وانه وياهن اخاف منه من كثر خوفهن واحترامهن
هوه واخوي رفجه من الطفوله
السنه اخر سنه الهم يرحون كليات السنة التجي الله يعلم منهو يتكفل بينه
اسمعهم يداهرونه نوبات
حمود..جعفر بداعتي ياهوو الأگرب الگلبك علي لو هاني
..خاب شلك بهالسؤال
..هسه انت گلي
..علي احترمه وجبير وعلى راسي وعندي مكانته من مكانت ابوي واعمامي ونفس الشي حيدر ومشتاق كلهم اكبر مني بهواي وبيناتنه فرق جبير بالعمر
كاظم عزيزي واخوي وحسين وحسن كلهم احبهم وروحي فدوه الهم بس ماكوو مقارنه بينهم وبين هاني گدام كاظم ومايزعل مني
هاني لو خيروني بين اتركه لو يذبحوني الله يشهد علي انطي رگبتي وانه الممنون
كاظم ..
والله احنه هم نحبك ونحب هاني وانت حقك وعيت عليه وهوه هم يستاهل ماله غرض بكل احد بس انت عنده تسوه العرب كلها
..خايبين شايفينه هاني هذا العدكم قاسي وجدي والله ماكو اطيب من گلبه ماينام الليل اذا مايجي يشوفني يسولف وينشدني وينصحني
بيوم الأمرض يضل للصبح يمي ولكم انه وهاني خوتنه غير
..الله يديمها عليك ويحفظكم
..ويحفظكم الي كلكم اخوتي وحزام ضهري
من اسمعهم اتعجب جاهمه غير اخوه وذوله ولد عمه فديوم وسولفت حوراء وگتلها ولج
لو عندي مثل جعفر ابن عم شريد من الدنيا بعد
خايبه يجوز انتي من نصيبه
..يادهر فرج استغفري ربج ولج جعفر اخووي
..ياشنهي اخووج جاغير هوه ابن الشيخ
..اي سالفه طويله اشوي افهمج
فهمتني عليها وبذاك اليوم صفنت هاي السنين كلها ويدري ذوله عمامه وهاني ابن عمه وهيج مسودن عليهم
هاني ..
رجعت من الولايه وجبت كل احتياجاتي
السلام عليكم
..هلا بويه هلا بهاني شلونك هاا باجر ناوي تروح
..اي والله بويه
..مودع يبوك الله يحميك ابني مااوصيك انت عاقل ومايحتاجلك وصاه اريدك رافع راسي دوم
..ادلل بويه راسك دوم مرفوع
صاح يمه ..هلا يمه
هلا بيج احلى ام بالدنيا يمه حضرت
جنطتي باجر اودعكم
..مودع بالله يبعد امك ربي يحميك ويرفع شانك
..الله لايحرمني من دعائج ..يمه جعفر وين اليوم اريد اشبع منه
..يمه نشد عنك وطلع اضن وي اخوته لو وي ربعه
..جا خوش انه اخابره
خابر هاني جعفر
..الووو
..هلا بأخوي
..هلا بيك ضلعي خايب جعيفر اليوم لاتضل تسوع ولك ارد اشبع منك شوف باجر اروح للداوم
..جايك يخوك انه هم والله شايل هم فراگك من هسه
..الله كريم جايك انه
يله شباب انه اترخص اليوم اگضي وي هاني باجر يداوم
الله وياك سلملنه
يوصل
بيت ابو علي
..علي يمه خابرني جعفر يريد نرجس تساعد خالتي
..صار يمه خلها تروح
حسن ..يمه جعفر خطيه حيل ضايج على هاني مامتعود يفارگه
..عمت عيني يمه شبيدي عليه يتعوود
..احنه هم مانتركه يمه لاتخافين بس هوه وهاني غير
..بعد امك اخوكم هذا بالكم علي وخلوكم دوم حواليه ولاتنطون بي ادري مرات تسمعون حجي بس لاتهتمون تره حگه هاني مداري انتم يحبكم بس هاني يختلف عنده
..يمه لاتشيلين هم شحده الينطي بي وهاني هم اخونه صح هوه مايهتم بس الجعفر بس احنه نحترمه
..اي يمه هذا ضني بيكم
جانت القريه گلوبهم متصافيه ناس اكثرها على عيشتها تحب الخير والمساعده لكن كل مكان مايخله من الناس الي تخرب والحقد مالي گلوبها
فهيمه ام مالك زوجة عمهم كل همها تفرق الأخوه جعفر وهاني وتريدهم بس يتخاربون حاولت بكل الطرق ويوم عن يوم تقوه علاقتهم اكثر
وهذا الشي حيل مضايقها
فهيمه ..
خايب مالك
..ها يمه گولي
..صدگ باجر هاني يگولون يروح يداوم بكلية عسكر مدري شنهي
..هههههه اي يمه كليه عسكريه يعني يصير ظابط
..يادهر فر سهيمه هم شيخ وهم ظابط
..يمه ماتشيلينها من راسج المره مامأذيتج
..خاب انچب ولك وهذا جعفر ماناوي يتركهم ويرد لهله كاتلني هاني ابو خشم اليابس النهار كله محزم بسلاحه ويفتر هوه واخوو تگول عنده عشره موش هالواحد وبالأصل موش اخووه
..يمه الخاطر الله ماتعوفيهم هاني زلمه معدل وجعفر اخو خيته اخوانه ولد عمنه ليش هيج حاقده عليهم
ناصر ابنها الوسطاني
..يمه والله حگج انه هم موتيني ذول لا وعمامي وجدي عدهم ماكو هيج همه وجعفر عبالك هاني ابووه موش ابن عمه
..نويصر انت انجب جعفر وهاني اخوه انت وامك شغاثكم اطلع احسلي مو مال واحد يگعد وياكم
..خايب دفعة مردي ولي ..تعال يمه نويصر انت عزيزي وتعرف الي ابالي اريدك تفرگهم
..يمه مايتفارگون انتي ماشايفه هاني شلون يباوع الجعفر جنه ابوو ويفتخر بي بكلشي
..لازم نلگالنه حل
دلال بت فهيمه تحب جعفر ودوم ملهوفه علي بس هوه مامعبرها ويكره امها ومايريد يتواصل وياهم لأن تكره امه ودوم تسمعها حجي
جعفر راح الأهله البيت ابو علي
السلام عليكم
..وعليكم السلام هلا بويه جعيفر شلونك
..شلونك بويه صحتك عافيتك
..الحمدلله بخير كونك بخير ابوك امك شلونهم
..الحمدلله زينين ابوي وصاني يريدك العصر تمرله علمود البساتين گال بلغ ابوك وعلي
..صار بويه يدلل
..وين امي اريد اشوفها ..بحجرتها تلگاها
..ياالله .يمه يمه ..
..هلا يبعد امك فدوه رحت الطولك شلونك يرويحتي
..الله يسلمج بخير دامج بخير
يمه اريد نرجس وياي امي تعبانه
..بعيني يبعد امك اخذها اني العصر الحگم اشوف سهام
..كل الهلا بيج
جعفوري يمه
..هايمه گولي يمه ادري بيك راح تشتاگ لأخوك بس لو ضجت تعال تعلل يم اخوتك يبعد امك
..اي يمه مالي غنا عنهم
..فدوه رحتلك روح مااعطلك
..يله في امان الله ..الله وياك
جعفر ..
اووف گلبي قبط شلون بيه خلاف هاني
روحي من الدنيا هوه اخوي مستحيل اكو اخ مثله
الله يوفقه التليفونات موجوده ومانگطع نتواصل
وصلت البيت وصوت هاني گطع صفنتي
..لك جعيفر عود گتلك لاتسوع وين الك ساعه گتلي جاييك
..اعذرني يخوك والله مريت نور الشمس:
بهلي ذولاك ولك گلي شلون راح اتحمل فراگك
..الله كريم اخوي انت بگلبي والتليفونات موجوده
هلا نرجس شلونج
..هلا بيك خويه هاني كل الهلا انت شلونك
..الله يسلمج الحمدلله امي ام علي شلونها .اشوي تجي تشوفك گبل لاتروح
..كل الهلا بيها
هاني ..
جنت احب خالتي ام علي كلش طيبه مثل امي وهيه خالتي ومرت عمي واحترام الجعفر اسميها يمه
گضينه ذاك اليوم سوالف وضحك اني وجعفر وسهرنه
وحلفني الصبح مااطلع الا هوه وياي يزتني للشارع المكان السيارات توادعنه وبگلوبنه غصه اول مره راح نتفارگ .
يتبع
.
.