⚢
"May pinsan siyang tomboy, si R.A."
Uminom si Kaye, nakikinig.
"Nagpunta ako sa bahay ng kaibigan ko noong highschool, tapos nagkita kami ni R.A. Pinakilala kami sa isa't isa. Pati si Dhen-dhen, lalaking kapatid ni R.A, nakilala ko rin." Napainom sa baso si Rayne bago nagpatuloy. "Tapos, ayon."
"Ayon?" pagtakaka ni Kaye.
"Ayon."
"Anong ayon?"
"Ayon nga."
"Ayon ngang ano?"
"Ayon. . ."
"Kayo?"
"Huy, grabe. Hindi! Sinabi lang sa akin ng kaibigan ko kinabukasan na sinabi raw ni R.A. na 'maganda pala 'yong kaibigan mo' patungkol sa akin. Tapos hinihingi naman daw ni Dhen-dhen 'yong number ko," pagtatapos niya sa kwento sabay tawa. "Kinwento ko lang 'to para pakainin lalo 'yong ego ko."
Natatawa si Kaye. "Mukha nga, eh. Nararamdaman ko na 'yong ulo mo rito, lumalaki."
Lalong natawa si Rayne.
"Eh, 'di nga. Ayon lang? Hindi naging. . .hindi nagparamdam sa 'yo 'yong R.A.?"
"Hindi. More on sinasabi lang na crush. Tsaka alam ko, may girlfriend 'yon n'ong time na 'yon. Ako lang si 'happy crush' niya. Alam mo 'yon? Kapag nakikita, crush. Kapag hindi nakikita, unknown. Out of sight, out of mind ang peg."
"Eh, paano kung walang girlfriend si R.A. tapos. . .nagparamdam sa 'yo?"
"May quote unquote mahal pa 'yong 15 years old self ko noong time na 'to, eh. Alam mo na, taglandi."
"Sino?"
"Hindi mo kilala, eh."
"Alam ko," natatawang sabi ni Kaye. "It wouldn't hurt naman pag sinabi?"
"Higher batch. Schoolmate ko dati pero graduate na siya n'ong nagkakilala talaga kami."
"Walang name?"
"Sasabihin ko talaga?"
"Midnight confessions sabi mo?"
"Ang daya, ang dami mo nang tanong mula kanina."
"Bawi ka mamaya."
"Fine. Si Emman."
"Lalaki," banggit ni Kaye. Hindi ito tanong para kay Rayne, more on realization ang datingan. Isang fact. Katotohanan ng mundo na inilahad kay Kaye. "Okay." Ngiti. "Mayroon pa ba?"
Uminom muna si Rayne. Medyo kinabahan talaga siya sa tanong ni Kaye, hindi lang pinapahalata. Hindi dahil sa pampakain ng ego. More on, may naalala lang. Masyado pang sariwa kaya apektado pa rin siya.
Syempre, tao lang, may feelings din.
"Bakit parang may gusto kang sabihin ko?" tanong ni Rayne.
"Uy, wala, ah! Gusto ko lang magkwento ka. Wala na ba talaga?"
"Lesbian-related?" Naghintay ng sagot si Rayne ngunit tingin lang ni Kaye ang naging kasagutan. "May college schoolmate ako. . .si Mik. Mikaela tuwing umaga."
"Babaeng-babae."
"Alam mo feeling ko sinasadya sa inyo 'yan. Kung sino pang babaeng-babae ang pangalan. . ."
". . .kami pa ang may gusto sa mga kapwa babae rin."
"Yes! Pansin ko lang, ha."
"Naiisip ko rin 'yan. Maswerte na kung pang neutral ang pangalan like Alex—wait, wait, wait. What about Mik?"
"Wala naman."
"Hindi nga? Tell me."
"Sobrang simple lang. Transfer student ako sa school tapos napansin kong may schoolmate akong nag-follow sa akin sa tumblr. Nalaman kong si Mik 'yon, akala ko lalaki kaya nawindang ako paano niya nalaman 'yong hidden blog ko. Then, nakita ko siya sa personal so nalaman kong ayon nga, gan'on siya, babae talaga. Tas nilaglag siya ng mutual friend namin, na crush nga raw niya ako."
Ngumisi si Kaye. "Ang daming nagkaka-crush sa 'yong lesbian."
"Feeling ko nagkakataon lang."
"You've been mentioning 2 lesbians already."
"Sabi mo any experience related to lesbians!" Tunog defensive ang boses ni Rayne, natatawa.
Tumawa si Kaye. "Yes, yes. Then, Mik made a move?"
"Siguro ang move lang niya is 'yong finollow niya ako sa tumblr tapos nung nalaman niyang nalaman ko existence niya, bigla niya akong in-unfollow."
"What? Bakit naman?!"
"Sabi sa akin ng mutual friend namin, nahihiya raw sa akin."
Ngiting-ngiti si Kaye, hindi malaman ni Rayne kung bakit.
"Ah, tapos mayroon pa," panimula ni Rayne. "Ito na siguro 'yong pinaka move niya."
"Ni Mik?"
Tumango si Rayne. "Bale, nasa caf ako n'on sa school tapos napansin ko 'yong grupo nila Mik sa kabilang table. May hawak na camera si Mik. 'Di ko na nga sana papansinin kaso nakatapat sa akin 'yong lens. Biglang lingon sa ibang parte si Mik, eh. Pero 'yong lens niya, nakatapat pa rin sa akin. Nag-click."
"Ikaw pala ang artistahin," ani Kaye. "May paparazzi!"
"Pampalaki ng ego ko."
Tumawa silang dalawa.
"Tsaka alam ko may girlfriend din 'yon, eh."
Napakunot noo si Kaye, hinagod ang buhok patalikod. "Ang lapitin mo sa mga may girlfriend."
Natawa si Rayne. "Hindi naman kami close. Happy crush lang din ata 'yong kay Mik, siguro dahil wala sa school 'yong girlfriend niya, ako binalingan ng pansin."
"Sino bang hindi mapapabaling?"Lumawak ang ngiti ni Kaye. "Buti pa ako, single."
"Putek, Kaye Cal!"
"What?" natatawang ani Kaye. "At uy, alam mo surname ko?"
Natigilan si Rayne sandali. Napakunot ang noo at tila may inisip. Napalunok siya at napangiwi. "Uhm, hindi ba sinisigaw ng mga fangirls mo?"
"Really?"
Tumango lang si Rayne, saka uminom ng margarita at kumain ng mozzarella stick. Iniba niya agad ang topic. "May mga kaibigan rin akong tomboy rin n'ong highschool, 'yong isa, si Rubi - tas 'yong isa, Cathy tawag ko sa kanya, tapos friends lang kami. So, I guess, hindi naman lahat napapabaling," aniya, in-air quote pa ang huling salita.
"Sure ka ba? Magaling magtag—"
"Sure. Tsaka may girlfriend si Cathy noo.. Nagagalit nga sa akin dahil malapit daw ako sa kay Cathy. Medyo clingy kasi ako, nangyayakap sa braso kapag naglalakad, pero walang malisya 'yon, ha."
"Baka may malisya kay Cathy." Napahimas sa baba si Kaye, nagpapanggap na nag-iisip.
"Wala! Promise!"
"You will never know. Natanong mo ba?"
"Ha?" Napaisip bigla si Rayne, napa-trip to memory lane. "Hindi, wala talaga. As in. Pero may malisya d'on sa girlfriend. Sinabihan ako ni Rubi noon na kapag kinakamusta ako ni Ronnel sa kanya, real name nung girlfriend—ang sinasabi is, kumusta na 'yong kaibigan mong kasing puti ng chalk."
Tawang-tawa si Kaye rito.
"Hindi ko sure kung mao-offend ako o mafa-flatter na kasing puti ako ng chalk sa tingin niya."
"Kasing puti ng nyebe," nakangiting sabi ni Kaye, hahawakan sana ang ilang strands ng buhok ni Rayne pero hindi na itinuloy. "Quick question, Rayne. I just wanna ask kung may difference ba sa 'yo kung magkaka-crush sa 'yo ang mga guy at lesbians?"
"Oh." Napakurap si Rayne. "Nice question. Weird, pero nice."
"May differences ba?"
"Sa tingin ko mayroon. . .? Kapag lalaki ang nagkaka-crush, ang normal ng feeling? Ito kasi 'yong natural, eh. Lalaki, nagkaka-crush sa babae. While kapag babae o lesbian siguro, nakakapanibago? Nakakataas ng ego? I think. Para sa akin, ha? I guess."
"Sobrang unsure ka d'on, ah. Parehas lang naman 'yon, ah. A guy and a lesbian, crushing on a girl," ani Kaye. "Like you."
"Tulad ko talaga?" natawang ani Rayne. "Sa inyo siguro ang normal na n'on kasi sanay na kayo? Iba pa rin ang feeling sa akin bilang babae talaga kasi hindi naman normal na may lesbian na aamin na crush ako? Nakukuha mo ba ako? Ang weird na ng pinagsasasabi ko, promise hindi 'to pang pampataas ng ego."
"Yes, yes. I get it," sabi ni Kaye. "Hindi mo kailangan maging defensive, Rayne."
Tumawa si Rayne, pabirong siniko si Kaye.
"Naiisip ko lang naman, may mga girl standard ang babae. Kaya kapag nagandahan sa 'yo ang kapwa mo babae, may wow feeling na uy, pasado ako sa taste ni ategirl."
Kaye pouted. "But hindi kami ategirl. More on, kuyagirl."
Tumawa si Rayne. "Or Ateboy."
Nagtawanan ulit.
"O siguro hindi ko lang binibigyan ng malisya."
"Talaga? Bakit naman?" ani Kaye. "When a lesbian likes you, like, really likes you - parang normal lang din sa mga straight crush stories. There's always malice kahit kaunting ngiti lang, dikit ng balat or kahit tinginan lang."
Nakailang kurap si Rayne kay Kaye. Bigla siyang kinabahan.
"Teka lang nga," aniya. "'Yong tungkol sa kanina pala. . . Sa pagiging lalaki, sa pagmamahal," balik ni Rayne sa kaninang pinag-uusapan bago pa napunta sa lesbian-related stories.
"Uy! Grabe! Akala ko nakaiwas na ako sa question na 'yan?"
"Never. Kahit ikutin pa natin ang lahat ng topic, babalik tayo rito. Sabihin mo na. Masyado ka nang maraming tanong at nalaman sa akin. My turn!"
Bumuntonghininga si Kaye nang nakangiti. "Okay, I've been telling to myself that this doesn't bother me anymore but it does. Paminsan-minsan," pagsisimula nito." Siguro kapag naging tunay akong guy, mas magiging madali magmahal ng babae. Dahil sabi mo nga at ng lahat, normal ang lalaki at babae."
"Alam mo, may mga kakilala akong. . . tomboy," pag-iingat na sabi ni Rayne. "Hindi naman nawawalan ng girlfriend. Most likely nga, sila pa 'yong mag-syota sa school na sobrang nagtatagal."
"Mga loyal talaga kami. When we get in a relationship, for the long run na. Hindi kami nag-te-taste test."
"Ay, hindi rin. May issue nga n'ong highschool na inano nung tomboy 'yong isa naming schoolmate, higher year ata sa amin na babae sa CR ng girls tapos iyak nang iyak 'yong legal na girlfriend n'ong nalaman. Minsan nga, pumasok sa school 'yong girlfriend nang may hawak na cutter, nilalaslas ata 'yong wrist niya."
"Wait. Anong inano?"
"Inano."
"Inano?"
"Alam mo, huwag na nating banggitin pa kasi sabi ko sa 'yo, 'di ba? Rated PG."
"PG na? Kanina G lang, ah?"
"Lumalala habang lumalim 'yong madaling araw, eh."
Nagtawanan.
"Eh, ano nga yung inano—"
Tinapat ni Rayne ang kamay sa mukha ni Kaye. Napapikit pa ito, akala iha-high five siya sa mukha. Unti-unti, binaba ni Rayne ang mga daliri pwera sa gitna at napahawak na lang si Kaye daliri ni Rayne habang tumatawa, pinipigilan ito sa pag-middle finger.
"Gets, gets. Sige, okay na. Gets ko na."
"Gusto mo pa atang dine-demonstrate. Rom-com lang tayo, hindi erotica."
"Ay, akala ko ba. . .?"
"Kaye!" Nanlalaki ang mata ni Rayne.
Natawa si Kaye. "Isa pang tawag mo sa name ko. . ."
"Ano?"
"Wala. Gusto ko 'yan. Sige lang, tawagin mo lang name ko."
Kagat-labing umiling si Rayne, pinigilan mangiti.
"Anyway, doon sa kwento mo, all I can say is, pare-parehas lang din talaga lahat. Kung toxic 'yong tao, toxic talaga. Kung nasa personality niya ang pagiging flirt, sexual orientation or gender identity won't matter anymore."
"Pero matagal na 'yong tomboy at girlfriend, ah. Kahit medyo shitty relationship sila. Tapos 'yong tomboy, nagpa-surgery siya after graduation ng college. Nagte-take na ng pills."
"So he's a trans man at hindi lesbian? That's good for him."
"Him. . ."
"Bakit?"
"Wala, nakakailang lang dahil Alyssa pangalan niya n'ong kaklase ko siya n'ong grade 3."
Natawa si Kaye. "Alyssa pa rin ba tawag niya sa sarili niya ngayon?"
"Hindi! Raki na. May bigote at balbas na nga siya before, eh."
"Before?"
"Namatay siya. A few months ago lang."
Natigilan si Kaye, nawala ang ngiti. "Dahil nagpa-trans siya? Hindi naman nakakamata—"
"Pnuemonia raw sabi sa Facebook status."
"Oh. Sorry."
"Ano ka ba, okay lang. Hindi kami super close. Chinika ko lang talaga sa 'yo. Mabalik tayo sa 'yo, ha? Sorry nalayo na naman ang topic pero ito nga, mahirap ba talaga magmahal ng babae?"
Tawang-tawa si Kaye sa biglaang ikot na naman ng topic. Pabalik-balik sila. Ang kulit.
"Madaling ma-attract. Madaling ma-in love. Wala kang laban once tumibok na talaga. Kapag may feelings na, mahirap na talaga makaahon. But ang pinaka mahirap is 'yong love mo siya tapos gusto mong i-love ka niya sa kung paano mo gustong mahalin pabalik. Basically, it's hard lalo na sa pagiging selfish mo kapag tinamaan ka na."
"Tapos, hindi mangyayari?"
"Dahil straight sila, bali ka," ani Kaye. "Which is same pa rin naman sa lahat although iba pa rin talaga ang experience ng lesbians? Kaya sabi ng, isa sa mga panata, a warning: never-ever even try falling in love with straight girls. Lesbians - we - can't change them. Kahit enjoy pa ang challenge, kahit patulan pa sandali."
Napainom ng alcohol si Rayne. Masyado na ngang lumalalim ang usapan.
"At the end of the day, talo pa rin kami once we're deep in the water. The truth will always resurface: hindi kapwa babae ang hanap ng straight na babae. Especially the intimate side of the relationship."
Natahimik sandali si Rayne, hindi alam ang sasabihin. Napahawak na lang tuloy siya sa balikat ni Kaye at tinapik ito. Mga tatlong beses.
"Iiyak mo lang 'yan."
"Grabe 'yon! Magtanong ka na nga lang."
"Iniiwas 'yong topic, oh."
Lalo itong tumawa. "Baka gusto mong magkaroon ng iyakan session, Rayne? Hindi na Wild Confessions, magiging True Love Conversations na. Char."
"Baka pagalitan ako ni Papa Jack kapag kinwento ko sa kanya ang buhay love life ko," natatawang sabi ni Rayne. "Or lack thereof."
"Ako na lang—I mean, sa akin mo na lang i-kwento."
Natawa si Rayne. "Alam mo, magtatanong na lang ako sa 'yo. Sinong biggest guy crush mo?"
"Lee Min Ho."
"Ang bilis! Sobrang no brainer ba 'yan?"
"Wala, eh," natatawang ani Kaye. "Iba si Lee Min Ho."
"Sobrang iba? Paano kung niligawan ka niya tapos—"
"Hindi sa ganoong way. Iniisip mo bang kapag niligawan niya ako, magshi-shift ako ng orientation? Siguro mas prefer kong ibigay na lang niya sa akin 'yong kapogian niya para mas masaya."
Natawa si Rayne. "Basically, guy crush lang. Hindi siya intimate crush?"
"Oo naman."
"So, walang lalaking makakapagpabalik sa 'yo sa dati?"
Tumawa si Kaye. "Paanong dati?"
"You know. . .oh god, nagiging offensive at insensitive na ata ako."
"Sige, okay lang. Sabihin mo. No filters, I can manage. Sa 'yo pa ba?"
Huminga muna nang malalim si Rayne, tila nag-ready pa. "Lalaking makakapagbalik sa 'yo sa dating ikaw."
"Paanong dating ako? Babae ba tinutukoy mo?"
Tumango si Rayne bilang sagot, uminom pa sa baso para hindi masyadong intense ang eye contact.
"Babae ako sa anyo. Noon. Actually, medyo lang dahil mukha rin akong lalaki since I was kid. But technically, hindi ako naging babae talaga."
"What do you mean?" Natigilan si Rayne. "Tingnan mo, napapa-English na rin ako."
Nagtawanan sila.
"I mean, since nagkamalay ako, sa girls na talaga ako nagkaka-crush. Na-a-attract. Nagkakagusto. Na-i-in love. Walang questioning ng pagkagusto talaga. Sa pisikal na anyo naman, syempre there's this fluidity na hindi ma-sure kung babae ba ako o lalaki unless pagsuotin ako ng dress ni mama na iniiyakan ko pa."
Humarap nang tuluyan si Rayne kay Kaye, ang isang paa ay nakataas sa upuan. Pagilid na nakasandal sa sandalan.
"Seryoso?"
"Seryoso."
"As in, namulat ka na lang, 'yun na 'yon?"
"Yes."
"Walang pangungwestyon talaga?"
"Nagkaroon n'ong nagkamalay na akong ang babae ay para sa lalaki lang daw," anito. "Sabi nila."
"Nila. . ."
Tumango si Kaye. "Ibang tao. Mga nasa paligid. Church. Even family."
"Tapos, never kang na-attract sa lalaki?"
Umiling si Kaye.
"Never nagka-crush?"
"Hinahangaan ko sila sa galing. Mga idol ko."
"Tulad nino?"
"Sir Nyoy Volante at Mr. Gary V. Sobrang fan ako."
Ngumiti si Rayne. "So, fangirl ka nila."
"Fan," natatawang ani Kaye. "Para neutral."
"Kahit ligawan ka nila?"
"Uy, grabe. May asawa na si Sir Gary V!"
"Ay, umaasa ka talaga?" natatawang sabi ni Rayne.
Tumawa rin si Kaye.
"Eh, boyfriend, nagkaroon ka na?"
"Never pa!"
"As in?"
"As in."
"Kahit kaunting muntikan lang?"
"Wala talaga, Rayne." Humarap na rin si Kaye at sinandal ang gilid ng katawan at ulo sa sandalan. "Ni katiting."
"Walang nagbalak manligaw?"
"Nanti-trip."
"Walang seryoso?"
Doon natigilan sandali si Kaye kaya naging daan ito para mas umusisa si Rayne. No filter naman daw, push na.
"Mayroon, no? May na-in love sa 'yong lalaki?"
Tumawa si Kaye sa narinig. "Na-in love talaga 'yong term?"
"Ano bang dapat term? Na quote unquote infatuate?"
Mas lumala ang tawa ni Kaye. "Siguro, nahumaling. Nagka-interest? Natuwa?"
"Na-fascinate," nangingiting sabi ni Rayne.
Ngumiti rin si Kaye. "Pwede 'yon."
Isinandal na rin ni Rayne ng gilid ng ulo sa sandalan. "Fascinating ka pala."
"Asar na asar nga ako noon."
"Bakit naman?"
"Nakakaasar lang. Nung dati, ah? Kapag may nagsasabing crush ako ng mga lalaki, pumipitik talaga ako. Parang nang-aasar lang dahil alam naman nila kung ano ako. Kulang na lang mag-super saiyan o wolverine ako sa sobrang galit sa mga gan'on."
"So basically, binu-bully ka nila."
"I guess so? Although, madalas akong makisali sa kalokohan at matangkad din sa karamihan kaya walang masyadong bumabangga sa akin. Isa pa, kumakanta at tumutugtog ako kaya madalas nakaka-jamming ko sila pero may kaibigan ako noon na mainit ang tingin nila, laging pinagti-trip-an."
"Ano rin siya?"
"Oo, parang ako. Magkakaibigan kami sa school, tawag pa nga nila noon sa amin: T-Boys."
Tumawa si Rayne pero natigilan nang ituloy ni Kaye ang sasabihin.
"Pang-asar nila," seryosong ani Kaye. "Hindi nakakatuwa."
"Hala!" Natigilan si Rayne. "S-Sorry, akala ko—"
"Char! Okay lang. Naka-move on na ako d'on. Ilang years na ring nakakaraan."
"Gurang ka na, eh."
Tumawa lang si Kaye.
"So, may nagkagusto sa 'yo noon na mga lalaki tapos nagagalit ka," ani Rayne. Tumango si Kaye. "Eh, ngayon? Nagagalit ka pa rin?"
"Ngayon. . ." Napahawak muli sa baba si Kaye, hinihimas ito. "Okay na rin. I guess, natatanggap ko na? Nakaka-flattered minsan dahil alam mong genuine 'yong sinasabi nilang crush and not because of bullying. Nakakatuwang may na-a-attract sa akin at. . .iniisip. . . nilang maganda. . .ako?"
"Ba't parang hindi ka na sure?"
"Hindi na rin ako sure sa sinasabi ko, eh."
Tumawa na rin si Rayne. "Paano kung lalaki, nagka-crush sa 'yo pero hindi sila nagandahan. Napogian sila sa 'yo."
"Ay."
"Lalaki pa rin kaya sila dahil technically, you're a girl?"
"Mahabang debate 'yan sa youtube comments ko."
Tumawa si Rayne. "Talaga?"
"Yes. Nakikita ko. Hinahayaan ko na lang."
"Nakakakilig ba kapag nagkaka-crush sa 'yo mga lalaki hindi dahil maganda ka kundi dahil gwapo ka?"
"Okay lang? I guess?"
"Ba't parang ayaw mo?"
"Mas nakakakilig 'pag babae, s'yempre!"
Tumawa si Rayne. "Ang genuine ng kilig sa ngiti mo, no?"
Imbis na itago, mas lumawak pa ang ngiti ni Kaye. "Paanong genuine kilig?"
"Wala. Ramdam lang sa ngiti na natutuwa ka talaga kapag may nagka-crush sa 'yo."
"Na babae."
"Oo. Pag babae."
"Awkward nga lang ata ako mag-smile."
"Anong awkward? Ang ganda kaya ng ngiti mo! Ang natural," tuloy-tuloy na sabi ni Rayne. "Hindi sa tinititigan ko smile mo, ha. Tsaka, ano pa tawag sa akin kung awkward ang sa 'yo?"
"Yie. Nambola pa. Cute nga sa 'yo, eh. Smile ka nga d'yan. Isa lang."
Napasimangot si Rayne. "Hindi kaya."
"Oo, ah. Lalo na kapag pinagmamalaki mong mayaman ka."
"Mayaman?"
"Pinapakita mo 'yong braces mong kasing nyebe ng buhok mo."
Pinalo ni Rayne sa braso, natatawa. "Hindi kami mayaman. Kung mayaman kami, dapat high school pa lang may braces na ako. Eh, 23 na ako – ngayon lang ako nag-brace. Swerte mo nga maayos 'yong ngipin mo, oh. Naks, ganda ng ngiti. Ganda babae."
"'Di ba sabi ko naman sa 'yo, huwag mong tinatawag sarili mo?"
Napailing si Rayne, tumikhim.
"But seriously," ani Kaye. "Cute ka nga."
Natigilan si Rayne.
Napalunok si Kaye.
"I mean, you have a cute awkward smile." Natigilan, parang may mali. "Hindi ko sinasabing hindi ka cute in general cause you ar—nahawa na ata ako sa 'yo," natatawang sabi ni Kaye. "Nalalasing na ata ako."
"Weak."
Biglang natawa si Kaye, napaupo nang maayos. "Ako ang weak? Gusto mo bang i-testing natin? Hard liquor?" Nagtaas na ito ng kamay, nagtawag ng waiter.
"Teka lang naman koya hinay lang."
Pagkalapit ng waiter, pinigilan ni Rayne magsalita si Kaye at nanghingi na lang ng dalawang baso ng tubig.
"Hindi tayo malalasing sa tubig, Rayne."
"Dahil hindi naman tayo magpapakalasing. Wala ka bang gagawin bukas?"
"Mayroon."
"Tapos maglalasing ka ngayon? Tsaka sinong magbubuhat sa 'yo kapag nalasing ka?"
"Ang tanong, saan kita iuuwi kapag nalasing ka. Sa akin?"
"Anong sa 'yo?"
"Sa condo ko?"
(Hindi malaman ni Rayne kung lowkey kinilig ba siya o natakot sa idea.)
"Char!"
"Char lang? Muntik ko nang seryosohin," natatawang ani Rayne.
"Talaga? Try natin—" Itataas na sana ni Kaye ang kamay para magtawag ulit ng waiter pero hinawakan agad ito ni Rayne at ibinaba. Nagpupumiglas pa si Kaye.
(Nakakatawa lang na pwede naman nito gamitin ang isa pang kamay pero gustong makipag-struggle, eh 'di sige. Landi pa more.)
"Teka lang, teka. Seryosong hindi ako pwedeng mag-inom ng marami. Allergic ako sa alcohol."
"Seriously?"
"Oo. Feeling ko namumula na mukha ko, nag-iinit na pisngi ko, eh."
"Grabe 'yon, Rayne. Huwag kang kiligin."
"Hindi ako kinikilig!" Hindi sa point na 'to! Mga kanina, ganern. Hihi.
Napakamot si Rayne sa naiisip.
"Akala ko ba hindi tayo erotica," tanong ni Kaye. "Ba't may pag-iinit na pangyayari?"
"Kaye!"
Tawa ito nang tawa. "Sorry, sorry. But kung allergic ka talaga, bakit ka umiinom?" Inilayo ni Kaye ang baso kay Rayne. "Bakit hindi mo sinabi agad? Okay ka lang ba?" Inilapit pa nito ang likod ng palad sa noo niya. Sa leeg. Sa pisngi.
"Wala akong sakit, ano ka ba. Hindi naman siya sobrang malala pero mabilis akong mamula. Tapos kapag sumobra, nagiging pantal akong tinubuan ng tao."
Natawa roon si Kaye. "Eh, 'di huwag na tayong uminom."
"Ayos lang. Ubusin natin, sayang naman."
Iiwas pa sana ni Kaye ang baso kay Rayne ngunit hindi na sila nagtalo pa. Inisang lagok ni Rayne ang alcohol sa baso para maubos na. Nagkaroon ng katahimikan sandali bago ito binasag ni Kaye. Umihip pa ito nang napaka lalim na hininga.
"Alam mo, I think you deserve the truth."
Kinabahan si Rayne. "Anong truth?"
"About this. . . actually, there's this guy. . ."
Nanlaki ang mata ni Rayne. Pakiramdam niya ay nabigla siya kahit wala namang dapat ikabigla dapat. After all, babae pa rin naman si Kaye. Tindig lalaki lang. Pusong lalaki lang. Halos overall lalaki lang.
"Anong guy? Ha? Bakit? Anong meron sa guy? Sinong guy?"
Seryoso ang mukha ni Kaye, tiningnan siya sa mga mata, nangungusap.
"He was the first man who made me cry. . . Rex."
▬▬▬▬▬▬▬▬▬▬▬▬
Asexual
● Under the sexual orientation: asexuality.
● Indibidwal na hindi sexually attracted sa kahit na sino pero pwedeng romantically, emotionally o aesthetically attracted sa iba.
● They can fall in love or even have sex (same or opposite), get aroused or masturbate pero hindi lang sila into the need to have sexual intercourse with others.
● Pwedeng maging asexual while being straight, bi, gay, lesbian (again, this is because asexual aren't into the sex part of life lang, they can still fall in love, have sex (kahit hindi sila into it), like someone, have a crush, consider marrying etc)
see also: aromantic (not interested to anyone romantically)
▬▬▬▬▬▬▬▬▬▬▬▬
Official hashtag: #LS4N1
Wattpad: pilosopotasya
Twitter: @ulaaaann
Instagram: @screenshots.ni.rayne
Ask.fm: @plsptsya
Facebook Page: Pilosopotasya (fb.com/plsptsya)
Readers FB group: Saksi ni Pilosopotasya
Online FB Shop: Stuff by Ulan (fb.com/UlanStuff)
Email: plsptsya@gmail.com
⚢ random gif of the chapter ⚢